خبراء فاينل اون لاين+ LV75.... وين مواضيعكم ام مواقع اجنبيه ترد علينا

بسم الله الرحمن الرحيم

السلام عليكم ورحمه الله وبركاته

كيف الحال ياخوان ان شاءلله الجميع بخير

حقيقه انا استغرب شيء واحد ...وهو عدوم وجود ناس يكتبون في منتدى فاينل فانتسي الاون لاين

بكل صراحه ماتوقعت موقع منتدى المنتدى مافيه مواضيع حتى تشرح طريقه إظهار JOB ولو يكون بطريقه سهله

جدا...

والمشكله يعني فيه شباب JOB حقهم عالي جدا وفاهمين (( مو مثلي انا وراسي ))


مشكلتي انا اني شخص انسى حتى لما اطلب Teleport انسى اسم المكان وخصوصا

LA THeina + konshtat land (( انا اعرف ان الإسم خطـــــا فاعذروني ))


وفيه في اللعبه craft اكثر من نمط

ولكن ماشفت احد يتكلم سواء بشكل مفصل او مختصر

يعني والله اجلس واقراء في المواقع الانجليزيه واستعمل لاب توب اخوي وهو نائم عشان اقدر اتصفح المواقع وانا العب في نفس الوقت


-ثانيا: حتى مواقع عربيه متخصص مافيه

انقل من مواقع الانجليزيه وترجمه ... لاترجم الحل كله حدد اماكن NPC من المواقع

واكتب كيفية انهائك لها بطريقه بسيطه جدا والمشاكل اللي واجهتك



ياخبراء تحركوا والله لو اقدر اكتب شرح للـ job ماقصرت بس انا اعرف نفسي باغلط في امور كثيره

ولكن باحاول اساعد اي واحد ان شاءلله


يالله ياشباب لاتخلون الواحد يسجل في موقع اجنبي بس عشان يجد اجابه للسؤاله


سلام عليكم

تبي الصج انه العرب مفككين باللعبه وياما صارت خلافات مابينهم وبين بعض والهم ماديه اللعبه ..

القسم هذا اكثر متابعه لكن من ناحيه مشاركه فالعدد قليل

اقتباس:

---

المشاركة الأصلية كتبت بواسطة بو ضاري

تبي الصج انه العرب مفككين باللعبه وياما صارت خلافات مابينهم وبين بعض والهم ماديه اللعبه ..

القسم هذا اكثر متابعه لكن من ناحيه مشاركه فالعدد قليل

---

بحكم اني مالعب كثير في اللعبه مثل احد الشباب لكن فعلا فيه مشاكل حصلت بين العرب

ادنى مشكله تصير فضائح في اللينك شيل او حتى لما يجتمعون في بارتي وحده

لاحول ولاقوه إلا بالله

ولو واحد عمل خطأ يكبرها ويزعل ويقول انتم نوووووووووووب ومن الكللام هذا

انا في بدايات RDM عملت خطا وربك سترها ولا مات اي واحد


وهو اني استمعلت ماجيك ga-

وكنت اتصور انها فقط اقوى والبارتي كلهم قالوا من اللي سوى الحركه هذي فقلت لهم انا

واسف لاني جديد وكنت افكر انها اقوى.. رد احدهم وشرح لي الخطا اللي وقعت فيه وعطاني درس

استوعبتها الى الان


-بينما كنت مع واحد عربي وعملت خطا كذلك بس والله هذي قبل لاتعلم استخدام الماكرو

فاخترت الماجيك ولما حاولت اختار الموب طبعا اضغط TAB وفجاه في نفس الوقت ظهر لي موب ثاني وضغطها

طبعا انا هربت عشان اسحب الموب (( الوحش ))
وقتلت وواحد ثاني والباقيين استطاعوا قتله بسهوله

واحد عصب وطلع من البارتي
فتكلموا عن اللي حصل وقلت اللي صار ...وانها خطا غير مقصود ابدا مني وانه طلع فجاه

هم قالوا لاتزعل ولاتاخذ في خاطرك شيء ...وحنا مستغربين انه يظهر فجاه لانهم عارفين توقيته وقالوا هذا مجرد حظ سيء

يعني ناس تفهم وتقدر


انا لعبت مع واحد ماليزي وربي يشهد على كلامي انا وهو تقريبا مع بعض حوالي 15 او 18 LV

ودائما يساعدني في كل شيء... مثلا انا جمعت ادوات وكنت انتظرها عشان اخذ فلوس

واشتري فود وملابس لو سلاح جديد

المهم قال ليه تنتظر عطيته السبب قال خذ الفلوس ورجعها لي متى مابعت ادواتك


-مايثير الدهشه ان الواحد ينتظر ان احد يعطيه ولايقدم مساعده لاحد

انا ماساعدك عشان اريدك ان ترد لي المساعده ولكن متى ماقدرت اساعدك فاعرف اني باساعدك بإذن الله تعالى

-غير كذا المواقع كلها تجد الواحد يكتب ويكتب
وحنا العرب بس نسجل ونزيد اعضائهم عشان نقدر نجد اجابه لأسئلتنا

مواقع يابانيه انجليزي فرنسيه المانيه
تتحدث عن اللعبه وحتى لو بشكل بسيط
ونحن ماعندنا الا فقط عطونا اجابه


الله يعين بس
وماقصرت على مشاركتك

عفوا اخوي ليش تلوم الاعضاء المفروض تلوم ادارة المنتدى

الله يشهد اني ماشفت المشرف على هل المنتدى الى مره مرتين

ولا يريت يلعب لعبه مايلعبها بعد

المراقبه ضعيفه جدا ولو تلاحظ انه الواحد لما كتب موضوع

يصير الموضوع بصوب وردود بصوب ثاني يا هواش يا واحد يتفلسف ويخرب عليك الموضوع

اذا تبون هل المنتدى يتعدل سلموه مشرف يفهم بلعبه ويلعبها ومتواجد دايمن اون لاين

اول شىء راح ينظف المنتدى من بعض الحشرات الى فيه الى ودك باند على طول من المنتدى

ويسنع المواضيع و الردود

اقتباس:

---

المشاركة الأصلية كتبت بواسطة kuw

عفوا اخوي ليش تلوم الاعضاء المفروض تلوم ادارة المنتدى

الله يشهد اني ماشفت المشرف على هل المنتدى الى مره مرتين

ولا يريت يلعب لعبه مايلعبها بعد

المراقبه ضعيفه جدا ولو تلاحظ انه الواحد لما كتب موضوع

يصير الموضوع بصوب وردود بصوب ثاني يا هواش يا واحد يتفلسف ويخرب عليك الموضوع

اذا تبون هل المنتدى يتعدل سلموه مشرف يفهم بلعبه ويلعبها ومتواجد دايمن اون لاين

اول شىء راح ينظف المنتدى من بعض الحشرات الى فيه الى ودك باند على طول من المنتدى

ويسنع المواضيع و الردود

---

والله ماكذب عليك الى الان ماعرف المراقب من هو ؟؟ هل هو مراقب من السوني او البي سي

او انه شخص من منتدى السيارات ؟؟؟


مو معقوله مافيه مواضيع تفتح النفس ولا على الاقل تاهلك تقول كلمه (( اللي ماحب اقولها بدون ماناقش )) شكرا


ومثل ماقترحت لازم واحد يكون يلعب اللعبه ومحترف فيها ووقته في اللعبه هذي

مانريد المواضيع تكون جباره من مليون سطر وعشرين الف صوره... كل مافي الأمر انها خطوه وحده

نبدأ بخطوه صغيره الى ان نرى تفاعل من الجميع ومن هنا سيبدا الجميع بالتفاعل وكتابه المواضيع


-لما تكلمت عن احد الاعضاء كنت اقصد تحديدا اصحاب المستوى العالي

كنت اتمنى انه يكتب مواضيع وعن استقبال الأسئله حول المهمات او الكويستات

ومنه نقدر نختار مراقبييين للقسم


-وبالنسبه للتنظيف اللي تكلمت عنه نضع شروطا للمشاركه في القسم والجميع يتفق عليها مع فتح باب الأفكار ولو كان تطبيقها بعد فتره معينه



وان شاءلله نشوف احدكم مراقب على القسم هذا

السلام عليكم

اغلب الكلام اللي قلتوه صحيح

الاغلبيه الي يلعبون اللعبه
هدفهم انهم يستفيدون..... يعني ما عندهم فكره انهم يساعدون غيرهم

او يفيدون الغير

معلومه عندك... خلها عندك ولا تعلمها لاحد

الا اذا كان بموقع او LS انجليزي
تلقاه هناك ما يقصر
يمكن ما ينلام... لانهم ساعدوه والعرب عطوه طاف

بس اذا كل واحد سوا جذيه.... عز الله رحنا وطي :P

مابي اكون ثقيل عليكم

بس دامكم جبتوا طاري لهالموضوع

بغيت اعطيكم رابط لمنتدى FFXI عربي فاتحينه قبل فتره
المنتدى توه ما صارله مده فاتح
وللحين بالبدايه... حتى الاعضاء عددهم قليل
بس دامكم تبون تبدون خطوه خطوه.... ويكون لنا مكان نتجمع فيه احنا العرب
اتمنى انه هالمنتدى يفيدكم
تفضلوا :
.....................

سلاموف

هالمنتدى ما ينكتب فيه مواضيع
بتلقا واحد جاك وقط نغزه وينتهي الموضوع بهواش او يجي واحد يتفلسف واهو ليلحين ما طله من valkurm ...

اقتباس:

---

عفوا اخوي ليش تلوم الاعضاء المفروض تلوم ادارة المنتدى

الله يشهد اني ماشفت المشرف على هل المنتدى الى مره مرتين

ولا يريت يلعب لعبه مايلعبها بعد

المراقبه ضعيفه جدا ولو تلاحظ انه الواحد لما كتب موضوع

يصير الموضوع بصوب وردود بصوب ثاني يا هواش يا واحد يتفلسف ويخرب عليك الموضوع

اذا تبون هل المنتدى يتعدل سلموه مشرف يفهم بلعبه ويلعبها ومتواجد دايمن اون لاين

اول شىء راح ينظف المنتدى من بعض الحشرات الى فيه الى ودك باند على طول من المنتدى

ويسنع المواضيع و الردود

---

عفواً ..لاتعلق كل شي على شماعة المراقبين ! ..
اذا أعضاء القسم مو مهتمين المراقب مابيديه شي .. والقسم ضعيف النشاط وقليل الأعضاء من بدايته الأولى في قسم البلاي ستيشن وهذا مو شي جديد لذا طبيعي ماتشوف مراقب خاص له مثله مثل الأقسام الصغيرة الأخرى ..
نقل مواضيع المساعدات وإغلاق المواضيع المخالفة ماتحتاج خبرة أو معرفة باللعبة على فكرة ..
واذا انت شايف مخالفات في القسم بلغ عنها اذا كنت فعلاً مهتم وتهمك مصلحة القسم ..

اقتباس:

---

المشاركة الأصلية كتبت بواسطة msm

عفواً ..لاتعلق كل شي على شماعة المراقبين ! ..
اذا أعضاء القسم مو مهتمين المراقب مابيديه شي .. والقسم ضعيف النشاط وقليل الأعضاء من بدايته الأولى في قسم البلاي ستيشن وهذا مو شي جديد لذا طبيعي ماتشوف مراقب خاص له مثله مثل الأقسام الصغيرة الأخرى ..
نقل مواضيع المساعدات وإغلاق المواضيع المخالفة ماتحتاج خبرة أو معرفة باللعبة على فكرة ..
واذا انت شايف مخالفات في القسم بلغ عنها اذا كنت فعلاً مهتم وتهمك مصلحة القسم ..

---

عفوا

الاداره والاشراف مو غلق مواضيع وشطب مواضيع ونقل مواضيع

الادراه لما ترفع مستوى المنتدى الى انت مراقب عليه وتطور من مستواه

واذا شفت نفسك مو قادر على تطوير او انك تفيد اعضاء المنتدى الى انت مشرف عليه

انسحب من الاشراف

انا ما قصدت فيها اني اهاجمك لشخصك او اقلل من دورك

كل الى اقصده انه المنتدى يبي مراقب يفهم بلعبه ويطور من مستوى المواضيع

ويشيل الهمجيه الى صايره في الردود

ومنو قالك انه ماقاعد نزل مواضيع يا اخوي هذا اكبر دليل انك غير متابع للمنتدى الى انت تشرف عليه

احنا نزل مواضيع بس تقلب هواش ونجره

على العموم حبيت اوضح وجة نظري لا اكثر

وكلمه الحق ماتزعل

/cheer

Kuw :biggthump

اقتباس:

---

عفواً ..لاتعلق كل شي على شماعة المراقبين ! ..

---

نقدر نلوم المراقبين في حاله عدم درايتهم عن القسم والاحداث اللي تصير باللعبه
سواء نقل الاخبار ، التحديثات ، اللقاءات لفريق اللعبه المختص

المراقبين مافيهم ولا واحد يلعب فاينل فاننسي 11 ، صحيح انها لعبه اربيجي اونلاين
لكنها تستحق المتابعه ويستحق تعيين مراقب يلعب اللعبه نفسها

لكن انه تحط مراقبين على قسم "مايدرون عن هوا داره" وفي اعضاء يشاركون وتقول

اقتباس:

---

.. والقسم ضعيف النشاط وقليل الأعضاء من بدايته الأولى في قسم البلاي ستيشن وهذا مو شي جديد لذا طبيعي

---

مااشوفه ضعيف بالنسبه لعدد اللاعبين اللي يلعبون فيه فوق 100 لاعب
شي متوقع انه مايكون مثل الاقسام الثانيه ، تبي كل اعضاء المنتدى يشاركون في القسم ..خلاص اشترلهم النسخ الاصليه للعبه وارسلها لهم مجاناً ..
القسم له متابعه لاعبين اللعبه وفي بدايته الاولى ..اللاعبين تواجدوا بسيرفر واحد
وهو سيرفر راجناروك بسبب موضوع مثبت
وبمتابعه المشرف السابق "قلتي قير" له.. كان في احسن ايامه لكن مادري شنو اللي صار اما تنحنى عن الاشراف او انتوا شلتوه الله واعلم

المراقبين ماعندهم درايه ..معذورين لانه ماعندهم اللعبه والخطأ هذا مانتحمله
تتحمله اداره المنتدى.. توكم تكتشفون هالشيء
اذا انتوا مو قادرين تتحملون المسؤولية لمنتدى "صغير" على قولتك وتعطون الاشراف لعضو يلعب اللعبه ويستحقها ؟عشان يعطي القسم حقه
شلون بتتحملون مسؤولية منتديات؟!..

طيب انتوا قلتوا الاقبال عليه ضعيف
اول مره اشوف قسم ضعيف الاقبال عليه تقسمونه لعده اقسام
تقسييمتكم للمنتدى الجديد غلط..قسم السيرفرات؟..معلومه حلوه لعلمك انه 95% من الاعضاء يلعبون بسيرفر واحد

توضيحات على السريع :
- مهمة المراقب الرئيسية هي "المراقبة" وليست "الكتابة" .. فمن حقك تلوم المراقبين على وجود المخالفات لكن مو من حقك تلومهم على قلة المواضيع ! ..
- القسم لايوجد عليه مراقب خاص حتى الآن ..لماذا؟ ..ببساطة لأن القسم صغير فلايوجد نشاط و أعضاء بارزين حتى يحتاج لمراقب "متخصص" بقسمه ..
- أنا أمر على هذا القسم من فترة لأخرى لأتعامل مع المخالفات (وقليلاً ما أجدها) ..فمثل ما قلت سابقاً اذا وجدت مخالفة وكنت حريص فعلاً فأرسل رسالة أو بلغ بالضغط على http://director.montada.com/montada_...s01/report.gif والتبليغ مايستغرق ثواني ..
- اذا ترى عضو مناسب للرقابة وكان القسم محتاج فعلاً فلما لا ..رشحه بكتابة موضوع في قسم مكتب الإدارة أو راسل الإدارة أو المراقبين ..

اقتباس:

---

وبمتابعه المشرف السابق "قلتي قير" له.. كان في احسن ايامه لكن مادري شنو اللي صار اما تنحنى عن الاشراف او انتوا شلتوه الله واعلم

---

اسأله ..

اقتباس:

---

طيب انتوا قلتوا الاقبال عليه ضعيف
اول مره اشوف قسم ضعيف الاقبال عليه تقسمونه لعده اقسام
تقسييمتكم للمنتدى الجديد غلط..قسم السيرفرات؟..معلومه حلوه لعلمك انه 95% من الاعضاء يلعبون بسيرفر واحد

---

حلو هذا اقتراح مفيد .. ليش ماتكتبه في قسم مكتب الإدارة ..

اقتباس:

---

- مهمة المراقب الرئيسية هي "المراقبة" وليست "الكتابة" .. فمن حقك تلوم المراقبين على وجود المخالفات لكن مو من حقك تلومهم على قلة المواضيع !

---

عزيزي انا مالمت المراقبين ، لكن قسم مقطوط بروحه جذي مايصير
خذ هالموقف
واحد مايهتم بالرياضه ، تعينونه بالقسم الرياضي ، اكيد ماراح يكون اهتمامه بالقسم اهتمام شديد
اذا المشرفين مايلعبون هاللعبه ..مانلومهم ..صحيح انهم يحبون الاربيجي؟ لكن موجود قسم مالهم له علاقة ..هالشيء غلط وتنحسب ضدهم
الشيء نفسه مع فاينل فانتسي ..

اقتباس:

---

- القسم لايوجد عليه مراقب خاص حتى الآن ..لماذا؟ ..ببساطة لأن القسم صغير فلايوجد نشاط و أعضاء بارزين حتى يحتاج لمراقب "متخصص" بقسمه ..

---

القسم غير بارز؟ تكفى شوف عدد القراءات وشوف عدد زوار المواضيع في القسم
موجود لكن اغلب اللاعبين يايكونون زوار او اعضاء بس مايبون يشاركون
يمكن مافيه تحفيز ..اتفق معاك..
بعض المواضيع تقولون عنها ..سخيفة او بايخه او حتى ماتفهمونها لكن المواضيع ذاتها تهم الاعضاء مثل احصائية اللعبه عن اللاعبين ، الابديتات اللي تصير ..الاحداث اللي تصير باللعبه ..اللعبه متجدده ..والاعضاء هم اللي ينزلون مواضيع عنها

اقتباس:

---

أنا أمر على هذا القسم من فترة لأخرى لأتعامل مع المخالفات (وقليلاً ما أجدها) ..فمثل ما قلت سابقاً اذا وجدت مخالفة وكنت حريص فعلاً فأرسل رسالة أو بلغ بالضغط على http://director.montada.com/montada_...s01/report.gif والتبليغ مايستغرق ثواني ..

---

عساك على القوه وياهلا بمن زار وخفف وياريت تدش ويانا اللعبه ومنها تدش بدوامه الادمان
والورلد باس من عندي اذا تبي ^^

اقتباس:

---

- اذا ترى عضو مناسب للرقابة وكان القسم محتاج فعلاً فلما لا ..رشحه بكتابة موضوع في قسم مكتب الإدارة أو راسل الإدارة أو المراقبين

---

عشان لا اكون منافق معاك ، عندي منتداي الخاص وعندي منتدى آخر أشارك فيه
ومنتدى المنتدى يعد الثالث من حيث التصنيف فـ أوجه هالاقتراح للاعضاء اللي حاب يرسل للاداره يقول هالشيء

ومبروك مقدماً للي يتعين مشرف على هالقسم لانه احس الاداره تبي تخطو هالخطوه مع لاعبي فاينل فانتسي

يرجال هالقسم دمار

اكتب موضوع يردون عليك بعد شهر

رح ل كيلنج افريت ولا الكازام واكتب موضوع ... تلقى 20 رد بثاني يوم

كينج افريت ..موقع خاص للعبه يعني راح يبذلون جهدهم والكل يحاول

ولكن هذا لايعتبر عذرا لنا في التقصير انا مممكن اساعد بامور بسيطه

طيب واحد يتبرع من الخبراء في المواضيع هذي

واذا شعر ان مافيه تجاوب يتركه... انا اتحدى لو ماكان فيه تجاوب واسئله كثيره كثيره


والسؤال المحير : من اللي مستعد يكتب مواضيع او استقبال اسئله حول المهمات والكويستات

يكفيك الكويست لحاله شغله متعبه ..


والله يوفق الجميع ورمضان كريم

يرجال كل شيء عن اللعبه موجود بالمواقع الي قلتها بس المشكله بعضنا يواجه مشكله الانجليزيه
كل الي مطلوب اننا نترجها ونحطها

طبعا واحد مثلي جديد على اللعبة ما حيقدر يجاوب على الاسأله الخاصة بالكويست و الايتمز الا اذا لقى حلها بالمواقع

هنا يجي دور اللاعب الخبير ويجاوب على الاسأله

الشغله ترا مو مره صعبه بس المشكله اكثرنا خلاص طفش من اللعبه او مو فاضي يساعد غيره

ملاحظة :تقدر تقول ان منتدى المنتدى هو المنتدى العربي الخاص باللعبه (اسأل اي احد عن فاينل راح يقولك جرب منتدى المنتدى) انا لمن وصلت هنا ما صدقت انه بهذا الشكل

طيب ماحد دخل قسم WoW ?

قسم بالله المواضيع هناك بالهبل والتفاعل ممتاز!!

انا لعبت واو لمدة قصيرة ، وشفت تفاعل كبير من الأعضاء هناك ،

لكن لمن رجعت لفاينل استغربت كثير ، ماكنت اتوقع ان القسم كذا :(

ان شاء الله يتطور القسم والكل لازم يبدا بنفسه ويساعد ، حتى لو بالشيء القليل

انت تقريبا انقطعت عن المنتدى من بدايتي باللعبة
اذا عندي وقت فاضي، بشيك على منتدى LS او اشوف لي حاجة اتسلى بيها باللعبة :blackeye:

اقتباس:

---

- أنا أمر على هذا القسم من فترة لأخرى لأتعامل مع المخالفات (وقليلاً ما أجدها)

---

واللي يعافيك Msm بسك ، المنتدى فيه أكثر من موضوع مخالف (بيع = دعاية ) وشوي ويصير حراج أكاونتات وانت تقول تجيك عليه كل شوي؟

نرد لموضوعنا،
أخوي Dark man أكت موضوع، أسئل فيه عن أي شيئ... بيجاوبك واحد أو أثنين و عشرة بينطون يتفلسفون.

شباب فية صنفين من اللاعبين ,,,

فية الجدد وفية القدام ...

اذا كان مافية احد يقدر يساعد من لاعبي ال 75 فلة العذر .. لان لما توصل 75 كانك تبدأ لعبة ثانية وترتبط بشغلات كثيرة ..

اما في المنتدى , ففية مواضيع مكررة .... قبل طرح السؤال سو بحث عن مواضيع سابقة ... اذا مالقيت اللي تبي اطرح موضوعك وان شالله بتلاقي رد علية ..

انا ممكن اساعد المستجدين في اللعبة في اي شي , ماعدا الفلوس :) ... والشي الثاني اذا ماكنت مرتبط فمن عيوني اساعد ...

ادخل منتديات الاجنبيه وشاهد المواضيع

وبتحكم بنفسك...

ولكن انا معك في شيء ان الواحد يكون مشغول

ولكن فيه امور يعني الخبراء هم اللي يقدرون يتكلمون عنها...مثل وحوش NM

يقولون ارائهم واماكنها...


انا اللي قدرت عليه الان ...كيف تفتح الـ paladin بس
وهذا اللي اقدر عليها

ولو فيه شيء ثاني ماراح اقصر ان شاءلله

ودعواتي ان القسم يتطور اكثر من كذا

اقتباس:

---

المشاركة الأصلية كتبت بواسطة Master X

شباب فية صنفين من اللاعبين ,,,

فية الجدد وفية القدام ...

اذا كان مافية احد يقدر يساعد من لاعبي ال 75 فلة العذر .. لان لما توصل 75 كانك تبدأ لعبة ثانية وترتبط بشغلات كثيرة ..

اما في المنتدى , ففية مواضيع مكررة .... قبل طرح السؤال سو بحث عن مواضيع سابقة ... اذا مالقيت اللي تبي اطرح موضوعك وان شالله بتلاقي رد علية ..

انا ممكن اساعد المستجدين في اللعبة في اي شي , ماعدا الفلوس :) ... والشي الثاني اذا ماكنت مرتبط فمن عيوني اساعد ...

---

وانا اوافق Devilboy 100%، بصراحة من يوم بدت المدرسة وانا ادخل للـEvents فقط، وما اسوي شي ثاني غيرهم لين ما اطلع. بس لو اي حد عنده سؤال بحاول اساعده. انا اتصفح المنتدى واكون موجود في اللعبة فلو اي واحد عنده سؤال انا ما عندي مانع اني اساعده ،
tell Dukefleed in game or post in here :D