قال إيــــه ... حقــوق المرأة ... قــال ..

ما يرفع ضغطي شي مثل كلمة حقوق المرأة وبالذات في السعودية ...وهذه المشكلة طلعت

متى ..بعد 11 سبتمبر ...سبحان الله يعني كانوا من ألف واربعمائة سنه نايمين وفجأة كذا

صحيو وقال ..وه ..ياندامه :D ..إيش هذا إحنا لينا حقوق ..ياختي ..ياختي ..ياختي ومثلا..

.الإنتخابات البلدية ليه ما نشارك فيها وليه ما نروح هناك.. ونرقع بالصوت


يا عمي ...حلال عليكم البلدية كلها..يعني إيش تبغوا في وضع ضوابط إصدار الرخص لمحلات

الحلاقة ...مثلا ..ولا سفلتة الشارع إلي يودي على بيت أم إبتسام...المسكينة شعرها

بيتنكش...ولا ليه الشارع الفلاني ما فيه كوافيرة مغربية وكل الي فيه مصريات...يا أختي

ريحي راسك.. اذا كثير من الرجال ما انتخبوا أحد... بالله عليكي حتسيبي بيتك وعيالك

وشغلك... علشان تناقشي مشروع إنتخابي .... والله من فضاوتها... طيب قولوا لوحده

زواج أختها الليلة.. بلاش تروحي للكوافير اليوم يا مدام وتعالي سوف نناقش حقوق المرآة

و سوف نتخذ قرارات مهمة وأترك لكم جوابها.إيش يكون ؟ .. يا عمي في بلدان كثير عربيه

وأوروبيه تلاقي شحط طويل عريض جالس في الباص ..وقدامه وحده في الشهر التاسع

واقفه على رجولها وواحد شايلته.على كتفها...إن الشحط يتحرك.... أبدا...إن الثور يحس ..

.لايمكن ...إشتري راسك العملية كلها دلع حريم في دلع حريم ..وأعطيكم بعض الأمثلة ....

قال حقوق المرأة قال

منظر عام


رجال محترمين زي الورد واقفين أمام صراف في بنك.... وتأتي هذه المرأة المهضومة الحقوق

تتقدم للصراف مباشرة غير مبالية بالطراطير الواقفين من ساعات وبعضهم مستأذنين من

عملهم لمدة ساعة .....طيب ليه ما توقف وراء عشرين بنغالي... وثلاثين باكستاني... وخمسين

سعودي... واثنين معقبين معاهم شوية فواتير مقاس إكس لارج وإذا أحد كلمها وقال لها تفضلي

يا أختي تصرخ وتقول ....لو سمحت المرأة مثل الرجل خليني في الطابور...ولا هي تماحيك بس ...

ونفس المنظر في الجوازات والأحوال والتأمينات...ويقدر أحد يقول إنه من ظهر أبوه يفتح فمه ..

.على طول يسمع العبارة الشهيرة ...(( عيب عليك إنت ما تستحي هذه حرمة...إنت ما عندك

أهل )) ..ويضطرالرجل أن ينثبر ويسكت............. قال حقوق المرأة ..قال

اقتصاديا


شوف الرجل... السبع... الغضنفر... المفتري...له ثوبين أو ثلاثة في السنة وامرأة بسلامتها

بقيمة أدوات ماكياجها فقط... تقدر تفتح بيها محل خياطة رجالي محترم ويا ريت تحط منه في

البيت ...بس للخرجه ...وبقيمة صباع روج ولا علبة بودره مفعوصه تساوي قيمة جواله ...وكمان

ازيدك من الشعر قصر مو بيت... من حقوقها... فستان لكل فرح... و مكياج... و كوافيرة...وجزمة

..وشنطه... وكمان خذوا هذه سابع بنت عمي ...ملكة أخت جارتنا ولازم هديه... واللطخ يدفع ..

.مو مهم هذه الفلوس جات من فين ...المهم يدفع...والدنيا ممكن تنقلب علشان موضوع مهم

وحيوي زي كده... قال ايه حقوق المرأة.. قال

نفسيا


الزوج مطالب يكون أربعة وعشرون ساعة رومنسي ومبتسم ولا يبقى جلف وإبن ستين

في سبعين ويعني إيه عنده مشاكل في العمل...ولا أقساط متأخره ولا فواتير ..ولا مقاضي

ما يعرف كيف يجيبها....والمفروض إنه يرجع من العمل وكأنه كان في شرم الشيخ... مصيف

مع نانسي عجرم.. وراجع البيت مروق.. ومبسوط ..((مجرد مثل والعياذ بالله ))

بينما هي وبكل سهولة تصحى بسلامتها الظهر...وتجد الكارثة الكبرى....يوه ...ما عندنا صلصة..

.وبكل رقة تتصل...ألو ألو ..أبو خالد موجود ممكن أكلمه لو سمحت ..الو إيوه... أنا يعني حتكون

مين يعني... المهم جيب معاك غدا... ماهو إنت يا فالح نسيت تجيب صلصة معاك أمس...ولإنه

مو فاضي.. و قرفان من العمل.. يصدق المسكين إنه هو إلي نسي ويقول بكل شجاعة .....طيب

وفوق هذا كله آخر السنه ...طفشانه ...فين حتودينا ...والله بنت خالتي راحت ماليزيا ...يا عيني

علينا إلي ما نروح غير سوريا وفي رمضان ...تعبت ..أوف ...إنت داري بحاجه... أنا أبغى خدامة..

. أنا خلاص ...ومن ثالث يوم رمضان ...مقاضي العيد... من جده ...أختي جابت ليها ملابس ولعيالها .

..إيش ..ما أقولك...وخذ مشاوير لليييييييييييل... وتقدر تنزل السوق لوحدك لو مشتهي شي...

على طول تكون مشبوه ..إيش نزلك لوحدك وسط الحريم.؟...قال إيه حقوق المرأة قال

شرعا

والله لأعطيكم على راسكم شرعا أولا موضوع للذكر مثل حظ الأنثيين لإن المرأة لها حظ من أبوها

وحظ من زوجها وغير أمها وأخوانها وأبنائها

وثانيا ...رايحين للمسجد خمس مرات جمع وجماعات حر..أو..برد..ليل ..صبح..لازم نروح...بينما

ربات الخدور تحت المكيف في غرفتها و أجرها مثلنا تماما ...ياعيني ..يا عيني..ونروح جهاد لو رحنا

أو حلقات العلم أو حتى نزور القبور وغيرها كثير ...والمرأة بسلامتها تأخذ أجر كل هذا بابتسامة

لزوجها تغنيه عن الحرام وتربيتها لإبنائها.... والله الإسلام أعطاكم كثير



والسلام عليكم ورحمة الله ...

حقوق المرأة أنها تجلس في بيت أبوها أو زوجها و تهتم في أخوانها أو تربي عيالها. :31:




كلام حقوق ما حقوق هذه طريقة لضرب المسلمين عن طريق المرأة نفس ما يقوم به بعض الفنانين و المغنين بخلع الحجاب عن الممثلات و إجازة رقص الفتيات بالفيديو كليبات.




إذا كان هذيلا الناس تتكلم عن حقوق المرأة و ين راحت عيل حقوق الرجل؟ ليش الرجل ما له حقوق؟؟



ليش بالذات يعني المرأة؟ :p

مشكور على التعبير ^__^

لا تعليق ^_~

اقتباس:

---

صحيو وقال ..وه ..ياندامه :D ..إيش هذا إحنا لينا حقوق

---

ههههههههههههههههههههههههههههههههههههههههههههههههههههههههههههههههههههههههههههههه

صادق والله كل كلامك صحيح 100%
ايه كذا الكلام
مشكــــــــــــــور ^ ^

شوف يا أخوي الغامـــدي .. لو شفت أنسان ناجح في أي مجال من المجالات رح تنتقد إيجابيته بالسلبيه

فهم يعرفون إنه المرأه معززه ومافي حقوق لها غير إلي ربنا عطاها إيــاها " حقوق كـــامله ما ينقصها ناقص "

فهم يتحسبون إنهم يمسكونه من الإيد إلي تعورنا ما يعرفون إنه هذا يزيدنا تمسك





مشكور على الموضوع





:)

لووووووووووووووول
لا شفيك هدي شوي المرأه لازم يكون لها حوق مثلكم

لو أن أهل البنت موفرين لها الحياة السعيدة في ظل تربية إسلامية ما بتعارض و بتقول ما لي حقوق.



فهذا يعتمد على التربية و هل أهلها موفرين لها الحقوق أو لا. مثلاً من واجب ولي الأمر أنه يستشير البنت إذا أحد طلب إيدها. ما يزوجها غصب عنها.



في تلك اللحظة يمكن البنت تعترض و تقول مش من حق ولي أمري يجبرني على الزواج من شخص أنا ما أريده.



لكن أنها هي لو مثلاً تريد تشتغل في مكان مختلط و أهلها مش راضيين. في ذلك الوقت من حق الأهل أنهم يعارضون و مالها حق أنها تتكلم و خاصة لو والديها رفضوا. :أفكر:



هذا و الله أعلم.

تسلمولي على ردودكم الحلوة والله يعطي كل واحد فيكم العافية ، شاكر لكم تواصلكم

وتعليقاتكم الجميلة .

تسلم أخوي الغامدي على الموضوع الرائع

والله انا أرشحه يكون من المواضيع المميزة لمنتدى المرأة :biggthump


ومثل ما قلت........

قال حقوق المرأة قال :vereymad:



مشكور اخوي وماقصرت :ciao:

مشكور اخوي عالمجهود الطيب ...

بس ياخي في حقوق للمرأة مافي أحد يقدر ينكرها ..
مثل انها تشتغل وتوفر لأهلها المال والحياة الكريمة..

انا مادري ليش انتو يالشباب تنقهرون من كلمة حقوق المرأة ...

بس بعد انا ضد ان المرأة تكون طيارة أو وزيرة ,,, هذي المناصب للشباب ,,
يعني انا ما اشوف فيها شي لو ان كان للمرأة حقوق

والسموووحة

اختي المستشارة


محد ينكر ان المرأة لها حقوق
وأنا أتفق معاج في أن المرأة لها حق العمل "في المكان اللي يناسب طبيعتها ودينها"

بس انا اعتقد ان كاتب الموضوع ما كان يقصد ان المرأة ما لازم تطالب بحقوقها

هو كان يقصد ان المرأة مالازم تطالب بحقوقها لأنها أساسا ً ماخذة حقوقها وزيادة بدليل الأمثلة اللي قالها واللي احنا كلنا نعيشها سواء في السعودية أو في الكويت أو في أي دولة من دول الخليج....





خليني أعطيج أمثلة من واقع الكويت

النساء الحين خذوا حقوقهم "أقصد حقوقهن :D " السياسية مؤخرا ً

طيب ليش؟؟؟؟
عشان تصير المرأة مساوية للرجل؟؟؟؟

طيب اللي تبي انها تصير مساوية للرجل ترضى تشتغل شرطية وتسوق الدورية وتقبض على المجرمين بأنصاف الليالي؟؟؟؟
والله المجرم هو اللي راح يقبض عليها :jester:



واللي تبي تصير مساوية للرجل ترضى انهم ياخذونها التنجيد الإلزامي وتتدرب "عشان يصير عندها عضلات مثل رامبو :09: " وتحلق شعرها عالصفر؟؟؟؟؟؟ :blackeye:

مسألة حلق الشعر بروحها راح تخليها تفكر الف مرة قبل لا تقبل بمساواة الرجل مع المرأة :jester:



اللي حابة أوضحه ان المرأة ماخذة حقوقها وزيادة لأن الإسلام كفل لها هذا الحق من زماااااااااااااااااان

واللي يطالبون بحقوقهم "أقصد حقوقهن :biggthump " بصراحة ماعندهم سالفة....... وهذا مع احترامي للجميع كله دلع وكلام فاضي :o

مشكورة اختي توووتا ... الظاهر انا فهمت كاتب الموضوع غلط ...

السموووووووووووووووحة :sad2: :sad2: :sad2:

ما قصدت شي .

اقتباس:

---

شوف الرجل... السبع... الغضنفر... المفتري...له ثوبين أو ثلاثة في السنة وامرأة بسلامتها

بقيمة أدوات ماكياجها فقط... تقدر تفتح بيها محل خياطة رجالي محترم ويا ريت تحط منه في

البيت ...بس للخرجه

---

ههههههههه والله انك صادق
والموضوع لو بيدي اثبته ثبته

اقتباس:

---

واللي تبي تصير مساوية للرجل ترضى انهم ياخذونها التنجيد الإلزامي وتتدرب "عشان يصير عندها عضلات مثل رامبو :09: " وتحلق شعرها عالصفر؟؟؟؟؟؟

---

ههههههههههههههه
يعطيك العافيه ياتووووته
لووووووووووووول

والله انكم صادقين
بس ليه الزعل ياشباب لما تسمعوا هالكلمه اصلا البنات عجبهم الحال كذا
واللي يطلعون في التلفزيون ما يمثلون غير انفسهم
وشكراااااااااااااااااااااا

الاسلام كفل للمرأة حقوقها كاملة
وفي حقيقة الأمر في الغالب تكون مسلوبة هذي الحقوق اللي شرعها الله عزوجل
وليست الحقوق اللي يتكلم عنها أعداء المرأة

بس عندي نقطة اذا المرأة بتتصرف وتتكلم مثل الأمثلة اللي ذكرتها
فهذا نتيجة البيئة اللي عايشها فيها يعني هذي تربية أهلها
وهي نفس البيئة اللي فيها أبوها وأخوها وعمها وخالها وزوجها وولدها
يعني كلكم في الهوا سوا

مشكور اخوي على الموضوع الحلو بس انا مع حقوق المرأة لان في اشياء وايد من حقوقها مو ماخذتها مو مثل ما انتا تقول بعدين الاشياء الي انتا حطيتها اشباب تمنع المرأة من انها ترشح نفسها اسمحلي اهيا اسباب ما لها اي اهمية يعني مثل ما المرأة تنعزم لعرس حتى الرجل ينعزم لعرس بعدين المرأة الي متربيةتربية عدلة و في جو اسلامي اهيا الي تعرف حقوقها و صحيح ان الله اعطى المرأة حقوقها لكن البشر اهما الي يفرقونبينها و بين الرجل و بالاخير احب اقولك الي ايده بالماي مو نفس الي ايدة بالنارمو نفس الي ايدة بالماي والحمد الله والشكر ان احنابالكويت اخذة المرأة الكويتية حقوقها و هذافخر لنا بعدين احنا ما قصدنا بالحقوق مثل ما قال الاخ رفض الحجاب والتعري بالعكس احنا نطالب في حقوقنا في حدود الاسلام

شو حقوق المرأة

المرأة مكانها الطبيعى البيت وتربية الاولاد وتهذيبهم وأن تجعل المنزل هادئا مرتبا

انما تقولى : بدى اشتغل واثبت وجودى ، اشتغل شرطية ولا رائدة فضاء .. كلام خرابيط

والله ما في اي دولة مقصرة في حقوق المرأة ........

على قولتك دلع في دلع:09:


اصلن بوجود الرجل المرأة لازم تنثبر وتسكت.....:o

مشكور أخوي الغامدي على موضوعك

بسم الله الرحمن الرحيم

اذا هذي فكرتك ياخوي عن المرأة يعني مكياج وملابس ودلع وهالحجي الفاضي ، فمو غلطتك اذا هذيل الحريم اللي تعرفهم !!
القصد بحقوق المراة تختلف من مكان لمكان... وعندنا هني حقوقها اللي الله سبحانه وتعالى اعطاها...
يعني اذا انت مثل ما تقول.. معززين المراة وما عندها غير سوالف المكياج ومضيعة الوقت ، وكل شي على الزوج فهذا ما يعني ان كل الناس جذي ، اذا خواتي واخواني اللي ردو قبلي قاعدين بأحضان امهم وابوهم واي شي يآمرون فيه عندهم... فخلاص؟! يعني باقي البنات والحريم كلهم عايشين جذي؟!! اذا هذا تفكيركم فانتو غلطانين.. مو كل حرمة لها ريال يصرف عليها باحترام ولا كل حرمة عندها عيال وزوج ...
المسالة كلها مسالة اختيار.. اذا انتي ما تبين تصيرين طيارة او وزيرة فوحدة غيرج تبي تصير.. وكل وحدة كيفها واذا انت ما تبين تصيرين رامبو وتحلقين شعرج فوحدة غيرج موافقة بهالشي.. يعني بالنهاية كل واحد يسوي اللي يبيه مدام ما قاعد يؤذي غيره وبالنهاية الله سبحانه وتعالى هو اللي يحاسب.
واللي يبي يتنازل عن حقه كيفه، بس مو يصوت ضد حق غيره او يتنازل عن حق غيره والساكت عن الحق شيطان اخرس
ومرة ثانية اقول ...اذا بعضكم مرتاحين فمو كل الناس مثلكم فلا تخلون جهلكم باللي قاعد يصير بغيركم يخليكم تظلمونهم.. مو قصدي اتفلسف عليكم، بس انا ابوي محامي واعرف منه اللي يصير بناس وايد وحريم وايد ينظلمون من اهلهم من ابائهم واخوانهم وازواجهم لانهم يدرون ان محد لهلبنت ... والسالفة مو سالفة جم بنت ولا جم حرمة بالعكس في الاف الحريم اللي يعانون.
وحقوق المراة اللي نبيها هي الحقوق اللي الله سبحانه وتعالى عطاها للمراة. والاسلام وفرها لها. ولو المراة مو محتاجة لها مثل ما البعض يقولون فليش الله بيعطيها لها وهو سبحانه ما يسوي شي عبث.
وسلامتكم:D
سوري طولت عليكم
مشكور اخوي على الموضوع:)