بسم الله الرحمن الرحيم
اتمنى ان تحوز على رضاكم ..
----------------------------------------------
تقولي تعاللي احظني ابيك تداعب الاحزان
ابيك تناجي افراحي وتشفي بالغلا جروحي
ابي كلمة تداويني ابي كن الفراق ما كان
ابي ترجعلي البسمة وانسى كل اتراحي
وقلت ادري الفراق قاسي ولكن يكفي الخلان
قليبن يعشق قليبن على الجيات والروحي
وانا ادري ولو اني بقيت فوق الزمان ازمان
صعيب الوقت يجمعنا اذا ماكان به رجوحي
ابد لا يوم تظني اني ابانسى ولهة الضميان
عجز يروي ضماه حتى دموع(ن)من سبب نوحي
ترى شوقك على دمعك على كلك علي ماهان
ولكن وش اسوي دام معك صعب(ن) غدا مراحي
انا عذري تعرفينه وعذرك لي بعد هو بان
واذا بنشره تراه بيكون لباب الضيم مفتاحي
اذا قلبك عجز يسلى وبقى يسأل "وين فلان؟"
قوليله مات عل انه يخف من شوق وجموحي
وانا اوعدك بادعيلك يصبركي او النسيان
يرزقكي وانا مثلك يرزقني ونرتاحي
وبانهي خاتم ابياتٍ عن الشوق والوله والبين
ببعضٍ من فوايد عمر عله يقصر البوحي:
بيجيك من الغلا الوان ويجيك من الفراق الوان
ابد واصحك تظن بيوم بتبقى دوم بافراحي
وبتفرحلك بيوم انسان وتنعي لك بيوم انسان
ولا بيعوض بقلبك مكان فلان قد راحي
-----------------------------------------------
