أخيرا.....وداعا Wow

السلام عليكم
يا أخوان قررت و بعد فترة من اللعب اني أترك هذي اللعبة للأبد - لا ما راح أرجع بعد يومين لا تخافون-

ليش كتبت الموضوع، عشان أشارككم برأيي عن اللعبة بعد هالفترة الطويلة. اولا اريد أقول انه اللعبة رائعة و ضخمة و ما تخلص، و هنا تكمن المشكلة. فكرت كثيرا و قلت طيب و صلت لفل 70 و بعدين،،،، ممممممم نلعب pvp و نجمع أسلحة و ما الى هنالك...........لا لا الشركة يمكن ترفع اللفل الى 80 بعد فترة.........ممممممم نطور الى 80 و بعدين نلعب............و هكذا دواليك


اللي استخلصته انه واو لعبة تكافىء الواحد على كمية الوقت اللي يصرفه فيها مش على المهارة و الكفاءة. مثلا، التطور من لفل 60 الى 70 يستهلك وقت هائل جدا -حتى لو خلصته في وقت قصير معناتها انك انت تلعب طول اليوم- و كل شيء لو تلاحظون مصمم بحيث انه يستهلك الوقت و بس. مثلا الhonor points تجميعهن مسألة وقت، حتى لو ما تفهم شي في الpvp و عندك و قت تقدر تجمعهن أسرع من واحد يلعب ساعتين في اليوم حتى لو كان أحسن منك ألف مرة في الpvp ......


نقطة ثانية، و بصراحة و بدون زعل، معظم الناس اللي يلعبو هذي اللعبة -و ليس الكل- ناس فيهم وقاحة و عدم احترام للآخرين بشكل غريب. لا تفهموني غلط، مثلا روح أقرا منتدى أي لعبة ثانية و شوف الفرق في الردود بين لاعبين واو و لاعبين الألعاب الثانية..........داخل اللعبة كل شوي يطلعلك واحد يا noob يا غبي يا ما اعرف كيف............حقيقة الأمر قابلت ناس من أروع ما يكون و في شخص تعرفت عليه في اللعبة فعلا فعلا أكثر من رائع لكن الخير يخص و الشر يعم، بس أكيد كل واحد فيكم تعرض لموقف من قبل . المصيبة انك تعرف تلعب أكثر منه و بعده يقولك يا نووب يا غبي.

ما أدري هل السبب انه يقضون وقت طويل قدام اللعبة و لا لأسباب ثانية. الله أعلم


اللعبة تتركز على تجميع أحسن الأسلحة و أحسن الأرمور و ما الى هنالك......طيب يا ناس افرضو انه ما عندي وقت مثل هالناس اجلس ألعب 12 ساعة في اليوم. أدخل الـpvp القى الناس لابسة أشياء عجيبة و غريبة ما يمديني أضرب واحد الى و انا ميت بسبب اني ما عندي وقت أجمع أرمور و أسلحة - انا اصلا محصل وقت ألفل عشان أحصل وقت أجمع أرمور-

الذهب، و ما أدراك مالذهب........اللي يريد يجمعه معناتها يباله وقت طويل جدا جدا -grinding- أو انه يروح يشتري ذهب و يخلص نفسه..........تجميع الذهب طريقة ثانية لتضييع الوقت.....يعني بالذمة 5000gold عشان الماونت الepic الطائر و اللعبة ما مداها كملة أسبوع و لا كل واحد راكب على واحد و يدور فيه.

انا اشتريت الاكسبنشن و لعبة فيها شوي و شفت كم من الوقت تستهلك عشان تتطور و ما الى هنالك و قلت لا الى هنا وبس...بلغ السيل الزبى.......
المصيبة انه لما توصل للفل 70 شو تسوي..........ممم تجمع اسلحة.وبعدين......الخلاصة:تضييع وقت

الموضوع لمناقشة من يوافقني الرأي و من ما يوافقني بخصوص واو.

هذا قراري اللي كان لازم أتخذه من زمان. و انا مقتنع فيه
مع السلامة

و الله اخوي أوفقك الرأي في مسألة تضيع الوقت :/
بس الكل بيلعبها متعة .. و أكيد بيجي يوم بتترك اللعبة لأي سبب كان
و أكيد الشيخ بلزارد بيعد يطور في اللعبة و لا الناس بيملوا :/
و على الموضوع الـ 5k جولد
و الله انا دحين مني عارف كيف . بقعد فارم بس لمتى !؟
انا اشتريت الماونت العادي بي 900 و بقي لي 700 جولد
يعني أحتاج4500 جولد من جد BUG !
فارم لمتى ... ؟
انا معاك في هذه .. :/
و كل لعبة أخوي بتلاقي عالم واطية .. -_-"
مو في واو فقط .. و على حسب السيرفر .. يعني Zenedar
60% نوبز و GOLD BUYERS
:/
و سيرفرات أخرى عالم تفتح نفسك
دحين تشوف الـ 70 إيبكس و لا معاه جير متعوب عليه ..
تكلمه ما يكلمك !
لهذي الدرجة التكبر ..
:/
and more ...
any way .. it's your choice :)
cya

انا بصراحه داخل اللعبه عشان العب واستمتع واضيع وقتي
بدل ما اقعد احسب الوقت واقول كم ضيعت وكم سويت
وبعدين عن سالفة اللفل 70 وبعدين شو بتسوي
ترا هذي حلاوة اللعبه توصل للفل 70 وتبدا رايدات مع اعضاء الجيلد
وتروحون اماكن جديده + تطور الدرع والاسلحه الخ...

اما عن سالفة الذهب وكيف تجمع وتاخذ الماونت
بالنسبه لي هذي متعه بعد تقعد تجمع فلوس وتاخذ الغرض اللي نفسك فيه
ياما جربت سيرفرات خاصه لالعاب وحصلت كل شي جاهز بس ما استمتعت
مثل ما العبها في السيرفرات NA ويوم تاخذ كل شي بفلوسك اللي جمعتها


واذا انت مثل ماتقول ماعندك وقت للعبه مثل واو
انصحك تتركها وتلعب غيرها من الالعاب اللي تقدر تدخل الدنجن وتلعب Solo
توقف لاعبك متى مابغيت وترجع تكمل عقب

وفي الاخير D:

على قولة بلاك جاك
See you next month

There is only thing that might let you quit WoW for good, that thing is that you don't feel happy while palying the game and missing the fun of it, and sadly I am starting to have that lately :(

والله اذا بننظر للموضوع من هاذي الجهه ياخوي

كل شي تضيع وقت :) الي قاعد تكتبه الحين تضيع وقت ؟ وش بتستفيد منه !!

=) اللعب كله تضيع وقت كل شي مو مفيد بيصير تضيع وقت :)

يمكن انت او الأخرين عندهم وقت فاضي يضيعونه فيها :)

لكن حنا نتكلم عن الي ما عنده وقت ويلعبها !! هذا الي صح لازم يترك القيم لأن ما عنده روح المسؤولية !

اوافقك الرأي تماما اخوي حسان انا صراحة السبب الرأيسي لتركي للعبه هو نزول ال BC يعني ريداتي كلها راحت تراب الحين القير مايسوى ال green من لفل 70

وعجبني في الموضوع هذه العباره

اقتباس:

---

اللي استخلصته انه واو لعبة تكافىء الواحد على كمية الوقت اللي يصرفه فيها مش على المهارة و الكفاءة

---

ومبروك عليك الحريه والعوده اللي الحياه الاجتماعيه ^_^

اصلاً الألعاب من هذا النوع تتبع نفس الاسلوب،،

العب كاونتر سترايك احسن :D

مرحبتين شباب مشكورين على الردود الرائعة بصراحة

تضييع الوقت........انا ما قصدت تضييع الوقت بالمعنى الحرفي لانه كل الألعاب تمضية وقت مثل التلفزيون و الافلام و غيره...بس انه تركز وقتك و تضبطه على اللعبة فهذا شي بصراحة مش معقول.يعني انا العب BF2 في الاجازات او أي وقت يكون عندي في فراغ......لكن WoW لا...أقول احتاج كذا ساعة عشان اوصل اللفل الجاي.........يارت تكون وصلت الفكرة

XxX DiGiTaL XxX:::: اخوي انا نفسك بالضبط ركبت الاكسبنشن و شفت انه السالفة بصراحة زادت عن حدها. يعني لفل 60 الى 70 يباله هالوقت الطويل....افترض واحد توه شاري اللعبة كم يباله من 1-70.....يعني لو كان اللعبة ضلت على 60 و بس و زادو أشياء ثانية هنا وهناك قلنا ما عليه لكن بصراحة أكبر غلطة زيادة اللفل الى 70.....انا ظليت العب اسبوع يالله يالله وصلت أخر لفل 61 و حتى للحين بعدني 60 ما دخلت الـ61...:02::02:

دخلت اوريجمار و لا الشباب لفلاتهم 70 يعني لو داخل stormwind بتلقاها مليناة 70...على أساس انه اللاينس معظمهم من صغار السن.......في ناس ما اشترو الاكسبنشن و هذا في راي أحسن شي الواحد يسويه.


See you next month:::لا لا ......زلا نكست مونث و لا غيره خلاص بطلنا

Grandia::الله يبارك فيك -مبروك كاس الخليج علينا خخخخخ:D- فعلا يعني ان كان عندي ملابس stormshroud و هي تعتبر ولا شي و صار قلبي يعورني عليها و كم خنجر عليهم +15 اجيليتي و الله كنت ابكي يوم بدلتهم مع أول كوست سويته..........يعني ما بالك باللي راح ريدات -في حاتي ما رحت ريدات - يعني انا اكبر ريد رحته هو ZF خخخخخخخ أمزح.

اللعبة ممتعه يوم تكون جديد عليها، بس يوم تفقد المتعه فعلا شي صعب انك تكمل.


و بالمناسبة تراه بلزارد تشتغل على لعبة جديدة عن ستار كرافت..........الله يعينكم :wow::D

اللعبه الجديده راح تخلص 2018 خخخخخخخخخخخخخ

اقتباس:

---

المشاركة الأصلية كتبت بواسطة دكتور / مجنون

اللعبه الجديده راح تخلص 2018 خخخخخخخخخخخخخ

---

تمزح و لا
من وين جبت هالكلام ؟؟؟؟؟ :D

من Gamespot.com اذا ماخاب ظني

سؤال من القائل وما المناسبه

See you next month

القائل : بلاااكييي P:

المناسبه : عندما يريد احدهم ترك واو

So See you next month

انا اللي شايفه أغلب اللي يتركون واو ، بالظبط بعد كم أسبوع يرجع للعبة لا شعورياً .. الشعور بأنك مليت من اللعبة شعور مثل ما يقولون "لحظي :D" .. يعني بس وقتها تحس انك مليت من اللعبة و انها تضييع وقت.

لكن أنا اللي شايفه انك مصمم على ترك اللعبة و القرار يرجع لك طبعاً ، بالتوفيق عموماً.

و أنا فكرة اني أترك اللعبة مو داخلة مخي نهائياً ، يعني على الأقل بعد سنة .. يمكن أقكر أتركها :p

بالتوفيق حبيبي

بس صراحه انا اشوف كثرة المواضيع بهذا الخصوص اليومين هذي ... الي يقول واخير والي يقول اللعبه ماتسوى والي يقول مضيعة وقت .... بالذمه ياشباب لو ماهي مضيعه وقت ليش الواحد يشتريها ويلعبها اصلا ؟؟؟


يعني ابغى اعرف الي يلعبون حاليا مايبغون يضيعون وقت ؟؟ اذا كان مايبي يضيع وقت ليش يشتريها اصلا من البدايه :33:

على العموم ... Cya Next month :D

اقتباس:

---

Cya Next month

---

الظاهر انه في تحريف :D

اقتباس:

---

المشاركة الأصلية كتبت بواسطة BlackJack

بالتوفيق حبيبي

بس صراحه انا اشوف كثرة المواضيع بهذا الخصوص اليومين هذي ... الي يقول واخير والي يقول اللعبه ماتسوى والي يقول مضيعة وقت .... بالذمه ياشباب لو ماهي مضيعه وقت ليش الواحد يشتريها ويلعبها اصلا ؟؟؟


يعني ابغى اعرف الي يلعبون حاليا مايبغون يضيعون وقت ؟؟ اذا كان مايبي يضيع وقت ليش يشتريها اصلا من البدايه :33:

على العموم ... Cya Next month :D

---

تضيع وقت وانت مستمتع باللعبه اكيد شي طيب لاكن العب وانا ملان مايصير
والشباب اللى بيتركون اللعبه أظن مش عشان مسألة تضييع الوقت لاكن اظن انهم ملوا هب لانها تضييع وقت


انا مثلا تركت اللعبه والحينه شكلي بشوف لعبه اظيع فيها وقتي( أخرتها قن بند ) لول بس جاري البحث عن بوت
وبالنسبه للعبه وار كرافت على قولتك يابلاك جاك

والله طفش ياخي

وتحياتي لجمييييييييييييييييييييع أعضاء قلد ارورا

I am 70 already tho anyway :P

السلام عليكم

اولا يا اخى هذا قرارك لكن اكيد هناك المعارض و هناك المؤيد ...
بالنسبه لى بصراحه اعارض بعض النقاط اولا ليس كل من لبس الايبيك يكون لاعب سكيل و جيد فما اكثر الايبيكات مع لاعبين لا يفقهون شيئ فى اى شيئ ... هل سبق لك ان قتلت لاعب fullepic و انت جير متواضع ؟ اعتقد اكيد اذن هذا الفرق بين لاعب جيد و لاعب سيئ !! و هذا اكيد موجود فى كل العاب الاونلاين .

ثانيا : مسألة وقت اللعب كما قلت سابقا ممكن تجد لاعب 24 ساعه BG و يجمع كل الـ EPIC pvp لكن ليس skill لذلك ولا كأنه معه شيئ ;)

ثالثا الاكسبنشن من رأى افضل ما فى اللعبه فهو صدر لنوعين من الاعبين :
1 : الاعبين المحترفين و المدمنين فبعد انتهاء ناكس ماذا بعد لا شيئ فارم ثم ملل فى انتظار الانستانس الجديد :33: اذا بليزارد قدمت لهم تحدى جديد ليكملوا شغفهم بالعبه .

2: الاعبين العاديين الذين يلعبون اللعبه فقط للمتعه فبعد ان يصل لفل 60 و وقته او امكانياته لا تسمح بالذهاب الى الـ end game's قدمت لهم بليزارد فرصه جديده للتلفيل و المتعه مع الاف الكويستات و الكثير من الانستانز الـ 5 men فهل هذا خطأ ؟!

رابعا طول فترة التلفيل بصراحه لا ارى صعوبه فى التلفيل فهو سهل جدا و ممتع جدا جدا و انت قلت انك من اسبوع تحاول الوصول الى لفل 61 !!! اخى انا امس وصلت لفل 61 فى 7 ساعات فقط :o

خامسا الايبيك اصبح يساوى جرين لفل 70 !! هذا عادى و منطقى تخيل معى اللعبه كلها تاير 1 و 2 و 3 فقط ... soooooooooooo ؟؟؟؟ لازم تجديد فى اللعبه لعدم الملل و كلامكم يوحى لى ان اللعبه خلاص كلها green's فقط بعد لفل 70 !!! فى انستانز كتييييييير جدا جدا تنتظركم مع قطع ايبيك و بلو رهيبه .

خلاصة الكلام كل من يعتزل واو لاى من الاسباب السابقه بصراحه يحتاج يعيد نظر للموضوع مره اخرى اما من يعتزلها لاسباب اكثر اهميه مثل عدم توافر الوقت انا اؤيده 100%

اقتباس:

---

المشاركة الأصلية كتبت بواسطة دكتور / مجنون

اللعبه الجديده راح تخلص 2018 خخخخخخخخخخخخخ

---

هممممممممممم اكيد wow مستمره الى سنة 2018 ! اعتقد اللفل هيكون 1500 و الباتش رقم 2555.65998 .
cya in Not far Land :D

بالتوفيق :)

اللعبة لقضاء وقت الفراغ بالبيت و بس

و كل واحد طالع فيها (و أخيرا ) ( و بعد طول انتظار ) ( عدت للحياة )

انا ما العب الا كم ساعة بس باليوم

اقتباس:

---

المشاركة الأصلية كتبت بواسطة بو محمد الحربي

اللعبة لقضاء وقت الفراغ بالبيت و بس

و كل واحد طالع فيها (و أخيرا ) ( و بعد طول انتظار ) ( عدت للحياة )

انا ما العب الا كم ساعة بس باليوم

---

وقت الفراغ ابدا لايكفي ان كنت تريد التميز ;)

ما هو هذي مشكلة اللعبة إذا ما عندك وقت فراغ ما تقدر تلعب
يعني مثل وضعي اللحين تركت اللعبة اسبوعين عشان الإختبارات ارجع على طول اشوف نفسي كيك برا الجيلد
اللعبة ممتازه في بداية اللعب(عشانك ما تحتاج احد) بس بعد كذا لازم تكون تلعب 5 ساعات في اليوم عشان تقدر تحافظ على مكانك في الجيلد وتقدر تروح الرايدات

انا مشكلتي بعد انه ماعندي وقت للعب يعني ممكن العب سبوع متواصل بس تحصل ظروف وانقطع عن اللعبه اسبوع او اسبوعين ومافي جيلد يقبل احد زيي للأسف