ذكريات لا تنسى ( أيام الثانوية )

السلام عليكم ورحمة الله و بركاته

من منا لا يتذكر أيام الثانوية ؟ بكل بساطة حتى اللحظات العصيبة التي ممرنا بها تعتبر لحظات جميلة قد يداعبها الزمان بالمستقبل وتصفي لها الأذهان و تترك ما حملته القلوب وتذبل ومنها نضحك على ما فات من مواقف ظريفة رغم إنها كانت كدر آن ذاك.

اليوم جيت لكم وفي جعبتي ماضي سحيق (يالشيبة كلها سنه ونص من تخرجيت XD ) المهم
كنت أضبط حالي لكي أعمل فورمات للجهاز وكنت ادور في الصور القدمية اذا كانت احتاجها ولا لاع على أساس كانت مثل الباك آب حقي بس ما كنت افتكر ما فيها من معلومات وبالأخص ذكريات >< لأن من بعد تخرجي خزنت ما في التليفون والذاكرة في الجهاز علشان ما يضيعون وتالي بعت تليفوني وشرت واحد يكفي حاجتي للاتصال, وان شاء الله الحين راح اسرد لكم ما صار لي أيام الثانوية XD من أول ما فكرة أدخل ثانوي إلى أن تخرجيت منها XD

بسم الله الرحمن الرحيم

طبعا كل واحد يحدد مساره في المتوسطة , وإلي يبي يروح علمي او أدبي او تجاري وانا طح حظي دخلت علمي XD <<< ما شاء الله علي :P , وكنت أنتقل من مرحلة ال cuteness إلى مرحلة جديدة وهي مرحلة ال devilish وهذا اول شيء كان يصير لما الواحد يدخل الثانوية XD بكل بساطة هذا مخطط حق المستوى والتغير XD

الذكاء : ينزل
لانه يستنفذ في الأعمال الشريرة XD

الشطارة : تنزل
بسبب المداومة على الأعمال الشريرة والنشاطات الشبابية ونسيان المذاكرة

المستوى التحصيلي للعلامات : ينزل
بسبب المضايقات التي نسببها للأساتذة XD

Angel side : يختفي XD

Devil side : يبزغ إلى النور XD
<<< الشيء الوحيد إلي يرتفع :P

أول شيء كلنا نعرف شنو أغاني الروك , وبالتأكيد هي الإاني التي تتضمن الجيتار والدرامس و أدوات موسيقية أخرى , وخبركم أن نسبتها جدا منعدمة في مدارس العلمي يا دوب توصل 3% وانا واحد منهم طبعا XD
وفي هذه المجموعة كونا جماعات وجروبات , يعني فريق الروك لحاله في المدرسة له زاوية وقوانين بروحها لا أحد يجرب منها XD , وهذه الجروب ماقصر في المشرفين والمدرسين XD , وأحلى شيء لما تصير خلافات علشان الفرقة الفلانية احلى فنصير أحزاب وحروب بس أخرتها نتصالح <<< مو مشان الله XD
خبركم حنا كنا متأثرين بالروك وما قطوني الا عازف جيتار ليد حسبيالله عليهم فقعدت اتعلم عليه 6 اشهر الى ما عرفت اعزف كم اغنية وبالعزر >< بس يالله مشينا حالنا

صورة من الماضي XD


صورة من الماضي2 XD


وغير عن ذلك كنا نتجمع في بيت واحد من الشباب نتمرن على خرابيط الروك ويارت كانوا يفرون لنا حصص موسيقى وحتى لو ادري انه مو ذلك المستوى XD تخيلوا انهم أستخدموا طبول الدارمس كل طبل على حده يشكل أداة موسيقة بس علشان يصير توزيع متكافئ للآلات وحنا يا شباب الروك ضحك على هذا الأستاذ المتخلف XD بس ما شاء الله واحد منا كان يعزف كويس فتحدى الأستاذ والأستاذ نفسه كان يبيله احد يكسر راسه لانه وايد يبي يطلع فيها , وفعلا تكسر راس الأستاذ وعطنا علامات بس علشان ما نفشله XD blackmailing ياولد من قدنا , بس شاءت الظروف أن يصير تفرق لان مع تقدم السنوات بدوء يدخلون في سوالف ال goth وم اادري شنو وانا على طول شل شلايلي وطلعت منهم وهذه كانت اول سنه درسة بالثانوية وكان تحصيلي جيد جدا XD .

الثاني ثانوي أعتبره النهضة في حياتي لأني أول مره انطر سور XD <<< شوفوا التعبير أنط سور يعني ما في الا هو وما في بعده XD , وكانت من في ذلك الوقت مو شيء بس من أحسن اللحظات انا هربنا من المدرسة ورحنى نشتري مندي وقعدنا ناكل الى ما صاح الجرس ورجعنا ولا كأن صار شيء XD, وأهالينا يسألون عنا وع نالمدرسة وحنا جوابنا دائما نعم وبخير بس كيف راح نشرح للمشرف ذلك الوقت بس قلنا يالله عادي وت افر XD , وفي اليوم الثاني كل إلي كلوا مندي طاحوا مريضين XD وحصنا عذر قانوني على اساس كنا نعاني هذا المرض من يوم وللأسف المطعم ما تسكر ذلك الوقت XD لانه أنقذنا .

مه من المرات كان الأستاذ يشرح لنا الدرس وكان ذلك الوقت على اول ما طلعت تليفونات الكاميرا وحنا تصوير ف الاولي والتالي حتى الأستاذ ما سلم XD خبركم اول نزول تصادف ان هناك بعض المشاكل منها هذه الصورة :

أنظروا الى ضخامة السبورة وكأنه يشرح على جبل XD



ومره من المرات كان الأستاذ ماسك شيء في أيده لو تلاحظون بالصورة وكان يبي يقذفها على طالب XD فصورنا اول مشهد على الجريمة :

وبعدها صورنا كذا صورة تثبت التهمة وتالي بلغنا عن الأستاذ ومنها استوى راجل معانا XD , وفي نفس الأستاذ كانا نبي نختر مدى تحمله وقوته الجسدية فقبل لا يدخل علينا الصف قمنا بتسخين مقبض الباب بالولاعة وجعلناه حار جدا >< وكنا نتحراه لما يدخل و أول ما دخل ما مسك المقبض بس لما كان بسكر الباب مسك وأحترقت أيدة وضاعت حصة ولا احد اعترف بالجريمة بس الأستاذ تخلا عن الدعوة لأن في منظر ثاني يثبت أدانته بشيء هو عمله XD , كسر السبورة بالغلط ورماها على طلبة الصف بس حنا صورناه بالصوت والصورة XD ودزينها بلوتوث له وانصدم XD مسكين هذا الأستاذ ماقصرنا فيه بس تالي أعترفنا له بكل شيء لما تخرجنا XD شوي ويقتلنا XD .

التوجيهي أو الثالث ثانوي , هذا كانت ذروة الشطانه ما قصرنا ذلك الوقت XD خبركم ذلك الوقت على أواسط ظهور التلفونات ذات الكاميرات والبولوتوث فكنا نصور أوراق الإمتحانات ونخزنها في الجهاز حق الأوقات العصيبة :

مثال

وطبعا الي كان متملل يكتب بالصف كان يصور السبورة وبعدين يعرضها ويكتب الي فاته XD :

مثال درس الأنجليزي

وعلى فكرة حنا أحزاب بالصف XD ومره من المرات صار موقف في استاذ وتضحكوا عليه وطلع الي ضحكوا عليه الا حزب واحد لان ماشافهم وهم يضحكون فكامرتي ماقصرت فصورتهم XD

الصورة


والفن أحيانا لا يتفجر الا على الطاولات وفي البعض الطلاب مستخدم الطاولة وقلم الماركر مثل ورقت الرسم والقلم وقعدوا يرسمون على كيفهم XD

مثال 1انا XDأدري فني تعبان بس مشوها XD


مثال 2واحد متأثر بلنكنك بارك مو عارف كيب يكتب اسمهم فرسمها XD


وفي نوع من الفن يسمى الفن التمثيلي فقام واحد ومثل دور استاذ من خلال صورة XD الصراحة كان فنان يوم عمل الصورة وحنا ضحك وهذي كانت اول صورة تتناقل بين الطلبة على المستوى نفسه XD بس الأستاذ كان محترم فكانت مثل الدعباة وهو أبنسط علشانها وصارت اسطورة بس على حساب رقبتنا XD

صورة الأستاذ


ان من أسوء اللحظات هي لحظات الإمتحانات النهائية والكل في كآبة الا تدرون ليش ؟ لاني ادرس وال DVD الحفلات شغال وانا ادرس

الصورة XD


في مره من المرات كان علينا امتحان قصير XD وفي نس اليوم كان عيد ميلاد الأستاذ الي راح يمتحنا وفي نفس الوقت هو المدرس حقنا XD فقمنا بسرعة بسرعة شرينا كب كيك صغير من الكفيتيريا وحطينا شموع عليها واول ما دخل على طول غنينا له وسوينه احتفالات على هذه الكعك الصغيرة والكل فرحان XD وكل واحد مشغل تليفونه على نفس الرنه على بالهم ستيريوا XD واخرتها أنلغى الامتحان وعطنا علامات اكاملة بس على كب كيك صغير ويارت هو الي كله XD تدرون من ؟ ْ انا XD كن جوعان

اوكي شباب هذا الي قدت احصرة من خلال الذكريات التي لا تقدر بثمن قلت اشاركم بها ونشوف خبراتكم في مستوى الثانوية وأيش عملتوا XD

Angle

يعطيك العفيه أخوي على الموضوع الحلو، والذكريات الأحلى...

أنا بالنسبه لي أعتبر أشيب منك، وللأسف على أيامي، كان البليب (البيجر) هو المكتسح في الساحه وكانت أيام أول جيل من الموبايلات طالعه.

لكن ما أدري ليش في نظري أيام ثالث ثانويهي من أسوأ أيام الدراسه...أشوف أن أيام الجامعه هي الأحلى خاصةً السنوات الأولى.

عموماً أتوقع انك في سنواتك الأولى في الجامعة فنصيحتي لك is to enjoy it my friend

high school sucks

فديت الكليه بس

برد بعدين الحين عندي كلاس

ايام ثالث ثانوي كنا ندرس في مطبخ مدري حمام:jap005:

لكن فعلا..الاترام الاولى من الحياة الجامعية هي الافضل:jap004:

للاسف الصور الي بجوالي انمسحت . . .

لووول بحاول اجيب لك الصور من جوال صديقي, صوره ملتقطه جماعيه لكل الصف وهو نايم والاستاذ يشرح بلحاله, بالله هذول طلاب 3 ثانوي :D


انا بالنسبة لي كانت 3 ثانوي افضل سنه, ممكن لاني كنت ماخذها عبط واستهترار , نص دفاتري كانت ناقصه خخخخ :31:

اقتباس:

---

المشاركة الأصلية كتبت بواسطة Angel whisper

high school sucks

فديت الكليه بس

---

اقتباس:

---

المشاركة الأصلية كتبت بواسطة القــعـقـاع

لكن فعلا..الاترام الاولى من الحياة الجامعية هي الافضل:jap004:

---

I love it when you people agree with me

it makes the montada a safer place to live in

اقتباس:

---

المشاركة الأصلية كتبت بواسطة smigle

I love it when you people agree with me

it makes the montada a safer place to live in

---

god><

كنت ابقتبس هالردين بالضببببط واقول اني احس نفس الاحساس

بس الحين زاد الرصيد الى اقتباس ثلاث ردرود واقول
me too loves this montada:jap004:
it feels good finding many of my type

تعيش الجامعة تعيشششش..

مذكر من الثانوية الا الكابة وعدم النضوج وغباء التفكير.. ماعندي فيها اي سعادة

الا يمكن سعادة الاستهبال سنة اولى كليه..استهبال بمعناه الحقيقي..اشغب سنه كنت فيها بحياتي

لدرجة مسكوني مشرفات الفصل..قالو لي اعقلي انتي الاولى عالفصل واشغب بنت وتتكلمين واجدXD

صكوني عين انقلبت حياتي هم وكدر في سنة ثانيه وثالث وصرت اكثر البنات كابة في الفصل :blackeye:

وييع يا شينها ايام عز المراهقة :196:

يازين الكلييييييييه..ثقة بالنفس وعالم اخر وصداقات اررروع لانك ناضج..


بس عشان ماكسر بخاطرك:embarasse بقولك بعض الذكريات:

-في سنة اولى كان فصلنا فيه دريشه مرتفعه على الساحة
من زود المشاغبه كنا نركب على الطاولات ونطلع نص اجسامنا من الدريشه ونصرخ ونضحك ونسولف مع الي رايح والي جاي...يالله بزران :blackeye: ..

-كان فيه شله بالفصل وانا وسطهم من يمين ويساري..مسوين عصابة نتكلم واجد ونرسم واجد عالطاولات بالمزيل the correcter ونتبادل الاوراق الي فيها حش بخلق الله ونتبادل حلاو وعلوك الخ (كل هذا وسط الدرس)..


بس الحمدلله ماثر هالشي على مستواي الدراسي وهذا الي كان يقهر المعلمات..يقولون لامي بمجلس الامهات بنتك تقهرنا..مشاغبه وتسرح وتتحرك كثير..واذا جينا نقومها تجاوب سؤال نبي نفشلها تجاوب!!

ههههههههه اخص علي مشالله :D ..

بس لا يغركم..انقلبت الى كومة متجمده بعد هالسنة..مجرد طاقه مراهقه تفجرت وانتهت:vollkomme ..
وصرت ست الستات وعاقله:love:

يمكن الثانوية عند البنات كئابة

بس الثانوية كانت فله :D

طبعا الحين ما صار لي شهرين في الجامعة ... مااشوف فرق كبير لول

omg ..
كأنه في de-ja-vu? اخوي يوم كان في الثانوية كان نفس الشي .. x.x
وكان عنده فرقة و blah blah
ودخلو competition في دبي أظن ..
بس على آخر سنة هد ها الخرابيط ..

أنا المهم أتفق مع معظم إلي ردو :D
حبيت الجامعة أكثر من الثانوية .. لأنه الثانوية كانت ممله لدرججه .. أحلى مافيها الربع وبس ..
أما الدراسة والمدرسة والمدرسات .. >_<!!
هو الصراحة يعني علاقتي مع الجامعة شويه complex
علاقة حب و كره يعني .. على حسب المزاج الكريم :33:

ما أعتقد حتى إنه استوى لي شي في الثانوية يستاهل إني أخزنه في الميموري مالي علشان أقوله ..
المهم مشكور عالموضوع :D

اقتباس:

---

المشاركة الأصلية كتبت بواسطة aoks

يمكن الثانوية عند البنات كئابة

بس الثانوية كانت فله :D

طبعا الحين ما صار لي شهرين في الجامعة ... مااشوف فرق كبير لول

---

الصراحة أيام الثانوية كانت روووووووووعة ، اشتقتلها الصراحة ;)
لكن الى الآن ما ممكن أحكم عالجامعة لأن ما صارلي فيها أكثر من شهرين لكن رأيي في الشهرين ان الجامعة حلوة في الفوضى وكريهة في صعوبة الدراسة :D

والله ايام الدراسه حلوه ^^


انا مدرسين الدين كلهم عندهم أرقام جوالي, وندق على بعض و و . . . والله يذكر استاذ سعد المجدوعي بالخبر o_o اليوم لازم ادق عليه ^_^

كان يجي عندي بالبيت نجلس نسولف انا وهو كم طالب من ربعي . . . ويجلس معنا ابوي مرات


وبعضهم كان معاي بالماسنجر وسوالف وضحك, وفي الصف خخخخ كانوا يسموني " الفيلسوف " و " أبو حسسسسسن " . . . نسبة إلى استاذ الرياضيات " محمد جسن " Long Story, I won't tell

ههههههههه . . . ولا كلش لما استاذ الانجليزي قالي

I won't tell you now, just come to my house and I'll teach you how to do it ;) <-- ايوه نفس الابتسامه غمز لي :jester:

الاستاذ شايب كبيررر , اكبر من ابوي وبرررئ . . . بس الي شبابنا هم المشكلة :196:

يووووه , عيال الصف " يوه يوه يوه وشدعوه خالد واحنا " :jester:

انا ايه زين انت اجلس انتظرني :jap018:



والفله لما جاء السباق الماراثوني على مستوى مدينة الجبيل الصناعية وانا كنت بالكشافة . . . مع المنظمين للدورة . . .

سباق الي بيجي نعطيه عصير, اتذكر مره تخانقنا قدام مدرس إلا انا بعطيه استهبال , كل واحد منا يستعبط على المدرس اخرتها مشى ولا خذ عصير . . . لابوكم لابو الي خلاكم تنظمون الدوره

انا : Mission Accomplished :jap002: خلينا يعصب



ههههه واحلى شئ اليوم المفتوح, طبعا هو ماكان يوم مفتوح , لكن احنا قلبناه يوم مفتوح :jap017:

فجاه يدخل المدرس , ويشوف الطلاب بالزاوية مجتمعين على صحن فول كبير انا جايبه مسويته لي أمي بالبيت, فيه فليل ادمنوا عليه الشباب , والسندويشات الي جبتها . . .

والزاويه الثانيه الشاي والقهوه والبباسي من شباب اخرين, وانواع الماكولات


بس اخرتها طاحت فوق روسنا الاداره سوت لنا زحمه :jap025:



بالفعل كانت ايام جملية :jap035:


على فكره توني اكتشف ان هذي الابتسامات الي استخدمها فوق لاول مره حلوه :jap004: احسها معبره :D

باك

Smigle

اقتباس:

---

يعطيك العفيه أخوي على الموضوع الحلو، والذكريات الأحلى..

---

لا شكر على واجب ونورتنا بوجودك ^^

اقتباس:

---

أنا بالنسبه لي أعتبر أشيب منك،

---

وعييي شيبه XD <<< أسكت احسن لك بعد كم شهر بتصير شيبة اي بدق العشرين T_T

اقتباس:

---

لكن ما أدري ليش في نظري أيام ثالث ثانويهي من أسوأ أيام الدراسه...

---

لا بالعكس انت لو تنظر لها من منظور ثاني جان قلنا اوكي XD بس مهما شفنا وقلبنا في الموضوع تعتبر اللحظات الجميلة التي قضيتها في الثانوية هي الأحلى وهنا يبين كفاح الرغبات والشباب والتعاون طبعا المقالب والجو مصاحب يحلي الموضوع بس يمكن انت ما ماريت بتجربة المقالب XD

اقتباس:

---

أشوف أن أيام الجامعه هي الأحلى خاصةً السنوات الأولى.

---

أيه والله احلى شيء السنة الاولى خاصة اذا كانت تنهيدي عبط على كيفك بس المهم تنجح XD

اقتباس:

---

عموماً أتوقع انك في سنواتك الأولى في الجامعة فنصيحتي لك is to enjoy it my friend

---

انا أنتساب XD وعبطي في منتدى الجامعة ومحد لحد الآن يعرف منو هو Angle of devil XD وعلى فكرة جامعتنا مو مختلط يعني مافي مجال XD

Angel Whisper

اقتباس:

---

high school sucks

---

High school Rock :D

اقتباس:

---

فديت الكليه بس

---

ما ابي اعلق XD

اقتباس:

---

برد بعدين الحين عندي كلاس

---

ما شاء الله الكلاس الى سبع في الليل اي صف هذا XD

القعقاع

اقتباس:

---

ايام ثالث ثانوي كنا ندرس في مطبخ مدري حمام:jap005:

---

الظاهر ممرت بحياة تعيسة XD
الله يعيني اكيد تدعي علي لاني ذكرتك

اقتباس:

---

لكن فعلا..الاترام الاولى من الحياة الجامعية هي الافضل:jap004:

---

ادري ْXD

Mada Mada Dano

اقتباس:

---

للاسف الصور الي بجوالي انمسحت . .

---

للأسف ><

اقتباس:

---

لووول بحاول اجيب لك الصور من جوال صديقي, صوره ملتقطه جماعيه لكل الصف وهو نايم والاستاذ يشرح بلحاله, بالله هذول طلاب 3 ثانوي :D

---

ايه الله يخليك XD حنا عندنا فيديو أستاذ نايم في الحصة وعلينا اختبار بس المشكلة انا اطلع فيه <<< أنفضح لاعععع XD

اقتباس:

---

انا بالنسبة لي كانت 3 ثانوي افضل سنه, ممكن لاني كنت ماخذها عبط واستهترار , نص دفاتري كانت ناقصه خخخخ :31:

---

يا اخي انا سويت حق الأساتذه عقدة كل ما يجمعون الدفاتر اروح قدام عينه واسلمه تالي بخلسة اسحبة ولما يسألني وين دفترك يا انجول ارد عليه ما ادري انا سلمته لك قدام عينك فينحرج الاستاذ ويعطيني علامة كاملة XD

Smigle 2

اقتباس:

---

I love it when you people agree with me

it makes the montada a safer place to live in

---

من هذه الجمليتن ما اقول الا الله يعنيك الظاهر حياتك تعيسة XD

Lena

اقتباس:

---

مذكر من الثانوية الا الكابة وعدم النضوج وغباء التفكير.. ماعندي فيها اي سعادة

---

معدلات النضوج تختلف من واحد الى آخر XD وانا الوحمد لله نضجة في التوجيهي والظاهر اني كبرة بسرعة وانتوا بالبطيئ XD

اقتباس:

---

الا يمكن سعادة الاستهبال سنة اولى كليه..استهبال بمعناه الحقيقي..اشغب سنه كنت فيها بحياتي

---

هيهيه كل من يقول جي اول سنه عبط وشوف تاليها اذا تقدر تعبط من بعدها

اقتباس:

---

لدرجة مسكوني مشرفات الفصل..قالو لي اعقلي انتي الاولى عالفصل واشغب بنت وتتكلمين واجدXD

---

ما شاء الله شطارة وشطانه الله يستر خلاص اخاف منج XD

اقتباس:

---

صكوني عين انقلبت حياتي هم وكدر في سنة ثانيه وثالث وصرت اكثر البنات كابة في الفصل :blackeye:

---

الظاهر كنتي تفكرين بالنضوج XD
:09:

اقتباس:

---

وييع يا شينها ايام عز المراهقة :196:

---

ما قصرنا
its rock XD

اقتباس:

---

يازين الكلييييييييه..ثقة بالنفس وعالم اخر وصداقات اررروع لانك ناضج

---

الحمد لله كنت واثق من نفسي اول ما انولدت XD

اقتباس:

---

بس عشان ماكسر بخاطرك:embarasse بقولك بعض الذكريات:

---

ما شاء الله <<< تمويه

اقتباس:

---

من زود المشاغبه كنا نركب على الطاولات ونطلع نص اجسامنا من الدريشه ونصرخ ونضحك ونسولف مع الي رايح والي جاي...يالله بزران :blackeye:

---

هيهيهيه وايد تستوي عندنا لما امر جدام مدارس البنات نفس الشيء بالضبط XD
:09:

اقتباس:

---

كان فيه شله بالفصل وانا وسطهم من يمين ويساري..مسوين عصابة نتكلم واجد ونرسم واجد عالطاولات بالمزيل the correcter ونتبادل الاوراق الي فيها حش بخلق الله ونتبادل حلاو وعلوك الخ (كل هذا وسط الدرس)..

---

عن الترسم في ترسم على الجدار يعتبر اسطوري XD بس للاسف لا احمل اي صور له XD كان في واحد يلقب بالخيل ورسمنا انسان متحول ولابس دشداشة بس رسمناها بعيد علشان ما يشك ورسمنا سهم ينطلق من الرسمة وينتهي وين يجلس على اساس هو جالس ووراح حيط XD وطول الوقت ظحك عليها وهو ما يعرف السبب وهو عبالة سهم خرطي بس مايعرف شنو هدفةXD

اقتباس:

---

بس لا يغركم..انقلبت الى كومة متجمده بعد هالسنة..مجرد طاقه مراهقه تفجرت وانتهت:vollkomme ..

---

لا انا الحمد لله طول وقت الباور 100% XD

اقتباس:

---

وصرت ست الستات وعاقله:love:

---

ما شاء الله يعني عقلتي ونضجتي XD

AOKS

اقتباس:

---

يمكن الثانوية عند البنات كئابة

بس الثانوية كانت فله :D

طبعا الحين ما صار لي شهرين في الجامعة ... مااشوف فرق كبير لول

---

نعم روك ذا هوس XD
حليف

Rory

اقتباس:

---

كأنه في de-ja-vu? اخوي يوم كان في الثانوية كان نفس الشي .. x.x

---

ما شاء الله يعني كنتي أنثى ال Devil XD

اقتباس:

---

أنا المهم أتفق مع معظم إلي ردو

---

noooooooooo
were does the devil woman go :09:

اقتباس:

---

حبيت الجامعة أكثر من الثانوية .. لأنه الثانوية كانت ممله لدرججه .. أحلى مافيها الربع وبس ..
أما الدراسة والمدرسة والمدرسات .. >_<!!

---

لاااااااا ...... <<< أغمي عليه

اقتباس:

---

هو الصراحة يعني علاقتي مع الجامعة شويه complex
علاقة حب و كره يعني .. على حسب المزاج الكريم :33:

---

هيهيهيه Devil mode
شنو صار هناك XD اوب اوب

اقتباس:

---

ما أعتقد حتى إنه استوى لي شي في الثانوية يستاهل إني أخزنه في الميموري مالي علشان أقوله ..

---

أضيفج الى قأمة التعساءXD

اقتباس:

---

المهم مشكور عالموضوع

---

لا شكر على واجب و اني تايم ^^

رؤول الأسطوري

اقتباس:

---

الصراحة أيام الثانوية كانت روووووووووعة ، اشتقتلها الصراحة
لكن الى الآن ما ممكن أحكم عالجامعة لأن ما صارلي فيها أكثر من شهرين لكن رأيي في الشهرين ان الجامعة حلوة في الفوضى وكريهة في صعوبة الدراسة

---

two to goooo

Mada Mada Dano 2

اقتباس:

---

انا مدرسين الدين كلهم عندهم أرقام جوالي, وندق على بعض و و . . . والله يذكر استاذ سعد المجدوعي بالخبر o_o اليوم لازم ادق عليه ^_^

كان يجي عندي بالبيت نجلس نسولف انا وهو كم طالب من ربعي . . . ويجلس معنا ابوي مرات

---

ما شاء الله نفس الشيء بالإضافة الى مدرسي العربي والصراحة جمعتهم ما تنمل

اقتباس:

---

I won't tell you now, just come to my house and I'll teach you how to do it ;) <-- ايوه نفس الابتسامه غمز لي

---

الله يستر XD

اقتباس:

---

سباق الي بيجي نعطيه عصير, اتذكر مره تخانقنا قدام مدرس إلا انا بعطيه استهبال , كل واحد منا يستعبط على المدرس اخرتها مشى ولا خذ عصير . . . لابوكم لابو الي خلاكم تنظمون الدوره

انا : Mission Accomplished خلينا يعصب

---

هيهيه انت خلك XD حنا الأساذة يعملوا مباريات ولما يطيح او شيء نقعد نعيب عليه وهو ينحرج وتالي يبرد حرته في البيت XD ولا بعد لما يشوت وما يجيبها هنا تبدأ اغاني التهزيئ تشتغل واسمع عاد XD كلام مشفر

اقتباس:

---

على فكره توني اكتشف ان هذي الابتسامات الي استخدمها فوق لاول مره حلوه :jap004: احسها معبره :D

---

الله لا يراويك ابتسامتي وانا طيب XD

وشكر للجميع على ردودهم الراعئة وان شاء الله وفيت كل ذي حق ٍ حقه ^^

السلام عليكم ورحمة الله وبركاته ^.-
*************************

الله !! الله !! الله !!! الله عليك بس له له XD !!!!!!!!!!!!!
والله خوش مراقب XD !!!!!!!!!
خوش قدوة XD !!!!!!!!!!!!!

شكلك حدك من الشياطين بالمدرسة XD
اي طلع فضايحك -^^- >>> احلى شي عندها الفضايح ترى >.> XD
احلى شي انك كتبت كل شي ولا بعد صور مياو -^.^- نيا

اي هذول لصبيان الي اعرفهم -^-^- !!!
لازم احزاب + هواش + مخانق + شطانه كتابة وغيره XD !!


ولا بعد تدرس مع أغاني الRock خوش دراسة صارت XD
واكثر شي جميل منكم يا شلة الDevils انكم سويتو Happy birthday عند استاذكم XD
والله شي حلو :)ويضحك:D ويبجي:02:بنفس الوقت:196: !!!!!!!!!!!!!!


صراحة في شي مو راضي يدش مخي >.> .........
اشلون يرضون اتييبون تليفوناتكم -.-" ؟؟؟؟؟؟؟؟
احنا عندنا ممنوع ومادري اذا عندكم شي عادي :33: نيا .....
يالله ان شاء الله نشوف فضايح اكثر XD

********************

Au revoir -^.-

بصراحة أكثر سنتين بحياتي أخذتهم هبل كانوا الأول ثانوي و الثاني ثانوي ! ( ما عندنا ثالث )
لو بعد لكم مواقف ما بخلص :p ، تصدقوا كل واحد عندنا في الصف كانوا يلقبوه بلقب معين ، و جماعة الرسامين عندنا بالصف مشغولين طول الحصص و هم بيرسموا باقي الطلاب بمواقف مضحكة ، و حتى صاروا يألفوا قصص بعد فترة :p ، تعرفوا شو رسموني ؟
بياع كتب على البسطة !
يعني ببيع الكتب اللي عندي على ، ممم ، أشرح لكم مفهوم البسطة ، يعني ببيعها بالشارع :p
والله أيام تحفة .. خصوصا انه جاني فيها مرض الإدمان ، على النت ، المطالعة ، الفيديو جيمز ، أي شي إلا المذاكرة !
بالرغم من بعض الظروف اللي عكرت علي حياتي بالثانوية ، لكنها أفضل سنوات عشتها ..

قبل كل شي حبيت اشكر صديقي العزيز Angle of devil علي الموضوع الاكثر من رائع .. ;)
*
*

اقتباس:

---

http://www.montada.com/attachment.ph...mentid= 236385

---

*
ياه كم احب هذه الفرقه و تذكرني بذكريات رائعة ايام ثانويه عندما كان يراني المدرس يفعل هكذا :jap028:
هههههههههههههههههه اكثر شغب كان في الثانوية علي مد ثلاث سنوات :jap038:
*

اقتباس:

---

http://www.montada.com/attachment.ph...hmentid=236391

---

*
:ds017: nice very very nice

تصحيح

يوم قلت اشغب سنة هي اولى كليه!! اغلطت هههههههههههXD

امبيه وش زيني في كليه انا قصدت اشغب سنة هي اولى ثانوي!!

يومني صغيرونة ست طعش سنة !! @-@

فشلة اناقز من الدريشة وعمري 19 >.> اولى كلية..

فعلا ايام الثانوية كانت قمة الروعة والنشاط والصداقة

بعكس الجامعة كلها مجاملات وحل وظايف وكتابة بحوث حتى زمالة حقيقية ماغيها الا اللي جايين معك من الثانوية

اقتباس:

---

فشلة اناقز من الدريشة وعمري 19 >.> اولى كلية..

---

>< انا خلصت المدرسة و ما نطيت من الدريشة بحياتي ..
طالب مهذب ما يعرف إلا كرسية و طاولتة
\بس كل الي بالفصل ينطون عداي .

اقتباس:

---

المشاركة الأصلية كتبت بواسطة عبودي

>< انا خلصت المدرسة و ما نطيت من الدريشة بحياتي ..
طالب مهذب ما يعرف إلا كرسية و طاولتة
\بس كل الي بالفصل ينطون عداي .

---

يحركتاااات أنتا :D

هههههههههههه

وش معانا من ذكريات ,,,,
احسن شي ... قصة الكيكة ههههههه ... والله خوش درجات ^^

أوووف من زمان ما شاركت بالمنتدى :11:




معروفة الثانوية هي افضل ايام الدراسة



طبعا 2 و3 هم احسن سنوات الدراسة اللي مرت علي .. محشية ذكريات :D من أول يوم لآخر يوم

اقتباس:

---

المشاركة الأصلية كتبت بواسطة Lena

وييع يا شينها ايام عز المراهقة :196:

يازين الكلييييييييه..ثقة بالنفس وعالم اخر وصداقات اررروع لانك ناضج..

---

صحيح حلو ان الواحد يكون ناضج ويترك حركات المراهقة ... بس المشكلة اذا مالقى احد مثله ولقى ان كل اللي حوله للحين لاصقه فيهم حركات المبزرة الا من رحم ربي ..



كملت ترمين في الجامعة والآن انا بالترم الثالث ... وللحين ماكونت ولا صداقة وحده حقيقية

أغلبها تكون علاقات مصلحة كل واحد يستفيد من الثاني .. أو زمالة على الطاير





هل المشكلة مني أنا :06: ولا الشعبات اللي ادرس معها دايما منحوسة؟؟





افيدوني افادكم الله :D

السلام عليكم ^__^



الله يعطيك العافية أخوي Angel Of Devil على الموضوع الرائع

هههههه سوالفك ضحكتني ،، و زعلتني لأني تذكرت سنين الثانوية > أحلى سنين الدراسة
عيبتني سالفة الكيكة هههههههه ^_^ ،، أما سالفة مقبض الباب قريتها مرتين و أحاول أتخيل المشهد :ds012: ،، ما كنت أتصور أن ممكن أشياء مثل هذي تستوي في المدارس > ما ننلام بنات :o

اقتباس:

---

والفن أحيانا لا يتفجر الا على الطاولات

---

هههههههه سبحان الله ^_^ دايما أقول حق ربيعتي في الجامعة تأملي المواهب اللي تطلع على الطاولات ، ما شاء الله فــــــــن

++

مشكور أخوي مرة ثانية على الموضوع ، أنا ما كنت أحب المدرسة وايد و كنت من الطالبات الهاديات ;) ،، بس حسيتها أرحم عن الكلية اللي أدرس فيها الحين >_< ، حتى بعد تخرجي من الثانوية ،، زرت مدرستي مرتين أسترجع ذكرياتي وأسلم على المعلمات T_T

ايام الثانوية كانت قمة في الصرقعة والوناسة..
المشكلة ما تحس فيها الا لما تروح عنك..
والله ضربت على الوتر الحساس..
اذكر عندنا مدرس اسلامية وكان ريال شايب وكبير..
والله ان الغياب عندنا عشان ياخذه نص ساعة تصوروا..
يعني نص الحصة راحت..والي يزيد الطين بلة كل ما قرا اسم واحد من الطلبة يشاغب..
فيعيده مرتين او ثلاث..
والي يضحك أكثر الشباب يطفرونه..خصوصا بالاصوات عن طريق الموبايل..
ويحطونلك صوت نقار الخشب الي بالرسوم المتحركة..
او يحطونلك اغنية هندية..
واذكر من كثر ما يننوه ..لما خلصت الحصة بدال لا يدش قسم الاسلامية دش قاعة ثانية بالغلط..
واذكر واحد من الشاب قام يدخن بالساعة (الحصة) المدرس ما يدري..
ولما طاح عليه حط الزقارة بجنطته..
والا تدخن علينا..ولا تشوفون الضحك..
ولما يكون عندنا امتحان القسم يحط ويانا ثلاث مراقبين..
لانهم عارفين ان مدرسنا اذا كان بروحه بتصير الحرب العالمية..
وقمة الضحك لما واحد من الشباب الي معانا لما بيسمع السور والآيات جايب برشامه معاه
بدون ما يلاحظه المدرس..
على فكرة المدرس اسمه استاذ علي..
بس الشباب يسمونه الشيخ علي..
وسامحونا على التطويل..
وشكرا..