أجل تبي تلعب حديد...البدايا هنا : الجزء السابع : عضلات البطن Abdominals

بسم الله الرحمن الرحيم

السلام عليكم ورحمة الله وبركاته ، أهلا وسهلا بكم في الجزء السابع من سلسلة الحديد من قبل أخوكم VaSh ThE sTaMpEdE ، إذا كنت تريد زيادة إحدى الأقسام التالية زور الروابط التالية :

الجزء الأول - بداية الحديد :
http://www.montada.com/showthread.php?t=506382

الجزء الثاني - المنتجات المساعدة :
http://www.montada.com/showthread.php?t=512691

الجزء الثالث - عضلات الجسم :
http://www.montada.com/showthread.php?t=513356
الجزء الرابع - طرق التمرين وبعض النصائح :
http://www.montada.com/showthread.php?t=513920
الجزء الخامس - انشئ جدول التمريني :
http://www.montada.com/showthread.php?t=514566
الجزء السادس - البروتين Protein :
http://montada.com/showthread.php?t=515113

ملاحظة : لوحة المفاتيح الي عندي ما فيها عربي ، كله من ذاكرتي ، يعني ساموني إذا لقيتوا أخطاء إملائية . :D

موضوعنا اليوم عن :

عضلات البطن Abdominals
http://www.bigmusclesbuilding.com/im...ercises-1s.jpg
ترا هذا أنا <<<<< تلعب على مين :09:

ليه عضلات البطن
كل ما نشوف مجلة أو دعاية في التلفزيون عن منتج لتنقيص الوزن أو منتج تجميل ، نشوف رجال متوسط الوزن عنده عضلات بطن مثالية المعروفة بال Six Pack ، ليه ؟ لأن هالعضلات تجذب الناس ، كل الشباب يبونها وكل البنات يعشقونها وكل الناس يندهشون ( اندهاش زين مب شين :p ) منها. لو تسأل معظم الناس الي يلعبون حديد وش أهم عضلة عندهم ، المعظم بيقلون عضلات البطن.

سر ظهور ال Six Pack

مرات تروح النادي ، تشوف ناس يسوون مئات التكرارات من تمرين الCrunch عشانهم يحسبون كذا حتبرز عضلات بطنهم ، وطبعا هم غلطانين. السر في ظهور ال Six Pack هو حرق الطبقة الدهنية فوق عضلات البطن . لو سويت آلاف التمرينات للبطن محا تظهر العضلات إلا بعد ما تحرق الطبقة الدهنية الي فوقها ، يعني ايه بتكون عندك عضلات بطن قوية وبتكون موجودة بس مختفية تحت الطبقة الدهنية. وتقريبا ترا كل الناس عندك six pack من البداية ، ما قد سمعتوا " ياخي فلان ما شاء الله عند six pack من أول ما انولدت " . هي مو قصة إنها طبيعية بس عشانه الرجال نحيف فتبان العظام في بطنة ( والي شكلها عضلات ). بالنسبة للي زي ( جسم وسط ) وللي وزنه ثقيل لازم نشد حيلنا ونحرق الدهون في جسمنا عشان تبان عضلات البطن .

الدهن يبني فوق العضلة

في أحد مواضيعي السابقة أنا قلت " اذا تبي عضلات تبان احرق الدهون " ( أو شيء زي كذا :09: ) . والسبب في ذلك هو أن الدهون تبني فوق العضلة. هناك شيء معروف اسمه نسبة الدهون في الجسم أو بالإنجليزي BodyFat Percentage والي نرمز له BF% . في ناس يقولون عشان تطلع عضلات البطن ، لازم يكون ال BF% عندك أقل من 8% :wow: . ( أنا آخر مرة قسته كان 20% ، عندي كرشة صغيرة :D ) .

بنية عضلات البطن

نفسها عضلة البطن مو مقسمة إلى قسم علوي وقسم سفلي. كلها عضلة وحدة . يعني لما تسوي تمرين للعضلة ، فيزيائيا انت قاعد تمرن العضلة كلها . بس لما تسوي تمرينات مخصصة لكل جهة ، فإن التركيز عليها يكبر وكذا تحسن شكلها ، بس لسا قاعد تمرن كل العضلة .

عضلات البطن الجانبية Obliques

هذي هي العضلات في جانبي الجسم ( لا يا شيخ :09: ) . بس في كثير ناس يقولون مب زين تمرنها ، السبب الأول هو إنها تبطئ سرعة لكمتك . عاد هذي معلومة تهم لاعبي رياضية الملاكمة والكاراتيه وما شابه ذلك . السبب الثاني هو إنك اذا مرنتها بأثقال حتوسع خصرك ويطلع شكلك غبي .
عشان كذا كل الناس يمرون الobliques بدون وزن ويخلونها في آخر وقت لتمرين البطن عشانهم ما يركزون عليها كثير.

كيفية تمرين عضلات البطن Abdominals

هذا الموضوع في نقاش وجدل كثييير . في ناس يقولون لازم تمرن عضلات البطن مع وزن ، وناس يقولون بدون وزن . أنا عن نفسي ، خلني أقولك هالكلام :
التمرين Bicep Curls لعضلة البايسب
صورة للتمرين http://www.exrx.net/AnimatedEx/Biceps/BBCurl.gif
قلي ، لو سويت ألف تكرار من هذا التمرين بدون وزن ، بتستفيد ؟ :33:
أكيد لا ، مدام البايسب عضلة ، وال Abdominals عضلة ، مب نفس الكلام ينطبق عليهم ؟ :33:
بس في ناس يقولون ، لا ، عضلات البطن مختلفة عن كل العضلات الجسم الأخرى ، أنا بصراحة ما أصدق هالكلام :boggled: ، بس كل وحد حر في قراره ;)

بالنسبة للObliques ، مرنها بدون وزن عشان ما تكبر خصرك ، كل الناس متفقين على هالكلام .

كم مرة تمرن البطن ؟

نفس الشيء هالموضوع فيه جدال ونقاش كثيرة ، ناس يقولون لازم تمرنها كل يوم ، ونفس يقولون 3 مرات في الأسبوع ، وناس يقولون عاملها زي أي عضلة أخرى ، أنا عن نفسي أتفق مع الكلام الأخير ، لأن عضلات البطن هي عضلة ، لو مرنت عضلة الصدر محا تعطيها راحة ؟ نفس الشيء مع البطن الأجل ;) . بس كل واحد حر في قراره .

طيب انت يا vash مدامك تتفلسف ومسوي فيها فاهم قلنا وش نظامك انت ؟

يهو شوي شوي علي أنا بس قاعد أشارك معكم المعلومات الي عرفها <<<<< موسوس :09:

أنا عن نفسي ، أول كنت خاش نادي ، أروح الساعة 6:20 AM الصبح ، لين 8 AM وبعدين رجلية لين المدرسة . أما الحين في المدرسة عندنا حصة Advanced PE والي نلعب فيها حديد 3 مرات في الأسبوع ومرتين نسوي لياقة أو شيء زي كذا . بالنسبة للعضلات ، المدرب مجنون ، يعطينا تدريب ملعون والدينها للبطن ، كل يوم نقعد 10 دقايق نتمرن عليها . ويشد عليها شد ، هو يسمي التمرينات Crazy Abs ، والله هو ال crazy مب ال abs :09: ( ال يعرف إنجليزي فهمها ) .
الزبدة الي قصدي ، أنا بصراحة ما أحب هالنظام ، وإن شاء الله لما أرجع السعودية بطبق كلامي ، بس باخذ هالفرصة وأجرب ( أصلا غصب علي ولا بنقص درجات :D ) .

يعني الحين أنا قاعد أمرنها كل يوم ( وأنا ما أتفق مع هالكلام )
بس لما أرجع وأكون حر في جدولي حمرنها مرة واحدة الأسبوع
وبعطيكم ال feedback


إن شاء الله في الجزء بتكلم عن اللياقة cardio

شكرا...والسلام

:D

هلا والله ،


تسللللم عالموضوع ،

قريته حرف حرف و فاصلة فاصلة ،


انا الحمدلله ،


من زماان عندي هالعضلة ^__^


بس اللي في الصورة صرااحة صعب احققه :biggthump ،


ثنك يو اخوويه و ننتظر الجديد منك ،

العفو أخوي وأهم شيء إنك تستفيد

ألسلام عليكم اخوي ،،


اخوي اممم لو سمحت ممكن تشرحلي اكثر عن عضلات البطن الجانبية و كيف يعني يزيد حجم خصري اذا زودت الوزن ،، ما فهمت ؟؟


وثاني شي عندي سؤال جاانبي ،،


انا في الهند صرااحة حولت خمس GYM وكل جيم ما استمر فيه اسبوع ،

لاني ما ارتااح فيه ،


لا جدول ، لا نظاام ، المدرب ما يعطي حق حد سالفة ، كل وااحد يقولي سوي شي ،،

احس انه جسمي خرب ،، الايد اليمين اقوا من اليسارر ، احس ظهري استوي ظهر سلحفااة :yuck: .. يعني والله حالة ما تسر ،،

انا جااهز اشتري بروتينات لان الاكل هنيه حدث ولا حرج ،

فبالله كيف اقدر اعتمد على نفسي بنفسي و بدون حد من المدربين ولا النااس ..

ممكن تساعدني بحكم خبرتك ،

وسوري اذا طلعتك من الموضوع :smirk:

وعليكم السلام أخوي

اقتباس:

---

انا في الهند صرااحة حولت خمس GYM وكل جيم ما استمر فيه اسبوع ،

لاني ما ارتااح فيه ،


لا جدول ، لا نظاام ، المدرب ما يعطي حق حد سالفة ، كل وااحد يقولي سوي شي ،،

احس انه جسمي خرب ،، الايد اليمين اقوا من اليسارر ، احس ظهري استوي ظهر سلحفااة :yuck: .. يعني والله حالة ما تسر ،،

انا جااهز اشتري بروتينات لان الاكل هنيه حدث ولا حرج ،

فبالله كيف اقدر اعتمد على نفسي بنفسي و بدون حد من المدربين ولا النااس ..

ممكن تساعدني بحكم خبرتك ،

وسوري اذا طلعتك من الموضوع :smirk:

---

يا رجال عندي أنا سويت هالموضوع عشان أساعد مثلي ومثلك ، أنا نفس الحالة معك يوم خشيت النادي شفت المدرب ما عند أمه سالفة وقلت حرام ناس مبتدئين يجون يلعبون حديد ولا يدرون وش السالفة ، بعدين يضرون نفسهم ويريحون فيها ، أنا كاتب هالمواضيع عشان كلنا نستفيد ، كلنا إخوان ولا ;)

أوكي الحين ما ينفع تخش وتطلع من نادي لنادي وماخذ الدعوة مهزلة ، الحديد يبيله عزم :) ، دور لك نادي حلو أو ارجع للأحد الأندية الي رحتها واختار أحسن واحد منها ، بالنسبة للجدول والغذاء ما عليك من المدرب اذا هو مو معطيك وجه أنا هنا للمساعدة ;) .

اقرا مواضيعي السابقة وبالذات الموضوع
الجزء الخامس - انشئ جدول التمريني :
http://www.montada.com/showthread.php?t=514566
ومن هنا كون لك جدول وكون لك مدونة تكتب فيها الأوزان عشان تشوف التقدم الي حاصل ;) .
لا تنسى تكرز على البروتين ( أساس الحديد ) والكاربوهيدرات عشان تزود جسمك بطاقة ، وقلل من الدهون ولكن لا تمتنع عنها .
أهم شيء الحين اشترلك بروتين ( زي whey protein ) عشان تغذي عضلاتك بالبروتين. ولو تبي تستخدم كريتين استخدمه . بس أنا شخصيا أنصحك ما تستخدمه إلا بعد 3 أو 4 شهور من لعب الحديد.
واذا كنت شخص نحيف خذلك منتجات تزيد وزنك مثل smart gainer .

بالنسبة لعضلات البطن الجانبية المعروفة بالobliques .
أي عضلة في جسم الإنسان ، لو تمرنها بوزن يعني قاعد تكبر من حجمها ، أما لو قعدت تسوي تكرارات بدون وزن ، مثل التمرين المعروف " ضغط الصدر " أو بالإنجليزي " Push-ups " ، هذا التمرين يحسن شكل العضلة ويقوي تحملها بس ما يكبرها . نفس الشيء مع ال obliques ، لو مرنتها بوزن شكلها حيكبر ، أو لو تسوي تكرارات بدون وزن فإنه بتقويها وتحسن شكلها .

أرجو إن أكون أفتدك
واذا عندك أسألة زيادة لا تتردد في السؤال

جزاكــ الله خيـــــــر ياخوي ،

والله وفيت وما قصرت ،


انا وزني 62 تقريبا و طولي 175 تقريبا ،

ان شاء الله يكون اوكيه ،

و شسوي ياخوي فسالفة الذرااع ،

اليمين اقدر اشيل فيها وزن ، بس اليسار ضعيفة بالمرة ،

و صعب صعب عندي اتمرن فيها مثل اليمين .. ليش ..؟ و شو الحل ؟

--

جاري قراءة موضوع الجدول ،

تسلم حبيبي ،:biggthump

اممم أنا مره قريت ..

أنه الـ Six Packs تطلع بعد 6 أشهر من التمارين..

::

بإذن بالله هالمره تطلع لنا هالعضله ..
بارك الله جهودك الشيخ ..

وبانتظار بقية السلسله ..

::

أخي $*DeATh*$ :
المشكلة أحد الأمرين :
1) انك تجاهلت تمرين اليد اليسرى ، أو إنك مرنت اليد اليمنى تمرين زين وقللت في تمرين اليسرى أو شيء من هالقبيل
2) طبيعيا يدك اليمين أقوى من اليسار

عموما شيء غبي يكون شكل يدك اليمين كبير ويدك اليسار صغير ، عشان كذا أنا أقولك مرة اليد اليمنى بنفس الثقل الي أنا وصلته حاليا ، وزد في عدد التكرارات ( بس لا تزيد الوزن ) ، واليد اليسرى مرنها تمرين عادي وحاول تزيد الوزن كل مرة لين لما يصير مكافئ لليمنى :)

أخي almofker :
نعم معروفة هو بعد 6 شهور تقريبا تتطلع العضلات ( بس في الأصل هو يرجع لجينات الشخص )
أهم شيء نحرق الطبقة الدهنية

شكرا...والسلام

:D thanks man..
i am gonna come back later...cause i got quistions

تشكر على الموضوع أخ فاش ^^

بس كيف أقيس نسبة الدهون عندي؟

أخي cono :
i'm waitin fo ya dawg ;)

أخي vocial :
هناك عدة طرق تقيس فيها نسبة الدهون في جسمك
تقدر تروح عند طبيب عشان يعطيك يسويلك اختبار لقياس الدهون
أو تقدر تسوي احتساب تحت المويا وهو دقيق مرة ( بس غالي على ما أظن )
أنا عن نفسي ، أستخدم أداة بسيطة شريتها ب 12 دولار ( تقريبا 40 ريال ) .
مكتوب في الإرشادات إنها دقيقة :D
هذي صورة لها
http://images.netrition.com/images/a..._netrition.jpg

اخوي قلنا من وين شريتها او وكيلها بالسعوديه لاني تعبت وانا ادور ميزان لقياس الدهون مالقيت في الصيدليات ولا محلات الرشاقه , ومشكور على مواضيعك الحلوه بس بالنسبه لعضله البطن وعدد ايام تمرينها ماعندي خبره بس من قراتي في الكتب ان العضلات في الجسم تختلف عن بعضها بالتكيف مع التمارين بعضها يحتاج تكرارات اكثر من غيرها ويمكن البطن من ضمنها .

يالحبيب بالنسبة لأداة قياسة الدهون أنا شريتها من الموقع www.bodybuilding.com

وللبطن في كثير كلامك عنه ، أنا حطيت معلومات عامة عن البطن ، لو دخلنا في التفاصيل محا ننتهي

رجعتلك:D ...انا الصراحه امنيتي يطلعو السيكس باك.:أفكر: ......بس الصوره الي انت حاطتها اول الموضوع هذا كثير ياخوي:wow: تو ماتش يعني:28: ...تحس بطنه مقطع زياده عن اللزوم بطريقه مقرفه الصراحه ----) وصل لنص الي سواه بعدين تكلم :D ...الصراحه هذا رايي يعني لو التقسيم اخف من هيك بشوي كان حلو:33: ..حتى ال body builders الي منفوخين على الاخير ويروحو مسابقات بناء الاجسام تحس جسمهم غلط...سبحان الله كل شي يزيد عن حده يكون غلط..احسن شي التوسط..زي جسم كريس بينوات المصارع ..بس حبيت اقول رايي...:D
هلا نروح للاسئله:D ...هل صحيح انو الركض يقسم البطن ويظهر السيكس باك??:33:
و ممكن تعطيني جدول خاص لتمارين الابس?? يعني ماهي التمارين الخاصه بالابس وكم مره نسويها??
يعطيك الف عافيه اخوي فاش :kiss:

اقتباس:

---

رجعتلك:D ...انا الصراحه امنيتي يطلعو السيكس باك.:أفكر: ......بس الصوره الي انت حاطتها اول الموضوع هذا كثير ياخوي:wow: تو ماتش يعني:28: ...تحس بطنه مقطع زياده عن اللزوم بطريقه مقرفه الصراحه ----) وصل لنص الي سواه بعدين تكلم :D ...الصراحه هذا رايي يعني لو التقسيم اخف من هيك بشوي كان حلو:33: ..حتى ال body builders الي منفوخين على الاخير ويروحو مسابقات بناء الاجسام تحس جسمهم غلط...سبحان الله كل شي يزيد عن حده يكون غلط..احسن شي التوسط..زي جسم كريس بينوات المصارع ..بس حبيت اقول رايي...:D

---

معك حق ، أنا يوم شفت بطنه قلت لعبة :p ، أنا حطيت الصورة عشان التشجيع ;)

اقتباس:

---

...هل صحيح انو الركض يقسم البطن ويظهر السيكس باك??:33:

---

يالحبيب ، ودي أعرف من قالك هالمعلومة :wow: ، مافي شيء اسمه عضلة بطن أفقية وعضلة بطن سفلية ، كل عضلة وحدة ، بس التمارين الي تسويها ، يكون تركيز قوي في الجزء السفلي أو العلوي
أكيد الركض يساعد في ظهور السكس باك ، ما عشانه يدرب عضلات البطن ، عشانه يحرق الدهون ، الركض ماله دخل أبد في تعديل وتقوية عضلة البطن نفسها ، بس الركض مهم عشان تشيل الطبقة الدهنية وتبين السكس باك .

اقتباس:

---

و ممكن تعطيني جدول خاص لتمارين الابس?? يعني ماهي التمارين الخاصه بالابس وكم مره نسويها??

---

يالحبيب أنا ناوي أكتب موضوع ( يمكن يكون الجزء التاسع أو العاشر ) عن التمارين لكل العضلات ، الحين بس بعطيك أسماء التمارين ، واسئل المدرب في ناديك ، ولو تبيها بشرح مفصل أنا ارجعلي

عندك هالتمارين الحلوة الي انا أسويها كل يوم :
- crunch
- sit ups
- 6 inches
- bycle
- super man
- right side / left side
- jack knife
- scissors
- eblows and tows

سلام

اقتباس:

---

المشاركة الأصلية كتبت بواسطة VaSh ThE sTaMpEdE

يالحبيب ، ودي أعرف من قالك هالمعلومة :wow: ، مافي شيء اسمه عضلة بطن أفقية وعضلة بطن سفلية ، كل عضلة وحدة ، بس التمارين الي تسويها ، يكون تركيز قوي في الجزء السفلي أو العلوي
أكيد الركض يساعد في ظهور السكس باك ، ما عشانه يدرب عضلات البطن ، عشانه يحرق الدهون ، الركض ماله دخل أبد في تعديل وتقوية عضلة البطن نفسها ، بس الركض مهم عشان تشيل الطبقة الدهنية وتبين السكس باك .

---

انا لما قلت تقسيم البطن ما كنت قاصد انه في قسم علوي او سفلي انا قصدي انه يخلي العضله تبان وتتقسم ويصير شكلها حلو...ومشكور على ردك

أوه ... معليه :o فهمت غلط :o

السلام عليكم

اخوي VaSh انا ما لي في الحديد لكن عندي خلل في هالعضلة وهو ان العضلات فيها مو متساوية مثل الي في الصورة..هذا شي طبيعي..؟

يالحبيب اذا شكلها زي الي في الصورة يعني السكس باك حقتك أوكي :biggthump

اقتباس:

---

المشاركة الأصلية كتبت بواسطة VaSh ThE sTaMpEdE

يالحبيب اذا شكلها زي الي في الصورة يعني السكس باك حقتك أوكي :biggthump

---

ياريت مثل الي في الصورة...
انا اقصد ان العضلات مش في مستوى واحد يعني عضلة اعلى من الي جنبها...>_<

يالحبيب ، صراحة أنا فهمت كلامك :) ، ولكن اذا كنت تحس مظهر بطنك غير مستوى ، سو تمرينات تركيزها على المنطقة الي تبيها

اقتباس:

---

المشاركة الأصلية كتبت بواسطة VaSh ThE sTaMpEdE

يالحبيب ، صراحة أنا فهمت كلامك :) ، ولكن اذا كنت تحس مظهر بطنك غير مستوى ، سو تمرينات تركيزها على المنطقة الي تبيها

---

انا عندي مشكلة في التقسيم..يعني العضلة فيها 6 اقسام(عضلتين في اعلى وعضلتين في الوسط وعضلتين تحت) المفروض كل عضلتين في نفس المستوى (مثل الصورة) لكن عندي العضلات اليمين اعلى من العضلات اليسار..

هممم .. غريب والله
ترا الصورة هذي حقت واحد محترف يعني هذا النوع من السكس باك صعب تجيبه
الناس يسعون لإظهار عضلات البطن ولكن القليل يصل لمستوى الصورة

بصراحة والله مدري وش أقول ؟ شيء غريب إنه العضلات اليمين أعلى من اليسار . كل جسم يختلف عن الجسم الثاني . فيالحبيب مدري وش أقولك بصراحة
بس قلي وش التمرينات الي تسويها للبطن ؟

اقتباس:

---

المشاركة الأصلية كتبت بواسطة VaSh ThE sTaMpEdE

هممم .. غريب والله
ترا الصورة هذي حقت واحد محترف يعني هذا النوع من السكس باك صعب تجيبه
الناس يسعون لإظهار عضلات البطن ولكن القليل يصل لمستوى الصورة

بصراحة والله مدري وش أقول ؟ شيء غريب إنه العضلات اليمين أعلى من اليسار . كل جسم يختلف عن الجسم الثاني . فيالحبيب مدري وش أقولك بصراحة
بس قلي وش التمرينات الي تسويها للبطن ؟

---

التمرين المعروف..اخلي ايديني ورا راسي وارفع الجزء العلوي من الجسم....

و في بعض مال كمال الأجسام فيهم نفس الحالة شوف الصورة..

أوه قصدك تمرين ال sit-ups أو ال crunches

عموما أنا بس أقدر أقولك شيء واحد ، هذي بنية جسمك ;)

شكرا جزيلا اخي العزيز على المعلومات الرائعه
بس انا عندي استفسار ما هو افضل تمرين لحرق دهون المعده يعني انا مو مكرش لول بس بس شوي مكرش يعني في طبقه شحميه على عضلات المعده احس عضلاتي مشدوه بس في طبقه شحوم و نفس الكلام بالنسبه لـ العضلات الجانبيه كيف احرض الدهون بدون ما امرنها بأوزان لأن مثل ما قلت اذا مرنتها باوزان راح تعرض فماهو افضل تمرين للعضله الجانبيه
ادري اني ازعجتك بكثر اسالتي بس المعذره ما عندي مدرب خخخخ
شكرا

هلا أخوي
لحرق الدهون بشكل عام من الجسم لازم تسوي لياقة مثل الجري ، السباحة ، كورة ، إلخ ..
لو تبي تمرن العضلات الجانبية مرنها على هذا التمرين بوزن 10 أو 15
http://www.exrx.net/AnimatedEx/Obliques/DBSideBend.gif
وعندك كمان
http://www.exrx.net/AnimatedEx/Plyom...stickTwist.gif

شكرا جزيلا اخي العزيز و راح اكون دائما متابع لمواضيعك الرائعه

لا شكر على واجب يالحبيب وأهم شيء إنك تستفيد

:D طيب ما قلت لنا كيف نحرق الشحوووم خخخ
ياخي الصووووووره خطييره << سوا لها حفظ :09: (ماشاء الله هع هع)
ايه اقولك انا عندي عضلات البطن حلوه اذا شديت وضحت السكس باك :D بس مغطيتها كتل من الشحوم خخ انا وزني حدود 71 وطولي 168 تقريبا .. بس المشكله زي ماقلت لك الكرش
اممم .. نرجع للسؤال كيف نحرقها (على فكره انا استعمل بروتين فا لازم ما احرق كثير .. بلشه انا عارف) معليش عالإطاله :jap001: اخوي

هههه هلا والله AhMaD 1990 :)
ياخي عشان تحرق الشحوم لازم تسوي لياقة ، زي الجري ، ولا تنسى تعرق :D

شكرا....والسلام :biggthump

جزاك الله خير الجزاء على الموضوع أخوي لكن أنا عندي سؤال:

شنو التمرينات الي ممكن نسويها علشان نخلي عضلة البطن تصير أكبر بدون ما تأثر على أي جزئ ثاني من الجسم؟؟؟

ياليت تشرح لي التمرينات الي تحتاج لشرح أخوي لأني مب خبرة في الإختصارات الراياضية :)

مع جزيل الشكر و التقدير لك على المجهود الطيب

السلام عليكم :)
بالنسبة لتمرينات البطن زور هذي الصفحة
http://www.sixpacknow.com/preview3.html

في أمان الله ;)

اخوي فاش انا اقتنعت انه التمارين وحدها لاتكفي عشان الابس....لازم فيه حرق للدهون ونظام غذائي صحيح..صح?
كيف ممكن احرق الدهون في البطن...وايش الاكل الي لازم ابتعد عنه والي لازم اكله?

صور كيف امرن عضلات البطن مو ظاهرة عندي يمكن تبعثهال على hamzaami@hotmail.fr

السلام عليكم اخوي اخوي انا عمري 15 واباك تقولي كم مره اشيل الحديد انا عندي 6كياو جرام واشيل 70 باليمين واليسار 70 وماني فاهم التكريرات يعني كيف

تسلم يا أمير...



مواضيعك هذي تُنتظر.......lol

ما شاء الله علي عضلات بطنك مره حلوة

VaSh ThE sTaMpEdE

,

آولاً كيف حآلك آخوي ؟

وثآني شي آنآ آستخدم هآلتمرين لعضلآت البطن ..

http://www.youtube.com/watch?v=E1sS8Z0Ax8I

آبي آعرف كم مره في الاسبوع آسوي هالتمرين ؟؟

تقبل تحيتي

thank you

Crazy Abs

سر ظهور ال Six Pack

مرات تروح النادي ، تشوف ناس يسوون مئات التكرارات من تمرين الCrunch عشانهم يحسبون كذا حتبرز عضلات بطنهم ، وطبعا هم غلطانين. السر في ظهور ال Six Pack هو حرق الطبقة الدهنية فوق عضلات البطن . لو سويت آلاف التمرينات للبطن محا تظهر العضلات إلا بعد ما تحرق الطبقة الدهنية الي فوقها ، يعني ايه بتكون عندك عضلات بطن قوية وبتكون موجودة بس مختفية تحت الطبقة الدهنية. وتقريبا ترا كل الناس عندك six pack من البداية ، ما قد سمعتوا " ياخي فلان ما شاء الله عند six pack من أول ما انولدت " . هي مو قصة إنها طبيعية بس عشانه الرجال نحيف فتبان العظام في بطنة ( والي شكلها عضلات ). بالنسبة للي زي ( جسم وسط ) وللي وزنه ثقيل لازم نشد حيلنا ونحرق الدهون في جسمنا عشان تبان عضلات البطن .

الدهن يبني فوق العضلة

في أحد مواضيعي السابقة أنا قلت " اذا تبي عضلات تبان احرق الدهون " ( أو شيء زي كذا :09: ) . والسبب في ذلك هو أن الدهون تبني فوق العضلة. هناك شيء معروف اسمه نسبة الدهون في الجسم أو بالإنجليزي BodyFat Percentage والي نرمز له BF% . في ناس يقولون عشان تطلع عضلات البطن ، لازم يكون ال BF% عندك أقل من 8% :wow: . ( أنا آخر مرة قسته كان 20% ، عندي كرشة صغيرة :D ) .

السلام عليكم اخى vash
اولا انا بقالى شهرين بلعب فى الجيم وماشى على جدول
صدر
ظهر
كتف
ذراع
الصراحة انا مش بلعب رجول ولا بطن وانا نفسى يبقى عندى six pack
انا طولى 172 ووزنى 76
يا ريت تقولى نظام يخلينى اخس 10 او 12 كيلو فى الشهر
ثانيا فى اد اية ممكن تطلع العضلات دى
اسف جدا على الاطالة

اخوي VaSh ThE sTaMpEdE
ممكن لو سمحت تقولي كيف احرق الطبقة الدهنية اللي فوق البطن

السلام عليكم صراحة اخي والله لو اشكرك الف مرة مراح اوفيكانا شاب عراقي عمري 17 سنة وانا اعيش في امريكا في ولاية iowa وانا انشاء الله راح امشي على كلامك وشكرا جزيلا لك

السلام عليكم صراحة اخي والله لو اشكرك الف مرة مراح اوفيك انا شاب عراقي عمري 17 سنة وانا اعيش في امريكا في ولاية i:biggthumpowa وانا انشاء الله راح امشي على كلامك وشكرا جزيلا لك