عرض للطباعة
اثناء ممارستي لهوايتي المفضلة (الاسكيت) الكثير من الناس لا يملون النظر الي بنظرات اما ساخرة او مستعجبة كاني اقوم بارتكاب جريمة امام اعينهم مما ادى الى احباطي والى ان اقصد الاماكن الخالية عندما اريد ان امارس هذة الهواية وكلما سالت صديقا لي عن هذا الشعور صارحني بانة يشعر به
من من يمارسون هذة الهواية
..... اريد ان اعرف هل في هوايتي أي شذوذ؟؟؟
مشكورين
:33: :33:
ما عليك منهم السكيت واااااااااايد حلو
لا شذوذ و لا شي
أحلا رياضيه السكيت ^^
لايهمونك
رياضة عادية مافيها شي
الاسكيت عجيب الصراحه .. خصوصا اذا تعرف اتسوي حركات ..
انا كنت العب قبل بس ودرت من زمان
عفوا بس ايش هي هذه الرياضه ارجو الايضاح للمعرفه فقط
اخوي لاشذوذ في هذه اللعبه ولا شيء
بس اللعبه غريبه شوي في عالمنا العربي
يعني نحن والفين نشوف دراجات سياكل كوره
لكن اسكيت العالم تشوفها غريبه شوي مع انه صار لها عشرات السنين
ما اعتقد كونها شذوذ أكثر من كون الناس مب متعودين يشوفون هالشي و لذلك يراقبونك
السكيت مافيه شي ... مارس هوايتك و انت مرتاح ^_^
Doel
عااااااااااااااااااااااااااااايدى ولاشئ بذات في جدة عندنا بيلعبوها كثير عند الكورنيش
خذراحتك و ورينا شطارتك نبغى نشوف حركات:biggthump
شكرا للجميع على الردود المحمسة شكلي حطلع سلطان مول اليوم باإسكيت ترى بلفتوني على الاخر
انا كنت العب قبل بس ودرت من زمان mary3
شكرا على المشاركة بس اعتقد انك سمعت الشباب ارجع العب مرة تانيه وسويلك فريق تلعب معا
اما بنسبه للعضو shrafy الاسكيت باختصار شوز تحتو عجلات عشان تتعلموا تحتاج الى الكثير من الصبر وتحمل التكسير من كثرة الطيحات:blackeye: :blackeye: ....... :09: بس في البداية
لول ذكرتني بالماضي
كان لعبتي السكيت اتذكر طحت لين ماقلت بس ويوم احترفت السكيت تركته :09:
خذها نصيحة
إذا سمعت كلام الناس وطاوعتهم والله بتتعب
بقول شغله صغيرة ( ترى اربيعك غيور او ما عنده الشجاعة )
صراحة انا اتمنى اني اتعلم الاسكيت من صغري بس ما حصل نصيب
اخوي مارس واجتهد وارفع علم بلدك عالي
ويارب تسمع النصيحة
عاشق اليوفي
kavin
اعتقد انها نظرااات اعجاب ^^
لانها هواية جذابة
سلام^^
السلام عليكم و رحمة الله و بركاته
اخي (( الاسكيت )) لعبه حلو و رياضه ممتعه طالاما اتمنيت اني العبها
خلي ثقتك بنفسك عاليه و مارس هوايتك بشكل طبيعي ...
و ياريت تفتحنا موضوع خاص بهذه اللعبه تعطينا فيه معلومات
عن هذه اللعبه ... انت و اصدقائك ... و كيف ممكن نتعلمعا
و الف شكر ..:ciao: .. و الي الامام
في امان الله
بعكس اخوي هاذي الرياضة لا فيها شذوذ ولا شيء
بالعكس تمام هي رياضة جميلة وحلوه
خصوصا اذا احترفت وتعرف تسوي فيها حركات
اقتباس:
المشاركة الأصلية كتبت بواسطة digic
fe jeddah o yegool shothooth
:blackeye:
ya shee5 ma 3aleek mn kalam alnas
a6la3 alba7r wala alta7leya kol weekends teshoof alshabab belhabal
3ala fekra
ur skate is fitness or agressive???
mine is rollerblade agressive :biggthump
TRS Alpha abec 5
and i want Haffey
**ma3lish at7ammast**
:D :D
ما فيها اي شي
انا لما قريت الموضوع حسبت عالجليد :06:
اما اذا هالسكيت فعندنا كثير يلعبونها وعادي عندهم الناس
حتى ان في اماكن مخصصة يتجمعون فيها ويلعبون
ولا يخصه.........^^
حلو الاسكيت.........^^
اخوي صدقني ما فيها شذوذ ولا شيء
لكن هذي هي نظرة المجتمع الشرقي المتخلفة
فمثلا
انا كان عندي سكوتر و مخصص للكبار و كنت العب به وانا عندي 14 سنة و كنت اسوي به حركات وايد حلوة
لكن الناس ينظرون لي وش هذا
وناس تقول بطل لعب العيل
و كمان ابي-رحمه الله- يقول لي "انت كبرت علي كده"
و في النهابة اضطررت لتركه
اخي العزيز
انا راح اخالف وجهة نظر الجميع ممن ردوا على موضوعك .
انا اشوف ان هالهواية حلوة وممتعة (مع اني ما اعرفلها ولا عمري جربتها ) لكن الشباب يمارسونها في اماكن غير مخصصة . في نص الشارع او في الاشارات . عشان كذا تشوف نظرات غير مرغوبة من الناس حولك .
وانا قبل تقريباً 6 اشهر كرهت هاللعبة كره شديد . وكسرت كل الاسكيتات حقت اخواني بسبب حادث شفته .
شاب يتزلج في دائري المدينة المنورة واعتقد ان ما عنه خبرة .
جات سيارة ودهسته وقعد ينجر تحت السيارة . الرجال وقف و دق ريوس ومشى .
بعدها رأيت المنظر المهول . الرجل مقسوم نصفين من وسطه ورجولة جنب راسة ولا يربط جسمه الا شوية جلد واعصاب في جنبه الايسر .
وقعدت اهدي اخوه واخفف عليه واحضنه اللي تفاجأت انه خويي من زمان :02:
لذلك اقولك اخوي مارس هوايتك في الأماكن الخالية من السيارات كالأرصفة والساحات حتى لا تسبب ربكة للمرور وتعرض روحك للخطر . واقترح عليك ممشى شارع فيصل بن فهد اللي ورا الكورنيش :biggthump
اسف عالأطالة واتمنى تاخذ بنصيحتي . وصدقني لو انك شفت الحادث كن تبطل هالهواية على طول .
ولك مني اجمل تحية .
لا يغرونك و انا :31:
اتفق مع الشباب ...
من ناحية الاعجاب ;)
have fun alive
:jester: :jester: :jester:
اقتباس:
المشاركة الأصلية كتبت بواسطة Scorpion KING-911
سوء الاستخدام مو يعني منع اخوانك من اللعب
في اماكن بعيدة عن السيارات يقدروا يلعبوا فيها
يوم واحد يفحط قدامك ما تقدر تمنع اخوك من السواقة نهائيا
في شي ثاني
للأسف عندنا والكلام في جدة
ما عندنا ملاعب مخصصة
والمفروض هالرياضة انعرفت من زمان عندنا من عشرة سنوات والشباب بدأوا يلعبوها والحين هم في تكاثر
لكن
لا حياة لمن تنادي
:أفكر:
حطيت ايدك على الجرح اخوي
أنا من محترفين رياضة السكيت
بس مو الزلاجات اللي تلبسها برجلك, اللوح الخشبي
الرياضة ممتعة جداً جداً ومشهورة بالخارج بأميركا واوروبا
بس للأسف وقت ما ألعبها قدام الناس يجيبهم الاحساس الغبي
على فكرة ترا هالرياضة شذوذ عند العرب خاصة لانه
تعودوا انه يشوفوا الأولاد بس اللي يلعبوها
وكمان انا عمري صار 21 ولسه باقي على رياضتي المفضلة
من اسمي تعرفوني, اخوي اذا ما كنت واثق من نفسك
لا تجرب تمارسها امام الناس!!! وانا كنت بأميركا بنيو جيرسي
لاحقتني الشرطة واحتجزتني لاني قاعد ألعبها بالشارع...شرطهم
انك تلعبها على الرصيف ولا تضايق المارة
وانا إلى الحين والحمدلله جسمي تمام ولا وقعت ولاوقعه
كسرت إلى الآن 6ألواح خشبية
خخخخخخخخ
مشكور على الموضوع
سلام
السلام عليكم
اخوي اذا كنت تقصد السكيتنق فا انا وعيال عمي وععدهم 8 كلنا نعشقه ولازم كل ماجيني نلعبه وسباقات وحركات
والله انه متعه حيل وحلو
وبعدين ليش شذوذ كل العالم يلعبونه وشيئ طبيعي لاكن انت من وين
السلام عليكم يشباب
أنا أحب هذ العبة وأتمنى لو أتعلمها بس أبغى أستشير الأخ كيف يقدر الواحد منا أن يرفع السكيت فوق الرصيف متلا؟ وشكرا رد بالك من كلام الناس لأنه يعمل على الأحباط وخليك freeeeeeeeeeeee:jester: :jester: :jester: :jester: :06:
اخوي الرياضة صعبة وتحتاج تدريب مثل ماذكرت...
اذا اردت تتعلم طريقة القفز فهي تسمى بالانجليزي Ollie..
وانا اخذت مني شهر... وهاذي الحركة اساسية جدا جدا للبدء في اللعبة.
وانّبه على انه يجب عليك ان تلبس خوذة وواقيات للأكواع والركب..
وانصحك بارتداء احذية رياضة تكون على مقاس القدم, وتكون دون زوائد
علشان تقدر تتحكم باللوح بكل حرية. يمكنك شراء احذية أم عشرة ريال
اللي لونها ابيض واخضر مبدئيا علشان الأحذية المتخصصة التي تخدم نفس
الطلب غالية تقريبا وتقدمها شركة DC الاميركية...
إذا اردت الاستزادة عن كل شيء وخاصة ادوات الحماية (Safe Gear)
يمكنك زيارة الموقع الشهير www.skateboard.com
ويمكنك تعلم حركاته إذا بحثت في google.
وسلام
اللعبة لعبة شذوذ و انا مش مصدق واحد عربي بيلعب العبه
عيب عليك يا أخي :31::31::31:
انا منعتهم لانهم يلعبونها في اماكن غير مخصصة ..اقتباس:
المشاركة الأصلية كتبت بواسطة DeeK MantooF
و أصلاً عندنا في المدينة المنورة بالذات مااااااا فيه اي محل تقدر تسوي راضة والا هوايه خفيفة ..
انا زاد وزني يمكن 7 كيلو .. ابا اسوي رياضة واخفف . ما عندنا مكان عدل . لازم اهرول في الحارة الفاضية .
اما في جدة في اكثر من ممشى وسيع غير الكورنيش .
اقتباس:
اللعبة لعبة شذوذ و انا مش مصدق واحد عربي بيلعب العبه
عيب عليك يا أخي :31::31::31:
رأيي الشخصي ، هو رغم أن عدد اللي يلعبون اللعبة هذي (قصدي ألواح السكيت) ينعدون على عدد الأصابع في العالم العربي ، إلى أني ماني شايف فيها أي شذوذ ولا شي (رغم أنها غريبة شوي على العالم العربي) ، أستمر في هوايتك يا Sk8r Boi ، وتذكر أن (كلام الناس ، لا يقدم ولا يأخر).
تحيات أخوك المصرقع (سفاح جدة الدموي)...:vereymad:
خلك من الناس بما أنك ما سويت شي مخالف لتعاليم الإسلام ما فيها شي سوي إلي تبيه ,,
معليش لو فيه مداخلة :D
ice skate ؟
ايش رايك لو كل ماتعرض خدعه..تكتب طريقة التنفيذ..ونحاول نسويها :)
الفلم الثاني اعتقد اني كشفت الفكره :)
ماسك شي في يدك اليمين؟؟؟ ;)
اعتذر الرد السابق كتب هنا بالخطاء
هو لموضوع اخر... ارجو من المشرفين حذفه
من راقب الناس مات هماً , اخوي مارس هوايتك على راحتك ولا يهمونك الناس بس اهم شي هوايتك ما تضيع وقتك عن صلاتك او عن دراستك .
اخوي انا نفسك اموووووووووت في السكيتي
ومن دون ما تقول انا عرفت بلدك لاني حتى انا في نفس هذي البلد
ولكن انا اطنشهم وما علي منهم
مارسها فهي رياضة ممتعة
مني فاهم ايش الشذوذ اللي فيه بالله؟
رياضة الاسكيت من أفضل الرياضات لا تعتبر ابدا شذوذ
بل تقيم لها دوراة وبطولات