السلام عليكم ورحمة الله وبركاته ^_^ ..
هاااااااي يا أحلى عضوات في منتدى المرأة ... دي أول مشاركة ليا هنا معاكم ..
وأتمنى تعجبكم :jap004: ...
كل وحدة تقدر تحط بصمتها المميزة في بيتها بقطعة فنية من عمل ايديها ...
وأنا بصراحة مش شاطرة أوييي في الأشغال اليدوية الفنية ..
بس بحب من زمان أعمل أعمال فنية متواضعة ....
وبصراحة فكرت أعرضهالكم هنا وتقولولي رأيكم فيها ..
أول أعمالي هي لوحة من الأبليكات عبارة عن قصاصات من أقمشة
( جينز / خيش - بتاع الرز - / جوخ / قطن أو كتان ) ودبابيس واكسسوارات وخرز و أسلاك وأي حاجة ممكن يتزين بيها العمل .. وتتخيط فوق بعضها بغرز الخياطة المعروفة زي غرزة ( الفستون ) وتتزين وتتنسق ... وبس .. ^_^ ..
العمل الثاني ...
عبارة عن مروحة للزينة بتتعلق على الحيطة معمولة بخشب مرصوص جنب بعضه وبعدين ركبت عليه قطعة الخيش ( برضه من كيس الرز ) اللي مشغول عليها تطريز طاووس بخيوط الكوتون بارليه العادية .. وأخدت يد كيس الرز وعملت بيها تحديد للطرف السفلي للمروحة وكمان شريطة مع الخيوط الملونة معلقة بأسفل المروحة ..
العمل الثالث ...
عبارة عن صندوق نحط فيه المناديل ..
عملته بفلينه قصيتها وعملتها على شكل متوازي مستطيلات بمقاس ملائم لعلبة المناديل
وزينتها بغرى مسدس ( اللي هو لصق أو صمغ أو glue بس على شكل أصابع ندخلها في مسدس يسيحها ) وصوابع الغرى دي تكون ملونة ..
حطيت الغرى ده وهو سائل ولسا سخن على الفلينة وبعدين رشيت فوقها مجموعة من الخيوط الملونة المقصوصة قطع صغيرة .. وبس حطيت لون جنب لون من الغرى والخيوط .. وهكذا لحد ما خلصت العلبة كلها ^^ ..
بس sorry يمكن تكون الصورة مش واضحة أوييي :أفكر: ...
العمل اللي بعده ..
عبارة عن أباجورة معمولة من الأصداف - القواقع - المرصوصة جنب بعضها وفوق بعضها وملصوقة في بعضها بالغرى ...
بعضها بلونه الطبيعي وشوية لونتهم بس علشان ادخل عنصر الألوان .. وعملتلها اكسسوار بخيط ربطت فيه نجوم ذهبية معمولة بالورق المقوى المتلون بالذهبي وعليه صمغ
وحطيت فوق الأباجورة سلك مواعين زي الشبكة علشان يعمل منظر ..
وبعدين ركبتلها اللمبة والأسلاك ... وبقيت جاهزة :D ..
اللي بعده ...
مجموعة من البيض الملون ..
لونته بمانيكير ملون ..
( ومش لازم يكون المانيكير نوعية هاي كوالتي خليه أي كلام >>> بلاش تبذير :28:
روحي جيبي من عند أبو ريالين :09: )
وكمان بألوان metal أو زجاج glass ..
لونته ورسمت عليه وبعدين جبتله استانده أحطه عليها والاستانده دي ممكن تكون شمعدان أو أي حاجة مناسبة وتحطيه عليها وممكن تحطيه في المكتبة أو تزيني بيه أي مكان في البيت ^^ ..
اللي بعده ..
سلاسل اكسسوار الأولى معمولة بالطين ( الطين اللي بيتباع في المكتبة ) عملت شكل القلب بالطين ولونته وبعدين قبل ما ينشف زينته بخرز
لونه تركواز وكتبت عليه اسمي بالخرز :jap017: ...
والثانية معمولة بالخرز والدبابيس - دبابيس مشبك - تفتحي رأس الدبوس وتعبي السلك بتاعه خرز وبعدين تقفليه .. وتعملي مجموعة من الدبابيس العدد اللي انت عايزاه .. وبعدين تعملي بالخيط سلسلة خرز عادية وتدخلي الدبابيس في السلسلة اللي انت عملتيها من فتحة الدبوس المدورة مش رأس الدبوس وترصيها جنب بعض
وتطلعلك سلسلة حلوة ^_^ ..
واللي جنبها سلسلة عادية بالخرز بس أإخترت لونين وعملت بيهم سلاسل وبعدين لفيتهم على بعض وطلعوا كده ..
ال Next :D ..
دي عروسة بالزي الشعبي أو التراثي العربي القديم عملتها بالقماش ( جوخ ) وحشيتها قطن وعملت شعرها بالصوف وصممتلها لبسها وخيطته من عباية قديمة وقماش شيفون على أورجانزا أبيض وقطع قماشية من كم جلابية قديمة كانت عند ماما .. وخلاص العروسة الشعبية جاهزة ...
وسيبكم من الورقة المتعلقة جنبها دي كان عليها اسمي علشان كنت ح أسلمها لمدرسة الفنية :09: ..
والعمل الأخير ...
بصراحة مش عارفة هو إيه بالظبط :blackeye: حتى الخط اللي أنا كاتبة بيه يقرف :09:
بس كان مجسم عملته بالطين زمان للمدرسة وكان متعب شوية وصعب فقلت أعرضهلكم ..
وبس كده خلصت الكوليكشن ^^ ..
ياريت تشوفوها وتقولولي رأيكم فيها بصرااااحة :jap004: ..
ييلا باااااااااي مستنية أرائكم ...
