ساعدوا الكيوب؟!؟!؟!

الكيوب قوي و ما في شك و العابه حلوه و كل شيء لكن لأسف ليس مشهور في الدول العربية مثل البلاي ستيشن لهذا ارجو انكم تسوا زيي تقولوا لاصحابكم و اقاربكم عن الجهاز في النهاية احنا المستفيدون يصير تقدر تبدل اشرطة مع اصحابك و اقاربك تجرب الالعاب اللي ما اشتريتها او جديدة و المحلات تكثر من الاشرطة ة تتنافس في الاسعار....الخ

عندي طريقة للعجازين اكتب رسالة في الجوال عن الكيوب و ارسلها لمن تعرف :D

كل واحد يقول طريقة
كثرة الطرق=سرعة الانتشار

آمل انكم تردوا لان قليل اللي يعبروني للأسف:(

GameCube يعجبني الرجال اللي دايما يقولها في بعض العروض:)

اناااااااااااااا قلت حق ربعي بس ماقتنعوووووووووووووووو يقولون حق اطفال :غضب: :غضب: :غضب:

مساكين جاهلين مايدرون ان الدنيا تتطور ون الكيوب مهو ب سوبرننتندو الكيووب هو اكثر جهاز شفته متطور من كل النواحي

الرسومات فيه مدهشه
صغير جدا جدا
يده التحكم مرييييحه جدا جدا
لايوجد لودنج بين المراحل
الوانه مرييييييحه لي العين
.............................الى اخ

شباب انتو متعقدين صراحه

هذه المشكلة ما لقيت لها حل حق اطفال هه من متى

لازم تكون الالعاب كلها بعابيع و دنيا شاحبة و مظلمه عشان يصير حق كبار

في الCube Club كل الموجودين اعمارهم 15 فما فوق (الا اذا كان 15 صغار عادي ازود):D

......

شو السالفة ?:

انا مافي احد أعرفه الا وعلمته

:)

انا معاكم اول ما الاقي احد من ربعي اقول له عندك game cubeبس المشكله انهم ما تعودوا على العابه!!

أنا للحين ضمنت أربعة من ربعي إنهم حيشتروها والخامس والسادس على الطريق ... اثنين من ربعي كان عندهم نننتندو 64 واشتروا بعدها بلاي ستيشن 2 لكن الكيوب عجبتهم أكثر وقالوا إنها رهيييييييبة ...
واثنين كان عندهم بلاي ستيشن وبعدها اشتروا بلاي ستيشن 2 ومقتنعين بها لكن الكيوب عجبتهم وقالوا إنهم ممكن يشتروها عشان يشوفون الأسطورة رزيدنت إيفل 1 عليها ...
والبقية للحين مترددين ... وإن شاء الله أقدر أقنع أكثر وأكثر لأن اللعب الجماعي فظييييع ورهيييب وتبادل الأشرطة أفظع وأرهب ... وأكيد في هذه الأشياء متعة وانا أبي أستمتع وبس ...
مع محبتي ,,
رايق

ممتاز اشكركم

يبدو انا الاخ رايق عنده قدره على الاقناع

رائع يا أخت كربي

اخ زيل شكرا على تعاونك

لاتنسوا زيادة الطرق=زيادة الفائدة للجميع(حتى المحلات؟؟!؟!):D

خاصة انه بقي القليل تقريبا 10 أيام

العفو يا أخ Tails&Kirby .. :)
أنا ممكن أذكر لكم طريقتي في الإقناع ...
أول شيء انتظرت أسبوعين لين ما استقر نزول الكيوب في الأسواق وبدأ السعر في النزول وبدأت العروض في الظهور وظهرت كل ملحقات الجهاز ...
المهم أول شيء بدات آخذ صور للكيوب ومقارنات له ولحجمه وألوانه وملحقاته من الانترنت ...

وبعدها بدأت بأخذ صور لأهم الألعاب اللي ظهرت على الكيوب مثل رزيدنت إيفل وسوبر سماش بروذ ميلي وبعدها لويجي مانشيون وويف ريس وروج ليدر وزيلدا وستار فوكس وكيربي تنتن تمبل 2 وماريو سن شاين وبعدين كل ما كانت تنزل صور جديدة لهذه الألعاب بدأت أطبع لها لغاية ما شافوا روووعة الجهاز ...

بعد كذه أعطيت أصحابي عروض وأفلام لأهم الألعاب اللي حتنزل من سوبر سماش بروذ ميلي وماريو سن شاين ولويجي مانشيون ورزيدنت إيفل وزيلدا وسونيك أدفنشر 2 باتل وألعاب ثانية وهم بعد عروض معرض E3 ومعرض سبيس وورلد 2001 ..

بعدها صرت أشوف أهم الأخبار يوميا وأقولها لهم ..

وبعدها قلتلهم عن الأسعار والعروض في أهم المحلات واللي ساعدني إنه أحدهم كان يعرف صاحب محل فقال له وأعطاه ترخيص في السعر على الجهاز الأمريكي لما ينزل ...

وبعد ذلك اشتريت الجهاز الياباني وصرت أقلهم وأشرح لهم تفاصيل الجهاز من الجهاز لليد للألعاب وإحساسي وشعوري والجرافكس والألوان والقوة والدقة والمضلعات ... لين ما اقتنعوا 100% ...

والحين منتظرين نزول الجهاز بعد 10 أيام .. وش رأيكم في هذه الطريقة ؟؟؟
ومشكووورين ...
مع محبتي ,,,,
رايق

لا صراحة فنان و شكرا على الطريقة

اما انا طريقتي غير بكل بساطه اقول لمن اعرف GameCube كل ما شفته او كلمته

تقريبا في ثلاثة راح يشتروا هي طريقة لفت انتباه الواحد يستغرب ليش دايما اقولها فيبدأ يسأل و اعطي معلومات عن الجهاز و العابه... و متعة الالعاب خاصة الجماعية و اوريه العروض

لا تنسوا زايدة الملح=خربت الاكله عفوا قصدي

زيادة الطرق=زيادة المتعة

طريقة مجنونة, عادية, رسمية, غريبة, ننتيندوويه,اي شيء

العفو يا أخ Tails&Kirby ... ;)
والله إذا أنا طريقتي رسمية ومجنونة في نفس الوقت انت طريقتك غريبة وننتدووية ... يعني ما شاء الله عندك قدرة على الإقناع بسيطة وسهلة وقوية في نفس الوقت يعني أنا استمريت مدى أسبوع ونصف عشان أقنعهم أما انت الظاهر إنك أقنعتهم في ثلاثة أيام .. ما شاء الله عليك ... ;) :D ;)
مع محبتي ,,,,
رايق

شكرا اخ رايق :D

ارجو من الجميع المشاركة
لا تخلوني اقول حقت زيادة و يساوي زيادة:)

احد يقولها بدلا عني ;)

زيادة الناس=قلة الاناناس
زيادة الاشتهار=قلة الاسعار

والله ما أقول إلا يااااااااااااااااا سلااااااااااااام على هذا السجع زيدني منه من زماااااان ما سمعت منه آخر مرة سمعته من الأخ سعد وبعدها ما سمعت ...
والعفو ...
مع محبتي ,,,
رايق

شكرا لك على تقديرك لموهبتي الشعرية رغم اني لا احب الشعر:D

لا ما شاء الله عليك موهبتك الشعرية تمام :D :D ":" ":" :D :D
والعفو ...
مع محبتي ,,,
رايق

اقتباس:

---

كتب العضو (raayg)
والله ما أقول إلا يااااااااااااااااا سلااااااااااااام على هذا السجع زيدني منه من زماااااان ما سمعت منه آخر مرة سمعته من الأخ سعد وبعدها ما سمعت ...
والعفو ...
مع محبتي ,,,
رايق

---

رايق؟و انا متى قلت سجع؟:)

انا عندي طرق الاقناع... لكن
...لكن... ما عندي احد اقنعه:":

اقتباس:

---

كتب العضو (ganon0)


رايق؟و انا متى قلت سجع؟:)

انا عندي طرق الاقناع... لكن
...لكن... ما عندي احد اقنعه:":

---

يا هلا بالحبيب الغايب سعد ... ;) :D

والله بالنسبة لسجعك عارف إنك ما قلت سجع إلا مرة وحدة أو أظن إني مخربط بينك وبين الأخ طلال لأنه هو اللي كان يقول سجع لكن متأكد إني سمعت منك مرة وحدة سجع بس متى بالضبط والله ما أذكر ... يعني آخر واحد سمعت منه سجع هو انت .. ;)

وبالنسبة للاقناع فمشكلتك كبيرة يعني عنط طرق اقناع لكن ما عندك أحد تقنعه ?: :أفكر: ... وش رأيك تقنعني أنا ؟؟؟؟ مع إني مقتنع ... بس عشان تلاقي أحد تقنعه ... أو ليه ما تقنع المتهجمين والمتعصبين ضد ننتندو في المنتديات الأخرى يعني شفت اليوم ناس في منتدى الدريم كاست يقولون إنهم حيشترون الـ PS2 بعد ما توقفت سيجا عن إنتاج الدريم كاست وبعضهم يقولون إن الكيوب ما ينفع وبعضهم يقولون ما فيه ألعاب تمام ومن ذا الكلام ... المهم تلاقي أحد تقنعه ولا شنهو رأيك؟؟؟":"
مع محبتي ,,,
رايق

رايق:هاهاي:)العب على هنود يا حبيبي:) تبيني احاول اقنعهم و اخش بمشاكل ما لها نهايه؟ يمكن اذا جو لحد منتدانا حاولت معهم...

لا لا صراحه احاول اقنعك انت أأمن لي:)(مع انه انت عندك جهاز و انا ما عندي:))

اقتباس:

---

كتب العضو (ganon0)
رايق:هاهاي:)العب على هنود يا حبيبي:) تبيني احاول اقنعهم و اخش بمشاكل ما لها نهايه؟ يمكن اذا جو لحد منتدانا حاولت معهم...

لا لا صراحه احاول اقنعك انت أأمن لي:)(مع انه انت عندك جهاز و انا ما عندي:))

---

الله يقطع سوالفك يا سعد :D :D :D وأنا وش دخلني أحرش بينك وبين أعضاء ثانيين لكن قلت المهم تقنع أحد وبس ...
مع إني نفسي تمشكل مع أحد قبل رمضان مع أعضاء المنتديات الثانية العام "من زماااااان نفسي تمشكل معاهم" أو الدريم كاست "لا هذولي محترمين" أو البلاي ستيشن "هذولي متعصبين" أو مع منتدى البوكيمون "هذولي ما في راسهم شي" أو معاك "لا امزح;) " المهم مع أحد لأني بعد رمضان إن شاء الله حأحاول ما أسوي ذنوب حتى في المنتدى يعني لو أبي أكتب حأكتب باللغة العربية الفصحى عشان ما أسب أحد ...
يصير أنا اللي حأقنعك بشراء الجهاز لو ما اقتنعت بالانترنت حأرسلك رسايل خاصة لو طنشتني حأرسلك على ايميلك لو صفيتني حأكلمك بالماسنجر ولو تهربت تلاقيني بكرة قدام بيتك في وجهك وغصبا عنك حتشتري الجهاز ...
مع محبتي ,,,
رايق

باركولي شباب اول موضوع لي يتعدى الصفحة رغم ان بعض الردود خارج عن الموضوع:D ;)

Tails&Kirby : مبرووووووووك:) عقبالنا:)
(و الله لو يطلب اسمك في اتحان الكتابه ما عرفت اكتبه عاد مشكله ما فيه قص و لزق هناك:))
رايق :
حلو يعني لهذي الدرجه عندك استعداد تقنع؟ طيب يا نصاب تقول ادخل بالمسنجر و اقنع برضه ليش ما تضيفني؟(احرجتتتتك) و الله حاله تكبرنا يعني؟;)
و الا مهي مشكله عطني رقم جوالك(لزقه صح؟):)

اقتباس:

---

كتب العضو (ganon0)
Tails&Kirby : مبرووووووووك عقبالنا
(و الله لو يطلب اسمك في اتحان الكتابه ما عرفت اكتبه عاد مشكله ما فيه قص و لزق هناك)
رايق :
حلو يعني لهذي الدرجه عندك استعداد تقنع؟ طيب يا نصاب تقول ادخل بالمسنجر و اقنع برضه ليش ما تضيفني؟(احرجتتتتك) و الله حاله تكبرنا يعني؟;)
و الا مهي مشكله عطني رقم جوالك(لزقه صح؟)

---

مبرووووووووووك يا Tails&Kirby عشان موضوعك تعدى الصفحة وعقبال ما يصير 16 أو 20 صفحة زي منتدى المواضيع المميزة ;) والله انا أكثر مواضيعي اللي كتبتها وصلت لـ 5 صفحات واقلها صفحة ...:D

سعد :
ايه انا مستعد للاقناع بدرجة كبييييييرة مررررررررة ...
أما عن الماسنجر فصدقني ما حاقدر أدخل إلا إذا صرت زي لينك وامتلكت حجر الشجاعة وحاربت جانون "أحاربك;) " يا أخي قبل ما أدخل أو حتى أنوي الدخول على الماسنجر تشوفني داخل حرب مب ماسنجر يعني أخاف وأتراجع ... مشكلة نفسية "يبيلي دكتور نفساني;) " ...
والله أنا ما تكبرت على أحد لني للحين ما كلمت أحد فيكم ..
وبالنسبة للجوال هو يعني في الحقيقة :أفكر: مقطوع من شركة الاتصالات لأني ما دفعت الفاتورة ((تصريفة;) )) فلو يعني تتصل بي السنة اللي جاية حتلاقيني موجود بالخدمة ...:D
مع محبتي ,,,
رايق

سلام شبيبة
انا عندي واحد من اصدقائي مجنون سوني 2 :p كل ما اجيب سيرة الكيوب يقوللي فاينل فانتسي(مجنون فاينل):غضب:
ايش رايكم شباب كيف اقنعه عن الفاينل?: وهل الفاينل ينزل عل الكيوب ومتى؟؟
ارجو من راااايق والشباب يتحفوني برايهم:o
باي;)

بينزل فاينل فانتسي11 على الكيوب لكن ما ادري متى و راح يكون مخصص للعب على الشبكة(الانترنت) رائع:D

اقتباس:

---

كتب العضو (DNA)
سلام شبيبة
انا عندي واحد من اصدقائي مجنون سوني 2 كل ما اجيب سيرة الكيوب يقوللي فاينل فانتسي(مجنون فاينل)
ايش رايكم شباب كيف اقنعه عن الفاينل وهل الفاينل ينزل عل الكيوب ومتى؟؟
ارجو من راااايق والشباب يتحفوني برايهم
باي;)

---

هلا بالحمض الديوكسي ريبونيكليك "الحمض النووي" ((وش قلبتها حصة أحياء وعلوم:D :D )) ...
قول لصديقك المجنون بالـ PS2 وبفاينل فانتسي إنه حينزل جزءين للرائعة فاينل فانتسي على الكيوب وهما فاينل فانتسي XI و XII والمخصصتين للعب في الشبكة على الانترنت وإن شاء الله أنا حأكون أول واحد يشتريها وخصوصا إنه العلاقات بين سكوير سوفت وننتندو رجعت وهذه أول ثمرة علاقتهم وحتطلع ستة أجزاء من فاينل فانتسي للجيم بوي أدفانس من الجزء الأول إلى الجزء السادس وغير إنه لو اشترى الجيم كيوب حيكون له فرصة تجربة منافسة فاينل فانتسي التقليدية وهي الأسطورة زيلدا وأكييييد حتعجبه وفي نفس الوقت حتكون المنافسة قوية بينهم وهذا اللي أنا منتظره ;) :D :D ;) :p وخليه يطمئن إنه فاينل فانتسي حتنزل 100% على الكيوب ...
وعلى فكرة ترى موعد نزول فاينل فانتسي XI ما حيتاخر كثييير لأن مبرمجي فاينل فانتسي نشيطين وهذا اللي ملاحظه يعني تلاقي الفترات بين كل جزء وجزء بسيطة جدا وفي نفس الوقت يكون الشريط رووووعة يعني اللعبة ما تتأثر بالوقت فأكيد قريبا حنسمع موعد لنزول فاينل فانتسي XI اللي بدأوا البرمجة فيها من فترة .. يعني ولا يهمه فاينل فانتسي حيشوفها بعد فترة بسيطة على الكيوب ...
ومشكوووووووور ..
مع محبتي ,,,
رايق

والله خبر حلو ان الفاينل عل الكيوب مع اني ما اطيقها
شكرا يا شباب":"
باي;)

نا عندي شريطvideo اعطيه حق رباعتي يوم يشوفونه يموتون عليه.
لحد الان اقنعت 19 واحد في صفي