-غريب وداركنس..خشّةً لِخشّة,عيدكم مبارك..حياكم الله الجمال جمال الروح-

السـلام عليكم ورحمة الله وبركاتــه
الحمدلله على سلامتكم تقبل الله منكم<
ياترى هل أنا: داش عرض..ولامحشش..ولا أفكر بالي ساحب علي..ولا ماكل بتنجامونه؟
M.B.C...مسابقات لها أثرها


--






<مسافة
ذهبت مع صاحبي لأعتمر وأجلس يوم واحد في مكة المكرمة,وقابلت هناك غريب وصاحبه الي أصبح صاحبي وصاحب صاحبي وصاحبنا ثلاثتنا..وصرنا حنا أصحابه ..وصار صاحبي صاحب صاحبه بعد

المهم راح أذكر لكم التفاصيل..بدون ترجمة<مايقصد واحد يبيع بتنجامون


--

كان يامكان في قديم الزمان مو قبل أمس ولا الآن صار هالحكي من زمان=راعي طويله ومروّق
قلت لصاحبي وش رايك نسافر نعتمر ومنها نروح الرياض أقابل كم زلمه هونيك<هالكلمتين أهديهم لأشرف عشان مايقول حنا مانترجم ولانراعي أحد

فقال:خلاص إن شاء الله
<وكل واحد اتفق مع نتسافر وجهز الشنطه وحدد متى نرجع وشنو يشتري وشنو ياكل ومتى ينام إلخ..بدون لانعطي أهلنا حتى خبر بالسفره ولا نروح نحجز>

الأهل اعترضوا بالبداية..لإنها أول سفرة لنا لوحدنا,بس بعدين وافقوا..فحجزنا وواجهنا شوي صعوبات لإننا تأخرنا بالحجز


--


قبل السفر أنواع القلق والإظطرابات..وكل همي مسألة لبس الإحرام الي عقدتني<أول مره يعتمر من 7 سنين
جهزت كل أغراضي وشنطتي ورحت المطار زي صاحبي بثوب وكنت لابس فوقه جاكيت بني<له قصة لحاله هالأخ


بالسيارة قبل لاأوصل لصاحبي ونروح للمطار
السايق:إنتا يروح سعوديه عشان عمره؟
داركنس:لا أنا يروح سعوديه عشان أنط من فوق الجبل وأقول أنقذني ياحليب السعوديه<خاطره بالحركه هذه من كان صغير




بالمطار
خلصنا الإجراءات ورحنا ندور بالسوق..أنا معاي كيسي الي فيه الإحرام وصاحبي معاه الهاند باغ
وإشتريت عطر Black xs الرهيب..
http://ektob.com/uploads/vision_kddw33357.JPG
100 ملي مع جيل إستحمام هدية بصندوق كبير واحد


داركنيس:Hello..G.Good morning,how much is this 36r?
النفره الي تسوي بيع:This cost $$ k.d ya sir
داركنيس:Oh..Yeeeas good gimme wa7ed plea(ce)..XD
شيلساوي:إبليس؟أعووز بالله

-رحنا نحاسب..ولا الي تحاسب صينية مدري يابانية حييلوه مرره صارووخ<عكس هالكلام بالظبط=هولييح مرره خووراص
<مايعرف يرقع
سميقل تعال ترجم ماعليك أمر=سفير إيران على غفله :09:
أقول تراه مزح ماكانت حلوه ولاشئ ألا خلت صاحبي يطيح منه 20 كيلو,فلا حد يدعي علي أو يحلل دمي أو يشتكي علي أو يقاطعني ويخلي الدنمارك<خاش جو بقوه



المهم سويت نفسي رايح أشوف كم شغله وخليت صاحبي يندبس فيها
وهذه ميزه من مزايا المحلات الي بالسعودية..المحاسبة أبداً ماتكون حرمه فتتبلش وتسحب فوق تحتك وتدبس صاحبك الي بعدها يدعي عليك بوسط الحرم زي ماحصل معاي


بعدها رحنا نصلي الظهر..ويوم كنا قاعدين بالمسجد وبعد الأذان..ولانسمع هالكلام
1:ياكلب يا$&%$ إنقلع روح صل..روح إلى بيتُ الله<قالها بالفصحى آخر كلمتين
الرجال قام يبتسم وسحب عليه..

أما الي كان يسب دخل المسجد وجلس على يساري بكم خطوه
شيلساوي يهمس لداركنس:هذا شكله شيعي أو واحد خبل
داركنس يهمس لشيلساوي:إسترييح..كلامك صحيح ..بس ماتفرق شيعي ولا واحد خبل <يقصد الكلمتين مترادفتين
داركنس بقلبه:اللهم أكفنيييييهم اللهم إنا نجعلك في نحووورهم..ياساااتر يارب لايخش فيني عرض


صلينا وخلصنا وربك ستر..ورحنا وركبنا الطيارة,وإنتظرنا شوي وبعدها رحنا نلبس إحراماتنا..وكل واحد ضاع
داركنس حق المضيف:لوسمحت ماشفت واحد حليو- ومتعافي كثير ماشاء الله ؟
المضيف قام يبتسم وشوي ويضحك...ولاإنتبهت إن المضيف تنطبق عليه هالمواصفات وسمين
داركنس في محاولة يائسة للترقيع:ايه وماسك شنطة هاند باغ زرقا؟
المضيف:لا للأسف..
داركنس:يعطيك ألف عافيه

رحت من الجهة اليمين أدور الكرسي حقي المطل على النافذة..ويوم جيت بمر لقيت بالوسط كله حريم,فسحبت فوق تحت ودخلت من اليسار بعد ماسلمت عالمضيف من جديد..ورحت جلست..أما صاحبي ضيع مكانه وقعد يدور بالطيارة حوالي ربع ساعة


المضيفة الإنغليزيه الي كل شوي تمر
Please sit down please..please sit down please

كل ماقالت بليس..أنا:أعوذ بالله
داركنس بصوت واطي:سييييت داااون بللللييييس..بلللللييسسس سيييت داااواون بلييييسسسس
داركنس بصوت واطي:سيييت داون شيي طااان..سيت داون شيييطان


شيلساوي وهو يناظر لإحرامي:أقول..مب كأن إحرامك الفوقاني قصير
داركنس:إسترنا لايففضحك رربنا>_<
داركنس:ياخي عدله لي ماأبي أفتن الناس بجمالي<تكفى!
شيلساوي:لابجد والله أحس بيطيح وحنا بالطريق,تخيل يطيح كل إحرامك
داركنس:مالت عليييك مالت عليييييك لاتفاول لاتفاول بسك عاد!!



-فجأه مطبات هوائية قاسية-
داركنس تعلق بكتف شيلساوي
داركنس يرقع الموضوع:تعلق فيني لاتتعور ..لاتخاااف لاتخااف انا معاااك أسندك أفا عليك!

شيلساوي:تخيل الحين نموت,ياخي وراي مستقبل!
داركنس:أجل أنا الي وراي قناة الجزيرة للأطفال!!!!

داركنس يطل من النافذة..ويحس بدوار
داركنس يقرأ قرآن أواخر سورة الحشر وهو خارج منطقة التغطية

شيلساوي:شفيه السديس؟
داركنس في حالة خشوع تام

........
....
..


-مطب هوائي-
داركنس تعلق بكتف صاحبه
الستيييييييييره!!!!

شيلساوي:كله منك

داركنس:شطبببببب!!!>_<


--

بعد ماوصلنا لمطار جده بالطياره ونزلنا..كان فيه باص بإنتظار الركاب يوصلهم من الطيارة لبوابة المطار
وحنا نازلين من درج الطياره..نعالي أعزكم الله تلصق بالأرض وتتعلق فيها مدري كيف..وكل شوي أبغي أطيح
طلعت السالفة إن نعالي مالها أبو جد دخل..لكن فيه واحد باكستاني عجوز كل شوي يدوس على إحرامي الي تحت لين عطيته خبر وبلاغ بالي قاعد يسويه<أنا شاك إن موهوبيان هو الي دازه!!



خلصنا الإجراءات بالمطار وقعدنا ندور سايق
شيلساوي:تخيل ماراح نلقى سايق
داركنس:لاتفاااااااول مالت على جدة أبو إخت عم بليس جيران بليسكم!!


لقينا سايق ورحنا معاه..وضربنا 150 ريال الله يسعد طوايفه
وأول ماخرجنا من المطار بعد ماشرينا كم بطل ماي=ماء=مويه=Water=حق الي ثقافته أجنبيه

ولا أحد الظباط يوقف صاحبنا
الظابط:عطنا إستمارتك وضف وجهك
السايق:ياخي عندي مشوار لمكه كيف اروح مكه وأرجع هنا
الظابط:مالي شغل ..توديهم مكه ولا إن شاء الله خكه


داركنس بصوت واطي:خكه بعينك وبإيدك وخشمك وبكرشتك ولو إني مادري وش هي
وحنا بالطريق..صاحبي كان قاعد بالأمام وداق حنك مع السايق=يتكلم معاه

السايق:الله لايوريكم..هالشهر صابني فيروس من الحجاج خلاني أقعد أسبوعين بين الحياة والموت
شيلساوي:عاد ممكن يصيبنا؟
السايق:إحتمال والله

داركنس بقلبه:يااااااااادي النيله خلصنا من الأول جانا الثاااااااني بسكم مفااااااااول بسكم


--


في الفندق
داركنس:ياخي مدري ليه كأن إحرامي الفوقاني صغير؟وكأن عليه مويه من البطل الي حضرتك جبته ورميته ورا علي؟
شيلساوي:عدله لما نوصل الغرفه فوق


-داركنس كل دقيقه يعدل بالإحرام-
داركنس:اقول..فاكر الي كل ثانيه دايس على إحرامي الي تحت بالمطار؟
شيلساوي:ايه؟
داركنس:أحس دوساته بتثمر قريب

الستييييييره!!!!


وصلوا أغراضنا للغرفة..وحنا ركبنا مصعد مزدحم ونبي نروح للطابق 26..والمصعد كان شفاف ألا من ناحية الباب
داركنس بعد ماوصلوا ارتفاع كبير قرر يتأمل عبر الزجاج مال المصعد:تصدق..توني تذكرت عندي خوف مرضي من الأماكن المرتفعة؟
شيلساوي: :196:

داركنس:...............
شيلساوي:............


....
..



-ربك ستر ووصلنا قبل لاأطيح أنا وإحرامي الي كنه إحرام أخوي أبو 3 سنوات<نصاب ماعنده أخو صغير-
طيب وش حارق رزك عندي ولا مب عندي؟تراه تشبيه بليغ
لامب تشبيه بليغ..هذا تشبيه تمثيلي مدري تشبيه مدري وش بصراحه
أقول دامك لاتعرف لاتتفلسف طيب
لا مب طيب
أقول..على شحم
إن شاء الله
<ماقاعد يكلم نفسه>..أشهد إني أعرف أرقع ياشيخ




وصلنا الغرفه وكانت مريحة ومناسبة..وعند الممر الي داخل الغرفة كان فيه مكتبه صغيره داخلها ثلاجه وفوقها سله ووراها منظره=مرآة=mirror
http://ektob.com/uploads/vision_kddw5.JPG
وكان فيهم حلويات وشبس وبيبسي وبايسون كوووولك حركااات..وحاطين ملاحظة:كل شئ موجود قيمته خمسة ريال
داركنس:الحين جايبين لنا هدية بمناسبة وصولنا وكاتبين قيمتها..صدق ناس ماتستحي
شيلساوي:يالخبل=دلخ,هذه قيمة الأشياء لو تبي تآخذها

داركنس:أقول لما نعتمر ونخلص سبني مب الحين لوسمحت..انا إنسان معتمر

-قعدنا نص ساعة نعدل بالإحرام حقي الي فوق وأخيراً قدرنا نسويه ويصير على مقاسي-
http://ektob.com/uploads/vision_kddw.JPG
<أنا الي على الوسط..وشكلي كأني مازنجر مسوي سبايكي



في الحرم..أثناء الطواف
http://ektob.com/uploads/vision_kddw3.JPG
http://ektob.com/uploads/vision_kddw4.JPG
داركنس:خلنا مع بعض ترا زحمه ومالي خلق أصير سجادة صلاة
شيلساوي:يصير خير المهم خلني أقرأ

-بعد ماطب فيني أكثر من ألف معتمر وأنواع القلق والجروح والإصابات-
داركنس:ياااا...يااااا.....ماودي أسبك ألا بعد العمره تعال وخلك معاي وين رايييح!!
<وحنا نطوف مع بعض كان يتأخر بسبب إنه يتصفح الكتيب الصغير على رواقة شديييييييييييييدة

بغيت آخذ الكتيب وأرميه لو إننا ماكنا بالحرم وكان فيه إسم الله..من زود القهر والإصابات><
وصلينا العشا وأنا ساجد طول الوقت خايف..يجي الموهوب ويعمل حركة أبو لؤلؤة المجوسي..بعد الي عملناه بموضوعه


في السعي..عند الصفا والمروة
http://ektob.com/uploads/vision_kddw7.JPG
http://ektob.com/uploads/vision_kddw8.JPG
داركنس:خلك معاي ترا ماأذكر الأركان كاملةً
شيلساوي:بآخذ كرسي وإنت خلك معانا

يتبع..لاأحد يرد من فضلكم

الي يدز الكرسي:حيااك حيااك تعال إركب
<كان واحد شايب وضعيف البنيه..وصاحبي ماشاء الله متعافي مره :biggthump

داركنس:الله أكبــر!!!!!!
شيلساوي:شفيك؟

داركنس:سلامتك..المهم أنا أمشي معاك أوكي؟
-فجأه ينطلق الشايب ويدوس على أصابع رجولي بالكرسي تبعه-

داركنس:آوتش..خخخخخخ وناسه وناسه :D <ماسك نفسه
الي يدز الكرسي:لايكوون تعورت؟

داركنس:لا أبد

-بعد ثوان رجع من جديد وبغى يدوس على رجلي من جديد-
الي يدز الكرسي:سلامتك ماكنت قاصد
داركنس: :D



بالسعي كنت أحسب كم شوط مشيت..لازم 7,وأنا أحسب طلعوا عندي 7 مع إني مشيت 6<ماعليه شرهه أدبي
ولا يتصل صاحبي وينبهني

المهم وانا واقف أكلمه فووق عند المروه مدري الصفا..واقف بمكاني كافي خيري شري..وبمكان بارز
كل شوي واحد صادم فيني<أنا شاك إن الموهوب دازهم لي





ولما رحنا نخفف شعورنا<جمع شعر<الفروة التي عالرأس..مسكني واحد من كتفي
الحلاق:إنت تعال حلق سرعه انا ماكو وقت حق إنتا
داركنس:على أمرك ولا تزعل يانفر

داركنس وهو قاعد عالكرسي:هذا نفر يركب خيل..هذا نفر كلّوه زين
-وهو يحلق, المقص كان يفحط على راسي وداش دروب يمين يسار..وكل شوي ضارب براسي كأنه ناوي على إضافة فلعه أخرى في رأسي الجميل<أنا شاك إن الموهوب دازه لي-

أول ماقمت ورحت لصاحبي..ولا واحد يمسك كتفي:إنتا يلا سوورعه عطي عشره ريال!!
داركنس:أقول مو كأنك مصختها تراني خلصت عمره أبشرك يعني :biggthump <يعني الأخلاق عادي تصير تجاريه



-أخذت الفلوس حقتنا الي كانت مع صاحبي وعطيته حق الحلاق ومشينا لغرفتنا-
بعد ماإغتسلنا وإرتحنا ولبسنا,رحنا نتعشى من برجر كنغ ورحنا جمعية بن داوود وإشترينا حلويات وأنواع الكيت كات وطقتهم<الله يذكرك بالخير ياشوكلاته يالزيز يارايق


بعد ماتعشينا..شغلنا التلفزيون وحطينا على مسلسل بالليل وكان الصوت عالي ماكنا ندري عندنا جيران
ولا يوم جينا بننام..ولا الي جنبنا مشغلين أغاني ورافعين الصوت خخخخخخ



--


اليوم الثاني في مكة
الفجر..لما كنا نايمين,يتصلون خدمة الغرف ليصحونا للصلاة
رد صاحبي على التلفون..حطه على إذنه وبعد ثوان سده

داركنس:إش مشكل؟<وطخ ونام مباشرة


تأخرنا للأسف عن الصلاة وماقدرنا نروح للحرم نصليها,فصلينا بالعرفة

شيلساوي:كله منك!!
داركنس:منو الي سد التلفون بعد ماقعد يتأمل في جمال قوامه وسده؟


بعد الإغتسال ولبس الملابس..ذهبنا لنفطر


كان البوفيه زحمه وأنواع القلق..وبالكاد حصلنا مكان
وثنين بدو وحاطين قدامهم شوكه وسكين وحولهم ألف واحد

داركنس:ياخي أهم شئ البرستيج ..البطن تقدر تنتظر :p
اخس بس..لو تشوفني الإدارة على هالإتيكيت الي آكل فيه,كان حطوني مشرف خاص
<مايتعامل ألا بالملعقة,أما شوكه وسكين ماعنده فكه وماتتصرف عنده


في المحلات
النفر الزين:صديييق تعال كلّوه فيه..عطورات ساعات
داركنس:يعني محل إكسسوارات بالله وش بيكون فيه؟تشيز برجر بدون جبن؟

ظبطنا معاه...وإشتريت أشياء روعة حق خواتي والوالدة والخالات..وطيحت بهذا المحل لوحده 60% من الميزانية
من الأشياء الي شريتها..عطر:Miracle so magic
http://www.quickmarket.ru/img/pict/g..._path/6310.jpg
Thanks lena sama^^

-تعرفون الي ماصدق يشتري هديه لأحد؟شريت هدايا بالكويت قبل لاسافر وهدايا يوم سافرتxr -
الي خلاني أشتري من هذا المحل بالذات..مو المقدمة مالت النفر الزين الله يوفقه يارب
لكن ملامحه...زي الصيني بطل فلم geny cops 2,الي مرجوج وخبل هو وصاحبه,والي الشباب كانوا يشبهوني والصيني فيهم أيام الدجه<تكفى يالي تتكلم عنها بصيغة الماضي



كل مانرجع الغرفة..صاحبي يفتح الغرفة بالكرت حقه
أول مره الكرت أنا كنت ناسيه
ثاني مره طلعت الكرت مال المحل النفر الزين ودخلته بالباب<وبالمحل يوم جيت بستلم أغراضي عطيته كرت الفندق
ثالث مره وكانت القاضية..يوم دزيت صاحبي وتصافقنا ولغمّت الطريق وراي عشان مايفتح الباب قبلي..تتوقعون وش صار؟

دخلت الكرت بطريقه غلط وولع ضوء أحمر وماشتغل :biggthump




في أثناء الليل..كانت مباراة مصر والسنغال,صاحبي يشجع مصر,لكن فجأه لما دخلت مصر هدف,ولا نسمع جيرانا يصيحون وفرحانيين ومدري كيف
فرحنا معاندين فيهم نشجع السنغال..بعد ماتعشينا من الطازج الي مادري ليش يمدحونه>_<
http://ektob.com/uploads/vision_kddw5.JPG
الطاولة الي كنا نتعشى عليها ونتابع



الفجر
قلت لصاحبي يتصل على مطعم عندنا بالكويت يفتحون 24 ساعة,وقلت له يطلب لنا وجبتين تشيز برجر بدون جبن,واتصل عليهم من خطه الي كان سعودي

شيلساوي:السلام عليكم..المطعم؟,عطنا ثنين تشيز برجر بدون جبن
المطعم:ه..هاه؟..اوكي تآمر شئ ثاني؟

شيلساوي:سلامتك
المطعم:طيب العنوان؟

شيلساوي:مكه فندق هلتون الدور 26 الغرفه****
المطعم:للأسف ماعندنا طيارات توصل الحين كلها طارت تصبر لين تجي؟XD

شيلساوي:إن شاء الله لو بتاكسي دزهم
المطعم:طيب بجد وين عنوانكم؟؟؟
شيلساوي:مكه فندق إلخ
المطعم بعد مافقع من الضحك:قلنا لك مافيه طيارات الحين دبر عمرك

شيلساوي:طيب توصي شئ من مكه؟
المطعم:لا بس دعواتكم والله يتقبل منكم


-هذا واحد من المقالب الي أنا دبرتها وخليت صاحبي يعملها نياهاهاه<مب وجه واحد جاي عمره-


بعدها رحنا نفطر بالبوفيه..وكان فيه عربانه برا حق واحد صيني يشتغل بالمطعم ويسوي أومليت
قرص بيض من الي يحبه قلبك..وإنت تقوله يحط فلفل إلخ

داركنس:الله يذكر الصيني بخير..مستر دو يو نو ماي كويزن ذا شاينيس؟
الترجمه<هل تعرف ولد خالتي الصيني؟
الطباخ:يو كانت تيل ريلي
الترجمه<الخشش=ملامح الوجه بالصين متشابه كثير,حتى انك بعض المرات تضيع وماتعرف نفسك هناك

داركنس:شي شي
شيلساوي:شي شي فيري مش

الطباخ:كومباوا!
داركنس:جا-ني!

شيلساوي:شكنت تقول؟
داركنس:والله مدري...كم كلمه لاقطهم من ولد خالتي الصيني :p



آخر يوم لنا بمكة وطيارتنا الصبح كانت الساعه 11
داركنس:اتصل على الي وصلنا أول مره وخله يجينا لايتأخر
شيلساوي:إتصلت عليه أمس واليوم مرتين ,تخيل إنه بيسحب علينا وماراح يجي

داركنس:لاتفاااا........ولاأقول....خلاص سلامتك


ويوم قرب الموعد..إتصلنا عليه كذا مره..ولقينا جواله مغلق

شيلساوي:كله منك ياداركنس!

فرحنا مشي عند أقرب تاكسي وكان واحد شايب,وقبل يوصلنا و100 ريال
http://ektob.com/uploads/vision_kddw9.JPG
عاد أنا من بداية الطريق دايخ وبطني أنواع القلق
شيلساوي:شفيك؟
داركنس:بطنييي فيها صدااااع

شيلساوي:انا رجلي فيها مغص..كله منك


داركنس:أقوول....على شحم
شيلساوي:إن شاء الله


طول الطريق كانوا يسولفون ودخلوا بالسياسه والغزو الصدامي للكويت وإلخ..وانا قاعد أشرب إم آند إمز البني وآكل بطل ليمون

وحاط إيدي على قلبي يوم شفت صاحبي فتح موضوع الغزو الصدامي..قلت الحين أخاف كعادته يروح يحط المشكله براسي ويقول انا من سببها..فيرميني الشايب من التاكسي وفوق جناطي..وأظطر اروح مشي للمطار



وصلنا للمطار..وراح صاحبي يعدل شعره وأنا بعد..ودخلوا بعدها ثنين من الظباط
شيلساوي:أقول شعري جذي حلو؟ويغطي؟
داركنس وهو ماشي:الي يسمعك بيقول الحين أحد بيسحب جوازك على شعرك

<مر ظابط جنب داركنس وقلبه قام يطبل




في الطيارة
كنت دايخ وأبي أنام بس مب قادر وظهري يعورني..والأكل مايشجع :09:
المهم وصلنا مطار الكويت

ولا رحنا صرفنا الي بقى معانا فلوس كويتيه..ورحت لأشتري كتاب
رجال من المريخ ونساء من الزهرة
http://ektob.com/uploads/vision_kddw2.JPG
بعد توصيات إخوه كثير..وبصراحة الكتاب مذهل وروعه



يوم رحنا ولا يقول صاحبي إن 3 ينتظرونا بالسيارة الي بتوصلنا البيت
وهم إخوانه الإثنين وولد عمه


يوم وصلنا السيارة وركبوا كلهم ألا أنا وصاحبي وتأملت الوضع
داركنس بقلبه:الله أكــبر!!!<وملامح الصدمه والكآبه على وجهه=بس ولد عمهم كان نفس مقاسي ماشاء الله عليهم :09:

شيلساوي:شفيك؟
داركنس:لا ولا شئ..بس أعتقد السياره ماتكفي فإسمح لي أروح أطقها مشي لبيتنا من المطار..كلها 500 كيلو

شيلساوي:أقول على شحم
داركنس:إن شاء الله

-ركبنا السيارة..وكنت أنا وولد عمهم..مثل المساويك الحارة الي يبيعونها عند الحرم بريالين,وطايحه وسط مجموعة من الحجاج الي يبوسون الحجر الأسود-



رجعنا الكويت ويوم وصلت البيت..الكل طاح تبوس وحضن فيني خاصة خواتي الصغار,وإختي الي بالإعدادي ضربت راسي براسها ..يقال جايه تسلم على أخوها الكبير


بعد ماوزعت الهدايا وإستلموني لأسولف(أتكلم وأقول الي صار معاي) لهم ..رحت نمت





-أما بالنسبة لمقابلتي مع غريب؟..والصور الي فيها؟..اوووه...هذه سالفة ثانية!-

إشتقت لكم ياخااايسيييينXD
طراخ طيخ طوخ<أصوات ضرب وأكشن للي مب فاهم

ياناس خاني التعبير وش أسوي من غلاكم والله


سبحانك اللهم وبحمدك..أشهد إنه لا إله إلا أنت..أستغفرك وأتوب إليك
إيه صح..بالحرم دعيت لكم بلا إستثناء خاصة الي أسأت لهم والي أحسنوا لي

خالد..داركنس بن صعفق..شلفحة على قولة إختي
^^

لاحد يرد ويقول الموضوع طويل زي بعض الناس :196:
فيه كم بدليه ماقدرت أحررهم...
زي بدلية=فوق تحتك=فوق تحت
وبدلية=متى نسافر=مع نتسافر


فيه صورة غلط وهي بالرد الثاني..كان المفروض الصورة الي تحت تنحط فوق بدال الصورة المكررة
http://ektob.com/uploads/vision_kddw6.JPG
لاحظوا دلة القاهي..إهداء خاص لموهوبيان

ونسيت أذكر إن الصيني قال علي وعلى صاحبي إنتم من باكستان صح؟
وكل واحد قعد يطالع الثاني يضحك عليه :09:

حوووووووووووووووووووووووووب http://www.websmileys.com/sm/love/142.gif

الله الله عهالطلة ، اشتقنا لمواضيعك والله ، حتى جربوع حارتنا يشكي ، خاف الله فينا خاف الله http://www.websmileys.com/sm/crazy/071.gif


وش نقتبس ووش نخلي ×___× كل الموضوع على بعضه حلووووووو ^ــــــــ^ <<< تصريفه على المزاج من أبو ريالين :p

=-=-=-=-=-=-=-=-=-=-=-=-=-=--=-=-=-=-=-=-=-=-=-

اقتباس:

---

ياترى هل أنا: داش عرض..ولامحشش..ولا أفكر بالي ساحب علي..ولا ماكل بتنجامونه؟
M.B.C...مسابقات لها أثرها

---

ياخي أكثر شي يقهرني اعلانات الم بي سي هالجديدة http://www.websmileys.com/sm/mad/1018.gif كأن كل حياتنا وش هالبرامج الي يسوونها http://www.websmileys.com/sm/mad/1018.gif

يعني احنا تافهين للدرجة ان كل ما يهمنا ويشغل تفكيرنا وش يعرضون http://www.websmileys.com/sm/mad/1018.gif <<<واحد معصب ويبي يطلع حرته بأيتها حاقه http://www.websmileys.com/sm/mad/1018.gif

اقتباس:

---

كان يامكان في قديم الزمان مو قبل أمس ولا الآن صار هالحكي من زمان

---

دخت ×___×

اقتباس:

---

فقال:خلاص إن شاء الله
<وكل واحد اتفق مع نتسافر وجهز الشنطه وحدد متى نرجع وشنو يشتري وشنو ياكل ومتى ينام إلخ..بدون لانعطي أهلنا حتى خبر بالسفره ولا نروح نحجز>

---

شبابنا http://www.websmileys.com/sm/mad/1018.gif يسوي خطط و سوالف ولا يعطي تعبير لأحد http://www.websmileys.com/sm/mad/1018.gif

زي مرتن من المراريت وانا بزر (يعلمكم انه كان في يومن من الأيامي بزر ×___×) مشينا انا و اخوي لبيت واحد من اخويانا نلعب عنده سيغا (اياااااام يالسيغا :p) ولا اعطينا اهلنا خبر O.O

من المغرب الى ما بعد صلاة العشا ، نرجع للبيت الا أمي تبتسي و أبوي دقيقتين و يدق على مباحث أمن الدولة ما أدري الجنايات (خذ من هالصواريخ) ومن فرحة أبوي برجعتنا الحميدة ، مسك نعلته الي برجله و عقاله و أجلد يالي ما تجلد T-T

انحشنا لغرفنا انا و اخوي و أسبوع ما احنا عارفين نحط عيونا بعيونه >.> يقنعون بنا أهلي ناكل معاهم بس نخاف يعضنا :p


العبرة من الحكاية الي ما أدري وش تبي : آثار الصدمة النفسية لا زالت عالقة ، لدرجة ما نقدر نطلع السطح الا بعد موافقه رسمية و معاهدة الطريق الى سطحنا ×___×

اقتباس:

---

قبل السفر أنواع القلق والإظطرابات..وكل همي مسألة لبس الإحرام الي عقدتني<أول مره يعتمر من 7 سنين

---

أنا بس أشوفهم يجيني تقلص في الغدة الليمفاوية ×___× هالمنشفتين يالله عفوك ، لو تتلحف بشرشف تحسه أصرف O.o

اقتباس:

---

بالسيارة قبل لاأوصل لصاحبي ونروح للمطار
السايق:إنتا يروح سعوديه عشان عمره؟
داركنس:لا أنا يروح سعوديه عشان أنط من فوق الجبل وأقول أنقذني ياحليب السعوديه<خاطره بالحركه هذه من كان صغير

---

خخخخخخخخخخخخخخخخ XD

وراك ما سويتها o.O <<<أحد يتفاهم معاه

اقتباس:

---

:ياكلب يا%4$s%$ إنقلع روح صل..روح إلى بيتُ الله<قالها بالفصحى آخر كلمتين
الرجال قام يبتسم وسحب عليه..

---

عز الله أقنعه يصلي o.O

يعجبونك بعض الناس ، تحس هدفهم في الحياة انه يعلمك "أنا أخاف الله أكثر منك"


فوقية تحتانية ما أدري وش تبي O.o <<<بالله أحد يعطيه ريالين يصرفه

اقتباس:

---

داركنس بصوت واطي:سييييت داااون بللللييييس..بلللللييسسس سيييت داااواون بلييييسسسس
داركنس بصوت واطي:سيييت داون شيي طااان..سيت داون شيييطان

---

مثال حي على أن : الفضاوه شينه :D

اقتباس:

---

شيلساوي:لابجد والله أحس بيطيح وحنا بالطريق,تخيل يطيح كل إحرامك
داركنس:مالت عليييك مالت عليييييك لاتفاول لاتفاول بسك عاد!!

---

ولو فيه واحد قدع و أميييييييير يصوره و ينشره بلوتوث وناااااااااااااااااسه :D

اقتباس:

---

داركنس تعلق بكتف شيلساوي
داركنس يرقع الموضوع:تعلق فيني لاتتعور ..لاتخاااف لاتخااف انا معاااك أسندك أفا علي

---

!


ذابحتك الشجاعه :D

اذا ودي أسافر ولا أعرفك :p

اقتباس:

---

شيلساوي:تخيل الحين نموت,ياخي وراي مستقبل!
داركنس:أجل أنا الي وراي قناة الجزيرة للأطفال!!!!

---

نعم السداقه و الاخويا و قسم :D

خويك يسمع بأفلام الرهب O.o

اقتباس:

---

طلعت السالفة إن نعالي مالها أبو جد دخل..لكن فيه واحد باكستاني عجوز كل شوي يدوس على إحرامي الي تحت

---

اتوقع نيته موب لله فالله >.>

ياخي لو مره مرتين معقوله لكن O.o <<<يبي يشكك في عمرك :p

اقتباس:

---

-داركنس كل دقيقه يعدل بالإحرام-
داركنس:اقول..فاكر الي كل ثانيه دايس على إحرامي الي تحت بالمطار؟
شيلساوي:ايه؟
داركنس:أحس دوساته بتثمر قريب

الستييييييره!!!!

---

خخخخخخخخخخخخخخخخخخخخ XD

"معاناة معتمر T-T" عنوان حلو للموضوع :p

اقتباس:

---

http://ektob.com/uploads/vision_kddw.JPG
<أنا الي على الوسط..وشكلي كأني مازنجر مسوي سبايكي

---

سكنهم مساكنهم سكنهم مساكنهم V.V ياخي فيه وراعين بالمنتدى تخرعهم ليش T-T

...

لا احد يرد :p

اقتباس:

---

-بعد ماطب فيني أكثر من ألف معتمر وأنواع القلق والجروح والإصابات-
داركنس:ياااا...يااااا.....ماودي أسبك ألا بعد العمره تعال وخلك معاي وين رايييح!!

---

غلطان >.<

المفروض ماخذ رقمه O.o <<<واحد متفضي على الصبح

اقتباس:

---

بغيت آخذ الكتيب وأرميه لو إننا ماكنا بالحرم وكان فيه إسم الله..من زود القهر والإصابات><
وصلينا العشا وأنا ساجد طول الوقت خايف..يجي الموهوب ويعمل حركة أبو لؤلؤة المجوسي..بعد الي عملناه بموضوعه

---

خخخخخخخخخخخخخخخخ XD تشبيه توووووووووووحفه حقيقتن :p

بيني و بينك بعذره >.> يعني لو يوسعكم ضربن بإثلة ثم يرميكم طعامن للأسماك البيرانا و ياخذ الي يبقى و يزين به حوشهم ما ألومه ^ـــــــــ^ <<<<لا ، ما يبي يشعللها أبد >.>

اقتباس:

---

داركنس:آوتش..خخخخخخ وناسه وناسه :D <ماسك نفسه
الي يدز الكرسي:لايكوون تعورت؟

داركنس:لا أبد

---

خخخخخخخخخخخخ XD لا تعليق ^ـــــــــ^

اقتباس:

---

أول ماقمت ورحت لصاحبي..ولا واحد يمسك كتفي:إنتا يلا سوورعه عطي عشره ريال!!
داركنس:أقول مو كأنك مصختها تراني خلصت عمره أبشرك يعني :biggthump <يعني الأخلاق عادي تصير تجاريه

---

:D

زي قولة : لا أحد يقرب >.<

دراكنس بن صعفق ، الاخلاق تايوان ولا صيني o.O <<<أحد يضفه لأهله

اقتباس:

---

الفجر..لما كنا نايمين,يتصلون خدمة الغرف ليصحونا للصلاة
رد صاحبي على التلفون..حطه على إذنه وبعد ثوان سده

داركنس:إش مشكل؟<وطخ ونام مباشرة

---

خخخخخخخخ ، تذكرني بالروميت حقي يوم نصحيه للفجر XD

منبه ، و الآذان قوي كأن المأذن بغرفتنا ، و أنا أصحيه وما فيه أمل T-T

اقتباس:

---

داركنس:ياخي أهم شئ البرستيج ..البطن تقدر تنتظر :p
اخس بس..لو تشوفني الإدارة على هالإتيكيت الي آكل فيه,كان حطوني مشرف خاص
<مايتعامل ألا بالملعقة,أما شوكه وسكين ماعنده فكه وماتتصرف عنده

---

وشو ملعقة و شوكة و سكين O.O

موضه جديده O.o

اقتباس:

---

ثالث مره وكانت القاضية..يوم دزيت صاحبي وتصافقنا ولغمّت الطريق وراي عشان مايفتح الباب قبلي..تتوقعون وش صار؟

دخلت الكرت بطريقه غلط وولع ضوء أحمر وماشتغل :biggthump

---

لا حوووول ولا قوة الا بالله O.o وش بقيتوا للصغار >.> <<<<أحد يشوف له مصيبه

اقتباس:

---

في أثناء الليل..كانت مباراة مصر والسنغال,صاحبي يشجع مصر,لكن فجأه لما دخلت مصر هدف,ولا نسمع جيرانا يصيحون وفرحانيين ومدري كيف
فرحنا معاندين فيهم نشجع السنغال..بعد ماتعشينا من الطازج الي مادري ليش يمدحونه>_<

---

ياخي تأهلوا للنهائي >.< ما أدري لعبوه ولا لساع O.o

الله يوفقهم ، فريق فيه خشبه و كمونه و نيدو ما ادري ميدو محتاج دعاوي كثير >.>

اقتباس:

---

عاد أنا من بداية الطريق دايخ وبطني أنواع القلق
شيلساوي:شفيك؟
داركنس:بطنييي فيها صدااااع

شيلساوي:انا رجلي فيها مغص..كله منك

---

انا جاني انفلونزا قماري من سوالفكم ×___×

وسلامة بطنك حوووووب T-T عساه ببطن مو الصيني ولا بطنك ^ــــــــــ^ <<<<خربها ولا يعرف الرجال

اقتباس:

---

وحاط إيدي على قلبي يوم شفت صاحبي فتح موضوع الغزو الصدامي..قلت الحين أخاف كعادته يروح يحط المشكله براسي ويقول انا من سببها..فيرميني الشايب من التاكسي وفوق جناطي..وأظطر اروح مشي للمطار

---

ياخي هالشعب العربي ، كل واحد مسوي فيها سياسي زمانه ولو تحتاجه بكيس بصل تعذر بنزيف في الفص الشمالي من راسه ×___×

اقتباس:

---

يوم وصلنا السيارة وركبوا كلهم ألا أنا وصاحبي وتأملت الوضع
داركنس بقلبه:الله أكــبر!!!<وملامح الصدمه والكآبه على وجهه=بس ولد عمهم كان نفس مقاسي ماشاء الله عليهم :09:

شيلساوي:شفيك؟
داركنس:لا ولا شئ..بس أعتقد السياره ماتكفي فإسمح لي أروح أطقها مشي لبيتنا من المطار..كلها 500 كيلو

شيلساوي:أقول على شحم
داركنس:إن شاء الله

---

ههههههههههههههههه ، يجونك بالسيارة كأنهم فازعين بخنقة XD

المشكلة ما أحد منهم يتبرع يشيل لك شنطة أو يساعدك بغرض ، لاااااااااااا ، تلقاهم متنحين بك و يناظرونك كأنك تلفزيون يعرض CBM متبسمين يخفون تعليقاتهم الساخرة O.o

اقتباس:

---

-أما بالنسبة لمقابلتي مع غريب؟..والصور الي فيها؟..اوووه...هذه سالفة ثانية!-

---

بانتظار الموضوع حوووووووووب و خصوصن الشاب الأنيق غريبووووه في الموضوع فما يتفوت ^ـــــــ^

اقتباس:

---

إشتقت لكم ياخااايسيييينXD

---

من علمك O.O قصدي كيف الحال ^ـــــــــ^

=-=--=-=-=-=-=-=-=-=-=-=-=-=-=-

مواضيعك ما تنمل ولها طعمها الخاص ^ــــــــــــ^

واعذرنا على مصالتنا بس الميانه والي تسويه :p

نقراك قريبن حوووووووووب :D

الكابوس المرتبط بالاحرام خلى واحد اعرفه يحج بسروال و المشكلة انه على وقتها كان متخرج من الثانوي ^^_

على ما اذكر..يوم رحت احج لبست الازار تحت الثوب و لما وصلنا للمطار و ما بقى الا نركب الطيارة رحت للحمام و فصخت الثوب و السروال و لبست الرداء... فكان فيها اختصار يعني *__*

و بعدين ما اقول لك الا مثل ما يقول اللي في المرفقات

* وين صورتك و !غريب! *

لعنة الكود مالك رجعت ×___×

شلون تبينا نرد و اللعنة تلاحقك.....اخاف تعاديني...>.>

اقتباس:

---

لاحد يرد و يقول الموضوع طويل زي بعض الناس..

---

طبعا مو انا الي تتكلم عنه :31: >>>>يعرف روحه

اقتباس:

---

عنوان الموضوع>>>>>يوريك انه ما يقدر ينسخه :p

---

يا نصاب صورك انت و غريب مو موجودة....ليش فاتح موضوع....:31:

على الاحرام...تقريبا في السعي شبه طاح علي لكن و لله الحمد...تافديت الحادث في اللحظة الاخيرة...

بس زين انك رحت وسويت مغامرات...انا مع ربعي رحنا و سحبناها نومة طول العمرة و رجعنا....:09:

داركنس يابعد تسبدي .. عندك نفس في الكتابه ( ماشاء الله عليك)

إلا أقول .. حط صورنا ياشيخ .. القمهور عاوز كده :D


<< إنطم :o

السلام عليكم


والحمد لله على السلامه، وماشاء الله، الله يتقبل منكم ومبروك عليكم اللقاء المبروك.

شي حلو ان دائرة المعارف قاعده تكبر يوم ورا يوم

تاريكي...حلوه صورتك ولو ان مب طالع شي لا خشتك ولا كرشتك ولا كشختك

أهديك صورتي لما رحت العمره مع الأهل ، هذي صورتي مع عيال أختي

السلااام عليكم ورحمة الله وبركاااته
الله يخليكم ويحفظكم يارب ويسلمكم وما إلى ذلك من الدعوات الطيبة والي تشرح النفس

ياناس كانت معاناة بس أروع معاناة والله..يكفي خشة غريب المنورة ويكفي صحبة صاحبي الي هو صاحبي


وبالنسبة للصور..مايكفي صورتي الي قبل أسبوع وشكلي فيها زي كوجي من جريندايزر..ناس طماعه والله
لاتخلوني أظطر وأحط مقطع فديو حق غريب صورته بدون لايشوفني..تراني متهور والأجر على الله


سميقل..ليه مغطي صلعتك بالصورة؟
تراني نحيس وعندي صورة إكسلوفوس<حصريه,حق صلعتك وإنت تقرأ كتاب شفرة دافنشي<يوريك انه نحيس ويقدر يبتز


كرونوليتا..هههههههههههههههههههههههههه ياخي فصفصت الموضوع عدل وبسطت نفسي الله يسعدك,دايم أنتظر مرورك,ذكرتني بردك..يوم وقعنا في حبك أول مره بموضوعي القديم الي فيه سوالف الصيني


دوا الكحه..يابعد عمري والله إشتقنالك وفقدناك مالت عليك وعلى خشة الصيني وعدوينك

اقتباس:

---

المشاركة الأصلية كتبت بواسطة 7_Dark Soul

لعنة الكود مالك رجعت ×___×

شلون تبينا نرد و اللعنة تلاحقك.....اخاف تعاديني...>.>

---

ياخي بسيطه ، حدد النص الي يعجبك و اضغط Ctrl + C و بعدين بالمكان حق الرد اضغط Ctrl + v
O.o

الى متى واحنا نعلمكم استخدام هالكمبيوتر >.< >>>>احد يشوف له صرفه

=-=-=-=-=-=-=-

درااااااااااااااااكنس ، فاضي وقلت استغل موضوعك :p

آشفين T-T

ما ادري
هل انا مخرف بسبب الاجازة الي كنت فيها
او انه ما في اي ذكر لغريب في الموضوع نهائي :31:؟

على العموم حمدلله على السلامة با ابن صعفق و ان شاء الله تكون انبسطت في مكة :)

كرووونوليتا
ههههههههههه مالت,ياحووب أصل أنا أنتظر مووت أشوف رد لك ينور موضوع من مواضيعي وأنت تعرف هالشئ
وردك هو الي يرد الروح ياروحي>_<


عماد الدين
ألللللللللللللللللللللللللللللللللف ااااااااااااااااااااااااااالف الحمدلله عالسلاااامه يارجااااااااال
ياخي فقدناك والله...

والله يسلمك ويخليك..ايه انبسطنا يكفي..إنها أرض الأحباب والأصحاب^^

خخخخخخ بالنسبة لغريب..ياخي ذاك موضوع لحاله,وبالأول خلني احط موضوعي وسميقل الي أكل عليه الدهر وشرب وفحط وسحب سحبه أليمه من بعدها

الله يسلمك حبيب قلبي :)
و الله الحال من بعضه
اشتقنا لكم و لسوالفكم و للمناقر مع بعض :09:

السلام عليكم ورحمة الله وبركاته
أسعد الله صباحكم بكل خير

--

كح...غبررررره....

المهم..نعلن في هذا اليوم المبارك إننا سنكمل مابدأناه بإذن الله على يد السيد غريب افندي
سيحكي لكم عن تفاصيل اللقاء وأنا سأعقب على كلامه بإذن الله


وبعد أخذ الإذن من غريبوه..حطيت لكم مقطع له وللشباب في الملف المرفق..تمتعوا وشكراً

اقتباس:

---

المشاركة الأصلية كتبت بواسطة Electro M

الله يسلمك حبيب قلبي :)
و الله الحال من بعضه
اشتقنا لكم و لسوالفكم و للمناقر مع بعض :09:

---

كح كح: q

(&)

من متى هالموضوع موجود (&)

ما شفته من قبل :33:

اقتباس:

---

المشاركة الأصلية كتبت بواسطة Yamato

(&)

من متى هالموضوع موجود (&)

ما شفته من قبل :33:

---

هل تعلم إنك مغبر(&)
وهل تعلم إن شكل غريب سحب علي وماكمل الموضوع(&)