هل تبرعت يوما لموقع تحميل أنمي دايركت ؟

هل تبرعت يوما لموقع تحميل أنمي دايركت ؟

أعتقد أن أكثر المشاهدين الأنمي من الخليج يشاهدونه عن طريق التحميل من النت ، و لكن ملفات الأنمي تأخذ مساحة كبيرة جدا من المواقع خاصة إذا كانت من نوع avi و سوف تحتاج إلى كم هائل من الباندويتش الذي يتطلب مبالغ مرتفعة ، و هذه المواقع غالبا ما تطلب من المشاهدين أن يساعدوا في الدفع لاستمرار فتح الموقع ، فهل فكرت يوما على أن تشارك و تدفع و لو بمبلغ زهيد ؟ أم أنك لم تفكر أبدا بذلك ؟ أم فكرت و لكن لا يمكنك ذلك ؟

مجرد سؤال خطر في بالي خاصة أني أشاهد كثير من المواقع الأنمي التي تعمل بهذه الطريقة و أحمل منها ملفات و أناأضع يدي على قلبي لكي لا يقفل الموقع بسبب أن المبلغ لم يصل إلى الحد المعين goal ، فما رأيك في هذا الموضوع و لندعها ساحة نقاش بسيطة !

و أرجو ألا يكون الموضوع ممل :D

هممم عمري ماتبرعت بس لو بتبرع لاحد فاكيد قناة الـ Lurk بما انها عملت خير لآلاف الناس S:

انا بالعادة لمن احب قروب ادخل قناتهم واشكرهم
القروبات اله شكرتهم
Lililicous
Lurk
Hawks
MangaScrener
E-G
Mp3_metal <<<<هذي اغاني

قروبات سبيتها :
Masoms-anima
قصة طويلة D:

وكلهم قالوا ان الشكر يعني لهم الكثير -بستثناء Lurk لان الكل كان نايم حزتها P:-
وقاري قبل فترة ان احلى شعور يمكن يحس به الانسان هو انه يشعر بالامتنان

فتعلموا تمشوا وتشكروا وخروا فلوسكم في جيبكم P:


بس اشوف في مواقع اسماء المتبرعين الاقي اسامي عربية بين فترة وفترة

أنا الصراحة فكرت بس ما أقدر لاني معظم المواقع تتعامل ويا paypal وللاسف أنا ما أعرف كيف أسجل فيه بس اذا حصلت موقع زين وفيه الحلقات اللي أبيها أضغط على الاعلانات الموجودة اللي هي Ads لاني سمعت انهم يكسبون فلوس ورا كل ضغطة وغالبا ما اسجل في منتدياتهم وأسوي post ...

مشكورة sion001 على الموضوع

والله بصراحة ما فكرت أتبرع ولا مرة ^^
لأني فيه مليون واحد يحب الأنيمي إلي أشوفه
فغصبن عليه يتبرع وقفت علي أنا ^^ (طبعا مو كل واحد راح يقول نفس كلامي ^^) بس أنا ^^
اول موقع مثلا narutomanai.com
وnarutofan.com
$$$$$$

السلام عليكم...
كيفكم انشا الله مبسوطين


اتبررررع :bigeyes:

والله ما تبرعت خساااااره << اشتري لي واحد بيض بالجبن من اقرب بوفيه اصرف لي :biggthump

من جد ما فكرت ولا راح افكر << لا تقولون اناني والله فلوسي حبيبتي :28:

بس اذا كان مو تبرع اشتراك عادي مثل anime ground موقع ممتاز ورخيص للي ما عنده تورنت وينزل كل شي بوقته :D

يلا نشوفكم على خير ...

سي يااا

TNT-BOY

اقتباس:

---

هممم عمري ماتبرعت بس لو بتبرع لاحد فاكيد قناة الـ Lurk بما انها عملت خير لآلاف الناس S:

---

عمري ما سمعت عنهم ! لكن شكلي بأروح أشوفها أشان يصير الخير للآلاف وواحد من الناس :silly:

اقتباس:

---

وكلهم قالوا ان الشكر يعني لهم الكثير -بستثناء Lurk لان الكل كان نايم حزتها P:- وقاري قبل فترة ان احلى شعور يمكن يحس به الانسان هو انه يشعر بالامتنان

---

معلومة صراحة ممتازة !! كنت أحسب أنه دائما ردود الشكر محد يعطيها يوجه و ما يهتموا إلا بالقرنقش :09:

اقتباس:

---

فتعلموا تمشوا وتشكروا وخروا فلوسكم في جيبكم P

---

شكرا صراحة على هذه النصيحة الجبارة :09:

اقتباس:

---

بس اشوف في مواقع اسماء المتبرعين الاقي اسامي عربية بين فترة وفترة

---

هذا إلي لاحظته أيضا ، شفت في مرة من المرات اسم واحد عربي متبرع بمبلغ كبير للأحد المواقع !! عشان كذه هذا الشي كان من أحد الأسباب لطرح الموضوع !!

و مكشور أخوي على المشاركة ;)

====================================

kuru-neko

اقتباس:

---

أنا الصراحة فكرت بس ما أقدر لاني معظم المواقع تتعامل ويا paypal وللاسف أنا ما أعرف كيف أسجل فيه بس اذا حصلت موقع زين وفيه الحلقات اللي أبيها أضغط على الاعلانات الموجودة اللي هي Ads لاني سمعت انهم يكسبون فلوس ورا كل ضغطة وغالبا ما اسجل في منتدياتهم وأسوي post ...

---

معك حق في مسأة pay pal حتى أني فكرت أشترك في موقع مثل أنمي جراوند عشان أقدر أنزل على راحتي لكنهم ما يتعامل غير باي بول ( غيرها الآن لماستر كارد أو فيزا ( ما أذكر )) ) لكن حتى الكارد صعب أنك تاخذها :boggled: ، و طريقة الآدز أنا استخدمها مع المواقع إلي تحطها لكن في مواقع ما تتعامل مع الآدز ( نفسي أفهم وش يكسبوا أصحاب الإعلانات لما نضغط على لينكهم خاصة أني من يوم أضغطها أقفلها :silly: )

و مشكور أخوي على الرد :biggthump

======================================

Snake-87

اقتباس:

---

والله بصراحة ما فكرت أتبرع ولا مرة ^^لأني فيه مليون واحد يحب الأنيمي إلي أشوفه فغصبن عليه يتبرع وقفت علي أنا ^^ (طبعا مو كل واحد راح يقول نفس كلامي ^^) بس أنا ^^

---

أنا فكرت في حكاية أنه في مليون غيري راح يتبرع ، بس بعض الأحيان أشك فيها :09: خاصة إذا الموقع مهو مشهور و مافي ناس كثيرة تدخله ، يعني ناروتو مضمونه مواقعه أنه ما تنقفل :D ، بس فيه مواقع لأنميات ما في أحد سمع عنها غير قليل @@ هذه المواقع راح تخليك تفكر أنك تتبرع :D

و شكرا أخوي على المشاركة ;)

========================================


snake18

اقتباس:

---

السلام عليكم...كيفكم انشا الله مبسوطين

---

و عليكم و السلامة و رحمة الله و بركاته ، بخير أخوي و الحمد لله :D

اقتباس:

---

اتبررررع ، والله ما تبرعت خساااااره << اشتري لي واحد بيض بالجبن من اقرب بوفيه اصرف لي ،من جد ما فكرت ولا راح افكر << لا تقولون اناني والله فلوسي حبيبتي

---

هاهاها شكلنا تكلمنا في موضوع حساس للغاية :09: الفلوس :09: يعني لو تبرعت كنت تبرعت بريالين :09: ؟ ( ساندوتش بيض بالجبن بريالين صح ؟ :p )

اقتباس:

---

بس اذا كان مو تبرع اشتراك عادي مثل anime ground موقع ممتاز ورخيص للي ما عنده تورنت وينزل كل شي بوقته

---

هي فكرة أنمي جراوند ممتازة ، بس الدفع في أنمي جراوند مثل الدفع في المواقع الأخرى :09: يعني أغلى من ساندوتش البيض بالجبنة :09:

مشكور أخوي على مشاركتك الجميلة :biggthump

عن نفسي فكره كذا مره اتبرع حق موقع http://www.boxtorrents.com/
لأن أغلب الإنمي اللي انزله من عندهم ..بس عقب اتراجع ما ادري ليش :09:
بس تصدقين للحين ما ادري اذا شي مكان في الموقع يقبلون فيه تبرعات ولا لاع هههه
وشكرا سيون ع الموضوع <<<< يلقد نصيحه تنت

ما تبرعت
واذا بتبرع اكيد لــــ kaizoku-fansubs
و adc-heaven
و anime-kraze

اقتباس:

---

قروبات سبيتها :
Masoms-anima
قصة طويلة D:

---

:D اكتب اسم القناة زين

:D السلام عليكم .....

كيفكم انشا الله مبسوطين ؟؟


اختي sion001 ليش كنتي تتوقعين اني راح اتبرع اكثر من كذاا ؟؟:33: << الله ياخذ البخل الي كذا


خساره اخذ مكافتي من هنا واتبرع من هنا :31:

وعلى فكره بصير جدي شوي اذا كان الموضوع فيه تبرع ايش رايكم نتبرع للهيئات الاسلاميه ولا للمواقع الكافره ؟؟:28: << صار مطوع للحظه :D

والنقطه الثانيه اني احمل عن طريق التورنت ولا واجهتني مشاكل فيه يعني ما احتاج الدايركت << كثر منها :أفكر:

وعلى طاري البيض بالجبن احس اني جوعان وانتي السبه سلفيني ريالين بروح افطر :09:

مشكوره اختي على الموضوع

سي يااا

خلونا نتبرع للبنان XD
علشان يشوفون أنيمي :أفكر:

اقتباس:

---

بس فيه مواقع لأنميات ما في أحد سمع عنها غير قليل @@ هذه المواقع راح تخليك تفكر أنك تتبرع :D
و شكرا أخوي على المشاركة ;)

---

الأنميات هذي ما أبيها ^^
(خلك على مينونك) ^^
الأنميات القوية إهي إلي أنا أبيها
وإلي الناس ما تبيه أكيد مو حلو ^^
والمو حلو ما نبيه ^^
naruto,onepiece,full metal A , وهكذا ^^

مشكووره أختي على هذا الموضوع الجميل << بس انا ما اشوف من النت :D
دائماا من اشتري الأنمي ^.^
وشكرا لكي ^^

لأ :28: ... فكرت جم مرة أتبرع بس أحس مالها داعي

و الملايين إلي خاشتهم اشتري لي فيهم هديه :ponder:

كيف تتوقع من الأشخاص يوم يخلص تحميل حلقة من التورنت يطفي تحميله وماعليه من غيره همه نفسه وبس ولايسوي سيدنق أنه يتبرع فلوس من جيبه ويساعد مواقع ثانية مثل ماصار لبعض القروبات العربية اللي ماكملوا بسبب هالمشكلة مع أنهم ماكانوا يبون شيء غير مساعدتكم لهم في السيدنق:أفكر:

السلام عليكم و رحمة الله و بركاته.

ساحه نقاش جميلة و انا لي رأي في الموضوع.

1- المشكلة الوحيدة اللي تخليني ما اتبرع اهي ان بعض الـAnime يكون فيها بعض المقاطع المخلة للآداب. ويمكن تكون هالمقاطع قليلة........ او غير مباشرة. بس تضل مقاطع مخلة باللآداب. و تقريبا مافيه انمي او اي فلم او مسلسل اجنبي يخلو من ذلك. لان دينهم ما يمنعهم ابدا عن هالشي. بعكس ديننا الاسلامي ......... فعدم تبرعي للمواقع هو اني ما ابي اساعد بنشر شيء للملايين..... و يكون هالشيء فيه ولو بالاثم البسيط........... الآثام اللي نرتكبها كل يوم كافيه علينا:bigeyes: .

يمكن يسأل البعض ......... و انت ليش تشوف الانمي. راح اجاوب و اقول ........ انا عارف حق نفسي و اقدر اتحكم فيها، و اقدر اختار اللي اشوفه و اللي ما اشوفه....... بس انا ما اعرف نوايا الناس اللي تستخدم هذه المواقع.

2- و النقطة الثانية اهي ان في اولويات للفلوس اللي اتبرع فيها......... يعني مثل ما قال واحد من الاعضاء: ان اتبرع للبنان و اي من الدول الاسلامية المتضررة اولى من مواقع الـAnime.

هذا رأيي بالموضوع.

و شكرا

السلام عليكم و رحمة الله و بركاته.

ساحه نقاش جميلة و انا لي رأي في الموضوع.

1- المشكلة الوحيدة اللي تخليني ما اتبرع اهي ان بعض الـAnime يكون فيها بعض المقاطع المخلة للآداب. ويمكن تكون هالمقاطع قليلة........ او غير مباشرة. بس تضل مقاطع مخلة باللآداب. و تقريبا مافيه انمي او اي فلم او مسلسل اجنبي يخلو من ذلك. لان دينهم ما يمنعهم ابدا عن هالشي. بعكس ديننا الاسلامي ......... فعدم تبرعي للمواقع هو اني ما ابي اساعد بنشر شيء للملايين..... و يكون هالشيء فيه ولو بالاثم البسيط........... الآثام اللي نرتكبها كل يوم كافيه علينا:bigeyes: .

يمكن يسأل البعض ......... و انت ليش تشوف الانمي. راح اجاوب و اقول ........ انا عارف حق نفسي و اقدر اتحكم فيها، و اقدر اختار اللي اشوفه و اللي ما اشوفه....... بس انا ما اعرف نوايا الناس اللي تستخدم هذه المواقع.

2- و النقطة الثانية اهي ان في اولويات للفلوس اللي اتبرع فيها......... يعني مثل ما قال واحد من الاعضاء: ان اتبرع للبنان و اي من الدول الاسلامية المتضررة اولى من مواقع الـAnime.

هذا رأيي بالموضوع.

و شكرا

السلام عليكم ورحمة الله وبركاته...
مشكووورة اختي Sion عالموضوع...
انا ما افكر اتبرع خالص ...
تعرفي ليش...
لانه كلما انزل من الموقع وازوره هي طريقة تبرعي له...
لانه الفكرة الرئيسية انه كلما كثرت التحميلان والزيارات لذلك الموقع..
كلما كثرة الاعلانات والـ POP UPS ...وكلما كثرة الاعلانات كثرة الفلوس وهذي طريقة تبرعي...<<<<<<<بخيييييييييييييييييييييل..:09:
لا لست بخيل ولكن افضل ان اتبرع لمن يستحق اكثررررررررر.....:)
وايضاً كلمة الشكر تكفي...:D

::

السلام عليكم و رحمة الله و بركاته ..

يا جماعـة .. اللي حاب يـتـبـرع أخـوكم هـوملس أولـى من الغريــب !! <<-- :09:

اقتباس:

---

هل تبرعت يوما لموقع تحميل أنمي دايركت ؟

---

ما فـكـرت فيـها <<-- ولا راح تـفـكر شكلك .. :D

بس اذا شفـنا السالفـة عن التـورنـت .. !

فأنـا دوم أتـبـرع إنـي أكـون Seed .. لأطـول فــتـرة ممكنـة .. D:

خاصـة ان السيـد ببلاش .. :silly: ( عاد هذا الشي يعتبر تبرع .. ولا شلون يا اصحاب التورنت :silly: ) ..

و طنـكيـووو على المــوضوع ..

::

السلام عليكم جميعا ( نأسف للانقطاع لأن سلك الشاشة انقطع عندي ، لازم من بهارات التنغيص على عدم استخدام النت :09: )

Pika-Chu

اقتباس:

---

لأن أغلب الإنمي اللي انزله من عندهم ..بس عقب اتراجع ما ادري ليش بس تصدقين للحين ما ادري اذا شي مكان في الموقع يقبلون فيه تبرعات ولا لاع هههه

---

أنا في حد علمي أنه مواقع التورنت ما تحتاج دعم ، خاصة أنه التورنت وسيلة وجوده هو التبادل بين الأجهزة و مايحتاج مساحة في الموقع ، لأنه المساحة في الموقع هي التي تقص الظهر و تطلب مبالغ مرتفعة !! أما الصفحة التي تعرض لينكات التورنت فأعتقد أنها لا تحتاج أكثر من نصف دولار في الشهر :D فلا تقلق يا أخوي على التورنت ، هو أهم شيء السيد يكون كثير :D

و شكرا أخوي على الرد :biggthump


====================================


عيناوي3

أول مرة أعرف هذه المواقع :ponder: إلي يعيش ياما يشوف :09: مشكور أخوي على الرد و على اللينكات :09:


===================================

snake18

اقتباس:

---

اختي sion001 ليش كنتي تتوقعين اني راح اتبرع اكثر من كذاا ؟؟ << الله ياخذ البخل الي كذا

---

ترا الريالين ما تطلع إلا نص دولار تقريبا ! يا كبر البملغ يا أخوي :p

اقتباس:

---

وعلى فكره بصير جدي شوي اذا كان الموضوع فيه تبرع ايش رايكم نتبرع للهيئات الاسلاميه ولا للمواقع الكافره ؟؟ << صار مطوع للحظه

---

صحيح معك حق في هذه النقطة ، طبعا التبرع أحق به المسليمن ، لكن هنا لا أعني بالتبرع الفعلي ، و لكن مثل طريقة البيع و الشراء ، فبدلا ما أشتري أنمي واحد بمبلغ كبير أنزله بسعر جدا صغير عن طريق المشاركة الجماعية ( إلحين يقولوا علي أني أخرب عقول الناس و أنادي بدعم الكافرين :D )

اقتباس:

---

والنقطه الثانيه اني احمل عن طريق التورنت ولا واجهتني مشاكل فيه يعني ما احتاج الدايركت << كثر منها

---

صراحة التورنت مهو راكب راسي و مهو عاجبني لأني بطيء @@ أنا أفضل الدايركت أسرع و أوفر للوقت و طاقة الجهاز و فاتورة الكهرباء :09: بخل على أصوله :09:

اقتباس:

---

وعلى طاري البيض بالجبن احس اني جوعان وانتي السبه سلفيني ريالين بروح افطر

---

أنا ما أصرف ولا ريالين على كافتيريا أو مقصف المدرسة أو الجامعة أو واتإفر ، لأنهم حرامية و كل شي عندهم غالي :09: أعطيها للمواقع أحسن :p

و مشكور أخوي على الرد :biggthump

==============================


Snake-87

اقتباس:

---

خلونا نتبرع للبنان

---

ما ختلفنا معك في هذا الموضوع :biggthump

اقتباس:

---

علشان يشوفون أنيمي

---

في هذه النقطة أختلف معك @@ أشان يشوهوا صورة الأنمي و يصير على شكل نانسي عجرم و لا هيفاء و هبي @@ لا خليه مثل مهو ما في أحد يعرفه :D

اقتباس:

---

الأنميات هذي ما أبيها ^^(خلك على مينونك) ^^الأنميات القوية إهي إلي أنا أبيها وإلي الناس ما تبيه أكيد مو حلو ^^ والمو حلو ما نبيه ^^naruto,onepiece,full meta , وهكذا ^^

---

في أنميات كثيرة جدا رائعة و ما ينعطى حقها لأنها فقط ما كسبت شهرة عظيمة مثل ناروتو و فول ميتال ، و هذه الأنميات غالبا تكون المواقع المستضيفتها محدودة ، يعني مثلا لو خلصت 150 حلقة ناروتو و قتها وش راح أتفرج بعدها :09: لازم أدور على أنمي غيره :D

و شكرا أخوي علىالرد :biggthump

=================================

القناص 101

اقتباس:

---

مشكووره أختي على هذا الموضوع الجميل << بس انا ما اشوف من النت دائماا من اشتري الأنمي ^.^ وشكرا لكي ^^

---

لو تدلنا يا أخوي على محل ممتاز لبيع جميع الأنمي كنا اشترينا من عنده و لا تعبنا راسنا :biggthump ، لكن محلات الأنمي غير أنها محدودة للغاية ما تجيب إلا أنميات محدودة أيضا @@ يعني فلازم نستخدم النت أشان نتفرج أنمي

و العفو أخوي ^^ و شكرا على الرد :biggthump

====================================

Angel- lady

اقتباس:

---

لأ ... فكرت جم مرة أتبرع بس أحس مالها داعي ،و الملايين إلي خاشتهم اشتري لي فيهم هديه

---

عاد كوكي الشريرة أم الشر و البخل لازم تقول كذه :silly: ( أنت إلي بديتي :09: ) أصلا أنت ما تدري أنا فاتحة موقع أشان أجمع تبرعات الناس و أشرد بها :p ( أمزح طبعا :p ) ، من وين الملايين يا حسرة :ponder: إنشاء الله يكون عندي :D بس أنت إلي طلعي المليارات إلي عندك و تبرعي لخلق الله :09:

===================================

Angel Of Night

اقتباس:

---

كيف تتوقع من الأشخاص يوم يخلص تحميل حلقة من التورنت يطفي تحميله وماعليه من غيره همه نفسه وبس ولايسوي سيدنق أنه يتبرع فلوس من جيبه ويساعد مواقع ثانية مثل ماصار لبعض القروبات العربية اللي ماكملوا بسبب هالمشكلة مع أنهم ماكانوا يبون شيء غير مساعدتكم لهم في السيدنق

---

إي معك حق :blackeye: أنا يستفزوني هذولة الناس إلي من يوم ما يخلص تحميله يسحبه من جهازه و لا يخلي الباقيين يستفيدوا من السيد !! لكن صراحة أنا أول مرة أعرف أنه في جروبات عربية ترفع ملفات تورنت !! و المشكلة عندنا أصلا إنه إذا أحد في العالم العربي حب يساعد الناس و يفتح موقع للأنمي أولا مثل ما قلت أخوي كل واحد راح يسحب الملف و لا يساعد في ملفات السيد هذا إذا كان تورنت و ثانيا الموقع نفسه ما يعرفه الكثيرين ، الموقع أشان يكون قوي و يستمر لازم يكون عنده دعاية قوية !! و أخيرا و بعضهم إذا حب يفتح موقع للتحميل يكون أغلى من المواقع الأجنبية و المصيبة يكون هو آخذها منهم :D مشكلة عويصة فتح موقع أنمي عربي :D

و مشكور أخوي على الرد ;)

=====================================

cantona222

و عليكم السلام و رحمة الله أخوي :)

اقتباس:

---

فعدم تبرعي للمواقع هو اني ما ابي اساعد بنشر شيء للملايين..... و يكون هالشيء فيه ولو بالاثم البسيط........... الآثام اللي نرتكبها كل يوم كافيه علينا

---

هذه أيضا من أحد الأسباب إلي تخليني أفكر ألف مرة قبل ما أفكر أني أدعم الموقع :ponder: يعني مثل ما يقولوا خليه لنفسك و لا تخرب الباقيين :p ، و ليست اللقطات المخلة بالأداب بل حتى المعتقدات إلي طافحة معظم الأنميات !

اقتباس:

---

النقطة الثانية اهي ان في اولويات للفلوس اللي اتبرع فيها......... يعني مثل ما قال واحد من الاعضاء: ان اتبرع للبنان و اي من الدول الاسلامية المتضررة اولى من مواقع الـAnime

---

أنا مثل ما قلت أول ، مهو تبرع ، بس تدعيم و مشاركة جماعية لتحميل الأنمي بدل ما أشتريه أصلي بمبلغ خيالي .. أصلا لو فكرنا ، أنا أقول أنه مواقع الإنترنت تكسب من الأنمي أكثر من أصحاب الأنمي نفسه ، يعني شوف كثر مواقع تحميل الأنمي الموجودة على النت ! و كل وحدة فيهم لا تقل عن 300 دولار في الشهر !! يعني مكسبها ذهب !! و عوائد أصحاب الأنمي لا تكون بمثل هذاالشكل !! يا للسخرية القدر Irony مثل ما يقولوا :D

و شكرا أخوي على مشاركتك أرائك حول الموضوع ;)

=================================


DeaDLy PaTH

اقتباس:

---

السلام عليكم ورحمة الله وبركاته...

---

و عليكم السلام و رحمة الله و بركاته

اقتباس:

---

انا ما افكر اتبرع خالص ...تعرفي ليش...لانه كلما انزل من الموقع وازوره هي طريقة تبرعي له...لانه الفكرة الرئيسية انه كلما كثرت التحميلان والزيارات لذلك الموقع..كلما كثرة الاعلانات والـ POP UPS ...وكلما كثرة الاعلانات كثرة الفلوسوهذي طريقة تبرعي...<<<<<<<بخيييييييييييييييييييييل

---

يعني هذه الإعلانات المزعجة في المواقع فيها خير :p ؟؟ كويس إذا كان الموضوع كذا :D بس إلى الآن مني فاهمة إش تستفيد الإعلانات من هذا الشي !! خاصة أني أقفل الإعلان قبل ما يطلع و لا أدري إش فيه :p

و شكرا أخوي على ردك المفيد في الموضوع :biggthump


================================


Homeless

اقتباس:

---

السلام عليكم و رحمة الله و بركاته

---

و عليكم السلام و رحمة الله و بركاته

اقتباس:

---

يا جماعـة .. اللي حاب يـتـبـرع أخـوكم هـوملس أولـى من الغريــب !! <<--

---

أخوي و لا تزعل :p بس حطلنا موقع تحميل أنمي و أنا أول وحدة تتبرع :09:

اقتباس:

---

ما فـكـرت فيـها <<-- ولا راح تـفـكر شكلك .. بس اذا شفـنا السالفـة عن التـورنـت .. ! فأنـا دوم أتـبـرع إنـي أكـون Seed .. لأطـول فــتـرة ممكنـة .. D: خاصـة ان السيـد ببلاش .. ( عاد هذا الشي يعتبر تبرع .. ولا شلون يا اصحاب التورنت

---

سالفة التورنت أعتقد أنها ما تحتاج تبرع ، لإنها من جهاز لجهاز و متحتاج مساحة في الموقع ، و المساحة هي التي تتطلب الفلوس ، و مادام أخوي أنك تتبرع بالسيد فما قصرت :p لأن السيد الواحد يحدث فرقا كبيرا في المساكين إلي قاعدين يحملوا تورنت :D لكن سؤالي هو ، هل لما الشخص يسحب مني كسيد ينزل من مستوى تحميلي في النت ؟ و لا ما له دخل لأنه مجرد up load ؟؟

و شكرا أخوي على الرد :biggthump

اقتباس:

---

يعني هذه الإعلانات المزعجة في المواقع فيها خير :p ؟؟ كويس إذا كان الموضوع كذا :D بس إلى الآن مني فاهمة إش تستفيد الإعلانات من هذا الشي !! خاصة أني أقفل الإعلان قبل ما يطلع و لا أدري إش فيه :p

و شكرا أخوي على ردك المفيد في الموضوع :biggthump

---

كلامك صح والاغلبية كذا وانا اولهم اقفل الاعلان اول ما يطلع....
بس في ناس فضولية تحب تعرف ايش فيه:bigeyes: ....مع ان اغلبها تكون مواقع مش كويسة..:blackeye:
انا بعطيك فكرة مصغرة الاعلانات اللي في التلفزيون او الفاصل الاعلاني هل تتابعيه (( اعلانات MBC2 :09: )) تغيري القناة اول ما يطلع بريك صح ...هذي هي نفس الفكرة تقريباً...
وسوري اذا خربت الموضوع بردين:o

شكرا على الموضوع بس انا ما انزل من مواقع دايركت بسبب قلة الانيميات الدايركت والجودة ما تيي صافية ودائما الباندوث يكون خالص وشغلات لا لها اول ولا تالي لذى فانا استخد البتورنت اريح واسرع ومافيه ازعاج بالبحث لمن بدور على انيمي بنزلة. سانكيو.:biggthump

السلام عليكم

انا تبرعت مرة لموقع www.naruto-kun.com ..

مو عشان اخلي الموقع شغال .. بس لأنه يوم تتبرع تستوي Premuim .. يعني سبيشل

و تقدر تنزل أنميات غير عن اللي يحطونهم ببلاش .. و بسرعه خياليه

و بعد تبرعت لموقع ثاني .. مو متذكر اسمه .. بس بصراحه هالموقوع كان خيالي ..

ب5 دولار .. تنزل 4TB أنمي :bigeyes:

و تقدر تطلب منهم انهم يزيدون أي انمي اذا موموجود :bigeyes:

يوم بحصل اسمه بعطيكم اياه :p


مشكورة اختي عالموضوع ^_^


بالتوفيق

السلام عليكم جميعا ^^

DeaDLy PaTH

اقتباس:

---

كلامك صح والاغلبية كذا وانا اولهم اقفل الاعلان اول ما يطلع....بس في ناس فضولية تحب تعرف ايش فيه ....مع ان اغلبها تكون مواقع مش كويسة..

---

الحمد لله إنه مثل هذه المواقع أغلبها محجوبة :silly: ( رغم إني خايفة أنه يوم من الأيام يحجبولنا مواقع التورنت و الدايركت @@ تخيلوا @@ تراهم يسووها :D )

اقتباس:

---

انا بعطيك فكرة مصغرة الاعلانات اللي في التلفزيون او الفاصل الاعلاني هل تتابعيه (( اعلانات MBC2 )) تغيري القناة اول ما يطلع بريك صح ...هذي هي نفس الفكرة تقريباً...وسوري اذا خربت الموضوع بردين

---

لول بس لا تفكرني بإعلانات mbc2 , mbc4 ما تخلص @@ حتى أني بطلت أتفرجهم من كثرة الإعلانات :p و عادي أخوي على مسألةالردين ، بالعكس كذه يكثر عدد مشاركات الموضوع :D أمزح :09:


==================================


3shiro

اقتباس:

---

شكرا على الموضوع بس انا ما انزل من مواقع دايركت بسبب قلة الانيميات الدايركت والجودة ما تيي صافية ودائما الباندوث يكون خالص وشغلات لا لها اول ولا تالي لذى فانا استخد البتورنت اريح واسرع ومافيه ازعاج بالبحث لمن بدور على انيمي بنزلة. سانكيو

---

إي صح ، مواقع الدايركت قليلة و صعب إنك تلاقيها @@ و معظمها يختفي مع الوقت @@ أما عن الجودة فأنا أرضى 70 ميجا للحلقة لأن النت مهو فضائي أشان 20 دقيقة و نزلت الحلقة @@ أنا إلى الآن لم أجرب التورنت بشكل فعلي لأنه سرعته صراحة جدا بطيئة و تقهر :D

و شكرا أخوي على الرد ;)


==================================


Nighty

أخيرا طلع واحد كريم :p بنسميك حاتم الطائي :D

اقتباس:

---

بعد تبرعت لموقع ثاني .. مو متذكر اسمه .. بس بصراحه هالموقوع كان خيالي .. ب5 دولار .. تنزل 4TB أنمي و تقدر تطلب منهم انهم يزيدون أي انمي اذا موموجود يوم بحصل اسمه بعطيكم اياه

---

يا ليت لو تتذكر الموقع تعطينا اسمه ^^ بس أنا أتوقع أن اسمه anime ground لأني أظن أنه من أفضل المواقع الدايركت و خدمته أيضا ب5 دولار !!

و شكرا أخوي على الرد :biggthump

طيب ايش لبطريقة الي يمكن اني اتبرع فيها لموقع وانا في السعودية بالتفصيل بالرغم ان الباي بال لا يشتغل عندنا يعني عن طريق الكريديت كارد

اقتباس:

---

المشاركة الأصلية كتبت بواسطة goldenglow

طيب ايش لبطريقة الي يمكن اني اتبرع فيها لموقع وانا في السعودية بالتفصيل بالرغم ان الباي بال لا يشتغل عندنا يعني عن طريق الكريديت كارد

---

بالتفصيل الملل ما أعرف كيف تستخدم الكريديت كارد ، لأني ما عندي واحدة و صراحة تطليع الكرديت كارد مشاكلها كثيرة و متطلباتها أكثر @@ ، كل إلي أعرفه أنك بعد ما تطلع كريديت كارد و تدخل الموقع راح يطلب منك الأرقام السرية و اسمك و الإيميل و راح يسحب منك الموقع أوتوماتيكي كل فترة و فترة !! هذا كل شيء

السلام عليكم شباب وبنات المنتدى ^^

صار لي من زماااااان مادخلت المنتدى,,

يعني كل شهر أو شهرين حدي أقط في المنتدى مشاركة او مشاركتين <<<<<<<<<< ماشاء الله بوزن وقافية بعد >__>

من ناحية التبرع انا كنت ناوي أساعد مرة بس لقيت ان بعض القروبات (الله يستر علينا وعليها) طماعه بشكل غريب @@
هذا السبب هو الي خلاني أنسى شي أسمه "أدفع" أو "ساهم معنا" ^^

خلني على التورينت أحسن لي -_-"

اما من ناحية كلام TNT-BOY فأنا ماأخذ به أبدا (&)

لأنه يتعامل مع الـmIRC وتحميلها سريع ومايحتاج باندويث ماأدري شسمه :/
أتوقع اني بصير مثله يوم من الأيام وأتعامل مع الـmIRC
XD

See ya

اقتباس:

---

المشاركة الأصلية كتبت بواسطة Magical Angel

من ناحية التبرع انا كنت ناوي أساعد مرة بس لقيت ان بعض القروبات (الله يستر علينا وعليها) طماعه بشكل غريب @@
هذا السبب هو الي خلاني أنسى شي أسمه "أدفع" أو "ساهم معنا" ^^

---

لو تتبرعين بـ5 دولار المفروض مالهم حق يتكلمون...كل واحد وعلى كيفه كم يدفع S:

اقتباس:

---

اما من ناحية كلام TNT-BOY فأنا ماأخذ به أبدا (&)

لأنه يتعامل مع الـmIRC وتحميلها سريع ومايحتاج باندويث ماأدري شسمه :/
أتوقع اني بصير مثله يوم من الأيام وأتعامل مع الـmIRC
XD

---

المسئلة اكبر من كدا.....
يعين اجهزة الـbots للـlurk شهرياً يكلفهم مبالغ كبيرة شوي من ناحية الاتصال - هاردسك وشغلات من هنا وهناك

اللورك يحطوا باستمرار المهلة الاخيرة لتغطية المبلغ المطلوب شهرياً ويعملوا زي التهديد "ان ما حصلوا على المبلغ المطلوب كل شهر راح يسكرون القناة "
اذكر مرة كان باقي +100$ عليهم وخلصت المهلة بس مع ذالك ماعملوا تهديدهم D:

وانا اكيد ماراح اتبرع P: بس قاعد اتكلم "لو" بتبرع بيكون لمن ؟

المفروض القروبات العربية كلها تعمل لها على الاقل قناة وحده تجمع كل اعمالهم على الـmIRC على شان تفتك من سوالف الباندويث والاحجام والزحمة S:

اهااااااااااا

الشغله في تبرع وفلوس تندفع :12:

انا لو بتبرع , اتبرع لبطني :biggthump

لاني انزل 99% من الانيمي تورنت مب دايركت

اريح واضمن :)

اقتباس:

---

المشاركة الأصلية كتبت بواسطة TNT-BOY

لو تتبرعين بـ5 دولار المفروض مالهم حق يتكلمون...كل واحد وعلى كيفه كم يدفع S:

---

أولا ياحجي TNT-Boy انا ولد وإذا تبغى تتذكرني انا يوسكي (Yuusuke ) ولا نسيت بعد -_-"

اما من ناحية على كيفي فيه ناس مثل مايقول المثل عندنا "طرار ومتشرّط" يعني بمعنى آخر قوي وجه !!

اقتباس:

---

المسئلة اكبر من كدا.....
يعين اجهزة الـbots للـlurk شهرياً يكلفهم مبالغ كبيرة شوي من ناحية الاتصال - هاردسك وشغلات من هنا وهناك

اللورك يحطوا باستمرار المهلة الاخيرة لتغطية المبلغ المطلوب شهرياً ويعملوا زي التهديد "ان ما حصلوا على المبلغ المطلوب كل شهر راح يسكرون القناة "
اذكر مرة كان باقي +100$ عليهم وخلصت المهلة بس مع ذالك ماعملوا تهديدهم D:

وانا اكيد ماراح اتبرع P: بس قاعد اتكلم "لو" بتبرع بيكون لمن ؟

المفروض القروبات العربية كلها تعمل لها على الاقل قناة وحده تجمع كل اعمالهم على الـmIRC على شان تفتك من سوالف الباندويث والاحجام والزحمة S:

---

كلامك صحيح ولا شك فيه بس للأسف أكثر الناس غافلين عن الـmIRC يعني الجروب الوحيد الي شفت عنده قناة من الجروبات العربيه هو د. جكل ><...

وفي منتديات أقترحوا على المترجمين العرب انهم يكونون قروب واحد بس كل مترجم أعند من الثاني _-_

هي الترجمة صعبه ماأقول انها سهلة بس لو سوو قروب واحد كانو يقدرون انهم يخلصون الحلقة في يوم واحد وهذا يعتبر انجاز عظيم وأقرب مثال عنك جروب DB و جروب ANBU&ONE (أنبو أند ون هم قروبين أجنبيين أندمجو للمساهمة في ترجمة ناروتو وكانت ترجمتهم من أروع مايكون, وهٌم في الأساس جروب أنبو وجروب انيمي ون ولكن وللأسف بعد ماتحول ناروتو إلى فيلرز جروب DB هو الي مسك الترجمة حالياً :/ )

انا أشوف أن الحل الوحيد لتشكيل القناة هو وجود مجموعة من المتطوعين يجمعون الحلقات من جميع القروبات العربية وعرضها للتحميل سواءً Torrent أو mIRC او دايركت ^^

بس انا أنصح من سوف يقوم بهذا العمل انهم مايخلونه دايركت لأنه بيكلفة فلوس مالها داعبي والتحميل ممكن يكون بطيئ أو سريع هذا على حسب دفعك للمال (&)

اقتباس:

---

كلامك صحيح ولا شك فيه بس للأسف أكثر الناس غافلين عن الـmIRC يعني الجروب الوحيد الي شفت عنده قناة من الجروبات العربيه هو د. جكل ><...

---

mIRC غير منتشر بقوة ، و أكيد كثير من الناس ماراح يستخدموه ( أنا أولهم ما أعرف كيف أستخدمه :ponder: )

اقتباس:

---

وفي منتديات أقترحوا على المترجمين العرب انهم يكونون قروب واحد بس كل مترجم أعند من الثاني _-_

---

عندنا هنا كل واحد وده يشتغل إندفيجوال أشان ياخذ كل المدح لنفسه ، و لا تنسى أنه في ناس تقول تبغى تترجم و لا هي تعرف تترجم و لا تعرف تشتغل

و أكبر مشكلة هو عدم انتشار اسم الجروب العربي بين العرب أشان يستمر في الوجود

لازم القروب يكون مشهور أشان يدخله كثير من الناس و هذا ما عندنا هنا في العالم العربي ، أنا مثلا أعرف كثير جروبات أجنبية بس ما أعرف و لا جروب عربي !!!

اقتباس:

---

المشاركة الأصلية كتبت بواسطة sion001

mIRC غير منتشر بقوة ، و أكيد كثير من الناس ماراح يستخدموه ( أنا أولهم ما أعرف كيف أستخدمه :ponder: )

---

هــه..
انتي غلطانه لأن أكثر الناس يستخدمونه لكنه ليس معروف لدى محبي الأنيمي إلا بشكل قليل في هذا المنتدى اما في منتديات ثانيه فـ(الله أعلم) :/
و انك ماتعرفين للبرنامج ليست مشكلة بل على العكس المفروض تتحمسين له لأن كل قروب أجنبي لازم يفتح له قناة في الـmIRC لدرجة ان بعضهم يكونون حصريين عليه ولا يتواجد لهم ملفات تورينت ^^

اقتباس:

---

عندنا هنا كل واحد وده يشتغل إندفيجوال أشان ياخذ كل المدح لنفسه ، و لا تنسى أنه في ناس تقول تبغى تترجم و لا هي تعرف تترجم و لا تعرف تشتغل

و أكبر مشكلة هو عدم انتشار اسم الجروب العربي بين العرب أشان يستمر في الوجود

لازم القروب يكون مشهور أشان يدخله كثير من الناس و هذا ما عندنا هنا في العالم العربي ، أنا مثلا أعرف كثير جروبات أجنبية بس ما أعرف و لا جروب عربي !!!

---

هذا صحيح واكثر القروبات العربيه مثل هذا الصنف وانا كلمتهم شخصياً لكن الجدار بيبقى جدار إذا كلمته مابيجاوبك (&)

اما من ناحية انك تعرفين جروبات انجليزيه ولا تعرفين عربيه هذا بسبب انك تفضلين الأجنبي على العربي وانا مثلك لأن الأجنبي يكتب كل شي بصراحة اما العربي لازم يشفرون شوي في الترجمة وبعضهم وصل لدرجة انه يشفر كلام ماله داعي ><..

ولكن لازم ترتقي القروبات العربيه إلى الأفضل

وإلى الأمام يامترجمين

اقتباس:

---

و انك ماتعرفين للبرنامج ليست مشكلة بل على العكس المفروض تتحمسين له لأن كل قروب أجنبي لازم يفتح له قناة في الـmIRC لدرجة ان بعضهم يكونون حصريين عليه ولا يتواجد لهم ملفات تورينت ^^

---

أنا لاحظت أنه أكثر من يستخدم mIRC هي مواقع المانجا ، في مرة حبيت أنزل كم مانجا من كم موقع و كلهم شغالين على mIRC و نزلت البرنامج و شغلته ، لكن لما يسوي اتصال بالموقع يرفض أنه يتصل ، حاولت كم مرة فيه لكن ما أشتغل ، اطلعت على شرح استخدام mIRC و شكله كان معقد أشان كذه تركته و ما استخدمته من بعد كذه >_> ( دايركت حفظ الهدف باسم و انتهينا :p كسلانة ما ودها تشغل مخها :blackeye: )

اقتباس:

---

هذا صحيح واكثر القروبات العربيه مثل هذا الصنف وانا كلمتهم شخصياً لكن الجدار بيبقى جدار إذا كلمته مابيجاوبك

---

لو تكلمهم من اليوم لبكرة يضربوا بكلامك عرض الحائط @@ حتى لما ترسل للناس إلي يبيعوا الأنمي ما يعطوك وجه :28: جربتها مرتين @@

اقتباس:

---

اما من ناحية انك تعرفين جروبات انجليزيه ولا تعرفين عربيه هذا بسبب انك تفضلين الأجنبي على العربي وانا مثلك لأن الأجنبي يكتب كل شي بصراحة اما العربي لازم يشفرون شوي في الترجمة وبعضهم وصل لدرجة انه يشفر كلام ماله داعي ><..

---

أنا صراحة ما أعرف غير موقع واحد يقدم أنمي مترجم و هو موقع جيم ماستر ، نزلت منه أنمي X و كانت ترجمته جيدة ، لكن موقع جيم ماستر بالفلوس أشان كذه ما أدري عن بقية الأنميات ( سعره غالي ! المواقع الأجنبية أرخص و خدمتها أضمن @@ )

أما عن حكاية التشفير فما فهمت قصدك يا أخوي وش تقصد بالضبط !! ( يعني تحريف و تغيير مثل ما تسوي سبيس تون :p ؟؟ ) هو الأنمي صراحة بعض الأحيان يبالغ في الشركيات و العقائد و هذه صعبة تترجمها حرفيا شوي @@ لكن أنا ما أقصد أنها نغيرها أشان المشاهد يعرف وش يقصد ها المؤلف من هذا الأنمي ( هو و عقائده الفاسدة :p ) لكن هذه مشكلة قد تواجه المترجم العربي :ponder: يعني مثل شينيجامي من بليتش كلمة قوية أنك تعيد ترجمتها حرفيا كل شوي :28: و في نفس الوقت ما تقدر تكتب حاجة ثانية أشان المشاهد لا يحسبها كلمة زينة :silly: أنا فكرت أني أترجم أحد الأنميات لكن لو طلعتلي لي مثل هذه الأشياء من ناحيتي ما أحب أترجمها !!

بس ياريت يا أخوي لو تعرف جروبات عربية تعطيني اسمائها لأنه إذا كانت ترجمتهم جيدة نسوي لها support :D

سلام

توني اشووف الموضوع...

انا مرة وحده تبرعت حق موقع مانجاwww.mangadirect.com وبعدين اكتشفت انه بس حق تنزيل مباشر ومانع حق البرامج المساعده للتنزيل #____#

والحين ودي اتبرع حق موقع http://realitylapse.com فيه اشياء عجيبه^_^

بالنسبة لي ماعمري تبرعت لأي موقع ! @.@
لكن لو جا يوم افكر اتبرع فيه !! ... راح اتبرع لموقع يستاهل :o
(^.~)\

أولاً آسف على ردي المتأخر جدا جدا جدا... الخ وذلك بسبب الدراسة -_-"

اقتباس:

---

المشاركة الأصلية كتبت بواسطة sion001

أنا لاحظت أنه أكثر من يستخدم mIRC هي مواقع المانجا ، في مرة حبيت أنزل كم مانجا من كم موقع و كلهم شغالين على mIRC و نزلت البرنامج و شغلته ، لكن لما يسوي اتصال بالموقع يرفض أنه يتصل ، حاولت كم مرة فيه لكن ما أشتغل ، اطلعت على شرح استخدام mIRC و شكله كان معقد أشان كذه تركته و ما استخدمته من بعد كذه >_> ( دايركت حفظ الهدف باسم و انتهينا :p كسلانة ما ودها تشغل مخها :blackeye: )

---

أهو أكيد البرنامج فيه بعض الصعوبه بس مع الوقت تتعلمين عليه وانا سمعت من الناس الي يستخدمونه أن سرعة الدون لود فيه أسرع من الدايركت ^^

اقتباس:

---

المشاركة الأصلية كتبت بواسطة sion001

لو تكلمهم من اليوم لبكرة يضربوا بكلامك عرض الحائط @@ حتى لما ترسل للناس إلي يبيعوا الأنمي ما يعطوك وجه :28: جربتها مرتين @@

---

هاذي الصفة توجد لدى بعض القروبات ولكني صراحة وجدت بعض القروبات المحترمة مثل انيمي يونيفيرس و بروس إمباير تحترم آراء المرسلين وتتناقش معهم حول أي إنيمي يريدون ترجمته

اقتباس:

---

المشاركة الأصلية كتبت بواسطة sion001

أما عن حكاية التشفير فما فهمت قصدك يا أخوي وش تقصد بالضبط !! ( يعني تحريف و تغيير مثل ما تسوي سبيس تون :p ؟؟ ) هو الأنمي صراحة بعض الأحيان يبالغ في الشركيات و العقائد و هذه صعبة تترجمها حرفيا شوي @@ لكن أنا ما أقصد أنها نغيرها أشان المشاهد يعرف وش يقصد ها المؤلف من هذا الأنمي ( هو و عقائده الفاسدة :p ) لكن هذه مشكلة قد تواجه المترجم العربي :ponder: يعني مثل شينيجامي من بليتش كلمة قوية أنك تعيد ترجمتها حرفيا كل شوي :28: و في نفس الوقت ما تقدر تكتب حاجة ثانية أشان المشاهد لا يحسبها كلمة زينة :silly: أنا فكرت أني أترجم أحد الأنميات لكن لو طلعتلي لي مثل هذه الأشياء من ناحيتي ما أحب أترجمها !!

بس ياريت يا أخوي لو تعرف جروبات عربية تعطيني اسمائها لأنه إذا كانت ترجمتهم جيدة نسوي لها support :D

---

هذا هو الي حبيت أفهمك بالضبط ولكن مو بالضبط مثل ماقلتي يعني كان بأمكانهم تشفير كلمة شينيجامي إلى ملك الموت King Of Death أو أي شي ثاني

اما من ناحية الجروبات إذا ماشفتي ون بيس وناروتو انحك تشوفين جروب برس إمباير إن شاء الله ببحث لك عن القروب وأضعه هنا ^^

نأسف على التأخير في الرد لكن المنتدى كان عطلان من كم يوم @@

أهلا بأختي fuuchan

اقتباس:

---

والحين ودي اتبرع حق موقع http://realitylapse.com فيه اشياء عجيبه^_^

---

إي هذا الموقع من أفضل المواقع إلي شفتها ! خدمته ممتازة و سريعة و دايركت ! حتى لو أن الحلقات ريل بليير و ضوحها جدا رائع :D ما شاء الله لا نحسده :D


========================

أهلا بأختي Anime Girl

اقتباس:

---

بالنسبة لي ماعمري تبرعت لأي موقع ! @.@ لكن لو جا يوم افكر اتبرع فيه !! ... راح اتبرع لموقع يستاهل

---

أنا مثلك فكرت أني لو أبغا أتبرع أتبرع لموقع يستاهل :09: بس شكلي عمري ما راح أتبرع :D

========================


أهلا بأخوي Magical Angel بعودتك

اقتباس:

---

أولاً آسف على ردي المتأخر جدا جدا جدا... الخ وذلك بسبب الدراسة -_-"

---

عادي أخوي كلنا نمر بهذه الظروف @@

اقتباس:

---

أهو أكيد البرنامج فيه بعض الصعوبه بس مع الوقت تتعلمين عليه وانا سمعت من الناس الي يستخدمونه أن سرعة الدون لود فيه أسرع من الدايركت ^^

---

لو أنه أسرع هذا شيء جميل ! لكن المشكلة أنه ما يرضى يشتغل معي :blackeye:

اقتباس:

---

هذا هو الي حبيت أفهمك بالضبط ولكن مو بالضبط مثل ماقلتي يعني كان بأمكانهم تشفير كلمة شينيجامي إلى ملك الموت King Of Death أو أي شي ثاني

---

أو حتى لو ما وده يترجمها يخليها مثل ما هي " شينيجامي " و يحط note في الطرف بمعناها بالياباني و بعد كذه لا يضطر لأعادتها كل مرة !

اقتباس:

---

اما من ناحية الجروبات إذا ماشفتي ون بيس وناروتو انحك تشوفين جروب برس إمباير إن شاء الله ببحث لك عن القروب وأضعه هنا ^^

---

إي يا ليت لو ما في تعب عليك أخوي تحط لي اسماء الجروبات العربية أشان أزورها ^_^

و شكرا :biggthump