الحمدلله انه Microsoft دعمت الـ HD-DVD اول مقارنة قوية بين الـ HD-DVD و الـ Blu-Ray !

شركة Warner Bros مثل ما انتوا عارفين يا شباب، هي الشركة الوحيدة تقريباً اللي نزلت افلامها على الـ Blu-Ray و الـ HD-DVD بنفس الوقت ، وهذا اللي خلا المواقع تسوي اول مقارنة جدية بين الـ HD-DVD و الـ Blu-Ray .. واللي اثبتت بالنهاية انه الـ HD-DVD الاقوى بكل الافلام اللي تمت فيها المقارنة ، انظروا الروابط في الاسفل
الخبر الرئيسي
http://www.highdefdigest.com/feature...omparison.html
مقارنة Training Day ( دنزل واشنطن و ايثان هوك )
http://bluray.highdefdigest.com/trainingday.html
مقارنة Kiss Kiss Bang Bang لـ Val Kilmer ما عمري شفته
http://bluray.highdefdigest.com/kisskissbangbang.html
مقارنة Rumor Has it
http://bluray.highdefdigest.com/rumorhasit.html

وكل النتائج تقول HD-DVD is superior

ممتاز جداً ننتظر قارئ افلام الـ HD-DVD من Microsoft ..
الصراحة لو البلو راي خسر شيء اشبه بالكارثة لسوني لأنه كلف مليارات الدولارات ..

عموماً ما نقدر نحدد إلى الأن على الأقل
نقدر نحدد بعد سنه من إصدار كلا الصيغتين في الأفلام و كذالك الـ PS3

شكراً ربسو خبر صاعقة :D

Nice i can sony dreams down to hell ..

Thanks Fahad ^×^"

شيء ممتاز اثبات قوة الـ HD-DVD وشيء متوقع من الشركة صاحبة التكنولوجيا العملاقة Microsoft ولكن !:

الـ Blu-Ray ما نزل له الا مشغل واحد ومن شركة واحدة .. في حين الـ HD-DVD منتشرة مشغلاته بكل مكان وكل الشركات اصدرت نسختها من المشغل ..

برأيي المنافسة غير عادلة .. والكلام سابق لأوانه كثير .. مقارنة بين هذي ما تنفع الا بعد سنة على الاقل وبعد نزول جميع النسخ من مشغلات الـ Blu-ray .

وشكراً على الموضوع

اقتباس:

---

المشاركة الأصلية كتبت بواسطة HAMAD 11

شيء ممتاز اثبات قوة الـ HD-DVD وشيء متوقع من الشركة صاحبة التكنولوجيا العملاقة Microsoft ولكن !:

الـ Blu-Ray ما نزل له الا مشغل واحد ومن شركة واحدة .. في حين الـ HD-DVD منتشرة مشغلاته بكل مكان وكل الشركات اصدرت نسختها من المشغل ..

برأيي المنافسة غير عادلة .. والكلام سابق لأوانه كثير .. مقارنة بين هذي ما تنفع الا بعد سنة على الاقل وبعد نزول جميع النسخ من مشغلات الـ Blu-ray .

وشكراً على الموضوع

---

مشغلات الـ Blu-Ray المتوفرة بالاسنواق الامريكية، هي كالتالي:
Sony BDP-S1 Blu-Ray Disc Player وسعره 1000 دولار
و Samsung BD-P1000 Blu-Ray Disc Player وسعره 1000 دولار
و هناك 4 مشغلات أخرى Blu-Ray مستعدين لاصدارها في شهر 9 و 10

اما الـ HD-DVD ، نزل له مشغل واحد فقط وهو الرسمي من Toshiba وسعره من 459 دولار الى 700 دولار ... "موديلين" واحد رخيص والثاني غالي.. وستصدر له مشغلات من شركات أخرى من مثلNEC و SANYO و و Hitachi و Fujitsu على أغلب الظن في الاشهر القادمة .. غير مشغل الـ Xbox 360 طبعاً.
وتقول لي مقارنة غير عادلة؟
مشغلين بلوراي قدام مشغل واحد بموديلين HD-DVD ؟
وما زال حتى الآن الـ HD-DVD مثبت جدارته .. واذا خسر الـ Blu-Ray ستصبح نهاية Sony وشيكة وللأبد .. !! لهذا دعونا نتريث ونتابع الحرب عن قرب

sleepy hollow is on HD-DVD

awesome


it's not a problem to me since i'll get both players

يارجال انا ما همني لا هذا ولا هذا الDVD مكفي وزيادة
بس اتمنا البلوراي مايحقق نجاح عشان سوني تعرف ان الله حق
الى الان تفوق واضح للHD-DVD

شي متوقع ان كل شي من الشركه الخارقه للطبيعه يتغلب وهذا انشاء الله بيكسر شي اسمه بلوراي وانشاء الله مايكروسوفت تصير اذكى وتحط قارئ داخلي للاعلعاب <<<< لاتقولون لي مايكروسوف اعلن انها مابتحط بالعكس هي بتحط بس ماتبي تقول علشان الناس يشترون ال 360 وماينتضرون الاتنش ديفيدي

مشكور على الخبريه

اقتباس:

---

مشغلات الـ Blu-Ray المتوفرة بالاسنواق الامريكية، هي كالتالي:
Sony BDP-S1 Blu-Ray Disc Player وسعره 1000 دولار
و Samsung BD-P1000 Blu-Ray Disc Player وسعره 1000 دولار
و هناك 4 مشغلات أخرى Blu-Ray مستعدين لاصدارها في شهر 9 و 10

---

طيب مشغلين او واحد .. واحد ما رح يعدل النتيجة :boggled:

وانا لا زلت اقول لك المنافسة غير عادلة او بالأحرى غير صحيحة ..

لأنه المشغلين لا زالا في بدايتهما .. وانت الحين جايب لي 4 افلام فقط والأفلام قديمة وولا واحد منها يدعم الـ High Dev بشكل صحيح.. انا انصحكم تنتظروا بعد لوقت اطول لحد ما ينتشروا الاثنين ويكونوا صاروا معروفين خلاص وقتها فقط تحق المنافسة.. وعلى فكرة حتى لو تغلب الـ HD-DVD او الـ Blu-ray ممكن تلقى الخاسر هو الى منتشر في العالم !! وهذا اكثر شيء يرجع للشركات التى تدعم المشغل .

اقتباس:

---

واذا خسر الـ Blu-Ray ستصبح نهاية Sony وشيكة وللأبد

---

للابد !!؟؟ .. لوووووووووووووول بدون تعليق
سوني صحيح خسرت البلايين على المشغل لكن قارن بين الخسارات ورؤوس اموالها بالاضافة الى ارباحها وانت تقول لي للأبد ؟؟

اقتباس:

---

لهذا دعونا نتريث ونتابع الحرب عن قرب

---

هذا هو الكلام الصحيح

ملاحظة اخيرة : لا تفهموني غلط واقسم بالله انى ما احاول ادافع عن اي مشغل .. لكن برأيي الكلام الصح اننا ننتظر اكثر لحد ما تتواجد امكانيات اكثر للمشغلات وتنزل افلام جديدة وتدعم الـ High-def صح.

HAMAD 11 إيش اللي ننتظر أفلام تنزل تدعم الـ HD ؟
طيب الأفلام هذي اللي نزلوها تدعم إيش الـ HD أكيد

احفظ كلمتي عدل "للأبد" .. سوني وضعت جميع قدراتها لتسويق البلوراي . لدرجة انها وضعته في الـ PS3 وهو ما زال جديد، وهذا خطر جداً .. فقط لتسويقه بأي طريقة، خسارته تعني نهايتها للأبد احفظها عدل
واسمح لي حمد واضح ردك تبرير فقط، بالاول ما نزل ولا مشغل، والحين 4 فقط؟

اقتباس:

---

وتنزل افلام جديدة وتدعم الـ High-def صح.

---

يعني Toshiba و Sony متعبين نفسهم ومنزلين Blu-Ray و HD-DVD على شان يشغلون افلام ما هي Hi Def ؟ الله اكبر !
الكلام واضح، مقارنة بين صيغتين HD ، الا وهم الـ Blu-Ray و الـ HD-DVD وكلا الفلمين يدعم جميع الـ Standards الخاصة بالـ HD ان كانت بالاصوات او بالصورة، و ما زال منذ بداية صدور الجهازين وكل المواقع تقول ان الـ HD-DVD هو الافضل!

اقتباس:

---

HAMAD 11 إيش اللي ننتظر أفلام تنزل تدعم الـ HD ؟
طيب الأفلام هذي اللي نزلوها تدعم إيش الـ HD أكيد

---

عارف لكن عدد الأفلام قليلة والأفلام قديمة.. وترى الافلام الى تنزل ببداية عصر الـ HD ماهي الى مثل الى تنزل بعد انتشاره بين الناس !! يعني اقول لكم انتظروا شيء

اقتباس:

---

احفظ كلمتي عدل "للأبد" .. سوني وضعت جميع قدراتها لتسويق البلوراي . لدرجة انها وضعته في الـ PS3 وهو ما زال جديد، وهذا خطر جداً .. فقط لتسويقه بأي طريقة، خسارته تعني نهايتها للأبد احفظها عدل

---

للحين تقول لي للابد !! .. طيب خسارة البلو راي صح رح تأثر بشكل كبير على سوني لكن ما رح تنهى الشركة للابد :31: .. الـ Play Station 3 رح يتحطم وكل شيء سوني حطت فيه البلو راي رح يتحطم بس سوني بكبرها تطيح عاد !! .. فهد انت تحلم :) , سوني من اكبر الشركات بالعالم ما رح تطيح عشان واحد من مشغلاتها تحطم

اقتباس:

---

واسمح لي حمد واضح ردك تبرير فقط، بالاول ما نزل ولا مشغل، والحين 4 فقط؟

---

ما فهمت لك , اي مشغل تقصد ؟؟.. اذا كنت تقصد الـBlu-ray فانا الى عارفه انه نزل له مشغل واحد وانت كتبت انه نزل له مشغلين وطلع فيه واحد زيادة وين المشكلة ؟؟

اقتباس:

---

يعني Toshiba و Sony متعبين نفسهم ومنزلين Blu-Ray و HD-DVD على شان يشغلون افلام ما هي Hi Def ؟ الله اكبر !

---

انا ما قلت انها ما Hi Def انتبه ! .. وردي عليك مثل ردي على سامي في الأعلى شوفه

اقتباس:

---

الكلام واضح، مقارنة بين صيغتين HD ، الا وهم الـ Blu-Ray و الـ HD-DVD وكلا الفلمين يدعم جميع الـ Standards الخاصة بالـ HD ان كانت بالاصوات او بالصورة، و ما زال منذ بداية صدور الجهازين وكل المواقع تقول ان الـ HD-DVD هو الافضل!

---

ان كان الأمر يفرحك فالـ HD-DVD هو الفائز :31: ..

اقتباس:

---

عارف لكن عدد الأفلام قليلة والأفلام قديمة.. وترى الافلام الى تنزل ببداية عصر الـ HD ماهي الى مثل الى تنزل بعد انتشاره بين الناس !! يعني اقول لكم انتظروا شيء

---

هي نفسها ما فيه فرق بينهم

VIVA HD-DVD $ XBOX360

اذا تفوق واضح لل HD-DVD

الى الامام دائما يامايكروسوفت

و يعطيك العافية يافهد :p

سامي كيف مافي فرق !! .. الا فيه فرق واكبر فرق

الـ HD-DVD والـ Blu-ray في بداياتهم .. وما رح ينتشروا الا في 2008 .. وقت ما تلفزيونات الـ HD انتشرت بأيادي الناس والمشغلات منتشرة كلها بالأسواق واغلبية الشركات تدعم المشغلات وقتها رح تفهم الفرق .. شوف الـ DVD اول ما نزل كانت حالته مثل الحين ؟؟

وافهموا كلامي .. اعيد اننى ما ادافع عن اي صيغة ولكن اقول المنافسة سابقة لأوانها والى يقول انه الحرب بين المشغلات في نهايتها انا اقول هي ما بدأت اصلاً حتى الان !..

اقتباس:

---

المشاركة الأصلية كتبت بواسطة HAMAD 11

سامي كيف مافي فرق !! .. الا فيه فرق واكبر فرق

الـ HD-DVD والـ Blu-ray في بداياتهم .. وما رح ينتشروا الا في 2008 .. وقت ما تلفزيونات الـ HD انتشرت بأيادي الناس والمشغلات منتشرة كلها بالأسواق واغلبية الشركات تدعم المشغلات وقتها رح تفهم الفرق .. شوف الـ DVD اول ما نزل كانت حالته مثل الحين ؟؟

وافهموا كلامي .. اعيد اننى ما ادافع عن اي صيغة ولكن اقول المنافسة سابقة لأوانها والى يقول انه الحرب بين المشغلات في نهايتها انا اقول هي ما بدأت اصلاً حتى الان !..

---

طيب أنا إيش دخلني في بداية طرح الصيغ أو نهايتها
أنا اللي أتكلم عنه إنه هالأفلام تدعم الـ HD
إنت بردودك السابقة ما أدري حسيت إنك تبغي تقنعنا إنه
الأفلام اللي طرحت في السوق حالياً هي أفلام عادية و ما تدعم الـ HD
هذا اللي أنا أقصده لكن الظاهر إنه فكرك راح لبعيد :)

بلاكم شباب معصبين ..
لا تحاولون مهما تكلمتو ما نقدر نحدد احينه ..
على الأقل في اخر 2007 نقدر نقول منو الفائز ^^..

بس حمد سوني حطت فلوس انت ما تتوقعها على البلو راي ^^..
يعني مليارات ما تتخيلها ^^

HAMAD 11 ، موضوع روعة اهداء لك
http://www.ehomeupgrade.com/entry/21...he_playstation

اقتباس:

---

عارف لكن عدد الأفلام قليلة والأفلام قديمة.. وترى الافلام الى تنزل ببداية عصر الـ HD ماهي الى مثل الى تنزل بعد انتشاره بين الناس !! يعني اقول لكم انتظروا شيء

---

انت قول لي بالله، يعني الافلام اللي نزلت ببداية الـ DVD غير عن افلام الـ DVD اللي الحين؟ هذا اولاً، ثانياً الافلام القديمة ، انا اللي حطيتهم قدامك بالمقارنات كلها افلام جديدة :D .. ومليان فيها حركات الـ FX و الـ 3D والجرافكس وهالخرابيط

اقتباس:

---

ما فهمت لك , اي مشغل تقصد ؟؟.. اذا كنت تقصد الـBlu-ray فانا الى عارفه انه نزل له مشغل واحد وانت كتبت انه نزل له مشغلين وطلع فيه واحد زيادة وين المشكلة ؟؟

---

خلال ثلاثين يوم راح يصيرون 6 مشغلات .. ! لكن هل سيتغير بها شيء، الاجابة "لا" .. لانه الـ Blu-Ray خلاص تم تصميمه على كذا، والشركات تنتج نفس اللي سوته سوني بجهازها الاول..

اقتباس:

---

ان كان الأمر يفرحك فالـ HD-DVD هو الفائز ..

---

رد وقال ان كان الامر يفرحك!!
هههههههههههههههههه
كل هالروابط والمقارنات اللي حطيتها لك، وللحين مو مصدق ههه

اقتباس:

---

طيب أنا إيش دخلني في بداية طرح الصيغ أو نهايتها
أنا اللي أتكلم عنه إنه هالأفلام تدعم الـ HD
إنت بردودك السابقة ما أدري حسيت إنك تبغي تقنعنا إنه
الأفلام اللي طرحت في السوق حالياً هي أفلام عادية و ما تدعم الـ HD
هذا اللي أنا أقصده لكن الظاهر إنه فكرك راح لبعيد :)

---

لا انا ما قلت ابداً انه الافلام ما تدعم الـ HD انا الى احاول اقوله انه المنافسة سابقة لأوانها ..
وأصلا حتى هذا الشيء ما نقدر نحط حكم نهائي فيه حالياً والا يوم تنتشر تلفزيونات HD بصفاوة p1080

اقتباس:

---

انت قول لي بالله، يعني الافلام اللي نزلت ببداية الـ DVD غير عن افلام الـ DVD اللي الحين؟ هذا اولاً، ثانياً الافلام القديمة ، انا اللي حطيتهم قدامك بالمقارنات كلها افلام جديدة :D .. ومليان فيها حركات الـ FX و الـ 3D والجرافكس وهالخرابيط

---

ليش ما تكتشف بروحك ؟!
وبعدين الافلام هذي والـ HD-DVD فايز فيها انا انكرت !!؟؟ افهم علي ياخي -___-
انا اقول لك مو من 4 افلام وتحسم النتيجة خلاص انتظر افلام اكثر والمشغلات تطلع كلها .. :31:

اقتباس:

---

خلال ثلاثين يوم راح يصيرون 6 مشغلات .. ! لكن هل سيتغير بها شيء، الاجابة "لا" .. لانه الـ Blu-Ray خلاص تم تصميمه على كذا، والشركات تنتج نفس اللي سوته سوني بجهازها الاول..

---

ما رح يتغير شيء ولكن رح تنزل افلام اكثر وبعدد معقول علي الـ Blu-ray والـ HD-DVD ووقتها تنفع المقارنة .. مو 4 افلام وقمت تعمم على المشغلات كلها !..

اقتباس:

---

هههههههههههههههههه
كل هالروابط والمقارنات اللي حطيتها لك، وللحين مو مصدق ههه

---

اصدق ايش ؟؟ :) Rubso اتمنى انك تفهم كلامي قبل لا ترد لأنه من ردودك علي باين انك ما وصلت للى اقصده...

الأفلام الى حطيتها الـ HD-DVD فايز فيها ومتفوق ما قلنا شيء .. لكن من طريقة كتابة الموضوع كأنك انت الحين بنهاية عمر المشغلات وكل شيء اتضح عنهم :31: وقمت تعطى النتيجة النهائية

وبالنسبة للوصلة الى حطيتها فوق حتى ما اتعب نفسي واشوفها !!.. Rubso سوني اغنى الشركات بالعالم .. قسم الفيديو جيمز ما يمثل الا الفتات من الشركة , شوف البقية ثلاجات واجهزة .. الخ
وانت بعدك تقول لي الـ Play Station 3 مع سقوطة تنتهى سوني ؟؟ هههههههههه يا سبحان الله :D

اقتباس:

---

لا انا ما قلت ابداً انه الافلام ما تدعم الـ HD انا الى احاول اقوله انه المنافسة سابقة لأوانها ..
وأصلا حتى هذا الشيء ما نقدر نحط حكم نهائي فيه حالياً والا يوم تنتشر تلفزيونات HD بصفاوة p1080

---

ارد واقول، موضوع المقارنة اللي انا كاتبه ما وضح لك انه الـ HD-DVD اقوى؟

اقتباس:

---

ليش ما تكتشف بروحك ؟!
وبعدين الافلام هذي والـ HD-DVD فايز فيها انا انكرت !!؟؟ افهم علي ياخي -___-
انا اقول لك مو من 4 افلام وتحسم النتيجة خلاص انتظر افلام اكثر والمشغلات تطلع كلها ..

---

هذي الافلام الوحيدة اللي نزلتها Warner Bros ، والمقارنة فيها قمة العدالة، لانها من نفس الشركة، ونفس الافلام !

اقتباس:

---

ما رح يتغير شيء ولكن رح تنزل افلام اكثر وبعدد معقول علي الـ Blu-ray والـ HD-DVD ووقتها تنفع المقارنة .. مو 4 افلام وقمت تعمم على المشغلات كلها !..

---

احللللللللللللللللللللللللللى وقمت تعمم على المشغلات كلها
:P يعني المشغلات الجديدة راح تكون 2900p ما هي 1080؟
يعني المشغلات الجديدة راح تكون فيها جناحات ؟
لولولولولولول احلى تبرير

اقتباس:

---

الأفلام الى حطيتها الـ HD-DVD فايز فيها ومتفوق ما قلنا شيء .. لكن من طريقة كتابة الموضوع كأنك انت الحين بنهاية عمر المشغلات وكل شيء اتضح عنهم وقمت تعطى النتيجة النهائية

---

يا حبيبي، هذي الحرب قايمة على شان الناس تعرف منو الاحسن، اذا فاز الـ HD-DVD بكل الافلام او بأغلبيتها، خلاص، السنة الجاية ما راح تشوف Blu-Ray
نفس الشي حصل بأشرطة الفيديو القديمة، كانت المنافسة ما بين Sony Betamax و JVC VHS ، منو اللي فاز؟
VHS ، والـ Betamax خلاص صار بالمتاحف
شكلك انت على بالك الـ HD-DVD والـ Blu-Ray راح يبقون مع بعض للأبد هههههههههههههههههههههههه

اقتباس:

---

وانت بعدك تقول لي الـ Play Station 3 مع سقوطة تنتهى سوني ؟؟ هههههههههه يا سبحان الله

---

شفت انك ما قريت الموضوع؟
:D

اقتباس:

---

ارد واقول، موضوع المقارنة اللي انا كاتبه ما وضح لك انه الـ HD-DVD اقوى؟

---

جاوبت اكثر من مليونين مرة ! .. قلت لك حالياً نعم ولكن على المدى الطويل هذا شيء سابق لأوانه وما نقدر نجزم

اقتباس:

---

احللللللللللللللللللللللللللى وقمت تعمم على المشغلات كلها
:P يعني المشغلات الجديدة راح تكون 2900p ما هي 1080؟
يعني المشغلات الجديدة راح تكون فيها جناحات ؟
لولولولولولول احلى تبرير

---

يا ليل الى ما يفهموا !
باين اني اقصد لك " قمت تحسم النتيجة نهائياً"
على فكرة كلمة تبرير لا تكثر منها !+__+

اقتباس:

---

يا حبيبي، هذي الحرب قايمة على شان الناس تعرف منو الاحسن، اذا فاز الـ HD-DVD بكل الافلام او بأغلبيتها، خلاص، السنة الجاية ما راح تشوف Blu-Ray
نفس الشي حصل بأشرطة الفيديو القديمة، كانت المنافسة ما بين Sony Betamax و JVC VHS ، منو اللي فاز؟
VHS ، والـ Betamax خلاص صار بالمتاحف
شكلك انت على بالك الـ HD-DVD والـ Blu-Ray راح يبقون مع بعض للأبد

---

ههههههههههه .. من كثر الضحك مو قادر اتكلم ! :09:
لا ويقول السنة الجاية بعد هههههه .. مشغل ما صار له ثلاث شهور وهو طالع والسنة الجاية ما رح نشوفه لوول ! .. كثر منها :D

اقتباس:

---

شفت انك ما قريت الموضوع؟
:D

---

لوول قريته وشبعت قراية .. في النهاية كلام فارغ ولا غير شي :smirk: !

اقتباس:

---

قلت لك حالياً نعم ولكن على المدى الطويل هذا شيء سابق لأوانه وما نقدر نجزم

---

لول، اعطيك مثال، اذا نبي نقارن بين التويوتا كامري 2005، والشفر لومينا 2005، الآن وحطينا لها روابط، هل مقارنتنا هذي سابقة لاوانها؟

اقتباس:

---

يا ليل الى ما يفهموا !
باين اني اقصد لك " قمت تحسم النتيجة نهائياً"
على فكرة كلمة تبرير لا تكثر منها !+__+

---

هههه ردودك كلها تبرير في تبرير

اقتباس:

---

ههههههههههه .. من كثر الضحك مو قادر اتكلم !
لا ويقول السنة الجاية بعد هههههه .. مشغل ما صار له ثلاث شهور وهو طالع والسنة الجاية ما رح نشوفه لوول ! .. كثر منها

---

ههههههههههههههه ليش الـ Betamax كم سنة قعد؟ و الـ VCD كم سنة قعد؟
هاهاهاهاهاهاها

اقتباس:

---

لوول قريته وشبعت قراية .. في النهاية كلام فارغ ولا غير شي !

---

ههههه وانا اقول لك للحين ما قريت الرابط

ربسو شو فيك ^^ ..؟
تركم طلعتو وايد عن الموضوع ..

بختصار الصيغتين في بدايتهم يعني لايمكن نحدد من الفائز مهما حدث
على الأقل في الربع الأخير من 2007 نقدر نقول منو الفائز خلاص انسو السالفة الموضوع صار طويل واعطو الفرصة لخيركم خلاص لول

والله الظاهر اني اليوم ما رح انام >_< ..

اقتباس:

---

لول، اعطيك مثال، اذا نبي نقارن بين التويوتا كامري 2005، والشفر لومينا 2005، الآن وحطينا لها روابط، هل مقارنتنا هذي سابقة لاوانها؟

---

XD .. تدري عاد شو الى يخليني صاحي ! نكتك :D! .. انت من صجك تقارن سيارات و مشغلات ؟؟ .. :boggled:

اقتباس:

---

هههه ردودك كلها تبرير في تبرير

---

لوول .. وانا اقول لك ردك الاخير والى قبله تبرير واكبر تبرير ما دام التبرير جذي ! :)

اقتباس:

---

ههههه وانا اقول لك للحين ما قريت الرابط

---

لا تكون شفتني ببرنامج Google Earth ؟؟ :D


والله ابي انام وعلى الحال هذي ما رح اذوق طعم النوم الا بعد اسابيع -__- .. لكن اعيد لأخر مرة

ما نقدر نحدد من الفائز الا في اخر 2007 .. وهذا رأيي وكل واحد حر في رأيه وما احد يقدر يغيره :)

روبسو انا اعتقد انه كلام حمد صحيح لانه هذي الافلام مو مستعمل فيها كاميرات الجيل القادم hd camera

و الافلام قديمة و الملايين التي خسرت ستعوض يوم اصدار ال ps3 وانا صراحة اتمنى فوز سوني لاني

اريد الاكبر سعة ولا اريد التقنية التي يدعمها جهازي فقط

اقتباس:

---

.. تدري عاد شو الى يخليني صاحي ! نكتك ! .. انت من صجك تقارن سيارات و مشغلات ؟؟ ..

---

ههههه اسمح لي اذا ما قبلت هذا المثل، انت اثبت انك دايخ، بالاول تقول كيف نقارن، والحين من صجك تقارن..
خذ خذ ، بجيب لك قلاص ماي
http://www.mypharmacy.co.uk/medicine..._tablets_2.jpg

اقتباس:

---

لوول .. وانا اقول لك ردك الاخير والى قبله تبرير واكبر تبرير ما دام التبرير جذي !

---

كل هذا تبرير، كل هذي الروابط تبرير!!!!!!!!!!!!!!!!!!!!!!!!!!!!!!!!! ههههههههه
http://bluray.highdefdigest.com/trainingday.html
http://bluray.highdefdigest.com/kisskissbangbang.html
http://bluray.highdefdigest.com/rumorhasit.html

اقتباس:

---

ما نقدر نحدد من الفائز الا في اخر 2007 .. وهذا رأيي وكل واحد حر في رأيه وما احد يقدر يغيره

---

شلون عرفت آخر 2007، طلعت انت من اللي يحدد ؟
هذا الولد يصلي لك، يظن انك إله
http://www3.sympatico.ca/simsg/pray.JPG
ياخي جيب رابط على كلامك ولا تهرف بما لا تعرف

اقتباس:

---

روبسو انا اعتقد انه كلام حمد صحيح لانه هذي الافلام مو مستعمل فيها كاميرات الجيل القادم hd camera

---

يعني Batman اللي نزل DVD وسنة انتاجه 1989، ما يعتبر DVD ؟
يا Only 5.0 الله يرضى عليك، كلام فاضي هذا
يعني Warner Bros والشركات كلها اللي تنتج افلام الـ HD قاعدة تذبح نفسها بنفسها لانها ما صورت بكامرة HD؟!

اقتباس:

---

اريد الاكبر سعة ولا اريد التقنية التي يدعمها جهازي فقط

---

ما فائدة السعة اذا لم يكن هناك تقنية جديدة تدعمها؟
انت الآن في حرب امام عدوين HD-DVD و Blu-Ray تبي تقنع المستهلك انه ينتقل الى الـ DVD ؟ بتقنعه بتقول له "سعة اكبر" طيب ما تغير شي بالصورة ليش انتقل؟، انت تبي تقنع المستهلك قول له "شوف الفرق" ! مو "شفت القرص كم حجمه؟"

اقتباس:

---

شوف البقية ثلاجات

---

ماشاء الله سوني تصنع ثلاجات وعصارات برتقال ومكيفات
وخلاطات , وفرن ومكيف , وكل شي اكترونيات تصنع
الظاهر حمد انت لازم تاخذ لك جولة في Jumbo

اقتباس:

---

انت من صجك تقارن سيارات و مشغلات ؟؟

---

خخخخ تبا امثلة من سيارات نفس الي صار ؟؟

حمد حبيبي هاذي دنيا يسمونها بزنس , يعني البقاء للاقوى
شوف مثل ماقال حبيبنا فهد

كامري و لومينا

الكامري
1- اقتصادي
2-عائلي

اسوء مافيه
1- سعر غالي
2- قوة مافي
3-راحة مافي
4- سعر غالي ومايجي سعر المواصفات الي فيه
5- سويت حادث ودع اهلك

اللومينا
1- سعر مميز ومواصفات حلوة
2- فخمة
3- رياضية
4- مكينة قوية
5- مفضلة ع ايدي الشباب
6- سعرها رخيص بالنسبة للمواصفات الي فيها
7- شكلها سبورت
8- نظام التعليق ولا بد
9- صرفية الوقود مقبولة بالنسبة للمكينة والقوة

اسوء مافيها :-
موب آمنية
لكن موديل 2007 بيكون توب


وعلى فكرة حمد , باين من كلامك تعصب , وباين انك تنفي كل شي لصالحك ياخي
مايجوز الصراحة , ع قولة المثل ( يوم ماتعرف لاتتفلسف )

ومع السلامة

شباب سلختو جلد الولد سلخ ..
هو إلي يبي يبينه كله اننا مارح نشوف قوه الصيغتين إلى في اخر 2007 او بدايه 2008
بس هذا إلي يبي يفهمه لكم حسب ما فهمت منه ..

وجزاكم الله خير شباب

نطقه حبيت ابينها لأن البعط يبدو عنده لبس
ياشباب ترا النسخ الأصليه من الأفلام الى تصورها كبار الأستدوهات وضوحها اعلا من الهاي ديفنشن الى حنا فرحانين فيه الحين بمراحل
لذلك لحد يضحك عليكم يقولكم اول الأفلام هذي مهي HD حقيقي
الأستديوهات قادره على انتاج اعلى من الـHD لو ارادة الماده موجوده عندهم فقط يمعلون لها ريماسترنق بالوضوح والحجم المطلوب لذلك تحويلها للـHD ولا شي بالنسبه لهم
هذي مهي العاب ياخوان عشان تقولن لنا مارح نشوف قوتها الحقيقه الا بعد كم سنه
ماله داعي تلعبون على انفسكم الموجود الأن والى راح يتواجد بعد 5 سنين نفسه مارح يتغير الا اذا تغيرت الصيغ

أكبر غلط انك تحكم على حرب مابدأت فعليا من وجهة نظري

انتظر صدور البلاي ستيشن 3

وانتظر الى منتصف 2007 او نهايه وراح تظهر النتيجة

الاستعجال خطأ

يعني بسهوله حكمتوا على البلوراي وهو حتى الان في ولادته وحتى hd-dvd

اللي اعلنت توشيبا انك قاعدة تخسر بشكل كبير من مشغلها

فالانتظار ولابش استعجال



خصوصا من المتعصبين:)

اخوي حمد 11 لاتقعد تبرر وتدافع
هذا اول شي مشغل افلام مو جهاز العاب علشان قوة الرسوم والوضوح تتطور فيه
وثاني شي مثال على الدي في دي اخذ فلم وحطه بنفس الصيغه في عام 2000 وتعال سو مره ثانيه الفلم وحطه في دي في دي في عام 2006 الدي في دي ماراح يتطور وبيعرض نفس الوضوح

اقتباس:

---

ههههه اسمح لي اذا ما قبلت هذا المثل، انت اثبت انك دايخ، بالاول تقول كيف نقارن، والحين من صجك تقارن..
خذ خذ ، بجيب لك قلاص ماي

---

والله الظاهر انت عندك خلل في المخ :boggled: ! .. الحين انا اقول لك كيف تحط امثلة سيارات للمشغلات؟؟

شو اللى كيف نقارن ومن صجك تقارن ؟ :boggled:

اقتباس:

---

شلون عرفت آخر 2007، طلعت انت من اللي يحدد ؟
هذا الولد يصلي لك، يظن انك إله

---

اول شيء احسن انك تحترم نفسك وتعدل كلامك, ما دام مسوي لي فيلسوف زمانك وقاعد تناقش انتبه لكلامك وعن المصخرة الزايدة عن اللزوم حتى ما يكون تصرف ثاني.. .. قال اله :31: هذا كلام ينقال يا محترم ؟؟ .. الغريب انك رايح ترد على Dark Slayer بموضوع E3 وتقول له يعدل كلامه وانت الحين تقول اوقح الكلام !..:boggled: الحمدلله والشكر

اقتباس:

---

ياخي جيب رابط على كلامك ولا تهرف بما لا تعرف

---

الروابط ما تفيد بشيء .. الحين انت مليون رابط بكلامك ولا واحد منهم فاد بشيء .. هذي اشياء منطقية مفروض تفهمها بالعقل بس الظاهر انه ما عندك واحد !

اقتباس:

---

ما فائدة السعة اذا لم يكن هناك تقنية جديدة تدعمها؟
انت الآن في حرب امام عدوين HD-DVD و Blu-Ray تبي تقنع المستهلك انه ينتقل الى الـ DVD ؟ بتقنعه بتقول له "سعة اكبر" طيب ما تغير شي بالصورة ليش انتقل؟، انت تبي تقنع المستهلك قول له "شوف الفرق" ! مو "شفت القرص كم حجمه؟"

---

يعني السعة مالها داعي ؟؟.. طيب شو رايك اذا قلت لك انه المشغل ذو السعة الأاكبر هو الي رح ينجح اول شيء ولو كان المشغل الثاني افضل منه بالجودة ؟؟ والسبب ببساطة لأنه في البداية عند نزول المشغلات تكنولوجيا الـ HD ما رح تكون منتشرة بالشكل الكبير وما رح يهتم احد لهذا الشيء ولكن كلهم رح يتجوا للسعة الأكبر .

اخوي واضح تحاول تخلي الـ HD-DVD هو الناجح ولكن مهما فعلت فهذا شيء ما تستطيع بأي طريقة ولو بـ 1000 رابط اثباته الحين .. وهذا شيء معروف

اقتباس:

---

وعلى فكرة حمد , باين من كلامك تعصب , وباين انك تنفي كل شي لصالحك ياخي
مايجوز الصراحة , ع قولة المثل ( يوم ماتعرف لاتتفلسف )

---

اخوي تكلم على كيفك .. بس المستغرب انك تقول لي تعصب !! مع انى الحين ما قلت ولا مشغل هو الناجح ولكن بعدنا ما نقدر نحدد .. باين انك انت المتعصب اخوي فلا تضحك علي نفسك ^^

وعلى فكرة نكتتك حلوة :D .. يحط مقارنة بين السيارات مثال على مقارنة بين مشغلات :09:

اقتباس:

---

اخوي حمد 11 لاتقعد تبرر وتدافع
هذا اول شي مشغل افلام مو جهاز العاب علشان قوة الرسوم والوضوح تتطور فيه
وثاني شي مثال على الدي في دي اخذ فلم وحطه بنفس الصيغه في عام 2000 وتعال سو مره ثانيه الفلم وحطه في دي في دي في عام 2006 الدي في دي ماراح يتطور وبيعرض نفس الوضوح

---

اول شيء انا ما ابرر اي شي ولا ادافع , هذي حقائق والكل يعرفها ما عداكم انتوا -_-
وبالنسبة للكلام الثاني انصحك تشوف جميع الردود بيني وبين العضو الأخر قبل الرد