:: موضوع نقاش طلاب الاي تي سي(APNE) ::(أرجوا التثبيت)

السلام عليكم ^_^

كيف حالكم يا شباب؟ :D

أنا عجبني موضوع العضوة أغاريد حق نقاش طلاب وطالبات جامعة الملك سعود..

فحبيت اسوي واحد مثله لطلاب الاي تي سي ^_^

يعني اذا اي واحد عنده اي سؤال وواحد عنده اجابة يجاوب على السؤال وكذا انساعد بعض

ونتعاون :p

وكمان الي عنده اي معلومات او اخبار عن اي شيء يتعلق بالبرنامج يخبرنا عشان الكل يعرف ^_^

بس للحين ما بدأ الدراسة توها النتايج نزلت امس .. حاليا بس نبي نتعرف على بعض ^^

أنا بأبدأ .. اسمي : زيد عمري : 19 ساكن: بالظهران

هذا مسنجري : demando@hotmail.com (أرجوا من جميع المقبولين في
الاي تي سي أن يضيفوني ^_^)

يلا انا في انتظار الباقيين :ciao:

مرحبا..

انا انقبلت وعندي كم سؤال:

1- انا ساكن بالقطيف ..هل المواصلات عليهم ولا علينا..يعني نقدر نركب في الباصات اللي يركبو فيها عمال ارامكو؟

2- الشهاده الاصلية يبونها ولا لا؟

3- متى الدراسة؟

4- كم مكافأتهم؟




وشكرا
mu7ammad_1986@hotmail.com
:ciao:

يا هلا فيك أخوي ^_^

1- انا ساكن بالقطيف ..هل المواصلات عليهم ولا علينا..يعني نقدر نركب في الباصات اللي يركبو فيها عمال ارامكو؟
أرامكوا بتعطيك سكن ان شاء الله.. والسكن بيكون قريب من الاي تي سي(تروحله مشيء)
بس مو متأكد بالضبط .. اذا كان بعيد شوي اكيد بيكون فيه باص ياخذك من السكن الى الاي تي سي
ويرجعك كمان ^_^
بس اذا انت ما كنت تبغى سكن وتبي تسكن في بيت اهلك بالقطيف ما ادري اذا بيوفرولك مواصلات
اذا تبي تستفسر اتصل على الرقم 8772929 او 8772626 او 8772917
(ملاحظة: لازم تتصل من السبت للاربعاء بس بين الساعة 7 والساعة 4)

2- الشهاده الاصلية يبونها ولا لا؟
حتى انا ابي اجابة على هالسؤال.. بس اظن بيطلبونها مثل ما طلبوه من طلاب السي بي سي:33:
يعني نصيحة مني انسحب من كلية الجبيل الصناعية(اظن انك مسجل هناك:p ).

3- متى الدراسة؟
ما عندي علم والله .. بس انا عندي كشف طبي يوم الاحد هذا .. يعني في اعتقادي بيبدأ الدراسة
بعد حوالي اسبوع او اسبوعين :biggthump

4- كم مكافأتهم؟
الي اعرفه انا المكافئة 2500 ريال شهريا;)
وبعد سنتين يوظفونك براتب حوالي 4500 ريال شهرا (في شهر رمضان 9000 ريال)
هذا بدون بدل السكن وبدل المواصلا :p

مشكور اخوي على الرد :)

اقتباس:

---

أرامكوا بتعطيك سكن ان شاء الله.. والسكن بيكون قريب من الاي تي سي(تروحله مشيء)
بس مو متأكد بالضبط .. اذا كان بعيد شوي اكيد بيكون فيه باص ياخذك من السكن الى الاي تي سي
ويرجعك كمان ^_^
بس اذا انت ما كنت تبغى سكن وتبي تسكن في بيت اهلك بالقطيف ما ادري اذا بيوفرولك مواصلات
اذا تبي تستفسر اتصل على الرقم 8772929 او 8772626 او 8772917
(ملاحظة: لازم تتصل من السبت للاربعاء بس بين الساعة 7 والساعة 4)

---

ان شاء الله يعطونا سكن..بس انا مااتوقع اسكن فيه ..يمكن اطق لي وحده يديدة :biggthump

اقتباس:

---

حتى انا ابي اجابة على هالسؤال.. بس اظن بيطلبونها مثل ما طلبوه من طلاب السي بي سي:33:
يعني نصيحة مني انسحب من كلية الجبيل الصناعية(اظن انك مسجل هناك:p )

---

انا استفسرت عن هذا الشي والظاهر انهم مايبوها ..ايه فعلا انا في الجبيل ;)

اقتباس:

---

الي اعرفه انا المكافئة 2500 ريال شهريا;)
وبعد سنتين يوظفونك براتب حوالي 4500 ريال شهرا (في شهر رمضان 9000 ريال)
هذا بدون بدل السكن وبدل المواصلا

---

متاكد يخوي انها 2500 ...اذا 2500 فاكيد انا راح اشتري سيارة جديدة ..شكرا لك:D

العفو يا أخوي محمد ^_^===> عرفت اسمك الحقيقي من ايميلك:D

بالنسبة للمكافئة انا متأكد انها 2500 :biggthump

ومبروك مقدما على السيارة الجديدة الي بتشتريها :p

وأنا مثلك ترى ناوي أشتري سيارة جديدة بعد سنة يمكن ^_^

وأي اسفسارات ثانية أنا حاضر ;)

بااااااااي :ciao:

يعطيك العافية على الموضوع

انا عندي سؤال عن الكشف الطبي

هل هو كشف عادي يعني تحليل بس او انه يشمل اشياء اخرى وهل السُمُن ( السمين يعني )يكون عائق :11:

يعطيك العافية على الموضوع
الله يعافيك يا أخوي :D

انا عندي سؤال عن الكشف الطبي
تفضل :p

هل هو كشف عادي يعني تحليل بس او انه يشمل اشياء اخرى وهل السُمُن ( السمين يعني )يكون عائق :11:
لووووول.. هههههه لا تخاف يا أخوي ما يهم لو كنت سمين او نحيف كله واحد :biggthump
بس لازم اتكون سليم من اي امراض خطيرة شوي .. وانت ان شاء الله ما فيك الا العافية ^_^
انت روح الفحص الطبي ولا تشيل أي هم ;)

باااااااااي:ciao:

مشكور اخوي زايد على التواصل مع الاعضاء والله يعطيك العافية ان شاء الله..


عموما عندي كم معلومة بس حبيت اضيفها هنا..:

1- ان المكافأة اول سنة راح تكون 2500 بس يشيلو منها 225 للتامين يعني المكافأة راح تكون بالضبط 2275. والسنة الثانية راح تكون المكافأة 3000 .

2- انك تقدر تركب باصات ارامكو (تاسكو).

3-العلاج راح يكون مجاني وانترنت ببلاش من اول سنة دراسة.

4 - يوم الكشف الطبي لازم تروح لهم ونت مو ماكل شي من 12 ساعة .


وشكرا.. :)

مبروك لجميع المقبولين عقبالكم ان شاءالله ,,

<< في قائمة الانتظار :p

اقتباس:

---

المشاركة الأصلية كتبت بواسطة القائد المبجل

مشكور اخوي زايد على التواصل مع الاعضاء والله يعطيك العافية ان شاء الله..


عموما عندي كم معلومة بس حبيت اضيفها هنا..:

1- ان المكافأة اول سنة راح تكون 2500 بس يشيلو منها 225 للتامين يعني المكافأة راح تكون بالضبط 2275. والسنة الثانية راح تكون المكافأة 3000 .

2- انك تقدر تركب باصات ارامكو (تاسكو).

3-العلاج راح يكون مجاني وانترنت ببلاش من اول سنة دراسة.

4 - يوم الكشف الطبي لازم تروح لهم ونت مو ماكل شي من 12 ساعة .


وشكرا.. :)

---

العفو يا أخوي محمد ^_^

بالمناسبة .. اسمي زيد مو زايد :09:

وشكرا على معلوماتك القيمة :D

بصراحة ما توقعت أن السنة الثانية بتكون المكافئة 3 الاف .. والله شيء ممتاز ^_^

:ciao:

اقتباس:

---

المشاركة الأصلية كتبت بواسطة الـسـاهر

مبروك لجميع المقبولين عقبالكم ان شاءالله ,,

<< في قائمة الانتظار :p

---

الله يبارك فيك يالساهر :)

بس لا تخاف اتوقع ان في بعض الطلاب انقبلوا في الاي تي سي بس ما بيروحون لها اصلا ..

فأكيد إن شاء الله بيحطونك في مكان واحد منهم ^_^

بس أهم شيء لا تفقد الأمل ;)

باااااااااي :ciao:

ان شاءالله ماراح افقد الامل ,

لكن ابي استفسر متى راح تبداء الدراسه .؟

إن شاء الله الدراسة بتبدأ في نص نوفمبور :biggthump

:ciao:

مبروك لكل المقبولين

وانا امس رحت عشان الموعد وقالو لي الكشف الطبي في مستشفى المانع في الخبر

وقالو لي في اختبار الساعة سبعة صباحا يوم الربوع الي اكيد بيكون في رمضاان

وسالته سبعة صباح اكيد قال اي قلت له رمضان قال تعال الساع 7 وبس :06:

الاختبار هو اظن للتخصص بس اذا كان احد عنده اي معلومة عن كيفية الاختبار وماذا يشمل

مع العلم ان ما فيه لا رسوب ولا نجاح

مع تحيااتي

اخوكم : علي

يا أخوي علي أنا مثلك احتباري يوم الاربعاء حق التخصص وتو قبل شوي كلمت
"علي المريخي" المسؤول عن التوظيف اذا كنت تعرفه .. وسألته عن الاختبار هذا ..
قالي: هذا الاختبار راح يبين ايش التخصصات الملائمة لك اكثر .. واظن بعدها ان تختار
من بين هالتخصصات الي انت تبيه .. او هم يختارونلك :ciao:

اليوم رحت مكتب التوظيف واخذت الموعد للمستشفى اللي هو يوم السبت الجاي..

بعدين قلت له طيب فيه ناس يقولو انكم راح تختبرونا اختبار تحديد التخصص صح ؟


قال لي بس طلاب العلمي اما انت اداري وقسم الاداري مالهم اختبار ..:06:

من قال لي كذا نفسي انسدت ..اعتقد هالكلام معناته ان مالنا تخصصات حلوة احنا الاداري :sad2:

احم ,, احم

وش السالفه الموضوع نااايم ..

بشرونا وش صار عليكم بالفحص ان شاءالله عديتوا ؟

اخوي القائد وش تخصصات العلمي الله لا يهينك ؟؟

هلا اخو يالساهر..

هم قالو لي ان الفحص يوم السبت اول امس يعني بس رحت لهم قالو عشان الزحمة منخلي كل يوم 40 واحد..واخذت موعد وقالو لي موعدي بصير السبت الجاي...

تخصصات العلمي ولا يهمك بكرة اسال واحد من الشباب واقول لك

أنا سويت الفحص الطبي يوم الثلاثاء الماضي والحمد لله ^_^

وأبشرك ما فيها لا نجاح ولا رسوب على حسب كلام القائد المجبل (كلمته بالمسنجر) ^^"

لا تخاف يالساهر انا اعرف واجد شخصيا انقبل بالاي تي سي ولا بيروح لها اصلا ...

واكيد في غيره بعد :biggthump

يعني فيه فرصة كبيرة انهم يكلموك قريب ويقولولك انك خلاص انقبلت :D

:ciao:

يا اخوان احب اقلكم شي الاول...

من اللحين ظبط لك واسطة عشان تنقل بعد ما تتعين ويرموك في الصحراء..

ثاني شي.. ان شفت مستواك افضل من الاي تي سي..
وما اعطوك فرصة... اعطي الشركة شلوت قديم.. واتركها..

السلام عليكم ورحمة الله وبركاتة
ارجوا المساعدة ياشبااااب (تكفون)
انا في الاحتياط هل بيطلعو احتياط ولا؟
والاحتياط متى بيطلعون؟
في الدفعة الاول
في الدفعة الثانية
انامحتار:06:
الدعوة واسطة ولا
يعني فيه أمل ولا

الســــــــــلام عليكم ورحمة الله وبركاتة امابعد.....
نتائج ارامكو متى تطلع؟ (الاحتياط)
فية قبول الاحتياط كثير ام قليل؟
وش رايكم بالبرنامج هو احسن ولا كــلية المعلمين تخصص مسار الرياضيات
مكافئة البرنامج كم؟
مدة الدراسة كــــــم؟
التخصصات كـــــــم؟
الراتب بعد الدراسة كم؟
الدراسة اين؟:12:
فيه سكن ولا ؟
مميزات البرنامج؟
هــــــــاذا ماخطر علي بالي
:D :D :D :D
ودمتم سالمــين......

ممكن معلومة يا شباب :)

انا سويت الكشف الطبي يوم الأربعاء 5\10\2005 ( ثاني أيام رمضان الكريم)

بس ما أدري متى بيرسلوا النتايج ؟ :أفكر:
وهل هي عن طريق الجوال؟ ( يمكن ) :33:

مع أن صالر لي اسبوع من يوم سويت الكشف الطبي وما رسلوا لي النتيجة

والي سوا الكشف الطبي الأربعاء الماضي ممكن يفيدنا ;)

نتائج ارامكو متى تطلع؟ (الاحتياط)
لا تستعجل يا أخوي بس اتوقع خلال شهر رمضان ان شاء الله :)
فية قبول الاحتياط كثير ام قليل؟
اتوقع كثير :p
وش رايكم بالبرنامج هو احسن ولا كــلية المعلمين تخصص مسار الرياضيات
الاي تي سي احسن من كلية المعلمين بالراحة بالنسبة لي ;)
مكافئة البرنامج كم؟
اول سنة 2500 شهريا.. ثاني سنة 3000 شهريا:D
مدة الدراسة كــــــم؟
سنتين:jester:
التخصصات كـــــــم؟
كثيرة بس ما اعرفها :33:
الراتب بعد الدراسة كم؟
4000غير البدلات.. وكل سنة تزيد :biggthump
الدراسة اين؟:12:
انت وحظك :أفكر:
فيه سكن ولا ؟
فيه سكن بس الي بيته في نفس منطقة الدراسة ما اظن يعطونه :33:
مميزات البرنامج؟
اكثر ميزة للبرنامج ان الوظيفة مضمونة والبدلات رائعة.. ولا تنسى ان طلاب الاي تي سي لهم ملابس
خاصة وحلوة :D

اقتباس:

---

المشاركة الأصلية كتبت بواسطة صياااد القلوووب

ممكن معلومة يا شباب :)

انا سويت الكشف الطبي يوم الأربعاء 5\10\2005 ( ثاني أيام رمضان الكريم)

بس ما أدري متى بيرسلوا النتايج ؟ :أفكر:
وهل هي عن طريق الجوال؟ ( يمكن ) :33:

مع أن صالر لي اسبوع من يوم سويت الكشف الطبي وما رسلوا لي النتيجة

والي سوا الكشف الطبي الأربعاء الماضي ممكن يفيدنا ;)

---

انا الكشف الطبي حقي كان يوم الثلاثاء 4/10 قبلك بيوم يعني :D
وللحين ما جاني اي رسالة لا من المستشفى ولا من ارامكوا :33:
بس ما لنا الا الصبر ^_^

:ciao:

على مااعتقد والله اعلم ان اللي مايردو عليه يعني نجح في الفحص الطبي لان اللي ماينجحو او تطلع معاهم مشلة يتصلو لهم ويقولو لهم لازم تراجعو المستشفى مرة ثانية وتفتح عندهم ملف ويشوفو حل للمشكلة(يعني الحمدلله حتى اللي مايعدي مايقولو له باي باي..بس لازم يراجعهم مرة ثانية)

انا صاحبي ماعدى الفحص الطبي يعني صارت عنده مشكلة بسيطة واتصلو له بعد 5 ايام وقالو له تعال وراجعهم وكل شي زبط ولله الحمد..

لا تخاف اخوي Thedan ان شاءالله راح يردون علي وعليك ,, حتى انا في قائمة الانتظار http://images.montada.com/smilies/new_icons/ciao.gif

يا اخوان عندي سؤال هل فيه مقابلة شخصيه ؟ ولا على طول فحص طبي ؟

ووش سالفه اختبار اختيار التخصص يقولون فيه شيل وحط زي المكعبات تحطها في حفر وزي كذا ؟؟!! :31: :31: :31:

اقتباس:

---

المشاركة الأصلية كتبت بواسطة الـسـاهر

لا تخاف اخوي Thedan ان شاءالله راح يردون علي وعليك ,, حتى انا في قائمة الانتظار :ciao:

يا اخوان عندي سؤال هل فيه مقابلة شخصيه ؟ ولا على طول فحص طبي ؟

ووش سالفه اختبار اختيار التخصص يقولون فيه شيل وحط زي المكعبات تحطها في حفر وزي كذا ؟؟!! :31: :31: :31:

---

هلااااااااا أخوي الساهر :D
بصراحة للحين ارامكوا ما جبت لنا سيرة المقابلة الشخصية .. بس سمعت من واحد انه فيه مقابلة بعدين
بتصير :33:
بس لا تخاف .. طلاب السي بي سي سووا المقابلة الشخصية هالسنة وولا واحد رسب فيها :p
وبالنسبة لاختبار اختيار التخصص.. صحيح كلامك ^^"
حتى انا استغربت بصراحة :06:
بس اعتقد انه يبون يشوفون اذا انت سريع ولا لأ .. عشان يشوفون ايش التخصصات الملائمة لك
أكثر ;)

:ciao:

شباب .. بأقلكم شيء بس توعدوني ان معنوياتكم ما تطيح .. خلاص؟><"
http://www.aramcotimes.net/vb/showthread.php?t=5255
:ciao:

هلا اخوي زايد ...:)

ابشرك ردوا علي نتيجة الكشف الطبي برسالة جوال وقالوا تعال ورحت لهم يصورونك وياخذوا بصمات يدك...

وبعدين يرسلون لك موعد للمقابلة الشخصية لتحديد التخصص ...



وياليت الي سووا المقابلة الشخصية يفيدنا بمعلومات .:أفكر:
ايش بتكون الأسئلة؟
وهل فيها نجاح أو رسوب ؟


والله يوفق الجميع....;)

السلام عليكم ورحمة الله وبركاته..
طبعاً حبيت استفسر بخصوص المقابلة ..
اخوي عبئ استمارة الكفالة الخاصة بالشركة و خلصنا جميع إجرائتها ..
لكن المشكلة للاسف مو عارف بعد كذا ايش يسوي ؟ علماً ان موعد المقابلة ماتحدد له , و هو عمل التصوير يوم السبت هذا ..
فأتمنى سرعة المساعدة ؟ فيه احد عمل التصوير بيوم السبت :) ؟ ومتى المقابلة :) ؟

شباب لو سمحتوا ايش التخصصات المتاحة لطلاب التدرج الوظيفي APNE


و ايش تنصحني أتخصص علماً بأني متخرج من الثانوية عامة (قسم شرعي)

احمد ز

اقتباس:

---

السلام عليكم ورحمة الله وبركاته..
طبعاً حبيت استفسر بخصوص المقابلة ..
اخوي عبئ استمارة الكفالة الخاصة بالشركة و خلصنا جميع إجرائتها ..
لكن المشكلة للاسف مو عارف بعد كذا ايش يسوي ؟ علماً ان موعد المقابلة ماتحدد له , و هو عمل التصوير يوم السبت هذا ..
فأتمنى سرعة المساعدة ؟ فيه احد عمل التصوير بيوم السبت :) ؟ ومتى المقابلة :) ؟

---

انا ايضا رحت لهم اول امس وعطوني ورقة الكفالة وقالو لي خلاص احنا راح ندق عليك عشان المقابلة..يعني اخوك الحين لازم يستنى اتصالهم ( الظاهر يرسلو مسج مو متاكد )..المهم يعني هم راح يقولو لاخوك تعال..



صياد القلوب

اقتباس:

---

شباب لو سمحتوا ايش التخصصات المتاحة لطلاب التدرج الوظيفي APNE


و ايش تنصحني أتخصص علماً بأني متخرج من الثانوية عامة (قسم شرعي)

---

والله العلمي لهم تخصصات كثيرة وحلوة بس كله جهد فجهد..عموما احنا الاداري والشرعي تخصصاتنا قليييلة واكثر شي على مكتب واشغال بسيطة

أخوي القائد المبجل لا تنسانا إذا سويت المقابلة ابغى النصيحة منك و إيش يقلون لك :33:


و بالتوفيق:)

هلا شباب ......... الي يبي اي معلومة عن الاي تي سي يسأل ترى عندي خبرة كبيرة عن الموضوع .......
وبدايةً خلني اتكلم عن النقاط المهمة والرئيسية .......

1. الوظائف : لا تتوقع الكثير ........ وخصوصاً اذا كنت من خريجي الثانوية العامة بتقدير ممتاز ..... لان الوظائف كلها صناعية يعني خريجي الثانوية الصناعية احسن منك في مجال التخصص .... وزي ما قالوا الاخوان هنالك الكثير من التخصصات اذا صح تسميتها تخصصات لانها من وجهة نظري ليست تخصصات بس اهي في الحقيقة الوظيفة الي بتوضع فيها .. اعطيك ترتيبها حسب الافضل من وجهة نظري : 1. صيانة طائرات وهذا احسن شي 2. صيانة الالات
3.كهربائي 4. ميكانيكي 5.فني خراطة ( تشتغل في خرط الالات) 6.لحام هذي التخصصات الفنية ....وفيه تخصصات تقدر تقول عامل بس زيادة شوية وهي 1. مشغل الالات ( تفتح وتسكر وتشغل وارقى يا فلان وتعال ياعلان )
2.خدمة آبار ( الاسوأ على الاطلاق) 3.حفار باستخدام الدريل 4. رجل اطفاء 5. كاتب 6. سكرتي ........... باختصار الآي تي سي غالبا تشمل الوظائف الصناعية والمجهدة ( لهذا فحصتم بالكامل في المستشفى ما ودي اوضح اكثر بس الي سواه لكم في المستشفى للتأكد من قدرتك على العمل الشاق )

2. قبل لا انسى ودي اقول نقطة هامة يا شباب من باب النصيحة ........ الي حاليا اهو في جامعة او كلية لا يسحب شهادته ( ارامكو ما يبونها ولا بياخذوها ابد بس يبغون صورة ) لذا خلها في الكلية الين يطلع التخصص لانوا قد يطلع لك لك شغلة سيئة جداً جداً ولا تتفاجأ .... في واحد علمي نسبته 93 وحطوه عامل ....

3. ضع في حسبانك انو ارامكو ليست مؤسسة حكومية او تعليمية يعني ماهي بتعطيك شهادة ولا الي يعطوك شهرياً اهو مكافأة اهو في الحقيقة راتب ...... لانك من اول يوم تداوم بيكون وضعك نفس وضع الموظفين يعني بتداوم 8 ساعات يومياً ولو تغيب ساعة بدون عذر مقبول شوف شيبيصير لك ... والمواد الي بتاخذها ما هي مواد جامعية بل هي تدريب على الشغلة الي بتنحط فيها بس ...... باختصار اذا حطوك ميكانيكي بتروح ارامكو من الساعة 6 الصباح الي 3:15 الظهر تقعد تصلح وتتدرب يعني حتى وانت في الاي تي سي بتنكرف فيه شغلات مثل الصنفرة والتلحيم وافتح وسكر في الانابيب ... يعني حقيقة ً ال 2250 ريال الي بتاخذها ما هي الا حقك الطبيعي على هذا التعب والجهد الكبير يعني بتداوم 8 ساعات يومياً بدون اي توقف ما عدا للغدا 40 دقيقة فقط وغير مسافة الطريق يعني حط في الحسبان انك تقريبا يوميا 10 ساعات برة البيت ..... .

4. مدة التدريب : تختلف من شخص لاخر ومن و وظيفة لوظيفة ثانية ....... اولا يعتمد على المستوى الي حطوك فيه بالنسبة للغة الانجليزية غالباً يوضع خريجي الثانوية في المستوى 3 لكن هذا يعتمد على الاختبار الي قدمته في امتحان القبول وكل مستوى تقريباً فصل دراسي حتى توصل الي المستوى الخامس الي اهو تقريباً بعد سنة وبعدين تبدا التدريب على العمل وكل شغلة لها مدة معينة الشغلات الفنية تقريبا تاخذ سنة وفيه بعض الشغلات ما تاخد الا 3 اشهر .. وعلى فكرة ما لك اجازات حالك حال الموظفين يعني مالك الا شهر واحد في السنة ..

5. لمن انصح لهم ارامكو itc : خريجي الثانوية الصناعية على وجه خاص لان هذا هو مجال عملهم وبالنسبة لخريجي الثانوية العامة يعتمد على نسبتك اذا كانت ممتاز او جيد جداً مرتفع فلا افضل انو ترمي الي درسته طوال ثلاث سنوات في البحر لانوا دراستك في الثانوية غير معتمدة في برنامج الاي تي سي لانهم يبغون عمال وفنيين ما يبغون مهندسين او اطباء فاذا كنت من الممتازين او جيد جداً وتبي ارامكو اعطيك طريق اخر لكنه اطول شوي لكنه اظمن لمستقبل باهر ( 1. اتوقع انك غير مقبول في مجالات الهندسة لذا ماني قايل لك روح جامعة البترول لكن وخصوصاً شباب الادبي عندك طرق كثيرة وابسطها لغة انجليزية من اي جامعة لانوا مدرسين الي تي سي كلهم باكلوريوس ومعلومة هامة للجميع اي موظف ينقبل في ارامكو ومعه شهادة جامعية يتعين سنير يعني الاستكر الاخضر حتى لو انت متخرج من فيصل لغة انجليزية و عينات من خريجي فيصل موجودة في الاي تي سي .... 2. قد تشوفها غريبة شوي لكن كلية الجبيل او كلية التقنية لو تتخرج منها بمعدل فوق 3.5 من 5 ولغتك الانجليزي ممتازة اعتبر قبولك في ارامكو مضمون و بتدخل في الاي تي سي ايضا لكن الفرق انو خريج التقنية او الجبيل بينما اهو يدرس يستلم 4500 وانت 2250 واذا توظف ايضا راتبه اعلى من راتبك و اهو تجيله زيادات سنوية وانت ياخريج الثانوية زياداتك بتكون ابطأ وخريج التقنية كلها سنتين الى 4 سنوات ويصير سوبر فايزر يعني ريس على مجموعة من الموظفين في نفس الشغلة الي من الطبيعي بتكون انت يا خريج الثانوية تحته )

6. بالنسبة لطاقم التدريس في ارامكو ينقسم الى قسمين ( ا. مدرسين لغة انجليزية وهم حاصلين على درجة البكالوريوس فقط 2.مدرسين التخصص هم عبارة عن موظفين سابقين في الشركة في نفس مجال وظيفتك يعني عندة شهادة الكلية التقنية على الاكثر وبعض الي بيدرسوك ما عندهم الا متوسطة ) ...... باختصار مافيه دكاترة زي الجامعات والكليات

7. امكانية الدراسة اثناء العمل : الدراسة الجامعية تحتاج الى تفرغ تام مذاكرة متابعة تقارير يعني حتى الشخص الى ما عنده الى الدراسة صعب يلحق فاتوقع صعب عليك انك تشتغل 8 الى 10 شاعات يوميا وتقدر في نفس الوقت تدرس في جامعة مفتوحة مثلا ...... وبالنسبة لارامكو ... ارامكو ما تسمح لك ان تتوقف عن العمل وتدرس الي يسمى تفرغ تام ...يعني باطق بالضرب بالترجي بالواسطات بحب الايدين :blackeye: بالموت تحصل على شهر واحد او شهرين على بالكثير تفرغ تام او توقف عن العمل ..

8.في الختام : اعتذر اذا تهجمت على اشخاص او احبطت اشخاص لكن جميع النقاط ما عدا نقطة خمسة هي حقائق عامة بتشوفها حقيقة في المستقبل وليست رأي شخصي .... وانت تحدد وتختار شنو الي اصلح لك مو انا ولا فلان ولا فلتان ...... انت تختار والله اذا ما ودك تدرس او مالك خلق دراسة وتبي تشتغل روح الي يوفقك لكن تحمل الي يجيك ....واذا انت ممتاز في الدراسة وودك تتعلم وتنحط في وظيفة عليا اقولك اعد التفكير في الموضوع وخل نظرتك بعيدة توصل الى 10 سنوات قدام مثلاً .
والي عندي اي سؤال عن الانظمة يسأل قبل لا يفوت الفوت .... وشكراً .

أخيVINCENT 2002 ...
-----------------------

ماذا عن الموضوعة أسمائهم على قائمة الاحتياط ؟ هل هنالك أمل كبير في القبول ؟

وماذا عن الرواتب ؟ أرجو أن تفصل بعض الشيء

وهل وظيفة الكاتب ( كليرك ) جيدة ؟ وكيف هو راتبها ؟ يعني بيكون في مكتب لكن بقية الوظائف على حد علمي ، راح تكون تحت أشعة الشمس ؟
------------------------------

تحياتي لك

أخوي

VINCENT 2002


أسعدت مساءا ...

عندي كم سؤال لك..انا سمعت ان اللي تخصصاتهم اداري اشغالهم دايما تكون على مكتب صح ولا لا؟!

هل الوظيفة مضمونة ..
يعني بعد ماتتخرج هل غصبا عنهم يوظفوك ولا يقولو لك استنى على مانشوف لك؟


وشكرا

شكراً للجميع على هذه المعلومات القيمة والمفيدة ..

أرغب في التساؤل لدى من قام بالفحص الطبي .. لو يعطينا تفاصيل عنه زيادة اكثر ..
بالعربي: يقص لنا قصته ;) ..

اهلا وسهلاً يا شباب وعذراً على التأخير .........

.. BDR .. : انشالله فيه امل لانو ارامكو تاخذ دفعات على طول السنة بس بعض الاحيان ما يقدرون ياخذون كل الطلاب فيأجلون قبولهم شوي عشان تفضى لهم مساحة فأتوقع خلال 3 اشهر من بداية الدفعة الاولى بتداوم انت وهكذا ....
بالنسبة للرواتب : اول ما تنقبل في الاي تي سي بيكون راتبك 2250 مخصوم منه 250 لنظام الادخار ويعطونك اياها عند التقاعد .. ومتى ما خلصت الانجليزي ودخلت في التدريب العملي بيزيد راتبك حتى يصل الى قرابة 3000 واذا خلصت التدريب وصرت كفؤ للشغل بتصير موظف رسمي في ارامكو براتب 4500 ....وهنا تكمن المفارقة لانوا بعض الشغلات يكون فيها بدلات كثيرة مثل المشغل والسكرتي عنده بدل مناوبة وبدل خطر و للسكرتي بدل اوفرتايم وبدل سكن وبدل نقل .... فقد تصل رواتبهم الى 6200 ريال .... اما بعض الشغلات الي ما فيها هذا الجهد والتعب ما يكون فيها هذي البدلات مثل الكليرك والشغلات الفنية ما فيها بدلات كثيرة بس فيه بدل خطر وسكن و نقل

بالنسبة للكليرك مقارنةً بالشغلات الثانية انا اشوفها رائعة جداً لانها مريحة مريحة لاخر الحدود مقارنة بالشغلات الصناعية والفنية الي ما توصل سن التقاعد الى جسمك انتهى .... لكن راتبها اكيد اقل ...... :33: بس الي اعرفه انوا ما يقل راتبها عن 4500 .....

القائد المبجل : اهلين وسهلين يا عزيزي ....
اي صحيح كلامك اذا كان تخصصك اداري دايماً تكون في شغلة مريحة تحت المكيف وفي مكتب ...
وبالنسبة للتوظيف ....: انت من اول يوم تنقبل في ارامكو انت موظف والنظام اسمه التدرج ..... بمعنى تبدا تتدرب وبعدين تتوظف على طول ولا يهم اصلاً شنو سويت في التدريب ممتاز ولا جيد ولا فوق ولا تحت تعدي السنتين وخلاص انتهى الموضوع بتتوظف حتى لو كنت اسوأ واحد في الفصل .....زي ما قلت لك تبدا 22250 --->3000----->4500 ريال هذي اهي القضية ....

Flash4 : :أفكر: اتوقع فيها احراج شوي ..... فيه اشياء ما تنقل هنا صارت :jester:


وشكراً ....... واذا فيه اي استفسارات اخرى .... ارجوكم لا تنحرجون انكم تسألون ..... ( من سأل ما ضاع )

يا أخ


VINCENT 2002

انا عنـدي استفسـار عـن الكشـف الطبـي وكيفيـة يتـم القبـول

لاني سويت كشـف طبـي من أول رمضـان ولا جانـي ولا رسـالة ولا شـئ

وفي نـاس بعـدي سوو الكشف الطبي وارسلـولهـم رسالـة

هل نظـام الكشـف الطبـي يعـتمد على الاولوية ام الارقـام ام بأحسن المقبـولـون او ماذا

وسـؤال آخـر هل انت الي تختـار التخصص ؟ وما هي تخصصـات الاداريـة ؟

وسـؤال ثالث < استحليتهـا :D

هـل هنـاك سكـن في مركز تدريب الظهـران وشكـرا

اقتباس:

---

المشاركة الأصلية كتبت بواسطة Killer Evil

يا أخ


VINCENT 2002

انا عنـدي استفسـار عـن الكشـف الطبـي وكيفيـة يتـم القبـول

لاني سويت كشـف طبـي من أول رمضـان ولا جانـي ولا رسـالة ولا شـئ

وفي نـاس بعـدي سوو الكشف الطبي وارسلـولهـم رسالـة

هل نظـام الكشـف الطبـي يعـتمد على الاولوية ام الارقـام ام بأحسن المقبـولـون او ماذا

وسـؤال آخـر هل انت الي تختـار التخصص ؟ وما هي تخصصـات الاداريـة ؟

وسـؤال ثالث < استحليتهـا :D

هـل هنـاك سكـن في مركز تدريب الظهـران وشكـرا

---

1. بالنسبة للكشف الطبي ما يعتمدون على اولوية ولا شي لكن متى ما ارسل المستشفى ملفك الى ارامكو يتصلون عليك ونظرا لانوا عدد المقبولين في ارامكو واجد تشوف البعض منهم يتأخر شوي بسبب الزحمة
2.لا مو انت الي تختار وهذا اسوأ شيء ..... اهم بعدين يقولون لك شنو التخصص ومكان التدريب و مكان العمل في بعض الوظائف ..... وما تقدر تغييره و تحط توقيعك على هذا الكلام ..... ....
اما بالنسبة للتخصصات الادارية ما اعرف منها الكثير بس الي اعرفه ..... كليرك و ما شابه وفي اسوأ الحالات سكرتي ....
3. اي نعم فيه سكن في الظهران وفي العضيلية وفي بقيق و راس تنورة بس الاحساء ما فيها سكن ....


العفو يا عزيزي ........
يالله شباب نبقى نسمع اخباركم واستفسارتكم .......

الاخ VINCENT 2002
عرفت من أحد الاشخاص أن رقمي في الاحتياط في الاخير فهل فيه مجال بإذن لله للتوظيف .؟
وكيف طريقة إختيار الطلاب هل حسب الدرجات أم ماذا؟

سلام عليكم ...

شباب انا حطوني في الانتظار من شي شهر رسلوا لي الرساله .....

انا بصراحه غسلت ايدي وحطيت في راسي مشاريع ثانيه لاني احسهم ماهم حولي ...


المهم مبروك لكل المقبولين والله يوفقكم ....

الله يوفقكم جميعا ان شاء الله
وان شاء الله تطلع كل اسامي الاحتياط

يا أخ VINCENT 2002
انا عندي سؤالين فقط لا غيـر :09:

انا عندي استفسار عن السكن ؟

عن مواصفات السكن وهل يجب ان يكون لك رفيق وهل يوجد اجهزة الكترونية وغيرها
وهل في خط انترنت في السكن < اهم شئ

اما السؤال الثاني هل هناك مقابلة وهل هي المقابلة تدخل ايضا في تحديد التخصص

ويعطيك الف الف عافية

وكل عام وجميع المسلمين والمسلمات بخيرر ..!!

غزال الشرقية : انشالله فيه امل كبير مادام انوا اسمك في الاحتياط فانشالله فيه امل .....
* اختيار الطلاب يتركز في المقام الاول على الاختبار الي سويته في الظهران ( السرعة , الرياضيات و الانجليزي ) وبعدين يعتمد على الاشياء الاخرى ...

Killer Evil :
اجابة السؤال الأول : اي لازم يكون لك رفيق في الغرفة ..وفيه فرن وثلاجة و خط تلفزيون وخط انترنت وكل شيء تتمناه موجود باختصار ...السكن بيرضيك جداً .....
الثاني : لا .... ما في مقابلة .... اهم بس بيجتمعون بجميع الطلاب ويعطونكم التخصص وبيخلونكم توقعون على موافقة على التخصص ومكان العمل و بس .... وما فيه شيء اسمه مقابلة .


الله يعافيك .....

:ciao:

مشكور اخوي على الرد والمساعدة
تتوقع فيع سحب جديد للطلاب ولا خلاص مافيه إلا بعد الاضحى؟

السلام عليكم وكل عام وانت بخيرر

اليوم انا رحت عشان اكمل اجراءات البطاقة لارامكوو

فأول شئ رحت مركز التدريب الساع 6.30 وعلى طول اعطاني ورقة كفالة وحقة البصمات والتصوير

وبعدين قالو التصوير في ارامكو الي عند جامعة البترول والمعادن وخلصت الامور كلهاا

المهم لما رحت مركز التدريب واخذت منه اوراق الكفالة والبصمات

قال الاسبوع الجاي تبدأ المقابلات وهذه المقابلات من اجل يقولون لك وش تخصصك

واذا انت تبيه وقع واذا ما تبيه الله يوفقك بس يقول لازم تجي قبل الموعد بدري

لانه مدة المقابلة مع جميع الطلاب ساعة واحـدة بسس والي يتأخر راح عليه


*يعني في امل للاحتياط بمناداتهم في حال عدم قبول الطالب لتخصصه

والله يوفقنا ويوفقكم وكل عام وانتم بخيرر :05:

الدراسة راح تبدأ
24 شوال

أبشركم أمس الاربعاء أستدعوني ولله الحمد للفحص وفحصت والاثنين النتيجة أسأل الله أن يعديها على خير
وماذا بعد الفحص؟

السلام عليكم ،،

أخواني ، اذكروا لنا ماذا تم مابعد القبول ؟

أنا بأسوي الفحص بكرا ، بس بغيت أعرف وش بعد نتيجة الفحص ؟

تحياتي لكم

بعد الفحص يعطوكم موعد بعد 5 ايام تقريبا عشان تروحون مكتب التوظيف وتاخذون ورقة الكفالة تعبونها
ويعطوكم بعد ورقة للتصوير وبعدين يعطوكم موعد ثاني عشان تروحو تسلمو الورقة
حقة الكفالة وتسوون المقابلة


انا الاربعاء الجاي مقابلتي الله يستر :D

طيب ونتيجة الفحص الطبي ، يحددون موعد للنتيجة ولا نقعد ننتظر على الفاضي ؟
ومافهمت قصدك بالورقة اللي يعطونيها للتصوير ؟
والمقابلة ؟ هل هي شخصية ولا تحديد التخصص ؟

وربي يوفقك في المقابلة

تحياتي

اقتباس:

---

المشاركة الأصلية كتبت بواسطة .. BDR ..

طيب ونتيجة الفحص الطبي ، يحددون موعد للنتيجة ولا نقعد ننتظر على الفاضي ؟
ومافهمت قصدك بالورقة اللي يعطونيها للتصوير ؟
والمقابلة ؟ هل هي شخصية ولا تحديد التخصص ؟

وربي يوفقك في المقابلة

تحياتي

---

لا مافيه نتيجة للفحص ..انت بعد ماتسوي الفحص يبغا لك تنتظر مسج من ارامكو عشان يقولو لك تعال


ورقة التصوير هذي يعطوك اياها ويقولو لك روح مبني ارامكو اللي عند جامعه البترول عشان تصور
للبطاقه ويعطوك في نفس اليوم ورقة الكفالة اللي تخلي كفيلك يوقع عليها

اما المقابلة مادري عنها كيف ..يوم الاربعا باقولكم عنها

والله يوفق الجميع :D

المقابله هي محاضرة جماعية يتم فيها اخبارك عن تخصصك و الدائرة التي تعمل بها وتوقع على الخصص و الدائرة ويخبرونك عن نظام الدراسة

أنا حطوني بوظيفة كاتب ادراي بدائرة ادارة معاملة الزيت الجنوبية

اقتباس:

---

المشاركة الأصلية كتبت بواسطة صياااد القلوووب

المقابله هي محاضرة جماعية يتم فيها اخبارك عن تخصصك و الدائرة التي تعمل بها وتوقع على الخصص و الدائرة ويخبرونك عن نظام الدراسة

أنا حطوني بوظيفة كاتب ادراي بدائرة ادارة معاملة الزيت الجنوبية

---

يعني مايسألوك شي على طول يقولو لك تخصصك؟

السلام عليكم يا طلاب المتلحطين يعني راحيين فيها :D
الله يعينكم على الكرف الي راح يصير لكم انا مو قاهرني الا شي واحد انه السنتين الي تدرسها ما يعتبرونها شي بالنسبه لك يعني مو شهادة دراسه وبعد ثاني شي ان قريدك راح يكون 7 يعني الي داخل مع مقاول احسن منك يستلم انا اقول لكم ارامكو على عيني وراسي بس لا تنسى انك طالب i t c بالعربي الله يعينكم على الشغل الي راح يصير لكم


فـ امان الله

السلام عليكم ..............

شباب انا كنت في الانتظار واستدعوني وسويت الفحص ............

والنتائج الحين معاي في البيت باقي اوديها للشركه يوم السبت ....

ممكن احد يخبرني كيف يكون السكن يعني هل فيه حريه او انه زي السجن ؟؟؟؟؟؟؟؟؟؟؟؟؟؟؟؟؟؟؟؟؟؟؟

يمديني ادخل اي شي والى فيه تشدد ؟؟؟؟؟؟؟؟؟؟؟؟؟؟؟؟؟؟؟؟؟؟؟

شباب بليزززززززززززززززززز خبروني لاني احتمال اكون معكم ....

عزيزي / الغريب ، الكل يعلم ذلك

فـ ماحد وكّلك محامي ، تتكلم عنهم ، والله يعين الجميع

تحياتي

ياشبااااااااااااااب ، وينكم ؟؟؟؟؟ ، بشروا وش سويتم ؟ ، وكيف الدراسة معاكم ، ياللي قبلوا
وياللي بالانتظااار ، وش سويتم ؟؟ قبلوكم ولا للحين ؟؟ ، أنا آخر شي سويته : صورت وعطوني ورقة الكفالة ، وكان ذلك يوم الإثنين 19 / 10 / 1426 هـ - الموافق 21 / 11 / 2005 م ، وباقي الإجراءات على كلام مكتب التوظيف في شهر يناير وفبراير ، وربنا يعين.

تحيااااااااتي

للتواصل : bdr_2004@hotmail.com

السلام عليكم ورحمة الله وبركاته
هذي أول مشاركة لي بالمنتدى ما راح أطيل عليكم بس أود من الاعضاء الرد على أجابتي وخصوصا
VINCENT 2002
أنا قبلوني أحتياط في الدفعة الثانية وسويت الفحص الطبي وأتوقع أنهم راح يقبلوني لان أسمي في البداية أن شاء الله بس أبغى أعرف على أي أساس يختاروا لي التخصص يعني أذا كان التخصص حلوا بكمل وأذا لا ما أبيه وشكرا

بسم الله الرحمن الحيم
السلام عليكم ورحمة الله وبركاته أن خريج ثانوية عامة قسم أدبي شعبة اداري
و دخلت اختبار ارامكو ITC عام2008 وأرسوا الي رسالة في 16/9 شهر رمضان وهي أني تحت قائمة الانتظار ولم يتم ارسال قبولي حتى الان
فمانسبة قبول في ارامكو
ويقال أن هناك دفعة ثانية وثالثة فهل هذا صحيح واذا كان صحيح متى يتم قبول الدفعة الثانية والثالثة ((في أي شهر انجليزي))




أرجو الاجابة بدقة
واسمحولي على الاطالة
وشكرا

هذي اول مشاركة لي .. (( انا طالبة في الصف الثالث ثانوي ))
حبيت اسأل ..
جامعة الاي تي سي نفسهااااااااا سي بي سي .. (( للبنات ))
واقدر ادرس في السعوديه بدون ما اطلع بعثة ؟؟!
وابي ادرس هندسة بترول فيه للبناااااااات ؟؟وش اشتغل بعدين ..
والله يجزاكم كل خيـــــــــــــر ..

السلام عليكم ورحمة الله وبركاته ..

اعرفكم على نفسي عبدالرحمن الملحم وعمري 19 سنة ساكن بالأحساء ..
سجلت في المنتدى لكي أستفيد منكم خصوصا في أمر التسجيل في الإي تي سي .. في الحقيقة انا قمت بالتسجيل وعطوني موعد للإختبار اللي بسوونه في الظهران يوم 17 شوال ويوافق 7 اكتوبر .. أنا بس بسأل أسئلة سريعة تهمني في الحقيقة وأرجو أنكم تجاوبوني

سـ1 / انا طبعا سجلت وعطوني موعد للإختبار بعد الإختبار شو بصير ؟
سـ 2/ متى نسوي الكشف الطبي ، هل هو بعد الإختبار اللي بسوونه في الظهران ولا ؟
سـ 3/ الإختبار فيه صعوبة وهل هو شبيه باختبار التحصيلي والقدرات ؟
سـ 3 / هل هناك مقابلة شخصية ؟
سـ 4 / السكن هل يوجد فيه ريسيفر واهم شي فيه حق كرت:biggthump وتلفزيون وانترنت وهالأمور تدرون الواحد بتغرب فالوسائل مثل هذي تقتل عليه وقته بالإضافة للمذاكرة طبعا ..
هذي الامور المبداية اللي أريد اعرفها ولكم الشكر ..

هذا ايميلي للتواصل
ram.44@hotmail.com

السلام عليكم
اشوف الموضوع صار له دهر ماحد رد فيه :bigeyes:

للرفع :biggthump

حاليا بما ان التقديم على الاي تي سي قريب جدا لكن ماعرف ايش الشروط :blackeye:
ولا من وين اسجل :silly: ولا شي :biggthump
فالله يخليكم ابي تردون عليّ :biggrin2:

انا عندي فقد جزئي لأصابع اليد اليمنى (البنصر الوسطى والسبابه) فقد جزئي وليس كامل وانا متخرج من الكلية التقنية هل يقبلوني

انا عندي فقد جزئي لأصابع اليد اليمنى (البنصر الوسطى والسبابه) فقد جزئي وليس كامل وانا متخرج من الكلية التقنية هل يقبلوني