مفطح بطعم الرياضيات (( إبداعي اليوم في الرياضيات ))

:o ما قلتلكم الروتين حق الوزارة ذبحنا والله ذبحنا
بس على فكرة الأسئلة من جانب كانت سهلة ومن جانب آخر
كانت صعبة بس بدعععت بشكل عجيب يعني اللي يشوفني دافور
واتوقع اجيب في الأختبار لا يقل عن 10 من 30 وهاذي الدرجة
تعتبر كتفوق بالنسبة لي .
لييييييييييييييييييييييييييش :-:33: :33:
السوأل الأول :- لخبطني في الدالة الترتيب يههههههههب عليكم يالوزارة
دوبهم مالقوا يحطون ذا الدالة إلا في السنة هاذي بس الحمد لله
بعد ما خسرت نص ساعة وخسرت اكثر من 3 اوراق قاعد اشققها
من الكتيب .
والتكامل كلة حليتة بس ما ني متأكد منة .
السوأل الثالث تفحيييييييييييط كتبت القوانين اللي اعرفها وبس
تعويض ما امداني لأن سول التكامل اخذ مني بالضبط ساعة وعليها
نجي لسوأل الأختيار كلللللللللللها حسب مراجعتي مع العلماء ( زملائي )
طلعت عندي فقرة وحدة صحيحة من بين 5 فقرات خاطئة .
ههههههههههههه سوأل فقرة 3 من الأختيار على فكرة شباب
تعدلون السوأل وتجابون انا راحت علي ما ركزت فيها.
لأنة معطيك تكامل محدود من 0 إلى -3 وهذا خطأ والوزارة قاصدة
انها تحط السوأل خطأ عشان تعدل تخليها من -3 إلى 0 لأنة تكامل
من صغير لكبير والسالب 3 اصغر من الصفر زي ماهو معروف رياضياً
بالعربي النبطي (( الإختبار عبارة عن مفطح كااااااااااامل الدسم)
:boggled: :boggled: :boggled:
__________________________________________
انا مصدع من الأختبار وراح ننتظر بكرة او بعدة نشر الأجوبة او توزيع الدرجات
وراح انام ساعتين عندنا بكرة مادتين سهلة الهضم .
:bigeyes: :bigeyes: :bigeyes:
بالتوفيق شباب .

والله كلنا جبنا العيد يا خوي

انا مارفع ضغطي الا سؤال شبه المنحرف ضيعت عليه وقت طويل ولا قدرت اطلع الارتفاع !
جعل الي حطه ينسخط قولوا امين

عموما شدوا حيلكم في الجاي

أنا وضعي كالتالي:
السؤال الأول
فقرة أ مثلك لخبطني ترتيبهم ذا بس حليت المعادلة بالآلة وطلع لي 0 و2
فقرة ب- ماني متأكد من الحل بس طلع لي ج=جذر نص واللي لخبطني يوم طلعت كل واحد مطلع ج غير عن الثاني
يعني واحد 7 والثاني أربعة لذلك ماني واثق من السؤال
ج- هذا السؤال اللي فحطت فيه تفحيط يعني صراحة إلى هالحين ماشفت واحد من ربعي حله
السؤال الثاني:
أ-هذا يعني غلطان بالإشارة المهم الناتج النهائي 55
ب- التكاملات هذي اللي ألفت وطلعت قوانين جديدة
ج-طلع لي المساحة = نصف وحدة مربعة
السؤال الثالث:
-حليته وطلع لي 5 طول الضلع و160مساحته الجانبية
ب-هذا حليته بس ماأدري حلي صح وإلا غلط
ج- حليته المساحة 100ط سم مربع والحجم عشرين على ثلاثة ط(الحجم شاك بحلي شوي)
السؤال الرابع
ماعندي صح إلا فقرتين

أما أنا سويتها عكسية

http://www.2leel2.com/ib/style_image...el2_com_01.gif


الله يصبرنا على هذي الوزارة الفاسدة؟؟
ماتعلمنا من الأساس بالطريقة الصحيحة بعدها تتفنن علينا في الأسئلة
طيب سؤال موجه للوزارة هذي الأسلئة لم ندرسها ولاتوجد لها قوانين في الكتب كيف تريدون منا حلها
صدق الي قال أكثر الظلم عندنا

اختبار والله تعجيزي انا قعدت اول ساعه اتفرج على الورقه بس بدون حل :)

بصراااحة شباااب اختبااار الوزاارة في فقرااااات تلف مخ الوااحد

والإختبااار ما له إلى فااائدة وحدة ----------> تقوى نظرك ---- صح شبااااب


الله يوفقناااااااا في الجااااااي

طيب حطوا الأسئله

بصراحه اختبارنا كان بايخ .. والشيء الوحيد اللي علموا البنات عليه اليوم ... كيف تصنعين بركة من الدمع :02:

كلللللللل سؤؤؤؤؤؤال فيه فكككككككككككره ...

هذا مع العلم
اني اعد من الدوافير ... اصطلاحا :33:

تصدقون .. بتخلوني اصيح بعد شوي :(

انتوا ما شفتوا اختبار السنة الي فاتت حقنا ..

اكيد وصلكم !! ..

صعععععععععب ..

نص الأسئلة ما حليتها <---- من الدجة

بس الحمد لله نجحت ..

اذا الواحد منكم جاب بالرياضيات بالفصل الأول درجة زينة لا يخاف .. خذوها مني .. <--- تكفى يالدافور :D


يالله الله يوفقكمـ ..

هبااااااااااااااااال الأختبار

انواع التفحيط

وانا باقي لي 4 درجات عشان انجح:31: :31:

مدري بجيبها ولا لابعد:31:

وعلى العموم نعوضها بالأختبارات الجايه

الأخ كاريبي
بنسبه لتكامل المحدود من 0 إلى -3 في الأختيارات صحيح 100%
لأني مدخل وياي حاسبة fx-570es (تحل تكامل محدود) والأجابه هي ( 1 )
الصراحه أنا من الطلاب الممتازين في الرياضيات وألين قبل الأختبار بي ثانية كانت مهي ناقصتني ولا علامه 70من 70
بس الظاهر بعد الأختبار نقصتني 5 علامات

يعني كل الدفره الي أعرفهم جايبين العيد ( عيد الدفره 5علامات 6 علامات ) لا يروح بالكم بعيد
فالله يعين الجميع
وأشالله يسون مثل العام ((يزودون درجات))


بس أنا الي كنت مستغربله وأنا قاعد أختبر أنو في ناس طلعو على منتصف الوقت !

بس بعد الأختبار فهمت أنهم غاسلين أيدهم من الأختبار

انا بالنســبة لي حليت السؤال الاول ماعدى حقت شبه المنحرف .. من يوم شفتها تركتها وقمزت للسؤال الي عقبه

والسؤال الثاني حليت تكاملين بس .. وحق السرعه سحبت عليه .. وحليت حق مساحه بين منحنى ..

وعندك سؤال الفراغية الثالث .. حليته كاااااااااااااااااامل بجميع فقراته

والخيارات عندي 4 صح من 6

.. وتكفون نبي توزيع الدرجات

40 علامة يعني نسبة كاملة وتضحك بدل ماتحزن وتلوم نفسك بس الله يهديك ويوفقك في باقي الإختبارات

شباب انتم ماشفتوا الطامة الكبرى
اليوم في الجرايد نزل نموذج الاجابة وتوزيع الدرجات ويقولون الاختبار سهل!؟

اليوم النحو كان تافه جدا والحمد له حليت زين
عموما شدوا حيلكم

اهلاً بحبايبي والله اهلاً وسهلاً بثالث طبيعي .
The Gladiator
سوأل شبه المنحرف الله لا يشغلنا إلا في طاعتة رسمت شكل زي السفينة وقلت هذا المنحرف حقكم
انحرف وإلا عساة ما انحرف . لكن جيد منك انك حاولت ,.
______________________________________________
khalid2001
اول فقرة ما علينا منها حبيبي لأنها فعلاً صحيحة طلعت (0,2) لكن اللخبطة في الفقرتين اللي بعدها
القيمة المتوسطة واللي بعدها كااااااااااااااااالها خطأ انا اتذكر اني طلعت ناتج
القيمة المتوسطة = 1 بس مدري .
الباقي يجمعون اشلاء الدرجات من كل ما هب ودب من الورقة جراء الحوادث والإنفجارات المريبة
كما نأمل ان يكون هناك عفو دولي وسياسي وإقتصادي ونتطلع ايضاً للمادي ( وش قاعد اقول انا وش قاعد اخرف اتحدى إذا فهمتوا شي)
_______________________________________________
رياض الخليج
تبي العلم انا العكسيات بسويها في الكيمياء إنشاء الله .
______________________________________________
سفير الألعاب
ههههههههه قاعد تتأمل في المخلوقات العجيبة اللي بداخل الورقة ههههههاااااااااي .
بس تعال خربني اقصد خبرني وش سويت في الإختبار ؟؟؟ لالا شكلك حليت إنشاء الله لا تاكل هم.
____________________________________________
الزاحف. حلللللللوة كلمة تلف للمخ هاذي اعجبتني
الله يسعدك حبيبي إحنا ندخل الأختبار ونطلع نقول الله لايعمينا وانت تقول يقوي النظر .
____________________________________________
شذووو اهلاً اختي مساكين البنات والله مشاكلهم كثيرة ياالله اتخيل منظر المدرسة هاذي تبكي
وهاذي تصيح والثانية اغمى عليها وهاذيك المسكينة اتجننت
وش ذا قلبتوا ام المدرسة مستشفى امراض نفسية.
هههههههههههههههههههه اتعلموا منا , صح خطأ ما فرقت عندنا بايعينها مالت علينا .
___________________________________________________
هلا والله زعيم الإحساس ودعني اعرفك تعريفاً احيائياً بحتاً :-
انت عبارة عن متطفل كنت تعيش على امعاء جدران المدرسة والحين صرت تلتصق بجدرا الأمعاء بالمنتدى ( وش ذا التخريف)
زعيم الإحساس حبيبي انتم زودوكم الوزارة اما حنا النموذج الأول وتوقعاتي ما في زيادة.
واتمنى ما تزعل ياغالي قاعد امزح معك اعتبرني بمثابة الأخ الأصغر.
____________________________________________________
ROOK تجيييييييييييييييبها بالراحة وتشوف ترا يحطون درجات ما تتوقعها يعني يمكن تاخذ 10 او عليها من 30 وانت ما تدري .
تتيسر إنشاء الله شد فالباقي ولا وصيك فالقياس تصير :biggthump
بالتوفيق .
___________________________________________________
AL ADMIRAL عزيزي وحبيبي بعد ما قرأت كلامك ودققت فية وتمحصت فية ظهر انك ملخبط شوي واللخبطة تتلخص في الآتي:-
يا غالي كيف تكامل تكامل محدود من فترة كبيرة إلى صغيرة . خطأأأأأ
ثاني شي انت تقول الإجابة تطلع والأختيارات تقول .
1- -16
2- -8
3- 8
4- 16
ويييييييييين العدد (1) من الأختيارات .
وبالنسبة للآلة اقسم بالله اني دخلت بآلة اخوي ام الشاشة العريضة اللي قيمتها 470 ريال وما دريت انها ممنوعة كل الشباب اللي معاي في الساحة يقولون ممنوعة قلت ابتوكل على الله ودخلت وكل شي طبيعي المهم حليت وطلع لي الناتج 10 اعتقد وحاولت طلعتلي اعداد مو من ضمن الأختيارات فحطيت الأختيار الثاني غباااائاً مني اعترف بس والله كنت تعبان ابي اريييييييح بالي لأني صدعت .
عموماً الله يوفق الجميع .
______________________________________________
J o e y:-حبيبي ما يحتاج انت شكلك ما خذ فوق ال 20 إذا على كلامك هذا .
وتوزيع الدرجات إنشاء الله جاي في الطريق .
______________________________________________
The JuGgLer :- هلا والله حبيبي الله يوفق الجميع وبس يخلص السبوع ذا
الحمد لله الباقي سهل .إلا الكيمياء .
_______________________________________________

نذكر شباب ما زالت المعركة قائمة بين لجنة الظلم منزوعة الرحمة والطلاب البايعينها فشتان بين هذا وذاك والله ولي التوفيق .
اخوكم كاريبـــــــــــــــــي.

اووووووووف ياللحظ اجل مافي زيادة درجات في الرياضايت :31:
برضوة انا اليوم فالنحو والتفسير تماااااااااام.
بلتوفيق,

والله يالبنات بمدرستنا
سووا عزا قسم بالله ... كل وحده جنبها زباله تكرمون وعلبه كلينيكس

ومناحات في جميع القاعات

حرام عليهم ........... والله تعبنا هالسنه

بس ليه ما تحطون نموذج لاختبار الرياضيات ؟؟؟


إلا على فكره متى عليكم فيزياء

قلووووووووووب عصافير ههه:p
ههههه ما يذاكرون في البيت ويجو يبكون حللللووة ذي .
شذووو نموذج اختبار الرياضيات موجود
ولا يهمك انزلة بس
استني يوم الأربعاء لأني مايمديني انزلة في الأوقات الحرجة
هاذي . وبالنسبة للفيزياء اكيد راح يكون يوم السبت الجاي
بأذن الله وراح يكون اقوى اختبار بعد الرياضيات .
اللهااااااااااااااااااااة يعين الجميع .
بالتوفيق .

اقتباس:

---

المشاركة الأصلية كتبت بواسطة كاريبـــــــــي

هلا والله زعيم الإحساس ودعني اعرفك تعريفاً احيائياً بحتاً :-
انت عبارة عن متطفل كنت تعيش على امعاء جدران المدرسة والحين صرت تلتصق بجدرا الأمعاء بالمنتدى ( وش ذا التخريف)
زعيم الإحساس حبيبي انتم زودوكم الوزارة اما حنا النموذج الأول وتوقعاتي ما في زيادة.
واتمنى ما تزعل ياغالي قاعد امزح معك اعتبرني بمثابة الأخ الأصغر.

---

هعهعهعهعهعههعهعههعهعهعهعهعهعهعهعههع :D :D :D :D


يا حليلكم بسسسسسسسسسسسس:09: شف اسئلتنا كيف كانت صعبة .. بعدين وش زيادتة ترى لأنة فيه سؤال كانوا كاتبينة غلط على ما اذكر يعني زادو يمكن درجتين او ثلاثة وانتوا استنوا يمكن فيه زيادة :yuck:

والله اختبار الرياضيات كان تعذيب نفسي وجسدي ... ما ادري وش مصلحتهم يحطوا اسئلة بالهصعوبة

الصراحة اللي جاوبتهم صح

سؤال شبه المنحرف ( مستغرب كيف الكل تعقد منه :09:)

والسؤال الثالث

اللي عن المنشور وجماعته

اما باقي الاسئلة حدث ولا حرج :D


والحمدلله عوضنا في النحو امس والانجليزي اليوم


تحيات...

البنات مدلعينهم في الجدول حقهم الإنجليزي لحاله !!!!
بس الطامة الكبرى ان الفيزياء يوم الربوع
والسبت كيمياء كيف جات هذه مني داري !!

ههههههههههههة انتو مش عاجبكم امتحانات السعودية دة انا لو دخلت هحلها من غير ما أذاكر

أمال لو شفتو امتحانات مصر ولا حول ولا قوة إلا بالله :boggled: رياضيات (2) للثانوية العامة
اتحدى واحد يدخل وعرف يحل ألا اللى مذاكر نار من أول السنة وطبعاً انا مش مذاكر ادعولى
وادعو على الوزارة بتاعتنا

هاه شباب وش سويتوا بالأحياء الأربعاء اللي راح؟؟ أنا صراحة فحطت تفحيط وخصوصاً أني بالحفظ ماعندك أحد دمااااار
بس الحمد للله إختبار الفيزياء اليوم ماصار صعب يعني عادي بس طبعاً لازم يكون فيه أخطاء بس أحسن من الرياضيات
والأحياء الله يستر من الجيولوجيا والكيمياء بكرا وبعده

كلكم ثانويه عامه !! :09: :09:

الله يوفقكم و يعينكم !!:D

والله مساكين أرحمكم :09: :09:

من جد يقولون اختبار الرياضيات حق الوزاره صعب :boggled:

ما اقول إلا الله يسهل عليكم الإختبارااااااااات

و تجيبوووووووون نسب عاليه:o :D

,والله في السنة اللي كنت فيها اذكر فيه سؤال غلط

لحس مخي لحس..

والله يعينكم

السلام عليكم ورحمة الله وبركاته
الله يوفقكم...:D ..ويعديكم هذي المرحلة بتفوق...:D ..من وجهة نظري التكاملات كانت حلوة..:09:
وبالتوفيق للجميع..^^

هههههههه واللي اعجبك في ورقة الرياضيات التكاملات بس
طيب وش رايك ان كل وحدة عليها درجة او نص درجة .
وصحيح شباب اي خبر عن النتايج نزلوة هنا بالقسم سريع الله يعطيكم عافية .
بالتوفييييييييييييق .