مشاركة: بنات قصة وايد حلوة
أخي العزيز كايتو..
أقدر لك تعبك في نقلك لهذه القصة..
ولكن هناك قسم خاص للقصة المنقولة..
أرجو الالتزام بالقوانين..
تحياتي،،
مشاركة: بنات قصة وايد حلوة
مشكور لاكن ماعرف شو اقول بس احط هذي القصه والباقي في مكانه ومشكووور
التكمله
الجزء الثاني
مهره : خلاص الحين ما فيه شي….
علي: ( وهو مرتاح ) والله …
مهره : والله …
علي: (وهو يرمسها بهمس ) تعرفين .. ما اتصور انج بتعرسين وبتييبين عيال
مهره : (بدلعها ) ليش يعني اللي يعرسن في شو احسن عني ؟
علي: لا فديتج ما قصدت جيه.. أنا اخاف عليج وايد احس انج ما تقهرين شي.. واخاف عليج من الهواء ..
مهره : قول جيه … علي ابا اسير فوق …
علي: (وهو يبا يساعدها تقوم واقفه) هاتي يدج …
مهره : لا ما اقدر شلني …
علي: (وهو مرتبك ) سيارة راشد واقفه خاري…
مهره : وانا شعليه من راشد.. ومن غير راشد انته ريلي وانا ما اسوي شي حرام
وشلها يبا يوديها فوق وهو على الدري.. كانت ام راشد (امها ) توها ظاهره من المطبخ وهي شاله عصير في يدها
ام راشد : وين ؟
مهره: يالله يامايه بعد وين؟ اتشوفيني تعبانه وبيوديني الحجره بعد وين…
ام راشد : ودها يابويه .. ما فيه على حشرتها ودلعها ..
وشل علي مهره لين حجرتها وحطها على شبريتها …
علي: (وهو يعدل سفرته) انا راد الدوام …
مهره : اشتبا بالدوام ؟ انته الحينه محتاي لهالمعاش …
علي: حبيبتي صح اني الحمدلله هب محتاي لها المعاش لكني واحب وظيفتي ولازم اكون ملتزم فيها
مهره: ومتى بتيني ؟
قالها : (وهو يوقف) بسوي لج تلفون ..
مهره: (بدلع ) ما بشله … تباني تعالي هنيه … متباني بكيفك …
علي: (وهو يحبها على خدها ) اباج وما اصبر عنج .. يلا فديتج باي ..
على الغداء كانو يالسين يتغدون وقالت ام راشد لراشد ..
ام راشد : ما بتسير ويانا اليوم بيت يدك ؟
راشد : لا ما اقدر اسير عندي شغل …
ام راشد : يدك دوم يتخبر عنك.. ما اتشوف عيال خالك مبارك يسيرون كل يمعه.. وعيال خالك محمد بعد ..
راشد : امايه سيري ويا بناتج ..انا شو يوديني مكان كله حريم …
حصه : هاذيلا اهلك
راشد : مادري..
ام راشد : موزه داقتلي البارحه (بنتها العوده ومعرسه) تقولي من الصبح بكون عندكم حتى يوم دقت عليه سلامه الباب الصبح تحريتها هي ..
حصه : امايه دقت تلفون من شويه تقول بنتلاقى في بيت يدي ..
راشد: يعني ما بشوف العيال بتي من دبي على بيت يدي اتعشى وبترد دبي…
ام راشد : تراني اقولك تعال ويانا …
راشد: ان شاء الله ..
وكانن طول الوقت حصه وسلامه يتصاصرن
حصه : ما قلت مبروك لسلامه …
راشد: مبروك ..
حصه : نزين العرب ما يسالون اشعليه مبروك …
راشد: مبروك على أي تبنه (ونش عن الغداء(
قالت حصه لسلامه وهي ترمسها بهمس: انا اخويه وودي اجتله.. ما ادري شو عايبنج فيه …
سلامه : (عقب ما نشت ام راشد) شسوي يا حصه يقهر …
حصه : ما فيه أحساس.. عيل وحده بجمالج لو شافج الصخر بينطق وهو ولا حتى جانج جدامه.. سلامه لا تربطين عمرج بواحد شراته.. والله خساره اطوفين على عمرج واحد شرا عبدالله..
سلامه : لو اتم عانس وما اعرس ما باخذ عبدالله …
حصه: سلامه انتي رومانسيه وايد.. القصص والروايات اللي تقرينهن ماثرات عليج وايد
سلامه : يا ربي احترمو رغبتيه.. مابااااااه.. وشقايل تقولين مساعه جدام عمتيه انه شكله حلو .. هو عادي لا بحلو ولا بشين.. وبعدين اشوفه صغير عليه
حصه : والخيبه .. بعده صغير…
سلامه : هيه .. عبدالله عمره 27 سنه …
حصه : وانتي 22 يعني اووكي ..
سلامه : أي اووكي
حصه : سبحان الله تبينه شيبه عيل
سلامه: (وهي اطالع فوق بطريقه حالمه) اباه 29 ثلاثين واحد وثلاثين …
حصه : شو هالتفكير…
سلامه : يالله كم كثر كلت …
العصر كلهم سارو بيت اليد الا سلامه تمت ويا مهره اللي كانت بعدها تعبانه.. ملت سلامه من اليلسه فوق وحولت تباهم يردون تبا تسير بيتهم.. لقت في الصاله على الطاوله حاطين عصيده وجباب ويلست تاكل.. وحست انه فيه حد وراها.. ما صدت لانه البيت ممزور شغالات.. فجاه حست بيدين يغطن عيونها من وراها.. من غير ما حد يرمس ..
سلامه : منوووو؟؟
محد رد
سلامه : منووو
محد رد
حطت يدها على اليدين اللي مغطيات عيونها عرفت انها يد رجاليه …اقشعر يمبها كله ..
ونشت اطالع منو .. وشافته راشد ….ارتبكت
سلامه : انته ….
راشد: هيه انا.. يقولون بتعرسين.. (وكان توه يالس بياكل من الاكل اللي جدامه على الطاوله (
سلامه : وانته شو دراك ؟
راشد : الاخبار تيني …. وبتسيرين قطر ….
سلامه : فرحان راشد ؟؟؟
راشد: (كان ياكل يوم سمع سوالها وقف عن الاكل ورفع عيونه وطالعها وكانت اتريا جوابه) اكيد .. اتمنى لج السعاده من كل قلبي
سلامه: (وهي حاسه بالضيق) المهم انا كنت يالسه ويا مهره وعطيتها دواها ورقدت ابا اسير ..
راشد: وين بتسيرين ؟ ما بتريين عمتج ؟
سلامه : ابا اسير البيت انا من الصبح هنيه ..
راشد: تريني انا بوصلج …
سلامه: ما يحتاي برمس الدريول وبيي ايشلني ويا الشغاله
راشد: سلامه انا بوصلج سيري يبي عباتج … وظهر قبلها ..
لبست سلامه عباتها وظهرت لقته يترياها.. ركبت السياره جدام حذاله.. ما بغت اضيع على عمرها فرصة اليلسه وياه .. ولو لمسافة الطريج
شغل راشد المسجل على طول وكان حاط اغنية جديمه لمحمد عبده.. (ايوه قلبي عليك اللتاع).
لا هي رمست ولا هو رمس طول المسافه اللي من بيت العمه لبيت قوم سلامه… ولاحظت سلامه انه راشد ماكان يمشي بسرعه بالعكس كان ماشي على مهله ..
سلامه : راشد ..
راشد: هلا ..
سلامه : ليش ما عرست لين الحينه ؟
تم ساكت لفتره وشكله يفكر في اجابه
سلامه : هالكثر سؤالي صعب
راشد: (وهو يبتسم لها ابتسامه زادته جاذبيه وجمال على جماله) السؤال مب صعب .. الاجابه هي اللي صعبه …
سلامه : (بقهر) انزين انا عفيتك من الاجابه …
راشد: عندج عروس تصلح لي…
سلامه : (في خاطرها وبقهر.. عنبوه عمي.. ما اتشوف الكل يمدحني ويمدح جمالي ما تمت بنت في المدرسه ما بغتني لاخوها والا عمها والا خالها.. وانته تقولي ويا ويهك عندج عروس) اذا تباني ادورلك بدور لك …
راشد: مشكوره.. ما تقصرين.. سلامه انا مالي في الزواج.. لو كنت ابا اعرس جان ما لقيت لا اجمل ولا احلى من بنت خالي.. (وكانو واصلين البيت (
حولت عنه من غير ما اتقوله مشكور …
لقت امها وابوها في الصاله حبتهم على راسهم ..وكانت توها تبا تسير حجرتها وهي توها على الدري..
امها (ام منصور): اشو مربعنج (مركضنج) بيت عمتج من الصبح ؟
سلامه : هاي عمتيه ما اظني فيها شي يوم بسير لها …
ام منصور : (وهي تقول لريلها) قولها فيها شي والا ما فيها شي.. تظهر من البيت من غير ما تشاور حد
ابو منصور: سيرتج بيت عمتج ما فيها شي.. ظهرتج من غير ما اتشاورين حد هي اللي فيها
سلامه : (وهي تبا تسير حجرتها) خلاص هب ظاهره مره ثانيه ابا اسير حجرتيه اذا ما ما عندكم مانع
ابو منصور : ما رديتي علينا بخصوص عبدالله ولد خالج …
سلامه : ابويه عرس منصور اخويه وعلي عقب شهر .. عقب الشهر برد عليكم …
ام منصور: شو تبينا نقول لخالج اصبرو لين الشيخه سلامه تفكر .. ولين نسال عنكم عدل …
سلامه : امايه انا ما قلت جيه قلت اصبرو لين خواني يعرسون ..
ام منصور: خلاص بقولهم موافقه ..
سلامه : (وهي ترقى فوق ) لا يا مايه …
صاح موبايلها وهي واصله حجرتها وشلته وكانت حصه ..
حصه : وين سرتي ؟
سلامه : حصوه اخوج يابني البيت ..
حصه : لو استخدمتي وياه وحده من اساليبج الساحره …
سلامه : أي اساليب أي بطيخ .. اخوج قالي كلمه خلتني افقد الامل
حصه : اشو هي
سلامه : تراني سالته.. ليش ما عرست لين الحينه راشد؟ جان يقولي عندج خطيبه.. قلت له بدور لك.. جان يقولي وهنيه مربط الفرس.. مشكوره ما تقصرين انا مالي في الزواج يا سلامه.. ولو ابا اعرس جان ما لقيت احلى عنج ..
حصه : (وهي تمثل انها تصيح) بصراحه صيحتيني ..
سلامه : ويا ويهج …
حصه : يارب يكون راشد ولد عبدالله بن محمد من نصيب سلامه بنت مبارك بن راشد.. انتي مسمايه على يدوه وخالي ما عنده بنات غيرج.. وهو مسماي على يدي وامايه ما عندها غيره.. عرسو وفكونا من هالحشره …
سلامه : جان زين .. آميييييييييييييييين
مشاركة: بنات قصة وايد حلوة
مشكورين حبايبي علي المرور
الجزء الثالث
سلامه : حصوه ما قلت لج ؟
حصه : قووولي …
سلامه : يوم رد من بيت يدي… كنت يالسه اكل في الصاله.. وما اوعى لج الا حد مغمض عيوني … ويباني اعرف منو هوه ..
حصه : ومب هين بعد …
سلامه : قلت منو مارد .. قلت مره ثانيه وهو حضرته مسكت
حصه : وشو كان شعورج ؟
سلامه : يوم خطر في بالي انه هوه ضربتني قشعريره… وفزيت اشوف منو مغمض عيوني.. وشفته يطالعني بخبث …
حصه :.. الله واكبر …. اخوج علي عندنا …
سلامه : عند مهره هاه؟
حصه : هيه ..
سلامه : وشخبارها الحينه ؟
حصه : ما طاعت تاكل شي .. وعزرت على امايه ادق لعلي ايي ياكلها بيده.. ويى حليله ويالس يسقيها شوربه …
سلامه : علي اخويه.. حنون وايد.. طالع على ابويه.. وايد يناسب مهره …بعكس منصور …
حصه : تخبريني عنه..ولا يتصل بي ولا يتخبر عن اخباري الا جاني انا دقيت له ..
سلامه : هذا طبعه منصور.. حتى يوم بيسافر ولا بيفكريدق لنا تلفون وامايه تحاتيه.. كل شي عادي عنده..انزين انتي دقي له.. وعوديه ادقي له في وقت معين وقولي له كلمات حلوه.. خليه يتعود على هالمكالمات.. وفجاه وقفي ..شوفي بيلاحظ
حصه : ما ظني بيلاحظ ..
سلامه : اسمع صوت امايه يايه .. بخليج الحينه حصه .. يلا باااي
دشت عليها امها ..
ام منصور : انا دقيت لقوم خالج وقلت لهم انج موافقه وملجتش الاسبوع الياي
سكتت سلامه لانها ما عرفت بشو بترد على امها.. وطرشت لحصه مسج وخبرتها بالخبر.. دقت حصه لسلامه.. سلامه ما ردت.. دش عليها اخوها هزاع ولقاها تصيح
هزاع : بلاج ؟ اشله تصيحين ؟
سلامه : ما فيني شي…
هزاع : ملجتش الاسبوع الياي اتقول امايه ..
سلامه : (بعصبيه) هزاع مابا ارمس في هالموضوع.. خلهم يسون فيه اللي يبونه.. يوزوني يطلقوني على كيفهم ..
هزاع : انزين شو بلاه عبدالله ما تبينه …
سلامه : اول شي نسخه من مرة خالك اللي انا من استويت ما ادانيها وطول عمرها تغار منا وما اداني امايه..ثاني شي احس انه خواته مريم ولطيفه مسيطرات عليه ..ثالث شي دمه ثجيل ويوم اسمعه ينكت تلوع جبدي منه..واييني صداع ..رابع شي ضعيف وايد ..خامس شي هب داش قلبي
هزاع : وسادس شي…
سلامه : هزاع دخيلك ..انا قلت كل اللي عندي
هزاع : انا سمعت كل اللي قلتيه ممكن تسمعين اللي بقوله …
سلامه : لا هب ممكن لنك بتوقف في صفه .. وهذا اخر شي ابا اسمعه الليله ..
هزاع : بس دقيقه ..
سلامه : شوووو
هزاع : بخصوص مرة خالج التوش اللي كان امبينها هي وامايه هذا موضوع جديم.. والحمدلله الحينه شراالسمن على العسل..والحرمه عقلت وادينت.. وبخصوص انه خواته مسيطرات عليه انا هب وياج في هالنقطه.. ما شفتيه شقايل هزب مها يوم قالت ابا اسير اشوف ربيعتيه..وبخصوص انه دمه ثجيل.. بالعكس بصراحه.. انا اشوفه دمه خفيف وايد.. ومن ايي عندنا كله يسولف .. حليله يبا يلفت انتباهج ..
(سلامه في خاطرها يلفت انتباهي انه يغدي قرد وسبال والناس يضحكون عليه (
وبخصوص الضعف.. شو يسوي حليله هذا جسمه.. ويقول انه ياخذ مشهي وبدا ياكل احسن عن قبل..حتى انا لاحظت الشي هذا.. الموضوع يا سلامه انج حاطه عينج على راشد ولد عمتيه ..
انحرجت سلامه لاقصى درجه …
هزاع: (قبل لا يظهر) احسن شي سوته امايه انها قالت لقوم خالي انج موافقه ولو انج هب موافقه ..وظهر عنها
وفعلا عقب اسبوع وبقلب ينــزف دم.. كانت ملجة سلامه في حفله عوده في اكبر فندق ف العين..وكانو قوم خالها عازمين كل اهلهم اللي في قطر وحتى ام منصور(امها) عزمت كل معارفهم.. فرحانه بمجلة بنتها الوحيده.. تمو بيت الخال عند قوم سلامه في بيتهم ثلاث ايام من عقب الملجه في قسم الضيوف.. كانت سلامه تساير قدرها ..وكانت طول الوقت تمثل الفرحه والانبساط.. وكل ليله قبل لا ترقد كانت ترمس حصه وتفضفض لها باللي في قلبها وتسالها عن راشد ..
حصه : سلامه.. خوزي راشد من راسج..صدقيني راشد هوه اللي خسرج.. راشد لعاب ويحب البنات والتلفونات والمغازل.. اخر شي بيفكر فيه الاستقرار..الحمدلله ان الله عوضج عنه بولد خالج.. منصور يمدحه وايد ..
سلامه : الحمدلله .. لكن شسوي بقلبي يا حصه .. ليتني اقدر اظهره وادوسه ..
حصه : ما قلت لج ..
سلامه : خير..
حصه : يوم حمضت صورج مال الملجه وتوه الدريول يايبنهن ويالسين نطالعهن انا وامايه..جان اير عنا الصور وظهر خاري ..وامايه تزقره ما تستحي شقايل تشوف صور البنيه وهي لابسه جيه.. دقيقه ويى.. يعني ما واحاله (مداه) يشوف شي.. وحطهن على الطاوله وظهر.. وكان توه اصلا ياي من برا ..تلقينه شافج وشاف جمالج وتندم انه فرط فيج ..
سلامه : والله خيالج خصب…
حصه : مادري .. وشخبار عبدالله وياج ؟
سلامه : عادي مساعه قبل لا يسيرون كانو كلهم خاري يسلمون على قوم خالي ..
حصه : انزين ..
سلامه : ياني وانا عند المغاسل للي عند الميلس وقالي كلام أثر فيه وايد
حصه : سلامي لا تلعبين باعصابي قولي شو قال ؟
سلامه : قال انا بسير عنج قطر لكني قلبي امانه عندج وخلي بالج من نفسج..يا اغلى من لي…وحبني على خدي..
مشاركة: بنات قصة وايد حلوة
حصه : بسافر عنك واتسافر معايه.. ترافقني في حلي وارتحالي.. يا ويلي الحينه مالج عليج واحد الكل يقول يعبدج استغفر الله العظيم ..وانتي تحبيلج واحد شو بقول عنه.. اخويه ..
سلامه : خلاص حصه بحاول.. بحاول اخذ بنصيحتج.. يقولي عبدالله كل ويك اند بيكون عندي.. كل اسبوع ..
حصه : والعرس ما حددتوه؟
سلامه : امايه تقول عقب عرسكم بشهر ..
….
اليوم الثاني كانو كلهم معزومين في بيت محمد (اخومبارك ابو سلامه) وهو…وهو اصغر الاخوان.. يت ام راشد وراشد ومهره وحصه اول شي.. واستقبلتهم مرة خالهم محمد وبنتها عاشه.. وعقبهم بشويه وصل هزاع وعلي وسلمو على عمهم وعمتهم ويلسو ويا عيال عمهم عبدالله وخليفه..ويلس على ومهره على ينب روحهم يسولفون.. واخر شي دخلت سلامه وويهت عمها وعمتها وبنت عمها عاشه وكانت امها وراها ومنصور وشافت راشد شقايل يطالعها ويطالع الدبله الفخمه اللي في يدها.. زقرت العمه (ام راشد) جدامهم كلهم سلامه تيي عندها.. وقامت سلامه جدامهم كلهم بكشختها ويلست في حضن عمتها (اللي تموت عليها (
محمد: ( عم سلامه ) متى ان شاء الله عرس سلامي ؟
ابو منصور : عقب عرس العيال ان شاء الله …
ام منصور : (امها) عبدالله ولد اخويه كل اسبوع يى يقولي اخويه يوزيهم رباعه ويا العيال ويا خوانه ..
ابو منصور : سلامه ما بتطيع …
حصه : (بحماس) سلامه ليش ما اطيعين ؟ حلو والله ..
منصور : لااا خلو عرس سلامه عقب …
ابو منصور : خالك متضايق من من سفارت عبدالله كل يى مناك ..
راشد: ( بقهر ) وشو ايبه كل اسبوع ؟
ام راشد : تييبه حرمته.. من حقه ايي ويشوفها والا تباه يتم شراتك .
راشد: (وهو ينش ) انزين امايه انا بسير ..
مبارك ابو منصور : وين ساير ما تغديت ..
راشد: لا خالي عندي شغيله شويه …
خاله محمد : والله ما تظهر لين اتغدا ..
حطو الاكل.. تغدت سلامه شويه ونشت عن الغداء وسارت الصاله ولقت علي ومهره يالسين وايديهم في يدين بعض ..
سلامه : حووووووووه غدا وينكم انتو مندسين ؟
سار يتغدون ويلست سلامه في الصاله وصبت لها شاهي حمر ويالس تشربه.. يى ولد عمها خليفه ويلس مجابلنها وصب لعمره شاهي ..
خليفه : ليش ما تغديتي ؟
سلامه : ما اكل وايد اسوي ريجيم ..
خليفه : وبتسيرين قطر ؟؟
سلامه : شسوي النصيب
خليفه : تودرين عيال عمج وتاخذيلج واحد من قطر ( يقصد البعد وطول المسافه …(
سلامه : خليفه.. عبدالله ولد خالي.. يعني هب غريب عني.. ومنو خطبني من عيال عمي يوم تقولي ما خذتي من عيال عمج ..
خليفه : انا ..
سلامه : خليفه انت اصغر عني ..
سلامه : بسنه ..
سلامه : خليفه هب وقت هالرمسه بعدين انا على ذمة ريال …
يى منصور وحصه ويلسو وياهم …
سالت حصه ولد خالها خليفه ..
حصه : متى بتخلص خليفه ؟
خليفه : هاي اخر سنه ..
منصور : قصدك السنه اليايه اخر سنه ..
خليفه : انزين نفس الشي ..
يى راشد ويلس وياهم.. قال لسلامه تصب له شاهي حمر.. ولمست يدها يده وهي تعطيه الكوب..
منصور : (وهو يوجه الرمسه لراشد) وانته مب ناوي تودع حياة العزوبيه …
خليفه : (وهو يجاوب قبل راشد) واحد شرات راشد شكل حلو ككشخه وشخصيه.. والبنات يربعن وراه شو يبا بالعرس .. راشد من النوع اللي يحب الحريه ما يحب القيود ..
راشد : (وهو متضايج من خليفه اللي جاوب عنه) لا والله.. استاذ خليفه.. انا ابا اعرس في الوقت المناسب …
خليفه : عنبوه انته الحين عمرك ثلاثين وبعده الوقت هب مناسب …
وقفت سلامه : (وهي ترمس اخوها منصور) منصور متى بتسير البيت ابا اروح ….
منصور : انا ابا اتم شويه ابا ايلس ويا حصه من زمان ما شفتها
سلامه : بسير اشوف امايه متى بتسير .. وسارت اتشوف امها
راشد: انا بوصلج …
منصور: تبا عبدالله يسوي جريمه قتل قوم وصلها ..
خليفه : بعد….!!!!
حصه : (وهي اطالع منصور) تبا الصدق متلعوزه من غيرته.. ما يبا حد يشوفها …
راشد: اسمحولي ..
حصه : وين تبا ؟
مشاركة: بنات قصة وايد حلوة
راشد : عندي شغل شويه يالله السموحه …
يوم ردت سلامه الصاله ما لقته ..بغت تموت من القهر.. قالت في خاطرها شبابه.. لين متى بتم اخون عبدالله لو مجردبتفكير.. هاي خيانه.. شسوي بقلبي.. متى بعرس وبسير قطر؟ وببتعد وبفتك ..
عرسوالاخوان وخذو الخوات في ليله من احلى الليالي منصور وحصه.. وعلي ومهره.. ويات حصهعند سلامه في البيت وعلاقتهن زادت وحصه تشوف سلامه على حالها عبدالله يستعيل علىعرسهم وهي تفكيرها في راشد يزيد ما ينقص ولا يقل
في يوم قالت لها حصه: دشيعليه في المسنجر .. شوفي بيرمسج والا لاا ..
ودشت عليه سلامه ( والله احتاجكانا خلك ابجنبي قريب) السلام عليكم …
(تنتظر كلمة احبك .. شايفك مشغول فيها (وعليكم السلام ..
(والله احتاجك انا خللك ابجنبي قريب ) شحالك ؟
(تنتظر كلمةأحبك شايفك مشغول فيها ) امنوووووو ؟
ما عرفت سلامه بشو ترد عليه وقالت له اونهاتحرته ربيعتها ..
(والله احتاجك انا خللك ابجنبي قريب ) وديمه … انا شوق …
(تنتظر كلمة أحبك شايفك مشغول فيها ) يالله ياشاطره العبي على غير اووكي.. وحركاتاليهال هذي ما تعيبني
سلامه في خاطرها اونه يا رشود.. بس اخاف يسوي لي بلوكويا ويهه.. ما عطاها ويه .. اخر شي توقعت سلامه انه يسوي بها جيه ..
كان باقيعلى زفاف سلامه ثلاث اسابيع يوم دشت مره ثانيه.. ولقته اون لاين.. وما عبرته..وقالت في خاطرها ولا بعبرك.. وكانت هالمره الرابعه اللي ادش فيها سلامه المسنجر ..وراشد يحاول يرمسها وهي ما تعبره.. وتظهر..
(تنتظر كلمة احبك شايفك مشغول فيها(شوق .. من فضلج …
وسلامه ما ردت ..
(تنتظر كلمة احبك شايفك مشغول فيها ) قلناالسلام عليكم .. والسلام لله .
سلامه … فديت روحك .. والله احبك ياراشد ..
(والله احتاجك انا خللك ابجنبي قريب) وعليكم السلام …. آمر ..
)تنتظر كلمة احبكشايفك مشغول فيها ) شحالج ؟
(والله احتاجك انا خللك ابجنبي قريب ) بخير وسهاله ..
(تنتظر كلمة احبك شايفك مشغول فيها ) علومج …
سلامه كانت مستانسه لاخردرجه انها يالسه ترمس وياه ولو في المسنجر ..
(والله أحتاجك انا خللك ابجنبيقريب) علوم الخير ..
(تنظر كلمة احبك شايفك مشغول فيها ) سمحيلي الغاليه عنهذاك اليوم غلط عليج .. لا اتحطين في خاطرج مني …
(والله احتاجك انا خللك ابجنبيقريب) ماصار شي..
)تنتظر كلمة احبك شايفك مشغول فيها ) ما تعرفنا عليج الغاليه ..كم مره احاول ارمس وياج يوم اشوفج اون لاين ما تردين عليه …
(والله أحتاجكانا خللك ابجنبي قريب) قلت لك مره قبل انا شوق ..
)تنتظر كلمة احبك شايفك مشغولفيها ) حيالله شوق …
(والله احتاجك انا خللك ابجنبي قريب) الله يحييك ويبجيك …
وتعمدت سلامه ما تساله عن شي…
(تنتظر كلمة احبك شايفك مشغول فيها ) وانا راشد ..
(والله احتاجك انا خللك ابجنبي قريب.. ) يا مرحبا بك اخويه راشد ..
في خاطرها علني فدا هالاسم …
وتمو فتره الاثنين ساكتين لاهي كتبت له شي ولا هو كتب لها شي ..
(تنتظر كلمة احبك شايفك مشغول فيها ) شو مشغوله .
(والله احتاجك انا خللك ابجنبي قريب) تقصد اني يالسه ارمس حد غيرك على المسنجر ؟
(تنتظر كلمة احبك شايفك مشغول فيها ) تقريبا ..
(والله احتاجك انا خللك ابجنبي قريب) لا يا اخويه .. اول شي انا ما عندي أي ريال في المسنجر وما ارمس في المسنجر غير ربيعاتي ..
(تنتظر كلمة احبك شايفك مشغول فيها ) لحسن حظي …
سلامه فديت قلبك ياراشد ..
(تنتظر كلمة احبك) خلينا نتعرف على بعض اكثر ….
(والله احتاجك انا (ترضاها لختك ؟
(تنتظر كلمة احبك) مادري لكن خواتي قبل لا يعرسن كانن يرمسن في المسنجر منو يرمسن ما اعرف … ويمكن كل وحده كانت ترمس خطيبها ..
(والله احتاجك انا ) وعقب ما ترمسني بتخطبني ؟
تم راشد ساكت وعرفت انها حرجته عسب جيه ما عرف بشو يجاوبها ..
(والله احتاجك انا ) انا اسولف وياك .. انا بنت عرب وقبايل اهليه ما ايوزوني أي حد …
(تنتظر كلمة احبك ) وشو انا ولد زطوط ؟
(والله احتاجك انا (انا ماقلت جيه .. المهم اسمحلي اخويه انا بظهر ..
(تنتظر كلمة احبك) وين ..
(والله احتاجك انا ) عرب ياينا والاهل يزقروني ..
(تنتظر كلمة احبك)ومتى بلقاج مره ثانيه …
(والله احتاجك انا) خلها لظروفها (سلامه في خاطرها والله ما ودي اظهر عنك فديتك (
)تنتظر كلمة احبك ) ما بخليج تظهرين لين تعطيني موعد القاج فيه ..
(والله احتاجك انا ) اخاف اعطيك موعد وما اوفي ..به ..
مشاركة: بنات قصة وايد حلوة
(تنتظر كلمة احبك ) انا متاكد انج بتوفين ..
(والله احتاجك انا ) عقب اسبوع .. (اونها اتغلى)
(تنتظر كلمة احبك ) وايد ..
(والله احتاجك انا ) قلت لكاني ما ادش دوم ..
(تنتظر كلمة احبك ) يعني اليوم الاثنين بلقاج يوم الاحدالياي …
(والله احتاجك انا ) ان شاء الله ..
(تنتظر كلمة احبك ) الساعه كم؟
(والله احتاجك انا ) نفس هالوقت واسمحلي بظهر .. بااااي
(تنتظر كلمة احبك (اترياج الاحد الساعه خمس ونص .. باي
مشاركة: بنات قصة وايد حلوة
الجزء الرابع
سارت سلامه تربع حجرة حصه ادورها تبا تقولها انها رمست راشد (في المسنجر) دقت الباب ولقت منصور في الحجره ويا حرمته.. وكانت بترد الا انه منصور زقرها تيلس وياهم ويلست وياهم.. حست انها عزول امبينهم
سلامه : (عقب ما يلست وياهم خمس دقايق وما تحملت اتشوفهم يتغايظون) حصه يوم بتشوفين عمرج فاضيه تعالي اباج .. حولت سلامه تحت وهي متوتره ومستانسه في نفس الوقت . مستانسه انها عرفت اتخليه هو اللي يبا يكلمها .. وانه يوم كان يدش يكلمها المرات اللي قبل (في المسنجر طبعا) كانت تلبسه تطلع من المسنجر … لقت مهره وعلي يالسين في الصاله ويشربون شاهي ويضحكون ويسولفون .. ماسارت صوبهم وسارت الصاله الثانيه ولقت اخوها هزاع حاط على فلم ثقافي في التلفزيون ..
هزاع : (وهو يشوفها يايه صوبه وسرحانه ) بلاج ؟
سلامه : (ارتبكت) ماشي.. وين امايه وابويه ؟
هزاع : سايرين السوق ..
سلامه : هزاع زهقانه ابا اظهر ..
هزاع : يلا سيري يبي عباتج وبوديج مكان ما تبين نحن كم سلامه عندنا …
سلامه : لازم اخبر عبدالله موصني قبل لا اظهر مكان لازم اخبره ..
هزاع : انتي عطيتيه ويه وايد.. تشاورينه يوم بتكونين عنده هناك.. لكن الحينه وانتي عندنا ما له حق يتحكم فيج جيه … وين شخصيتج القويه راحت ليش غدتي ضعيفه جيه …
سلامه : وين قويه يا هزاع.. يوم انا حتى الانسان اللي برتبط فيه الباجي من عمري ما كان لي راي في اختياره ..وين قويه يا هزاع … خلني ادق له واقوله …
يوم سمع صوتها : هلا بالقمر هلا بعمري..
سلامه : (وهي تقاطعه) عبدالله اللي يسمعك يقول من سنه ما رمستك.. ما جاني قبل شويه مبنده عنك ..
عبدالله : يعني ما تبين ارحب بج ..
سلامه : هب جيه عبدالله .. المهم ابا اظهر شويه زهقانه
عبدالله : وين ومع من ؟
سلامه : أي مكان وويا اخويه هزاع
عبدالله : اووكي لكن ويهج مابي احد يشوفه .. وعطيني هزاع ..
عطت هزاع سماعة التلفون وسارت فوق تلبست وكشخت.. وحولت.. وشافت عمتها ام راشد يايه ويالسه اتسلم على مهره بنتها .. ويوم شافت سلامه حضنتها بحنان …
ام راشد : وين سايره عن عمتج اشوفج بالعباه …(ودش راشد .(
سلامه : كنت متضايجه شويه وقلت لهزاع يطلعني.. (سلامه وهي توجه الرمسه لراشد) شحالك راشد ؟
راشد: بخير وسهاله ..
هزاع : (وهو يرمس علي وراشد) ياخي هذا انسان فضيع … يغار وايد بيلعوزها ..
ام راشد : (وهي اطالع سلامه) من حقها يغار عليها يحبها لو ما يحبها ما غار عليها
هزاع : هب بالطريقه هاي.. هذا مرض..يوم دقت له تقوله بتظهر .. عطاها تعليماته .. وقالها عطيني هزاع … تعرفين شو قالي ..
سلامه : (وهي متضايقه ) شو قال ؟
هزاع : قالي لا تخليها اتظهر ويها.. لا توديها مكان فيه رياييل.. سيارتك مخفي والا لا.. ولو بتعشون برا لا تيلسون في المطعم .. .. عور لي راسي…
نزلت حصه هي ومنصور من فوق وسمعو جزء من الكلام اللي يقوله هزاع …
حصه : (عقب ما سلمت على امها واخوها) بالعكس هذا يدل على انه يحبها ..
منصور : شو هالحب هذا ..
هزاع: بصراحه اول مره اشوفه جيه ..
علي: وشو الحين بتظهرين والا خلاص …
سلامه : (وهي اطالع راشد اللي ما ودها تخوز من أي مكان هو فيه) لا خلاص هب ظاهره ..
ام راشد : وين مبارك وام منصور …
مهره: خالتيه وخالي ظهرو سارو السوق ..
منصور : وشقايل عايشه روحج عمتيه ..
ام اشد : شسوي …
علي: تعالي سكني ويانا عمتيه البيت عود …
هزاع : هيه والله تعالي يلسي ويانا هنيه ..
راشد: وانا لاغين وجودي اشوفكم …
ام راشد : ولا اشوفه.. الغداء اتغدا بروحي .. والعشاء روحي.. هيه الريوق يتريق ويايه .. بس…
راشد: مشاغل شو تبوني اسوي ؟
هزاع : عرس ياريال وخل حرمتك تيلس ويا عمتيه وتونسها …
حست سلامه بغصه بقلبها يوم سمعت رمست هزاع ..
راشد: راحت علينا خلاص …
منصور : هيه خلاص غديت شيبه يعني …
راشد: صدق انزين عمري الحينه 30 سنه ..
حصه : يالله شقايل يقهر … تعرفين امايه شو يقولي البارحه
راشد: ( وهو يبا يسكتها ) ايه ويا ويهج ..
منصور : لا تقول شي لحرمتيه …
ام راشد : قولي شو بلاه …
حصه : البارحه يوم يالسه ارمسه عن العرس وجيه.. قالي.. لا تحشريني … وجان يخبرني انه شي وحده من اهلنا دقت له تلفون تعرض عليه انه يتزوجها …
هزاع : خيييبه … منو قده ..
راشد: (وهو متضايق من حصه انه رمست عن هالسالفه) الشرهه هب عليج الشرهه عليه انا.. وقايلج لا تخبرين حد ..
ام راشد: اذا هي زينه خذها … ما فيها شي..
مهره : يالله فيه وحده تنزل من نفسها لهدرجه .. علي شو رايك في البنت اللي تسوي .
علي: اذا اهلي ما فيها شي وخصوصا لو كانت حلوه مثلج.. لكن المشكله لو كانت شينه .. فيها احراج شويه للبنت ..
حصه : راشد شو البنت حلوه ؟
كانت سلامه بعدها طايحه في حضن عمتها ومبققه عيونها تبا تعرف جوابه..
راشد: هيه حلوه …
حصه : ( وهي قاصده تحرجه ) منو احلى هيه والا سلامي ؟
ام راشد : (وهي تحضن سلامه ) امايه احلى وحده
راشد: ( وهو يضحك) طبعا يدوه احلى …
هزاع : حليلها يدوه بتعرس وبتسير عنا قطر …
حصه : حرام عليك هزاع .. روحها متضايقه على فراقنا …
ام راشد : بتسير عنا شو نسوي ما ودنا تسير لكن نصيبها استوى جيه ..
سلامه: (وهي ترمس عمتها)عمتيه قلت لعبدالله هذاك اليوم اني ما ابا اسير عن اهليه.. قالي والله لو تبيني انقل اشغالي الامارات بنقلهن .. انتي بس اشري..
مهره : شفت شقايل يحبها .. ويموت عليها ..
علي: صح انا ما ادانيج …
حست سلامه انه راشد من يلس ما خاز عينه عنها.. وقالت في خاطرها اول مره في حياتي اشوفه يطالعني جيه … وخبرت حصه باللي صار في المسنجر
سلامه : هزرج ( ظنج ) شك فيه ؟
حصه : شقايل بيشك ؟.. وحتى انا لاحظنت انه يالس ويتاملج ..
سلامه : وهزاع بعد .. ياني عقب ما روحو قوم عمتيه وقالي ..
حصه : شو قالج ؟
سلامه : قالي مره ثانيه يوم بتشوفين راشد والا أي حد من عيال عمي ياينا تحجبي.. قلت له انا هب متحجبه … قالي ولو هذاك قبل .. ما شفتي رشود شقاغيل يالس يطالعج …
حصه : ويا ويهه يسمي اخويه راشد رشود .. رشود في عينه …
سلامه : انا ارمس في سالفه وحضرتها افترت على سالفه ثانيه ..
حصه : انزين وبعدين … خبريني عن راشد ..
سلامه : تواعدت وياه القاه يوم الاثنين الساعه خمس ونص .. العصر .. لكني ما بدخل ..
حصه : حرام عليج ما يهون عليه يترياج اسبوع كامل وعقب اطنشينه ..
سلامه : ( بقلب ينزف) يالله يا حصه.. انا اتريا يوم الاثنين بفارغ الصبر ..لكني بهوس على قلبي وبطنشه … حصه لو كنت رمسته عادي من ثاني مره ورديت عليه.. جان ما شفتيه متخبل جيه.
حصه : والحينه شو يعني ما بترمسينه .. اشله تبين تعلقينه فيج ..
يوم الاثنين سارت حصه بيت قوم امها .. وسالت امها عن راشد ..
ام راشد : راشد اربعه وعشرين ساعه يالس على هذا الكمبيوتر ما عنده شغله ثانيه …
رقت حصه وسارت فوق وشافت راشد وهو يالس على الكمبيوتر ويتريا.. وطبعا سلامه طنشته .
حصه : شو يالس اتسوي ؟
راشد : (وهو تعب من الانتظار.. وظهر من المسنجر وبند الكمبيوتر) ما عندي سالفه يالس اتريا واحد .. خلينا نحول تحت .. وهم يحولون على الدري…
حصه : بلاك .. شي عندك انته …
راشد : شبلاني بعد .. ماشي …
يلس راشد ويا امه وحصه خمس دقايق وظهر ..
حصه في خاطرها .. شلفايده .. الحينه يا سلامه من اللي يالسه تسوينه.. شلفايده انج تعلقينه فيج وانتي ما بقى شي على عرسج ….ردت حصه البيت وهي مول هب راضيه عن عمرها وانها بدال ما تعقل سلامه يالسه تسايرها لو منصور درى شو بيسوي بها ؟ مع انها مالها ذنب.. يوم دشت حصه البيت لقت سلامه يالسه ترياها.. لانها سوت لها تلفون وحصه ما شلته .. ما عرفت شو بتقولها .. وحمدت الله انهم كلهم قوم هالها يالسين في الصاله ويرمسون عن انتقال مهره وعلي لبيت ام راشد يونسونها بدال ما هي يالسه روحها
مشاركة: بنات قصة وايد حلوة
سارت حصه ويا ريلها حجرتهم فوق فما كان فيه فرصه لسلامه ترمس ويا حصه.. وتخبرهاعن ردة فعل راشد.. في الليل رمس عبدالله سلامه ساعه كامله.. وقالها انه ما بييهالعشر ايام اللي قبل العرس.. لين قبل العرس بثلاث ايام ..
من التفكير ما ياهارقاد.. وشغلت الكمببوتر وفتحت المسنجر … وعلى طول طلع عندها ..
(تنتظر كلمة احبك (وين اللي مواعدينا ..
ما توقعت سلامه ولا واحد بالميه انها تلقاه ..
(والله احتاجك انا ) هلا راشد ..
(تنتظر كلمة احبك ) الحمدلله بعد يوم بعدجتذكرين اسمي.. شحالج شوق ؟
(والله احتاجك انا )الحمدلله .. راشد .. شوق هب اسميالصدقي.. لكني اخترته لاني ما بقدر اقولك اسمي الصدقي…
(تنتظر كلمة احبك ) الاسم هب مهم …المهم راعية الاسم …
)والله احتاجك انا ) عشت يا راشد …
(تنتظر كلمة احبك ) عاشت ايامج .. يا شوق .. ليش ما ييتي العصر حسب الموعد ..
(والله احتاجك انا ) والله ظروف يا راشد ..
(تنتظر كلمة احبك ) يعني كنت تذكرينالموعد ..
(والله احتاجك انا ) انا ما احب الجذب .. بصراحه كنت متذكره لكن ظروف ..
(تنتظر كلمة احبك) مادري ليش كنت على اعصابي طول الاسبوع اللي طاف ..وانا اتريا هاليوم ..
فرحت سلامه باللي يالسه تسمعه منه ولو انه ما كان موجهنهلسلامه …
(والله احتاجك انا ) باين عليك حساس وايد اخويه راشد ..
(تنتظركلمة احبك ) تبين الصدق لا في عمري ما كنت حساس … ما تعرفت عليج عدل …
(واللهاحتاجك انا ) شو تبا تعرف ؟
(تنتظر كلمة احبك ) عمرج ..
(والله احتاجك انا ) عمري 22 سنه .. (وهو عمرها الصدقي(
(تنتظر كلمة احبك ) تعرفين كم عمري…
(والله احتاجك انا ) ما يهمني .. كل اللي يهمني اني يالسه ارمس ويا واحد عاقل..هب مراهق وهذا شي واضح جدامي من اسلوبك ورمستك ..
(تنتظر كلمة احبك) لكني مصرانج تعرفين عمري 30 سنه.. يعني اكبر عنج بثمان سنين ..
قالت في خاطرها احلى شيياراشد ..
(والله احتاجك انا ) العمر كله …
(تنتظر كلمة احبك ) تسلمين … غريبه ..
(والله احتاجك انا ) شو اللي غريبه ..
(تنتظر كلمة احبك ) البناتما يحبن الريال من يوصل الثلاثين …
(والله احتاجك انا ) الانسان كل ما يكونكبير كل ما يكون اعقل واركز…
(تنتظر كلمة احبك ) يعني انيت لو تقدم لج واحدكبري في سنج هذا بتوافقين؟
(والله احتاجك انا ) هيه والله ودي ..
(تنتظركلمة احبك ) شو تدرسين شوق؟
(سلامه في خاطرها شقوله هذا ماباه يشك فيه (
(والله احتاجك انا ) متخرجه من جامعة عيمان ..
(تنتظر كلمة احبك ) وتشتغلين ؟
(والله احتاجك انا ) لا بعدني .. اخويه راشد ..
(تنتظر كلمة احبك ) لبيه …
(والله احتاجك انا ) بترخص عنك …
(تنتظر كلمة احبك ( ليييييييييييييش؟
(والله احتاجك انا) تعرف كم الساعه الحين ؟
(تنتظر كلمة احبك ) وحده ونص …
(والله احتاجك انا ) مارواك شغل ؟
(تنتظر كلمة احبك (ورايه لكن ابا ارمس وياج شويه ….
سلامه ومن وراء خاطرها
(والله احتاجك انا ( المره اليايه ان شاء الله …
(تنتظر كلمة احبك ) لاااا دخيلج ..
(والله احتاجك انا) شووووو
(تنتظر كلمة احبك) مادري احس يوم ارمسج جاني اعرفج من زمان.. وانج هب غريبه عني.. ما بجذب عليج وبقولج ما عندي بنات في المسنجر.. عندي بنات من كل دول الخيلج.. لكن مادري شلي جذبني لج ..
)والله احتاجك انا (مشكور اخويه تسلم … مثل ما قلت لك الوقت متاخر وايد
(تنتظر كلمة احبك) متى بلقاج مره ثانيه ؟ (وهي ميته وودها لو اتم وياه لصبح(
(والله احتاجك انا )خلها لظروفها ..
(تنتظر كلمة احبك ) لااااااااا عطيني موعد وبييج عليه طيران …
(والله احتاجك انا ) وراء باجر
(تنتظر كلمة احبك ) وليش هب باجر …
(والله احتاجك انا ) مادري..
(تنتظر كلمة احبك) خلاص انا بترياج وراء باجر وباجر بعد بترياج .. حاولي..
(والله احتاجك انا ) انزين راشد اسمحلي.. تصبح على خير…
مشاركة: بنات قصة وايد حلوة
اليوم الثاني الصبح سارت سلامه دبي اتييب فستان العرس.. ويوم ردتلقت النت مقطوع عندها.. واليوم اللي عقبه ياتها خبيرة التجميل.. وسوت لها بروفهعلى المكياج.. ظهرت تجنن.. تحفه جمال اسطوري.. قالت حصه في خاطرها يوم شافتهاوين بتلقى وحده بجمال سلامه يا راشد.. لا وتحبك بعد .. والله انك ضيعتها من بينايديك ..
حصه : تجننين .. ياسلامه ابا اشوف عبدالله شو بيسوي يوم بيشوفج ؟
سلامه : شو بيسوي بعد ..
حصه: هو اورادي متخبل .. بنسميه مينون سلامه …
سلام؛ والله يا حصوه متروعه من هالغيره ..
تعمدت سلامه انها تلهي عمرهاباي شي.. عن النت.. والمسنجر بتحديد.. خلاص ما بقى على عرسها الا اسبوع.. فيالليل ماياها رقاد وكانت مواعده راشد البارحه.. وشغلت الكمبوتير وكلها لهفه وشوق له …دشت المسنجر ولقته اون لاين.. وتريته هوه يدش عليها ..
)تنتظر كلمة احبك(ويييييييييييييييييييييييييييينج ؟
ردة عليه وقلبها يتقطع عليه
(والله احتاجكانا ) موجوده … هلا راشد ..
(تنتظر كلمة احبك ) هلا وغلا باللي يعطينا مواعيدويطنشنا … ما ندري قاصدين والا ؟
(والله احتاجك انا ) انته تقصدني ؟؟؟
(تنتظر كلمة احبك ) لا ارمس عمري ..
(والله احتاجك انا ) شخبارك راشد ؟
(تنتظر كلمة احبك ) الحمدلله شخبارج انتي ؟
(والله احتاجك انا ) بخير وسهاله .. لكن المشكله انه اليوم هو اخر يوم لي في المسنجر والنت ..
سكت فتره ومارد عليها …
(والله احتاجك انا ) بلاك اخويه راشد .. شو ياك رقاد …
(تنتظر كلمةاحبك ) قولي وين بيني رقاد ؟
(والله احتاجك انا ) ليش شي يعورك ؟
(تنتظر كلمة احبك ) اللي يعورني هب شي عضوي …
تعبت سلامه وهي تسمع كلامه .. تعبتنفسيا وقالت له
(والله احتاجك انا ) اترخص منك اخويه راشد ..
(تنتظر كلمةاحبك ) انتي تساليني والا تخبريني ؟
(والله احتاجك انا ) اطلب منك تسمح لي انياظهر …
(تنتظر كلمة احبك ) ولو قلت لج لا تظهرين …
(والله احتاجك انا ) مابظهر …
(تنتظر كلمة احبك ) منو انتي.. ودي اعرف..ما مصدق انج ما تعرفيني..دخيلج احلفي انج ما تعرفيني ..
(والله احتاجك انا) راشد بلاك ؟ من وين بعرفك ؟
(تنتظر كلمة احبك) عيل ليش حاس انج اقرب انسانه لي..
)والله احتاجك انا (انته تبالغ وايد … او انك رومانسي وايد ..
(تنتظر كلمة احبك ) والله عمري ماكنت رومانسي ولا لي في الرومانسيه…
(والله احتاجك انا ) عيل من وين ياك احساس انك تعرفين ..
(تنتظر كلمة احبك) تعرفين حتى يوم تزقريني احس اني اسمع صوتج..يمكن تقولي في خاطرج هذا لعاب ويبا يعلب عليه …
(والله احتاجك انا ) انا ما قلت جيه ..
(تنتظر كلمة احبك ) شوق ..
(والله احتاجك انا ) لبيه ..
(تنتظر كلمة احبك ) اقدر اعرف ليش ما بشوفج مره ثانيه في المسنجر ؟؟؟
(والله احتاجك انا (ظروف اصعب مني راشد .. غير الموضوع.. خبرني عن هواياتك شو تحب تسوي في اوقات فراغك …
(تنتظر كلمة احبك ) احب البحر واايد ..
(والله احتاجك انا ) عيل اكيد انته اسود .. (وكانت تعرف الاجابه (
(تنتظر كلمة احبك ) انتي شو تفضلين اني اكون ..
(والله احتاجك انا ) بصراحه ومن غير زعل … انا احب البياض ..
(تنتظر كلمة احبك ) وانا ابيض ..
(والله احتاجك انا) تقول تحب البحر يعني اكيد دوم تسير البحر ولو هب اسمر بتسمر من البحر .. )تنتظر كلمة احبك ) انا من النوع اللي بشرتهم ما يتغير لونها بسرعه..وانتي شو هواياتج ؟
سلامه في خاطرها فديت روحك والله ادري
(والله احتاجك انا ) انا احب اقرا وايد ..
(تنتظر كلمة احبك ) تقرين شو ولمنو ؟
(والله احتاجك انا ) لا اتحراني اقرا لمفكرين واداباء ..
(تنتظر كلمة احبك ) هههههههههههههههههههه
(والله احتاجك انا (شو يضحكك ؟
(تنتظر كلمة احبك ) لا ماشي .. ما قلتي لي شو تقرين ؟
(والله احتاجك انا ) اقرا روايات … رومانسيه ..
(تنتظر كلمة احبك ) اهااااااا .. مال مراهقين ..
(والله احتاجك انا ) قد قريت منهن ؟
(تنتظر كلمة احبك ) مره يوم كنت في اول ثانوي
مشاركة: بنات قصة وايد حلوة
في قسم خاص بالقصص المنقولة ، أرجو الالتزام بالقوانين.. رح أنقل القصة هناك
مشاركة: بنات قصة وايد حلوة
اقتباس:
المشاركة الأصلية كتبت بواسطة LongJohnSilver
في قسم خاص بالقصص المنقولة ، أرجو الالتزام بالقوانين.. رح أنقل القصة هناك
مشكوور يجب على كل حد الالتزام بالقوانين ولا بيصير المنتدى فوضه
مشكور وابغي كل واحد مثلك يصحح الغلط
مشاركة: بنات قصة وايد حلوة
الله يعطيك العافيه على القصه جميله وحلوة وشكرا لمجهودك
مشاركة: بنات قصة وايد حلوة
مشكور النسر الحمصي على مرورك الروعه والمتميز
مشاركة: بنات قصة وايد حلوة
اقتباس:
المشاركة الأصلية كتبت بواسطة تايتو
مشكوور يجب على كل حد الالتزام بالقوانين ولا بيصير المنتدى فوضه
مشكور وابغي كل واحد مثلك يصحح الغلط
شو قلتلك أنا بالبداية؟؟
أخبرتك إنه لازم تغير مكانها..
بس ما سمعت كلامي..
على كل.. الحمد لله صارت بمكانها..
وتقبل اعتذاري..
تحياتي،،
مشاركة: بنات قصة وايد حلوة
ويين التكمله ..:12:
تكفى نبيها بسرررعه ..:أفكر:
مشكوور على القصه رووعه ..:biggthump
واستعجل بالتككمله..:05:
مشاركة: بنات قصة وايد حلوة
مشكووووووووووره دلووووووووعه على مرورك المتميز والرائع لاتحرمنى من الرد الحلوووووووووو....................................
