أعضاء المنتدى ينفذون عملية كوماندوز في أفغانستان (إدخل يمكن تلقى إسمك معهم)
عملية كوماندوز ينفذها أعضاء المنتدى
في البدايه بأقول لكم عن الأعضاء اللي جندتهم ... وأبيهم يسمحون لي على الموانه...
تدرون كيف ... بيرضون غصب عنهم ... يحمدون ربهم إني إخترتهم في هذي العمليه... وهذي أسمائهم...
لاحظو إن القائمة خلت من أسماء البنات... لأن العملية خطرة جداً.. ولكن ممكن يشاركون في علاج الجرحى... وفي المره الجايه بنرسل أربع أعضاء جدد...
الرئيس العام للمهمه: الوسط برتبة رقيب ركن. (لاحظ إن دوره بيكون ثانوي في القصة).أعضاء الكوماندوز (الفريق الأول):
العضو الأول: (داج 2222 ) برتبة عريف.
العضو الثاني: ( (naf برتبة جندي أول.
العضو الثالث: (باتيقول) برتبة رئيس عرفاء (هذي رتبة أنا ملفقها )
العضو الرابع والأخير: (عماد18 ) برتبة جندي (لاحظ إنه أقلهم رتبة ،لأنه أكبرنا رتبه في المنتدى ههههههه).
المهمة الخطيرة
قرر منتدى الألعاب إرسال فريق كوماندوز لأفغانستان للقيام بمهمة محدده هناك وقد إختار المنتدى بعض أعضائه كدفعه أولى يرسلهم هناك.
في مكان سري في منتدى اللعاب العربي... وفي سرداب تحت الأرض تحديداً ... إجتمع الأعضاء الإجتماع الأخير قبل تنفيذ المهمه...
وقام الوسط يعطي تعليماته الأخيره ...
الوسط: بعد الشرح اللي قلناه كل واحد منكم عرف دوره بالضبط...
داج 2222 (وهو يكلم naf): شفت المسيج اللي جاني على الجوال... هههههه والله نكته..
Naf: هههههه ... والله رايقه...
الوسط (وهو معصب): بس أنت وياه ... وش قاعد تطالعون... (ويجي عندهم ويسحب الجوال ويناظر الرسائل في الجوال)
الوسط: هههههه... حلوه هذي ... ههههه
(ويقلب الوسط الرسائل في الجوال ويرسلها لنفسه... حتى وصل لرساله مرسله من الإنتر نيت فيها صورته وهو مشنوق ومكتوب تحتها : شنق غبي )
الوسط (وعيونه حمر من كثر ما هو حمقان) : من راعي الفكره هذي...
داج2222: أأأأ... هاه ... كيف؟؟
Naf: ما لي شغل هذا جواله هو...
الوسط: قم أنت وياه وقفوا ووجهكم عند الجدار و كل واحد منكم يرفع رجله.
باتيقول: هههههههههه .... اللهم لا شماته...
عماد18: قلت لك يا دجو لا تستهبل... بس أنت ما تسمع الكلام.
الوسط : واللحين بنكمل شرح الجزء الأخير من المهمه... راح يكون الإتصال عن طريق الجوالات... (ويأشر على دجو و Naf ) إجلس أنت وياه بنكمل الشرح... وبلا خفة دم...
دجو (يتكلم بصوت واطي): منت عاقل يالشخصية...
الوسط (وهو يقرص إذن دجو): لما أقول بلا خفة دم .. يعني بلا خفة دم...
دجو: أخ... أخ... خلاص ياخوي فهمنا....
Naf: ههههه .... والله إنك زلابه يا دجو...
الوسط: زي ما قلت لكم صرف لكم المنتدى جوالات وراح نستعملها في الإتصال... (وبدأ يوزع جوالات على الأعضاء)..
باتيقول: ليش معطيني جوال قديم... أبي جوال جديد.
الوسط: ماهو أنا اللي معطيك... هذا المنتدى...
عماد18: أنا أمس شايف واحد موصل لك كراتين جوالات جديده ... وين راحت؟؟
الوسط (وهو مرتبك) : أأأ... هذي هي الجوالات... الكراتين بس اللي جديده..
(وقام الأعضاء يناظرون في الوسط ويتساءلون وين راحت الجوالات الجديده؟؟؟)
الوسط (وهو يحاول يصرف الموضوع): أأ... إلا سمعتوا آخر نكته ... ههههه .
(وطبعاً ما حد رد عليه)
الوسط : أحمم .. أحم ... بكره بتاخذون التذاكر وبتسافرون لكندا ومنها لأفغانستان...
باتيقول: الله بنروح لكندا علشان نوصل أفغانستان...
دجو(وهو يقلد صوت باتيقول بإستهزاء): الله بنروح لكندا علشان نوصل أفغانستان ... ياخي إحمد ربك بتسافر ببلاش وبعدين تتمشى...
الوسط: ماحد تكلم عن التمشيه... إنتم بتتنتظرون في الطياره 7 ساعات ... ثم بتقلع بكم للصين ومنها تدخلون في أفغانستان.
عماد18: ليش التعقيد هذا كله؟؟؟
Naf (وهو قافله معه): أكيد بيقول لك علشان العملية سرية...
باتيقول: وش هذا الكلام... مافيه شريحه في الجوال.
الوسط: الشرايح راح تستلمونها في الصين ... وبيصير كذا علشان...
باتيقول: عارفين العمليه سريه...
دجو (وهو يرمي الجوال من القهر) : تسمعون بالسريه أنتم...
الوسط (وهو يحس إن الموضوع بيفلت من يده): بكره بتنفذون العمليه ... بالتوفيق.
إنتهى الجزء الأول ... المره الجايه نشوف كيف دخل الأعضاء أفغانستان وأيش عملوا هناك
إنتهى الجزء الأول ... وأتمنى إن ما أحد يزعل ... وإذا ودكم وقفت عند هنا ...
أنا بأنتظر رايكم ولا راح أكمل إلى أن أسمع الموافقة منكم المره الجايه بنجند أربع أعضاء جدد ... يمكن يكون واحد منكم منهم
