بشرى سارة لاهل البحرين والمنطقة الشرقية محل يبيع انمي ومانجا اصلية ومجلات

بسم الله الرحمن الرحيم
انا امس رحت البحرين ولقيت محل في مجمع الدانة
مقابل مدخل صالة المطاعم كشك يبيع مانجا اصلية و انمي اصلي و ost وبعض مجلات الانمي حتى انه يبيع شونين جمب و نيو تايب
وبعض الدمى انا شريت منه مانجا KANPAI
وهو كوميدي واكشن واسعاره حلو شوي الفوليوم ب 5 دنانير وبالانترنت 10 دولار
يعني فرق 1 دينار
وبامكانك انك تطلب اي مانجا او انمي ويجيبه لك المحل ولو تتذكرون قبل 9 اشهر دخل واحد وقال وشو المانجا المفضلة وانا تذكرت لما شفت شعار المحل كان نفس الصورة الشخصية للعضو
ويبيع فل ميتل الكميست المانجا والانمي والاغاني ب 25 دينار في صندوق والمحل قمة في الروعة
حتى عنده مانجا بليتش ونارتو وون بيس واشياء كثير تقريبا 150 مانجا عنده
وهذا موقع المحل
http://www.piracyunlimited.com
واللي شرا منه لا يبخل بالردود

يا هلا اخوي المحل ما له فرع في الممكلة العربية السعودية في مدينة الدمام

وهل موجود في هذا المحل

مانجا(dragonballZ,dragonballGT):33:

والانمي حقهم ؟:06:

وكم السعر للمانجا والانمي

واسف شكلي ثقلت عليك

مع تحياتي اخوك حسرن طبل:ciao:

مشكووووووووور أخوي


بس شكلك أنت تقصد في البحرين فقط يبيعونه

اي قصده بالبحرين بس احنا بالخبر نروح البحرين في اي وقت يعني ربع ساعه وواصلين<<اذا كان الجسر فاضي

بس كنت ابي وضح هالنقطه لــfox mox

اقول حسرن طبل من جدك محل مانجا بالسعوديه؟؟!!

مشكورر محمد على الخبريه

اخوي vmsn

انا كنت اسأل ان كان هناك فرع للمحل في الدمام
بس مثل ما قلت كلها ثلث او نصف ساعة او اقل من الدمام الى البحرين

وسلام عليكم

وعلى فكرة حنا بالسعودية

ما يعترفون لا بمانجا ولا بانمي ولا بشي
يا اخي يشوفون الواحد يتابع انمي ويجوك ويقولون ايش لك في هذي الاشياء انت كبرت...الخ
ولو فيه مانجا بيكون مو محل مخصص لها تلاقيها مع كتب الاطفال >>> هيا نرسم وهالخرابيط
ولا بمعترف فيها
حتى بطاقات يوغي لو رحت بتشتري تحس الناس اذا شافوك بيقولون ويش ذي البزارة

شكلي بروح اسكن في اليابان هههههههه

وشكرا اخوي

اقتباس:

---

المشاركة الأصلية كتبت بواسطة حسرن طبل

وعلى فكرة حنا بالسعودية

ما يعترفون لا بمانجا ولا بانمي ولا بشي
يا اخي يشوفون الواحد يتابع انمي ويجوك ويقولون ايش لك في هذي الاشياء انت كبرت...الخ
ولو فيه مانجا بيكون مو محل مخصص لها تلاقيها مع كتب الاطفال >>> هيا نرسم وهالخرابيط
ولا بمعترف فيها
حتى بطاقات يوغي لو رحت بتشتري تحس الناس اذا شافوك بيقولون ويش ذي البزارة

شكلي بروح اسكن في اليابان هههههههه

وشكرا اخوي

---

خخخخخخخخخخ..

هذا أول..والله دحين..اذا شافوا 2 أو 3 يتفرجوا..محد يقدر يفتح فمو..

حتى لو كنت لحالي..خلي واحد يجرب يفتح فمو..

ويشوف كيف يتدعس.. :09:

ومشكور اورو عالخبر..بس احنا مايمدينا..بعيدين مره..

تحياتي..

مبرووووك اخوي فهد على الاسم الجديد ما شاء الله توني امس قايلك تقدر تغيره والحين على طول تغير واعتقد اني انا وريتك المانجا امس ولا لا واخوي حسن وش يفرق البحرين اقرب لنا من الدمام على الاقل تغير جو الدمام تسد النفس الله يخلي الخبر حبيبتنا

اخوي عبد العزيز والله اللي بعيد عنكم المحل حوالي 1500 كلم من جدة للبحرين والعفو لما تجي شرفنا في الخبر

اقتباس:

---

المشاركة الأصلية كتبت بواسطة orochimaru-sama

مبرووووك اخوي فهد على الاسم الجديد ما شاء الله توني امس قايلك تقدر تغيره والحين على طول تغير واعتقد اني انا وريتك المانجا امس ولا لا واخوي حسن وش يفرق البحرين اقرب لنا من الدمام على الاقل تغير جو الدمام تسد النفس الله يخلي الخبر حبيبتنا

اخوي عبد العزيز والله اللي بعيد عنكم المحل حوالي 1500 كلم من جدة للبحرين والعفو لما تجي شرفنا في الخبر

---

أولن..ان شاء الله..هذا اذا جيت الشرقيه ولا البحرين

ثانين..اشدراك اني في جده؟ :09:

تحياتي..

ليش ما تجي ياخوي ولا حنا مب قد المقام >>>>>>>امزح
انا عرفت من لهجتك

الله يبارك فيك الله يخلي لنا كايتو

اي محمد صادق والله ترى بدر مو مصدق حقة فل ميتل

وينك الحين؟؟

بتجي اليوم اكس تايم؟

بس المحل عنده كله اصلي ؟؟ مافي كوبي؟
سلاام

ما قلتلك ان كايتو بيغير اسمك على طول انا الحين في مكتب ابوي كان عنده شغله قلت اروح معاه وما اظن اني بجي اليوم الله يلعن واجب الفيزياء وتو العزيمة عندنا مخلصة والمحل ما فيه الا اصلي بس
بدر ما عليك منه يصدق ولا لا انا قلتله امس اذا مو مصدقنب يروح ويتاكد عاد كنت بروح اليوم لكن ما قدرت
اقول شكل الموضوع بيتقفل قلبناه شات اي نسيت ارسل رقم جوالك برسالة خاصة نسيت اخذه منك امس

اي وش بابو الشنبات كيسامي سحاب الشكرا

صح كلامك

المهم محد جاوب مافيه في الدمام لاان هاليومين مراح اقدر اروح البحرين

اقتباس:

---

المشاركة الأصلية كتبت بواسطة abdulaziz1

خخخخخخخخخخ..

هذا أول..والله دحين..اذا شافوا 2 أو 3 يتفرجوا..محد يقدر يفتح فمو..

حتى لو كنت لحالي..خلي واحد يجرب يفتح فمو..

ويشوف كيف يتدعس.. :09:

ومشكور اورو عالخبر..بس احنا مايمدينا..بعيدين مره..

تحياتي..

---

صح كلامك

المهم محد جاوب مافيه في الدمام لاان هاليومين مراح اقدر اروح البحرين

مشكووور أخوي على الخبر

وزي ما قالوا الشباب البحرين جنمب إذننا كلها ربع أو نصف ساعة ونكون فيها :D

مشكور اخوي بس ماقلت صوب وين بالضبط في الدانة؟

شباب كيف اغير اسمي

حسرن طبل ماهو حلو
ابيه vegeta_dbss

اقتباس:

---

المشاركة الأصلية كتبت بواسطة حسرن طبل

صح كلامك

المهم محد جاوب مافيه في الدمام لاان هاليومين مراح اقدر اروح البحرين

---

أخي العزيز

المحل تبعنا! ^_^
ولا, للأسف مافي له فروع. أصلا هو محل على النت, تشتري منه ويجيلك بالبريد. فمجمع الدانه هو فرع.
وحياكم الله في أي وقت و أي شي تامرون فيه راسلوني على الخاص.

سلام
يا حظي
انا البحرين وانا اعرف عنه من زمان
واشتريت من 12 كتاب مانجا
( طبعا مب مرة وحدة :jester: )
ومن احسن 3 مانجات عندي هي

XXX hole غموض
و
D.N.Angel( المانجا تختلف عن الانمي ب 180 درجة مثلا في المانجا دارك يحب ريكا وليس جدة ريسا)
و
Kodoch كوميدى

قوة عزيزي
تسلم على الخبر
انا بحريني ورحت هل المكان مرة وحدة بس كان جديد
وكانت الاسعار نار :vereymad: انشاء الله في WEEKEND بروح بشوف الاسعار مرة ثانية.
تسلم مرة ثانية...

شكرا على الخبر

اخيرا فتح شي قريب على الاقل

دقيقتين وتوصل البحرين

بس وين هذا مجمع الدانه

انا ما اعرف الا السيف

واقول انتم تروحون اكس تايم

انا كل اسبوع تقريبا اروح

اقتباس:

---

المشاركة الأصلية كتبت بواسطة EliteAr

شكرا على الخبر

اخيرا فتح شي قريب على الاقل

دقيقتين وتوصل البحرين

بس وين هذا مجمع الدانه

انا ما اعرف الا السيف

واقول انتم تروحون اكس تايم

انا كل اسبوع تقريبا اروح

---

اخوي ضيفني على ايميلي وانا اشرحلك وين السيف وانا اروح اكس

هالمحل وايد غالي اشتري من النت احسن لي المنجا الوحده ب 55 ريال اطلب من الانترنت احسن لي!!!! :biggthump

اقتباس:

---

المشاركة الأصلية كتبت بواسطة weiss_girl

هالمحل وايد غالي اشتري من النت احسن لي المنجا الوحده ب 55 ريال اطلب من الانترنت احسن لي!!!! :biggthump

---

لا بالعكس اختي , لو حسبتي كل مستحقات التوصيل مع المانجا راح يطلع تقريبا نفس السعر, بس المشكلة ان المانجا من viz media تكون شوي اغلى لان صار احتكار حسب علمي , وانال مانجا التي يتم انتاجها وتصديرها من قبل Tokypop يكون ارخص بنسبة مقبولة , مثلا المانجا الي شفتيه وقيمته 55 ريال ما يعادل 5 دينار و 500 فيلس هو من viz , وعلى فكرة تر 5 ريالات ما تفرق عندي لان اساس المانجا يكون سعره 40 ريال اذا قلنا انه 9.99$ اذا حسبنا فرق العلمة البحريني ويكون مساوي للعملة السعودية ولا تنسي التوصيل والخ يمكن يصل الى سعر 45 او ما شابه للنسخة المفرده , همممم اذا نستنج ككونها شركة مصدرة لنا يا بني الخليج :09: وخاصة اذا شركة عربية يكون شيء طيب لاني احب افيد من هم في شعبي وعلشان يتطور بشكل كبير الى ان يصل السوق العربي الى مستوى الاسواق العالمية ^^ ويصولنا بالسعر الي حنا نبيه :33:

مع العلم اني اتعامل مع هل المحل من فتره وماشفت غير الخير والحمد لله :)

والمهم هذي نظرتج الخاصة بس حبيت ابين لج هذه النقطة عشان لا تقولون الغرب احسن منا الا العيب منا احنا :D صح ؟

قود لق

الحمد لله انا اشتري من موقع www.rightstuf.com والمنجات رخيصه عندهم ب 7.49$ ;)
وكلما طلبت اكثر الشحن يرخص يعني لوبتقسمه على كل منجا مابيجيب سعر المنجا اللي في هالمحل...

اقتباس:

---

المشاركة الأصلية كتبت بواسطة weiss_girl

الحمد لله انا اشتري من موقع www.rightstuf.com والمنجات رخيصه عندهم ب 7.49$ ;)
وكلما طلبت اكثر الشحن يرخص يعني لوبتقسمه على كل منجا مابيجيب سعر المنجا اللي في هالمحل...

---

هيهيه يتعمد على نوعيى المانجا نفسها :D يعني GTO انا طالبه وسعر الاصلي 10 $ او بالاحرى 9.99$ وهذا مو في يد المحل او الموقع بل في يد الشركة المنتجه , وحتى حنا للكيلو يطلع لنا 30 ريال اذا استخدمنا الفيديكس US Mail ;) يعني حسبيها كم تطلع ,وعلى فكرة ما احب الشيء ينتشر عندنا وهو متوفر فليش ارجع للغرب اذا كان الفرق مابين 5 الى 10 ريال ;) تتفاوت وهذا سعر طبيعي اذا حسبنا مقدار الفائدة التي سوف تدخلها الشركة العربية في حين اني متيقن انها ما تربح شيء الكثير :)

شكراَ آنجل أوف ديفل

كلامك صحيح. منتجات فيز كنا نجيبها من الشركة عادي, مثل شونن جمب وشوجو بيت, بالإضافة لناروتو وونبيس وغيره.
لكن في 2005, توقفوا بسبب إلزام المرخص الياباني الأصلي أن تلتزم فيز بإتفاقية الترخيص معهم واللي تقول انه يتوفر في أمريكا الشمالية فحسب.

لذا, توصلنا بعد نقاش مع شركة صديقة أمريكية بأن نعطيهم طلبنا وهم يطلبونه لنا مع طلبهم ومن ثمَّ يرسلونه لنا. بالطبع طريقة مثل هذي بتكلفنا شوي أكثر لأننا ماعدنا نتعامل مع فيز مباشرة. لكن الحمدلله, قدرنا نخلي الفارق مايتعدى خمسمائة فلس (أو خمسة ريالاات) عن مانجا توكيوبوب والذي هو الأغزر إنتاجاًحالياَ. وطبعاً هذي نتكبده لأننا نبي نكون محل شامل لهواة الأنيمي والمانجا وإن شاء الله ما نرد أحد عن طلب يبيه.
أما بالنسبة للأنيمي فشركة فيز ماعندها إشكال بالنسبة للتعامل معنا ومازلنا نستورد أنيمي فيز مباشرة من عندهم.

على فكرة, إحنا حالياَ نستورد آخر إصدارات الأنيمي والمانجا بحسب أكثريتها شعبيه في أمريكا. لكننا لاحظنا أن الذوق العربي يختلف بقليل عن الأمريكي. فأحيانا نجيب كتب أو ديفيديات مشهورة ونشوف أن الأقل شهرة (المفروض) يلقى إقبال أكثر.
لو كنا نقدر نسوي قائمة "توب تن" للمانجا والأنيمي اللي تنتظرونه بيساعدنا وايد في تلبية طلباتكم بصورة أفضل. وهذي كورة في ملعب المشرفين! :ciao:

ما فى محلات مانجا او شارئط انمى dvd فى مصر
واللى يعرف ياريت يقوللى لانى ما بعرف محلات:02: ؟

والله غريبه ماتدرون أن في محل في الخبر

توقعت أني آخر واحد يدري عن المحل

بس ما دامكم ما تدرون ترى المحل في الخبر

وبالضبط في الحزام الذهبي أسمه الربيعه

أو ألعاب الربيعه وهو لاصق في أسواق المزرعه

وهو ما يبيع ألا من بعد المغرب وعنده أنواع

الأنميات بس ما أدري عنده مانجا ولا لا بس أنه

غالي مرره أو أنه رخيص بس أنا الطفران

الزبده أنشالله تكونوا أستفدوا مني

يا جماعة محل الاخ ريدبيلت الي بالبحرين سيء جدا وفاضي قلبا وقالب بعد الموقف الي صار لي!!!!!!!

الموقف الي اتكلم عنه صار لي شخصيا امس قبل اسبوع بالضبط من الان دخلت موقع برايسي ما ادري شسمه حق الاخ (ريد بلت) وبحثت عن مانجا بيرسيرك اخر الاعداد ووجدت بموقعهم يبعون الجزء الحادي عشر (11) قلت حلو بسوي فاتورة شراء واطبعها علشان احجهم فيها( بسبب المواقف الكثيره الي صارت لي معا هالكشك) وارسلت رساله خاصه للاخ ريد بلت من الموقع هذا ورحت لمنتدى موقعهم طبعا ويش راح تتوقع (!!!!!!!!) تعاملهم مالكم بالطويله حاولت ارسل لريد بلت رساله خاصه طلع قوانين منتداهم ما تسمح ترسل رساله خاصه قبل لا تسوي اربعيين اشتراك (معقوله) , و رحت لمحلهم الي بالبحرين عفوا الكشك اقصد الي حاطيين فيه فلبيينه كل شغلتها تغازل ولا يدرون ويش قاعديين يبعون سألتها عن بيرسيرك ما فهمت قمت تهجئت لها الكلمه ما فهمت وبعدين طلعت الفاتوره لاني مصورها وجايبها قلت لعل ولعسى يطلع عندهم سالفه ويجيبون لي طلبي اخيرا تهاوشت معا الفلبيينه ومشيت وخليتها وانا في بالي سؤال ودي اسئله للاخ ريد بلت


س/ يا ابو الشباب فاتحيين محلكم ليش؟؟؟؟؟؟؟؟؟؟؟؟؟؟؟؟؟؟

*معاني بعض الكلمات كشك = بسطه

اقتباس:

---

المشاركة الأصلية كتبت بواسطة thingslike_life

يا جماعة محل الاخ ريدبيلت الي بالبحرين سيء جدا وفاضي قلبا وقالب بعد الموقف الي صار لي!!!!!!!

*معاني بعض الكلمات كشك = بسطه

---

بل بل بل
شوي شوي عليهم
يا اخ ثينكس ليك لايف
هدي شوي
احنا زين منا حصلنا محل يبيع مانجا في الوطن العربي
و
هم قايلين من قبل انهم ما يقدرون يوظفون وحدة تعرف كل شي عن الانمي والمانجا
و
موضوع 40 رد
هذه موجود في كل المنتديات الي انا مشترك فيها
و
اذا انت قدمت طلب عندهم وكانت طريق شراء بالتلفون
ريد بلت راح يتصلك شخصيا

وبدال عوار الراس
اشتر ببطاقة ماستر او فيزا كارد
او
بطاقة كاش يو او بنك البحرين والكويت

انت مو فاهم الموضوع الشباب قاعدين يبعون سمك في ماء

انا تأكدت من وجود العدد هذا بموقعهم وحجزته بالفاتوره علشان ما يصير لهم حجه يقولون خلص
وبعدين من قال لك اني ما اقدر اشتري بالماستر كارد او الفيزاء بس تخيل من كثر ما اثق في محلهم ولاني شاك فيهم وعارف انهم مو قد الشغله الي قاعدين يسوون ....حبييت اثبت لهم قد ايش هم مهملين والا السالفه ما يبي لها كل هالعناء والتعب اقل شي اذا ما عندهم العدد الي طلبته لا يدعون (بالكذب) ويضيعون وقتي الحمدلله ان فيه بالتلفون والا كان ضاع وقتي وفلوسي والا الحين قاعد اطارد وراء رد بلت والفلبيينيه الي حاطها

معا احترامي لهم ولمحلهم يبي لهم اكثر من الكلام يبي لهم فعل

عزيزي ثنقز لايك لايف

يؤسفني إنزعاجك و يهمني أن تكون راضٍ عنا قدر إستطاعتي, فإن أتحت لي المجال:
المنتجات الموجودة في الموقع عددها يزيد على الخمسة آلاف منتج. قلة من الشركات تحتفظ بهذا القدر من المنتجات.
نحن نولي أهميةً للمنتجات الجديدة لأن هذا ببساطة ما يطلبه الناس. وعلى ذلك, تكون المنتجات القديمة تحت الطلب.
ويكون هذا واضحا في شاشة منتج بيرسرك 11 حيث ترى كلمة: Back Order
إضغط للتأكد
http://www.piracyunlimited.com/produ...pID=6065&cID=3
هذا من ناحية. من ناحيةٍ أخرى, طلبك متوقعٌ وصوله الأسبوع القادم, إي بعد أيامٍ قليلة.
أعذرني عن عدم الرد على رسالتك الشخصية الموجهه لي في هذا المنتدى حيث إني لا أتابع هذا المنتدى بصورة نظامية. و مادخلت اليوم إلا لأنشر موضوعاً في منتدى "البالم".
الإستفسارات المتعلقة بأي طلب يجب أن توجه إلى orders@PiracyUnlimited.com حيث إننا نتابع هذا الحساب يومياً.

أما بالنسبة لتحديد 40 مشاركة في المنتدى قبل إرسال رسائل شخصية, فقد طبقنا ذلك لأن روادنا أصبحوا يتلقون رسائل خاصة من جنرال نيجيري يتوعدهم بالملايين و خرابيط أخرى! :p لذا آثرنا أن تكون الخدمة متاحة لمستخدمٍ أصيل للحماية.

يؤسفني مرةً أخرى عدم رضاك, لكن زرني عندما تستلم الطلب وأتعهد أن أفعل مابوسعي لأرضيك.

خسارة أنه مو في الشرقية >< .. بس معليش كل الناس تروح البحرين و المرة الجاية أمر عليه ^_^

مشكور تسلم لى