الـ DSL ماينفع مع الأون لاين ... جربتها !!

الـ DSL ماينفع مع الأون لاين ...وهذي الحقيقة ...

الدي اس ال عندنا في السعودية ماينفع مع الأون لاين في شريط الكورة ( PES 5 )
ينفع شوي مع بعض الألعاب مثل ( Call of duty و العاب اخرى ) بس مع الكورة ماينفع ...

لأن سرعتنا في الدي اس ال اكثر شي 256 ... والمطلوب للعب الممتاز .. 1ميقا او 512 اقل شي ...

لعبت ( PES 4 ) مع ناس في الانترنت وتبهذلت وغيرت اشتراكي حق الأنترنت ونفس الشي ...
جربت شركات كثيرة مثل سعودي نت وغيرها علشان اثبت كلامي .... ونفس الشي علما
ان سرعة التحميل عندي 30 واتصالي 256 . ممتاز !!

المشكله ان اللعب (( ما يصير فيه تقطيع )) بس اللعب يكون متأخر ( في ثانيتين ) ..
يعني اللعب يصير صعب شوي بالنسبه لك ومتأخر قليلا ...



ملاحظه (( موضوعي هذا يخص الـ PES 4 حق جهاز الـ PC ... و PES 5 هو الأصدار جديد له ))


وسؤالي : هل في احد في السعودية جرب يلعب الـ PES 4 ولا PES 5 على البلاي ستشن 2 اون لاين ؟؟
وكيف كان اللعب ؟؟ وماهي سرعة اتصالك ؟؟ وماهي المشاكل ؟؟ وماهي اللعبه الي متوفرة ؟؟

لأن لو ماكن في مشاكل كان اليوم انشالله أشتري قطعه النتورك الخاصه بالبلاي ستيشن 2 وشريط اصلي كورة

السلام عليكم

وانا نفسك اخوي حاولت ادخل اون لاين وما قدرت لين الحين عجزت ويطلعلي الكونكتشن ايرور

وانا عندي DSL

ملاحضه (انا عندي البلاي استيشن 2 الصغير)

ارجو مساعده الخبراء في هذا

وشكراً...:ciao:

هناك مشكلة بدت في رمضان الماضي...

الاب لود ضعيف جداً وهذا سبب المشكلة التي تحدث لك يا زعيم الكورة "يعني الي يلعب بالبي سي او الاكس بوكس او بالبلاي2"سيعاني من مشاكل كثيره بسبب ضعف الاب لود،،،عموماً المشكلة ستحل في القريب العاجل "افتتاح الكيبل البحري الرابع+زيادة الباندويث"،

وبخصوص السرعات حسبما اعلنت شركة الاتصالات بأن 512 ستقدم في الربع الاول من عام 2006 و1 ميجا في النهاية 2006..

السلام عليكم اناعندي السرعه 2ميجابايت يعني لما اعمل داونلود لفايل تكون السرعه مابين 250ميجابايت وفوق

ولكن لازلت اعاني جدا من البطء في لعبة PES5

اقتباس:

---

المشاركة الأصلية كتبت بواسطة ثاني

السلام عليكم اناعندي السرعه 2ميجابايت يعني لما اعمل داونلود لفايل تكون السرعه مابين 250ميجابايت وفوق

ولكن لازلت اعاني جدا من البطء في لعبة PES5

---

الأب لود لازم يصير قويييي !!



بالنسبه للرد الأخير حطمني جدا :( سرعتك 2 ميجا واللعب بطيئ :(

طيب ممكن تقول لي انت اشتاركك DSL ولا أنترنت ستلايت اتجاه واحد ؟؟
لأن الأنترنت ستلايت اتجاه واحد ضعيف الأب لود فيه ,,, لأنه يستخدم التليفون العادي في عمليه الأرسال

الاجوا التوضيح على اشتراكك وشكرا لك

اقتباس:

---

المشاركة الأصلية كتبت بواسطة DSL

الأب لود لازم يصير قويييي !!



بالنسبه للرد الأخير حطمني جدا :( سرعتك 2 ميجا واللعب بطيئ :(

طيب ممكن تقول لي انت اشتاركك DSL ولا أنترنت ستلايت اتجاه واحد ؟؟
لأن الأنترنت ستلايت اتجاه واحد ضعيف الأب لود فيه ,,, لأنه يستخدم التليفون العادي في عمليه الأرسال

الاجوا التوضيح على اشتراكك وشكرا لك

---

اولا انا من الامارات واشتراكي هو DSL وليس أنترنت ستلايت وبصراحه هذا النوع ماسمعت

فيه بالامارات المهم خلني ازيدك من الشعر بيت طبعا انته لما تلعب اون لاين وتفتح روم خاص

فيك يكون فيه اسهم تعني السرعه ف

الاسهم الحمراء تعني سرعه ضعيفه

الاسهم الصفراء سرعه متوسطه

الاسهم الخضراء يعني سريعه . . اوكي

انا بعض الاحيان اسهمي تكون حمرا واوقات مافي اسهم بالمره لكن اذا لعبت مع واحد من

الامارات تكون خضر او صفر اما اللي من الخارج اوربا اوغير فمستحيل تتعدى الاحمر

ومره لقيت واحد من انجلترا واسهمه كانوا صفر بالون الاصفر متوسط السرعه سألته

قتله انت كم سرعة اتصالك قال فوق 3ام بي تصور 3ام بي واصفر يعني انا كم اريد عشان

اوصل الاسهم الخضر يمكن في 3006 ميلادي الله اعلم

اسف طولت بالكلام اتمنى اني افدتكم ولو بشي .

اقتباس:

---

المشاركة الأصلية كتبت بواسطة ثاني

اولا انا من الامارات واشتراكي هو DSL وليس أنترنت ستلايت وبصراحه هذا النوع ماسمعت

فيه بالامارات المهم خلني ازيدك من الشعر بيت طبعا انته لما تلعب اون لاين وتفتح روم خاص

فيك يكون فيه اسهم تعني السرعه ف

الاسهم الحمراء تعني سرعه ضعيفه

الاسهم الصفراء سرعه متوسطه

الاسهم الخضراء يعني سريعه . . اوكي

انا بعض الاحيان اسهمي تكون حمرا واوقات مافي اسهم بالمره لكن اذا لعبت مع واحد من

الامارات تكون خضر او صفر اما اللي من الخارج اوربا اوغير فمستحيل تتعدى الاحمر

ومره لقيت واحد من انجلترا واسهمه كانوا صفر بالون الاصفر متوسط السرعه سألته

قتله انت كم سرعة اتصالك قال فوق 3ام بي تصور 3ام بي واصفر يعني انا كم اريد عشان

اوصل الاسهم الخضر يمكن في 3006 ميلادي الله اعلم

اسف طولت بالكلام اتمنى اني افدتكم ولو بشي .

---

الله يعطيك العافية ...
معليش بزعجك شوي ...

طيب هل لو العب معك وسرعتي 512 وانت في الامارات يعني قريب هل يصير اللعب بطيئ ؟؟
وهل اللعبين كثيرين في النيتوورك خاصة العرب في (( الدول العربية )) لأن خلاص شلت الفكرة اني اللعب
مع الغرب بذي السرعه سرعه 512 ... وشكرا ...

ممكن تضيفني في الماسنجر ؟
هذا ايميلي khaled_ksa20@hotmail.com

اخواني اللعب بطيء بسبب المسافة بين اللاعبين اللي تسمى بال Ping

فلو واحد من الامارات لعب مع واحد ثاني من الامارات والاثنين سرعتهم 256 , راح تشوفون اللعب حلو

أما عن الأخ اللي عنده سرعه 256 , فان اتصالك هو 256/64 يعني سرعة الابلود عندك 64 (شعيفة شوي) فانت ما تصلح تصير هوست ويمكن تحصل تقطيع في اللعب

والأخ اللي عنده سرعه 2 ميجا , مشكلتك في الPing , واذا انت تستعمل Router لازم تفتح البورت اللي تستعمله حق تلعب اونلاين

والله يا شباب المشكلة عندي
اول عندي دي اس ال 256 واللعب اون لاين بايق اوف امباير ويعطيني اني لاق"تأخير ثانيتين" .
شلته واشتركت في اروبت بسرعة 256 وركبو لي دشين استقبال وارسال والمشكلة نفسها يعطني ان عندي تأخير وسألت خدمات العملاء قالوا عندنا الاشارة ضعيفة.
يعني مافيه حل ؟؟
صراحة مليت من الطرد :ciao: :mad22:

انا من البحرين وعندي بلايستيشن 2 صغير وعندي winnig eleven 9 وعندي انترنت ، اقدر العب مع واحد ثاني من نفس المنطقة ولا شلون ، انا من لمحرق مثلاً ورفيجي من لمحرق ابي العب وياه اقدر او لا ؟ انا سألت قالوا لي اشتراك بفلوس مع konami والله اعلم .

ليس الحل هو الإشتراك

لو كان عندك إتصال 5 ميجا ستعاني من البطئ لأنك خارج أوربا بكل بساطة


الشيء الذي علينا فعله هو إختيار سيرفير و اللعب فيه نحن العرب و ترك الأوربيون

أنا عندي إتصال ليس سريع بل هو 256 و أنا في البحرين لعبت مع واحد من الإمارات كان اللعبب ممتااااز لكن إذا ألعب مع واحد أجنبي يكون الشوط الأول ممتاز لكن الثاني يكون متقطع و لا تعرف وين الكورة و خسرت في حدود ال 17 خسارة بسبب هذا التقطيع


علينا التجمع في أحد السيرفرات ( لا يستخدمه الأجانب)

اللعب اون لاين يعتمد بدرجه كبيره على الاب لود وهذي نقطه مهمه

اقتباس:

---

المشاركة الأصلية كتبت بواسطة 800

اللعب اون لاين يعتمد بدرجه كبيره على الاب لود وهذي نقطه مهمه

---

كيف نزيد سرعة الاب لود
جربنا كل الطرق ولا نفعن.

اقتباس:

---

المشاركة الأصلية كتبت بواسطة MOJ

كيف نزيد سرعة الاب لود
جربنا كل الطرق ولا نفعن.

---

ما يصير تزيد سرعة الابلود , هذي شي من شركة الانترنت, الحل انك تزيد اشتراكك

مثلا عندنا في البحرين

256/64
512/128

256 كب معاها 64كب ابلود
512 كب معاها 128كب ابلود

وتمشي ان شاء الله صح.
:ciao:

انا من السعودية ومن مكة سرعة اتصالي 256 كيلوبت من شركة اول نت ...

لعبت ب برو ايفلوشن سوكر 5 على الاون لاين بالـ PS2 .. صحيح الشوط الأول تقطيع ولاق ... لكن الشوط الثاني 100% كأنك تلعب مع الكمبيوتر ..

طبعاً هذا وانا لعبت مع ناس من اوربا ( ايصاليا وانجلترا والمانيا ) يعني لو لعبت مع واحد قريب من السعودية راح يطلع اللعب احلى .

مافيه فايدة ياشباب
زدت السرعة في اشتراكي الفضائي الى 512/512 رايح جاي
بس المشكلة هيا هيا
لازم سيفر يجمع العرب مع بعضهم البعض.

مافي لاق ابدا بين ابناء الخليج وحاليا يوجد دوري عربي كبير تعدى اعظاءة ال 30 حتى الان ومازال التسجيل به مفتوح والذي لديه اشتراك 256 دي اس ال والبنج دايم يكون اخضر بين الكويت والبحرين والامارات وبالسعوديه على حسب الشركه المستخدمه هناك شركات تكون البنج احمر مع دول الخليج .

انا الحين اشتراكي 256 سعودي نت ...
والعب اون لاين بشريط (( بروافيلوشن سوكر 5 )) على جهاز البي سي ....

اذا كنت العب مع واحد داخل السعوديه ... ماتصادفني اي مشكله اما اذا لعبت مع اي احد خارج السعودية اصادف مشاكل بطئ !!