اعجبتنا السالفة......ثاني اسبوع (على التوالي) نجتمع في كوكب الرياضة...شوفوا وش صار...
نبدا السالفة....
احم احم....
نبدأ بقائمة الحضور....
naf (ما يحتاج اعرفكم بنفسي....انا اوسم واحد واخفهم دم..و..و...الخ)
ديجي (ههههههههه...اليوم شكله تقولون سواق خط بلده)
ارفين (اليوم مروق آخر تروييييق.....وبرداااان)
جيت لي (ما صدق يشوف ديجي....طلع كل المعلومات اللي براسه)
خوباج الاعظم (زي ما قلنا....احلى واسطة...دخلنا غرفة الVIP)
ابو شوشة (اخو خوباج....نسخة عن اخوه....وشكله بريييييء)
مؤيد ( سمين....وشكله وروع...جا شوي وراح)
الهدية (هذا واحد جا مع ديجي...الاسبوع اللي فات قلت له الهدية..ومسكتها عليه)
اسامة (مدير المحل....وصديق خوباج.....ما قلت لكم انواع الواسطات)
2 من اصدقائي في الفصل (اثنين دقوا علي وجوا عندي...قعدوا شوي وراحوا)
عزوز (هذا عضو قادم بقوة....صديقي الروح بالروح...بس ما يقدر يشارك)
=======================
ما قلت لكم كثااااار....
المهم...اسمعوا السالفة....
الساعة 9:30 طلعت من البيت....ودقيت على الشباب عشان اعرف مين اللي بيجي....ارفين قال بيجي....وجت لي قال انه هو وخوباج وابوشوشة مسنترين في المقهى.....
انا انبسطت.....دقيت على اليكس (على بالي بيجي)....قام يصرفني....ويوم قربت من المحل...دقوا علي اصدقائي....وقالوا بنجيك وين ما تكون ((وش رايكم بالاصدقاء اللزقات))
وصلت....لقيت اصدقائي سابقيني ((ما صدقوا اقول لهم عن المحل))....وسلمت عليهم...وبعدين سلمت على خوباج واللي معه.....ولقيت جنب خوباج.....وجه برييييييئ لأبعد درجة....قلت من انت يا شاطر ((احسبه في ثاني ابتدائي))....
قال...انا ابو شوشة....قلت له وين الشوشة...قال طارت...قلت طيب....كم عمرك.....قال اكبر منك بسنة.....((والله شكله اصغر مني...بس خلقة ربي وش اسوي))...
ما امدانا نسولف...ويدخل ارفين....على باله حنا فوق ((حنا قاعدين قدام الباب...))....ناديناه وسلم علينا بعدين رقينا فوق لغرفة الVIP....قبل ما ارقا انا...اشوف وجه مألوف ((حلوة مألوف...بس خشته لا يمكن انساها))....مين هو.......ديجي ومعه خويه ((الهدية))...قلت لهم اسبقوني...وبعدين لحقتهم
انا ابتلشت باصدقائي ما ادري وين احطهم....قلت ادخلهم شوي وبعدين يصرفون نفسهم....المهم...قعدنا...((صايرين كثااااار))....
واستلموا شكل كل واحد فينا....
انا صاير كأني باكستاني جاي بطاقية ما لها داعي.....وارفين لابس لبس حلو...وصار فيه...(عسل)....
ابوشوشة وخوباج...متزينين على بالهم بيخطبون....وديجي...كأنه سواق خط بلده ((على كلام ارفين))....
وجت لي...نفس لبسه الاسبوع اللي فات...((الظاهر ما غيره من ذاك اليوم))....الهدية لابس لبس حلو....واللي يشوفه ما فيه امل يصدق انه جاي مع ديجي....
احلى ما في القعده اليوم...هو......ان سكوال مب فيه....هههههههههههه....لا...اننا صرنا نمون على بعض...خاصة ارفين...اللي انقلب 180 درجة....وقعدنا انا ويها نستهبل على كل الموجودين ((ما عدا خوباج....خايفين يطقنا))....
وديجي....فرحان بسيقانه...يرززها قدامنا.....وحنا ماسكين خط حش فيه وفي غيره....
فجأة دق الجوال....مين طلع.............BBQ.......(ما توقعناه يجي)....بس جا...وقال لنا خلوا احد ينزل لي تحت عشان يستقبلني.....
نزلنا انا وارفين.....ووقفنا عند الباب.....واسمعوا وش صار....
ارفين: الحين حنا كيف بنعرفه..؟؟
نواف: ما ادري...بس الظاهر انه دب...
ارفين: شوف هذا واحد دب جاي عندنا...
نواف: وين ما فيه شي..؟؟
سطرططاااااااح <==== صفقني على جبهتي....
ارفين: هناك يا الدلخ....
نواف: اييييييه....والله يمكن هو....بس كيف نتأكد....لو سلمنا عليه وما طلع هو....ما لها دااااعي....
ارفين: طيب شوف...خلينا نقول....((مؤيد تأخر))...عشان اذا سمع اسمه بيعرفنا...((مسوي فيها ذكي))
نواف: طيب...يله تكلم....
ارفين: اقول نواف....ما تلاحظ ان مؤيد..تأخر
الولد مطنش وماشي....
نواف: ايه والله يا عبدالله...بصراحة مؤيد تأخر
والولد قرب زيادة وما زال مطنش...
ارفين(قفلت معه) : والله ما له داعي مؤيد <=== قام يصارخ
الولد توه ينتبه.......((هلا))...
حنا سلمنا عليه...دخلنها جوا.....بعدين انا صرفت نفسي.....ورحت ولحقني ارفين....
=====================
انتهى الموضوع......تراه مختصر <==== والله من جد مختصر
واليكم بعض الملاحظات....
1- جت لي ما ترك ديجي في حاله....طلع كل المعلومات اللي براس ديجي...
2- انا وارفين ما تركنا احد ما حشينا فيه....خاصة ديجي....
3- ديجي ما كان ناوي يجي....بس هو تحدى ارفين على شي....والفايز يباشر على الثاني في كوكب الرياضة...((وفاز ديجي))
4- انا تباريت مع خوباج....وهزمني بالغش...لأن ارفين كل شوي يغطى عل الشاشة....
5- ديجي صار قليل حيا....قصدي...يمون ويستهبل.....ولبس شماغ ((على باله متطور))....
اي اسئلة...انا جاهز
