كم كف أخذت في المدرسة ؟

السلام عليكم ..

كيف حالكم ؟ إن شاء الله طيبين .. ^^

اممممم .. كنت مع واحد من أصحابي جالسين نتكلم عن رجعة المدرسة والقرف اللي بيجينا .. :p

وجلسنا نتذكر الابتدائية والكفوف اللي أكلناها في ذاك الوقت وجلسنا نضحك على المواقف اللي حصلت معانا وكذا خخخخخ .. :D

http://tell.fll.purdue.edu/JapanProj...erbs/cry.s.gif

وهذه بعض من مقتطفات المواقف <<<< صار فيلم :p :
كان فيه أستاذ مطالعة له شنب كبيييير كان كل ما يشوف صاحبي يعطيه كف وهو ما يدي ليش ولا يسأله :biggthump
وواحدة مرة كان بيآكل سندوتش له في فترة الفسحة فكان هذا المدرس هو المراقب ذاك الوقت فلمن شافه أعطاه كف جديد وكان بيمضغ لقمته من السندوتش فوقفت في حلق صاحبي هذي اللقمة فالأستاذ خاف راح جابله ماء وأعطاه وقال له معليش وبعدها انتهت الحرب الغير معروف سببها إلى سلام .. :D
---
واحدة مرة أكلت كف جااااااااامد من أستاذ علوم في الابتدائية بسبب إني كنت بآكل لبان -علكة - ( أداة للمضغ :biggthump ) وأنا جالس أكلمه أنا كنت صغير ولا أدري إن هذا غلط ومن قلة الذوق بعدها كرهت اللبان وأبوه .. صار الفصل كله يآكل لبان إلا أنا ! :p
---
واحدة مرة في الابتدائية في أول سنة لي جاء أبوي بيسوي زيارة ويسأل عني في المدرسة وزي كذا فاستدعوني لغرفة المدير وجلست معاه شوية وقلي اطلع فصلك وأنا أكلم المدير عشان يخرجك ونرجع البيت طبعاً بعد إصرار قوي جداً مني وطلعت فصلي ويمر الوقت ولم يحدث شيء .. :jester:
ومر الوقت إلى أن استسلمت للبكاء وخرجت جري من الفصل وخرجت من المدرسة كومبليت وجلست أدور عليه لغاية ما لقيت سيارته بتمشي في نهاية الشارع فجريت وراه بأسرع ما عندي ودقيت على السيارة خاف أبوي ووقف السيارة وأخذني معاه وما اتذكر ايش سار في الشنطة .. :09:
---
وغيرها وغيرها من الكفوف والذكريات الخطيرة .. :p
راح أجعل بعض القصص فيما بعد ..^^

أتمنى إنكم تكونوا استمتعوا بذكرياتي في الابتدائية .. على آمل نشوف بعض من صور الظلم والاحتلال في ذكرياتكم بخصوص المدرسة خصوصاً الكفوف (Slashing) في طفولتكم ..

بانتظار مشاركاتكم وردودكم .. : )


بايو

حلوووو موضوعك

بصف كم انت ؟

مرة شي مغبر الابتدائي..وين الحين بخلص ان شاء اللدراسه كل ابوها..

احس اني.. - - خليها بنفسي احسن
مستحيل بنت تنعطى كف طبعا ويييين:ds021:...

اذكر عندنا مدرسه تطق بمسطرة ام ميه باليد بقوة اذا تاخرنا او اذا ماحلينا الواجب...يمة يمه يمة رررررررعب
وقد انطقيت بسببها..الم الفشله اقوة من الم المسطرة:ds013:

وعندنا عقابات مثل الوقوف اخر الصف واحيانا مع رفع ساق وفع اليدين

يالله سجن مب مدره اتذكر قد سقط علي العقاب هذا..لمدة ساعه ونص رافعه يديني ورجل وواقفه واي نزله بالرجل يعني ضربه مسطرة...يالله قسم وين منظمة حقوق الانسان:ds002:

غبت عن المدرسه اليوم الي بعده بسبب تصلب عضلات اليدين والساق - -..

امي جت عليهم هواش من بكرى :ds003:

هههههههه ياحبيلها

----


بس هذا الي عندي من ذكريات "ضربيه" هههههه

حلو موضوعك على فكرة

شكرا:ds008:

الحمد لله اني ما سجلت في مدرسة فيها عقوبات زي كذا :P

فما عندي شي اقوله ._.

غير الله يعينكم

هههه .. كفوف .. :31: .. شي طيب ..
احنا كان عندنا المتعارف عليه في الابتدائية شيئين ..
1- القراميع ..
2- البواكير ..
طبعا القرموع يشتهر به أساتذة الرياضيات .. >< كان عندنا أستاذ رياضيات .. أي مسئلة ما تحلها يعطيك بيها قرموع >< ..
أما الباكورة طبعا للي يلعب بالحصة .. يتكلم .. يسرح .. فياخذه كم ( شحطة ) ويرجع محله ..
أما المتوسطة كان الشغل بـ ( الليات ) تبع الغراء .. :31: ..
أما الثانوية طبعاً كانت المدرسة محترمة ..
والحين تونا مستجدين على الجامعة وربك ييسر ..
بالنسبة لمواقف انضربت فيها ما حصل :08: ..
لأني ببساطة كنت طالب مؤدب :08: ..
That's All

كف واحد من وكيل دب قطبي
المشكلة انه كان سوري بشرته بيضه مره
وكان وجهه احمر مثل الطماطم من حرارة الشمس عشان كذا انا ضحكت
بعدين فاجأني بكف

يحرام كسترتوا خاطري >.< اساتذه شريره يمه يخوفوا :afraid:

هيهيهيهيهيهههيييهههييي
امممممم انا ماذكر والله اني انضربت ولاشي ^.^
بس راح اقولكم قصه صارت لخوي
باول متوسطه ..
كانوا هو واربيعه يسوالفون
عندهم رياده حصه فاضيه
عاد الاستاذ ماقصر بشي ^^رمى عليهم القلم .بقوه طراااااااااخ >>الحين لو جت بعين احد :blackeye: . والله امحق اساتذه
قالهم الاستاذ
اتم وين قاعدين قوموا اقعدوا قدام السبوره
المهم هو كان قاعد عند الباب يسواليف مع استاذ >>>حلال عليهم وحرام علينا ><
عاد هم من الشجاعه الزايده قال اخوي يلا بدال مانقعد خايفين خلينا نتشجع ونروح للمدير علشان يجلادنا وخلاص <<مسويي فيها الشجاع
قال ربيعه ايه والله ..بدال مانقعد نرتجف >< نروح ننجلد بسرعه احسن
وبينما هم يسيرون الى الباب والشجاعه واضحه في وجوههم
اااستاذ
يطالعهم بوجهه المرعب نعم
وش تبوا
اخوي وربيعه ..
نبغى نروح للمدير علشان يجلدنا
الاستاذ ينظر اليهم
الظاهر انه بيقول هذولي وين طاير عقلهم بدال لايجو يقول سامحنا ماعدا نعودها..
يقولوا نبغى ننضرب >>خخخخخ عيش وشوف ^^
وقلهم خلاص روح مافي ضرب مسامحين ^^
ونجوا باعجوبه
----
XenO
تسلم على الموضوع ^^
----
الحـسام المهند
ترجم هذي مافهمت شي
1- القراميع ..
2- البواكير ..

على اني كنت دافور والله ،
إلا أني كنت راعي سواليف ، أو قراءة آخر الفصل ،
وكنت من الشلة الخلفية :31:
الكتاب بحضني أقرأ.. والمدرس يشرح ..
-__-" قليل يكتشفون ..ما تجي على بالهم .

اما الابتدائي ، فكنت هادئ ، بس لحد يتعرض لي :blackeye: ،
كان فيه مدرس واحد يضربني واضحك اذا ضربني مع انه اكثر واحد مسوي كابوس :jester: ،

بالثانوي رحت مدرسة ، ما يتعرض فيها المدرس للطالب مهما حصل :31:
وقهر صراحة .. مب حلو كذا :sad2:

السلام عليكم..


شيء اسمه كف ماشفته يُطبق بتاتاً,,,الكل يعرف ان الكف مايجوز,

---------
بالنسبه للطق . فالابتدائي شيء طبيعي .. المتوسط يزداد بكثرة ,,
---------
الثانوي مايطقون عندنا كثير..بس اذا طقوا طقوا :D ...

,,,,,,,,,,,,,,,’’’’’’’’’’’’’’’’’’’’’’’’’’’’’,,,,,,,,,,,,,,,,’’’’’’’’’’’’’’’’’’’’’’’’’’’
ماجاني طق كثير كنت مؤدب وشاطر وعندي قلم ودفتر ومسطرة وكتاب وكرسي وطاولة وووو الخ


ياخي احب الخير انا ياخي<<موجهه لشخص معين,, هو عارف نفسه بس للأسف انا ماعرفه :jester:

--------
وبالمتوسط كان الطق ببلاش.... يعني مدرس يبي يطق..حلال عليه :p

اقتباس:

---

المشاركة الأصلية كتبت بواسطة XenO

السلام عليكم ..
وواحدة مرة
واحدة مرة
واحدة مرة
بايو

---

و عليكم السلام


حسبتك تتكلم عن "وحدة" ما دريت ان فيك عرق هنود :09:

اقتباس:

---

المشاركة الأصلية كتبت بواسطة Lena

مرة شي مغبر الابتدائي..وين الحين بخلص ان شاء اللدراسه كل ابوها..

شكرا:ds008:

---

و لا حتى تحلمي بيها...حتى في الوظيفة لازم دراسة :02:

المدرسه اغلب ذكرياتها شينه :196: ماعدا ثالث ثانوي طبعا

اما مواقفي مع المعلمات فالحمد لله انهم مايعطونا كفوف :31:

بس اذا ماحلينا ولاشيء يلا وقفي ياحصه كامله او حصتين وعاد انا في ثاني ثانوي اغلب الايام اجي ماحليت :31:

استمعت لنصائح البعض بأن اقعد اطنش فيها :blackeye: فعشان كذا ماعندي حتى دفاتر ماعندي شيء اسمه دفتر فقه ولا عربي والباقي ناقص مافيه الا دروس بسيطه :blackeye:

اما في ثالث ثانوي مايتعرضون لأحد ابدا اولا لاني في اهليه وثانيا المعلمات كانوا مره طيبين الله يوفقهم

وشكرا على موضوعك...

اقتباس:

---

كان فيه مدرس واحد يضربني واضحك اذا ضربني مع انه اكثر واحد مسوي كابوس :jester: ،

---

خخخخخخخخخخخ
ياخي سبحان الله نفس الشعور....كان عندنا بالابتدائي مدرس....على كثر ما يطقني....اضحـــك.

لدرجة انه صار يطقني...بسبب الضحك!!!....الله يذكره بالخير....والله اني الحين كل ما تذكرته ادعي له....مع انه كان يطقني . (اهئ اهئ)

اقتباس:

---

ماجاني طق كثير كنت مؤدب وشاطر وعندي قلم ودفتر ومسطرة وكتاب وكرسي وطاولة وووو الخ

---

يا حليله الموهوب....معك ريال فسحة...على فكرة....اذا صار المقصف زحمة قلي...اصف عنك....انت امر يالمطبعة!

Lena
أنا طالع لسنة الهم والنكد ثالث ثانوي ..
يعني لازم أشد حيلي وكذا ..
خخخخخخخخخ .. عقوباتكم بسيطة :icon6: أنا افتكر حكاية التأخير هذي كانوا يتعاملوا معاها في المتوسطة بزيادة التمرينات الصباحية وفي يدك شنطة الكتب وحاااااااالة ..
شكراً على ردك وهذا من ذوقك .. ^^

aoks
إذا ما حصلتها في المدرسة تلاقيها في البيت .. :jap038:

الحسام المهند
والله أشوف الكفوف أثرها أقوى الصراحة ..
القراميع هذي مالي علاقة كبيرة معاها :33:
البواكير آخر سنة لي أخذت باكورة جلست ثلاثة أيام أطالع في يدي مو راضية تروح :09: بسبب إني بلعب X O مع واحد صاحبي وهو قاعد يشرح شرحه المتخلف في الأحياء .. :biggthump
بس بعدها سويت مظاهرة على هذا المدرس خليتوا ينقل من المدرسة بالفعل :icon6:
شكراً على ردك ..

Deadly Spot
دايماً تسير معي هذا الحركة .. لأني من الناس اللي ما يقدروا يكتموا ضحكتهم خصوصاً في المدرسة .. :196:
بس ما آخذ كفوف عليها .. :D

Handasan
ههههههههههه .. مافي أحلى من الشجاعة .. :marchmell
هذا من ذوقك .. وترى القراميع ضربة على الرأس بلكمة <<<< إنت عاد افهمها .. :p
البواكير .. أداة طويلة وسخيفة جداً تستخدم للضرب أو الجلد <<< خبرة ..:icon6:

Y a z e e d
والله حتى أنا كنت مؤدب ولا أحب أحد يتعرضلي بس ايش تسوي غصب عنك تسير هذي الأشياء .. :12:
ومعاك حق على الأقل عرفتنا الصح من الغلط .. ^^

الموهوب
شكله عندك عقدة من المتوسطة .. وهي بالنسبة لي أكثر سنوات عمري قضيتها وأنا ابتعد عن الشر و أصبح مؤدب مع ذلك صارلنا الكثير من الضرب بس مشي حالك .. :09:
وشكراً على ردك ..

القعقاع
شكلك من النوع اللي ما يهمه إلا "وحدة" :09:
روح الله يزوجك يا شيخ :biggthump

moon girl
ياخي في التمثليات فيه بنات ينضربوا كف يعني جات على المدرسة :09:
الله يعينا في ثالث .. لأني مصر إني أجلس على مدرستي الحكومية .. :biggthump

H.e.a.T.e.R
هههههههههههه .. أساليب الفزعة للدافور .. :biggthump
شكراً على ردك عزيزي .. ^^

بانتظار المزيد .. : )

اقتباس:

---

الموهوب
شكله عندك عقدة من المتوسطة .. وهي بالنسبة لي أكثر سنوات عمري قضيتها وأنا ابتعد عن الشر و أصبح مؤدب مع ذلك صارلنا الكثير من الضرب بس مشي حالك ..
وشكراً على ردك ..

---

اي عقده الله يهديك :p .. مجرد وصف لمستوى الطق .. كثير , قليل.. :o ..

وبالنسبه لــ

اقتباس:

---

ماجاني طق كثير كنت مؤدب وشاطر وعندي قلم ودفتر ومسطرة وكتاب وكرسي وطاولة وووو الخ

---

اقول: كيف الحال :o

اقتباس:

---

يا حليله الموهوب....معك ريال فسحة...على فكرة....اذا صار المقصف زحمة قلي...اصف عنك....انت امر يالمطبعة!

---

وش يبي ذا :31: ... الله يخلي الزعطر بالمايونيز :o

ياخي إحنا في مدارسنا معروفين إنا ما نطلع بدون ضرب
سواء كان ملاك ولا شيطان
خصوصا مع حركة "إضرب الفصل كله"إلي إتبعها بعض الأساتذة الكرماء
بخصوص الكفوف أذكر قبل الدوام عطيت واحد كراسي ينقل من الواجب>.>
ويمر الوكيل في الصف ويشوف الأخ قاعد ينقل ..فسأل عن راعي الكراس(إلي هو حضرتي)
ويسألني"ليش تخليه ينقل الواجب"..وجواب سريع"هذا مب واجب هذا كان من درس الأمس"
طراق باليمين وأنا أطالع وطراق باليسار وأنا أطالع وتراني ما عديتهم:p
الموهم لما خلص طلع برع الفصل وأنا أطالع XD بس الكفوف كان لها صوت بس ما كان لها حس:196:

وذكرتني بالفلكة يا عيني على الفلكة وأستاذ سلمان الله يحفظه..
مرة قام بشوف الواجبات - وأنا مب حاله - يالي وقالي قم شوف منو إلي مو حال الواجب وأنا سمعا وطاعة:D
وفليت من الفلكة>.>

وأخر مرة إنضربت فيها هي في السنة إلي طافت-__-
أستاذ الرياضة البغيض الملقب بـ"فضولي" ما يهمه غير لبس الرياضة وأخوكم الكريم"أنا" ما فكرت حتى أشتري لبس رياضة طول السنة
ومعظم الحصص يمر على الفصل كامل وبالعصى -__-
بس طبعا إحنا بنستحمل ضرب بالعصى ولكن المشكلة "الفشيلة"...
لأنه الأستاذ الثاني المسؤول عن أول ثانوي ما يمسهم بعصى وفضولي يضربنا قداميهم:31:

ياخي عن المدرسة عندي سوالف ما تنتهي وخصوصا بالضرب
تخيل في مدرس أحول-اللهم لا شماتة- يضرب بالغلط >.>

نشوفكم على خير...

P.S:أنا بعد طالع لثالث ثانوي._.

هههههههه ..

بصراحة ما أتوقع ان في مدارس البنات يعطون كفوف :D .. بس يهزئون :196: ..

بس أحلى سنة هي 2 ثانوي لأني تصالحت من 2 من أشد عدواتي وصار مكاني في الفصل ببداية السنة جنبهم وكان مكاننا في أخر الفصل وفي طرفه لا وجنب الشباك ..يعني أنواع الدجة ..

كانوا معظم أبلواتنا ما عندهم سالفة _ بيني وبينكم حنا الي ما عندنا سالفة _ ..

هذا كتاب عكفنا فيه ترم كامل ..

http://www.w6w.net/upload/30-08-2005...1785ce3745.JPG

أغلب الشخابيط والأشعاركان لصاحبة هذا الكتاب :D ..

وفي شوي شخابيط لي أنا MeMo كلها سب وتريقة بالأبلوات .. وشوي رسومات لصديقتنا خوخة ..

( الرسمات الي في الشريط الأحمر وش رايكم فيها ><) ..

بس كان علينا هبال في حصة الكيمياء و سواليف في حصة الأنجلش و ضحك في حصة الفيزياء ..

أما حصة الرياضيات >< الأبله هي المهبلة فينا :blackeye: ..


فيه موااااقف كثير صارت لي بنفس السنة .. بعدين أكتبها ^^ ..



XenO شكراً على الموضوع ;) ..

MeMoirs


يا الهي :bigeyes: انتي نجدية...

و انا اقول الالوان هذي اللي تسد النفس وين شايفها فيه :33:

http://montada.com/customavatars/avatar130_3.gif

يمه :11: ..اقسم بالله ان المخيس ذاك ارحم :afraid:...

لوووووووووول موضوع حلو وخصوصا اني داشين على الدراسه

ولا مره احد عطاني كف في اي مرحله لاني ما اخليهم لووووووول

وكل مره اتشيطن في الصف , يطردوني طووول الحصه بره

ذكريات حلوه

مشكوره خيتو

اقتباس:

---

ياخي إحنا في مدارسنا معروفين إنا ما نطلع بدون ضرب
سواء كان ملاك ولا شيطان

---

كلامك صحيح :p

اقتباس:

---

خصوصا مع حركة "إضرب الفصل كله"إلي إتبعها بعض الأساتذة الكرماء

---

متى بنفتك من هاذي الحركة T_T

اقتباس:

---

بخصوص الكفوف أذكر قبل الدوام عطيت واحد كراسي ينقل من الواجب>.>
ويمر الوكيل في الصف ويشوف الأخ قاعد ينقل ..فسأل عن راعي الكراس(إلي هو حضرتي)
ويسألني"ليش تخليه ينقل الواجب"..وجواب سريع"هذا مب واجب هذا كان من درس الأمس"
طراق باليمين وأنا أطالع وطراق باليسار وأنا أطالع وتراني ما عديتهم :p

---

احنا ما يعطونا واجبات<<< محد يحل واجبات XD
اللهم 3 مرات طول السنة واجبين مال العلوم حليتهم في الصف و واحد مال العربي ( إعراب 3 كلمات ) نقلتة غلط من واحد ناقلنة من واحد ثاني غلط :p

اقتباس:

---

الموهم لما خلص طلع برع الفصل وأنا أطالع XD بس الكفوف كان لها صوت بس ما كان لها حس:196:

---

:31: :31: :31:
صح يوم يعطوني كفوف يكون الصوت قوي ولكن مالها حس....لا تؤلم :31:

اقتباس:

---

أستاذ الرياضة البغيض الملقب بـ"فضولي" ما يهمه غير لبس الرياضة وأخوكم الكريم"أنا" ما فكرت حتى أشتري لبس رياضة طول السنة

---

ارنجريم ما اشترى ثياب رياضة من 4 سنوات لأنه يلعب بالكندورة و النعال :p
طبعا من دون ما يشوفنا الأستاذ لأنه لو عرف :blackeye:

اقتباس:

---

ياخي عن المدرسة عندي سوالف ما تنتهي وخصوصا بالضرب
تخيل في مدرس أحول-اللهم لا شماتة- يضرب بالغلط >.>

---

حتى أحنا عدنا استاذ أحول يضرب بالغلط :p

كم مرة عطوني كف......وايد ما أذكر >_<
الضرب و الترفيس في مدرستنا شي طبيعي جدا جدا و ما يمر يوم من دون ما تنضرب -_- طبعا المب طبيعي هو انك ما تنضرب +_+

هممم اذكر في ثاني يوم دراسة ضربني الأستاذ بالخيزرانة على يدي لأنى ما حفظت القصيدة *_* طبعا ما كنت بروحي لأن شي 19 شخص غيري انضربو معاي :p

في نفس اليوم و هذا الشي ( يحدث دائما ) تضاربت مع الى عدالي و شافني استاذ الرياضيات الى يضرب بواير مادري مال شو ><
ما عديت كم ضربة ضربني...يمكن 4 او 3 بس أهم شي اني ما حسيت XD ولكنها تحرق T_T

اما اليوم الى ما انساة ففي أحد أيام الشتاء الباردة و طبعا الصبح تكون أياديكم باردة و كان علينا عربي و نسيت للمرة 100 إحضار الدفتر مال العربي ^.^ تحسبت الأستاذ بيسامحني XD
و ما اشوفه إلا و هو يقول افتح يدك....طراخ..طراخ.. >_>
ضربني ضربتين بلوح على يدي و معروف ان اليد يوم تكون باردة تتحول الضربات من Normal إلى Critical Hit ><
بصراحة يدي تمت تعورني و تحرقني 4 حصص ورا بعض T_T الصراحة ما استحملت هاذيل الضربتين ابدا ( كيف صيع الصف يستحمولون 10 - 20 ضربة منها؟؟؟! )
طبعا هو في العادة يضرب 3 ضربات و لو حسيت انه بيضربني ضربة ثالثة كنت بأخذ اللوح منه XD
طبعا هو يضربني تقريبا كل يوم ولكن هذا اليوم كان سبيشل :196:

أستاذنا مال الكومبيوتر كان وايد يكرهني حيث انه يحاول دائما يضربني بس ماعرف ليش أخر شي يتركني XD
و السبب هو اني ادش النت و اتصفح المنتدي و اتكلم في الماسنجر و هو يشرح XD طبعا النت هناك سريع لذلك كنت احاول انزل التورنت و الكازا بس ما عرفت -_-

بس لاحظت ان الأغلبية ينضربون و هم في الأبتدائية :31:
ليش احنا ننضرب ضرب إلين الثانوية ><

اوكي.. انت ضربت ع الوتر الحساس.. الكفوف..

للمعلومية.. انا درست العشر الأول من مشوار الدراسي - كآنسة -

في مدارس اهلية.. مع البنات والأجانب، يعني ماشفت ولا سمعت بشي اسمه طق اساساً

حصص موسيقى.. ولغة انجليزية وفرنسية.. صحيح ان الفرنسي ما اعرف فيه الا كلمة

Bon Bon

لكن يظل.. كمستوى دراسي.. عال العال.. لكن كنظام لإنشاء رجل المستقبل.. صفر ع الشمال :biggthump

فإلى الصف الثاني الإبتدائي وانا عايش في عالم اليس في بلاد العجائب.. والألوان

والحلوى.. والكعك والمسرحيات والرقص.. و شي الى الآن مو مصدق اني كنت اعيشه..


ثالث ابتدائي

I hear a howl in the air...

- تخيل مقطع موسيقي حق الآندر تيكر ( للشباب )

- تخيلي مقطع موسيقي حق Buffy ( للبنات )

كما أسلفت مسبقاً.. كنت بطة في عالم الوحوش.. كتكوت في وادي السباع

و اخيراً وليس آخراً.. ارنب في قصر الذئاب

بعد المقدمة هذي كلها..

بأوصل لزبدة الموضوع..

المدارس اللي دخلت فيها كلها.. كان الضرب فيها مستعرّ.. ومدهر..

مافيه شي اسمه ضرب ممنوع..

سأذكر اسماء المدرسين المستبدين واحد ورا الثاني ( جا اليوم اللي افضحكم فيه يا اوغاد )



1 - علي الصيخان ( مدرس رياضيات " قصمنجي كبير الحجم " ).

هذا الشخص المفترس.. كان اذا دخل الفصل.. اطلق صرخة مدوية.. فيسكت الجميع

كان مرعب فعلاً.. ابن ام ابوه يفتح فمه ولا يحاول يستهبل وهو موجود !!

يبدأ بالإرهاب النفسي " يا جعلك الماحي " ومن هذه العبارات المزلزلة.

مرة.. من المراريت.. كان فيه Quiz.. وطبعاً.. مفاجئ..

فأنا ماعرفت شي.. الإختبار كان من خمسة.. اخذت صفر كبر راسي..

كنت آخر واحد يصحح له المدرس.. يعني خلاص.. الغضنفر الخارق مع الأرنب اللي فطوره

بوسط شنطة اكل ( الوحيد في المدرسة )

فناظر فيني والشرر يتطاير من مقلتيه..

انت حمار يا حمار؟؟ :vereymad:

ومسك راسي وعلى الطاولة على طول.. دربمممم

طبعاً.. خشمي معد صرت احس فيه بعدها.. صار يلف يمين ويسار.. :D

هذا غير التمحيط اللي يجي بالعصا.. - كل المدرسين معهم عصيان خشب -

يدلك على ان هالمدرس إرهابي بالفطرة.. اخوي فهد مرة درس عنده.. ايام ماكان في ثاني ابتدائي

وجاوب اجابة صحيحة على سؤال.. تخيلوا وش اعطاه هدية ؟؟

قلم رصاص.. المساحة حقته على شكل قنبلة :blackeye:


2- عبدالرحمن القسومي.. مدرس تربية فنية..

هو شخص عادي مافيه شي بس حقدت عليه مرة..

نسيت الكراسة في البيت.. انا وكم واحد.. خلانا نصف جنب بعض..

وهو عارف اننا نسينا الكراسات.. وقلنا له.. بس احسه انه يتلذذ بهالحركة..

يسألك : جبت الكراسة ؟

تقول : لأ .

صطراخ، كف خاطف. :biggthump

وعلى هالمنوال.. خمس كفوف كومبو ورا بعض.


3 - الجعوان ( نسيت اسمه الأول )

مدرس لغة عربية.. طرطور والله مادري وش الكسرة من الضمة

بس يستانس علينا المبزرة بالعصا حقته كاتب عليها ( العصا لمن عصى ) -__-

والله اذكر.. سوا علي كومبو.. زي ستريت فايتر.. اعتقد انه استطاع انه يضربني

في خمس اماكن مختلفة في خلال ثلاث ثواني وهو يضحك ويقول

( اوهوهوهوهوهو الماضي ماشاء الله عليه طالب جيد ) يرفع الضغط !! هههههه


هذه الثرثرة كلها.. عن تجربتي في الصف الإبتدائي فقط..

اقتباس:

---

المشاركة الأصلية كتبت بواسطة القــعـقـاع

MeMoirs
يا الهي :bigeyes: انتي نجدية...

و انا اقول الالوان هذي اللي تسد النفس وين شايفها فيه :33:

---

أححححححح .. عيوني توجعني كله بسبب صورتك الرمزية ..

وخلاص توبة أكتب بلون هذاك :blackeye: .. بس غير صورتك بليزززز ..

http://www.montada.com/customavatars/avatar130_3.gif

Charming, indeed

من هذا.. دي نيرو ؟ :31:

الموهوب
الله يخلي البوف :p

asf4ever
يا ذي حركة إضراب الفصل كله حتى عندنا ماسكينها شكلها الموضة ماشين عليها .. :D
يجيك اثنين يتكلموا يقوم الأستاذ يقول الفصل كله ناقص درجتين ولا مافي تلخيص في درس مهم جداً وشيء زي كذا .. في الابتدائية كان فيه أستاذ يضرب الفصل كله عشان اثنين وزي كذا .. :31:
خلاص إذا اتذكرت مواقف ثانية حطها بالموضوع وبالتوفيق في ثالث .. ;)

MeMoirs
يا ساتر !
حرام عليكم فيه أشياء تُسمى ورقة دفاتر مذكرة كشكول أي شيء تراها أحسن من الغلاف .. :biggthump
بس تدري معاكم حق لأن كتب البنات تسد النفس وربي مساكين .. تحسها من عصر المماليك .. :09:
وعلى فكرة الرسمات ترى تبرهن على مستقبل رسامة واعدة بالمزيد من التفنن .. ايوة
وقت ما تتذكري مواقف ثانية أسعدينا معاكي .. : )

القعقاع
يا إلهي .. ما هذه الصوة المجرمة ؟!
حط أبو ثوب اللي قبله كان فلة .. :D

§Angemon§
هذا من ذوقك .. ^^
إذا ما لقيته في المدرسة تلقاه في البيت .. الكف جاي جاي .. :jap053:
وترى فيه غلطة مطبعية المفروض " مشكور خيي " وليس " مشكورة خيتي "

Arnegrim
الكف إهانة أكثر من إنه ضرب يسبب ألم من الداخل أكثر من الألم المحسوس <<< من كثر الكفوف .. :09:
ايوة والله ياخي فيه ضربات تجلس حرارتها في يدك بالساعات .. اتذكر يوم أكلت اثنين بـ " ليّ " يسقوا به الزرع بس مقصوص طبعاً جلست حرارتها في يدي فحطيت يدي على حديدة الماصة تبردها .. :09:
والله الضرب في أي وقت بس يا كثره في الابتدائي وتعرف في الثانوي صاير الواحد رجال وزي كذا حتى معاملة المدرسين تختلف في الثانوي .. :jap002:


Kubaj
والله استمتعت بردك وأنا بقراه .. ضحكتني من قلبي .. :09:

اقتباس:

---

- تخيل مقطع موسيقي حق الآندر تيكر ( للشباب )

- تخيلي مقطع موسيقي حق Buffy ( للبنات )

---

خخخخخخخخخخ .. فلة :p

ياخي أستاذ الرياضيات هذا مرعب بشكل أليم حلوة إنتا حمار يا حمار اتخيل وجهك هذيك اللحظة بريء جداً .. هههههههههه :biggthump
وأساتذة التربية الفنية أحس ما لهم داعي بس يضربوك وخلاص وشايفين نفسهم مدراء في المدرسة عندي عقدة منهم بالذات من النوع " البزرنجي " شوية ويعطيك بوسة .. :jap014:
أما اساتذة اللغة العربية ما يحتاج ما عمري شفت واحد منهم طيب وما يضرب بس مشي حالك .. :biggthump
ويا ريت نشوف تجربتك في الصفوف الثانية .. ^^

بانتظار المزيد .. : )

أذكر الطراق الوحيد الي خذيته كان من مدرس العلوم..وكان هذا في الابتدائي..
حيث تم اتهامي ظلما بأني فلعت (رميت) صخرة على راس واحد من الطلبة ..
وانشق راسه وطلع دم..
والطراق كان محترم...واحد على اليمين والثاني على الشمال...:31:

واحس انكم محظوظين بالطراقات...
احنا بالمتوسط انصفقنا من الخوخة الي على الراس...
مثل البوكس على الراس...
بعد الخوخة ما تحس بشي...بعدها الله لا يوريك كأنها قنبلة انفجرت على راسك..:09:
واذكر الي يتشيطن في حصة العربي يسأله المدرس عن اعراب الجملة العلاجية..
والي ما يجاوب يتلقى خوخه محترمة...والمدرس نفسه معطي واحد من الشباب دفتر الدرجات...فأي واحد يتشيطن ياخذ الخوخة ..ويقول حق الطالب الي عنده الدفتر زوده..اي ينقصه درجة ...

وشكرا...

اخر مره مدرس مد يده علي انفصل من المدرسه !

الدنيا فوضه , هذا مو اسلوب تربيه

<---- وش يبي هذا


هههه لا صراحه مااتذكر مدرس مد يده علي من جد , يمكن سبيل المزاح ومايكون على الوجه بالمسطره على ظهري او على يدي , فقط للمزاح وايام المتوسطه وقليل بالثانويه ...

عموما المدرسين كانوا اكثر مايكون إلى " ربعي " بس ناس لهم فضل علي ...

نصهم عندي ارقام جوالاتهم وماسنجراتهم , وطلعات وعزايم يجون عندي بالبيت وناويين نطلع البر الشتاء الجاي مع بعض ^_^

بس سفطتهم مدرس كان يبيني اجي مصر وعطاني رقمه هناك وضيعته =_=

بكره بدق على مدرس الفقه والتفسير نسلم عليهم من زمان عنهم والله

بس عموما المدرس الي يمد يده بدون سبب هذا مااستصيغه, والحمدلله مامر علي من هذي النوعيه , يمكن يخانق بس يمد يده وعلى الوجهه , لا مايحق له ^_^ الاحترام يظل موجود افضل وافضل , مفروض العلاقه تكون علاقه اخوه

<-- فلسفه ... اممم بس ...

الموهيم الحمدلله ماقد جاني كف ^_^

ومشكور على الموضوع

اقتباس:

---

الثانوي مايطقون عندنا كثير..بس اذا طقوا طقوا

---

هههه ... نحنا عندنا العكس ... الطالب يضرب الاستاذ بالثانوي >>> صدق والله :31:

اسف فور ايفر

ذكرتني ... بحركة قم اضرب الفصل بالكامل ...يوم مثلا مدرس مايعرف منو فر عليه قلم من ورا او طلع صوت .. عزكم الله .. مب لازم اقوول ... يسير يزقر الوكيل .. ويقول منو سوا ها الشي ... ونحنا ساكتين ... اونه شهامه منا مانبغي انفتن هههههااااي .. خاصه اذا كان مدرس مانحبه .. والوكيل يشتغل بالطلاب ظرب

و

اقتباس:

---

المشاركة الأصلية كتبت بواسطة XenO

Handasan

ههههههههههه .. مافي أحلى من الشجاعة .. :marchmell

هذا من ذوقك .. وترى القراميع ضربة على الرأس بلكمة <<<< إنت عاد افهمها .. :p

البواكير .. أداة طويلة وسخيفة جداً تستخدم للضرب أو الجلد <<< خبرة ..:icon6:

---

ايه مافي احلى منها بس انا بنت ^^

اشوفك خبير فالضرب :09:

----

امممم بقولكم قصه حصلت لي بثالث متوسط الحين انا بثاني ثنوي >< يعني لازم نتادب ..غصب :09:

المهم كان اخر يوم نداوم فيه فقلنا خلينا نخربها

ونجيب مويه ورشاش واي شي يخطر بالبال ^^

وقفلنا باب الفصل بالكرسي والطاوله

وكل وحده ماسكه شي

طبعا في ناس رافضين الفكره >> هذولي الدوافير :D

قعدوا فاخر الفصل يقراو والله ناس فاضيه عاد طبعا ماخليناهم يقروا

المهم وتبدا الحرب ....

ويجوا المدرسات وويهاوشوا اسمعوا هواشهم عاد

ايش فيكم لو عيال ماوسوا كذا >>احلفي بس :31:

وتجي المديره الى مسويه فيها محد قدها

وتقول كل وحده تكتب تعهد على سلوكها هذا

وشوي تنزل تروح تجيب ورق التعهد علشان نوقع

وتجي والى ماسكه مسطره ياطولها :09:

شوفو عاد نازله تجيب ورقه تعهد وجت ومعها عصايه >< والله حاله

المهم تجي تظرب كل وحده علي يدها لو تشوفوا كيف ضرباته مسويه فيها الحنونه

وتمه على خير

اقتباس:

---

المشاركة الأصلية كتبت بواسطة Kubaj

http://www.montada.com/customavatars/avatar130_3.gif

Charming, indeed

من هذا.. دي نيرو ؟ :31:

---

indeed, indeed :33:


ما احد لاحظ التوقيع يعني :09:


يا اخي وش بلاكم كل واحد ماكل له علقة....انا كل ما رحت للادارة ابغى شي منهم اول سؤال ينسئل: "كم نسبتك" و اعطيهم نسبتي :p و الموضوع يمشي مثل ما ابغى...

اقتباس:

---

ما احد لاحظ التوقيع يعني :09:

---

الكلام إلي في التوقيع صحيح فعلا

اقتباس:

---

Aoccdrnig to a rscheearch at Cmabrigde Uinervtisy, it deosn't mttaer in waht oredr the ltteers in a wrod are, the olny iprmoatnt tihng is taht the frist and lsat ltteer are at the rghit pclae. The rset can be a total mses and you can sitll raed it wouthit a porbelm. Tihs is bcuseae the huamn mnid deos not raed ervey lteter by istlef, but the wrod as a wlohe

---

ما حصلت مشكلة إلا في قراية كلمة lsat لأني حسبت الـL إنها i ._.
شي عجيب وحلو!

اقتباس:

---

أستاذنا مال الكومبيوتر كان وايد يكرهني حيث انه يحاول دائما يضربني بس ماعرف ليش أخر شي يتركني XD
و السبب هو اني ادش النت و اتصفح المنتدي و اتكلم في الماسنجر و هو يشرح XD طبعا النت هناك سريع لذلك كنت احاول انزل التورنت و الكازا بس ما عرفت -_-

---

يا حظكم على الأقل عندكم نت في المدرسة وإحنا ما عدنا-__-
بس من بين كل الأساتذة إستاذ الكمبيوتر يعزني أكثر شيXD

اقتباس:

---

ذكرتني ... بحركة قم اضرب الفصل بالكامل ...يوم مثلا مدرس مايعرف منو فر عليه قلم من ورا او طلع صوت .. عزكم الله .. مب لازم اقوول ... يسير يزقر الوكيل .. ويقول منو سوا ها الشي ... ونحنا ساكتين ... اونه شهامه منا مانبغي انفتن هههههااااي .. خاصه اذا كان مدرس مانحبه .. والوكيل يشتغل بالطلاب ظرب

---

يوم إييبون الوكيل كأنهم يايبيلنا عزراييل>_<
عاد المشكلة لما يكون واحد من قرايبك "نحسبه عون ويطلع فرعون"

اقتباس:

---

هذه الثرثرة كلها.. عن تجربتي في الصف الإبتدائي فقط..

---

الصراحة..
no comment XD
الأساتذة مخلوقات عجيبة..

ااه...ذكرتني بايام الدراسة :أفكر: المهم بالنسبة للبواكير فحدث ولا حرج :09: اما الكفوف يعني

قليلة لكن اسواها موقف ما انساه...كنت رابع ابتدائي ايامها وكان عندنا استاذ في المدرسة

كنا نسميه الحانوتي ما شاء الله عليه ربنا معطيه عافية تقول دولاب متحرك:09: كان لما يخش

الفصل الماصة والكرسي يرجفو فما بالك بالطلا ب الغلابة:02: عموما هذا يوم كان عندنا

والمدير رسل يبغاه المهم خرج وهاتك ونسة وتعاليق واخوكم اللي هو انا واقف يضحك على

فلان ويشمت في فلان والباب ورا ظهري:D وما ادري الا والحانوتي ماسكني من قفاي

والعالم تطل في اللي يشمت واللي حزنان على مصيري....وفجاة وبدون اي مقدمات يجيك

الكف من حيث لا تعلم ..الخد اليمين يستقبله واليسار يستقبل الأرض :bigeyes: ولسه اول الغيث

قطرة ويجيك سيل الكفوف وبعدها شوية ضرب بالباكورة وحزن وبكا..و..و..وبقية الفيلم

المعروف.....

هذا الموقف الأسوا في حياتي كطالب ...ودمتم سالمين

هلا .. كيف الحال ؟ المهم <<<<<<<<<< ماعنده وقت:09:
ندخل في الموضوع :

اتذكر وانا في خامس إبتدائي كان عندنا استاذ جغرافيا سوداني المهم ..:09:
في الفصل الدراسي الأول كنت مؤدب وشاطر عنده
اما الفصل الدراسي الثاني اسوأ طالب :p
المهم انا حسيت انه حاقد علي والدليل انه كنت جايب 15\15 ونزل درجتي إلى 12\15 :09:

المهم يوم عرفت بهالخبر واعصب :vereymad:
واجي اليوم الثاني حاط في شنطتي بالونتين معبيهم مويه :09:

وطبعًا انا كنت قائد الفصل:6147: واعلمهم الخطه لان كل الفصل منقهرين من هالسوداني:listen:

الخطه :
اني ارمي البالونتين وحده في ظهره وهو يكتب بالسبوره والثانيه في راسه :hitwithro
وإذا سأل مين رماها كل واحد يأشر على الثاني :ds011:
المهم
وجت حصته وهو يكتب على السبوره رميت وحده على راسه والثانيه على ظهره

المهم وهو ماادري شصار فيه يلتفت علينا بسم الله دراكولا :jap030:
ويقول بصوت عالي مين رماها:jap028:
وكل واحد يأشر على الثاني :hahaha: وهم يضحكون :laugh:

المهم ينادي الوكيل ويجلس الوكيل يضربنا واحد واحد :smashfrea :ds002:


ومشكور على الموضوع اخوي :ds015:

السلام عليكم..

ما اتذكر السنوات لكن الحوادث اتذكرها.. ومن دون ترتيب..

قاعدين في حصة علوم في المختبر.. حد فر علي طبشورة.. ما عرفت من لكني قعدت العب فيها.. وفجاة من دون انذار.. طارت من يدي وضربت في طرف تي شيرت الاستاذ.. الاستاذ بالطبع وقف الشرح وقال.. من اللي رمى على الطبشورة.. محد يجاوب.. قال.. حضرب الصف كله.. هنا طلع واحد نذل وقال اني انا اللي رميتها (من اللي كان يتكلم عن التضامن بين الطلبة في وجه الشدائد -__- ).. بالطبع انا انكرت وبشدة ايضا.. النتيجة انه الصف اكل ضرب من ورا طيران الطبشورة..

حصة رياضيات او نقول حساب خخ.. الاستاذ يطلع طالب علشان يحل مسالة قسمة.. ما يعرف الطالب.. لكن ما ينضرب.. ويقول الاستاذ من اللي يعرف يساعد زميلكم.. بالطبع اينشتاين صفه بيرفع ايده.. (انا استاذ انا انا استاذ).. اطلع بكل فخر وامسك الطبشورة واطالع القسمة..... هدوء في الصف.. والا كف كالصاعقة ينزل على ويهي.. انا كذا @_@.. والاستاذ يقول.. يا كلب لما ما بتعرف ليش ترفع ايدك..
هالاستاذ من ورا هالحركة وحركات ثانية مع الطلبة تفنش منها.. كان شخص نذل الصراحة.. بس لما افكر فيها الحين.. احس انه كان السبب على ترددي في القيام باي شي او اني اتجرا على فعل شي.. الله يسامحه وين ما كان..

ومرة استاذ رياضيات ثاني.. في الحصة دايما يمشي وهو ماسك معاه مسطرة عملاقة.. مرة كان يمر جنبي في الحصة وانا ما كنت منتبه.. والا بطرف على وبكل قوة يضربني على ظهر يدي.. والكلب سببلي جرح على شكل علامة صح T_T

وفي حالات لما كنت اتاخر واتوقف مع الطلاب برع وننضرب من الوكيل.. وبالطبع ياما اكلنا ضرب من (عزيزة)

اند اوف ستوري..

اقتباس:

---

المشاركة الأصلية كتبت بواسطة Yamato

ومرة استاذ رياضيات ثاني.. في الحصة دايما يمشي وهو ماسك معاه مسطرة عملاقة.. مرة كان يمر جنبي في الحصة وانا ما كنت منتبه.. والا بطرف على وبكل قوة يضربني على ظهر يدي.. والكلب سببلي جرح على شكل علامة صح T_T

---

ههههههه حركه ((نايك))XD !!...

خخخ انا صارت لي بلاوي بالمدرسه ..كل يوم اداوم عند الأداره لأني اجيب بلاوي للمدرسه

مره جبت قطوه وحطيتها بالدرج و ما تسمعون الا مياو مياو هههه

و انا اكح احاول اغطي على صوتهمXD
و لما جيت ارجع للبيت قطيتهم داخل كيسه مساكين انكتموا :jester:

هههههههههههههههه عليكم سوالف XP
طبعا ياماتو وآسفوه .. هاذي typical emirati schools stories -_-
سبحان الله .. تحسون مدارسنا كلها نفس الشي من ناحية المدرسين والطلاب وطريقة التعامل ..
بالنسبه لي انا .. احيدني بس مره وحده انضربت ..
كنت في صف ثاني او ثالث ابتدائي .. وناسيه وحاطه كتب اليوم الغلط .. الابلة مشت الموضوع على اول كتابين .. يوم يت على الكتاب الثالث طنقرت وضربتني ..
ومع انه الضربة ما تعور .. انا صحت :p
واستوت حالة طواريء .. اسكتي يا بنت .. وانا ماشي .. الا اصيح ..
لانه الصراحه ما كانت عندها حجة عدلة لانها تضربني -_- خاصة واني كنت احسن بنت في الصف ومادري شو ..

ومرة في ثالث ثنوي .. كنت ناسية احل *سؤال* من مجموعة اسئلة في الاحياء ..
وطبعا لان ابلتنا شر .. ما سوتلي سالفة .. وقالتلي اني اوقف طول الحصة ..
وانا وحدة ما استحمل ..
عقب 45 دقيقة *الحصة ساعة كاملة* .. استوالي هبوط .. وطحت فجبدها ..

كنت بحطلك تقييم .. بس شي غريب استوى :06: مادري اذا انحطلك ولا لا ><

صارتلي مواقف كثيرمن ها النوع .. :09:

.. اذكر كان عندنا استاذ انجليزي بالابتدائية .. كل ما الصف سوى حشرا
اخذ عصاته وظرب كل شي طلاب كراسي .. مرة يت في اذن ولد عمي .. :jester:
الغريب انه العصى انكسر .. :bigeyes: وكل ظحك بعدها :jester: والاستاذ رجع يشره

.. اذكر استاذ عربي بالاعدادية ..
طرد طالب لانه يلعب بإيده في الصف .. :06:
بس الصف ما اقصو معاه .. :196: يدخل الصف واحد راقد ..
اول ما يوصل عنده ينش و واحد ثاني يرقد .. :09:

ومرة نسيت الكتاب في حصة قالي روح عند الوكيل ..
الوكيل قالي يوم بتخلص الحصة رد الصف .. :jester:

واذكر استاذ .. :bigeyes: عربي .. مادري كيف صار استاذ
يكلم عمرة طول الحصة ولو زادت الحشرة ظرب طالب ما يخصة بالسالفة ..
انا صراحة في حصته كنت اطلع قلم رصاص و ورق ارسم لين ما تخلص الحصة.. :09:
واكثر من مرة اطردت و نظربت في حصته .. :أفكر:

للعلم هذا كله في مدرسة " نموذجية " :09:

اقتباس:

---

المشاركة الأصلية كتبت بواسطة Angel whisper

كنت بحطلك تقييم .. بس شي غريب استوى :06: مادري اذا انحطلك ولا لا ><

---

مدري جاني تقييم اليوم لهذا الموضوع بدون اسم وتقييم للموضوع الثاني .. اعتقد هو .. شكراً انجل .. :D

عليكم ردود .. فلة :biggthump

Tahnks all .. waiting for more

اوه زين ^_^ لاني قلت يمكن نقصتك بالغلط او شي ..

تحتاجون تدخلات او مساعدات :05:

مين هذا اللي بيعطيني كففففف في التقييم ؟ :09:

الرجاء ترك الاسم في التقييمات .. :biggthump

ولا ايش رأيك موهوب ؟

كم كف والا كم كفوف:D
كل مواقفكم حلوه وتضحك (شرير)
اما انا
بتذكر لكم واحد
مره عطاني المدرس قصدي المجرم كف قصدي بقس على وجهي قريب من اذني
وصك راسي بالجدار اللي جنبي وقامت اذني تصبصب دم من قوه الصقعه
طبعا المجرم ما اعطى اي اهتمام على باله اني استاهل اكثر
ونشف الدم على اذني ومعاد سمعت شي
الى اااااااا ان خلص الدوام
ورحت للاسعاف وانقذوني من موت محتم<<< ابالغ
طبعا اكيد تتسائلون ليـــــــش كل هذا
السبب
بدون سبب
لالا فيه بس..
اقولكم
المدرس وهو قاعد يشرح قال النظافه من الايمان
وانا لاني متحمس مع الشرح قلت "والوساخه من الشيطان"
اهوه عصب وقال من وين جايب ها العباره وطاح فيني سب وشتم
وكمل علي بالضربه القااااااااضيه
حسبي الله عليه من مدرس
تبا للمدرسين من الاجيال السابقه جعلهم ينقرضون نهائيا ولا يقبلون على الدنيا:cussing:
شكرا xeno خليتيني افضفض عن الماضي الشرس
واذا بتسائلون عن المجرم تم القبض عليه متلبسا وحكم عليه بالسجن اربعه عشر عاما الى اشعار اخر....اّ ّ ميــن

اقتباس:

---

المشاركة الأصلية كتبت بواسطة XenO

مين هذا اللي بيعطيني كففففف في التقييم ؟ :09:

الرجاء ترك الاسم في التقييمات .. :biggthump

ولا ايش رأيك موهوب ؟

---

شفيك تطالع فيني انا ما سويت شىء :jester: ؟!