-
تفكر وتأمل في صحن الكيمه
بسم الله والصلاة والسلام على رسول الله صلى الله عليه وسلم
كيف الحال جميعاً، Finally I am in the mood of writing something
---------------------
الحياه
سيناريوهات
مواقف
سرحت فيها
سألت نفسي
أبي أسألكم
رجاء
لا تبخلوا بالأجابه
-مقدمه-
حوار بين زوج و زوجته راجعين من عرس
سنة 1970
الزوج: والله ما قصر بو حمدان، خوش عرس، الذباح والطباخ والعرظه ما عليهم كلام.
الزوجه: والله ما قصرت أم حمدان،خوش عرس الذباح والطباخ والفرقه والنقوط ما عليهم كلام.
سنة 1980
الزوج: والله ما قصر بو حمدان، خوش عرس، الذباح والطباخ والعرظه ما عليهم كلام.
الزوجه: والله ما قصرت أم حمدان،خوش عرس الذباح والطباخ والفرقه والمسرح
والنقوط ما عليهم كلام.
سنة 1990
الزوج: والله ما قصر بو حمدان، خوش عرس، الذباح والطباخ والعرظه ما عليهم كلام.
الزوجه: والله ما قصرت أم حمدان،خوش عرس الذباح والطباخ والفندق والقاعه والبوفيه والفرقه و المسرح وفستان العروس والنقوط ما عليهم كلام.
سنة 2000
الزوج: والله ما قصر بو حمدان، خوش عرس، الذباح والطباخ والعرظه ما عليهم كلام.
الزوجه: والله ما قصرت أم حمدان،خوش عرس الذباح والطباخ والفندق والقاعه والبوفيه والطاولات والتوزيعات والفرقه و المسرح والأضائه وفستان العروس وفساتين خوات العروس والدي جي والنقوط بالدولارات ما عليهم كلام.
س- ماذا بعد؟
------------
من سنه فاتت (أدري قديمه، بس توني طاري علي اكتب عن السالفه)، وفي أحد الأيام اللي كنت مكتئب (لاحظوا همزه بعد التاء مش تاء بعد التاء) فيها وحاس اني قاعد أعيش أوطى مرحله من مراحل عمري، وحاس أني أكثر الناس بؤساً على وجه الخليقه، رحت أتريق "يعني أفطر" في المطعم الهندي اللي عدال بيتنا (شسوي خدامتنا "يعني بشكارتنا" كانت مسافره)
قعدت وسط الهنود وأصوات الجر جر و صوت الملعقه من وراء المطبخ وهي تخفق البيض يملئ أرجاء المطعم، طلبت ما تراه بالأسفل عزيزي القارئ
http://i5.photobucket.com/albums/y18...tada/Keema.jpg
صحن كيما وكوب شاي كرك...
وأنا في خضم البلع والرشف وفي اوج الأحساس بالأحباط، تلفت حولي وسرحت وفي وجوه الـ:jap030: ـود وأستغربت، أشلون وهم هنود ومتغربين من بلادهم وشغالين أتعس الشغلات (لا وحاطين دهن في شعرهم وياكلون تمبل) بس بعد مع هذا الكل مبتسم ويضحك، وأنا المواطن الموظف المرتاح عابس.
س- السعاده؟...........وليدة الرضى؟
-------------------
2003
سميجل: يماه، تخرجت :D ...
أم سميجل: عفيه على الشاطر
سميجل: الحين عاد شبتسوين لي؟
أم سميجل: ذبيحه...أعزم ربعك وتعشوا في الميلس وكان سعيكم مشكورا.
2005
سميجل: يماه، شالسالفه أش صاير في الحوش ...؟
أم سميجل: شو.....مافي شي ؟
سميجل: وأنا داخل في الحوش شفت
http://i5.photobucket.com/albums/y18...it/toobles.jpg
و
http://i5.photobucket.com/albums/y18...pirit/tent.jpg
و
http://i5.photobucket.com/albums/y18...it/balloon.jpg
و
http://i5.photobucket.com/albums/y18...irit/caars.jpg
أم سميجل: أيـــــــــــــــــه...هذي حفلة تخرج بنت خالك.
سميجل :blackeye: ...
س- إلى أين؟
-------------------------------
في نهاية الموضوع، وصف للوضع الحالي في غرفتي...
أحلى شي بعد الرجعه من احج
Is that your room turns into a chocolate heaven
and I am totally drown in the baskets
http://i5.photobucket.com/albums/y18...t/chocolll.jpg
OMG
it is even under my bed
just like my favourite dreams
http://i5.photobucket.com/albums/y18...irit/choko.jpg
وكل عام ونحن من الشاكرين
-
مشاركة: تفكر وتأمل في صحن الكيمه
اخيرا سميجل كتب موضوع
وزي العاده مافي صور للسعودين -___- والله مساكين احنا
ياخي موقفك الي ذكرته بالمطعم الهندي .. والله اثر فيني كثير جلست اتخيل المشهد والمنظر ..
مع انه ممكن الواحد ياخذه على انه موقف بسيط وعادي .. سبحان الله صحيح السعاده غير الي نفهمها ..
يعطيك الف عافيه وحمل الصور على موقع ثاني اذا مافيه كلافه
-
مشاركة: تفكر وتأمل في صحن الكيمه
ياسلام عليك هذا الأكل ولا بلاش :09:
السعادة وما أدراك مالسعادة ,, في ناس عندها كل شي و مكتئب وناس ماعندها شي و تحس بالسعادة
الحمدالله على كل حال :)
هذا كله حقك؟؟
وكناديركم مب شي :p
-
مشاركة: تفكر وتأمل في صحن الكيمه
اقتباس:
الحياه
سيناريوهات
مواقف
سرحت فيها
الحياه
سيناريوهات
مواقف
تسرح فيها
ثم تصدم في جدار العزل العنصري..قصدي جدار مدينة الملك عبدالعزيز.. و خصوصا ان مواضيعك كلها صور..
"مكتئب و ليس مكتتب" ...خخخخخ
لا تخاف ما في بالنا اكتتابات ذا الوقت ^^_
-
مشاركة: تفكر وتأمل في صحن الكيمه
حياك عزيزي سميقل .. :D
ايه واخيراً كتب سميقل موضوع :)
السعادة لها ألف قناع ( زائف ) .. والطريق لها معروف لدينا نحن المسلمين ولكن مافيه هِـمه وتضحيه
http://i5.photobucket.com/albums/y18...t/chocolll.jpg
وماشاء الله .. :bigeyes:
http://i5.photobucket.com/albums/y18...irit/caars.jpg
:bigeyes: .. باقي شوي ويصير حوشكم كرنيفال :D
ويا ناس .. عجزنا نقول ونعيد ونزيد .. بي إتش بروكسي للي يبي يشوف الموضوع كامل مع الصور
متشكرين سميقل :biggthump
-
مشاركة: تفكر وتأمل في صحن الكيمه
اقتباس:
المشاركة الأصلية كتبت بواسطة Master ArNab
حياك عزيزي سميقل .. :D
الله يحييك، والله اني كنت توني أفكر فيك وأقول وين مستر خر?وش يجي ويشوف النيله اللي أنا متنيل فيها
اقتباس:
المشاركة الأصلية كتبت بواسطة Master ArNab
ويا ناس .. عجزنا نقول ونعيد ونزيد ..
بي إتش بروكسي للي يبي يشوف الموضوع كامل مع الصور
متشكرين سميقل :biggthump
Man I have always said that there is a use of the IT nerds
-
مشاركة: تفكر وتأمل في صحن الكيمه
ياحبيبي يا سميجل>< من إسم موضوعك عورني بطني:02:
ما أقدر أستحمل كيما وكرك من الصبح؛.؛
بس طرحك للموقف يخلي الواحد فعلا يفكر..
المووهم..ههههههههههه حفلة تخرج بنت خالك XD والله حاس فيكXD
& about your chocolate heaven....
It is a heaven>< I love those baskets full of chocolates :3
تتهنا فيهم وعلى طاري أول أول الموضوع..ما ناوي تعرس إن شاء الله.__.
-
مشاركة: تفكر وتأمل في صحن الكيمه
لالالا مراح اقرا الموضوع ولا الردود إلا لمن تطلع الصور;-;
-
مشاركة: تفكر وتأمل في صحن الكيمه
Howdy ^ـــــــــــــــــ^
أخيرن موضوع محتاج فصفصة :D
=-=-=--=-=-=-=-=-=-=-=-=-=-=
أول شي أختي الصغيرة تسأل :
http://chronoli.jeeran.com/lookin.jpg
وشو كيمه O.O
=-=-=-=-=-=-=-=-=-=--=-=
اقتباس:
سنة 2000
الزوج: والله ما قصر بو حمدان، خوش عرس، الذباح والطباخ والعرظه ما عليهم كلام.
الزوجه: والله ما قصرت أم حمدان،خوش عرس الذباح والطباخ والفندق والقاعه والبوفيه والطاولات والتوزيعات والفرقه و المسرح والأضائه وفستان العروس وفساتين خوات العروس والدي جي والنقوط بالدولارات ما عليهم كلام.
س- ماذا بعد؟
ضحايا المظاهر ، ضحايا المجتمع و نظراته ولمزاته الجارحة ...
هي بطريقة أو أخرى ، محاولة للقول "احنا منيح و عال العال" أو "يا حظنا ما في مثلنا"
و للأسف ، في الطريق لكل ما ذكرت ، قد "ندعس" بلا قصد على "ليلة العمر " و تصير "متى نفتك منها ليلة"
=-=-=-=-=-=-=-=-=-=-=-=-=
اقتباس:
وأنا في خضم البلع والرشف وفي اوج الأحساس بالأحباط، تلفت حولي وسرحت وفي وجوه الـ
http://meandyou.weblogs.us/1/index.p...a%2Swnc030.tvs ـود وأستغربت، أشلون وهم هنود ومتغربين من بلادهم وشغالين أتعس الشغلات (لا وحاطين دهن في شعرهم وياكلون تمبل) بس بعد مع هذا الكل مبتسم ويضحك، وأنا المواطن الموظف المرتاح عابس.
س- السعاده؟...........وليدة الرضى؟
الرضى بالواقع مع محاولة تغييره او جعله أفضل O.o
وقد تكون تعاسة البعض هي لذة ماسوشية يأخذها من التعاسة لا أكثر O.o
لنقل "رومانسية زايدة حبتين"
=-=-=-=-=-=-=-=-=-=-=-=-=-=-
مرتن من المراريت و أنا صغير سألت عمي : ليش أدلعون البنات و تاطون على بطوننا O.o
ابتسم عمي بنظرة اشفاق و أجاب : بكرة تفهم :)
كبرت و فهمت للأسف ، و صرت أوقف مع أختي ضد أهلي و أخواني في كثير من المواقف ...
"على الانسان أن يتعلم أن يعيش بلا أشعة شمس"
=-=-=-=-=-=-=-=-=-=-=-=-
تاكلهوووون بالعافيه و تتهنا بيهم ^ــــــــــــــ^
واذا بقا شي لا تنسانا ياخي >.>
-
مشاركة: تفكر وتأمل في صحن الكيمه
1- دولارات ذهب لو سمحت!
2- ذكريتني بشي كنت اتكلم عنه ويا اخويه ..
يعني ناسنا رواتبهم على الاقل 5000 .. وما تكفيهم .. وهالاسيويين 800 وتكفيهم هم واهلهم ..
من ناحيه يعرفون يتصرفون بالفلوس .. ويعرفون يستانسون فيها مهما كانت قليلة ..
راضين بحالهم وقنوعين
عندنا الواحد لو ياخذله ألوف ما يرضى وما يعيبه ..
3- ولو تسأل ليش يستوي مثل هالشي .. بيقولولك ان الدنيا تتغير!
4- مابا غير صينية وحده .. والله (&)
-
مشاركة: تفكر وتأمل في صحن الكيمه
السلام على الجميع
شكرا لكل الردود وآسف على الرد المتأخر...بس مثل ما أنتوا شايفين الساعه عندي 11:57 يعني 12 وتوني راجع البيت ودااااااااااااااااااااايخ حدي. طول اليوم مشاوير وبلاوي
عموما ارد عليكم في وقت ثاني
وبالنسبه للي ما طلعت عندهم الصور...هذا رابط الأخ ماستر أرنب، ارجوكم قولولي إذا كان الرابط ما يعمل
اقتباس:
المشاركة الأصلية كتبت بواسطة Master ArNab
وتصبحون على خير
-
مشاركة: تفكر وتأمل في صحن الكيمه
هههههه يخرب عئلك ضحتني :D
اقتباس:
قعدت وسط الهنود وأصوات الجر جر
جرجر بعمري ما فكرت اكتبها :p
بعدين شو هالأكل الكيمة كأنه فول قلابه :31:
ممكن تخبرنا عن مكوناتها؟
اقتباس:
أم سميجل: أيـــــــــــــــــه...هذي حفلة تخرج بنت خالك.
هههههههههه
بس ماشاء هذا حوش البيت صدق ولا مدينة ألعاب :06:
موضوع طريف وخيف يعطيك العافية خيو ^__^
-
مشاركة: تفكر وتأمل في صحن الكيمه
مشكوووووووووووووووووووووور
-
مشاركة: تفكر وتأمل في صحن الكيمه
نظن أن ..كل مابذلنا كل ماعتقد الناس ان فرحتنا وسعادتنا اكبر!والعكس صحيح,صار الهم الناس ومنافستهم..
والناس مايشاركون الفرحة الناس يتفرجون ..يمدحون ويذمون..
-
مشاركة: تفكر وتأمل في صحن الكيمه
السلام عليكم ,,
بالنسبه لحفلات الزواج .. اعتقد الأمر بدأ يتطوّر بنقل العدوى في الوقت الحالي ...
--
الحين سنه كاملة ومتذكر هاللحظة الكئيبة .. المفروض الواحد على الأقل ينساها او حتى يتناساها >_<
والله يعينك . بس ماقلتلي : الخبز اللي كان معك وشو بالضبط ووش تسمونه .. شكلة حليو :D
--
مادري انتم قالبين بيتكم ذاك اليوم ملاهي (&) ..
والحمدلله عالسلامة وحج مقبول بإذن الله ..
الموهوب ,,,
-
مشاركة: تفكر وتأمل في صحن الكيمه
ماشاء الله :bigeyes:
أنا توقعت اني برجع للموضوع وألقاه منسي، بس شي حلو انه مازال على قيد الحياه.
ملاحظه مهمه
بالمناسبة، أنا حاب أرد على كل التساؤلات اللي وردتني من أعزائنا القراء من المملكه العربيه السعوديه، بخصوص طبق الكيما، اللذي لايعرفون ماهو وما إذا كان يمت بصلة قرابه للتميس، أ, رز المندي؟
الكيما هي أكله "هنديه" عباره عن صالونه، مكوناتها الرئيسيه هي اللحم المفروم والبازلاء، ولا ننسى الدهن. أنتقلت إلينا من الهنود خلال فترة الغزو الهندي لمنطقة الخليج العربي, والتي لاتزال مستمره ليومنا هذا، أكثر الدول المتضرره ليومنا هذا هي قطر والأمارات، وهذا ما يعلل معرفة الأعضاء القطريين والأماراتيين بهذه الأكله.
ردود على مشاركات مظلومه صار لها ايام ما رديت عليها
----------------
اقتباس:
المشاركة الأصلية كتبت بواسطة ODIN
ياخي موقفك الي ذكرته بالمطعم الهندي .. والله اثر فيني كثير جلست اتخيل المشهد والمنظر ..
مع انه ممكن الواحد ياخذه على انه موقف بسيط وعادي .. سبحان الله صحيح السعاده غير الي نفهمها ..
ياهلا بالـinterior Destroyer كيف حالك بدر.
هو الموقف عادي، وممكن أن الشخص ما يتأمل فيه وهو فيه، لكن سبحان الله، في لحظة تأمل تحس كأنك فتحت عيونك على شي قدامك لكنك ما كنت تشوف.
ومثل ما قلت لكم قبل، في نظري السعاده هي وليدة الرضى، يعني الفرق الوحيد بيني وبين هالهنود هو اني ماكنت راضي على حالي، وهم كانوا العكس، وهذا هو اللي والد الـ:31: عندي و الـ:D عندهم.
-----------
:bigeyes: دي جي بوي... ماشاء الله يافرحتي يافرحتي، أنت نورت صفحتي، وحمرت خشتي :ee2: .
أحلى شي قلته هو:
اقتباس:
المشاركة الأصلية كتبت بواسطة dj_bo0oy
وأخيس شي قلته
اقتباس:
المشاركة الأصلية كتبت بواسطة dj_bo0oy
والله هي حلوه حلوه، سواء عايبتنك ولا مب عايبتنك.
وهيه، أنا لي كل السلال...ياعلك السلال>>>>>>>man I am starting to sound like mom
خخخخخ j/k .........it just came into my mind and I wanted to say it
------------------
حبة القعاقع...
حطينالك الوصلة، وما رديت إذا كانت شغاله ولا لأ...
كيفك
-----------------
وصلنا إمارة العصافير
اقتباس:
المشاركة الأصلية كتبت بواسطة asf4ever
ياحبيبي يا سميجل>< من إسم موضوعك عورني بطني:02:
ما أقدر أستحمل كيما وكرك من الصبح؛.؛
ولا تنسى خبز
ال?باتی .....
اقتباس:
المشاركة الأصلية كتبت بواسطة asf4ever
طاري أول أول الموضوع..ما ناوي تعرس إن شاء الله.__.
http://i5.photobucket.com/albums/y18...pirit/ffrf.jpg
----------------
أعتذر لعدم استطاعتي الرد على البقیه بسبب ضیق الوقت.
بقوم أبرز شنطتي علشان مسافر الأمارات...
بنشوف شركتهم هذي النتحده أشلون، احسن من القطريه ولا لأ...ولو اني أشك
-
مشاركة: تفكر وتأمل في صحن الكيمه
سلااااام
ايييه كذا الواحد يقدر يقرا ويستانس بالموضوع@-@...! والله فرق...Pics RLY make difference
والموضوع بشكل عام حيل عجبني لدرجة قريته كذا مرة ولا حسيت بزهق ..طرحك رائع والنقاط الي تأمت فيها أروع..مشاء الله عليك..
وعلى فكرة خليت بنات الخال يطلون عليه وقعدنا نقرا ونحش مع بعض(6)
وعلى قولة كرونو "اخيرا موضوع يحتاج فصفصة" !!XD
================================
الزواجات:
آآآآآآآخ من هالموضوع..ياليته بالزواجات بس ياسميقل ..والله ذا المظاهر ذبحتنا في كل شي..
والله زهق..وللأسف لازم نندرج تحتها عشان نندمج بالمتجمع.!!
اف لو اعد الفلوس الي اصرفها على ملابسي وخرابيطي قسم اجيب مهر زواج فيها..والله انقرف من هالموضوع..
زمن المظاهر..زمن الحكم على المظاهر..مستواك ورقيك ينحكم بمظهرك..بسيارتك بلبسك ببيتك بحفلاتك..
صرنا نصرف الفلوس على الاشياء غير المفيدة اكثرمن الاشياء المفيدة..
انا ماعندي خبرات اجتماعية عشان اعرف وش الحل للأمور ذي..الموضوع اكبر مني واني اقدر اوقفه..
وفعلا ماعرف الى وين بيوصل الحد.
لكن الي اقدر اسويه اني بشيل مسؤولية نفسي بلأمر ذا..مافيه عرس كبير وفخفخة ومظاهر!!
والله اشوف كم صرفنا على عرس اخوي عشران الألوف..ليه؟؟
ليه هالفلوس مامسكناها ورفهنا فيها نفسنا سافرنا ولا جينا؟؟
ليه راحت بليلة وحدة..والله قهر..بس كنا مجبورين لانه عرس اخوي وسوو اهل البنت عرس كبير..
فأنا عن نفسي بريح اهلي والناس وبكفيهم ذا المصاريف وبسوي حفلة بسيطة انا واهلي وبس..
وعشرات الالوف ذي اخليها لي لزوجي نطور فيها بيتنا او نزيد شهر العسل..مب هذا هو المشروع الناجح؟
وبين وبينك هههه من الحين..كل ماقلت هالمشروع لاحد قال انتي مجنونة مب صاحية ماتسوين عرس!!
ماعلي منهم..اصلاحتى الحفلة مانبسط فيها الا الناس ولا انا وزوجي مانحس فيها ابد..
الله يحينا لما عاد اتزوج هذي خطط بس =P
================================
الكيمة والهنود:
يالله ; ; شكلها من جد يشهي هالكيمة..والخبز اليجنبها يعور القلب..;-;
وشو هي الكيمة؟؟فول..؟ ولا فول مع حمص..؟؟ ويش؟؟
بس بصدق قعدت أتأمل بموقفك عميق مرة..وسؤالك فعلا محير ..
انا أعلق واقول.."السعادة وليدة القناعة"فعلا
يعني مايهم غني او فقير مغترب أو لا..
انا قد شفت فقير سعيد وفقير حانق وغني سعيد وغني حانق وجميع الاصناف فيها السعيد وفيها المحبط أو الحانق..
لكن الي فعلا اكتشفته ان مايسعد إلا القنوع..ايش ما كان عنده يقنع فيه..فيه ناس "واعتقد احيانا انا منهم" يطلبون المزيد..او مايعجبهم وضعهم يبغون شي اخر..وهلم جرا..مدري اتمنى فهمتني..
================================
حفلة بنت خالك:
ههههههههههههه يأنا ضحكت عليك ضحك..
بس ايش هذا من جد هذي حفلة بنت خالك؟؟ولا عرس؟؟ شسالفه
شكلك عائلتكم مشالله ما عليها قاصر..ولا كيف يصرفون هالمبالغ على حفلة تخرج بس؟؟
مشالله ;-; انا انشالله شهادة بكالوريا حاسب ولا اظن احد فكر اصلا ولا حتى بنص دجاجة عزيمة;-;
هممم تعليقي عالسالفه..صراحة وناسة حفلات التخرج..يعني الواحد يسوي حفلة يفرح فيها ذا المتخرج ويجمع الناس "المهمين فقط" مب كل من هب ودب..لكن مايتكلف واجد..
صراحة اتمنى حفلة تخرج لكن ياحسرة;-;..
P.S : بنت خالي تسأل من جد هذي الصور منحفلة تخرج ولا من عرس؟؟ عيت تصدق
================================
الشوقليطات:
لا من جد الحين تأكدت ان اهلك مشالله ماعليهم قاصر.. ربي يسلمكم ويحفظكم
حنا الي تولد مانجيب لها هالكمية ذي:icon11: مشالله بسم الله عليك..
صراحة شيييي>< وناسة..
Send me that big basket pleeeth
الله يهنيك لكن انتبه لا تسمن هههههههه
=========
اسفة عالأطالة لكن فعلا عجبني الموضوع..
-
مشاركة: تفكر وتأمل في صحن الكيمه
اقتباس:
شكلك عائلتكم مشالله ما عليها قاصر..ولا كيف يصرفون هالمبالغ على حفلة تخرج بس؟؟
مشالله ;-; انا انشالله شهادة بكالوريا حاسب ولا اظن احد فكر اصلا ولا حتى بنص دجاجة عزيمة;-;
اقتباس:
لا من جد الحين تأكدت ان اهلك مشالله ماعليهم قاصر.. ربي يسلمكم ويحفظكم
حنا الي تولد مانجيب لها هالكمية ذي:icon11: مشالله بسم الله عليك..
سميجل
قول على اهلك السلام خلاص ايامهم معدوده ارهنوا بيتكم من الحين (@)
-
مشاركة: تفكر وتأمل في صحن الكيمه
لاع سميقل ماعليك منه;-; وربي قلت ألف مشاء الله ههههههههه
وترى فقدت قوى العين حقتي خلاص ;-;
واااع هههههههه
قسم شي لاحظته كذا وقلت اقوله عادي>< اودين دب دبببب
-
مشاركة: تفكر وتأمل في صحن الكيمه
OMG اليوم انا و اهلي قاعدين نتناقش على العروس .. :bigeyes:
و قاعد اقول لأهلي اكره شي اسمه عرس:05:
على اللي يصير فيه من تكلف و هم وغم اشهر و اسابيع على ليلة وحدة ..
بصراحة انا افضل العرس التقليدي:jester: .. يعني عائلي اهل العروس و المعرس و من يعز مرررة عليهم و بس
بإستراحة او قاعة على قدهم ..
الطرفين يرتاحون و العروس ماتشيل هم و المعرس مايشيل هم .. وانتهينا ما ادري ليش كل هالبرزقه على مو ليلة .. 4 او خمس ساعات بس:06:
-
مشاركة: تفكر وتأمل في صحن الكيمه
شفت الصور..
يا اخي موضوعك ما يناسبني >___<
يوم وصلت لغرفتك بغيت انجلط >__<
-
مشاركة: تفكر وتأمل في صحن الكيمه
اقتباس:
المشاركة الأصلية كتبت بواسطة Guy.Thing
الطرفين يرتاحون و العروس ماتشيل هم و المعرس مايشيل هم .. وانتهينا ما ادري ليش كل هالبرزقه على مو ليلة .. 4 او خمس ساعات بس:06:
فعلا..حتى أسأل مرت اخوي الي هي دفعت تكاليف العرس وهيا لي شالت همه.."ايش شعورك بالعرس"؟
قالت "صداااع..مذكر شي...!! "
شفتو..والله قهر..اهم وحدة بالعرس ما استانست فيه..
-
مشاركة: تفكر وتأمل في صحن الكيمه
العروس عندنا لأهل العريس و العروس >.>
فرصة يلتقون بها في أخوياهم و أقاربهم >.>
و يفرحون بعيالهم مو أكثر >.>
اما العريس و العروس فما احد سائلهم O.o أنانية الأهل في الفرح بعيالهم ممكن تقتل فرحة عيالهم O.o
انا وش الي خلاني أقرا فلسفة ×___×
-
مشاركة: تفكر وتأمل في صحن الكيمه
أعتذر لأنقطاعي المفاجئ نظرا لسفري وقيامي بعملية جراحيه بسيطه
اقتباس:
المشاركة الأصلية كتبت بواسطة Lena
الزواجات:
آآآآآآآخ من هالموضوع..ياليته بالزواجات بس ياسميقل ..والله ذا المظاهر ذبحتنا في كل شي..
والله زهق..وللأسف لازم نندرج تحتها عشان نندمج بالمتجمع.!!
هي صج المظاهر صارت شي أساسي لدرجة الملل.
وصج مثل ما قلتي، صار الصرف المعتدل أو المتوسط عباره عن "دون المستوى" والناس تستحي منه، وعلشان نندمج مع المجتمع لازم نطلع كل اللي في جيوبنا.
اقتباس:
المشاركة الأصلية كتبت بواسطة Lena
الكيمة والهنود:
يالله ; ; شكلها من جد يشهي هالكيمة..والخبز اليجنبها يعور القلب..;-;
وشو هي الكيمة؟؟فول..؟ ولا فول مع حمص..؟؟ ويش؟؟
بس بصدق قعدت أتأمل بموقفك عميق مرة..وسؤالك فعلا محير ..
انا أعلق واقول.."السعادة وليدة القناعة"فعلا
يعني مايهم غني او فقير مغترب أو لا..
انا قد شفت فقير سعيد وفقير حانق وغني سعيد وغني حانق وجميع الاصناف فيها السعيد وفيها المحبط أو الحانق..
أولاً: الكيمه مب فول ولا حمص، هي عباره عن صالونه (أنتو تسمونها مرق على ما أعتقد) وتتكون من اللحم المفروم والفاصوليا.
ثانيا: الخبز اللي جنبها هو خبز الهنود يسمونه "?باتی"
غريبين انتوا يا أهل السعوديه ماتعرفون الكيمه والجباتي والكرك، انتوا لا يكون ماوصلوا الهنود عندكم؟
ثالثاً: القناعه والرضى، كنزان لا يفنيان، واللي ما يتلكهم هو انسان مهموم بالدرجة الأولى، لأنه في سباق ولهث لا ينتهي مع الزمن اللا متناهي.
اقتباس:
المشاركة الأصلية كتبت بواسطة Lena
حفلة بنت خالك:
ههههههههههههه يأنا ضحكت عليك ضحك..
بس ايش هذا من جد هذي حفلة بنت خالك؟؟ولا عرس؟؟ شسالفه
شكلك عائلتكم مشالله ما عليها قاصر..ولا كيف يصرفون هالمبالغ على حفلة تخرج بس؟؟
P.S : بنت خالي تسأل من جد هذي الصور منحفلة تخرج ولا من عرس؟؟ عيت تصدق
نعم نعم نعم...للأسف هذا ماوصلنا له من ترف ورياء وبذخ.
هي صج ان الحفله علشان شهادتها ماجستير، لكن أنا في نظري ان السالفه مبالغ فيها.
أحنا عائلتنا من المستوى المتوسط، يعني مب أغنياء ولا أحنا الفقراء
بس علشان أوضح الصوره، ترا هي صفقه بين خالتي وبنت خالي، السالفه يا طولية العمر ان خالتي عندها محل تجهيز افراح وحفلات، وقالت بتوي لها حفله بسعر معقول.
وقولي لبنت خالج، ترا الصوره لحفلة تخرج بس بتجهيزات عرس :D
اقتباس:
المشاركة الأصلية كتبت بواسطة Lena
الشوقليطات:
لا من جد الحين تأكدت ان اهلك مشالله ماعليهم قاصر.. ربي يسلمكم ويحفظكم
حنا الي تولد مانجيب لها هالكمية ذي:icon11: مشالله بسم الله عليك..
صراحة شيييي>< وناسة..
Send me that big basket pleeeth
الله يهنيك لكن انتبه لا تسمن هههههههه
لا أحنا مستوانا عادي، لكن حبايبنا وايد......يبي يرقع عقب ما سمع عن قوى عيونها الخارقه
بالنسبه للسمنه، لا توصيني...ترا وزني زاد بصوره مفزعه، متنت من 76 كيلو إلى 81...
الله يستر باقيلي 3 كيلو وأرجع للقم القياسي السابق.
اقتباس:
المشاركة الأصلية كتبت بواسطة ODIN
سميجل
قول على اهلك السلام خلاص ايامهم معدوده ارهنوا بيتكم من الحين (@)
:afraid: الله يستر
-
مشاركة: تفكر وتأمل في صحن الكيمه
كني صرت أمنا الغولة ;-;
مدري وش ارقع وش اقول ;-;
هههههههه الله يهنيكم..وقل لخالتك مرة حلو شكل الكراسي صدق والله مشاء الله
وهي بس عاد بسك سمنة>< مب زيييين stop lol ..خلك مثل صور ايران p=
-
مشاركة: تفكر وتأمل في صحن الكيمه
صورة الكيما تفتح وتشهي النفس..
فعلا وجبة افطار كاملة متكاملة ..:biggthump
واما سالفة الهنود فقالها لي الوالد يوم من الأيام:
كل الي بعيشته راضي وكل الي بعقله راضي..
ومثل ما يقول المثل: من رضي بقليله عاش..
فتلقى انسان بسيط بمعاش متواضع وملابس رثة فتلقاه يحمد رب العالمين على النعمه
ومعاشه يكفيه ويزيد..
والبعض منا عنده معاش محترم لكن ما يتهنى فيه ولا يكفيه ويطمع بالكثير..
فسبحان الله!!
-
مشاركة: تفكر وتأمل في صحن الكيمه
في البداية الحمدلله على السلامة بخصوص العملية
هل هي عملية تصحيح نظر؟
من ناحية السعادة
فما لها تعريف موحد
كل واحد له تعريفه الخاص بالسعادة من ناحية تجاربه
لكن بالنسبة لي اتوقع اقرب تعريف هو:
السعادة, هو الشعور الي تحس فيه عندما يكون اكبر همومك "يا ترى وش بنتغدى اليوم؟"
بمعنى ما في اي شي شاغل بالك مثل مصيبة معينة او تنتظر نتيجة ما
لذا اي واحد ظامن انه راح ياكل و ينام و يصحى و هو سليم و بدون ما يتعرض لأي مذلة فهذه قمة السعادة
غير كذا كل شي ثاني يعتبر دلع اطفال
مثل ان واحد متضايق لانه موب قادر يشتري سيارة اخر موديل و الثاني زعلان لانه ما يقدر يشتري جوال سوني اريكسون مثل حقي و الثالث وده يذبح نفسه لان لبسه راحت موضته
اما بالنسبة للعروس - الله يرزقنا بس -
فعلا وصلنا لحالة صار الواحد يصرف في هالليل اللي حوله و حواليه
و يجلس يسدد الديون طوال فترة زواجه
بالنسبة لي اتمنى القى بنت يكون عقلها كبير شوي و تشيل من بالها ان ليلة عمرها - نصبة ماشية مليون لانه ليلة العمر هي الليلة اللي بتتأكدين فيها من ان زوجك فعلا يحبك و تحبينه موب ليلة تدهرين فيها و انت ما تدرين وش الطبخة - لازم تكون في بهرجتها اكبر من اساطير الف ليلة و ليلة
-
مشاركة: تفكر وتأمل في صحن الكيمه
