كولك حركاااات، يا طوم كروز !

السلام عليكم ورحمة الله وبركاته، كل عام وانتم بخير ومن العايدين قبل زحمة المشافيح.
اولا انا احب ابارك لكل واحد جواله مفصول لإنه بيعيش في غنى عن حرب المسجات الغريبة جداً
من ارقام ماتدري من اصحابها واذا اتصلت تطلع وحدة تعرف راعي الرقم اللي قبلك وعاد استلم لك..

بمناسبة هذه السالفة احب انوه عن سالفة حصلت لي من نفس النوع، تعبر عن ثقة بعض الفتيات الزائدة عن اللزوم، في مثل هذه المواقف.. والتي قد تؤدي بخروجها من المحادثة وعلى جبتها ختم ذهبي ساطع لامع - خيشة من القمح لا اقل ولا اكثر - .

ففي ذات ليلة غبراء، دق الجوال بنغمة valkyrie profile الأثرية واذا بذاك الصوت الأنثوي

- آلوو.. هذا جوال فلان؟

- هلا، لأ هذا جوال فلتان.

- طيب يا فلتان تعرف فلان ؟

- لا والله ما اعرف فلان.. معليش لكن يبدو انك غلطانة.

- لأ - لاحظ الهمزة - انا مو غلطانة، ما تعرف رقم فلان طيب ؟

- لا يابنت الحلال اقولك ما اعرف منهو وتقولين تعرف رقمه !

- لكن هو له حقوق عندنا << بدأ الغباء المدقع، انا مديرة العلاقات في شركة بلا بلا بلا الزراعية.

- انا في نفسي ( ...... ).

- وله حقوق مالية عندنا ممكن تعطيني رقمه عشان اقوله يجي ياخذها ؟

- اولاً.. انا ما اعرفه.. ولا اعرف رقمه.. ولو اعرفه.. ليش ما اكلمه انا وا اقوله ؟

- .....اممم.. طووط...طووط..طوووط.

نعم انتهت المحادثة.. ومع الأسف.. انا اعرف هالشخص.. وهالذكية لو غيرت الخمسة لصفر كان وصلت له.

على كل حال، نرجع لموضوعنا.

بينما اخواني يطرطعون في الحوش.. ومقلقين اهلي من بعد صلاة المغرب الى الحين.. نتكلم في موضوع
يخص 10% من ارباح التلفزيونات العربية في هذا الوطن العربي الكحيان.

الإعلانات.. انا اعتزلت التلفزيون في رمضان بعد ماشفتها.. يعني الواحد.. توه يفطر ويسمي بالله
وقطرات الوضوء تقطر من ذقنه << وصف CG خطير

مايمديه يفطر ويحس بروحانية رمضان - روحانية يا نصاب ! طول النهار نايم يا شحمون D= - ههه
الا ويخترش التلفاز

دعايات صن سيلك.. و اللوشن ومدري ايش.. عاد قدام اهلك مايمديك تاخذ نظرة على التلفزيون الا وتصير انت تلفزيونهم.. صرنا نصور صحن الشوربة ارحم لنا. اجل سيقان تلمع على الفطور.. يالللله براد الجنة ههههههه

طبعاً.. هذي دعايات الإغراء تجي اولاً.. بعدين الدعايات اللي تضيق الصدر دعاية الخطوط اللي تجلس سنة.. صراحة الموسيقى حقتها تجيب الكآبة مدري ليش..

اما الدعايات السخيفة.. اي دعاية لمناديل او حفايظ و اي شي الواحد مايعطي ابو امه وجه اذا جا يشتري صراحة المفروض تحذف من التلفزيون shift + delete

بالله احد يفكر ولو لثانية وهو يشتري منديل ؟؟؟؟ :02: يا عالم فلوس تطير ع الفاضي

على طاري الفلوس اللي تطير ع الفاضي.. وش اخبار طاش ماطاش ؟
ومهرجان الجنادرية..؟

انا جالس الآن.. اناظر الحبايب اللي يشتركون في الART علشان كاس العالم وثلاثة ارباعهم مصدقين ان منتخبنا الآسيوي الوطني السعودي العربي الخليجي << ولا وصف منها يفتح النفس - كروياً - طبعاً. مصدقين انه المنتخب بينتفض ويعود بقوة.. نقول اصبروا.. و تشوفون فضايح آسيا

اللي بتخلي الفيفا يعيدون النظر بالأربع مقاعد المجحفة لحق افريقيا واوروبا واميركا الجنوبية
ويييين يا عمي.. مقعدين وتخبببب !


على طاري المقاعد..

تصبحون على خير.

على فكرة، توني اتذكر شي مهم

اللي يدعم قيادة المرأة للسيارة.. بالله عليه مافكر بحالة الرياض على سبيل المثال والزحمة المرورية الخانقة اللي فيها.. يعني ناقصين غشمان ؟ :02: مايكفي مبزرة المتوسطة وهالمغازلجية والليموزينات
والمسطلين وهالشيبان اللي يمسكون الأيسرماشين عشرة ونص ! >_<
اذا لقينا حل للزحمة.. انا اشتري للمرأة بكبرها سيارة عشان تسوقها !

حلوة سالفتك مع الصوت الأنثوي ههه :tongue2:
و الدّعايات أكيد في رمضان شغّالة - طاش بلحاله جاب 40 مليون ريال للmbc هههه مبروك للقناة و للقصبي و السدحان
أمّا عن سالفة سواقة الحريم و الزحمة فياخي الزّحمة أظن واحد من أهم أسبابها هي إن شريحة عريضة من اللي يسوقون من الصغار بدون رخصة - المفروض نقاط التفتيش تشدد على سالفة الرخص
مبروك عليك العيد يا أخوي مقدّماً :)

ماقلت لكم العيد عليه مسجات غبية.. قبل شوي سعودي نت مرسلين يقولون مبروك مددنا اشتراكك لفترة العيد عشان ماتنقطع عن مباحثاتك المهمة في المؤتمرات العالمية.. الله من النصب

اشوي اني موقف اشتراكي معهم، بلا من الخياس مستحين يفصلونه هههههه. :p

اهلا..

اقتباس:

---

انا مديرة العلاقات في شركة بلا بلا بلا الزراعية.

---

متأكد او انك سمعت غلط :196:


لاتصريفه جميلة .. :p

--
بالنسبة للدعيايات شيء طبيعي ان اغلبها غباء والمشكلة يدفعون عليها بالهبل :blackeye: ..ياخي لو يزيدون انتاجهم او يفكرون بدعاية أفضل لهم .. بطريقة غير هالبلاوي الي تدفعها للتلفزيون .. بس بعضها تسوي دعايات تعريفيه وخلاص .. هذا المفروض .. يعني خلاص الناس عرفوها انثبروا ولاعاد تكررون ..


لكل هذي الدنيا .. كله يكمل بعظه .. ومثل ماقلت ماعتقد احد بيشتري شيء معين بسبب دعايات غبيه.. :o ’’

بس يمكن المصانع اللي لها دعايات . تفيدهم بالأسعار مع السوبر ماكرتات والحركتات ذي



بالنسبه للمنتخب السعودي ... ننتظر ونشوف .. انا مأمل خير :05:

اقتباس:

---

المشاركة الأصلية كتبت بواسطة Kubaj

على فكرة، توني اتذكر شي مهم

اللي يدعم قيادة المرأة للسيارة.. بالله عليه مافكر بحالة الرياض على سبيل المثال والزحمة المرورية الخانقة اللي فيها.. يعني ناقصين غشمان ؟ :02: مايكفي مبزرة المتوسطة وهالمغازلجية والليموزينات
والمسطلين وهالشيبان اللي يمسكون الأيسرماشين عشرة ونص ! >_<
اذا لقينا حل للزحمة.. انا اشتري للمرأة بكبرها سيارة عشان تسوقها !

---

الله فاككم.. الحالة يرثى لها من الآنسات عندنا, لدرجة أن وحدة قبل كم يوم طالعة في ويهي من خطفرعي, وبعد ما اكتشفت أن فيه موتر من يسارها وأكتشفت أنها نست أهم أبجديات المروراللي يعلمونها لليهال -إلتفت يمنة ثم يسرة- , سوت حركة تنم على ذكاء.. هدّت السكّانوفتحت حلجها بالضبط مثل هذا >> :11: . الحمد لله أن ما فيه حد في الطريق الثاني ولا كانت علوووم.

الزبدة, لازم يمنعون النسوان من السواقة, ويخلون عقوبة المره اللي يضبطونها تسوق مثل تعاطي المخدرات, لأنهم يسببون ثلاث أرباع الحوادث, وأعداد مهولة من الموتى أجزم أنهم أكثر من الموتى بالمخدرات.

راشين، ياخي معليش على تطنيشة الرد فاميلي إيميرجنسي << احلف.
بالنسبة للسواقة بدون رخصة، وش الفرق طيب سنة سنتين ومصيره يسوق !

بعدين على بالك اذا سمحوا بسواقة الحريم في مدينة مثل الرياض كم وحدة بالله بتستفيد من القرار ؟
يعني خلك من الأرامل والحريم اللي من النوعية اللي يطلعون في طاش ما طاش معها ولد توه يفطم ومقطوعة من شجرة ولا تعرف احد ولا عندها فلوس تجيب سواق.. فما بالك بسيارة.

انا اتكلم عن الشريحة الغالبة اللي تعتمد على - سواق - يوديها ويجيبها ويدل الرياض..
واللي صعب تبدأ تتعلم شي جديد وتحط نفسها بمكان هالسواق اللي يوفر عنها كل هالتوتر
والعصبية والضغط في شوارع مدينتنا النظيفة، والله ودي بسواق يوديني ويجيبني :( طفشت من الزحمة
برأيي هالقرار بيخلينا نشوف بنات نعمة fresh * منيب اغمز وقسم *

وبعد كم سنة بنصير نحضر معسكر تفحيط لأم الجماجم و اخت عنتر و عاشقة آل كابون :D ههههه

الموهوب.. يبوي هي مسوية ذكية.. بس بدون منطقية لو قالت مسؤولة بمستشفى ولا شي ممكن تنهضم.
بس شركة زراعية.. ويــــــــن. اما منتخبك.. صدقني.. خذها من الحين.. تبي تتصقع تصقيع من قوته
البقر بيفكرون جدياً بالحج.

ثريول.. ههههههه عليك وصف، عاد ما اعتقد كل الحريم من جنبها، والرجال مايهونون.. هي مسألة خبرة، وصلابة والسواقة - خصوصاً في الرياض - هي إنتحار كما اسلف البروفيسور محمد محمد ديب
في احدى محاضراته في جامعتنا الحبيبة.

اقتباس:

---

كولك حركاااات، يا طوم كروز !

---

ههه الظاهر توك مخلص وور أوف ووردز :D
امممم هذا الرجال ما حبيته .. مدري ليه طالعين بين العباد!
آخر شيء شفته له كان لاست ساموراي .. وبطلت أشوف أفلام بعده لمدة 3 شهور ._.

ههههه الموضوع فلة ;)
حلوة حركة البنية ، ما اتوقعت إنك تعرف الرقم :D
وعن سالفة الحريم والسواقة .. يا أخي على كثر ما نعارض الفكرة ، لكن الكسبان الأول والأخير هو إحنا:jester:
أنت لا تنظر لجانب الزحمة والغشامة ، انظر للجانب المشرق :jester: ورح تتقبل الفكرة ..
بيريحوا الشباب إنهم يطلعوا للتحلية عشان يكحلوا ، أمزح :D

grazie a te kubaj sama ;) وعيدك مبارك مقدماً!

اقتباس:

---

البقر بيفكرون جدياً بالحج

---

لا ذي قوية عاد .. :o
بس ماتحس انك قلت منتخبنا .. بدينا نتبرأ من الحين :blackeye: .. طيب


هذي مشكلتكم طحتولي في كم فريق اوروبي ’ ونسيتوا عيال ديرتكم .. :196:
تراني ما ألمّح على واحد اسمه مشعل .. :196:
يعني مثل اخينا المذكور اعتقد من الصعب ان يعترف بنادي اسمه: الهلال :31: .. آآآخ بس .
عموماً لانستبق الأحداث ;) ,

هههههههههههههههه ... اما سوالفك سوالف ( ما اقصد الشعر الموجود على الوجه و المقصوص بطريقة أيام البريطانين الأوائل :D )

اقتباس:

---

انا جالس الآن.. اناظر الحبايب اللي يشتركون في الART علشان كاس العالم وثلاثة ارباعهم مصدقين ان منتخبنا الآسيوي الوطني السعودي العربي الخليجي << ولا وصف منها يفتح النفس - كروياً - طبعاً. مصدقين انه المنتخب بينتفض ويعود بقوة.. نقول اصبروا.. و تشوفون فضايح آسيا

---

اقتباس:

---

---

لا صراحة حرام عليك ... مستوى المنتخباالملقب بـ ( منتخبنا ) تطور كثير هذي المرة .. و انا متوقع

ننهزم 7 - 0 مو أكثر .... :09:

اقتباس:

---

على فكرة، توني اتذكر شي مهم

اللي يدعم قيادة المرأة للسيارة.. بالله عليه مافكر بحالة الرياض على سبيل المثال والزحمة المرورية الخانقة اللي فيها.. يعني ناقصين غشمان ؟ :02: مايكفي مبزرة المتوسطة وهالمغازلجية والليموزينات

والمسطلين وهالشيبان اللي يمسكون الأيسرماشين عشرة ونص ! >_<

اذا لقينا حل للزحمة.. انا اشتري للمرأة بكبرها سيارة عشان تسوقها !

---

انتبه لا يهجموا عليك جمعية حقوق المرأة :أفكر:

اقتباس:

---

وبعد كم سنة بنصير نحضر معسكر تفحيط لأم الجماجم و اخت عنتر و عاشقة آل كابون :D ههههه

---

ههههههههههههه ولا تنسى ( يا قاهرتهم ) :D ... و الله هذا اللي أنا خايف منه .

و كمان يوم يصيروا الحريم يسوقوا الله يعيننا على الترقيم .. تلقا الواحد منا ماشي بأمان الله بسيارته و البنت وراه وراه ... ساعاتها ما نخرج من البيت الا بمحرم :jester: ..>>> الولد أخذ مقلب بنفسه يحسب انه مزيون :D

من العايدين قبل الزحمة
.....................................
الحمدلله ما عندي جوال والله الحياه بدون جوال راحة
..........................................................................

بعدين حتى الحين آسيا لها مقاعد لكاس العالم!؟

وصالح كامل مو مقصر كالعادة اشترك يا بابا انت تاكل بفلوس تلبس بفلوس لازم تدفع يا ويلي
.................................................................................................... ........................
الله يخلي الأوربي بس
وسلامتكم

http://darkragnarok.jeeran.com/gutentag-in.gif

هلا خوباج... still alive I see :33:

اخبارك..؟ ترى لي فترة عنك يا شيخ :D

الموهم....

اقتباس:

---

المشاركة الأصلية كتبت بواسطة خوباج

بمناسبة هذه السالفة احب انوه عن سالفة حصلت لي من نفس النوع، تعبر عن ثقة بعض الفتيات الزائدة عن اللزوم، في مثل هذه المواقف.. والتي قد تؤدي بخروجها من المحادثة وعلى جبتها ختم ذهبي ساطع لامع - خيشة من القمح لا اقل ولا اكثر - .

- آلوو.. هذا جوال فلان؟

- هلا، لأ هذا جوال فلتان.

- طيب يا فلتان تعرف فلان ؟

إلخ إلخ إلخ

---

بسيطة ذي....
انا دق علي واحد بدوي معاه قضية مع المدعو "خالد"...

-آلووه..

-هلا ياخي

-الصلام علاااكم <<<< لاحظ اللهجة مدري حرف الياء يعتبر منقصة عندهم ولا كيف؟؟

-و عليكم السلام

-عطني "خالد"

-المعذرة يا اخي... الرقم غلط..

-آآآقول عطني "خالد"!

-من معي؟! أقوللك الرقم غلط!

-اييييه ايييه اذا رجع خالد قلّه "ياتصل"...

*و قفل الخط.... عاد انا قلت whatever و نسيت الموضوع...
اليوم الثاني دق جوالي و اذا بي في اخينا اللي يبي المدعو "خالد"
.......اقين.*

-آآآلووه... عطني "خالد"

-ياخي الله يهديك... الرقم غلط! هذا مو جوال خا---

*عاد قاطعني اخينا...*

-آآآآقوول انت كذاب! الا انت "خالد" يا $#@%#$@

-اللهم اني صايم... صم يالآدمي!

-أسمعني زين! ترا والله لااااا أجيب الشرطة يسحبونك من بيتك! ترا نعرف وين تسكن!

-أقول صاحي انت؟!؟؟! ولا لذي الدرجة اصنج؟! أقوللك---

*قاطعني مرة ثانية*

-وقف وقف... وشهي "اصنج" هاذي؟! تسبني يا $%^$##
أقول شف... آآآلحين بأتصل على الشرطة ثم نشوف النفخة وقتها...

-سلامات يا شيخ؟؟ انا اللي بأدق على الشرطة ان عاد دقيت :vereymad:
سلام..

*عاد انا اللي قفلت المرة هذي....
لكن شوي الا و يدق نفس الرقم مرة ثانية..
and to my surprise
رد على واحد ثاني... و من صوته فهيم و هادي...*

-السلام عليكم... يا اخ "خالد" ترا و الله اننا في الرياض الحين و القضية متعطلة لها ثلاثة ايام.. لا تعطلنا الله يهديك..

-ياخي والله العظيم ماني "خالد" ولا هذا جواله... تراكم ازعجتوني من يومين انتوا و "خالد" هذا.. ما عرفنا نصوم!

-أسألك بالله مو رقم "خالد"؟

-أكذب عليك و انا صايم؟؟ لا يا شيخ..

-بس هو اعطانا الرقم هذا..

-لا ياخي اكيد فيه خطأ...

-اجل المعذرة و انا اخوك..

*و قفل الخط... هكذا بكل بساطة :cussing:

end of story*

sad, isn't it.?


بالنسبة للتي في...
ما شفته نهائيا طول الشهر.. (الا يمكن مرة كنت معزوم فطور عند واحد من الشباب و شفت جزء من حلقة "لا شفت الارنب قلبي يفر! يفر!!" :p )
لأني اعرف مقدما نوعية البرامج السخيفة اللي بتعرض (لا و المشكلة ما عندي الا غصب 1 و 3)
علشان كذا تشوفني على النت 24/7

على طاري الDSL
خذ اول نت... ماشي معي مضبوط <<<< يقولكم عنده DSL :p

الا اقوللك خوباج... ارسل لي ايميلك على الخاص..
غيرت ايميلي و راحت العناوين (و منها عنوانك الموقر <<< لا تصدق :blackeye: )

http://darkragnarok.jeeran.com/nextgerman-out.gif

قولدن سكاي.. لاست ساموراي كان سياحي صراحة
لكن collateral مهوكشي صاحي IMHO اما فلم حرب العوالم فهو فلم مضحك صراحة. كوميدي جداً

هو فعلاً لو انظر للجانب المشرق.. ممكن تشرق.. لكن هي بالنسبة لي دائماً تغرب !

شكراً لك وكل عام وانت بخير :)

الموهوب، يبوي اوروبا خلاصة كرة القدم سواء عجبك ولا ماعجبك بعدين الهلال يظل الحب الأول
والرجل ماينسى حبه الأول.. حسب مايقول الطنطاوي محلل الجزيرة. الماصل حق الدوري الإيطالي.

وبالتوفيق للإتحاد في ترقيع فريق الغين. الفاشل.


دكتور إكس..

سوالفي إنجليزية اصيلة وقت الشاي على الساعة ست حكم، يعني بالضبط
بالنسبة لمنتخبك - تبرأت من قلب هالمرة - ماراح يتهزأ بالثمانيات او الستات
لكن بيتعادل مع فريق خايس مباراة ويخسر مباراتين كالعادة وبنتايج معقولة بالنسبة لمكانة السعودية عالمياً ( مثلاً ) 3/0.. 4/0 اذا رحمونا الآخرين.. وهو شي غير وارد ابداً.

لإنه ماعقب 2002 من فضائح فريق يطلع ب12 هدف في مرماه ولا فيهم رجال يسجل هدف.

اي جمعية حقوق المرأة ؟ هو عندنا جمعية حقوق الإنسان من اصلو ؟؟ :31:

ههههه حلوة البنت تلاحقك، لا تستبعد اذا كنت good lookin' بتلحقك صدقني فيه نوعيات زي كذا والعن.. لكن تظل أقلية. على كل حال.


Human

الله يسلمك، بالله انت شفت لقاء علي داوود في العربية ؟؟
هههه المقدم التونسي حجررررر له تحجير..

كان علي داوود يتحجج بإن شركة عالمية اشترت الحقوق ومشترطة على الجميع انهم يشترونه ويوزعونه على كيفهم.. وان فرنسا مسوين نفس الحركة وايطاليا بعد

قال له المعلق : ولكن في بريطانيا تم شراء حقوق البث ب40 مليون جنيه استرليني و جعله مباشر ومجاني على سكان بريطانيا ؟

ههههه لو تشوف وجهه وشلون ضرب الوان اخضر في احمر مثل شعارهم القديم
قال لا واللهي مو معقول هالكلام والى آخره من هالنصب.

والله وش نسوي ماباليد حيلة.. الله يعين بس.

إلا إنت الحركاات ويا عناوينك :D

وعليكم السلام والرحمة .. وكل عام وإنت بألف خير ..

ترا حركات التيلفون هاذي والأرقام الغلط .. دايما تستوي .. والأشنع بعد يوم إني بنت وتتصل بنت بالغلط وتقول بكل وقاحة ممكن نتعرف؟ :blackeye:
وهي تعرف إني بنت .. بس الأولاد طاح سوقهم الظاهر :jester:!

ياخي إذا اخوانك مقلقين أهلك .. إهني اخواني مقلقين الفريج كله .. فالخير عدنا وعندكم :blackeye:

اقتباس:

---

بالله احد يفكر ولو لثانية وهو يشتري منديل ؟؟؟؟ :02: يا عالم فلوس تطير ع الفاضي

---

فيييييي!!! في ناس تفكر خمس دقايق قبل لا تشتري المنديل!! وتختار أفضل وأجود وأغلى نوع
ترا والله ما أبالغ .. ها الكلام فعلا يصير ... ودايما ويوميا .. وو يو جيت ذا بيكجر :33:
للأسف الناس ما تقدر الفلوس الحين ..

الزحمه عدنا نحنا مب طبيعيه صدقني .. ماشفت مثلها .. الناس إلي تي عدنا تشوف الزحمه تخااف ..
بس اللوم مب على السواقيين إن كانو حريم أو رياييل .. اللوم على الشوارع الخرابه والدوارات والمرور ..
والتصليحات في الشوارع والحفريات إلي ما تنتهي!!



PS. شو رايك في بداية الموسم الثاني لــ LOST?

اقتباس:

---

مصدقين انه المنتخب بينتفض ويعود بقوة

---

خ خ خ نقول انشالله <-- لسى على امل :31:


وكل عام وانتو بخــير ومن العايدين

هلا خوباج..كل عام و انت بخير..

بالنسبة للتيلفونات..اتصلت مرة وحدة..و دار الحوار التالي:

هي: الو

انا: الو نعم..

هي: فاطمة؟؟ (طبعاً هي سمعت صوتي..و عرفت اني ريال)

انا: لا والله..بس انا عفرا اختها..تبين شي؟؟

هي: ااااه..اممم...لا..

*طوط ..طوط..طوط*

الحين قبل لا كل واحد يشك في صوتي..انا صوتي هب ناعم فبلا فلسفة :jap011: <<<< واحد بروحه شك بعمره عقب هالتيلفون..

بعدين حتى انتوا عندكم ازمة المسجات؟؟

انا اليوم العصر مطرشينلي اتصالات..ان بمناسبة العيد المكالمات صارت مخفضة او شي جيه..
ان اما اتنرفز الا من مسجات "اندوك انته"...طفروبنا...

بالنسبة لسواقة الحريم..الصراحة انا معاااااااااااااااااك..والله مالها لزمة..
بغض النظر عن مسألة الزحمة و ها..ياخي و الله شكلهن يصير هب حلو..

اييونك هاليهال المقلع..من شافوا وحدة تسوق لحقوها لين بيتهم..و شوي يدشون حجرتها..
يعني حتى لو ما عطتهم ويه..والله تصير واااااااااااااايد و كذا مرة شفناهم..

بعدين ياخي اذا دعمت رايل..احس عادي..كل واحد ينزل و تتفاهمون..
بس الحريم..ياخي ما تعرف كيف تكلمهم..يتمن يصيحن فالسيارة..عاد حزتها شو بتقول؟ :jap035:
حتى لو هي الغلطانة بتقولها توكلي..

ودي والله يمنعون سواقة الحريم هني فالامارات..بس في نفس الوقت افكر..ان في عوايل فعلاً ظروفهم ما تسمح..

الله يعين بس..

و عالتلفزيون..خلك على Desperate Houswives و بتستانس..
خاصة عقب احداث امس :wow:

و ثانكس على الموضوع..

اهذه شركة بيض الخعفقي...لا بل شركة فرخ الخعنفقي>>>>>خشاش وحطو جدامه كمبيوتر بعد شتبونه يسوي :D

اقتباس:

---

ففي ذات ليلة غبراء، دق الجوال بنغمة valkyrie profile الأثرية واذا بذاك الصوت الأنثوي

- آلوو.. هذا جوال فلان؟

- هلا، لأ هذا جوال فلتان.

- طيب يا فلتان تعرف فلان ؟

- لا والله ما اعرف فلان.. معليش لكن يبدو انك غلطانة.

- لأ - لاحظ الهمزة - انا مو غلطانة، ما تعرف رقم فلان طيب ؟

- لا يابنت الحلال اقولك ما اعرف منهو وتقولين تعرف رقمه !

- لكن هو له حقوق عندنا << بدأ الغباء المدقع، انا مديرة العلاقات في شركة بلا بلا بلا الزراعية.

- انا في نفسي ( ...... ).

- وله حقوق مالية عندنا ممكن تعطيني رقمه عشان اقوله يجي ياخذها ؟

- اولاً.. انا ما اعرفه.. ولا اعرف رقمه.. ولو اعرفه.. ليش ما اكلمه انا وا اقوله ؟

- .....اممم.. طووط...طووط..طوووط.

---

يا كثر ما تصير لي...هذا بعض الي صارو لي

انا:الو

الطرف الثاني: احمد يالوضخ....

انا :نعم...:7:

هو:احمد يالتبن رد علي

انا:يا بو الشباب غلطان في الرقم

هو:احمد يا*&*#$%@$# لا تستهبل علي

انا : يا ابو شباب تراك مضيع

هو: احمد يا#$^@$&

انا: يا الطيب غلطان في الرقم...

هو: هذا مو رقم احمد الـ(.......)....

انا: لا

طووووووط طوووووط طووووط

و انتهت المكالمة

و هذا موقف ثاني:

انا : الو

هو:الو...

انا :الو....!

هو: الو......!!!

هو: هلا فلان...

(طبعا قال اسمي)

انا:اهلين....ما عرفتك والله.... مين معاي؟؟؟

هو : انا محمد

(انا ظنيته واحد اعرفه اسمه محمد)

انا:اهلين محمد ....

هو: فلان الفلاني عازمك اليوم على العشاء

انا:لحظة.....مين فلان؟؟؟

هو: فلان الفلاني ما غيره....

انا :مين فلان الفلاني...انا ما اعرفه...

قالي: انت فلان؟؟
(قال اسمي)

انا : اي انا فلان

قالي: فلان ولد علان ولد بات مان الفلاني عازمك على العشاء....! :12: عرفته؟؟

انا: والله ما عرفته...

قالي:انت فلاني الفلاني؟؟؟

انا: لا انا فلان العلاني

طوووووط طووووط طوووط

سكر التلفون....و بقيت يوم كامل اضحك عليه :D

و بعد على الاتصالات....

مرة كنت مشغل الرادو في السيارة...المهم اسمع الي يهدون تحية حق اهلم و اصحابهم

الي يقول: انا اهدي تحية لماما و بابا... و ابن خالتي فؤاد و رامي و منير و محمد و سلمى و فدوى.... و هذا الكلام الفاضي

اتصل واحد منهم...و على طول ما في تفاهم قال: 1 فلافل...2 شورما...5 كباب...1 حمص....فجاءة انقطعة المكالمة...و جلست اضحك اسبوع عليها :p


----------------------------------------------------

اما على الدعايات في رمضان....صحيح كلامك...بس في دعايتين ابدعو فيهم ذي السنة

يبيله....و ايزي فايف..... يا حبي لهم :jap049:

اقتباس:

---

انا جالس الآن.. اناظر الحبايب اللي يشتركون في الART علشان كاس العالم وثلاثة ارباعهم مصدقين ان منتخبنا الآسيوي الوطني السعودي العربي الخليجي << ولا وصف منها يفتح النفس - كروياً - طبعاً. مصدقين انه المنتخب بينتفض ويعود بقوة.. نقول اصبروا.. و تشوفون فضايح آسيا

اللي بتخلي الفيفا يعيدون النظر بالأربع مقاعد المجحفة لحق افريقيا واوروبا واميركا الجنوبية
ويييين يا عمي.. مقعدين وتخبببب !

---

ما اقول الا Smile...You Are in Saudi Arabia :D

أحلااااا ياطوم كروز :D ..

وعلى طاري المسجات .. من سنة وأنا أحاول أشغل الوسائط .. وأمس دقيت على 902 أبيهم يشغلونها من عندهم .. وللحين ماصار شي .. تعرفون كيف تشغلونها ؟؟

ودمتــــــــــــــــم سالمــــــــــــــــــن :) ..

اقتباس:

---

المشاركة الأصلية كتبت بواسطة MeMoirs

أحلااااا ياطوم كروز :D ..

وعلى طاري المسجات .. من سنة وأنا أحاول أشغل الوسائط .. وأمس دقيت على 902 أبيهم يشغلونها من عندهم .. وللحين ماصار شي .. تعرفون كيف تشغلونها ؟؟

ودمتــــــــــــــــم سالمــــــــــــــــــن :) ..

---

جوالك i-mate ?



بخصوص المكالمات, لايكون مشغلين ملفات صوت وانتوا مصدقين ان واحد او وحده تكلمكم ؟ :05:

اقتباس:

---

المشاركة الأصلية كتبت بواسطة Mada Mada Dane

جوالك i-mate ?

---

ما أظن ..

اقتباس:

---

بخصوص المكالمات, لايكون مشغلين ملفات صوت وانتوا مصدقين ان واحد او وحده تكلمكم ؟ :05:

---

وترا البالتوك شايش هاليومين :blackeye: ..

موسو، مدري موسة هههه..
الحمدلله انا بخير.. ولا زلت اتنفس.. على مايبدو.. Last time I checked

عليك محادثة مع اصحاب الحق.. ههههه.. حلوة، وفعلاً.. فري ساد.. للطرفين.
التلفزيون فعلاً صار سخيف.. الله يخلي الMMORPG بس اسعفتنا بشكل ما تتصوره.

ولا يهون ماريو بوتزو اوقات صيانة السيرفرات يقوم سوقه
ايه حولنا على اول نت لنا كم اسبوع.. وهو الثاني عليه طلعات بس تهوووون قدام سعودي زفت.
بالنسبة لإيميلي.. قدم طلب عند وزارة النقل والمواصلات ويصير خير ان شاء الله.

روري، العنوان.. مقتبس من دعاية بايسون المتخلفة مرفقة مع احد الممثلين اللي اقدرهم نسبياً..
اما لو يتصل علي واحد يقول ممكن نتعرف....... بقول له.. ايه ممكن... ليش لأ.. بسحب فيه الين ماينصدم بحقيقة الأمر ويقابلني شخصياً.. ويتلاشى ويتحول الى طحين وينعجن في صب واي ويتحول الى خبز هارتي ايتاليان و يقدم في ساندوتش B.M.T مع عصير تروبيكانا اللي يطفش وراعيه بعد مايخلص اكل يروح يشوف فلم بعدين يلعب شوي ويننج اليفن ومن بعدها يفتح الباب لأخوياه ويتفرجون مباريات التشامبيونز ليج ويسولفون عن مخططاتهم بالعيد و وش بيسوون...

الحفريات صارت معلم من معالم الرياض الآن..

P.S : ماشفته الى الآن.. موفره للصيف.

Dare Devil

فيه فرق بين الأمل وبين المبالغة في الأحلام.. مع الأسف.. وكل عام وانت بخير

إنسان

ههههههه.. ياخي والله كلامك 100% .. مواقف ماتدري شلون تتعامل معها شي جديد.. وتجارب غريبة
بالنسبة لDesperate Houswives متابعه.. هههه.. انا توني بالثانية.. تحافة إنما ايه.

Dark soul

ماشاء الله عليك صاير محطة تلفزيونية بكبرك هههه.. وفعلاً.. smile .. مو لإنك هنا..
لإنه مافيه شي يستاهل الحزن.


MeMoirs

الجوال انا حاط عليه X بالأحمر واعتزلت اموره منذ عهد طويل، so
ما اعتقد اني بفيدك بهالمجال.

Mada Mada dane

الله يعطينا ويعطيك.

كيف ماتظنين ... الجواب مو مناسب :jester:

يا " Yes " يا " No " ^_^

انا جوالي I-mate jam واعاني فيه من نفس مشكلتك ><


وبخصوص البال توك, ماعمري دخلته . . ولا أظن راح ادخله >________<"

اقتباس:

---

المشاركة الأصلية كتبت بواسطة Kubaj

وهالشيبان اللي يمسكون الأيسرماشين عشرة ونص ! >_<
!

---

والله الشوارع ماعليها حلى -مع احترامي للجميع -اذا مافيها شياب تسوق..وبالاخص اللي يسوقون ددسن ..شوفتهم تونس وتريح XD

الدعايات و ما ادراك ما الدعايات...يسمونها القاتل الصامت و في رواية السهل الممتنع.. :09:

كله كوم و الدعايات حقت المنتجات السورية كوم..اغاني و ازعاج و 30 نفر في الدعاية و فخر الصناعة السورية و في النهاية يطلع علك :wow:

بس كان فيه دعاية عطر خلت الدم يخرخر من خشمي بشكل جدي (على قولة حقين الانمي :09: )

بالنسبة للسواقة و المنتخب فيقول لك المثل "الضرب في الميت حرام"

الblog خلاص قفلته :06:

و بعدين وينكم يا اخي..عشاني قطعت تقطعون..لا الو و لا سلام و لا رسالة يا ولد الاعمام :p


تحرير:

على طاري الجوالات...جوالي ميت و بقوة يعني فاتورتي 180 ريال..120 رسوم و 60 مكالمات+رسائل...لكن اول ما طلعت الجوال انواع الازعاج و كلخم يبغون نفس الشخص..لكن بعد فترة قطعوا و من يومها توفي جوالي العزيز :(

على طاري السواقة

هههههههه

اخوكم Auron (كانكم تذكرونه) واحد قاشعن مرايته الي على اليمين لا وصقعة بايخة بعد

يالله قدر يسوق و يوديها عشان يصلع

وانتم عارفين الزحمة هالايام :D

هلا خوباج
بالنّسبة لسالفة الزحمة و بالتحديد اللي يسوقون و هم صغار حسب كلامك كم سنة و ياخذون رخصة فصح لكن لازم ننتبه إلى إن عادة الصغار لما يطلعون يطلعون عشان حماس و مبسوطين إنّهم يسوقون مسوّين كشخة لكن الواحد كل ما كبر كل ما صار استعماله للسيّارة محدد يعني احتمالات إن واحد يسوق بس استعراض و هو كبير أقل منها و هو صغير
بعدين بشكل عام مشكلة الزّحمة إذا تشوف اللي يسوقون فبتلاقي نسبة كثيرة يسوقون عشان يودّون الحريم
و بالتّالي عن كل حرمة تسوق سوّاق مهوب سايق (طبعاً مهوب بالضرورة صح 100% لكن أتوقّع على الأغلب كذا)

وأمّا عن الحريم و اللي عندها سواق و ما إلى ذلك إنت عط الحريم حريّة اللي تحس إنّها تقدر تتحمّل ضغط السواقة تسوق و عموماً مهوب شي عظيم (سعودية اللي فازت برالي النساء في دبي آخر مرة حسب علمي)
بالنّسبة لأي تحرّش أو تعدّي على القانون الخ... هذي وظيفة الشرطة تطبّق القانون و إذا تم تطبيقه بشكل صارم بتشوف الناس يحترمونه

و في النّهاية المفروض السواقة أو عدم السواقة تكون قرار المرء يتّخذه و يتحمّل مسؤوليته :)

على فكرة شكلي نسيت أعلّق على المنتخب مدري ليه بس عندي إحساس بيكون أدائهم زين هالمرّة ---->عشان بعدين تصير 12-0 للخصم من 4-0 في مونديال فرنسا و 8-0 في كوريا:09:

قصة الاعلانات هذي وحدها سالفة من جد معاك حق ... للأسف الوطن العربي يتدهور

على طاري الدعايات يبن آخي ( صح أنه خلص رمضان الله يشرفه بس حبيت أشارك معكم)

شف طاش ما طاش الي مالها داعي ها السنه على القناة السعودية الأولى

قسم بالله يجيك النوم ماجاك المسلسل من كثر الدعايات

صح تقول خلهم يكسبون بس مهوب هالكثرة من الدعايات

وأما ما يخص سواقة الحريم هذا الناقص يالله مستحملين

الز حمة والي يغازلون زي ما قال أحد الأخوان الكرام وتراني حبيت أشكرك على هالموضوع

الرااااااااااااااااااااااااااااااائع جدااااااااا

اقتباس:

---

المشاركة الأصلية كتبت بواسطة Kubaj

Human

الله يسلمك، بالله انت شفت لقاء علي داوود في العربية ؟؟
هههه المقدم التونسي حجررررر له تحجير..

كان علي داوود يتحجج بإن شركة عالمية اشترت الحقوق ومشترطة على الجميع انهم يشترونه ويوزعونه على كيفهم.. وان فرنسا مسوين نفس الحركة وايطاليا بعد

قال له المعلق : ولكن في بريطانيا تم شراء حقوق البث ب40 مليون جنيه استرليني و جعله مباشر ومجاني على سكان بريطانيا ؟

ههههه لو تشوف وجهه وشلون ضرب الوان اخضر في احمر مثل شعارهم القديم
قال لا واللهي مو معقول هالكلام والى آخره من هالنصب.

والله وش نسوي ماباليد حيلة.. الله يعين بس.

---

شفت نهايتها المذبع يقول له كيف المشاهد العربي يتابع مبارايات كأس العالم!؟

علي داوود قال يشترك في ال ART ههههههه ما جاب شي جديد!

و يا ليته سكت ! كل ما تأخر في الاشتراك زادت الرسووووووووووووووووم!!!؟:vereymad:

اقتباس:

---

بالنّسبة لأي تحرّش أو تعدّي على القانون الخ... هذي وظيفة الشرطة تطبّق القانون

---

اوكي معليش شباب لضيق الوقت حبيت اعلق على هالنقطة بس..

يا اخي اي شرطة تتكلم عنها انت ؟

المفحطين وهم شلة سلنتح على بعض مسوين ازعاج وقلق اكثر من الإرهاب وماخذين راحتهم اكثر لإن الإهتمام توجه للإرهابيين وهم اساساً ماكانت عليهم رقابة قوية
فما بالك الآن اذا تدبلت مسؤولية شرطتنا المغلوب على امرها وصارت تفحيط + سرقة سيارات + بلاغات عن مشتبه فيهم ( إرهاب وغيره ) + واعتداء على امرأة.
ولاحظ ان الأهمية دائماً للإرهاب فقط، كثير راح يستفيدون من هاتركيز على الإرهاب واهمال اشياء تافهة مقارنة بالإرهاب مثل التفحيط وسرقة كم سيارة وتفكيكها.. هنا المشكلة.

الحقيقه ماعندي رد مميز او مهم على موضوعك

(او مثلا فيه مواضيع لو اتكلم فيها راح تطلع الdark lena زي حق الدعيات الفاصخة ._. )

لكن يوم قريته انبسطت كثير وفرفشني فقلت حسافة لازم اعبر عن هالشي

no matter how many days pass

your sense of humor is always the best

god bless ya

الى الملك خوباج المعظم..
إنه قد بلغنا منك الاتي..

العنوان ولد كروزر.. لو محطي جوني ولد الديب احسن.. << طلع جزائري @_@

اقتباس:

---

انا في نفسي ( ...... ).

---

طيب هل هذا يعني انه مخك وقف في لحظتها ولأ سكتت لبرهة.. :33:

اقتباس:

---

اجل سيقان تلمع على الفطور

---

وينه عماد الدين بس.. :D

اقتباس:

---

وبالتوفيق للإتحاد في ترقيع فريق الغين. الفاشل.

---

صح اني ما اعترف فيهم.. بس لا تغلط يا كينغ خرباش.. :196:

اقتباس:

---

فيييييي!!! في ناس تفكر خمس دقايق قبل لا تشتري المنديل!! وتختار أفضل وأجود وأغلى نوع

---

على سوالف الكايلانيكسو.. مرة وقفت افكر شو من قوطي اخذ.. اللي بريحة الورد ولا الليمون.. :blackeye:

وايه انا مع جمعية حماية السمك.. لا للتلوث والله قرفونا بعيشتنا السمك يسبح وياكل وينام (هو ينام؟) ويداوم بالتلوث.. كيف بالله ناكله.. مع انه الحق يقال انه لساته على عهدو.. مميز تقول كانه سمك..

لينا، يا حيا الله رسامتنا.. مدري مصممتنا.. لا تشرهين على الذاكرة..
بالله عليك السنس اوف تونة حقي رهيب ؟
الله يسلمك شكراً شكراً !

وبارك الله فيك انتي بعد، نراك على خير !

الى ياماتو اللي تصقع فريقه من الإتحااااااااااد ياكلك حبة حبة اكل البرشومي

o(^^o) (o^^o) (o^^)o

ههههههه


كل اربعة وانت بخير

:biggthump

اقتباس:

---

المشاركة الأصلية كتبت بواسطة القــعـقـاع

الدعايات و ما ادراك ما الدعايات...يسمونها القاتل الصامت و في رواية السهل الممتنع.. :09:

كله كوم و الدعايات حقت المنتجات السورية كوم..اغاني و ازعاج و 30 نفر في الدعاية و فخر الصناعة السورية و في النهاية يطلع علك :wow:

بس كان فيه دعاية عطر خلت الدم يخرخر من خشمي بشكل جدي (على قولة حقين الانمي :09: )

بالنسبة للسواقة و المنتخب فيقول لك المثل "الضرب في الميت حرام"

الblog خلاص قفلته :06:

و بعدين وينكم يا اخي..عشاني قطعت تقطعون..لا الو و لا سلام و لا رسالة يا ولد الاعمام :p


تحرير:

على طاري الجوالات...جوالي ميت و بقوة يعني فاتورتي 180 ريال..120 رسوم و 60 مكالمات+رسائل...لكن اول ما طلعت الجوال انواع الازعاج و كلخم يبغون نفس الشخص..لكن بعد فترة قطعوا و من يومها توفي جوالي العزيز :(

---

الBlog عطاك عمره، طفشت منه ياخي جاب لي السرطان

والله الحال من بعضه جوالي ما اشوفه الا بالسيارة.. او تحت الكنب.. لا تشره بس
وشكله بيفصل قريب، :31: لا حول ولا قوة الا بالله

اقتباس:

---

الى ياماتو اللي تصقع فريقه من الإتحااااااااااد ياكلك حبة حبة اكل البرشومي

o(^^o) (o^^o) (o^^)oههههههه

---

اولا ما احبهم..
ثانيا بس لانهم مثلوا الامارات..
ثالثا الوجوه فري كوول >.<
رابعا ياليت كوب شاي حليب
خاسما موقعك كان رائع اعمله سي بي آر (واط ايفر ذات ميينز)
سادسا بننتظر الاتي في البطولة العالمية.. ان ما انشرخ بالاربع والخمس.. XD

اقتباس:

---

اولا ما احبهم..
ثانيا بس لانهم مثلوا الامارات..
ثالثا الوجوه فري كوول >.<
رابعا ياليت كوب شاي حليب
خاسما موقعك كان رائع اعمله سي بي آر (واط ايفر ذات ميينز)
سادسا بننتظر الاتي في البطولة العالمية.. ان ما انشرخ بالاربع والخمس.. XD

---

انا اول مره اشوف مباراة للعين ..

المشكلة تكمن في :

ان العيناويه بالمنتدى مغرورين لدرجة كبيرة اوي اوي .. انا قلت وش ذا ريال مدريد على غفله((من كلامهم))

يعني صراحه كنت احسب العين ذا قوة عُظمى لايعيقها حتى برشلونه:p ’’

في الأخير الإتحاد فاز بأربعه هــع .. انت لوتشوف وش كتبوا العيناويه قبل المباراة .. تقول هذولي بيشربون الإتحاد شرب :blackeye:

, اجل لو العين لعب مع الهلال كم بينهزمون :196:

يالموهوب.. الهلال لعب مرتين مع العين اول مرة خسر بالغش وهي اللي خلتني احقد عليهم
ثاني مرة الهلال برضو خسر لكن بإستحقاق وماكان عندهم احد اذا حسن العتيبي كان حارس..

ياماتو، ماعلي فيك.. فريقك تصقع وبس.. يمثل ولا يغني ماهمني.. تصقققع ولا لا

إتي ياااااااااااااكلك حبة حبة اكل البرشومي.. ون ون ون الإتي نمبر ون :blackeye:

المشكلة الهلال يجي يسير على الإتحاد ويمسخر فيه ويمشي.. هههههه.