غشيم في اول يوم كيوب ....

يا هلا بكل الشباب (اللي يقرأ الموضوع واللي يرد علي فيه) ...
أدخل في موضوعي ...
أمس اشتريت الكيوب لكن ما شغلته عشان ما كان عندي الـ AV Cable اللي يتشبك بين التلفزيون والكيوب .. المهم اليوم اشتريته وشغلت الكيوب طبعا كلكم عارفينها كعادتها رووووعة وما أقدر أوصفها لأن اللي وصفوها كثييييييير قبلي المهم اللعبة تجنن وتخبل ...
على فكرة تراني اشتريت الجهاز مع لعبتين مع ميموري كارد ويد بـ 2000 ريال بس يعني سعر خيالي بالمرة ...
كنت حاجز مع الجهاز لعبتين سوبر مونكي بول و ويف ريس بلو ستورم المهم البائع باع سوبر مونكي بول وأعطاني بداله لويجي مانشيون أنا ما كنت أبيه عشان بالياباني لكنكم أقنعتوني إنه سهل وبسيط وروووعة والله لما شغلته لقيته روووعة لكن للأسف من بدايتها تعقيد ويا ليت تساعدوني فيه ...
بعد ما دخل لويجي البيت وطلع الدرج ونزل وأخذت المفتاح ودخلت الغرفة ولقيت العالم العجوز وكلمته وكلمني بدأت اللعبة من الدور الأرضي ولكن للأسف منب عارف وش أسوي العجوز مهب راضي يخليني أخرج من الباب الأول في الدور الأرضي أحاول أشفط التماثيل تروح أجنحتهم تتحرك أشوف الغرفة اللي جنبي ألاقي كل اللي فيها ذهب في ذهب وما فيها أي شيء قولولي وش اسوي قبل ما أمل وأطفش من اللعبة؟؟؟:(
مع محبتي,,,
رايق

مبرووووووووووووووووووووووووك:)
رايق: الله يبارك فيك(اخاف ينسى يقولها... ملقوف)
المهم انا ما عندي الكيوب...مع ذلك اعلمك حل اللعبه:) (اقهره شوي):)
المهم اذا رحت الغرفه هذي روح الى التماثيل و طقها عشان تتحرك اذا حركوا اجنحتهم كلهم بسرعه روح لمykm قصدي العالم و و كلمه اذا رد و عطاك خيارات(اذا عطاك طماط لا ترد :)) اختر الخيار الثالث.:)

أنا أعرف هذا الاسم تماااااااااااااام أكيد الملقووووووووف سعد لو ما خاب ظني :D :D :D
وأنا هم بعد حاتلقف على ردك واقول لك الله يبارك فيييييييك ...
تعرف إنك قهرتني (ما عندك اللعبة وتعرف حلها :غضب: ":" وأنا غشيييم)

اقتباس:

---

روح لمykm قصدي العالم

---

ليييييييه هو ykm انسخط وصار قصيييير وأقرع وبسنة وحدة وبققت حبوب في وجهه :D

اقتباس:

---

اذا رد و عطاك خيارات(اذا عطاك طماط لا ترد )

---

انت قلت لا ترد وحرة فيك حأتلقف وارد ...
انت متهم بإنك اعتديت على رايق بسكينة الضحك وقتلته من الضحك وبسبب ذلك توفي متأثرا بانفجار في البطن وصار وجهه محمر ... حكمت عليك المحكمة بتخفييييييف دمك ... دمك خفييييييف :)

اقتباس:

---

اختر الخيار الثالث

---

ليه انت تعلمت ياباني من وراي؟؟؟
على فكرة انت قصدك آكل التماثيل ولا أشفطهم بالمكنسة ؟؟؟؟
ومشكووووووووور ....
مع محبتي,,,
رايق

نفس مشكلتي اليوم لعبت جيم كيوب لويجي مانشن
نفس الغرفه ماعرفت اسوي شيء حست المكان من غير فائده بس في النهايه
كلمت العالم واخترت اختيار من الثلاثه(ناسيه والله) وطلعني ووصلت للطفل الذي بعد هزيمته يصبح عملاقا
اي سؤال اخ رايق عن لويجي مانشن انا حاضر وشكرا...
تحياتي




":" صديقكمwario2002

مشكوووور أخوي واريو ... :D
لكن الظاهر إني حأسألك كثيييييير عن اللعبة وإن شاء الله تكون ختمتها أو حتختمها علشان لا أقول إن الكيوب مملة وعشان أبي أختمه بسرعة عشان أشتري سوبر مونكي بول (على فكرة هذا حلو ولا لا؟؟؟) أما ويف ريس بلو ستورم روووعة ويمديني أختمه على رواق في اي وقت والباقي إني أنتظر لعبة روج ليدر وأختمه لأني منتظر الوليمة اللي حتحصل في رمضان مجموعة ألعاب تشبع مليون حأفطر عليها وحأتسحر عليها ...:D :D
ومشكووور ...
مع محبتي,,,
رايق

وخاصة سوبر سماش بروذر وشكرا...
تحياتي




":" صديقكمwario2002 ":"

أوووهووو الوليمة كبيرة ومعتجة بأجمل الأطباق الرمضانية نبدأ بالأطباق الرئيسية لويجيز مانشيون وسوبر مونكي بول و ويف ريس بلو ستورم (للي ما اشتروا الياباني) والأطباق الجانبية سوبر سماش بروذ ميلي واكستريم جي 3 وننهيها بالحلى وهو كريزي تاكسي ...
وإن شاء الله في العيد حتكون حلاوته هي سونيك أدفنشر 2 باتل ولما تجي أطباق جديدة حأكتب عنها إن شاء الله في رمضان وفي العيد ...
وحاقول من الحين كل عام وانتم بخير لأن شعبان يمر زي لمح البصر ...
آآآآآه مشتاق لرمضان وأطباقه الالكترونية والحقيقية (أوف كل همي بطني توني قبل كم ساعة متغذي:D :D ...
مع محبتي,,,
رايق

ألف مبروك

اي والله اشتقت لرمضان شهر القرآن وشكرا...
تحياتي



":" صديقكمwario2002 ":"

الله يبااااااااااارك فييييييك أخوي لنك وعقبالك إن شاء الله ... :D :D
أها نسيت أحد أهم الأطباق (قصدي الألعاب) وأكيد هي الملكة الأسطورة زيلدا لكن للأسف ما اعرف موعد نزولها؟؟؟ ...?:?:
مع محبتي ,,,
رايق

أفا عليك أنا بأعسكر عند المحل وقت صدور زيلدا

انت يارايق العابك صحون رمضان
سماش بروذر السمبوسه وسونيك الشوربه و بيكمين الفيمتو والباقي مايحتاج كل سنه اطباق جديده(يعني الألعاب وشــــــــــــــكـــــــــــــــــــــرا...
تحياتي




":"
":"

انت يارايق العابك صحون رمضان
سماش بروذر السمبوسه وسونيك الشوربه و بيكمين الفيمتو والباقي مايحتاج كل سنه اطباق جديده(يعني الألعاب وشــــــــــــــكـــــــــــــــــــــرا...
تحياتي




":" صديقكمwario2002 ":"

معليش شباب اسمحوا لي...انا بأكل اكل حقيقي. وش يالله لك الحمد؟
احد يفطر على اسطوانات؟(واحد صدق و ثقيل دم بعد)
و الله انا شكلي يا شباب بافطر على لقيمات و تمر و زي العاده....الفطور على العاب ما يشتريه الوالد و لا يحبه.و انا شكلي بطفر. على طاري الفطور شباب فيه احد يبي يتعشى معي بكرى(وش دخل الفطور؟)؟

احنا نمزح يااخganon0 لاتاخذها في بالك صدق وشكرا...
تحياتي



":" صديقكمwario2002 ":"

واريو؟وش فيك؟و الله اني امزح بعد.
تكفى لا تهبل بي...افهمني صح الله يخليك اهىء اهىء.:(
ليش دائما ما تفهمني صح؟
اسمع يا واريو:( انا الحين بكتب ورقه و احطها بدولابي...عشان اذا انهبلت يدرون وش السبب.و يجونك. اما اذا ما دروا تراااااااااااااااااني بذمتك:(

ياخي كلامك جد بعدين تقول مزح
اجل في واحد يقول:

اقتباس:

---

(واحد صدق و ثقيل دم بعد)

---

فسرلياها والله الي يقراها يقول انك تتكلم جد
وابغى اعرف ليش اسمك ganon0 اذكر انه ganon بس وش الي غيره ليش؟ وشكرا...
تحياتي




":" صديقكمwario2002 ":"

اهىء.
راااااااااااااااااااااييييييق....فاااااااااااااااااااس.......عمااااااااااااااااااااااااد...
اي احد...احد يجي ينقذني؟ احد يجي و يفهم واريو اني امزح؟اهىء(يائس)
...
....
انا قلت واحد صدق و ثقيل دم اعاني نفسي....قسم بالله هه.كانت نكته ...
واضح انها نكته... و انا ويا وجهي ابي انكت...ليش ما انطم بس؟ليش؟تكفى افهمني خلاااااااااااااااااااااااص آآآآآآآآآآآآآآآه اهىء اهىء.

السلام عليكم .........

هلا اخوي رايق مبروك ...... عارف انها جت متأخره بس اسمحلي لأني كنت مشغول .
وإذا محتاج اي شيء فانا في الخدمه ولا تخجل .......

اخوك

خلاااااااااص انت تمزح
انا آآآآآسف ولاتمزح الا وانت قايلنا انك بتمزح وشكرا...
تحياتي




":" صديقكمwario2002 ":"

أخوي اللورد ...
وعليكم السلام ورحمة الله وبركاته ...
لا والله ما جات منك متأخرة تعرف لو جلست عندي الكيوب لخمسة سنين قادمة حتخيل إني توي مشتريها وكل يوم عيد بالنسبة لي ... تصدق للحين منب مصدق إنها معاي والله لعبة ما ينمل منها تصدق كل ألعاب السباق أمل منها بعد ثلاثة أيام وبالكثير أسبوع أما ويف ريس ممتعة بشكل كبيييييير تصدق لو جلست ألعب بها سنة ما حأمل منها أبدًا وأكيد ما ينمل منها لأنها على الجهاز اللي ولد عشان نلعب به Born To Play ...
على فكرة أخوي اللورد إن شاء الله حأطلب منك مساعدات ومب مساعدة وحدة وطبعا حأرسلك بالرسايل الخاصة "عشان لا أزود مواضيع في المنتدى" ...
لكن ما أظن إن اللعبة تحتاج لمساعدات لأني لما لعبت بها للحين خلصت من الدور الأول والثاني غرف كثيرة والحين وصلت للغز "الكلب وذاك الرجال (قصدي الشبح) اللي طايح أكل كبسة وكرشه قدامه ومفجوع على الأكل يخلص من طبق يروح للطبق الثاني:D " وللحين مسكت 7 أشباح من 50 وإن شاء الله عقبالهم كلهم ... على فكرة في شي لو قتلك هو حتستغرب أبي أشتري لويجي مانشيون الأمريكي بس عشان أفهم القصة تمام "مع إني فهمتها بالياباني:D ;) " ...

أخوي سعد ..
والله دمك خفيف بس باين حصل لخبطة في عقل واريو شوية وما فهم كلامك تمام ;) ;) ...
وترى حنا كنا نمزح يعني معقول أنا قد كذه بطران رامي فلوسي في الشارع اتخيل كل يوم آكل اسطوانة بـ 300 ريال في رمضان وأفطر عليها .. والله لا تلاقيني قبل نهاية الشهر مفلس وأجلس جنب مسجد وأقول لله يا محسنين أخوكم في الله صرف فلوسه وفلس من الكيوب وصار على الحديدة :D :D ...
لكني مثلت اسطوانات الكيوب بالأطباق الرمضانية لسبب غريب بالمرة ...
والله حتى لو تحتي كنز ما كنت أشتري اسطوانات الكيوب وآكلها ... تبي قصر اشباح في بطني ولا محاربات مع سوبر سماش في رأسي ولا سباق اكستريم جي 3 في دمي ولا تبي لينك يسوي محاربان مع جراندروف في قلبي ولا ... ولا ... ولا ...

صديقي واريو ...
والله صح كلامك أنا كنت أحسبأخوي سعد يقول علي ثقييييييل دم وكنت حأقول له الله يسامحك بس بما إني أعرفه تمام فما أظنه يقصدها حتى لو كتبها لأننا كلنا أخوان ..

أخوي لينك ..
لا والله أنا حأعسكر قبلك على المحل أول ما تجي البضاعة مشحونة في السفينة حأطارد السفينة وبعدها أطارد السيارة اللي توزع على المحلات وأهددهم بالمسدس عشان يسلموني لعبة وحدة من زيلدا عشان أصير أول واحد في السعودية يشتري زيلدا ... :D

ومشكوووورين ...

مع محبتي,,,
رايق

عليش شباب:)حسبت كلامي واضح:)
و انت يا رايق اثرك بالسعوديه؟اوهوو

هلا بالغالي سعد ... ;)
والله كلامك دايما واضح لكني أحيانا أحتاج نظارات عشان اقراه (لأنه أحيانا يكون ناقص حروف ... تلاقي الكلمة مقلوبة فوق حدر ... بس دايما كلامك روووعة وخصوصا في قصة نور القلوب اللي كتبتها) .. أما المعاني فأكيد مليون في المية حأكون فاهمها "ليه أنا شايف نفسي بنقالي" :D :D ...

اقتباس:

---

و انت يا رايق اثرك بالسعوديه؟اوهوو

---

ليه وش كنت تحسبني ؟؟؟ يعني من وين ؟؟؟
على فكرة أنا سعودي والحين أنا عايش في جدة بالتحديد لكن ربع أهلي في الرياض والربع الثاني في حائل والنصف في جدة ... ((وش فيّ جالس أحكي قصة حياتي :) :) ... والله فكرة يمكن أكتب قصة حياتي في المنتدى على شكل قصص مؤثرة :( :( ... ;) ))
ومشكووووور أخوي سعد ...
مع محبتي ,,,
رايق

آآآآآآآآآآسف على تأخري بالرد:)
و الله كنت احسبك من الكويت:)(لا احد يضحك)
و انا متحمس لقصة حياتك المؤثره:) (واحد صدق)
لا صحيح رايق فيه شيء يضيق صدرك؟الله لا يقول الشر ترانا دائما حاظرين:)

مبرووووك عليك الجهاز يارايق :)

لكن على فكرة حصلت الجهاز بـ1650 مع يد وميموري كارد ، لكن إلى الآن مصر على الأمريكي;)

يعني للاسف ماأقدر نساعدك

مثلك اخ بوشي انا مصر على الأمريكي وشكرا...
تحياتي





":" صديقكمwario2002 ":"

هلا بالحبيب بوشي ... :)
الله يبارك فيك وعقبالك بالأمريكي ... ;)

اقتباس:

---

لكن على فكرة حصلت الجهاز بـ1650 مع يد وميموري كارد

---

حلو العرض ... لكن أنا اشتريته بـ 2000 ريال بنفس عرضك ومعاه لعبتين لويجي مانشيون وويف ريس بلو ستورم ((حقيقي وصفك فيها كان رووعة وكان يستحق لأني لما جربتها لقيتها تخبل:D )) ...

اقتباس:

---

لكن إلى الآن مصر على الأمريكي

---

والله ما ادري ليه انت وواريو مصرين على الأمريكي مع إنه ما في أي فرق وعلى فكرة حتخسر أكثر لو اشتريت الأمريكي أولا لأن الجهاز نازل في موسم (في رمضان) وأكثر ألعابه الرهيبة حتنزل في رمضان وفي العيد يعني الأسعار حتكون نار وثانيا لو اشتريت الياباني السعر حيكون أرخص وما حتدفع شي زايد إلا ثمن القطعة اللي تشغل الأمريكي وما أظنها غالية يمكن حيكون ثمنها بين 100 - 400 ريال ((على فكرة شنهو عنوان الموقع اللي كتب عن هذه القطعة أنا أذكر إنه كان في كوكب الكيوب Planet GameCube ولكن دورت عليه في قسم الأجهزة ما لقيته فيا ليت لو تعرفون الوصلة تقولون لي:) )) يعني حتضرب عصفورين بحجر واحد منه تستمتع بالجهاز من بدري ومنه حتكون خسايره أقل "مع إنه يستحق أكثر بكثييير من ثمنه" ... ولكن ما أعرف شنهو رأيكم في كلامي؟؟؟؟?:

يا هلا بالعزيز سعد ... (ترى تعمدت أرد عليك في الأخير عشان تكون مسك الختام في هذا الرد) ... :D

اقتباس:

---

و الله كنت احسبك من الكويت

---

ومين قال لك إني منب من الكويت؟؟؟
أنا صحيح منب كويتي لكن في كم واحد من أهلي سعوديين كويتيين "شفت كيف أنا خليط نصفي هنا ونصفي هنا وعايش هنا وعايش هناك:D :D " ((والله حالتي حالة)) ...

اقتباس:

---

و انا متحمس لقصة حياتك المؤثره

---

اهيء اهيء هو أصلا أنا كملت عشرين سنة في الحياة عشان تكون لي قصة لكن قصتي زي أي قصة مراهق ومشاكله ... على العموم لو تبي قصتي ممكن أكلمك بالماسنجر ...
أوووبس نسيت أنا من زماااان بطلت أدخل الماسنجر لأسباب غريبة إن شاء الله أقولها (بس لا أحد يضحك) ...

اقتباس:

---

لا صحيح رايق فيه شيء يضيق صدرك؟الله لا يقول الشر ترانا دائما حاظرين

---

والله تسلم وإذا أنا عندي اي شي في صدري ما حأبخل عليكم وحأحكيكم وأكلمكم لأن وجودكم يخفف علي المشاكل والهموم ... الله يخليكم لي والله يخليني لكم (قولوا آآآآمين) ...
عارف إنه كلامي كثير ... أعذروني ....
مع محبتي,,,
رايق

مشكور يا رايق على سالفة مسك الختام:)
بس عندي سؤال ليش بطلت تدخل المسنجر؟
يعني خفت اضيفك؟:)
لا صحيح ليش؟اتمنى اننا نتكلم بالمسنجر في اقرب فرصه و راح اضيفك الان:)
و تصدق؟يوم قريت قولتك انك خليط تذكرت بيتي كروكر:)صحيح:)احب هذا الكيك مره...الا انت نكهة شوكولاته سوداء و الا بالحليب؟انشاء الله شوكولاته سوداء :)(بس لا تقرى عبده هذا الكلام:))

اقتباس:

---

مشكور يا رايق على سالفة مسك الختام:)

---

العفو أخوي سعد .. :)

اقتباس:

---

بس عندي سؤال ليش بطلت تدخل المسنجر؟
يعني خفت اضيفك؟ :)

---

والله هذه السالفة طويلة لكن ممكن اختصر لك هي في كم نقطة ...
أول شيء حزنت لأني فارقت أعز أصحابي على الماسنجر وهو ماريو كنت كل يوم أشوفه إما أنا أسلم عليه إذا كان مشغول أو هو يسلم علي لو كنت أنا مشغول وكلامنا كان بشكل يومي وما كنا نمل من بعض من سالفة لحكاية للعبة لمشكلة ولأشياء كثيرة يعني سوالفنا ما تنتهي وفجأة اختفى ... وبدون سابق إنذار ... صرت زعلان قلت يمكن يكون زعل مني يمكن يكون زعل من واحد ثاني ... يمكن ... يمكن .. وصار راسي يلف ويدور وكله عشان ليه ماريو مشي؟؟؟
ثانيا في الفترة الأخيرة ازدادت قائمتي بشكل خيالي وصرت لما أدخل ما أعرف مين هذا ومين هذا وكيف أضافني هذا وكيف الثاني أضافني يعني شيء يجيب الصداع ...
ثالثا كنت كل ما أدخل يكلمني ثلاثة أو أربعة في وقت واحد يعني أرد على هذا وأخرج أرد على الثاني وأتكلم في 100 موضوع في وقت واحد
رابعا مرة جلست أتكلم ثلاثة ساعات و ..... :D أحسن لي ما أكمل لأنك حتنفجر من الضحك علي :D
خامسا هذا أغرب الأسباب صرت أحس نفسي أحتاج شجاعة عشان أدخل على الماسنجر وكأني داخل حرب ولا معركة ولا لا أكون داخل في رزيدنت إيفل على وحش ولا على البيت ولا على غرفة وفيها وحش دمه ثقيييييل ..:D
وأسباب ثانية ... بس أعطيتك نبذة عن كم سبب وإذا لقيت لي حل ذيك الساعة حأكلمك ...

اقتباس:

---

و تصدق؟يوم قريت قولتك انك خليط تذكرت بيتي كروكرصحيحاحب هذا الكيك مره...الا انت نكهة شوكولاته سوداء و الا بالحليب؟انشاء الله شوكولاته سوداء (بس لا تقرى عبده هذا الكلام)

---

والله جوعتني تصدق للحين ما تغذيت ... الله يقطع سوالفك :D موتني من الضحك ...:D
والله سوالفك ما ينمل منها بس استأذنك ساعة أروح اتغذى وارجع ...
مع محبتي ,,,
رايق

رايق أحب أقول لك بأن سعر الأمريكي بيكون أقل من الياباني وهذا شيء معروف عند الكل .....

الشيء الثاني العرض الي كنت أتكلم عنه كان يشمل نفس اللعبتين لكني نسيت أذكرها .....ومشكور على مدحك لوصفي لكن بغيت أسألك وش رايق في الأصوات في اللعبة.....

وعلى فكره بالنسبة للقطعه فهي مضمونة تقريبا 100% بأنها بتصدر وعلى ماأظن بأنها مهي قطعة مجرد شيء بسيط تسويه من داخل الجهاز، لكن لو بأشتري الياباني ماراح استفيد ومع وجود اللغة اليابانية راح أمل من الألعاب....وممكن تتأخر القطعة فليش أدخل نفسي في شيء مومضمون....وعلى فكرة صبرنا كثير ومابقي غير القليل

هلا بالحبيب بوشي ..

اقتباس:

---

رايق أحب أقول لك بأن سعر الأمريكي بيكون أقل من الياباني وهذا شيء معروف عند الكل .....

---

والله البياع قال لي إن سعر الأمريكي لما ينزل حيكون أغلى من سعر الياباني لكن لو افترضنا إنه كان أقل اللي حيرفع الأسعار نزوله في موسم رمضان وغير كذه قل لي كم سعر الجهاز الأمريكي؟؟؟ (علما بإني اشتريت الكيوب الياباني بـ 1300 ريال "الجهاز بس") يعني ما أظنه حيكون أرخص من كذه؟؟؟؟
والألعاب لما تنزل كم حيكون ثمنها ؟؟؟(علما بإن الألعاب الحين ثمنها يتراوح بين الـ 250 و 300 ريال تقريبا) وما أظنها حتكون أرخص من كذه؟؟؟
وعلى فكرة انتم تقولون إن الجهاز رخيص والألعاب رخيصة انت من وين تشتري؟؟؟(ترى عارف إنك من الرياض لكن أنا أروح كل كم شهر الرياض ويمكن أروح في نهاية هذا الشهر) .. يعني أنا أجيب الألعاب وفوق هذا كله مرخصة وألاقي أرخص منها ؟؟؟

اقتباس:

---

الشيء الثاني العرض الي كنت أتكلم عنه كان يشمل نفس اللعبتين لكني نسيت أذكرها

---

يا أخي نفسي أعرف من وين تجوبون هذه العروض الرهييييبة؟؟؟

اقتباس:

---

ومشكور على مدحك لوصفي لكن بغيت أسألك وش رايك في الأصوات في اللعبة.....

---

العفو أخوي بوشي ...:)

يا أخي وش أقلك عن ويف ريس بلو ستورم حقيقي هذه اللعبة تحفة فنية راااااائعة يعين يف كل حياتي ما اهتميت بلعبة سباقات مثل ما اهتميت بهذه يعني كل الألعاب اللي طافت علي كنت أستمتع بها يومين بعد كذه الاقيها مملة أو أشغلها لتضييع الوقت أو إذا كنت فاضي ومخلص وما عندي أي لعبة جديدة وما كنت ألاقي فيها أي إثارة أحسها لعبة عادية مثل أي لعبة سباق تمل منها بعد كم يوم ...
لكن لما اشتريت الكيوب كنت حأشتري لويجي مانشيون مع سوبر مونكي بول لكن تذكرت نصيحتك وقلت أشتري ويف ريس ونشوف إذا كانت حلوة المهم لعبة قال البايع وش رأيك أجرب لك هي في المحل قلت له لا خليني أشوفها في البيت ...
المهم ما صدقت أوصل وكنت محتار وش أشغل أول لويجي مانشيون ولا ويف ريس قلت هيا خلينا نبداها بويف ريس ونختمها بمسك الختام لويجي مانشيون والمهم شبكت الجهاز وخرجت اللعبة من علبتها وأول ما اشتغلت لقيت لوحة فنية راااائعة ....
أول شيء لاحظته في هذه التحفة المؤثرات المائية يعني أنا طووول عمري ألعب بألعاب وسباقات مائية على البلاي ستيشن لكن أول مرة أشوف مؤثرات مائية بهذه الفظاعة يعني لو ما كنت تتفرج عليها في شاشة كنت حتقول هذه حقيقة ومهب لعبة أنا حسبتها بحر وكنت حأرمي نفسي في الشاشة لكن راسي خبطت ولقيت إنه في حاجز بيني وبينها ...:D
حتى المؤثرات المائية في هذه اللعبة تفوقت على نفس اللعبة التي صدرت على الننتندو 64 Wave Race 64 ...
وغير المؤثرات المائية لما تبدأ في اللعب الانعكاسات يمكنك ملاحظتها على الماء وفي نفس الوقت تقدر تشوف أرجل المتسابقين تحت الماء والنباتات البحرية والصخور اللي في الماء يعني اللعبة جمعت بين تأثير شفافية الماء والانعكاس عليه يعني تعطيك طابع رهيييب عنها يعني في ألعاب ثانية حتشوف الماء وكأنه قطعة واحدة أو قطيفة أو قماشة يعني التأثير بايخ لكن في هذه اللعبة التأثير رائع ...
ثاني شي المؤثرات الجوية يعني أول مرة أشوف في حياتي تأثير المطر مثل هذا التأثير المطر متتابع يمديك تشوف كل قطرة لو مشيت المطر حيواجه وجهك السماء ملبدة بالغيوم وتأثير المطر يظهر حتى لو كنت تلعب في الليل وغير هذا كله عندما تنزل قطرات الماء على البحر تلاحظ الدوائر الناتجة بوضوح وكأنها مطر حقيقي ...
والضباب لو شفته ما تقول هذا ضباب تقول إن هذا شيء حقيقي حتى هذه اللعبة تفوقت في تأثير الضباب على لعبة سايلنت هيل 1 يعني في هذه اللعبة الضباب يخفي عليك كل شيء ولكنه في نفس الوقت يمكنك إنك تشوف من خلاله (عارف إن هذا الشيء متناقض ولكنها الحقيقة) والضباب يخف تدريجيا حتى لما يختفي ما يختفي بشكل كلي إنما يبقى منه بعض الذرات على شكل سحابات صغيرة وشفافة ....
وتأثير الشلال يعني لو قربت من الشلال تلاحظ ذرات الماء واللي كإنها ضباب ...
ولا لما يكون الجو مغيم حتلاحظ وجود الغيم وتختلف الأضواء يعين حتلاحظ التأثير وفي تأثير الثلج لكن إلى الآن ما شفته لكن أكيد أنه راااائع إذا كانت متفوقة في المطر والضباب ألن تتفوق في هذا أيضا ؟؟؟ ...
ثالث شيء هو الأمواج وهذه شيء ما يوصف حتلاحظ اختلاف الأمواج ففي مناطق تكون قوية لدرجة أنه يصعب عليك السيطرة على الدباب وفي مناطق تكون خفيفة ولكنها موجودة وتحس بها من خلال الأنالوج الذي لا يظهر أي صوت مزعج ويوصل إليك الإحساس الحقيقي بالموجة ...
وإذا دخلت في موجة كبيرة حتلاحظ عدم توازن الدباب وصعوبة الحركة ولكن لو استخدمت التيربو سوف ترى أشياء راائعة وفنون كل متسابق له طريقة يف التفنن يعني يمكنك الانقلاب في الهواء والغوص والانقلاب على الخلف والطيران يعين تأثيرات مختلفة ورهييية ...
وأخيرا وصلت إلى الأصوات وهو أجمل شيء في اللعبة الأصوات مجسمة بشكل رااائع تحس إنك معاهم وانت جالس مكانك تسمع صوت الأمواج وإذا وقفت تسمع صوت البحر وصوت الطيور ولا صوت المذيع والمذيعة رااائع جدا وكأنهم حقيقيون الصوت يتقنية دولبي وتقنية 3D يعني حتى الأصوات حتستمتع بها ... ألا تستحق هذه اللعبة ان تكون تحفة فنية راااااائعة؟؟؟؟
وفوق ما قلته فأنا لم أوفي هذه اللعبة حقها يعني لكي تستمتع بها لازم تجربها وأنا متأكد إنها حتكون في أول قائمة شراءكم لأن اللعبة وبكل بساطة تستحق أن تكون الأولى وتستحق أن تأخذ 10 على 10 وبجدارة ... وصدقني أنا لا أبالغ فيها فهذه الحقيقة ...

اقتباس:

---

وعلى فكره بالنسبة للقطعه فهي مضمونة تقريبا 100% بأنها بتصدر وعلى ماأظن بأنها مهي قطعة مجرد شيء بسيط تسويه من داخل الجهاز

---

والله حتى لو اشتريتها ما حأركبها على طول أول شيء حأشتري أي لعبة أمريكية وأجربها بدون قطعة واشوف إذا الياباني حيشغلها ولا لا وبعدين أركب القطعة أو أسوي هذا الشيء البسيط اللي تقول عنه في الجهاز ...

اقتباس:

---

لكن لو بأشتري الياباني ماراح استفيد ومع وجود اللغة اليابانية راح أمل من الألعاب

---

والله بالعكس الألعاب اليابانية ما ينمل منها يمكن إنك شيء واحد حيزعلك يعين مثلا في لويجي مانشيون أنا فهمت القة لكن كان نفسي أفهم الحوار اللي يدور ما بين لويجي والبروفيسور لكن بقية الكلمات الأساسية أنا فاهمها ((لا أنا ما أفهم ياباني لكن فيه موقع تابع لـ GameSpot اسمه Gamefaqs وفيه ترجمة لكل الكلمات اللي في لويجي مانشيون وبقية الألعاب ويف ريس وسوبر مونكي بول (طبعا الكلمات الأساسية بس) ...
وما زلت مستمتع باللعبة وحقيقي ما ينمل منها وحتى لو جلست سنة العب بلعبة وحدة وإن شاء الله بعد أسبوعين حأشتري سوبر مونكي بول عشان تصير مسك ختام الألعاب اليابانية ... يعين ما أدري ليه ما تعجبك اللغة اليابانية مع إنها لغة ظريفة (خذ مثلا البروفيسور أول ما يقابل لويجي يقول هاي تيتيتي:D ) ...
على فكرة لاحظت ملاحظة علب الألعاب الأمريكية مختلفة عن علب الألعاب اليابانية يعين مثلا عند علامة الكيوب في الأمريكي في خط فاصل منحني أما الياباني فالخط الفاصل مستقيم ... وحتى في شريط لويجي العلبة مختلفة ...

اقتباس:

---

وممكن تتأخر القطعة فليش أدخل نفسي في شيء مومضمون

---

إن شاء الله ما تتأخر ...

اقتباس:

---

وعلى فكرة صبرنا كثير ومابقي غير القليل

---

والله صح ما بقي إلا أقل من شهر ثلاثة أسابيع تقريبا لأنه حيصدر في 3 رمضان ...
أنا صابر على الألعاب الرووووعة وخصوصا سوبر سماش بروذ ميلي واكستريم حي 3 وروج ليدر سكواردون 2 و ألعاب كثؤرة لا تعد ولا تحصى ...
والله يعطينا الصبر ...
ومشكوووور على الرد ...
مع محبتي,,,
رايق