اشتريت البلاي ستيشن 3 في الامارات

أخيرا حصلت البلاي ستيشن 3 في سوق الوصل في دبي طبعاً الياباني ابو الـ 20GB.
السعر 3300.. اول ما رحت عنده قال لي 3500 بس وافق على 3300 بعد تعب.

طبعا الجهاز روعة! من حيث الشكل احلى وايد في الطبيعة من الصور الي شفناها على الانترنت.. بس ضخم وثقيل.. وتحس انه ينخدش بسهولة.. وهادي مب نفس الاكس بوكس 360 يحشر الواحد..

بالنسبة للجرافيكس.. فما في فرق ابد بينه وبين الاكس بوكس.. بس اللودينج اسرع من 360 شوية..
سوري ما عندي وقت اخبركم اكثر عنه.. يمكن ارجع في وقت ثاني..
الي يبغي الجهاز ممكن يروح ويحصله في سوق الوصل.. يلحق نفسه قبل ما يخلص.. واذا قال لكم 3500 حاولوا معاه وبيعطيكم بـ 3300

:biggthump

أتشرف بالرد على أول واحد إشترى جهاز الأسطورة!! بالإمرات والله يهنيك فيه

شو اسم المحل ؟

ومبروك مقدما لان ولا واحد من هاللي اشتروا الجهاز بالسعر هذا وافوني باسامي المحلات

والله حرام اشوف السعر مبالغ فيه ..
الجهاز امريكي اخوي ..؟

رح انتظر لين بداية السنه الساية او نصها احسن لي لأن مافي العاب مشجعة ..
ومبروك عليك اخوي

انا قلت لهم حصلت الجهاز بنفس السعر المذكور ومحد صدقني ! :31:

بالنسبة للسعر ممتاز جداً ورح ينزل بشكل فضيع وسريع جداً

اقتباس:

---

والله حرام اشوف السعر مبالغ فيه ..
الجهاز امريكي اخوي ..؟

---

علي السعر ممتاز مافيه اي مبالغة
انت لو تابعت اخبار الجهاز هنا كان عرفت انه سعره اول ما نزل 5000 درهم تقريباً ( هذا نسخة الـ 20GB ) والحين بعد اسبوعين صار 330 , شهرين بالكثير ويصير 2000 درهم

ههههههههههههههه

خلاص عرفت

وشكرا

ما عندي غير:

مبروووووووووووووووووووووووووووووووووك :bigok:

اقتباس:

---

وتحس انه ينخدش بسهولة

---

و هذا هو الفرق بينه و بين نسخة الـ 60 غيغا :)

بايو ^^

بعد ما لعبت شوية لاحظت ان الجرافيكس في البلاي ستيشن 3 وال360 نفس بعض بدرجة 95% يعني البلاي ستشين 3 يتفوق بس شوية.. بالنسبة للبوليجون قصدي المضلعات شكله ال360 أحسن من الPS3 بس ال PS3 يتفوق في الtexture بشكل ملاحظ والشغلات الثانية مافي فرق.. الصراحة لو جلست جدام الشاشة 10 ساعات ودققت وطلعت عيونك ما بتلاقي فرق.. إلا اللهم.. يعني كل هذه البلبلة عن الجرافيكس وقوة الأجهزة ما في له داعي اصلا.. لانه في النهاية ما في فرق يذكر.. وهذا يعني ان نوعية الالعاب وحصريتها هي الي راح اتحدد مستوى الجهازين مب القوة في عرض الجرافيكس.. بس PS3 عنده مزايا جانبية اكثر من الXBOX 360 ومن ناحية ثانية ال XBOX 360 احسن من ناحية الاونلاين وسعره ارخص من ال PS3.. احسن شي تسوون نفس الي انا سويته تشتروا الجهازين.. :D

مبرووووووووووك

بس انا بأنتظر لين ينزل شريط ويننق إلفن

اقتباس:

---

المشاركة الأصلية كتبت بواسطة HAMAD 11

انا قلت لهم حصلت الجهاز بنفس السعر المذكور ومحد صدقني ! :31:

بالنسبة للسعر ممتاز جداً ورح ينزل بشكل فضيع وسريع جداً



علي السعر ممتاز مافيه اي مبالغة
انت لو تابعت اخبار الجهاز هنا كان عرفت انه سعره اول ما نزل 5000 درهم تقريباً ( هذا نسخة الـ 20GB ) والحين بعد اسبوعين صار 330 , شهرين بالكثير ويصير 2000 درهم

---

صحيح قصدك ممتاز كبداية ..
لكن رح يرخص اكثر لكن انا عن نفسي الـ 20 مستحيل اخذها -__-
ان شاء الله اول ما يكون الجهاز بـ 2500 رح اخذة على طول ..
او اخذة بعد الثنوية يعني في شهر 6 من 2007 وهو بيكون بداية ظهور الألعاب القوية
و بشترلي HD TV بأذن الله ..

الحين كل تفكيري بالـ Wii لو سعرة فوق الـ 2000 حرام والله :أفكر:

اقتباس:

---

المشاركة الأصلية كتبت بواسطة ''' '''

بعد ما لعبت شوية لاحظت ان الجرافيكس في البلاي ستيشن 3 وال360 نفس بعض بدرجة 95% يعني البلاي ستشين 3 يتفوق بس شوية.. بالنسبة للبوليجون قصدي المضلعات شكله ال360 أحسن من الPS3 بس ال PS3 يتفوق في الtexture بشكل ملاحظ والشغلات الثانية مافي فرق.. الصراحة لو جلست جدام الشاشة 10 ساعات ودققت وطلعت عيونك ما بتلاقي فرق.. إلا اللهم.. يعني كل هذه البلبلة عن الجرافيكس وقوة الأجهزة ما في له داعي اصلا.. لانه في النهاية ما في فرق يذكر.. وهذا يعني ان نوعية الالعاب وحصريتها هي الي راح اتحدد مستوى الجهازين مب القوة في عرض الجرافيكس.. بس PS3 عنده مزايا جانبية اكثر من الXBOX 360 ومن ناحية ثانية ال XBOX 360 احسن من ناحية الاونلاين وسعره ارخص من ال PS3.. احسن شي تسوون نفس الي انا سويته تشتروا الجهازين.. :D

---

الطيب تراك حمستنااا

شو اسم المحل اللي في سوق الوصل ؟؟؟!!!

ويوم انته تدش الاون لاين في الاكس 360 ليش ما خبرتني انته اماراتي وانا احب اضيف الاماراتيين والخليجيين

عطني الجيمر تاج مالك خلنا نضيفك >>>> يحب يضيف العرب ويكره الامريكان لوووول :D

انتظر الجيمر كارد مالك اخوي ;)

مبروك اخوي...انا منتظر الاصدار الاوروبي!!!

مش هشتري الجهاز الا لما تنزل mgs4 لانه لحد الان ما في لعبة مشجعة...
مبروووووك الجهاز

مبرووك ع الجهاز...

الف الف مبرووك..
بس ليش خذيث الجهازين..!!!!

20 جيجا حرام عليك مستعجل ليش ؟
لو صبرت شهر وفرت 200 ولو صبرت اكثر راح توفر اكثر !
يالله على البركة .

مبروك عليك الجهاز اخوي .
و أحسن شي سويته انك اشتريته البلاي ستيشن3 و الاكس 360 .
عشان تستمع بالالعاب القوية في كل جهاز .

و أنا ان شاء الله بسوي مثلك
لكن بشتري نسخة ال60 جيجا
لانها أحسن في بعض النواحي .

على البركة أخوي ..........

والله يعطيك متعة اللعب فيه
ويكفيك شر الحرارة والتعليق

أعتب عليك الأستعجال في شراءه الأن,,,,,,,,,,,,,,((مبكر جدآآآ))

لأن الجهاز توه جديد ودعمه ضعيف من ناحية الألعاب والأفلام حتى شبكة النت الخاص به على بدايتها,,,
غير أن الأسعار سوف تكون نار لجهاز جديد في الأسواق ....


على العموم :::

الصبر زين ياشباب ,,, لاحقين على الجهاز وألعابه ...أذا مالعبنا Resistance: Fall of Man الحين نقدر نلعبها
بعد ثلاثة شهور أو أكثر ..............الدنيا ماهي طايرة أذا الله عطانا طولة العمر وياكم



مميزات الأنتظار للدفعات القادمة::::::

*** نزول الأسعار وتوفر الجهاز في منطقة الخليج في كل محل متخصص وغير متخصص......
*** قلة المشاكل في هذه الدفعات وظهور سوفت وير لتطوير الجهاز للأفضل وتشغيل ألعاب الPS2 و الPS1
***توفر الألعاب من كل شكل ولون وتطور الجرافيك فيها أفضل من أول يعتمد بالطبع بالمطوريين نقول أن شاء الله
*** تنشيط موقع الشبكة المنتظر وظهور العاب تدعمها بقوة..
*** توفر أجهزة التلفاز المسطحة LCDs بنظام الHD وخاصة التي تدعم ال1080P في الجهاز


على كذا الواحد يضرب عصفوريين بعشرين حصاة...........................................................
.................................................................................................... ..
.................................................................................
............................................................
.........................................
.......................
.......
...
.

اقتباس:

---

على كذا الواحد يضرب عصفوريين بعشرين حصاة...........................................................

---

قصدك الواحد يضرب عشرين عصفور بحصاة :biggthump

ههههههههههههههههههه الريال ما رد على اسئلتي مع انه كان موجوود ؟؟؟!!! شو السالفه !!!!

1080p موجود ولاكن شرائة مستحيل...غالي جدااا...

يا ليت تورينا كم صورة من تصويرك ( إذا تقدر ) ، وتخبرنا ويش الألعاب اللي جربتها :)
وألف مبروك ..

مبروك حجي :D

اقتباس:

---

المشاركة الأصلية كتبت بواسطة THE LAST SNAKE

و هذا هو الفرق بينه و بين نسخة الـ 60 غيغا :)

---

..... وهو بيتهاوش فيها ... ولا بيلعب فيها كرة ....... فرق بسيط يا اخي وماهو مضر :33:

مبرووووووووووك على الجهاز
و تتربى في عزك :)

مبروووك مقدما انا يمكن اخذها من الصين يقولون ارخص هناك ماادري انتو شرايكم؟؟

مبررووووك مقدما .^

بالكويت اب 500 دينار يباني و سمعت راح يكون اب 700 دينار انجليزي اب مجمع الرحاب -_-

انجليزي والله غااالي .. ليش مادري !!

طبعا اول ما ينزل

====

D.D.S

--

اوووووووووف معاش ضابط غاليه حيل

مبروك الجهاز وينربي في عزك

السلام عليكم:
مبروك على شرائك الـ PS3 .
وشكرا

اخوي ... اولا مبروك عليك امتلاك الوحش ...
ولاكن اخي اسمحلي ...
1- الجهاز ياباني يعني كيف بتقدر تتعامل معاه.
2- نريد صور للجهاز مع العلبه من استخدامك الخاص...

ممكن تورينا صور للجهاز

بشوف صور من تصويرك
بس للتأكد

مبروك اخوي لكنك صراحة تسرعت يعني كان لازم تنتظر لمل الوكالة تنزله بالشرق الاوسط و ما تشتريه من هالنصابين



سؤال الحين ما اقدر العب بلايستيشن 3 الا على تلفزيون ال سي دي؟؟؟؟؟

عندي تلفزيون عادي باناسونيك 24 بوصة مافيه ال سي دي ولا اتش دي ولا هالخرابيط

يعني ما راح يشتغل عندي الجهاز

بعدين سوني الخليج حذرت من شراء هذه النسخ لأنها غير مخصصة للشرق الاوسط يعني راح تتعب في مسألة تشغيل الافلام دي في دي و بلو راي .

و مافي شرايط كوبي

أحس ان كاتب الموضوع وعضو رد في أول صفحة هم نفس الشخص :33: .

ههههههههههههههههههههههههههههههه

سوق الوصل اقسم بالله سوق الهنود

وانا اول مره اسمع ان سوق الوصل يبيعون العاب الاجهزة

وعلى فكره سوق الوصل من افشل سوق في الامارات

شكله مايعرف يكذب

ننتظر صور من تصويرك

مازلت انتظر

السالفة طلعت كذبة؟!

عموماً (أهل مكة أدرى بشعابها)..

اقتباس:

---

المشاركة الأصلية كتبت بواسطة WE Vll

السالفة طلعت كذبة؟!

عموماً (أهل مكة أدرى بشعابها)..

---

من زمان مبينهم من اول ماقال مافي فرق بين رسومات الاكس360 والبلاي ستيشن3


الجهاز جديد وماله العاب واقلب العاب بورت ومن التقيمات تعرف الفرق :biggthump

يعني مومعقوله نفس الشي وتفوق البي اس 3 بعد !!!!! :yuck:

عندي مشكله في بلاىستيشن3 60 Gأتجيم يوم ألعب سبايدر مان أرجوكم
شورايكم أردها أنا أشتريتها 6000 درهم أول مانزلت معاها 3 شرايط
وأرجو منكم تعطوني حل في هذا المشكله

:blackeye:

مبروك على بلاىستيشن 3

1. -عندي مشكله في البلاىستيشن3 نوعية 60G يوم العب في سبايدر مان يجم عندي في بلاىسيشن

ويطلع في الشاشه لون أزرق عطوني حل شو أسوي

1. -المشكله أني أشتريتها 6500 ومعاها 3 العب
2. -وعندي سوئل البلاىسنيشن أكدر أقير الكفر لون العبه ورجوكم جابوني

مبرووككككككككككككككككككككك ولا فرحتلك

مشكورين يا شباب على المباركة.. اسف كله مشغول بس اخيرا حصلت فرصة اشكركم على الاقل..
الجهاز روعة الصراحة.. تحس انه صدق جيل جديد..

اقتباس:

---

مش هشتري الجهاز الا لما تنزل mgs4 لانه لحد الان ما في لعبة مشجعة...
مبروووووك الجهاز

---

والله انا نفسك وانتظر GTA5

وانا ماراح ارتاح الى لو اشتريت الافضل(60جيجا)

ومبروك اخوي على الجهازين

شكله يكذب .. !!

مبروك ..
بس السعر فعلا غالي ..وهذا الياباني 20 ج
..
انا بتريا ل 2007

انا بتريا الصيف الياي وبتريا فاينال فانتسي وريزيدنت ايفل والعاب تسوى ..مب السخافه اللي اشوفها نازله ها اليومين !!!