-
انْتَهى عَهْدُ الرِّسَالَةِ
بسم الله الرحمن الرحيم
أيها الشعب الكريم, أبطال القادسية, أبطال اليمامة, أحفاد خالد و أسامة, تحية طيبة وبعد :
قد أصابنا ما علمتم, وهو جزاء ما عملتم, فلا تلوموا أحدًا ولوموا أنفسكم, واقرؤوا إن شئتم : وعسى أن تكرهوا شيئًا وهو خيرٌ لكم.
انتهى عهد الرسالة
كلكم يعرف أني خلال الست سنوات, كنت مراسل حلول و شفرات, بالأمس القريب طلب مني أحدهم حلاً, لكني الآن بإمكاني الإعتذار بكل بساطة ومن دون أية معوقات:09:, لكنه ذكرني بالمجد التليد :
إني تذكرت و الذكرى مؤرقة ... مجدًا تليدًا بأيدينا أضعناهُ
وفجأة وجدت نفسي في مواقع الحلول, لكني أيضًا رددت طلب هذا الطالب, لذلك من الآن اعفوني من المطالب, ورددت عليه بهذه الأبيات :
ياللي تسألني عن حلول و شفرات...الله يهديك ترايْ مسلوب المُهمة
صحيح ارسلت لك مرات ومرات...وكشفت عنك كروب وقضايا ملمة
الحين بعطيك شفرهْ واعتذارات...وبعطيك حل للعبة بلا تتمة
بغيت منشودك اطلبه في المنتديات...دايركتور الله يهديه برا لِيَ الذمة
لو الشفرة والحل عطر من العطورات...اسكبه فدروب الناس وا شمه
لو حد ضيع بلعبة من اللعبات...اجمع له شتاته المبعثر وآلمه
أساعده بضرب الوحوش وطوف المرحلات..أصير له قريب وآصير ولد عمه
الحين لا عاد تسألني وش السوات...ترا عليّ قصور في الأمور المدلهمة
اعترف بتقصيري وياكم وكثرة الغيبات...وش آسوي هذي الظروف وهذيَ الهمة
قالوا من غاب كثر بالغنيمات...وانا لاغبت عنكم زدتكم هم ٍوغمه
ومن سألني الحين كلامه سلة مهملات...وخل يروح عني تدعي له أمه
تشطر بروحك وتخلص من المشكلات..ترى سؤالك لغير الله لك مذمة
وفي الختام صلوا على نبي الخيرات ...خير البشر والمصطفى من هذي الأمة
و سلامتكم :09:
-
رد: انْتَهى عَهْدُ الرِّسَالَةِ
ههههههههه فظيع يا نفرتيتي فظيع وسلم لسانك:D
-
رد: انْتَهى عَهْدُ الرِّسَالَةِ
يسلم بؤك يا شيخ :D
وش هالمهارات المخفية؟!
وينها من زمان ؟
من جد فظيعة القصيدة و واضح ان صفة المراسل تعني لك الشي الكثير
لا تخاف في نظرنا راح تظل افضل مراسل للحلول و الشفرات :09:
-
رد: انْتَهى عَهْدُ الرِّسَالَةِ
و الله من عنوان الموضوع كأنه شي حربي او تاريخي :D
بس لا تخاف انت دائما لك معزة خاصة عندي و ما يهم اذا كنت مراسل او لاء
Electro M : بالمناسبة عماد انت توقيعك ماخذه من اغنية اوتلاوز و 2pac ؟
-
رد: انْتَهى عَهْدُ الرِّسَالَةِ
:jap031: :jap031:
كسرت خاطري والله..
تاثرت من جد..:jap005:
بس بقول لك..العضو مب باللقب اللي تحت اسمه..
حتى ولو انمسح اللقب..بتظل في عيوني وعيون الأعضاء "مراسل الحلول والشفرات" واعظمهم..
ما عليك من القوات العليا..وكمل حياتك..:jap004:
ويصير خير ان شاء الله..
خيو لا تخفي مواهبك..هالموهبة اللي عندك اذا نميتها بتكون بيكون لك شأن عظيم فيها..
لا تتجاهلها..ولو كتبت شعر عن الـplay station..المهم انك تنميها بأي طريقة..:jap017:
سلام..:jap038:
-
رد: انْتَهى عَهْدُ الرِّسَالَةِ
الوعد قداااام يا أيفلوه , واللي ما يصقعك ويصعقك بقصيدة بتخلي بندر بن سرور الله يرحمه ويبيحه يطلع من قبره وهو مبقق عينه .. الوعد هذه الليلة بإذن الله .. والدعوة عامة, واللي ما يشتري يتفرّج :D .
-
رد: انْتَهى عَهْدُ الرِّسَالَةِ
صح لسانك صح لسانك .. :D
يبغالك تسوي ديوان .. :09:
المهم حصل خير لعل وعسى بدل مراسل الحلول والشفرات نشوف لقب جديد كمراقب مثلاً ..:D
تحياتي ..
-
رد: انْتَهى عَهْدُ الرِّسَالَةِ
اقتباس:
صح لسانك صح لسانك .. :D
وأنا أقول إنه فيه شي غلط بردي
أوني سلم لسانك:blackeye:
-
رد: انْتَهى عَهْدُ الرِّسَالَةِ
صح لسانك ... والله لك معزه خاصه بس ماسبق تعرفنا :ouch:
ماكان في غيرك مراسلين انت وعماد :31:
-
رد: انْتَهى عَهْدُ الرِّسَالَةِ
شالنجر
تقصد الكلام؟
لا ماخذه من اغنية لبوب مارلي
البتوع اللي بتقول عليهم ما اسمع لهم خير شر
انطونيو بانديراس
فلة توقيعك :09:
-
رد: انْتَهى عَهْدُ الرِّسَالَةِ
مشاعر الناس مهيب لعبه >>
لازم نطلب عنان الفزعه....
-
رد: انْتَهى عَهْدُ الرِّسَالَةِ
عصفورتي :
سلم بدنك, وأنت الأفظع :09:..
مب صاحي الكتروني :
يسلم بؤ من قال...
هالمهارات طلعتها باستخدام احدى الشفرات :09:...
وشكرًا على مجاملتك..وددت كل يوم حد يمدحني مثلك :D...
تشالنجر :
وانا اقول ليش المتحدي داش؟ على بالك فيه حرب وهوشة وجاي تتحدى:09:...
تسلم اخوي :) ...
هيروشي :
جبر الله خاطرك اللي انكسر:blackeye:..
القصيدة صدق تبكي؟؟ لا تقولين ..لأني ما مستعد ادفع ضريبة مشاعركم :09:...
وبعدين اي موهبة؟؟ انت مصدقة فيه موهبة :D
وتسلمين اختِ :) ..
ثريول :
رحم الله بندر بن سرور..والله يسمع منك :D ...
الليلة الليلة..خلاص آنا قمّاري وبتريااا :D...
خلنا نشوف البتاع و البتوع :09: ...
جو لعبة :
صح بدنك ..
شرايك انت تجمع النوادر وتسويه حقي :09:...
بخصوص اللقب الجديد اللي تتكلم عنه, تراني قلت لك سبع مرات وهاي الثامنة وليست الأخيرة :
نقل فؤادك حيث شئت من الهوى...ما الحب إلا للحبيب الأول ِ :D ...
عصفورتي :
كل شي منك حلو (&)..
انطونيتو :
الله يدوم هالمعزة يا رب...
صحيح..الحين الجيل الحالي فيهم الخير والبركة :) ...
بس توقيعك :09: !؟
الكترو :
ردك مخالف (&)...
انطونيو :
اطلب الفزعة..
بس لا تستجير من الرمضاء بالنار (&)...
-
رد: انْتَهى عَهْدُ الرِّسَالَةِ
ممكن لو سمحت حل لتومب رايدر الجزء الثالث ؟!
:p
-
رد: انْتَهى عَهْدُ الرِّسَالَةِ
اذا حبك موجود للحبيب الاول:أفكر:
استمر في عطائك حتى لو بدون اللقب:)
ابياتك تدل على قوة مشاعرك
-
رد: انْتَهى عَهْدُ الرِّسَالَةِ
:bigeyes:
خابره عندك مواهب عده بس بالشعر توني أعرف :أفكر: ..
حركااااااااااااات انت بعد .. :biggthump يالله لو عن اللقب يفداك مليون بداله .. :)
و آخر مره تخرعنا :12: ..
:D
-
رد: انْتَهى عَهْدُ الرِّسَالَةِ
السلام عليكم و رحمة الله و بركاته
ههههههههههههههههههههههههههههههههههههههه
لأول مرة أعترف بالشعر النبطي ههههههههههههههههههههههههههههههههههه
:D
أبدعتَ يا إيفل أيما إبداع :05:
و الشعار بدييييييييييييييييع جداً :05:
و مؤثر :02:
جدُّ مؤثر >_<
اقتباس:
وفي الختام صلوا على نبي الخيرات ...خير البشر والمصطفى من هذي الأمة
صلى الله عليه و آله و سلم ^_^
^_^
و السلام عليكم و رحمة الله و بركاته
-
رد: انْتَهى عَهْدُ الرِّسَالَةِ
في الأول لما شوفت العنوان قولت صلاح الدين الأيوبي رجع يا رجاله :09:
وبعدين لما شوفت انك انت صاحب الموضوع قولت أكييد هيقوول في الآخر انتوا يا متخلفيين قولوا على الرساله اس ام اس :D
بس شعر يجنن حقيقي :biggthump
والشعار ينقصه جمجمه وعظمتين :09:
وجملة
ممنوع اللمس وبكره تندم يا جمييل :D
وربنا يسعدك باللقب اللي تتمناه يا أخي ^^
-
رد: انْتَهى عَهْدُ الرِّسَالَةِ
شيطان مافيه موت
إيه ده ياراقل؟؟
دنتا تستاهل لقب (شاعر مبدع) عن قد وحئيئ
بس طبعا بدون بوسات:09:
-
رد: انْتَهى عَهْدُ الرِّسَالَةِ
خخخ الموضوع ختلة (مقلب) جامدة , والشعر وناسة :D .. إلا مافي نسخة بالعربي الفصيح ؟ (&) ..
-
رد: انْتَهى عَهْدُ الرِّسَالَةِ
يقولك اذا عندك مشكله في الكويت ...اتصل ب ثلاث سبعات
واذا عندك مشكله بالشفرات ...اتصل ب ايفل نيفر دايت التاء حق الوزن
وشكرا
-
رد: انْتَهى عَهْدُ الرِّسَالَةِ
وااااااو شعر عجيب :bigeyes:
مع اني اكره الشعر بس شعرك عجبني يا ايفلوه
سؤال : هو انته قدمت استقالتك ولا هم اقالوك:12: ؟
الي فهمته انهم هم اقالوك ( ما استبعدها منهم ) بس يمكن اكون غلطان :33:
-
رد: انْتَهى عَهْدُ الرِّسَالَةِ
بدايتن .. أمس حفروا ضرسي لمدة ربع ساعة, وضربني الدكتور أبرة بنج وقسم بالله أحس ان مخي تبنّج من قوّة المفعول :blackeye: . فتعطّل المخ واليوم توه داخل في الفورمة.
عمومتاً, لكأني ببندر الله يبيحه مع خالد الفيصل وحمّود ولد الذيب وبن طنّاف الله يبيحه وغيرهم صافين على الكراسي "يتتلمذونَ" على يدي.
اليوم أنا بسب , ودي أسب , واسمحولي على السب ياللي بتنسبون تحت .. على بركة الله :
يالذيـب تكـفى خـل عـنـك الشــعارات **** ذيــك التي ودّت من العــرب ماهــم (1)
1
إن كـنت ترســل للأجــاويـد شــفرات **** في سنينـ(ـن) مضت ما ضمّها فاهــم
1
ترى ناس يومك غيّرت الاهــتمامات **** وصـار ابّلاش اللي بالامس بدراهــم
1
طــوّر بـعـمــرك وعـوّض اللــي فـات **** ولا تبقى مع البزران نجمة فـ سماهم
1
راح اللقـب .. وأبركها من الساعــات **** اللي يســمعك يـحسب الموت داهـَـم
1
سلم على "المخرج" وكثّر من البوسات **** في جبهته, ذاك الفــطــين الفاهــم
والـثـانية تـكـفى, أكـررهـا عـشـر مرّات **** خلك من الشعّــار, خـلهم لحـالهم
1
خـلهـم يـقـولــون القـصـأيـد المـقـفّـيات **** تطربهم وتطرب كل منهو معاهــم
1
ولا أنـت تــشعر شـعرن يــشبه الشــات **** ماقالته الشعّار ولا هو بكلامـهــم
1
شـعرك لـه فــعلـن قوي, تــقـــل قــات **** الفــكر يشطح والعقــل صار واهـم
1
وجمهورك: عصفورن و مجنون اكترونيّات **** ناسن وربي استحي امشي وراهم
1
نـــاسن يــدلوك الــدروب المـــوعرات **** ناس لو حازوا صقر, صار عشاهم (2)
1
وخــتامها صـلوا على سيد الرجــالات **** وصــحبه وكل من سار فـ خــطاهم
1- ماهم: ماؤهم بالعاميّة :ponder: .
2- المَذكورَين أعلاه: بعوّضكم بقصيدة مدح :nervous:.
_____
والآن ..
اللي يبي أهجيه يصف يمين, واللي يبي أمدحه يصف يسار .. واللي يبيني أسب له واحد ناشب في طريقة يرسل لي رسالة خاصة :bandit:.
-
رد: انْتَهى عَهْدُ الرِّسَالَةِ
هههههههه
سلامي عليك يا ايفل..
ياخي والله فظيع..
مضبطنها صح..
ثريول
ياخي والله مادري اصفق..و لا ارقص..
والله مادري..
بس و رب الكعبة انت كوذا :biggthump
ههههههههههههه..
وينكم عن منتدى المواهب بس..:09:
-
رد: انْتَهى عَهْدُ الرِّسَالَةِ
اقتباس:
المشاركة الأصلية كتبت بواسطة ثريول
وجمهورك: عصفورن و مجنون اكترونيّات **** ناسن وربي استحي امشي وراهم
1
نـــاسن يــدلوك الــدروب المـــوعرات **** ناس لو حازوا صقر, صار عشاهم (2)
1
انا ودي اعرف بس وش دخلني:( <== ما اكسر خاطرك :09:
لا و الله طلعوا اعضاء منتدانا راعينها
وين هالمواهب و الافكار من زمان
ليته الدايركتور ناقل منتدانا من مبطي :09:
اوريك (&)
-
رد: انْتَهى عَهْدُ الرِّسَالَةِ
صح لسانك ثريول ذيب والله :D درر
دام هالمواهب تتفجر كذا اجل نخلي المنتدى يناقز كل شهر من ديره لديره :D
-
رد: انْتَهى عَهْدُ الرِّسَالَةِ
آآآحمممم :bandit: << بدى يعجبه الدور ..
انسان,
اقتباس:
ياخي والله مادري اصفق..و لا ارقص..
ههههههههه .. فطست ضحك على هالجملة .. تحسسك بأنك بطل وفيه ناس ودهم لا يصيحون من كثر الإعجاب :D. واليوم هجاء على الخفيف, لبنة بالزعتر يعني .. لكن الوعد قدّام :bandit:.
هاه ماقلت .. تبي تنسب ولا أمدحك ؟
مجنون أكترونيّات ,
ودّي أطلع فيها عنتر وأقول "يعني خوفتي :bandit:؟" .. لكني أخاف اتعنكس على وجهي في نص مجلس الـ"استراحة". فــــــ :nervous: , انت أقدع واحد , وابشر لك بقصيدة تشيلها مع أوراقك لاراجعت جهة تبي تتوظف فيها من كثر ما هي قصيدة قويّة :bandit:.
أنطونيو كورليوني,
سلّمك الله .. والموهبة موجودة بس ماتطلع إلا في الكوارث:bandit:.
-
رد: انْتَهى عَهْدُ الرِّسَالَةِ
اقتباس:
وجمهورك: عصفورن و مجنون اكترونيّات **** ناسن وربي استحي امشي وراهم
1
نـــاسن يــدلوك الــدروب المـــوعرات **** ناس لو حازوا صقر, صار عشاهم (2)
نقول إلكترو مشكلجي ويحب "الذبة" وشلي أنا البريء إلي ما أعرف معناها(&)
ولا مخلينا نقيم القافية:p
ههههههههه بس فظيييعة
أنا أقترح نسوي ديوان إستراحة المنتدى(&)بينشره دايركتور إن شاء الله
-
رد: انْتَهى عَهْدُ الرِّسَالَةِ
ثريول
سب و انا اخوك...سببببب :bigeyes: <<< غاوي تهزيء
-
رد: انْتَهى عَهْدُ الرِّسَالَةِ
أيه يالربع ولعوها نبغى هالشغل الزين من زمان
إيفل & ثريول .. لاهنتوا
اجل مجنون أكترونيات هههههه
-
رد: انْتَهى عَهْدُ الرِّسَالَةِ
اعتذر عن التأخير لأني كنت مسافر.
محمد اس ام :
تباً لك سائر اليوم :D
اشرق عن وجهي ..
عود :
لا خلاص.. والحمدلله على كل حال :)
ابتسامة :
اصلا شو تعرفين بعدج ماشفتي شي :p...
واي خرعه ؟ بس يالله تكبرين وتنسين ..
الذئب الجائع :
وعليكم السلام ورحمة الله وبركاته
أهلا بالصديق, بالله من دلك هنا :D ؟
عجبك الشعار؟ عادي حطه بتوقيعك :09: ..
فريسكا :
زمان صلاح الدين ولى وانت الصاجة
الشعار يمكن ينقصه تابوت :09:
شكرا على مرورك..
خالد حرية :
اضحك الله برطمك :09:...
ومابي بوسات من تماسيح :blackeye:
مادلك :
دايت مرة وحدة :D؟
شكرا لمرورك...
ان ناااون :
بالفعل هم أقالوني وأي فتى أقالوا :D ..
ثريول :
ماشالله.. هذا الدر المكنون, وينك ما تطلعه من زمان؟
البيت الأول صحيح فيه مذمه للعرب لكن وجدت له محمل حسن, وما استحمل مشاعري مرهفة جدا فأحملها على اللي يريحني :09:.. وبلا شعارات وبلا مظاهرات.. ايفل زنداهار :09:
وصدقت في البيت الخامس : ابركها من ساعات :p
وليش قلت "المخرج"وما قلت المشرف؟ هل نحن في مسرحية يا هذاك :mad:؟؟
وعجيب ذبك في عصفور ومجنون الالكترونيات او الفيميليات :D ..
واخر شي : اللهم صل على محمد وآل محمد.
وعلى فكرة انا حطني مثل الأعراف.. ذب فيني ثم امدحني :biggthump .. إن كنت ناوي فعلا تجود علينا بشيء من قريحتك ...
وصح لسانك http://director.montada.com/mon_post_icon/icon11.gif..
انسان :
وعليك السلام يوم ولدت ويوم تموت ويوم تبعث حيا :) ..
انت الفظيعين الصراحة... وما وصلت لهالفظاعة إلا من فظاعتكم :D
الكترو :
لفت نظري في ردك كلمة "اوريك" نتريا القصيدة العصماء منك :D ..
انتونيو :
وما ادراك ما ثريول :09:
حلوة فكرة تنقيز المنتدى ومش بطاله ..
ثريول مرة أخرى :
اشوفك قمت تسرق الأضواء مني :09: ..
لا عاد تقول بيت إلا وفيه إيفل, سامع (&)...
عصفور :
سو انت ديوان... عشان نزوجه من ديوانيه
انسان :
تبا سب ؟
ثكلتك امك :biggthump ...
غريب :
شاكر لك مرورك قبل إيقافك :biggthump ...
واشكر الجميع على المرور و الشرطة.
-
رد: انْتَهى عَهْدُ الرِّسَالَةِ
صح لسانك ايفل
وعقبال ماتروح اليونان وترجع وتألف ديوان <<< وده ينجلد :blackeye:
ثريول
هذا وهم مبنجينك الله يستر منك اذا وعيت
اما عن اليمين واليسار فمابي مشاكل :nervous:
-
رد: انْتَهى عَهْدُ الرِّسَالَةِ
خخخخخخخخخخ
أما عليك عنوان
ولا المنفلوطي بزمانه
.
.
.
.
و شكراً على القصيدة و بس <== متورط و ما في راسه شيء يقولوه عن القصيده :D
.
.
.
.
.
.
.
.
:ds011:
.
.
.
.
.
.
-
رد: انْتَهى عَهْدُ الرِّسَالَةِ
الله الله :D ، والله يعجز اللسان وتعجز الكلمات عن وصف القصيدة أخي ايفيل :D ، رائعة ومعبرة ما شاء الله عليك ^.^
-----
[quote=ثريول]سلم على "المخرج" وكثّر من البوسات **** في جبهته, ذاك الفــطــين الفاهــم [/quote]
خخخخخخخخخخخ :D
ما شاء الله عليك إنتا التاني :09:، أبدعت أخي ثريول ^^
-
رد: انْتَهى عَهْدُ الرِّسَالَةِ
سولدن :
توي انتبه اني مارديت عليك, اعتذر لك لسوء الانتباه وفاحش الغفلة, بالفعل جلّ من لا يسهو, ومن لا يسهو هو الله وحده :)
النسخة العربية الفصيحة لا نفكر بعملها بشكل جدي <== تقول هايدو كوجيما يتكلم :p..
وأؤكد لك سروري بمرورك و أضاعف لك أسفي بعدم الرد في الوقت المحدد (&)..
سنووب :
صح بدنك :)
اروح اليونان اكتب ديوان ؟
شرايك تروح هندوراس وتكتب كراس :09:؟
شكرا لحضورك.
العيون الحمر :
العنوان نصف الموضوع :09:..
وعلى قولة الكترو : ترى متصفحي يتزين بردودك :p
برنس :
الله عليك :D
وانت ما عجزت مع اللسان و الكلمات :09:؟
شكرا لمرورك :)
ما شالله الموضوع عايش, أفكر بعمل قصيدة أخرى <== أخذ مقلب بنفسه :p
-
رد: انْتَهى عَهْدُ الرِّسَالَةِ
وش قصدك بـ ( انتهى عهد الرسالة ) ؟
-
رد: انْتَهى عَهْدُ الرِّسَالَةِ
تبي تقول إنك منتب راجع للمنتدى
-
رد: انْتَهى عَهْدُ الرِّسَالَةِ
اقتباس:
المشاركة الأصلية كتبت بواسطة فاااااارس نجد
تبي تقول إنك منتب راجع للمنتدى
لا يبي يقول لك صباح الخير :31:
-
رد: انْتَهى عَهْدُ الرِّسَالَةِ
هههههه
كلكم جردتوا من القابكم ما عدا الكترو :09: اكيد فيه سبب
البيت حق ثريول يبغى له اقتباس في التوقيع..
