عرض للطباعة
السلام عليكم
اولا انا مبتدئ في الليونكس (( او ليلحين ما جربته ))
بس حبيت اسأل
اشلون اركب Mandriva Linux مع الويندوز في نفس الجهاز
و يعطيكم العافيه
و للعلم
Mandriva Linux 2005 ليمتد ايديشن --- > ( ما ادري شنو يعني )
الويندوز الي عندي
XP سيرفس باك2
الجهاز
لابتوب 1.8
الرام 512
الهارد 80
--
وسؤال ثاني
اشلون اركب الليونكس على هاردسك خارجي
--
و يعطيكم العافية شباب
اخوي الاسود، اذا بغيت تركب أي توزيعة بجانب Windows لازم على الاقل تبدأ بخطوة تقسيم القرص الصلب، بمعنى تقتطع جزء من الـ 80 جيجابايت للهاردديسك، تأخذ 20 جيجا مثلاً، وايضاً تضع قسم يدعى swap ويجب ان يكون ضعف حجم ذاكرة الرام، اذا كانت ذاكرتك 512 ميجا، يعني الـ swap لازم يكون 1 جيجابايت. كل هذي الامور والتقسيمات تقدر تسويها في برنامج اسمه PowerQuest Partition Magic 8.0 وهذا رابط Torrent له مع الرقم التسلسلي.
http://www.mininova.org/get/6427
من هذه الصفحة :
http://www.mininova.org/tor/6427
ان شاء الله اذا نزلت البرنامج وركبته اقدر افهمك على طريقة تقسيم الهاردديسك ( القرص الصلب ) منه.
ايضاً، انا ما استخدمت توزيعة Mandriva الا مرة واحد وكانت توزيعة قديمة بالمسمى القديم Mandrake النسخة 9.2 كانت جيدة جداً، لكنها كانت تشفط طاقة ضخمة من المعالج بسبب بيئة النوافذ KDE، النسخ الجديدة اصبحت متطورة اكثر واقل استهلاكاً للطاقة، احب اذكر ايضاً انه هذي التوزيعة يتوفر داخلها Partition Manager تقدر من خلاله تضبط القرص الصلب وتقسمه على كيفك، بس لازم تفهم الامر قبل ما تعملها.. المهم خلنا بالبارتشن ماجك وهو اسهل خيار امامك.. ;)
وعلى فكرة فيه توزيعة سيدي واحد اسمها Ubuntu اسهل لك والدعم فيها ضخم للغاية، وتتوفر نسخة منها تدعى Kubuntu بيئة النوافذ الافتراضية فيها هو KDE المشابهة لـ Mandriva، وفيها Partition Manager وتقدر تضبط القرص الصلب بسهولة منها، انا شخصياً انصحك بتنزيلها وتثبيتها على جهازك :) ..
وبالنسبة لتثبيت لنكس على قرص صلب خارجي، فإذا تعرفت عليها توزيعة لنكس من خلال عملية التثبيت، فتقدر تختار القرص الصلب وتثبت عليه التوزيعة بكل سهولة.
كلام مظبوط
تسلم حبيب قلبي
:o :o سوري اذا راح اتعبك معاي (( توني يديد على الليونكس )):02: :02:
و يعطيك العافيه:kiss: :kiss:
بس انا عندي 2 بارتيشن
عندي ال C و ال D و امقسمين
ال C (( مساحته 23.2 )) _ (( الفاضي 7 قيقا )) المفروض حوالي 9 قيقا (( على شان قاعد انزل الينكس على السي ))
ال D (( مساحته 51.1)) _((الفاضي 13.2 قيا )) و راح اخلي الفاضي حوالي 45 قيقا
(( راح اشتري هارد خارجي و احط عليه شغلي
و راح اخلي ال (( سي حق الويندوز )) (( الدي حق الليونكس ))
و عطنى رايك لو سمحت و تعبناك معانا :o :o :p :p
و سؤال ثاني
اذا سويت كل شي صار اوكي
مثلا
لمن اشغل الكمبيوتر و اذا حاط ويندوز 2000 و ويندوز 98 يطلعلي شاشه سوده انقي الي ابيه صح
السؤال الحين ؟
راح يطلع الليونكس و انقيه ولا اشغله من داخل الويندوز ؟؟؟
و سامحني على الاطاله
الـ C: الزامي يكون حق الـ Windows لانه القسم الافتراضي لملفات النظام و إلى آخره من هذه الامور.
الـ D: تأكد انه فيه ملفات اعتيادية مش برامج، لو فيه برامج امسحها من الـ Control Panel -=> Add/Remove Programs .
ثم من خلال برنامج PowerQuest Partition Magic بعد تنزيله وتركيبه طبعاً، فقط من داخل البرنامج اختر Format و اختر نظام الملفات Ext2 وان شاء الله راح اتابع معاك، بس انت نزل البرنامج وركبه بالاول.
واذا ضبطت كل شي وركب النظام، هو راح ينزل Boot Loader وعادة يكون GRUB او Lilo اختر GRUB خفيف وسهل على الـ MBR طبعاً او ( Master Boot Record )، اول ما تشغل الجهاز راح يطلع لك اختار النظام طبعاً راح يكون متواجد الـ Windows و في الاعلى توزيعة Linux المراد تثبيتها.
نعم تنقيه من الـ Boot Loader عند تشغيل الجهاز، لازم تعرف انه الـ Linux شيء مختلف تماماً عن الـ Windows "نظام تشغيل لحاله" .. مو انه برنامج يشتغل داخل الوندوز .. فقط هذا التوضيح ..اقتباس:
راح يطلع الليونكس و انقيه ولا اشغله من داخل الويندوز ؟؟؟
وانصحك تتصفح الموقع الرسمي لتوزيعتك
http://www.mandrivalinux.com/
وتقرأ كثير عنه ومن الـ Documentations ايضاً أي الكتيبات التعليمية، ايضاً هذا رابط يفيدك عن توزيعتك Mandriva
http://en.wikipedia.org/wiki/Mandriva_Linux
لازم تقرأ كثير، ولا ترا راح تعتمد علينا، وانا ابي انهي دوري بعد تثبيتك للنظام حتى انت تتعلم كل شي بنفسك وما تحتاجنا بعدين، لاني كنت نفسك تماماً وتعلمت بنفسي بدون حاجة لأحد وواجهت صعوبات كثيرة الى ان فهمت النظام تماماً خلال 3 شهور من الاستعمال الجاد.
اولا :: يعطيك 0987983687374892364-284896402347 الف عافيه
ثانيا :: انشاء الله راح انزل البارتشن ماجيك بس خلني اخلص من تنزيل الليونكس السيدي الثالث (( ماباقي شي ))
ثالثا:: باجر راح اشتري هارديسك خارجي و احط عليه الملفات الي كانت بالدي
رابعا :: (( واذا ضبطت كل شي وركب النظام، هو راح ينزل Boot Loader وعادة يكون GRUB او Lilo اختر GRUB خفيف وسهل على الـ MBR طبعاً او ( Master Boot Record )، اول ما تشغل الجهاز راح يطلع لك اختار النظام طبعاً راح يكون متواجد الـ Windows و في الاعلى توزيعة Linux المراد تثبيتها ))
مو فاهما منو ينزل (( البوت لودر )) البارتشن ماجيك ولا الليونكس
خامسا :: (( لازم تعرف انه الـ Linux شيء مختلف تماماً عن الـ Windows "نظام تشغيل لحاله" .. مو انه برنامج يشتغل داخل الوندوز .. فقط هذا التوضيح )) ادري والله بس حبيت اتأكد
سادسا :: يعطيك (( ضعف الرقم الي عطيته في بداية الرد )) عافيه :):):)
سابعا :: انشاء الله راح اتعلم عليه بروحي (( ولا تخاف علي انا اتعلم ابسرعه )) ::) ::)
و انشاء الله باجر ارد لك خبر
اول ما تشغل جهازك، راح تطلع لك قائمة تشبه هذي
http://debiananwenderhandbuch.de/bil...rgereboot2.png
واللي ينزل الـ Boot Loader هو الـ Linux ..
وحياك الله :)
:bigeyes: :bigeyes:
والله ما ادري اشلون اشكرك
يعطيك العافيه
و ادري تعبتك معاي بس تحملني اشويه بس على الانستال :09: :09: :ponder: :ponder:
انشاءالله باجر خلني اشتري الهاردسك و يصير خير انشاءالله
حياك الله :)
اولا : الله يحيك
ثانيا :: اسف على التأخير بس والله مو بيدي
لان الهارد انا طالبه طلبيه من موقع و دق العلي اليوم قالي باجر الصبح راح ايبه (( اشوه الموقع الدفع عند الاستلام هههه ))
ثالثا ::
الحين انا نزلت 3 سيديات حق ليونكس 2005 ليمتد ايديشن على صيغه (( iso , ايزو ))
رابعا :: شنو العمل يعني اشلون احطهم بالسيدي
خامسا : : مع العلم عندي (( نيرو و الكحول ))
و شكرا
اخوي الاسود^المغلوم
توقعتك قاعد تنزل توزيعة Mandriva Linux 2006 الجديدة ؟!
لان 2005 شوي فيها اشياء قديمة نوعاً ما ..
الآن احرق صور الـ ISO بالدسكات عن طريق برنامج Ahead Nero او Nero كما تسميه انت .
تجد Nero Express
اختر Disc Image or saved project
اختر من قائمة Files of type :
Image Files (*.nrg, *.iso, *.cue )
ثم اذهب الى المجلد الذي وضعت به صور الـ ISO واختر الصورة الاولى ثم ضع الدسك الاول "فارغ" واحرقه ، ثم اعمل هذه الخطوة للصور الباقية .. بس تذكر انك خلصت تقسيم الهاردديسك قبل تثبيت النظام، او اذا تقدر قسم الهاردديسك من داخل Mandriva ...
اول شي انا عندي 2006 دي في دي
س : (( اشلون اذا ابي اقسم الملف ايزو الي ثلاث ملفات ايزو )) لان الكمبيوتر العادي مافيه دي في دي
و عندي لابتوب فيه دي في دي بس اول شي انا ابي اتدرب على الكمبيوتر العادي بعدين احطه على اللابتوب
2006 ديفيدي، انت منزل صورة الديفيدي، اذاً احرقه على ديفيدي ! ما تقدر تقسمه الى ثلاث اقسام للسيدي ... لانهم حاطين صور للسيديات في مواقعهم الرسمية، فيه طريقة انك تركب اللنكس من اللابتوب مثلاً الى الكمبيوتر العادي عن طريق كيبل ايثرنت، بس هذي صعبة حيل بالنسبة لك وما فيه تعليمات كثيرة في الانترنت عن هذا الامر.
اذا تقدر تنزل توزيعة Ubuntu Linux 6.06 .. هي عبارة عن LiveCD تركبه وين ما تبي من دون ما يغير ولا شي بجهازك من دون تركيب حتى، واذا بغيت تنزله على جهازك بس تضغط على ايقونة Install؟ ها شرايك؟ :) ( سيدي واحد )
حبيبي (( انا اخصائي نت ورك )) ----> يمدح نفسه (( بس لا والله اعرف ))
انته قصدك اشبك ال لابتوب و الكمبيوتر العادي
بالنتورك
و اسوي (( شير )) حق السيدي و اروح افتح السيدي من الكمبيوتر الثاني
\\\ ( عدل ) /// ؟؟
المهم انا خلاص الحين راح ابدي على نسخ 2005 و راح انزله على الكمبيوتر العادي و راح انسخ 2006 على اللابتوب بس لمن يوصل الهاردسك انشاء الله
على طاري ال (( Ubuntu Linux 6.06 )) هذا مو ابوريتنج سيستم
هذا برنامج صح ؟؟
ما راح ينفع هذا الي يبي يحطه حقه بس حق يعني شهر و 7 اشهر بعدين يمسحه
انا ابي احطه على طول انشاء الله ابي اصير محترف فيه انشاء الله
لا انا اقصد تحول اللابتوب الى FTP Server او HTTP Server ومن ثم تضع فيه جميع ملفات الـ Mandriva Linux، ثم تبوت من الكمبيوتر العادي وتختار اي نظام تثبيت بديل وعادة تقدر تشوفها من الـ HELP في برنامج البوت للـ Mandriva او الدسك الاول.. "للعلم ضغط Enter راح يدخلك على التثبيت الرسومي على طول، Next وهالخرابيط"..
هذي الفكرة اللي انا اقول لك عنها، وهذه الخطوة موجودة في الدسك الاول للمندريفا .. وتقدر تجيب صورة .img لمندريفا وتحطها على فلوبي وتبوت وتسحب ملفات التثبيت من الـ FTP Server اللي انت سويته ..
صراحة بيني وبينك انا ما جربت الطريقة هذي، وهي صعبة وطويلة، ولو بسويها راح اسحب ملفات التثبيت من الانترنت على طول "بمعنى FTP Server مجهز من الانترنت مو شبكة منزلية" ..
وبالنسبة لـ Ubuntu 6.06 هذا نظام تشغيل مبني على التوزيعة المشهورة والقديمة من عام 1993 Debian، ونظام التثبيت ماله متطور كثيراً، LiveCD وايضاً Installer على طول، لكن ميزة الـ LiveCD تركبه وتشوفه هل يشتغل بجهازك بالشكل المطلوب، فقط تضغط Install ويركب لك النظام خلال 10 دقايق بالكثير، وبالنسبة لي، افضل بكثير من Mandriva Linux بسبب انه سيدي واحد فقط، وفيه جميع البرامج اللي يحتاجها اي مستخدم، وايضاً فيه نظام حزم روعة فيه ملاييييين البرامج فقط بضغطات بالفارة :D ولمن تحطه بالتأكيد راح تحترفه .. وانا الآن اكلمك منه ;) ومثبت على جهازي.
اولا مشاء الله عليك على المعلومات هذي الذهبيه
ثاني شي :: بدام انته تستخدمه و تمدحه يله الي اتشوفه بس ما عليك امر تعطيني ال داونلود ماله
ثالث شي :: لمن اسويله انستال من وين اشغله من داخل الويندوز ولا من البوت ؟؟
و اسف اذا تعبتك معاي
اخوي الاسود الملغوم..
خذ هذا الرابط من سيرفر قريب شوي للكويت
http://www.initworld.com/ubuntu/6.06...sktop-i386.iso
ايضاً اذا كان بطيء التنزيل جرب هذا الرابط ..
http://mirror.cs.umn.edu/ubuntu-rele...sktop-i386.iso
وبالنسبة للنقطة الثالثة: لمن تسوي له تثبيت ( Install ) .. راح يثبت معاها Boot Loader نفس الصورة اللي وضحتها لك فوق .. :D تختار منه الوندوز او اللنكس على كيفك.
اولا :: مشكووور
ثانيا :: قولي مبروك ركبت الماندريفا على الكمبيوتر العادي (( بسهوله )) بس قعت ساعه كامله على شان اسوي (( سواب و ما ادري شنو اسمها و الموانت هذا كان اصعب شي
ثالثا :: يعطيك العافيه على اللنكات
رابع شي ::: اشلون اسوي ابديت حق الليونكس الي عندي :( :33:
و يصير اغير من ماندريفا الي اي توزيعه ثانيه ؟؟:33: :33:
مبروك على تركيبك ماندريفا :D .. واهم شي انه التثبيت عطاك صورة عامة عن اللنكس وطريقة تثبيته .. وهذا مثال سهل فقط.
طريقة ابديت توزيعتك Mandriva Linux سهله نوعاً ما وشرحها في اسفل الصفحة هذي
http://club.mandriva.com/xwiki/bin/KB/InstallIupdate
ايضاً بالنسبة لتوزيعتك Limited Edition 2005 سينتهي دعمها بالتحديثات في بداية شهر يوليو او "شهر 7" للعام الحالي .. وهذا خطر نوعاً ما :) وللأسف لو اني عشت مع الماندرك او المندريفا فترة طويلة كنت اقدر افيدك بطريقة تحديثها وتركيب 2006 عليها .. لكن اقرأ الصفحة وان شاء الله راح توصل الطريقة
وبالنسبة للتغير من ماندريفا الى توزيعة ثانية هو تثبيت التوزيعة الجديدة عن طريق Format القسم من القرص الصلب اللي مركب عليه Mandriva Linux ومن ثم اتمام عملية تثبيت التوزيعة الجديدة ..
مشكووووور اخوي على ردك
و يعطيك العافيه
بس في شي مو فاهمه
عن تركيب ليونكس مختلف عن الي عندي قصدك
احط السيدي (( البوت )) و اسوي نفس الخطوات الي سويتها بالماندريفا (( بس اسوي فورمات على الهاردسك الي سويت عليه الماندريفا )) بعدين اركب عليه الاصدار الجديد صح ؟؟
حط سيدي البوت مال اوبونتو، بعدين راح يدخلك داخل نظام Ubuntu نفسه، بتلقى على سطح المكتب install اضغط عليه، وكمل بالخطوات لمن توصل لخطوة تقسيم الهاردديسك وهذي الامور، وتسوي فورمات على الهاردديسك اللي عليه ماندريفا، بعدين كمل الخطوات وهو يركب كل شي وبعدين يطلب منك ازالة السيدي وتسوي رستارت وانتهت عملية التثبيت راح تنتقل بعدها لعملية الاعدادات وهذي اسهل من السهالة :p الفايدة منها انك تشغل ملفات الـ MP3 و الـ RealPlayer والافلام والـ DVD وهذي الامور وايضاً تعديل الخطوط.. :D
يعطييييك العافيه
الحين كل شي تمام
بس بغيت ما عليك امر
مواقع :: برامج حق الليونكس
و العاب ::
و مشكووووووووور
برامج حق اللنكس، اغلبها تتوفر Source وانت تسوي Compile ، لكن اللي اعرفه انه Mandriva linux فيه Package Manger تختار منه برامج وتنزلها جاهزة .. ومدعومة للمندرك، اظن اسم هذا المدير SMART Package Manager
هذه الصفحة توصف لك الحل وطريقة تثبيت هذا البرنامج ومن خلاله تقدر تختار كمية ضخمة من البرامج الجاهزة لتوزيعتك فقط من خلال الـ Search او من خلال المسارات Games او Graphics إلى آخره .. تفضل
http://www.pclinuxonline.com/modules...=6818&forum=18
يعطيك اميه و الف و خمس و خمسين و خمسه عافيه ----> ما ادري شنو قلت هههههههههه
بس يصير انزل الملفات هذي على هاردسك خارجي (( من الويندوز )) و بعدين انزلهم على الليونكس ؟؟
ليش تسوي جذي :D .. ما دام ركبت Mandriva .. اتبع الخطوات هذي كلها من الـ Mandriva نفسه ! لانه يحتاج انترنت على شان تسوي هالعملية !
هههههههه
ادري بس انا استخدم وايرلس
و الكمبيوتر العادي مافيه وايرلس (( و كيبل النت ورك مو عندي حاليا ))
فا انا ملزوم :) ههههههههه (( 5 ))
امممم .. ولله امر صعب ، لانه مدير الحزم هذا SMART يتطلب اتصال انترنت على شان ينزل الحزمة اللي تبيها ويركبها لك .. يعني اربط جهازك بكيبل وفك عمرك !
اما اذا كنت بتسوي العملية يدوية انت بنفسك من الوندوز تنزل حزمة وتركبها راح تكون عملية صعبة وطويلة جداً ! فكر فيها !
:( حطيت الهاردسك الخارجي
و لمن ضغطت عليه قالي : ما اقدر ادش على الريموفبل فولدر ؟؟؟؟
لو تجرب تدخل له كـ Root .. ( مستخدم جذري ) ممكن ينفع
وعلى فكرة ادخل موجه الاوامر وعطني نتيجة امر
وحطه هنا كـ CODE عن طريق علامة # في المنتدىكود:dmesg
اشلون ادخل ك روت مع اني حاولت بال (( رن كوماند )) بس كل ما احط امر يطلع غلط هههههههههههه
ما تعرف تفتح الـ Terminal ؟
وتكتب امر dmesg وتحط لنا النتيجة هنا ؟
اولا : دخلت و حطيت الكلمه و طلعت لي النتيجه
ثانيا : ما اقدر انقل النتيجه ( لانه من كمبيوتر ثاني )
لوول .. جنها صارت محادثة.. دز لي ايميلك على الخاص على شان اضيفك بالمسنجر وندردش هناك على كيفنا :p
لوووووووووووووووووووووووووول
الحين ادزه لك
بس على العموم :: خلاص انا دخلت كمستخدم من (( البداية )) (( اللوقن )) بالروت و فتح معاي :)