في يوم من الايام ....
دق جوالي ...( تررن تررن تررن ترننا ) >>>>>>>يقاله نغمة النوكيا ..
اثره ولد خالي مناحي ... ( يلعن ام الاسم ) .. :D شكله رومنسي مو ؟ :p
مناحي : هااااااااه ابو حواجب .. ياخي كل مااتذكر حواجبك احس انها مخمل كاكاكاكاكاككاكاكاككا...
أنا : ههيهيهيهيه اقول اركد وش عندك اخلص علي ؟
مناحي : بنكشت ان شاء الله هاه وش قلت؟؟
أنأ : ياخي لايكون زي كشتت خالي سنبع اللي طب علينا الاسد ؟
مناحي : لالالا يارجال هالمره احسن واماااان ماعليك ..
أنا: ايه طيب خلاص اذا جيت تروح دق علي ..
مناحي : ان شاء الله ..
أنا : خلاص ضف وجهك ..
مناحي : يالله مع السلامه ..
مناحي : اصبر اصبر تعال نسيت اقولك ..
أنا : هاااااااااااااه وش تبي ؟
مناحي : نسيت اقولك ... ياخي حواجبك كنها غراب جاي من بعيد ... كاكاكاكاكاكاكاكا .. نعنبو بليسك وش مسوي انت؟؟ ملبس حواجبك جاعد؟؟ كاكاكاكاكاكاكا
( والله انحشرت ياعيال )
طوط طوط طوط طوط طوط طوط طوط طوطو ( عطيته مشغول بجبهته )
__________________________________
المهم والله ويمرني بالشاص حقهم ونطلع ....والله واخذ لي غفوه بالسياره ...
شوي قومني ولد خالي مناحي قم قم ....قلت : وصلنا ؟؟ قال : ايه قم بس
والله واطالع المكان غريب... قلت : وينا فيه؟؟ قال : بمدغشقر ... قلت : وين ؟؟
قال: بمدغشقر ...
قلت : طيب >>>>>>>>>والله من النصب المهم لاتدققون ...
والله وننزل ونظبط امورنا ونشب الحطب والجو وش زينه .. المهم انا تضايقت من المكان
قلت :مناحي قم خلنا نغير مكانا ... قال : يالله ..
والله ونمشي ... ومافي الا مناقز بالهشاص .... شوي نشوف ذا اللي ورانا يكبس يكبس ... قلت : وش يبي دا ؟؟ قال مناحي : مدري والله خلنا نوقف نشوف وش يبي ...
وقفنا ونشوف موتره اثره جمس حوض احمر .... مكتم ... وانتل كنود ...
وينزل اثره حمار وحشي اللي يسوق .... ولابس ثوب كويتي وسيع وسبحه ومخباه اللي فوق حاط فيه مالبورو احمر ومسواك وطاق بنت البكار ...
قال : هيه انت وياه انزلو وطلعو اللي بمخابيكم ..
والله بيني وبينتكم انا بلعت العافيه ونزلت وعطيته اللي بمخابيي ..
شوي جا مناحي ولد خالي وتشعبط على ظهره وهذاك يبي يوخره شوي الحمار طرح ولد خالي وركب الشاص حقنا وانحاش ...
وجينا نبي نلحقه بموتره اثر المفتاح معه ... قال مناحي : وش نسوي ؟؟
قلت : ماعليك ..
والله وافصخ نعالي وانتم بكرامه واحطه تحت إبطي والحق وراه .. عاد انا تنشطت ...
ومافي الا مطارد بين هالادغال .. وامر من عند صخره والقى ماوكلي قاعد يقشم حب .. قلت : ماوكلي شخبارك ؟؟ ( هذا وانا شاطف من عنده )
قال : هلا هلا والله .. تعال وش السالفه ..؟؟
والله واسفهه ... بلا بزران.. <<<< يقلولون إن ثقافتي كلها سبيس تون
شوي ضيعني الحمار الوحشي ...
وجلست ادور ادور ادور .. شوي القى الشاص موقف عند شجره ...
واقرب .. اثر الحمار قاعد يقضي الحاجه ( يسوي تشو :09: ... اما تشووو ياعمي روقنا بس )....
شوي واقرب من عندها بشويش ... والقط حصاة كبر كذا ( ) يعني كبيره:biggthump .. المهم ...
وانا اللي افضخ راسه وينقسم نصين ... قال : يااااااااااااااااااااااااااو .. ومات ...
والله ويطلع مخه شي اصفر وشي اخضر وشي يتمغط كنه مخطان واشياء غريبه ... والله واخذ مخه واحطه في باغه ( يعني كيس ) <<<<<< وععععععع:31:
وارجع لمناحي ... والله ونشوي مخه وناكله .. صراحه طعم عجيب انصحكم تجربونه .... :D
____________________
وهكذا خلصنا الغابه من الحمار الوحشي وعاشت الحيوانات بفرحة وسرور وامان واستقرار
( اقول ماودك تنثبر وتسكت قال ايش قال غابه وسرور وحيوانات .. اخلص ترى العالم ملو انت ويا حواجبك كاكاكاكاكاكاكاكاكاكاكاكاكا)
إعذروني إخواني على الموضوع
لكن الجود في الموجود
ومعوضين إن شاء الله
سلامز :)
