الموضوع الرسمي لـ FABLE - THE LOST CHAPTERS طلبات .. مساعدات .. إستفسارات

http://img.gamespot.com/gamespot/ima...s/2/926702.jpg

اخير اتيحت لي الفرصة لتجربة Fable الخاصة بمطوريها بـ Lionhead Studios

المشهور بلعبة Black & White التي اثارت جدلا دينيا , و لعبة " The Movies " التي تم تأجيلها اكثر من مرة

لا أدري إن كانت هناك فرق كبير بين Fable على الاكس بوكس

و Fable : The Lost Chapters على البي سي و الاكس بوكس .

لكن احب اني اتكلم عن نسخة البي سي الحالية Fable : The Lost Chapters

نظام اللعبة RPG و مغامرة رائعة ..

فيمكن أن تغير مصير و أسلوب لاعبك عن طريق أفعاله و خياراته ..

و تتغير صفات الشخصية حسب اعماله ..

فمثلا لو وقفت مع الشر , تصبح شريرا , ولو وقفت مع الخير تصبح بطلا

http://image.com.com/gamespot/images...4_thumb007.jpg http://image.com.com/gamespot/images...4_thumb006.jpg http://image.com.com/gamespot/images...4_thumb004.jpg

القصة تبدأ بصبي في قرية هادئة و اناس طيبين لم تطأها الحرب أبدا

يحاول الصبي الصغير أن يشتري هدية لأخته بمناسبة مولدها

هناك عدة طرق و كل الطرق ستؤدي إلى النتيجة نفسها , لكن كل عمل سيقوم به يؤثر على سلوكه

فلو قام بجلب الهدية بطريقة خيرة سيحصل على على اطراء الناس من حوله

ولو قام باعمال سيئة للحصول على الهدية سيكرهه اهل القرية , و بالتالي يصبح شريرا ..

و عدة مراحل اخرى ستواجهه بعض الاختيارات الصعبة و يجب ان يختار بين الخير او الشر

لكي يمضي في طريقه ليصبح كبيرا في السن ويعرف مستقبل حياته

سواء ان يكون الشرير , او ان يكون البطل في القصة

عدة مواقف و عدة نهايات لشخص واحد في لعبة واحدة ..

هذا ما يجعل اللعبة رائعه و ممتعه للاعبها .

http://image.com.com/gamespot/images...8_thumb002.jpg http://image.com.com/gamespot/images...8_thumb003.jpg http://image.com.com/gamespot/images...8_thumb003.jpg

اللعب سهل جدا في بدايته فليست هناك مستويات صعوبة تختارها

يمكن التحكم بالشخصية من الماوس لضرب الاعداء و صد الهجمات و الكيبورد للتحرك و بقية الاعمال التي يمكن القيام بها كالسحر و اختيار الاسلحة من الرمح و السيف .

تقييمي الشخصية للعبة

اللعب : 8.5 / 10

الجرافيكس 7 / 10

الموسيقى : 7 / 10

------------

المجموع : 7.8 / 10

أسئلة شائعه

هل يوجد طور الاون لاين ؟

لا يوجد حسب ما رايت ..

هل هناك اختيار للشخصيات ؟

لا , مجرد شخصية واحدة تبدأ معها من سن الطفولة و حتى البلوغ

و الشخصية ذكر , و لا يوجد انثى مما يجعل صناع اللعبة عنصريين ذكوريين ..

ولم يراعوا شعور لاعبات ال rpg :p

كيف حصلت على اللعبة قبل موعدها ب 20 يوم ؟

اللعبة مهكرة على الشبكة

وسلامتكم .

السلام عليكم ورحمة الله ..

شكرا لك أخي العزيز ..

تجربة رائعة أعطتنا المزيد من التشويق إنتظارا لنزول اللعبة ..

بالنسبة للجرافكس فهو يستحق أكثر من 7 في نظري ..

حيث أن استخدام كل إمكانيات اللعب ووضع الخيارات على Ultra Hight وخاصة الأضواء , تجعل منها روعة جرافكسية ..

هذه متطلبات اللعبة :

الدنيا :

Pentium IV, 1.4 Ghz, 256 Mb RAM, 3D Card 64 Mb, Windows XP

العليا :

Pentium IV, 2.5 Ghz, 512 Mb RAM, 3D Card 128 Mo, Windows XP

وهذه بعض اللقطات الإضافية :

http://image.jeuxvideo.com/images/pc/f/t/ftlcpc008.gifhttp://image.jeuxvideo.com/images/pc/f/t/ftlcpc015.gif

http://image.jeuxvideo.com/images/pc/f/t/ftlcpc017.gifhttp://image.jeuxvideo.com/images/pc/f/t/ftlcpc019.gif

http://image.jeuxvideo.com/images/pc/f/t/ftlcpc021.gif

أخيرا , بالنسبة للتصنيف العمري , اللعبة موجهة إلى طبقة اللاعبين فوق 12سنة ..

وشكرا لك مرة أخرى على هذا التقرير المبسط والرائع ..

-----------------------------------------------------------------------------------------

مشكور اخوي على الموضوع

بس ممكن اتقولي هل اللعبه مغامره يعني قصه وتعيشها

ام انها قتال فقط

ارجووووك اشرح لنا القليل

وشكراا

السلام عليكم
مشكور اخ The Director على الموضوع الرائع فعلا.....
القصة بسيطة والرسوم مبينة روعة....للاسف مع اني كنت قادر اني انزل اللعبة قبل شهر
لكن اللعبة تدعم خاصية pixel shader اللي لا يدعمها كرتي المغبر.....

اقتباس:

---

فمثلا لو وقفت مع الشر , تصبح شريرا , ولو وقفت مع الخير تصبح بطلا

---

تذكرني ب star wars KOTOR 2 .....

اقتباس:

---

هذه متطلبات اللعبة :
الدنيا :
Pentium IV, 1.4 Ghz, 256 Mb RAM, 3D Card 64 Mb, Windows XP
العليا :
Pentium IV, 2.5 Ghz, 512 Mb RAM, 3D Card 128 Mo, Windows XP

---

اخ جيمر هل فعلا اللعبة تحتاج لكرت يدعم البكسل شيدر :D :D

مين في منتدانا المشرف العام بذات نفسه!! يامرحبا....:ds012: "لازم نثبت الموضوع عشان نشجعه:ds011: " {---- أمزح

اللعبة وجدتها على موقع التورنت ولكن كنا نحمل لعبة Advent Rising ولكنها بطييييييئة وأما فابيل فمتوقف تحميلها على اكتمال اللعبة الأخرى....:ds001:

من القصة أرى أنها تختلف عن نسخة الإكس بوكس لأن في نسخة الـXBOX أهل القرية كلهم سيموتون وستبقى أنت فقط "مثل SASUKE" وتدخل في مدرسة الأبطال وتخرج بطلا وتعيش حياتك الطبيعية كبطل...:ds021:

:ds018: على كل حال شكرا لك على مشاركتنا التجربية وياريت ما تقطع مرة ثانية...:ds015:

لعبة رائعه انا خلصتها على الاكس بوكس لاكن طبعا بحاول العبها على ال pc لان الجرافيكس محسن واعتقد فيه اختلافات كثيرة .

SanX 3ala el topic

اخوي ممكن تعطيني رابط اللعبه ديمو واذا يوجد كامله

لأني دورت اغلب المواقع المشهور واهما الا هو جيمزسبوت ولا شفت الديمو فهل ممكن تحطه هنا؟؟

انا سرعت جهازي 1700 بس عندي سيلارون (اعتقد كده) فهل تشتغل عليه اللعبه؟؟

والله العبه شكلها كذا :biggthump

لعبتها على الاكس بوكس لكن شكلها غير

يالله من يسعفنا بوصلة تحميل :D

نرجو عدم الخروج عن صلب الموضوع وتحويله إلى طلبات مخالفة ..
و شكرا ..
-------------------------------------------------------------------------------

انا خلصتها على الاكس بوكس :D
تبغون الصراحة أنصحكم تنزلونه وشكراُ ...

مرة وحدة المشرف العام :bigeyes: إنشاء اللة ماتكون أخرى مشاركة لك :D

لا يسمح بوضع أي وصلة لتحميل الألعاب ..

نرجو الإطلاع على القوانين ..

------------------------------------------------------------

المراقب ..

رغم اني لعبتها على البوكس لاكن شكلي بلعبها ثانيه على الحاسب لأني ماكملتها بسب ضياع التسيفيه في اخر اللعبه
وانصح الى ماجربها يجربها لعبه رايقه وتستاهل
للي يبي يحمل اللعبه ترها متوفره في مواقع التورنت
شغل مخك وسو بحث بتلقاها

اقتباس:

---

المشاركة الأصلية كتبت بواسطة Cyber Master

رغم اني لعبتها على البوكس لاكن شكلي بلعبها ثانيه على الحاسب لأني ماكملتها بسب ضياع التسيفيه في اخر اللعبه
وانصح الى ماجربها يجربها لعبه رايقه وتستاهل
للي يبي يحمل اللعبه ترها متوفره في مواقع التورنت
شغل مخك وسو بحث بتلقاها

---

يعني العبة 100% ار بي جي؟ مش اونلاين؟ nyyyyyyce :p
بجربها :)

ومشكور اخوي على الموضوع :)

شكلها اللعبة خيالية على البي سي...انا لسه ما لعبت نسخة Xbox ...منتظرها و بشوف :)


شوقتنا The Director :)

اقتباس:

---

المشاركة الأصلية كتبت بواسطة Gamer-Extrem

نرجو عدم الخروج عن صلب الموضوع وتحويله إلى طلبات مخالفة ..

و شكرا ..
-------------------------------------------------------------------------------

---

ماكنت ادري ان الطلبات مخالفه اعذرني

مشكور حبيبي
وانا لقيتها عالتورنت والسرعة ماشالله فووق 55KB/S
----------------------
المراقب ..

:: موضوع رائع ذا ديراكتور تسلم الأيادي إلي إكتبت هذا الموضوع..تجربة ناجحة :: :)

:: أصدقائي أجبروني على شراء الإكس بوكس بسبب الجزء لأول من هذه اللعبة...للأسف ما شريتها وما لعبتها بس شفت الجزء الأول منها على الإكس بوكس وفعلا لعبة قمة!! :: :D

:: إلى المميزة :: :09: <<--- جنا على نفسه :blackeye:

:: أشكرك مره أخرى و الله لا يحرمنا من إبداعك مشرفنا الغالي :: ;)

:: تــــحـــيــــاتــــي :ciao: :ciao: ::

السلام عليكم

أنا كثيرا ما سمعت عن روعة هذه اللعبة وكثيرا ما شفت الناس تتكلم عنها

ولكن مدري ليه .. أحس أن اللعبة تذكرني بلعبة التصويب المرعبة :afraid: Aera 51


صراحة الموضوع حمسني :biggthump

وشكلي بجربها على البي سي << ربما :blackeye:

وتلسم إيدك دايركتورنا << يلفق كلمات :p
جاري الترشيح
سلام :ciao:

مرحبا مشرفنا The Director

اللعبة شكلها مشوقة من الصور و من وصفك لها .

و ان شاء الله بحاول اجربها في القريب العاجل

السلام عليكم ورحمة الله وبركاته



بصراحه انا ماجربتها على الأكس بوكس رغم انه الجهاز عندي :)

انا الحين قاعد انزلها وخلال 18 ساعة بالكثير تنزل بالجهاز


تحيتي


/)/)/)

اخوي اعذرني بس انا دورت المواقع واجد ماحصلت الديمو رجاءاً تحطوه هنا وكم حجمها

اللعبه نزلت وانتظر احد يجربها ويقولنا رايه

رااح توصلني بعد كذا اليووم .....

بس من تصنيف جيم سبوت باين ان اللعبه قوويه .....

8.7 من عشرره ... وهذا براي ان اللعبه فتاكه خاصه ان تقيم جيم سبوت متشددين من الناحيه هذي ...


ودمتو بوود

السلام عليكم


اخواني من المعلوم انه تم نزول لعبه FABLE منذ ايام قليله ( انزين وبعدين

و انا نزلت اللعبه من الانترنت والحمدالله ماشيه تمام بدون اخطاء ( وبعدين


المهم صارلي مده العب اللعبه بس عندي جم سؤال :

في احدى المناطق تأتيني بنت صغيره تطلب مني المساعده لإنقاذ اخيها الصغير وتطلب مني الام البحث عن الساحره الي تنقذ الاخ

وبعد فتره لقيت الساحره وطلبت مني ان ابحث عن الدواء وهو ( 4 قطع من المشروم )

السؤال : وين الاقي المشروم

ثاني شي : اهناك اكثر من منطقه باللعبه .. شنو المطلوب بالضبط

هل تلبية اوامر الشعب ما ماذا


ارجو الرد

[بسم الله الرحمن الرحيم


ويشرفني ان اكون اول من يرد على موضوعك ....


وراي باللعبه بصرحه شي خيالي ... ذكررتني بايام فاينل فانتسي بس باسلوب اخر .. اذا لعبتوها بتعرفونه... واذا مالعبتوها ارجووك العبوها ومرااح تندموون اابدا ابداا ....

ياخي العزيز من ناحيه المشروم راح تحصلها اثناء اكتشافك لمناطق اللعبه .....

حيث سوف تصادف بالطريق الي قريتك الاولي . القريه ايلي بدايت اللعبه منها حيث كنت صغير .... تاجر وسوف يشرح لك عن قصه المشروم وكيف باعها لثلاثة من الاشخاص ووين تحصلهم .... والرابعه سوف تجدها معه وسوف يبيعها بــ1500

غاليه صح ؟؟ بس لاتخاف اثناء اللعب سوف تنفتح عليك كنوز وثروواات بشكل ماتتخيلها .. لكن للاسف سراعان ماتذهب ......


لذالك نصيحتي الوحيده لك لاتوقف عند طلب وااحد .. استمر باللعبه واستمر بالكتشاف لحد ماتجد الحل ......


وبصفه عامه اللعبه تبين ا لحياة العامه للبطل .. سو كان طيب او شرير ..

اتمنى اني افتدك ولو بشكل قليل .......

واسف على ا لاطاله يالغالي ....

يا فرحة ما تمت !:02:

جبت اللعبة من واحد من الشباب الله يسعده دنيا وآخره ، لكن للأسف السيدي الأول طلع مضروب :(

يعطيني خطأ مفاده انه لم يستطع استخراج احد الملفات ...

وان شاء الله اشوف لها حل وارجع لموضوعك :)

اايه تكفى وناسه الحق عمررك وااشتري ا للعبه

لجد مرااح تندم ..... :biggthump


واي حاجه تشكل ع ليك نحاول نحلها سوو .....

لاني بصرحه وصلت فيها لبعيد ....

اتمنى لكم دواام التوفيق

تسلم يا بعدي ، بصراحة ترى هذي اول مرة اتحمس للعبة RPG بحياتي كلها ، واللي ورى هذا الحماس اثنين The Director بتقريره الرائع والبسيط شوقني للعبة :biggthump ، والأخ BlackJack الله يطول بعمره :D

وان شاء الله اشوف حل للعبة بأقرب فرصة .. شكرا ً لك على التحميسة :D

مشكور اخوي الخوف على هذا الشرح وما تقصر وباين من اللعبه انها حلوه

ولكن هناك الكثير من الناس الي يطلبون مني انفذلهم خدمات .. وين الحق البي طلب كل واحد ؟؟


اخوي وناسه : تعيش وتاكل غيرها عالسيدي المضروب - يالله مو مشكله انا نزلت اللعبه من الانترنت حطيتها ثلاث ايام تقريبا واللعبه تمام ( ليش الخساير )

وتصدق انا بعد اول مره ودي العب لعبه RPG ليش بالذات هذي اللعبه ما ادري

انشوف شتخبي علينا اللعبه من مفاجآت

وشكرا

السلام عليكم ورحمة الله وبركاته


اخوي gentelman113 الساحره تعطيك اسم المنطقه الي تلقا فيها الماش رووم... انت ورح لهل منطقه وراح تلقا واحد يبيع حبه وحده بس .. وطبعا يبيعها بسعر عالي اعتقد 1500 ذهبيه ولله اعلم... لاكن ما اعرف وين الجد ال3 حبات الاخرى ... اتذكر اني مريت ورا بيت في احد المناطق ولقيتلي مرأه تكلمني عن الماش روم الازرق .. انا ماقدرت أقرأ الكلام لانه كانوا الجنود يلحقوني عشان يذبحوني :)

تحيتي


/)/)/)

اقتباس:

---

المشاركة الأصلية كتبت بواسطة AL-Samurai

السلام عليكم ورحمة الله وبركاته


اخوي gentelman113 الساحره تعطيك اسم المنطقه الي تلقا فيها الماش رووم... انت ورح لهل منطقه وراح تلقا واحد يبيع حبه وحده بس .. وطبعا يبيعها بسعر عالي اعتقد 1500 ذهبيه ولله اعلم... لاكن ما اعرف وين الجد ال3 حبات الاخرى ... اتذكر اني مريت ورا بيت في احد المناطق ولقيتلي مرأه تكلمني عن الماش روم الازرق .. انا ماقدرت أقرأ الكلام لانه كانوا الجنود يلحقوني عشان يذبحوني :)

تحيتي


/)/)/)

---

مشكور اخوي و راح احاول ابحث عن المشروم ( 1500 مو جنه وايد - عبالهم قاعد على بنك )

وشكرا

اخواني اين البائع الذي يبيع المشروم بالضبط بأي منطقه اووين بالضبط وشكرا

كيف اشتغلت معاكم اللعبة؟؟؟؟

كل ما اشغلها يطلعلي كراش ويبند اللعبة

شوفوا حل

دخلت موقع ميكروسوت وسويت كل الحلول ونفس الشي:vereymad:

Is it online or single player]

اللعبه اون لاين ولا single player؟؟؟؟؟؟؟؟؟؟



واي واحد احسن هذا الجزء او الاول ?????????







و شكريااااااا :biggthump

اخوي السائل اللعبه single player واسف على تأخري ولا اعرف اذا كانت احسن من الجزء الاول ولالا لاني ما لعبت الجزء الاول



ثاني شي : اخواني عندي سؤال انا لعبت لما وصلت لمهمه البحث عن الحرامي او ال BANDITS اين اجده ؟؟؟؟؟

في اي منطقه ؟؟

ومشكورين

ياهلا فيك اخووي واللعبه اوف لاين .. يعني سنقل بليير فقط ...


واحب ان اقول لكم اني خلصت اللعبه بحمد الله :09:

وبصرحه رووعه وماتتفوت :biggthump

ومن ناحيه وين تحصل كامب تونبليد الحرامي بتحصله بمدينه البطل يوم كان صغير ... ايلي برضوو قابلت فيه الساحر مييز للمره الثانيه عقب ماسويت حمايه للتاجر عبر غابه الطلام دارك واد ...اكيد عرفتها .. صح :reporter:


المهم رووح لها واامش يمى الشاطي بتحصل بنت قاعده تناظر البحر .. طبعا هذي المراه وراها كوست .... بس هذا مو موضوعنا ...... المهم طول واامشى على طوول الشاطي وخله ع لى يساارك .. بالاخير بتحصل كهف او مغاره على يمينك ... خش فيها وراح تكمل المهمه من هنااك..

واي استفسار ااخر .. تراي جااهز ..

ولا يردك غير الكيبوورد :09:

انا هل اللعبه ودي العبها بس اظن انها ماتشتغل على جهازي لأن المواصفات ضعيفه في جهازي

وايش هي مواصفات جهازك ياخي العزيز ....... :)


وعلي فكره اللعبه لاتحتاج جهاز خارق للاستمتاع بها ......


وهذي المواصفات الجهاز المطلوب ......

System Requirements

Microsoftآ® Windowsآ® XP
PC with 1.4 GHz equivalent or higher processor
256 MB of system RAM
3 GB available hard disk space
32x speed or faster CD-ROM drive
64 MB shader capable video card required
Sound card, speakers or headphones required for audio
Microsoft Mouse or compatible pointing device


واي استفسار اخر ترااي حاظر .......

السلام عليكم

فيه حركه حلوه اكتشفتها وقت ماكنت العب اللعبه وكيف تحصل على فلوس واجد باللعبه

شف اي تاجر معه اغراض كثيره من نوع واحد , مثلا عنده 200 تفاحه , بيكون سعرها بالتراب يعني الوحده ب 1 اشترها كلها , بكذا راح يخلص المخزون الي عنده ويصير يشتري منك الوحده ب 3 قطع ذهبيه

مره طحت بتاجر عنده خواتم زواج بالهبل الواحد ب 200 قطعه تقريبا وكان عنده المخزون واجد , صرت اشتريها كلها وابيعها كله مره ثانيه له , بعد خمس دقائق صار معي نص مليون قطعه ذهبيه :D

ههههههههههههههههههههههههههههه .. والله انفجرت من الضحك على الجملة الاخيرة !

اقتباس:

---

مره طحت بتاجر عنده خواتم زواج بالهبل الواحد ب 200 قطعه تقريبا وكان عنده المخزون واجد , صرت اشتريها كلها وابيعها كله مره ثانيه له , بعد خمس دقائق صار معي نص مليون قطعه ذهبيه

---

يا BlackJack الشرير :D . والله فكرة جيّدة ، نجربها قريب

انا مواصفات جهازي
السرعه 1700
الرام 256
والمشكله كرت الشاشه عندي 32 ميقا

سامحوني على التأخير لانه عندي مشاكل مع دخول الموقع

واشكر جميع الاخوان الي ساعدوني

ومشكور اخوي الخفووووووق على التوضيح وانشاله راح افعل ما قلته لي بس بعدين انشاله لانه الكمبيوتر الي فييه اللعبه اختربت الشاشه الي فييييه خخخخخخ يالله مو مشكله راح ارد عليك انشاله


ومشكورين جميعا

ممكن أعرف كام مساحة اللعبة ؟

انا نزلت 3 سى دى من اللعبة و اسمهم:
Fable-The.Lost.Chapters.CD1-NOGROUP.ShadowCast 632.3
Fable-The.Lost.Chapters.CD2-NOGROUP.ShadowCast 707.7
Fable-The.Lost.Chapters.CD3-NOGROUP.ShadowCast 531.5
و الرابع هينزل أنشاء الله
Fable-The.Lost.Chapters.CD4-NOGROUP.ShadowCast 665.7
هل حجم اللعبة مظبوط أم لا؟
انا بنزل من LimeWire
و مشكوررررررررررررين على الموضوع الجميل و اللعبة الآجمل

اخوي اللعبه تقريبا 2 جيجا و700 ميغا بايت

مشكور أخى بس ممكن أعرف نزلتها منين و ممكن أميلك انا أميلى sherif771@hotmail.com

ارسلتلك ايميلي على الخاص

مشكور أخوي والله يعطيك ألف عافية انا حصلت اللعبة وجاري التحميل ألان

اقتباس:

---

المشاركة الأصلية كتبت بواسطة al5foq

ياهلا فيك اخووي واللعبه اوف لاين .. يعني سنقل بليير فقط ...



واحب ان اقول لكم اني خلصت اللعبه بحمد الله :09:

وبصرحه رووعه وماتتفوت :biggthump

ومن ناحيه وين تحصل كامب تونبليد الحرامي بتحصله بمدينه البطل يوم كان صغير ... ايلي برضوو قابلت فيه الساحر مييز للمره الثانيه عقب ماسويت حمايه للتاجر عبر غابه الطلام دارك واد ...اكيد عرفتها .. صح :reporter:


المهم رووح لها واامش يمى الشاطي بتحصل بنت قاعده تناظر البحر .. طبعا هذي المراه وراها كوست .... بس هذا مو موضوعنا ...... المهم طول واامشى على طوول الشاطي وخله ع لى يساارك .. بالاخير بتحصل كهف او مغاره على يمينك ... خش فيها وراح تكمل المهمه من هنااك..

واي استفسار ااخر .. تراي جااهز ..

ولا يردك غير الكيبوورد :09:

---

اخوي الخفوق مشكور مره ثانيه على المساعده

ولكني لم اجد الحرامي في المكان المقصود

انشاله تساعدني

وبالمرفقات صور للمكان الي شرحتلي اياه انشاله يكون صح

وعلى فكره البنت ليست موجوده على الشاطئ .. ؟؟

ارجو الرد السريع لاني بحاجه لمعرفه مكان الحرامي بأسرع وقت وشكرا

اخوي الخفوق مشكور مره ثانيه على المساعده

ولكني لم اجد الحرامي في المكان المقصود

انشاله تساعدني

وبالمرفقات صور للمكان الي شرحتلي اياه انشاله يكون صح

وعلى فكره البنت ليست موجوده على الشاطئ .. ؟؟
_______________________________________________

العفوو ياخووي ..... :)
من ناحيه الحارس الشخصي بمعسكر تونبليد راح تحصله عند نقطة الانتقال البورتل الموجوده مباشره امام المخيم الحراميه يعني خش بالكهف الموجود بالصوره وطوول لحد ماتوصل لنقطه الانتقال وراح تحصل الحارس الشخصي امامك وراح تحصل صوره بالمرفقات لموقعه ....

من ناحيه الحارس الشخصي الموجود بالقريه بصرحه اول مره اشوف بوابة المقبره مقفله ...... الواجب تكون فاتحه ويكون الحارس امامها في انتظارك وموجوده صوره له بالمرفقات بموقعه .. .....



اومن ناحيه البنت ايلي قدام الشاطي فراح تحصل صوره لها بموقعها

واي حاجه تشكل ع ليك ترااي حاضر ....

شكرا اخوي الخفوق

ولكن الحارس الشخصي الي انت حاطه هذا مو الي يقولك خلنا نقتل الناس مع بعض ( شيابه للحرامي )

ممكن تشرحلي مره ثانيه شوي شوي


وما عليك امر حاول تتذكر شلون فتحت البوابه الخشبية

وشكرا

اخوي الخفوق لما ادش الكهف لا اجد ناس اكلمهم نهائيا

ممكن تساعدني ودي اخلص اللعبه

هع ! خبر طازج يا شباب !! :wow:

جبنا اللعبة اخيرا ً ، والفضل يعود لواحد من الشباب بعد الله :D

نستقبل تبريكاتكم وتبرعاتكم على الرسايل الخاصة :biggthump

ان شاء الله اذا توهقت في مكان بارجع لكم :D

قول امييييييييييييييين

انشاله تتوهق بنفس مكان ما انا توهقت فييي عشان تشد حيلك وتحل المشكله خخخخخخخخخخخخخخخخخ

مبروك عليك اللعبه

واخيييييرا حليت المشكله والحل كان سهل جدا خخخخخخخخخخخخخخخ

الى عنده سؤال يسأل الى ان موصل انا وراح اساعدكم انشاله

وشكرا

انا الحين توني متخرج من جيلد التدريب ، اذا توهقت بمكان بادق عليكم هع !

اقتباس:

---

المشاركة الأصلية كتبت بواسطة gentelman113

واخيييييرا حليت المشكله والحل كان سهل جدا خخخخخخخخخخخخخخخ

الى عنده سؤال يسأل الى ان موصل انا وراح اساعدكم انشاله

وشكرا

---

مبرووك اخي العزيز ...
واسف لانشغالي باليويمن ايلي طافت .... :)

ودمتوو بود

يله انا الحين بثبت اللعبة وانشالله باجر اوصل فيها

زين الحمدلله الحين لي توهقت بمكان اظمن في احد يساعدني :)

السلام عليكم , هذي بعض الصور الجديده للعبه فيبل .. وقمت بأكمال بعض اطقم الملابس وقصه شعر رائعه جدا ! :P
صراحه اللعبه رائعه جدا واحسن مافيها انها .. Offline يعني يمديك تسوي Save بأي وقت تبيه ..
وأترككم مع صور اللعبه ^^..بالمناسبه اكملت طقم ملابس رائع جدا .. وهو DarkPlate
وهو اغلى طقم قابلته الى الأن .. سعره كاملا 18070 gold

بصراحة لا أرى ان الصور محمسه جدا ولكن شكرا جزيلا لك

اخوي العزيز , بالنسبه للصور حتى انا لا ارى فيها اي حماس .. لكنها استعراض لأشياء جانبيه يعرفها لاعبين اللعبه .. لمعرفه تعمق اللعبه .. وهذي اي لاعب RBG يحط باله عليها
وان كنت تبغى تشوف اشياء تحمس نزل الموفيات تبعها
check - www.ign.com
تحياتي ^^

ملابس روعه , واللعبة اروع واروع :)

WoW !! البدلة خفسية :biggthump

بس الرسم رايح ملح ، MustafaMM ترى رسومات اللعبة خطيرة مرة ، خصوصا ً مع كرتك المليح :D

تحياتي لك ، وانا توني مفصل بدلة الـ Banddict مدري وش اسمهم الحرامية هع :09: !

باركولي بخلص اللعبه اليوم او باجر انشاله

على فكره

تفضلوا هذا الموقع فيه حل للعبه فيبل بالعربي وبالصور بعد

http://princessheartgames.com/PH-G/F...evilguide3.htm

اخوي وناسه ^^
الف شكر على الدعم لأول " مويضيع" لي :D
وصراحه الرسوم عندي اوكيه مره لكن المشكله نقلت الصور عن طريق الرسام .. لذلك الصور اصبحت باهته
بالنسبه للحل الكامل ما اتوقع ان له اي فائده .. لأن اللعبه كبيره جدا وما اتوقع ان كل دقيقه راح تقلب الموقع تشوف الحل ايش ولا كذا :D
وافضل شي انك تستمتع بلعب الأسطوره هذي
تحياتي لكم ^^

الصور حلوة للعبة

انا بس بغيت اسئلك
اللعبة اللي معاك اصلية او لا
انت جبت اللعبة منوين

لأني ادور عنها ولا لقيتها

انا ساكن بالخبر و بالعيد بروح الرياض

اخوي العزيز , اللعبه منزلها من الأنترنت , Torrent
تحياتي ^^

مشكور اخوي ...

بس وش السالفة اللعبة اونلاين ولا لا ؟

وبعدين وشلون تقول اوفلاين اجل ليش حاطها بمنتدى الاونلاين ؟ :D

اشكرك على مرورك , واللعبه اوفلاين . وكانت غلطه يوم حطيتها في قسم الأونلاين :)

أرمور خطيير :D

و عشان احرك :09:

بحط ارموري :biggthump

و أبي رايك :D

عندي تقريبا 80000 قطعه ذهب ما ادري شسوي فيهم

ما اقدر اشتري سلاح لانه حتى الآن ما لقيت سلاح اقوى من سلاحي ( مطرقه بقوه 202 )

ايضا لدي لبس كامل جدا قوي وايضا لدي ال POTION مليان ومعبي على الأخر

ممممممم والله التبذير مو زين

اخ زيدان 5
الطقم اللي انت حاطه هذا طقم ال Plate العادي ..
لكن ما ادري احس ان ال دارك بليت اقوى واغلى :D
لك صبغه الشعر اوكي مع الطقم :P

اخواني وصلت لمهمه حفر القبور هل هذي هي المهمه الاخيره ام هناك بعد .؟

اقتباس:

---

المشاركة الأصلية كتبت بواسطة Gamer.sa

اخ زيدان 5
الطقم اللي انت حاطه هذا طقم ال Plate العادي ..
لكن ما ادري احس ان ال دارك بليت اقوى واغلى :D
لك صبغه الشعر اوكي مع الطقم :P

---

غلطان هذا Bright Plate :D

نفس سعر الدارك و نفس القوه بس هذا درع يزيد من جمال الشخصيه :09:

و للعلم الـBright Plate ما تحصله إلا بالأرينا

احم .. غلطه اجل :D
اشوف لما اكون لابس الدارك بليت البشريه يفقعون عني .. !
يالله بحاول اجيبه :D

شوفوا اخر ما توصلت اليه التكنولوجيا عندي :D

اسمها chain mail :biggthump

تونا يا هادي !

شباب انا موصل بعيد << تكفى ؟

المهم .. بس لسه كاسرة خاطري الأم الي تبي المشروم .. وما حصلت غير اثنين
الأول صدته بالصنارة حقت الصيد في الهيروز جيلد ، عند البحيرة قدام البوابة الي تتكلم .
المشروم الثاني شريته من واحد بعد مهمة توصيل الخبلان الثلاثة عبر الغابة ( بدايات المهمات ) .

بعدها ما شفت احد يبيعه . ولا ادري وينه ..

يا ريت بس تعلموني الخرايط الي احصلها فيه باسمائها وانا بأدور عليه .

ابي شوية نقاط طيبة

<< طيب وحبوب وبنحبكون :D

على فكرة ، يا ريت الأخ كاتب الموضوع ( الظاهر جنتمان صح ؟ ) تراسل احد المشرفين وتطلب منه يغير اسم الموضوع ويحطه الموضوع الرسمي لـ Fable : The Lost Chapter .. استفسارات .. مشاكل .. حلول !! كالعادة ..

ويدمج فيه كل المواضيع المتعلقة ، بتصير فايدته اكبر ;)

اقتباس:

---

المشاركة الأصلية كتبت بواسطة وناسة

شوفوا اخر ما توصلت اليه التكنولوجيا عندي :D


اسمها chain mail :biggthump

تونا يا هادي !

---

خخخخخ :09:

والله افضل Villeger Bright على chain mail :D

مشكور اخوي وناسه على هذا الاقتراح وانشاله جاري ارسال الرساله ...

والمشروم الباقي لك 2

الاولى : اسم المرحله PICNIC AREA : اتعرف المكان الي ذبحت فيه الدبور ... روحله وراح تلقى وحده تبي تضحك ( عساها ما تضحك خخخ) اذا ضحكتها ( بالضغط على الزر نسيت ايهو بس يمكن F3 ) اذا قدرت اضحكها راح تعطيك مشروم

( اذا ما عرفت المكان اطلع من الجلد هيروز راح تطلعلك ثلاث مراحل جدامك اخذ اليسار )

على العموم حطيت صوره المكان بالمرفقات


الثانيه : اسم المكان GUILD WOOD هذا المكان ما اعرف شلون اشرحه لك ... بس هناك رجل داخل هذي المرحله يريد ان يرسل رساله لزوجته.......

( اتعرف مكان التدريب الي اخذك اياه الجلد ماستر ( رمي السهام ) هناك باب على اليمين ادخله وراح تلقى رجل يبي يبعث رساله لزوجته _ اذا خلث مهمته انشاله راح يعطيك المشروم .. )

المهم راح احطلك صور بالمرفقات وانشاله راح اتعرفه

وبشرني بالنتايج

اعذرني الصوره الثانيه بها خطأ على العموم اهم شي انها واضحه

شكرا على دمج الموضوع ولي عنده سؤال انا حاضر بأي وقت

شباب..ممكن وصلة تحميل مباشره للعبه.لأني اذا بنزلها تورنت بيلها شهر لين تخلص لأن كل الوصلات بطيئه.. :sad2:
الرجاء الارسال للايميل Najmar@gmail.com

و شكرا :ciao:

اوكيييييه .. اولا ً مبروك دمج المواضيع :) .

بالنسبة للشرح واضح 100% ..

باجرب اليوم وباعطيك خبر .. :biggthump

تحياتي لك ..

في الانتظار ....

ســـلام عليكم شلونكم شخباركم.وانا هذي اول مشاركه لي وانا متوهق في لعبه( فابيل) انا واقف على مهمه صعبه وابي حل المهمه هي . لمن ادخل المرحله يطلعلي شكل كره خضره اطير فالهوا ولممن اقربلها تلحقني حاولت اضربها بس مافاد وشنو الحل الي يخليني اضربها وشلون. ابيكم تساعدوني الله يخليكم:02:

اقتباس:

---

المشاركة الأصلية كتبت بواسطة joss

ســـلام عليكم شلونكم شخباركم.وانا هذي اول مشاركه لي وانا متوهق في لعبه( فابيل) انا واقف على مهمه صعبه وابي حل المهمه هي . لمن ادخل المرحله يطلعلي شكل كره خضره اطير فالهوا ولممن اقربلها تلحقني حاولت اضربها بس مافاد وشنو الحل الي يخليني اضربها وشلون. ابيكم تساعدوني الله يخليكم:02:

---

اخوي joss هلا فيك في هذا المنتدى ..

اما عن سؤالك فأنت اكيد تقصد هذا
http://bo7or.com/imagehost/show.php/37030/fable.jpg



انا عن كيفية قتلها فعندك طرق وايد ::

اما بسيفك : ولكن هذي طريقه صعبه

اما بالنبله وهذي الطريقه الاسهل

واما بكرات الناس التي تستطيع شرائها من HEROS GUILD


اذا كان هذا قصدك فحاول تغلبها جذي

اما اذا كان قصدك شي ثاني ففهمني اكثر

وشكرا

نياهاهاها :D

شريت سيف جديد Damge 316 :09:

Darktip AKA The Director حط الموضوع ونساه < - - - Banned :33:

اللعبة شكلها رهيبة , هع اخيرا مكان استخدم فيه شعار Murder Murder
Satan's Evil will rise !!



G.L.

اقتباس:

---

المشاركة الأصلية كتبت بواسطة Zidane 5

نياهاهاها :D

شريت سيف جديد Damge 316 :09:

---

316 معقوله ..؟ من وين ؟

اكبر قوه لقيتها هي 202

اايوه انا بعد لقيت هالسلاح ....

ويعتبرر اقوى سلاح باللعبه . بس ياهوو فتااك .



وااذكر اني شريته بالمحل ايلي قرب قسر الاماره بالمدينه حوول الاكاديميه ..


بس كان غالي باللححيل . اذكر اني بعت كل ايلي معي علشان احصله ...

بس بسالكم .. شووو رايكم بالخووذه ؟؟؟ ;)

اقتباس:

---

نياهاهاها :D

شريت سيف جديد Damge 316 :09:

---

وراني اياه واحد من الشباب هالسيف .. من جد والله غير طبيعي .. يجيك معه 3 انيجمنت شد بلد :biggthump

ممكن تحددون من وين نشتري السيف ؟؟

اقتباس:

---

المشاركة الأصلية كتبت بواسطة gentelman113

ممكن تحددون من وين نشتري السيف ؟؟

---

موجود في BowerStone North

مشكور اخوي وما تقصر وجاري الشراء

اقتباس:

---

المشاركة الأصلية كتبت بواسطة gentelman113

مشكور اخوي وناسه على هذا الاقتراح وانشاله جاري ارسال الرساله ...

والمشروم الباقي لك 2

الاولى : اسم المرحله PICNIC AREA : اتعرف المكان الي ذبحت فيه الدبور ... روحله وراح تلقى وحده تبي تضحك ( عساها ما تضحك خخخ) اذا ضحكتها ( بالضغط على الزر نسيت ايهو بس يمكن F3 ) اذا قدرت اضحكها راح تعطيك مشروم

( اذا ما عرفت المكان اطلع من الجلد هيروز راح تطلعلك ثلاث مراحل جدامك اخذ اليسار )

على العموم حطيت صوره المكان بالمرفقات


الثانيه : اسم المكان GUILD WOOD هذا المكان ما اعرف شلون اشرحه لك ... بس هناك رجل داخل هذي المرحله يريد ان يرسل رساله لزوجته.......

( اتعرف مكان التدريب الي اخذك اياه الجلد ماستر ( رمي السهام ) هناك باب على اليمين ادخله وراح تلقى رجل يبي يبعث رساله لزوجته _ اذا خلث مهمته انشاله راح يعطيك المشروم .. )

المهم راح احطلك صور بالمرفقات وانشاله راح اتعرفه

وبشرني بالنتايج

---

لووول ، انهيت الكويست هذا اخيرا ً ، بس والله قهرتني هالمشعوذة !! آخر شي طلع عندها واحد جاهز بس نست ..

يا الله حسن الخاتمة ! يلا مشكور جنتلمان .. نخدمك بالأفراح :D

حاضرين للطيبين يا وناسه

وانا شريت السيف ومشاله قوي جدا

وكنت معتقد اني راح اخلص اللعبه عن قريب ، ولكن الظاهر انه اللعبه اطول مما توقعت وانشاله اخلصها قريب


على العموم انصح الجميع بشراء خاصيه تبطييء الوقت الي تشترونها من الجلد هيروز لانه مفيده جداجدا في القضاء على الوحوش القويه لاحقا

ايضا لا تنسون سلاح ال FIRE BALL جدا جدا فعال وقوي وحاولو اتطورونه على اقصى درجه ليصبح قوي بما فيه الكفايه وهو ايضا ممتاز لإسقاط العدو ... جربوووه

والله انا استخدم استراتيجية في القتال مع الوحوش ، وهي اطق طقتين ثلاثة بالسيف .. وأبتعد بسرعة بالضغط على زر الـ Scroll للخلف واعطيه حبة FireBall ..
:biggthump
وشكلي بأقويه هالمرة صحيح ..
:33:
على فكرة .. شباب ممكن شرح لبعض الأختصارات واذا فيه استراتيجيات معينة ، أو مثلا ً Will تنصحون باستخدامها .. :06:

اخوي وناسه حدد اي الاختصارات ؟؟

اما الاستراتيجيات او ال will الي نصحتك فيهم جدا جدا فعالين

ايضا لا تنسى تزود الدم والطاقه ..

اخيرا قم بتقويه جسمه بتزويد ال PHYIQUE وهي مهمه للحفاظ على دمك من النقصان بسرعه ..



واخييييييرا تم انهاء اللعبه

وهذا شكل الشخصية النهائي في المرحله النهائيه


http://bo7or.com/imagehost/show.php/37138/fable.jpg


اي سؤال اي استفسار انا جاهز

ســــلام عليكم كيف الحال ياخوان ... ابي اعرف لعبـــــــة( فـــابـيل) هـــل هي لعبة معقده ام سهله انا اب صراحه تعقدت وابي احد يشرحلي شنو اساسيات العبه(فـــــابـبيل) والله يخليكم ساعدوني الانه تعقدت والمشكله لعبه فضيعه ومتعه....وشاكرلكم واييييد على حسن التعاون

مرحبا. انا وصلت هالمكان ماني عارف شنو يبي مني بالضبط ...؟ وانا صورت هالمكان ونزلته على موقع وشوفو انتو وعطوني الحل لو تكرمتو
http://bo7or.com/imagehost/show.php/37182/fabel.jpg

اخوي joss اسف على التأخير

اخوي هناك العديد من المهمات التي عليك انهائها في نفس المرحله ....

فحاول اتعرف شنو المهمه بالضبط المطلوبه منك ..

ولمعرفة ذلك ::

- اضغط حرف ال G لمده حتى تكتمل الدائره المتواجده اسفل اليسار

- اضغط على ال GUILD HEROS

اذهب للمعلم او الجلد ماستر وسوف يخبرك ما المهمه المطلوبه منك ثم اذهب للخريطه او الدائره الكبيره الي قريبه من الجلد ماستر وابحث عن المهمه المقصوده ...

اذا ما فهمتني اخوي قولي راح اشرحلك بالتفصيل ..

على فكرة ، عرفت الـ ghost الي في مدينة اوكفيل الي مضيع شي بس مدري وشهو ؟!

وش يبي هو بالظبط ؟

اذا ما عرفته قلي عشان اعطيك صورة له

بلى عرفته يا وناسه

الشبح يبي منك تلقى كنزه الضايع ولازم تبحث عنه

اذا تبي احطلك صوره عن مكان الكنز الضايع انا حاضر بس قولي اول شي عشان ما احرق عليك اللعب

ملاحظه : لازم يكون عندك ال SPADE للبحث عنه

ايه عندي السبيد .. امس جاني غثا شوي وارجع فوق الكيبورد ..

والله ابيخ مافي اللعبة الانديد .. كريهين ياخي لدرجة غير طبيعية :( شوي واصيح ابيهم يخلصون !


المهم ، ما عليه علمني ما عندي مشاكل :D

ما عليه اخوي وناسه استحملهم عشاني ......

المهم تلقى الكنز اهني

http://bo7or.com/imagehost/show.php/37263/fable1.jpg

أوف !

هذا مو المكان الي انقذت فيه الي كان أسير عن الوحوش ؟ الي كان لازم الحق عليه قبل ما يركب القارب ؟

يا ريت بس تعطيني اسم المدينة عشان اقدر اروح لها :)

اقتباس:

---

المشاركة الأصلية كتبت بواسطة وناسة

أوف !

هذا مو المكان الي انقذت فيه الي كان أسير عن الوحوش ؟ الي كان لازم الحق عليه قبل ما يركب القارب ؟

:)

---

ذكرني بالمكان لاني نسيته والله

--- ثاني شي تلقى هالمكان في منطقه Oakvale عند الشاطئ وبالتحديد سوف تشاهد مرسى سفن ثم اتبع الصوره

وابشرنا بالنتائج

وشكرا

مرحبا
عيدكم مبارك وعساكم من عواده ان شاء الله
شلونكم شخباركم ؟؟؟
أخواني انا توني شاري فيبل ؟؟ وللحين مالعبتها :(
خل اقولكم المشكله وبصراحه هذي اول مره تواجهني الممشكله عقدتني بس احس انها يمكن تكون بسيطه
المشكله انه شريت فيبل ويت اعمل انستول اوكي بطل معاي وقالي دخل السريال نمبر ودخلت وبعدين صار يمشي العداد الازرق مشى وبعدين وقف ويقولي ادخل السيدي الثاني :bigeyes: :bigeyes: مافي سيدي ثاني انا شاريها ديفيدي وكوبي النسخه
رحت على الديفيدي روم وضغطت اوبن وتعبثت ولقيت اربع فايلات ومضغوطه بالوين زيب ومكتوب عليهم من واحد لى اربعه سيديات طبعا على كل فايل رقم سيدي 1.2.3.4 جذي بطلت الضغط ونزلوو وبعدين عملت نفس الطريقه الاولى قلت على ساس يصير معاي واللعب
رحت دخلت السيريال نمبر ونفس السابق ولمه مشى العداد الازرق وقف نفس المكان السابق وقالي ادخل السيدي ثاني
والله عقدني هالشي وين مافي سيدي ثاني ولا ثالث ولا رابع
فا ارجو انكم تساعدوني واللعب فيها بالعيد :D
يالله مشكورين وسوري اذا طولت عليكم

اقتباس:

---

المشاركة الأصلية كتبت بواسطة fatherless

مرحبا
عيدكم مبارك وعساكم من عواده ان شاء الله
شلونكم شخباركم ؟؟؟
أخواني انا توني شاري فيبل ؟؟ وللحين مالعبتها :(
خل اقولكم المشكله وبصراحه هذي اول مره تواجهني الممشكله عقدتني بس احس انها يمكن تكون بسيطه
المشكله انه شريت فيبل ويت اعمل انستول اوكي بطل معاي وقالي دخل السريال نمبر ودخلت وبعدين صار يمشي العداد الازرق مشى وبعدين وقف ويقولي ادخل السيدي الثاني :bigeyes: :bigeyes: مافي سيدي ثاني انا شاريها ديفيدي وكوبي النسخه
رحت على الديفيدي روم وضغطت اوبن وتعبثت ولقيت اربع فايلات ومضغوطه بالوين زيب ومكتوب عليهم من واحد لى اربعه سيديات طبعا على كل فايل رقم سيدي 1.2.3.4 جذي بطلت الضغط ونزلوو وبعدين عملت نفس الطريقه الاولى قلت على ساس يصير معاي واللعب
رحت دخلت السيريال نمبر ونفس السابق ولمه مشى العداد الازرق وقف نفس المكان السابق وقالي ادخل السيدي ثاني
والله عقدني هالشي وين مافي سيدي ثاني ولا ثالث ولا رابع
فا ارجو انكم تساعدوني واللعب فيها بالعيد :D
يالله مشكورين وسوري اذا طولت عليكم

---

صورلي وش كان في داخل الوين زيب و اعتقد انها سهله جدا :D

اخوي فاثرلس

ممكن اتقولنه جم حجم السيدي الي عندك

وعساك من العايدين والفايزين

ايه يا ريت تعطينا صورة للديفدي بعد ما تفتحه ..

هلا بحبايبي ومشكورين على الردود ام هلا اخوي زيدان اي كا صورت الى داخل مفايلات الوين زيب
هلا اخوي جنتل مان حجم السيدي 4.7
هلا اخوي وناسه اي صورت كلشي اول ما افتح الديفيدي وهذي مواقع الصوره لنه نزلتهم على الموقع بس اتمنى انه القى حل وانا في انتظاركم
http://bo7or.com/imagehost/show.php/37520/fabel 1.jpg
http://bo7or.com/imagehost/show.php/37521/fabel 2.jpg
http://bo7or.com/imagehost/show.php/37522/disk1c~1.jpg
http://bo7or.com/imagehost/show.php/37523/disk2c~1.jpg
http://bo7or.com/imagehost/show.php/37524/disk3c~1.jpg
http://bo7or.com/imagehost/show.php/37525/disk4c~1.jpg

هذي الصوره وان شاء الله احصل مساعده لنه بالعب بالعيد مابي ضيقت خلق مشكورين على تعاونكم معاي ومع بعض

مرحبا
كا شباب صورت الصوره الى تقولي ادخل السيدي الثاني وانا متسغرب مافي سيدي ثاني وحجم اللعبه 2.100 جيجا تقريب والسيدي حجمه 4.7 والله عقدني
هذه الصوره
http://bo7or.com/imagehost/show.php/37528/please insert the disk; fable disk 2.jpg

اخوي ممكن اتقولنه حجم اللعبه كامله وليس حجم السيدي ( روح لماي كمبيوتر اضغط على اللعبه رايت كلك ثم OPEN ثم قم بتحديد جميع الملفات وقولي جم حجمهم الكامل )



ثاني شي افتح السيدي وشوف هل الملفات الي بالصوره التاليه كلها موجوده عندك علما انه حجم اللعبه الكامل


http://bo7or.com/imagehost/show.php/37529/fabke3.jpg

اقتباس:

---

المشاركة الأصلية كتبت بواسطة gentelman113

مشكور اخوي على الصور بس ترا مو طالعه ؟؟؟

---

صح الصور ما تطلع

حاول تخلي الإسم قصير و بدون مسافه ( Space ) و لا تستخد الروموز مثل ّ!@#$%^&*

نسيت اكمل

حجم اللعبه الكامل 1.80 جيجا ( طبعا هذا قبل التنزيل )

بشرني

هلا اخواني سوري ااذا الصور ما
طلعت بس حجم اللعبه ياجنتل مان 2.15
هذي روابط حق الصور واذا تبون تعرفون اي شي ثاني قولي واللعبه نفس اللعبه الى عندك من داخل
http://bo7or.com/imagehost/show.php/37530/fable1.jpg
http://bo7or.com/imagehost/show.php/37531/fable 2.jpg
http://bo7or.com/imagehost/show.php/...ease disk2.jpg
بس والله اخر صورة معقدتني ليش سيدي ثاني ومن وين ايب ؟؟
:D

اي صح اخوي جنتل مان حتى اللعبه الى عندي 1.80 مو 2.15
كلامك صح

ممممم اخوي ما راح اضحك عليك واقولك اعرف الحل ، تبي الصراحه انا ما اعرفه نهائيا

بس اهم شي انه الملفات كامله عندك

وجاري البحث عن حل

وما راح اطول لا تخاف ......... انتظرني

ملاحظه : اذا كنت مستعجل اطلب من الاعضاء الآخرين في المنتدى اكيد يعرفون حل هالمشكله لانه المشكله مو من اللعبه المشكله من السيدي واكيد ماره عليهم من قبل .........

وشكرا

لوول لاء حبيب ياجنتل وماقصرت معاي وانت الاعضاء الباجي
بس متنرفز بدام عطله قلت العب شويه
يالله مو مشكله نطلب من الاعضاء الكرام الحل ..
اممم انته تعتقد ياجنتل انه المشكله من السيدي ؟
شوف خل اقولك انا
طبعا اللعبه اول شي رفيجي شراها واخذ جهازه معا المحل وشرا بعض الالعاب ومن بينهم فيبل وراعي المحل ركبه حقه وله رد البيت قالي حمود والله خوش لعبه ركبها وانا خذيت منه السييدي على اساس اركبها وله حاولت اركبها طلعتلي هالمشاكل بس لو المشكله من السيدي جان راعي المحل بدله حقه فا مادري والله
انا مالي خلق اروح الرحاب :) بس اذا مالقيت حل ان شاء الله راح على طول مابي افوت العطله على خالي بلاش
وشكرا لكم

خخخخخخخخخ انشاله ما راح تخترب عليك العطله

وانشاله الحل قريب وبسيط ايضا

هه ان شاء الله يالحبيب
يالله وين الحل ( يعني واحد مستعيل ) ههههه

انزين اخوي انسخ اللعبه مره ثانيه ولما يقولك حط السيدي الثاني طلع الديفيدي وحطه مره ثانيه وبشرني بالنتايج

وانشاله تضبط معاك

اقتباس:

---

المشاركة الأصلية كتبت بواسطة gentelman113

انزين اخوي انسخ اللعبه مره ثانيه ولما يقولك حط السيدي الثاني طلع الديفيدي وحطه مره ثانيه وبشرني بالنتايج

وانشاله تضبط معاك

---

والله مابي اضيق خلقك سويت نفس الطريقه بس ماصارت
والى مضيق خلقي انه اليوم مصكرين المحلات والعصر ماراح اقدر اروح لأنه عيد وزيارات = يعني ماراح اللعب العبه :(

ارج المساعده من باجي الاعضاء انزين اخوي جنتل مان واجهتك نفس المشكله ولا عادي ودايركت نزلت اللعبه ولا محل نزله حقك ولا شنو ؟؟
ثانكس يالحبيب والله مشكور وماتقصر

اقتباس:

---

المشاركة الأصلية كتبت بواسطة fatherless

هلا اخواني سوري ااذا الصور ما
طلعت بس حجم اللعبه ياجنتل مان 2.15
هذي روابط حق الصور واذا تبون تعرفون اي شي ثاني قولي واللعبه نفس اللعبه الى عندك من داخل
http://bo7or.com/imagehost/show.php/37530/fable1.jpg
http://bo7or.com/imagehost/show.php/37531/fable%202.jpg
http://bo7or.com/imagehost/show.php/...se%20disk2.jpg
بس والله اخر صورة معقدتني ليش سيدي ثاني ومن وين ايب ؟؟
:D

---

في فرق واحد بينك و بين الأنخ جنتل مان

Disk1C~1 هذا انت
Disk1C~1.cab هذا جنتل مان

اعتقد يأثر جرب تنسخ من الدفيدي للجهاز و عدل الإسم و نسخه على دفيدي اذا عندك ديفيدي رايتر اذا ما عندك الله يكون في عونك -.-

حل ممكن يساعدك :

انسخ جميع ملفات اللعبة من عند صاحبك ، وحطها عندك .. وسوي اختصار للملف التنفيذي ، والعب !

[ الطريقة هذي سواها صديق لي ، نسخ ملفات اللعبة على هاردسك خارجي ، ويلعبها من اجهزة الكافيه أو اي جهاز ثاني :) ]

اقتباس:

---

المشاركة الأصلية كتبت بواسطة وناسة

حل ممكن يساعدك :


انسخ جميع ملفات اللعبة من عند صاحبك ، وحطها عندك .. وسوي اختصار للملف التنفيذي ، والعب !

[ الطريقة هذي سواها صديق لي ، نسخ ملفات اللعبة على هاردسك خارجي ، ويلعبها من اجهزة الكافيه أو اي جهاز ثاني :) ]

---

والله مادري كيف فاتنا هالحل :09:

حل مضمون 100% :biggthump