ياشباب المنتدى ويالمشرفين عن موقع جيمز فور ارب .... لحقوا على السرقه ؟؟؟

السلام عليكم

الى المشرفين عن موقع جيمز فور ارب

اليوم وانا اقرا جريدة ( الانباء ) الكويتيه لقيت سرقه عيني عينك للاخبار الي تنشرها الموقع

انا كنت ملاحظ على هالجريده نقلها من كلام جيمز فور ارب .... بس ما نشرت لاني قلت انها خذت خبر واحد ما يضر

بس ان هالجريده تعيدها اكثر من مره فهذا غير مقبول بالمره :غضب: :غضب:

تنقل الاخبار نسخه طبق الاصل عن الي ينشرها الكتاب في جيمز فور ارب ولا حتى كلمه زياده او نقصان

وما يكتبون انهم ناقلين من موقع كذا ولا كذا

وانا سويت سكان حق الجريده وراح انشره لكم وبتشوفون بعينكم

وهذي هي الصفحه

[IMG]C:\My Documents\My Pictures\بوقه الانباء.BMP[/IMG]

انا حزنان على هالشي الصراحه :(

يعني كتاب جريدة الانباء مستخسرين انهم يكتبون الاخبار باسلوبهم

ومستخسرين انهم يكتبون نقلا من جيمز فور ارب او اي شي ثاني

خبر جران تريسمو نفس الكلام الي كاتبه lord of ps ولا حرف زياده

وخبر نيد فور سبيد الماخوذ من عماد 18 ( مسكين عماد باقوك :D )


ترى انا نشرت جزئ من الاخبار المبيوقه ..... ولا كل اخبار الجريده نقل من
جيمز فور ارب


المهم انا بلغت وسويت الي علي .... انا بكتب رساله حق المشرفين بس
قلت خلني انشر الخبر في المنتدى بالاول

صح انها جريده كويتيه وانا كويتي ... بس هذا ما يمنعني من اني اتستر عليهم


وعلى فكره هذا ايميل صفحة الالعاب في جريدة الانباء
الايميل

اقتباس:

---

كتب العضو (ULTRASSUR)
ما تطلع الصةره

---

انا عندي طالعه


وللي طلعت عندهم الصوره وشافوها يروحون موقع جيمز فور ارب علشان اتشوفون النسخ للاخبار

وين الصوره؟؟
":"

اقول لحظه شوي

انا مسوي اشتراك بجريدة الانباء

بروح اشوف اذا نفس المقال موجود ولا لا

برب

و الله مشكله لكن وين الصوره؟

ما تطلع الصةره

وين الصورة؟؟!!
الله مشكلة لا في مشكلة مشكلة
مشكلة ياخي وش فيك

ليش ماباقو حزء من كتباتي :( :( :(

و الله ان هذي مشكله بس وين الصورة؟؟؟؟ ?: ?:

اتخبر منها وين هي يمكن نسيتها في البيت.

:D :D :D

يا شباب هو حاط أختصار من جهازه‍‍‍‍‍‍‍‍‍??............











وشكرا.....................................KAVEN

مستر نازي سو ارفاق للصورة ..

اقتباس:

---

كتب العضو (عماد 18)
مستر نازي سو ارفاق للصورة ..

---

صح سو لها إرفاق

ها ليش ما تطلع عندكم ؟؟؟؟؟

انا بسوي لها ارفاق

بس اذا ما طلعت اسالوا اي واحد من عيال المنتدى عايش في الكويت عن جريدة الانباء

يلعن التقليد

يا عزيزي ما قلته انت نذر يسير من كم كثير

تدري ليش ما نجدد بالموقع ؟ لأن الكل راح يسرق منا وينسب الخبر لنفسه

لكن نحن وصلنا لحل بسيط، سنعاقب به من يسرق منا

الحل ببساطة، هؤلاء الأغبياء لا يريدون أن يتعبوا أنفسهم بتحري الدقة

وعليه، فكل ما سنفعله أن نضع بعض المعلومات الخاطئة فى الخبر
وبعدها بيومين ثلاثة نصلحها، طبعا زوارنا من المحترفين سيعرفون الخطأ، بقية الشباب عندما يعودون مرة أخرى سيجدون الخبر الصحيح

تخيلوا مثلا أن ننشر أن شركة نينتندو تنشر لعبة بها صور فاضحة، وهذه اللعبة اسمها جران توريزمو، ثم تنقل الصحيفة مثل هذا الخبر، والذى سيختفي من قائمة أخبار الموقع بعد يومين بالطبع

طبعاً الجميع يعرف أن جران توريزمو حق سوني لا نينتندو، لكن بعد أن تنشرها الجريدة التعيسة، سيعرف الجميع أنهم مجموعة من الفاشلين لا غير ... لصوص وأغبياء !!!

(هذا كمثال، طبعاً سنتعمد استغلال خبرتنا بالألعاب فى تلفيق خبر محبوك)

ما رأيكم فى هذا الرأي؟ لم يشجعنى أحد على ما أنويه حتى الآن لكن لم يقدم لي أحد حل لوقف هذه السرقات

لقد وصل الأمر برئيس تحرير جريدة الاتحاد الإماراتية أن تحدانا بنقل كل محتويات الموقع ولنفعل ما نريده ( نطق دماغنا بالحيط)

مشكورين جميعاً وليعرف الجميع حقيقة الصحافة العربية/ من يسرق مرة يسرق كل مرة !

أول شيء
شوف موقع gamespot
وشوف من اللي قاعد يسرق في البدايه
نفس الترتيب
نفس الأخبار
الفرق هو مترجم _ للعربي -
وتعرفوا أنا قاعد أتكلم على أي موقع

:) اقتراح رهييييييب ..
اللي يقول ان هذا اسمه اقتباس الاقتباس انك تاخذ جزء من الخبر او الخبر كله مع الذكر بانه منقول ..
اما اللي تسويه هالجريدة اسمه سرقة يعني بالعربي حرامية ....

والله الفكرة حلوة يا forumaster.....


بس اتوقع انه فيه ناس كثار بتشتكي من الاخطاء هذي......وانا رأيي انكم تحطون علامة مميزة.......تخلي القارئ يعرف الاخبار الصحيحة من المفبركة......

ها ؟؟؟؟؟؟؟

تصدقون انه نفس الكلام الي قريته بالجريدة موجود بالمنتدى

ولكن تم تغير ترتيب بعض الفقرات ,

وانا بعد راجعت الاصدارات القديمه من الجريدة وايضا لقيت

مقالات موجودة في جيمز فور ارب (( الموضوع الخاص بتكن 4)

وشنو الحل يا شباب ؟؟؟؟

اقول ما يصير نرفع قضيه على الجرايد الي تبوق الاخبار

من موقعنا ؟؟؟؟؟؟؟

فيصل شنو قصدك ؟؟؟

يعني انت تدافع عنها علشانها كويتيه ؟؟؟؟

انا بعد كويتي , بس هذا ما يمنع السرقه

لان الكتاب في الجريدة قعد يسرقون جهد اخوانا الاعضاء

في المنتدى وهذا شي حرام

الرسول علىه الصلاة والسلام قال: ( لو ان فاطمه بنت محمد سرقت , لقطعت يدها )

السرقه شي كبير

:غضب:

اقتباس:

---

تخيلوا مثلا أن ننشر أن شركة نينتندو تنشر لعبة بها صور فاضحة، وهذه اللعبة اسمها جران توريزمو،

---

لا مثال و لا بطيخ ليش ماتقولو :

آخر اصدار لتكن 5 على الدريم كاست و ليش ننتندو

أو صدور سونيك على العائله

:D

انا اكتشفت الموضوع من زمان وهذا نص الرسالة اللي ارسلتها ل فورماستر

http://lw14fd.law14.hotmail.msn.com/...ead=1&mfs=1460

اه يارب

الحق دائما ما يضيغ

اقتباس:

---

كتب العضو (faseloo8)
لو أنك كويتي كان ما حطيت صوره كاظم الساهر


:D

---

شفيها يعني لو حطيت صورة كاظم الساهر ؟؟؟؟؟

انا معجب فيه , وانا اسمع اغاني عراقيه , فيها شي

مزاجي وانا حر يا اخي

وبعدين انا كويتي

اصلا حتى لو ترفعون قضية ما راح تقدرون الانه جريدة الانباء وراهم ظهر

":"

و طريقة الي قالها المشرف ممتازة :)

اقتباس:

---

كتب العضو (forumaster)
يا عزيزي ما قلته انت نذر يسير من كم كثير

تدري ليش ما نجدد بالموقع ؟ لأن الكل راح يسرق منا وينسب الخبر لنفسه

لكن نحن وصلنا لحل بسيط، سنعاقب به من يسرق منا

الحل ببساطة، هؤلاء الأغبياء لا يريدون أن يتعبوا أنفسهم بتحري الدقة

وعليه، فكل ما سنفعله أن نضع بعض المعلومات الخاطئة فى الخبر
وبعدها بيومين ثلاثة نصلحها، طبعا زوارنا من المحترفين سيعرفون الخطأ، بقية الشباب عندما يعودون مرة أخرى سيجدون الخبر الصحيح

تخيلوا مثلا أن ننشر أن شركة نينتندو تنشر لعبة بها صور فاضحة، وهذه اللعبة اسمها جران توريزمو، ثم تنقل الصحيفة مثل هذا الخبر، والذى سيختفي من قائمة أخبار الموقع بعد يومين بالطبع

طبعاً الجميع يعرف أن جران توريزمو حق سوني لا نينتندو، لكن بعد أن تنشرها الجريدة التعيسة، سيعرف الجميع أنهم مجموعة من الفاشلين لا غير ... لصوص وأغبياء !!!

(هذا كمثال، طبعاً سنتعمد استغلال خبرتنا بالألعاب فى تلفيق خبر محبوك)

ما رأيكم فى هذا الرأي؟ لم يشجعنى أحد على ما أنويه حتى الآن لكن لم يقدم لي أحد حل لوقف هذه السرقات

لقد وصل الأمر برئيس تحرير جريدة الاتحاد الإماراتية أن تحدانا بنقل كل محتويات الموقع ولنفعل ما نريده ( نطق دماغنا بالحيط)

مشكورين جميعاً وليعرف الجميع حقيقة الصحافة العربية/ من يسرق مرة يسرق كل مرة !

---

وانا اقول ليش الموقع صاير تعبان ومافيه تجديد

والله اني فكرت ان ماظل حد يكتب مقالات ....... قلت انه الكتاب مشغولين ولاشي

لانه في العاب كثييييييره نازله ومالقينا في جيمز 4 ارب اي مقال عنها

ديفل ماي كراي - سايلنت هيل 2 - ايس كومبات 4 - جراند ثفت اوتو 3 ... الخ

وكذالك ماشفنا تقارير عن العاب جيم كيوب ( لويجي مانشن - ويف ريس - مونكي بول )

حتى اني فكرت اجيب شله من عيال المنتدى ونقوم حنا نسوي تقارير عن الالعاب وننشرها في حيمز 4 ارب


الفكره الي قلتها ياالاخ فورماستر زينه

بس احتمال كبير انها تفشل ..... لاسباب

1/ لان كتاب الجرايد غير معرفتهم بموقع جيمز 4 ارب اكيد يعرفون المنتدى ..... وتلقاهم الحين شافوا ردك في هذا الموضوع وراح ياخذون احتياطاتهم

2/ انه ومثل ماانا اعتقد الجريده ماراح تكون بهذا الغباء حتى يمر على كتابها هالشي .... اكيد قبل نشر كل مقال يفحصون المقال ويشوفونه عدل وراح يكتشفون الاخطاء

3/ انك ومثل ماانت قلت راح تعدل الاخطاء بعد يومين او ثلاثه ....... زين بالله جم هالبواقين بعد هاليومين وقرم المقال معدل :(


بس ماعليه جربها يمكن تنجح

اقتباس:

---

كتب العضو (faseloo8)
خلاص هذا أسمه أقتباس بعدين هذا صحيفه لها أكثر من عشرين سنه

المهم لا احد يسب في الكويت وبس

---

لا حبيبي هذا مو اقتباس :غضب:

هذي سرقه .... لانه الموضوع نسخه طبق الاصل من موقع جيمز فور ارب

بعدين المفروض غصبا عليهم لي نشروا الخبر الماخوذ من الموقع يكتبون ( مصدر الخبر من كذا كذا )

وانت لو تلاحظ جميع اخبار جيمز 4 ارب الماخوذه من مواقع ثانيه تلقى بنهاية الخبر ( مصدر الخبر ) ويحطون وصله للخبر

هذا غير ان الكاتب في جيمز 4 ارب لما ياخذ الخبر يكتبه بطريقته الخاصه

مو نسخه طبق الاصل


وحتى لو كانت جريده كويتيه صار لها اكثر من 20 سنه

اصلا هالجريده كله تقليد في تقليد لجريدة الراي العام ( الكويتيه هي الاخرى )

كل ما تسوي الراي العام حركه جديده تقوم الانباء وتقلدها

وعلى فكره فيسلوه


ترى انا شايف بعيوني الثنتين كويتين يسمعون اغاني عراقيه ..... وياكثرهم

اقتباس:

---

لقد وصل الأمر برئيس تحرير جريدة الاتحاد الإماراتية أن تحدانا بنقل كل محتويات الموقع ولنفعل ما نريده ( نطق دماغنا بالحيط)

---

قال كذا فعلا ؟؟
بايميل و الا كلمته هاتفيا ؟؟

واضح حتى من زود الحرية قامت جرايدكم تسرق .. :p

إلى موسوليني الفاشي :
أنت مو كويتي لأن كل كويتي ما يرضى على نفسه يسمع أغاني عراقية .

اقتباس:

---

كتب العضو (half-life fan)
إلى موسوليني الفاشي :
أنت مو كويتي لأن كل كويتي ما يرضى على نفسه يسمع أغاني عراقية .

---

كلامك مو صحيح

انا اقولك , حنا مشكلتنا كلها مع صدام ونظامه

ولا الشعب العراقي ماله ذنب بالي يصير , هم نفسهم يعانون من صدام

يعني انت الحين تكرة العراق كلها ؟؟؟؟

اذا كنت جذي , فأنت غلطان

لانك ما تعرف تفرق بين الظالم والمظلوم

وانا واقولك بكل صراحه

اغلب الكويتين يسمعون اغاني عراقيه

بس هذا مو معناة انهم يحبون صدام

لانه ما في انسان عاقل يحب هذا الطاغيه بعد الي سواة

عندي حل مادري ينفع ولا لا
وشي الجريدة المنافسة للأنباء (طبعا في الكويت)
ويروح واحد من الاخوان اللي في الكويت لذي الجريدة
ويتفق معهم على نشر الفظيحة اللي سوتها الانباء
اعتقد انه حيكون رادع لهم
.
.
ويا ليت لو وصل هذا الموضوع الى السب في حكومه البلدين ان يتم ايقافه

اوهووووووووو وين هاذكاء من زمان:D

اقتباس:

---

كتب العضو (mohammed111)

وشي الجريدة المنافسة للأنباء (طبعا في الكويت)
ويروح واحد من الاخوان اللي في الكويت لذي الجريدة
ويتفق معهم على نشر الفضيحة اللي سوتها الانباء
اعتقد انه حيكون رادع لهم

---

:)

ما يمسح النار إلاّ النار
إذا هم قاعدين يسرقون و يخربون عليكم
أجل إنتم خربوا أشيائهم
جرّبتوا تسوّون شي لموقعهم على الإنترنت؟:)

الصوره ما راح تطلع لانه حاطها من جهازه:)

شباب وشرايكم اصير ارهابي

و اروح افجر مبنى الجريدة :D


علشان ما يبوقون مننا مرة ثانيه

شوفوا شلون اضحي بمستقبلي علشان جيمز فور ارب:D :D

لا حول ولا قوة الا بالله .......حسبي الله ونعم الوكيل...

وصلو لحد السرقه الي عينك عينك والله ما يستحون....
يا فورم انت عطني الي تبغاه نسويه بالخبر الي ننشره وما يصير خاطرك الى طيب

و انا اكثر شي غثني انهم شايلين مقطع من خبري عن نيد فور سبيد :D

اقتباس:

---

كتب العضو (عماد 18)
و انا اكثر شي غثني انهم شايلين مقطع من خبري عن نيد فور سبيد :D

---

اصلا هم ما عندهم سالفه :غضب:

يبوقون مقال عماد :غضب: من زين مقالات عماد علشان ياخذونها:D :D








هههههههههههه














عماد مو تصدق :D


اتغشمر معاك

اقتباس:

---

كتب العضو (faseloo8)
خلاص هذا أسمه أقتباس بعدين هذا صحيفه لها أكثر من عشرين سنه

المهم لا احد يسب في الكويت وبس

---

وانا وياك:)

هم يبون يقلدون جريده الرئي العام عشااان جريده الرئي العام كانت تكتب مقالاات حق الالعاب من قبل 3 سنوات يعني قبل ما يشتهر الموقع ولي يكتب مقالااته عبدالله جمال الي يقدم فقره الالعاب في برنامج عالم الكومبيونت بعدين حترت الجرايد الثانيه مثل الانباء بعد ماصارت الرئي العام الجريده الاولى في الكويت وبدو يبووووقون من موقع games4arab عشاان يجذبون محبين الالعاب له

يا فيصل...
كلمتين الحين...
عشرة بكرة.....
الموقع كلّه بعد بكرة:)

شتة هذا مثل

ماهو عاجبك المثل......................... سف من التراب:غضب:

تم ايقاف بوليس و بلاك تايجر لمخالفتهما قانون التواقيع ..
مدة الايقاف اسبوع ..

ترى توقيعك يلمح ...

آآآآآآآآآه


والله اسمه :
سرقه شنيعه
مب
إقتباس


لانك الاقتباس مب كل شي وبعدين الاقتباس يحطون مصدر

انا من رايي يا جماعه انكم تدزوون ايميل لجريده الانباء تقولونهم بضروره وضع اسم الموقع علشان تعم الفايده واذا ما رضوا دزوا رساله لاي جريده ثانيه تقولون لهم انه اسره موقع الالعاب العربي تقول انه جريده الانباء بايقه او مقتبسه من هذا الموقع مع عدم ذكر اسم الموقع وبس انحلت المشكله :):):)

السلام عليكم.......

و الله حرام هذه سرقة عيني عينك.......

و الطريقة التي ذكرها المشرف حلووووووة و إنشاء الله تنجح.....":" ":"

شوفو الكلاب شوفو تدرون اخر اخبار مسلسل السرقات وشو لو تشوفه يا فورم ماستر راح تنجن
اليوم بعد ما شفت موضوعكم عن الانباء وسرقاتها من الموقع قلت يولد اليوم الجمعه يمكن اشوف كم سرقه مني يعني لو كثرو موضوع او موضوعين تدري كم موضوع سارقينها بس من مقالاتي ===========>

سبعه...............7...............سبعه..............7


يعني الجريده كاني محرر فيها لكن بدون راتب بالمجان والله قهر يعني الحين روحو اقروها تلقونها كلها مواضيعي والله قهر والله قهر تدرون وشو العناوين خذوها بالواجهه عنوان موقع جديد من يوبي سوفت للعب الجماعي وهذا موضوع نشرته بالموقع من فتره قريبه.


الموضوع الثاني شريك(shrek)من السينما الى الاكس بوكس يعني حتي العنوان ما سلم من سرقاتهم وهذا موضوع كاتبه انا بالموقع لا والامعه الجريد حتي الصور من الموضوع والله يبغالنا نذبحهم


الموضوع الثالث انا كاتبه بالموقع بعنوان سوني تزيد من اجهزه البلاي ستيشن2 ...وتؤكد عدم خفض اسعار
الكلاب ويخب عليهم هذا الوصف كاتبينه بطريقه يعني بيوهمون الناس ان الموضوع منهم كاتبين العنوان سوني تؤكد عدم خفض اسعار البلاي ستيشن2 طبعا الموضوع ناسخينه نسخ........


الموضوع الرابع عن شينمو3 الي كاتبه ناشرته بالحرف الواحد

الموضوع الخامس كاتبين عنوانه هاري بوتر على عده اجهزه ومسوين كوبي على كل الي كاتبه

الموضوع السادس باتمان على الجيم كيوب وطبعا كلعاده الموضوع نسخ

والاده انا مسوي تحليل للعبه ديد اولر الايف3 عاد الحمير حاطينه لكن بختصار .?: ?: ?:


يعني لو انا محرر عندهم كان ما اقتبسو مني كل المواضيع هذي ويله يا شباب نبي نغرق الجريده رسايل احتجاج وغضب

وهذا الايميل الي بالجريده قسم الكمبيوتر

computer@alanba.com.kw

هذا الي همك لا اقول لكاب الى كلاب ونص وثلاث ترباع

ياخذون مقالات مننا لا وبالحرف لا وازيدك كلاب وحمير

خخخخخخخخخخخخخخخخخخخخخ
صفحه كامله من الجريده انا كاتبها ومتعب نفسي عليها وبالاخير جحد حتي ايميل ما حطوه

لا ذول كلاب وحنير وما يستحون

ادري ان ذول ربعك لادافع على حراميه

جيم سنتر: انت تقصد بالكلاب...هم الجريدة ...وليس الكويت...(بغيت اوضح للاخوان)....

وانا من رايي..... اذا خلاص ما قدرتوا عليهم....قولوا للجريدة....ان كل موضوع تكتبونه اكتبوا....مصدره موقع games4arab .

وبس

هاهاهاها يا faseloo8 انا ما اقصد الكويتيين انت تبي تخرب العلاقات بينا وبينهم والله انك ,,,,,,,,,,,, شقول شخلي على العموم انا اقصد الجريده وما قصدت الكويتيين ..... فهمت يالطيب

تصدق يا faseloo8 إني ما شفت عنصري أكثر منك بحياتي، يا أخي أصلاً عبدالله رويشد صارله أسابيع بالمركز الأول في العراق، مع إننا لانحب شيوخ الكويت ولا الخليج بصراحة، وأريد أعرف، شدخل الحكومة بالشعب، يعني حتى لو نحب صدام، هذا شئ خاص بينا، وماكو أي حق يخليكم تحاسبونه إلنا.

نرجع للموضوع، ماشاء الله علي، كل شوية مسروق خبر ومنشور بجريدة، أيوااااا :D:D:D:D، لكن ليش ما يكتبوا الأسماء على الأقل؟؟؟؟؟

ok i dont have arabic on my PC. you guys saying that kuwaiti news paper is stealing some stuff in the site, ok just take a look at the news about FFXI the pictures has been taken from www.ign.com check out the logo on those pictures. you guys are stealing the pictures and the news from other web sites like ign , gamespot, thegia, themagicbox.and .sometimes you post a link to those sites for the right, sometimes you dont so who is the thife now.

اسمع اخوي Dragonwarrior موقع جيم فور ارب وظيفته ترجمه الاخبار وتقديمها الى القارء العربي والبحث عن اخر الاخبار والصور وتقديمها الى القراء هذا لا يعني لك شي هذا يعني اننا نتعب ونترجم ونبحث ونحط لا وزياده نحط وصله الموضوع

لكن جريده الانباء تنقل بالحرف بدون تعب ولا شي حتى مصدرنا ما تذكره هذا سرقه علينيه طيب ليه ما تسال نفسك احنا نترجم ونبحث هم ليه ما يترحمون ويبحثون فيها فرق اخوي لا تقارن بين ناس يجيبون من مواقع اجنبيه من ناس ينقلونها بعد تعبنا بارده مبرده .

اقتباس:

---

كتب العضو (Dragonwarrior)
ok i dont have arabic on my PC. you guys saying that kuwaiti news paper is stealing some stuff in the site, ok just take a look at the news about FFXI the pictures has been taken from www.ign.com check out the logo on those pictures. you guys are stealing the pictures and the news from other web sites like ign , gamespot, thegia, themagicbox.and .sometimes you post a link to those sites for the right, sometimes you dont so who is the thife now.

---

في فرق لما تنقل الخبر و تذكر المصدر ..
و لما تسرق الخبر و لا تذكر المصدر ..

i know there is s diffrenece ,. for example , the news about FF XI has been taken from ign i can tell you that from the logo on the pictures and you didn't but a link to thier site,most of the time you guys dont put a link for the rights of the other sites. thats all.im not with al-anbaa` a news paper but( gabel ma togoloon enhom 7arameya chofo nafsekom awal, togoloon a7`bar men al yapan ,ma7`thenha men thegia ,mmcafe or themagicbox wo to7o6on wa9la 7ag al mawge3 wo togoloon a7`bar mawjooda fagat fe games4arab)

sorry, i mean( ma7`thenha men thegia ,mmcafe or themagicbox wo t ma o7o6on wa9la 7ag al mawge3 wo togoloon a7`bar mawjooda fagat fe games4arab)there is no link to ign in the FFXI news . ween al wa9la ele togoloon 3anha

طيب ..
على الاقل احنا نتعب و نترجم و نحط وصلة للخبر و جل من لا يسهو يعني صاحب الموقع منبه علينا اننا نحط وصلة للمصدر لكن بعض الاحيان ننسى ..
بعدين يكفي اننا نشير للموقع اللي نقلنا منه الخبر مثلا لو انقل خبر من موقع IGN يكفي اني احط المصدر www.ign.com المهم اني اشرت انه منقول ..
اما جريدة الانباء كل اللي تسويه نسخ و لصق لا يتعبون في الترجمة و لا شي و مع ذلك ما في و لا اشارة لا من قريب و لا من بعيد انه منقول ..

وليش يكتبون منقول ؟ شالفايدة ؟?: