حكايتي مع الانتخابات!!!!

بسم الله الرحمن الرحيم يوم 7 سبتمبر طبعا الانتخابات صحيت من صبحية ربنا علي الساعة 8 كدة المهم غسلت وشي و لبست :D و علي 8 و نص كدة كنت في القسم والحقيقة كانت الحركة غريبة في الشارع , صحافة,امن ,اجانب كتير ....المهم رحت القسم عشان انتخب(طبعا انا مواليد 83 البطاقة الانتخابية بتاعتي تطلع شهر 11 قالي ممكن تنتخب بالبطاقة) رحت هناك لاقيت صندوقين كبار (قلت في نفسي قشطة هنتخب و اخلص علطول ,دخلت علي الراجل قالي معاك بطاقة انتخابية قولتلو لا قالي شوف اسمك في الكشوفات برا :D رحت ادور ملقتش اسمي, قولتلو يا حج ملقتش اسمي قالي يباة انت مش هنا (قلت مش مشكلة رحت اللجنة التانية في مدرسة الاورمان ...دخلت لقيت قاضي اعد بس الراجل الحقيقة كان قرفان هههههو كل شوية يقول حرس(ههههه) المهم دورت علي اسمي بردو ملقتوش رحت اللجنة التالتة بردو ملقتوش..زقلت باة مفيش غير اللجنة الاخيرة رحت هناك ,راجل بتاع الامن قالي رايح فين يابني قولتلو رايح انتخب ,قالي ادخل ...المهم لقيت راجل قولتلو انا عاوز انتخب قالي مش هينفع تنتخب الابالبطاق الانتخابية(قولتلو الراجل قالي ممكن تنخب بالبطاقة قالي لا للاسف كلام فارغ ..قولت الله ...انا شكلي وقعت ضحية الحزب الوطني :D (المهم )نتيجة 4 سعات لف و دوران في منطقتي رجعت بخفي حنين ..و منتخبتش :( بس مش مشكلة انا عملت استطلاع للراي معظم الناس عاوزة ايمن نور (حاجة ممتازة)

ربنا يسهل

نشوفكم الانتخابات الجاية يكون جيمي طرف فيها :D (جمال مبارك)

سلامو عليكو يا اعضاء

هههههههههههههه عشان تعرف يا باهى انك *******قلتلك من يومين يا ***** ما تروحشى عشان كده كده بابا حسنى هيكسب من غير حتى انتخابات وطبعا شد حيلك عشان نظبط نفسينا عشان ننتخب بعد كده جمال مبارك عشان ما يزعلشى مننا ولو زعل مننا انت عارف هنروح فين

فا يبنى يا حبيبى خلينا ورا الحيط احسن وفكر فى مستقبل كليه الهندسه بتاعتك عشان لما تتخرج وتعد فى القهوه تنش وتهش فى الدبانه الى فى وشك تكون مبسوط بدل ما تكون ورا الحديد او فى مستشفى المجانين بتقول بابا حسنى وماما سوزان :09: :ciao: وطبعا هتكون فى الباى باى


"انتبه لكلماتك والفاظك" تنبيه .....

white-sox
السلام عليكم و رحمة الله و بركاته
كان ممكن أن تتصرف بطريقة أفضل
أولا الانتخابات مكانها اللجان الانتخابية و التي هي غالبا مدارس و منشئات تعليمية أما القسم فأنت تذهب إليه للتعرف على لجنتك الانتخابية.
و أنا لما ذهبت للقسم لم أجد اسمي و لكن أرشدوني إلى مكان آخر أعرف منه مقر لجنتي و هكذا تنقلت تقريبا بين 5 أماكن باحثا عن اسمي ( استغرقت العملية حوالى 4 ساعات)حتى وجدته و هذا شئ متوقع بل إني توقعت أكثر من ذلك من تصرفات تقرف الناخبين. و لأني أعددت نفسي على ذلك فلم أستغرب مما حدث و تمت العملية على بركة الله.

اقتباس:

---

المهم لقيت راجل قولتلو انا عاوز انتخب قالي مش هينفع تنتخب الابالبطاق الانتخابية(قولتلو الراجل قالي ممكن تنتخب بالبطاقة قالي لا للاسف كلام فارغ ..قولت الله ...انا شكلي وقعت ضحية الحزب الوطني :D

---

إذا كان قال لك كده فعلا فكان ممكن يكون تصرفك أفضل كان يجب عليك أن تقول له أنك مواليد 1983 و وفقا للقانون فإن اسمك مدرج في كشوف الناخبين تلقائيا و عليه يمكنك الاقتراع بواسطة بطاقتك الشخصية فقط بعد اللف و الدوران و الوصول إلى مكان لجنتك الصحيح تعطيه بطاقتك ليبحث عن اسمك في الكشوف ثم سيعطيك رقما معينا تذهب به إلى المستشار يبصمك و تنتخب. و في حالة أن قال لك ذلك كان يجب عليك أن تذهب إلى القسم و تطلب إثبات حالة. و هو ما كان سيضطرهم إلى مساعدتك حتى تتمكن من الانتخاب و الموضوع جدي و كلنا ثقة في القضاء المصري.
اسمك و اسم مواليد 1982 و حتى 1986 مدرج في الكشوف فعلا. فقط كان يجب عليك تحمل عناء البحث أما أن تترك لهم اسمك و تستسلم للأمر الواقع فهذا هو أهم منفذ للتزوير لأنه في هذه الحالة في إحتمال أن ينتخب شخص نيابة عنك طبعا أكيد أنت عارف قصدي.
أنا أكتب إليك الآن قبل إنتهاء عملية التصويت بساعة ونصف إذا قرأت ما أكتبه قبل إنتهاء عملية التصويت أتمنى أن تعاود البحث إن أمكن لك ذلك . و هذا أفضل من أن تترك خانة التوقيع أمام اسمك فارغة تغري المزورين :05:
أخيرا يوجد موقع جميل جدا لحركة الرقابة الشعبية على الانتخابات( شايفينكوم) يمكنك أن تكتب لهم عن أي تجاوزات www.shayfeen.com

اقتباس:

---

المشاركة الأصلية كتبت بواسطة الثورة البيضاء

white-sox
السلام عليكم و رحمة الله و بركاته
كان ممكن أن تتصرف بطريقة أفضل
أولا الانتخابات مكانها اللجان الانتخابية و التي هي غالبا مدارس و منشئات تعليمية أما القسم فأنت تذهب إليه للتعرف على لجنتك الانتخابية.
و أنا لما ذهبت للقسم لم أجد اسمي و لكن أرشدوني إلى مكان آخر أعرف منه مقر لجنتي و هكذا تنقلت تقريبا بين 5 أماكن باحثا عن اسمي ( استغرقت العملية حوالى 4 ساعات)حتى وجدته و هذا شئ متوقع بل إني توقعت أكثر من ذلك من تصرفات تقرف الناخبين. و لأني أعددت نفسي على ذلك فلم أستغرب مما حدث و تمت العملية على بركة الله.

إذا كان قال لك كده فعلا فكان ممكن يكون تصرفك أفضل كان يجب عليك أن تقول له أنك مواليد 1983 و وفقا للقانون فإن اسمك مدرج في كشوف الناخبين تلقائيا و عليه يمكنك الاقتراع بواسطة بطاقتك الشخصية فقط بعد اللف و الدوران و الوصول إلى مكان لجنتك الصحيح تعطيه بطاقتك ليبحث عن اسمك في الكشوف ثم سيعطيك رقما معينا تذهب به إلى المستشار يبصمك و تنتخب. و في حالة أن قال لك ذلك كان يجب عليك أن تذهب إلى القسم و تطلب إثبات حالة. و هو ما كان سيضطرهم إلى مساعدتك حتى تتمكن من الانتخاب و الموضوع جدي و كلنا ثقة في القضاء المصري.
اسمك و اسم مواليد 1982 و حتى 1986 مدرج في الكشوف فعلا. فقط كان يجب عليك تحمل عناء البحث أما أن تترك لهم اسمك و تستسلم للأمر الواقع فهذا هو أهم منفذ للتزوير لأنه في هذه الحالة في إحتمال أن ينتخب شخص نيابة عنك طبعا أكيد أنت عارف قصدي.
أنا أكتب إليك الآن قبل إنتهاء عملية التصويت بساعة ونصف إذا قرأت ما أكتبه قبل إنتهاء عملية التصويت أتمنى أن تعاود البحث إن أمكن لك ذلك . و هذا أفضل من أن تترك خانة التوقيع أمام اسمك فارغة تغري المزورين :05:
أخيرا يوجد موقع جميل جدا لحركة الرقابة الشعبية على الانتخابات( شايفينكوم) يمكنك أن تكتب لهم عن أي تجاوزات www.shayfeen.com

---

والله يبني انا من الساعة 8 الصبح لحد واحدة عمال ادور علي اسمي ملقتوش في 5 مدارس و عاوز اقتبسلك حاجة من موقع الغد

يوجد هناك تعارض فى طرق الأنتخاب حيث هناك لجان تسمح بالتصويت بواسطه البطاقه الشخصيه و هناك لجان تعارض هذه الطريقه و من الغريب أن هناك لجان تعارض التصويت بأى طريقه سواء بالبطاقه الشخصيه أو ببطاقه الأنتخاب

و انا ممشيتش فعلا الا اما اتاكدت اني مش هعرف انتخب لان انا اسمي سهل اني اجيبو (باهي) علي العموم ربنا يسهل ونشوف اية اللي هيحصل

عزيزي white-sox
أنا أقصد أن هذه الأفعال غير قانونية لأن جميع أسماء مواليد 1982 إلى 1986 تم إدراجها بالفعل مع أرقام القيد الانتخابية تلقائيا في كشوف الانتخابات أي أنه يجب عليك أن تكون متأكدا و واثقا من أن اسمك موجود و أن لك حق التصويت بالبطاقة الشخصية و لكن ما حدث لك ليس إلا مراوغات تهدف إلى تطفيش الناخبين خصوصا أنك إذا لاحظت اليوم فإن كل أعضاء و أنصار الحزب الوطني حتى موظفي شركات القطاع العام الذين تم إجبارهم على الانتخاب كانوا يحملون علامات مميزة مثل ميداليات صغيرة يمسكونها في أيديهم تحمل صورة مبارك أو بادجات معلقة على بدلهم أو قمصانهم تحمل صورته أو حتى صور لمبارك مطبوعة على ظهر البطاقة الانتخابية للكثير منهم و كل هذه علامات للموظفين العاملين في اللجنة ليقدموا لهم كل التسهيلات اما غير ذلك فمعنى هذا أنه ليس من أنصار مبارك و بالتالي يتعاملوا معه بطريقة إعتيادية أو مثلما فعلوا معك و مع غيرك و لكن كان عليك أن تذهب إلى القسم و تعمل محضر إثبات حالة لتجبرهم على مساعدتك على معرفة لجنتك و بإصرار على ذلك كنت ستتمكن من إدلاء صوتك. كما أنه كان يمكنك الاتصال تليفونيا ب 19468 لتعرف لجنتك. و لا تزعل فكل هذه الأمور و أكثر كانت متوقعة و لكن و الحمد لله كان الكثير من الشباب مستعد نفسيا لتقبل تلك الصعوبات و التعامل معها يكفيك شرف المحاولة خصوصا و أنها المرة الأولى و حاول أن تستخرج بطاقة إنتخابية فيما بعد.
بالتوفيق إن شاء الله في المرات القدمة
الثورة البيضاء

المهم انت انتخبت مين و علي فكرة اطمن كان في ناس اعرفهم في اللجان كلهم متفقين علي ايمن بس يارب يكسب
انا ممكن اقولكم النتيجة دلوقت
مبارك 60% ...............ايمن 40%............الباقي 10%
و علي فكرة الناس بتوع البدجات دول من برا حسني بس من جوا مش طايقينو

و علي فكرة كان في اخطاء كتير في الكشوفات و اكن في اسامي مش موجودة فعلا_((((فضايح)))

يعني لم تنتخب في النهاية :أفكر:
علي كل حال انتهت الانتخابات والحمد لله والنتيجة خلال ثلاثة أيام تقريبا
حان الوقت لننتهي من كل ما يخص الانتخابات فقد أحلتم القسم العام الي قسم كامل للنقاشات حول هذه الانتخابات وحدها :)

متزعلش قوى أنا عندى بطاقة ومرحتش ........... حسنى ناجح ناجح بيك أو من غيرك

ههههههه حظك حلو

وانا حكايتي بردوا لما خلصت الشغل كدة علي الساعة 3 الظهر روحت مركز انتخابي في المنطقة اللي انا تابع ليها فاقولت للراجل اللي هناك انا عاوز انتخب قالي معاك بطاقة انتخابية قلتلة لاء وانا من مواليد 84 وقالي كل مواليد عام 84 البطاقة الانتخابية بتاعتهم جاهزة بس يروحوا يسالوا عليها من القسم وفعلا روحت وسالت وشباب كتيير كانوا رايحيين يعملوا بطاقة عشان ينتخبوا راحت واحد بتقولي كل مواليد 84 مالهومش بطاقة انتخابية انا استغربن والنهاردة زميلي اللي في الشغل هو مواليد 85 راح عشان يعمل بطاقة انتخابية وقالولوا ان مواليد 85 مالهومش بطاقة يجي يعملوها في شهر 11 المهم زميلي دة كان عاوز ينتخب مبارك لكن لما لقي تعنت وازي لقي ناس كتير جاية تعمل بطاقة انتخابية غير راية وقرر انة يختار ايمن نور وساعتها قلتة انتا بردوا حصلك اللي حصلي وعشان كدة هو قرر انة يغير قرارة
وانا كان عندي الحماس والشجاعة اننا انتخب وماكنتش خايف

اقتباس:

---

المشاركة الأصلية كتبت بواسطة كلانشنكوف

متزعلش قوى أنا عندى بطاقة ومرحتش ........... حسنى ناجح ناجح بيك أو من غيرك

---

للاسف الحكومة نجحت انها تنشر اليأس بين الموطنين واحنا لية نيأس مش ممكن صوتك يفرق في الانتخابات احنا كنا في عرض اي صوت في الانتخابات دة كان موقف سلبي منك جدا جدا بغض النظر علي مين اللي هايكسب بس كان لازم تروح اهو علي الاقل تعرفهم ان احنا لينا راي ومحدش يقدر يفرض علينا راي انا علي فكرة اتضايقت علي موقف الناس السلبي ولقيت ان اللجان الانتخابية فضية طيب ولية وبنشتكي عاوزين نغير وعاوزين حرة طيب روح عبر بصوتك يمكن يعمل حاجة مش عارف لية الياس اللي فينا دة علي العموم الانتخابات الجاية تروح تنتخب اشوفك انشاء اللة في
الانتخابات الجاية كمان 6 سنين:p

حصل مع ابويا راح ينتخب قلولوا هات البطاقة الانتخابية قال مش معايا فالظابط قالوا انت كنت عايز ترشح مين قال نعمان جمعة الراجل قعد يضحك ببرود :vereymad:

اقتباس:

---

المشاركة الأصلية كتبت بواسطة MR.dido

حصل مع ابويا راح ينتخب قلولوا هات البطاقة الانتخابية قال مش معايا فالظابط قالوا انت كنت عايز ترشح مين قال نعمان جمعة الراجل قعد يضحك ببرود :vereymad:

---

هههههههههههههههههههه انت تحمد ربنا ان ابوك متمسكش امن دولة المهم انا لح دلوقت سامع ان مبارك واخد 80% من الاصوات الله اكبر
تعيش مصر لمبارك ........تعيش مصر لمبارك

اقتباس:

---

المشاركة الأصلية كتبت بواسطة underblack

المهم زميلي دة كان عاوز ينتخب مبارك لكن لما لقي تعنت وازي لقي ناس كتير جاية تعمل بطاقة انتخابية غير راية وقرر انة يختار ايمن نور وساعتها قلتة انتا بردوا حصلك اللي حصلي وعشان كدة هو قرر انة يغير قرارة

وانا كان عندي الحماس والشجاعة اننا انتخب وماكنتش خايف

---

هههههههه

هي دي الطريقة اللي بتقرروا بيها مصير البلد ومستقبلها

يعني كان عايز ينتخب مبارك ولما قابل الروتين الحكومي غير رأيه وعمل كولوا بامية ما بين نعمان ونور وفي الأخر قال نور علشان زميله قال نور :biggthump

ما شاء الله .. ايه الحلاوة دي :D

يا أخي لما بنقول لسه قدامنا كتير والناس عايزة تعرف كتير وكتير بيقولولنا الناس عارفة كل حاجة

علي العموم كنت عايز أسألك أخويا سؤال بعد اذنك .. هو زميلك ده اشتغل ومع ذلك أول مرة يقابل في حياته الروتين الحكومي؟

يعني مراحش قبل كده قسم أو مصلحة أحوال مدنية أو المجلس الحسبي أو المجمع أو محاكم أو أي حاجة من الحاجات دي؟ :biggthump

---

اقتباس:

---

حصل مع ابويا راح ينتخب قلولوا هات البطاقة الانتخابية قال مش معايا فالظابط قالوا انت كنت عايز ترشح مين قال نعمان جمعة الراجل قعد يضحك ببرود :vereymad:

---

يا أخي صدقني لا نعمان ولا نور .. الاتنين أسوأ من بعض

ومبارك طلع كل اللي عنده طوال 24 سنة .. البلد محتاجة لانتخابات جدية ومرشحين علي قدر المنصب

يا ريت تمر علي مداخلتي التانية علي الرابط ده

http://www.montada.com/showthread.php?t=409447&page=5

ايمن نور البرنامج بتاعو كان حلو بس و النبي عندي سؤال اية حكاية كمونة دي :D اصدك كمونة اللي كان بيلعب في الزمالك(سمير كمونة) :D السؤال لشاب مصري :jester:

اقتباس:

---

المشاركة الأصلية كتبت بواسطة white-sox

ايمن نور البرنامج بتاعو كان حلو بس و النبي عندي سؤال اية حكاية كمونة دي :D اصدك كمونة اللي كان بيلعب في الزمالك(سمير كمونة) :D السؤال لشاب مصري :jester:

---

تعرف يا أخ وايت

نكتتك دمها مش خفيف :33:

أنا كلامي واضح في موضوع الأخ الثورة البيضاء .. لو قريته هتعرف حكايته .. ولو تقدر تقول حاجة نتناقش فيها اتفضل في الموضوع نفسه وهات ما عندك .. لكن الموضوع لو موضوع ضحك وبحبه ومحبهوش يبقي بلاش أحسن :)

يا ريت تكون فهمتني :33:

سلامي

اقتباس:

---

المشاركة الأصلية كتبت بواسطة شاب مصري

[/b][/size][/font]
تعرف يا أخ وايت
نكتتك دمها مش خفيف :33:
أنا كلامي واضح في موضوع الأخ الثورة البيضاء .. لو قريته هتعرف حكايته .. ولو تقدر تقول حاجة نتناقش فيها اتفضل في الموضوع نفسه وهات ما عندك .. لكن الموضوع لو موضوع ضحك وبحبه ومحبهوش يبقي بلاش أحسن :)
يا ريت تكون فهمتني :33: [/center]


سلامي

---

يا اخي العزيز شاب مصري

يا اخي العزير ايمن نور مش محتاج حركات زي دي عشان يوصل لقلوب الناس الحركات دي يعملها عبد الناصر اة لكن ايمن نور لاء لانو مش محتاج هو عندو دماغ يفكر و يقدر ازاي يوصل للشعب عن طريق البرنامج بتاعو واللي اعتقد انو كان اكتر من ممتاز و محدش تاني من المرشحين كان عندو ربع البرنامج بتاعو ,ثانيا انت متحامل علي ايمن نور لانو ريبيرالي و عميل ,شوف بابا حسني عامل اية في بلدنا نهبها من 25 سنة .....و ناس عندهم حاجة في دماغهم يروحو ينتخبوة , خلاص متشتكوش من البطالة والفقر باة و ازا انت بتقول محدش من المرشحين ينفع قولي انت مين اللي ينفع يعني مفيش في مصر حد يقدر يقود الشعب دة من 75 مليون ... ثانيا فيها اية اما يتقرب من الاقباط (دي انتخابات يا حبيبي ) لازم يقرب من كلو عشان يكسب ...و اعتقد اني راجل محامي اعتقد انو هيعرف يحكم البلد احسن من راجل عسكري لا يعرف في الطور و لا في الطحين , و انا عايز افهم باة اية حكاية كمونة قالوكو علي الحكاية ...انت تعرف كمونة؟ و :33: يا اخي خلينا ندي لحد تاني فرصة يمكن يصلح حالها و بعدين ممكن نحاسبو لكن منسيبش واحد كدة يعد يبرتع في عزبو ابوة و احنا مشيين ورا زي البهايم و نقول دة بتاع الضربة الجوية و حرب زفت ..تشرشل اما فاز علي المانيا في الحرب العالمية التانية اتغر بنفسو شوية
و سقط في الانتخابات , الشعب البريطاني مقلش انو بتاع الضربة الاضية و هو حامي الحمي و من غيرو هنموت من الجوع و اللي نعرفو احسن من اللي منعرفوش (ياحلاوة ) و الله انا مشفتوش ناس كدة ابدا ..... ,يا حبيبي بابا حسني اكبر عميل لامريكا و ثانيا مشكلة الشعب المصري انو بيجري ورا الاشاعات احنا علطول نالف قصص غير واقعية لكن مش تيجي تقولي انو اجر واحد وادالو فلوس عشان يطلع كانو البطل المغوار و مفيش واحد نضيف يفكر بالطريقة دي,روح شوف البرنامج بتاعو و قولي رايك مين احسن للبلد اي برنامج فيهم احسن,برنامج عشاق بابا حسني و لا بتاع ايمن نور؟؟؟؟؟؟؟؟؟؟؟؟؟سلام .

أعزائي:

لا تحتدّوا في النقاش كثيرا حول الانتخابات ، إن نجح هذا أو خسر ذاك فماذا سيفعل هذا و ماذا سيغيّر ذاك ؟ مخطئ من يعتقد بأن التغيير يأتي من فوق أي من رأس الهرَم إنه يبدأ من القاعدة و أكبر دليل على ذلك سيرة الرسول (ص) و التغييرات الكبيرة في المجتمعات كلها عملت على بناء الفرد والأسرة و المجتمع أولا .

في العالم الثالث عموما و في بلادنا العربية المستقـلّة و الحمد لله منذ أكثر من نصف قرن لا يوجد انتخابات فعلية بل مسرحيات انتخابية تعطي شرعية زائفة للزعيم الملهم المفدّى الأوحد ونحن غير قابلين للديمقراطية أساسا لأننا مفطورون على حب و إطاعة وليّ الأمر و شيخ القبيلة وشيخ الجامع و مجتمعنا ذكوري بامتياز و الذكر عندنا هوكل شيء لا يناقِش و لا يناقَش والإنسان العربي المسلم الذي يحتقر الدنيا و يجعلها دار ممر لا دار مقرّ و هي لا تساوي عند الله جناح بعوضة يعتقد أن الذي تجب طاعته هو القانون السماوي لا الوضعي لذا فهو يحتقر القانون و يتفلّت منه و يثور دائما على النظام و يكره التنظيم و يرتبط مباشرة بشيخ الجامع لا بالقانون و من يمثّله. وإلى أن نرى إنسانا عربيا يضع الوطن في المرتبة الأولى قبل نفسه و غاياته و ملذاته ويرضخ للقانون طائعا مختارا و يعتبر المرأة نصف المجتمع لها كامل الحقوق مثل الرجل و يزهق من الزعيم إن طالت فترة حكمه أكثر من ستة أعوام ويعطي ما لقيصر لقيصر وما لله لله و يؤمن بأن الدين لله و الوطن لجميع بنيه مهما اختلفت أديانهم و مذاهبهم و معتقداتهم السياسية إلى أن نرى هذا الانسان علينا أن نعمل بصمت ودأب من أجل تغيير أنفسنا و أبنائنا و بناتنا و نغيّر مناهج التربية و التعليم المتحجّرة و نربي النشء على حب الغير و تقبّل الرأي الآخر و عشق الوطن و القانون و النظام ونزرع فيهم حبّ الله عز وجل بدل الخوف منه فقط و بعد ذلك تعالوا نجري الانتخابات و ننعم بالديمقراطية و السلام .

سعيد أبو نعسة

كاتب فلسطيني / مقيم في لبنان

Said6610@hotmail.com

علي فكرة يا اخ شاب مصري انتا متحامل اوي علي ايمن نور وانا شايف ان برنامجة الانتخابي من احسن البرامج وهو صحيح ماكسبش لكن دي فرصة لية انة يشتهر ويكسب ثقة الناس وتكون دي اول خطوة في الطريق عشان الانتخابات الجاية يكون لية حظ احسن وهانشوف مبارك هلي هاينفذ وعودة اللي قال عليها ادينا مستنين
وانا هاكتب برنامج ايمن نور الانتخابي:
وبرنامج ايمن نور يتضمن برنامجه الانتخابى يتضمن الغاء عدة وزارات مثل الاعلام التى لاتحتاج الى وزير يديرها, وخصخصة الوزارة بأن يمتلك العاملون فيها 51 % من اسهمها, كما سيفعل نفس الشى ء مع الصحف حتى تخرج الصحف من تحت عباءة الحكومة وتعبر عن اراء الشعب وليس عن اراء الحاكم وحده.
سيلغى وزارة العدل ايضا لعدم جدواها, وسيقوم مجلس القضاء الاعلى بادارة شئون القضاء, كما سيوافق على كافة المشاريع المقدمة من نادى القضاة في سبيل استقلال القضاء والعمل على منحه الحرية التى يحتاجها كاملة باعتباره المسئول عن حرية الوطن
سيقوم بتوفير 450 الف فرصة عمل حقيقية, وليست وعودا كالتى شهدتها مصر لسنوات طويلة سابقة من خلال تصريحات بتوفير 700 الف فرصة عمل, ثم 500 الف وتراجعت الى 350 الف فرصة, ثم الوعد بتوفير 150 الف فرصة في العام الماضى.
تعزيز المناخ الديموقراطي في مصر ، لضمان نزاهة الانتخابات الرئاسية
تعزيز تدعيم المساواة بين المصريين ، وتنمية الديموقراطية وحقوق الانسان والحقوق المدنية و الحرية في مصر
وطبعا انتا عارف حكم محمد حسني مبارك و الذي استمر حوالي الربع قرن ، أثمر عن فساد السلطة وسوء استغلالها ،بالإضافة إلى التدهور المستمر للاقتصاد المصري مما أدى إلى الإنهيار التام للتوازن الاقتصادي ، حتى أصبح دخل الفرد في مصر يقارب دخل الفرد في أفقر دول العالم الثالث.
واعتقد ان برنامجة من افضل البرامج اذا كان لك تعقيب علي برنامجة اساسا واحنا مستنين نشوف هل مبارك هايعمل اللي قالة ويجد فرص عمل اللي احنا بقالنا سنين بنسمع الحكومة وفرت فرص عمل وللاسف كلة كلام فارغ دا بالعكس البطالة بتزيد انا ابن عمي مهندس معماري لسة متخرج من شهرين وطبعا انضم لطابور البطالة مش هو بس وغيرة وغير هل علي مدي 25 سنة هل مبارك هايقدر يعمل حاجة!!!!!

أتحدث العربية ومع ذلك لا يدرك حديثنا ولا يفهمه الأفاضل

لذا سأتحدث بنفس الطريقة حتي يعقل كلامنا

يا أخ وايت .. من غير زعل .. انت كلامك سطحي جدا .. بتتكلم من غير دليل وبتحكم من غير دليل والمصيبة الكبيرة انك بتدخل في موضوع وتخرم في عشرة

معلشي اعذرني علي صراحتي أنا اتفقت معاك متزعلشي

أنا بصراحة مش عارف انت بتتكلم في ايه .. بتتكلم عن أيمن نور كشخص ولا بتتكلم عنه كبرنامج ولا بتتكلم عن مبارك (وسبحان الله وكأن حد قالك اني أؤيده) ولا بتتكلم عن عبد الناصر ولا بتتكلم عن تشرشل ولا الضربة الجوية ولا البتنجانية ولا ايه بالظبط؟!!!!

لو عايز تتكلم عن أيمن نور فسبق وقولتلك وبقولك تاني ارجع لموضوع الأخ الثورة البيضاء لو عايز تكلمني فيه هناك

مينفعشي تناقشني في موضوع عن رد في موضوع تاني!!!

وبعدين نصيحة أخوية .. حدد كلامك في ايه بالظبط ورتبه علشان متفتحش علي نفسك فاتحة

يعني بلاش عبد الناصر وغير عبد الناصر .. لما تبقي تخلص كلامك عن أيمن نور الأول وتحس انك عرفت تكتب حاجة مفيدة عنه معنديش مانع أفتح معاك حوار جديد عن عبد الناصر

متفقين؟

أتمني :أفكر:

اما موضوع الثورة البيضاء .. أو واحد فينا يفتح موضوع عن أيمن نور منفصل في السياسي

ياريت تكون فهمتني لأخر مرة وياريت مرة تانية تكون مزعلتش من ردي

بس صدقني لو كنت رديت علي ردك ده بالكامل هنا كنت هتزعل أكتر وعلشان كده بلفت نظرك لأخر مرة تراعي الكلام اللي بتقوله وتحدد الكلام اللي هتتناقش فيه .. ولو عملت كده أهلا بيك يا سيدي في أي وقت

------

أخي الكريم

underblack

تتحدث عن مبارك ووعوده مثلك مثل الأخ وايت سوكس وكأني من المحتفين به والمصفقين له رغم كوني لا أذكر حدوث ذلك أبدا

هذا أولا

وثانيا ردك أخي الفاضل لم يغادر نقطة البطالة وحديثك فيها حديث عن وعود مرشحين ليس الا ومثل ما لنور وعود فلمبارك هو كذلك وعود ولغيره من المرشحين وعود .. اذن حكمنا لا يكون فقط عن وعود علي كل حال حتي لا أكون أفرق بين رد وأخر فأهلا ومرحبا بك في موضوع الأخ الثورة البيضاء ان شئت المحاورة أو بموضوع يجمعنا في السياسية فليس لدي أي مانع

في أمان الله تعالي

بسم الله الرحمن الرحيم

يسبق كلامنا سلامنا يطوف ع السامعين

رد كدة فى السريع :)
و إعذرونى و ما تعذرونيش على الغياب
بتابع كل ٣ او ٤ ايام ومش بشارك
( مش عارفة إية سدة النِفس دى >> من ال net عموماً )

بشارك مشاركة صامتة (^:
و ردى على كل موضوع بيتخزن داخلى عند قراءة كل او اى موضوع
إلا فى حالات قليلة >> حالات أشعر فيها بحاجتى للصراخ [ المكتوم و الصامت ايضاً ]
فأجدنى اتوجه لل notebook و ادون فيها ردى

و هذا ما كتبته يوم اول امس كرد و لم أرسله

( وتوتة توتة .. فرغت الحدوتة .. حلوة وإلا ملتوتة ؟! )
إنتهى العرض المسرحى الدراكوميدى بفوز الرئيس حسنى مبارك
كما توقعت و توقع الكثير منا بفوزه فى النهاية

قاطعت .....
لماذا قاطعت ؟؟
الإجابة وبكل بساطة غياب منافسين حقيقيين بجانب إسم وإنجازات مبارك القليلة على مدار ٢٥عاماً
من اهمها إقامة بنية تحتية قوية والإستقرار السياسى و الأمنى ... إلخ
اما لماذا لم ينفذ مبارك افكاره وطموحاته طوال سنوات حكمه
سؤال لن يستطيع احد الإجابة عنه إلا سيادة الرئيس
هذا اولاً
اما ثانياً : قاطعت لسبب خاص بالجداول الإنتخابية و عملية قيد الناخبين
حيث ان العدد الصحيح و المفترض ان يكون مقيد بتلك الجداول هو ٤٨٪مليون نسمة تقريباً
و الواقع الفعلى اشار إلى ان الجداول لم تتجاوز ٢٥ مليون ناخب الأخوة

اللى شايفين فى السيد أيمن نور صفات القائد المغوار اتفق معهم على صفة القيادة
فقط
لو لم تخرج عن قيادة بعض البلطجية التابعين له :D ..
واعود واتذكر هذه الكلمات البسيطة" اللى بنى مصر كان فى الأصل حلوانى صحيح "
وماله لما ييجى بلطجى زى أيمن ويكمل بناءها

أيمن نور لا يملك اى خبرات سياسية تؤهله لإعتلاء مناصب قيادية عليا فى الدولة
شخصية تافهه يحب السلطة وعنده إستعد يضحى بأعز ما عنده للوصول إليها
تورط فى قضية تزوير من اجل السلطة
تهرب من دفع ضرائب مستحقة لبلده ( محامى بقى وثغرات قانونية ..إلخ )
بايع الرئيس مبارك بالروح والدم
وعاد ليقول " إننا عشنا ٢٤ عاماً فساداً و نهباً لثروات مصر"
إمتدت يده إلى أفكار كتاب كبار و نسبها لنفسه
أيمن نور شخصية مفلسة يتاجر بأحلام الفقراء و أوجاعهم

أخى وايت سوكس هل تعى جيداً ما معنى ليبرالى ؟؟
إتعودنا نشوف بلدنا تُنهب وتُسرَق ثرواتها من ٧ آلاف سنة
و هى بتتسرق ورغم ذلك لاتزال على قيد الحياة
تخيل معايا بقى وجود حُكم ليبرالى فى مصر وكمان نهب وشفط ثروة مصر
/\
موت وخراب ديار

الأخ underblack اللى ذكر إن الحاوى أيمن نور كان عايز يلغى وزارة الإعلام
وكمااااان العدل >>> مش فاهمة إزاى محامى و يلغى العدل
ما علينا :D
خلينا فى وزارة الإعلام اللى المتر نور كان هيلغيها لو كان فاز
و هنا هتتضح شوية صورة الليبرالى أيمن و لو قليلاً
( صورة بسيطة من صور الليبرالية والحرية )
لكن تحتاج لقليل من الذكاء لفهم محتواها
إليكم الخبر :
لم يكن القرار الذى إتخذه أنس الفقى - وزير الإعلام - بفك تشفير القنوات المتخصصة قرارا ًفنيا ً
بقدر ما كان سياسياً اضطر الوزير إلى إ تخاذه لظروف شديدة الأهمية
مصدر مطلع فى ماسبيرو كشف عن السبب الحقيقى الذى دفع الفقى إلى إتخاذ هذا القرار
بعدما ترددت أنباء تشير إلى إعتزام إسرائيل إنشاء قنوات موجهه إلى مصر
لبث أفلام *** ومخلة على القنوات الإقليمية التى كانت تنهى إرسالها عند منتصف الليل
عدا الخميس حيث كان إرسالها يمتد إلى ما بعد الثانية صباحاً
وذكر المصدر أن إسرائيل كانت تنوى بث موادها ال **** على القنوات الأرضية
حتى تضمن عرضها على قطاعات كبيرة من المشاهدين
وشدد المصدر على ان الوزير لن يكتفى بإتخاذ هذا القرار الجرئ
الذى نال إشادة كثير من الأوساط
حيث يعتزم إنشاء محطات للتشويش على أية محطات إسرائيلية
تهدف لممارسة مثل هذه المخططات المشبوهه

سؤال او تساؤل لما المتر و نص أيمن نور
كان عايز يلغى وزارة الإعلام
ليه ماقالش نقفل التليفزيون و نلغى الإذاعة ونمنع كل الصحف
( إلا صحيفة الغد - طبعاً ) يعنى الوزارة وكل مايخص الوزارة
و ساعتها مش هنحتاج لرقابة على شئ ليس له وجود
ومش هنخاف على شبابنا و اطفالنا لا من فضائيات و لا غيره
هى دى الحرية !!
فضائيات بدون رقابة ...
إعلام مسموع و مرئي بدون رقابة !!
و إلا كنا هنفتح التليفزيون و الراديو ونلاقيهم شغالين ٢٤ ساعة قرآن :33:

فى النهاية ال١٠مرشحين لم يكن من بينهم من يصلح لهذا المنصب ...
فلننتظر الإنتخابات التشريعية المقبلة !! هاه ... يمكن ....
ملتوتة ؟! :blackeye:
Salam
_________________________
يعود سطح الماء للهدوء دائماً في انتظار حجر ٍجديد .. بينما تستقر كل الحجارة السالف ذكرها .. في القاع.

أختي العزيزة الطيبة
Star_Fire
بداية فلا عذر لك علي الغياب ونحتاج مزيد من المرونة والتقبل لباقي الأراء ..
فالاختلاف لا يفسر الاختفاء ولا تنسي فالاختلاف هنا أصبح شئ طبيعي جدا علينا تقبله برحابة صدر :)
أتمني لو عدنا لنجدك مشاركة مستمرة بكل ما يثرينا ويفيدنا كما عودتينا دوما أختي
بالنسبة لردك فهو من أفضل الردود بالموضوع .. لكن هذا لا يعني اتفاقنا التام .. أنا اتفقت معك في أغلبه واختلفت معك في أقل القليل
عموما أنا أؤمن بكبر الموضوع وبأهميته الشديدة
أهميته نابعة من كونه تساؤلات واختلافات بيني وبين أحبابي وأبناء بلدي
لذا أتعهد بكتابة موضوع في السياسي نقدمه لكل راغب في المناقشة ونزينه بما يحتاج من معلومات وحوارات قد تطول
فقط أعتذر لانشغالي هذه الأيام فأنا لا أدخل علي المنتدي الأن الا بواسطة محال النت كافيه والسيبرات
وأخير .. أعتقد أن الموضوع لا يوجد له أي داعي الأن .. ان سمح لنا أخانا وايت سوكس أغلقته وان كان لازال بحاجة لرد أو ابقاء الموضوع تركته .. لكن مبدئيا وبالنسبة لي لن أتناقش هنا فيما كتب فعلا في أماكن أخري