موضوع البطولات بالدوري الياباني الامريكي

عندي فكره حلوه ومشوقه وهي:
بهذا الموضوع نسوي بطولات سواه مطوله او قصيره ونظامين نظام النقاط ونظام خروج المغلوب

اعطيكم مثال:
بطولة الدوري نظام النقاط دوري مطول والمطلوب 20 فريق اذا سجل 20 واحد يدشون هالبطوله والتنافس يكون بينهم بالنقاط وواحد منهم يكون هو المسؤول بالبطوله هذه هو اللي يسجل النتايج وهو اللي يحط النقاط يعني الدوري مثلا 38جوله مثلا كل اسبوع يلعبون جولتين او ثلاث ;) واذا كمل عشرين واحد وجاء واحد ثاني بيسجل ينطر 19 يكتملون هذا بالنسبه للدوري المطول:biggthump

والدوري النقاط اللي بسرعه يخلص4 يسجلون وكل واحد يباري الثاني ذهاب واياب يعني كل 4 يدشون بطوله نقاط وتخلص بنفس اليوم:)

بطولات الكاس

كاس العالم32فريق كل 4 يدشون بمجموعه من 8 مجموعات وتعرفون نظام كاس العالم :kiss:

دوري ابطال اوروبا طبعا تعرفون قانونه ومايحتاج احط التفاصيل:)


وترى كل شي يصير بالقرعه :biggthump

انطر رايكم وترى انا ماعندي الامريكي لانه جهازي اوروبي بس قريبا باخذ واحد بس عشان ادش وياكم ببطولات:biggthump اعتبروني حاليا الراعي الرسمي للبطولات:D

ما شاء الله خبير في الكوره ...
انا معاك في الفكره و انا شريت اللعبه ...
و لكن نحتاج دعم المراقب ...

اي والله نحتاج لدعم المراقب لنجاح البطولات ولنجاح المنتدى اللي اشوفه افضل منتدى لالعاب الفيديو قيمز;)

انا معـــــــــاكم

خطوة ممتازة
وانا ان شاء الله معاكم

معاكم يالربع

معاكم انشاء الله ..

فكره ممتازه جدا

كنت افكر اكتب موضوع بنفس المضمون و انته سبقتني يا اخويه

بالفعل شي جميل
نسوي دوري مطول و كل اسبوع جولتين

و بطولة كأس شهريه

نبغي بس دعم من المراقب و انا مستعد انظم كل شي......و نحط قوانين للمسابقه...و نبداها ببداية شهر 3 لكي يتسنى للجميع تعلم اللعب اكثر


أعتقد الكل يبا يشارك و فكره ممتازه....بس عندي ملاحظه انا من الإمارات و لما ألعب مع شباب السعوديه للأسف يكون لاق كثيير اما شباب الكويت و قطر بدون لاق ابدا(البحرين و عمان ما جربت)...

تمام مدام انه لكل مأيد الفكره عجل من الحين لحد بداية شهر 3 بنسوي بطوله وحده ونشوفها تنجح ولا لا

يالله كاس العالم اللعب بمنتخبات بس وعادي يصير ياخذون نفس الفريق المطلوب32 واحد

ننطر لما يكتملون 32 واحد واللي يبي يشارك
1-يحط النك ماله
2-يحط منتخبه
وينطر القرعه ونقوله باي مجموعه ويضيف الثلاثه اللي وياه بمجموعته;)

سجلوني عندكم
اباخذ منتخب قاهر القارات (( انـجـلـتـرا )) ^_^

8
8
اول مسجل وباقي 31 ;)

سجلني بمنتخب فرنسا:)

فكرة جميلة جداً اخوي ..

انا مؤيد و سجلني بإيطاليا :>

سجلتكم وباقي 29
واللي موحاط النك نيم بتوقيعه يحطه بالرد;)

بس غريبه امبرور الامارات انا خابرك تاخذ البرازيل:33: وماقلتلي اللعب يفرق عن الاوروبي ولا نفسه؟

سجلني انا بالبرازيل ...

8
8
صار وباقي28 ياترى من سوف ياخذ كاس العالم:D انا انجليزي بحت تكفون ياللي تاخذون منتخب انجلترا مااوصيكم عليها مابيها تطلع من الانجليز:biggthump

اقتباس:

---

المشاركة الأصلية كتبت بواسطة البيكهام هام

8
8
صار وباقي28 ياترى من سوف ياخذ كاس العالم:D انا انجليزي بحت تكفون ياللي تاخذون منتخب انجلترا مااوصيكم عليها مابيها تطلع من الانجليز:biggthump

---

اللحين نحتاج دعم المراقب قبل ما تضيع المسأله ...
لازم المراقب يكتب في اول صفحه كل عضو بجنبه الفريق و لا انت شو رايك يابيكهام ...
ما قلتلي شو الجيمر تراج مالك ...

والله اللي تشوفونه بس كل اللي ودي نجاح البطولات وخصوصا اول بطوله لانه كل بطوله تجر وراها بطوله;)
وهذا الجيمر تراج مالي cyclonicali:)

اقتباس:

---

المشاركة الأصلية كتبت بواسطة البيكهام هام

والله اللي تشوفونه بس كل اللي ودي نجاح البطولات وخصوصا اول بطوله لانه كل بطوله تجر وراها بطوله;)
وهذا الجيمر تاج مالي cyclonicali:)

---

انت من السعوديه ...؟؟؟؟

لا الكويت بس ترى الدوري الياباني مالي اوروبي ومايصير ادش معاكم البطوله:31:

اقتباس:

---

المشاركة الأصلية كتبت بواسطة البيكهام هام

سجلتكم وباقي 29
بس غريبه امبرور الامارات انا خابرك تاخذ البرازيل:33: وماقلتلي اللعب يفرق عن الاوروبي ولا نفسه؟

---

انا انوع ما عندي منتخب معين...بس اشجع الأزوري :biggthump إيطالي


و اللعب هو نفسه تقريبا للنسخه الأوربيه...ماعدا انهم غيرو التسحيب الجانبي من RT إلي RB للأسف و صار الجري و التسحيب الجانبي بنفس الزر و ها الشي مربك بعض الشي

والله فكره حلوه اخوي
سجلني النك: henry770
المنتخب : الأرجنتين

me too plz
Italy
Kira84

8
8
اوكى سجلتكم وباقي 26

وترى اول مايكتمل العدد على طول بسوي قرعه واحطها اهنيه واقولكم منو يلعب مع منو اول شي:biggthump

Q8 7aNToSH



BRAZIL :)

8
هلا بالخبره سجلتك وباقي 25:)

يالله لازم تاخذون البرازيل
الله يستر

والله فكره رووووعه الصراحه .. :biggthump

اوكيه القيمر تاج مالي في توقيعي تحت..

وفريقي الوحيد الي ما استغنى عنه .. http://www.spiritproject.de/horoskop...e_portugal.jpg

وانا شاء تكون بطوله موفقه للجميع .. والله يسهلها و يتممها على خير:)

nick name: sadTEAR

team: HOOLAND

سجلتكم وباقي23;)

ولالحين من اللي سجلوا ماعندنا الا ممثل وحيد للانجليز:biggthump

بس شباب فى مشكله

انا من الإمارات و يوم العب مع اشخاص من السعوديه يكون اللاق غير طبيعي...ابدا مافى مجال للعب

اما اهل الكويت بدون لاق و أهل قطر لاق خفيف

يجب مراعاة ها الشي فى البطوله...مش معقول العب ولاق طول الوقت...انا اقول نسوي بطوله للسعوديين لوحدهم...و الإماراتيين و الكويتيين و القطريين بطوله وحدهم و هذا لتجنب اللاق.....اما البحرينيين و العمانيين ما عندي اي فكره عن اللاق معاهم...

النك نيم .. Intresta
المنتخب .. England

وتسلم يالغالي .. :)

امبرور الامارات خلاص بالبطوله ماراح نخلي الاماراتيين يبارون السعوديين بالمجموعات بس دور16 وفوق لاحول ولاقوه المهم هي بدايه بس واذا نجحت نضبط هالشغلات;)
اللي يسجل يقولنا من اي دوله عشان مانخلي الامارتيين يلعبون مع السعوديين بسبب اللاق;)
اووووووووه انجليزي ثاني اللهم زيد وبارك:biggthump باقي22 وماشاء الله خلال اقل من يوم صاروا 10:kiss: يالله سجلوا بسرعه كلي حماس لهالبطوله:32:

السلام عليكم اخواني .. تسلم اخوي البيكهام على هذه المبادره الطيبه .. وانا اسف لتأخري ..

عموما ماذا تريدون منا بالضبط نحن المراقبون في هذا المجال ..؟؟

شخصيا خبرتي في هذا المجال جدا محدود .. لذا ساحاول ما استطيع ..

يرجى ذكر مهماتي هنا ..

وشكرا ..

8
وعليكم السلام

والله اللي يشوفونه الاخوان بس كل اللي نبيه يكون كل شي مرتب يعني نكون الفيفا:D

ونسيت اسألك امبرور الامارات فيه اماراتي ثاني لعب مع سعودي وفيه لاق ولا بس معاك انت؟

وترى اللعب له شروط بعد القرعه راح اذكرها واهمها اول ماتبلش المباراه محد يكلم الثاني بالمايك لانه الكلام يشتت تركيز اللي يلعب;)

سجلوني شباب ..

منتخب إنجلترا ..

نكي .. allawi 75

بس انتوا على اي نسخه تلعبون الامريكيه ولا الاوروبيه

اقتباس:

---

المشاركة الأصلية كتبت بواسطة البيكهام هام

8
وعليكم السلام

والله اللي يشوفونه الاخوان بس كل اللي نبيه يكون كل شي مرتب يعني نكون الفيفا:D

ونسيت اسألك امبرور الامارات فيه اماراتي ثاني لعب مع سعودي وفيه لاق ولا بس معاك انت؟

وترى اللعب له شروط بعد القرعه راح اذكرها واهمها اول ماتبلش المباراه محد يكلم الثاني بالمايك لانه الكلام يشتت تركيز اللي يلعب;)

---

نعم اخويه فى صديق اي واجه نفس المشكله مع الإخوان السعوديين

و شرط المايك ممتاز :)

اقتباس:

---

المشاركة الأصلية كتبت بواسطة Gentleman

السلام عليكم اخواني .. تسلم اخوي البيكهام على هذه المبادره الطيبه .. وانا اسف لتأخري ..

عموما ماذا تريدون منا بالضبط نحن المراقبون في هذا المجال ..؟؟

شخصيا خبرتي في هذا المجال جدا محدود .. لذا ساحاول ما استطيع ..

يرجى ذكر مهماتي هنا ..

وشكرا ..

---

لو سمحت يا مراقبنا اذا تقدر تحط اسم كل عضو مشارك و القيمر تاج له و منتخبه فى بداية الموضوع و لك كل الشكر و التقدير :)

مثلا

1-(اسم العضو)...(الجيمر تاج)...(المنتخب)
2-
3-
إلى ان نصل ل 32 شخص

اقتباس:

---

المشاركة الأصلية كتبت بواسطة عليك نور

سجلوني شباب ..

منتخب إنجلترا ..

نكي .. allawi 75

بس انتوا على اي نسخه تلعبون الامريكيه ولا الاوروبيه

---

الأمريكيه

و ارجو من كل الشباب المشاركين ذكر بلادهم و سرعة اتصالهم

My gamertag: Kira84
Team: Italy
From: UAE Dubai
Connection: 512

بيكهام جمع الفرق والأعضاء والقيمر تاق ... وسيتم ترتيبهم بالموضوع..وتحريره ..

عليك نور سجلتك وباقي21 وياعيني على اللي اختاروا انجلترا ممثلينا ثلاث:kiss:

طيب .. ان شاء الله بعد ان يكتمل العدد سيكون هناك موضوع رسمي لهذه البطوله وسيوضع كل مشارك في الصفحه الاولى وامامه تفاصيل مشاركته في البطوله ..

وشكرا ..

أنا معاكم حطني بفريق انتر ميلان

اقتباس:

---

المشاركة الأصلية كتبت بواسطة metal head

أنا معاكم حطني بفريق انتر ميلان

---

اوكي بس لازم تختار منتخب
وانت من اي دوله؟
وجم سرعة اتصالك؟

واذا سويت اللي قلتلك عليه تكون مسجل والباقي20:grouphug: <<خطه بين الانجليز اذا بدت البطوله:biggthump

شوقتوني كنت ابي ادخل معاكم

بس ما اعرف كيف اضبط اعدادت الايف مع ان سرعتي 256

تسجيل ^

UAEsnake من الامارات واختار chelsea

8
مايصير نوادي منتخبات لازم هذا كاس عالم:)

اختار المنتخب وعطنا سرعة اتصالك

وياشباب تكفون اللي يبي يسجل اول شي يقرأ على اللي متفقين عليه مو يدش الموضوع باخر صفحه وعلى طول يسجل من غير مايقرا الصفحات اللي طافت:o

منتخبك وسرعة اتصالك وباقي19;)

خلاص حطني بالبرازيل وسرعة اتصالي 1mb او 512 مادري والله

توضيحاً لمعلوماتي ..

المنتخب: إيطاليا
الدولة : السعودية
الاتصال: 512

تراني من أول مختار و راد .. لا تنقص من العدد واحد :silly:


اخوكم / خالد

LOL , I Dont know how to play this game ..

اقتباس:

---

المشاركة الأصلية كتبت بواسطة Its Meee

توضيحاً لمعلوماتي ..

المنتخب: إيطاليا
الدولة : السعودية
الاتصال: 512

تراني من أول مختار و راد .. لا تنقص من العدد واحد :silly:


اخوكم / خالد

---

لاتخاف علي حافظكم عدل:09:

خلاص حطني ايطاليا
و أنا من السعودية جده
و سرعة الاتصال 256

وبس......

شباب ابي اكون وياك

انا من الامارات

سرعة الاتصال:1 قيقا

المنتخب:البرتغال

اخوكم ماجد

اذا كان فريق انا ارسنال

اقتباس:

---

المشاركة الأصلية كتبت بواسطة GHOST 360

سرعة الاتصال:1 قيقا

---

:bigeyes:
لووووووووووووووووووووووووووووووووووووووول
انت وين عايش ...
مايد ركز شوي

ماجد سجلناك وباقي 18
هذه بطولة كاس العالم ومايصير احد ياخذ نادي لكل بطوله لها شروطها وعلى يوم راح يكون فيه بطوله مفتوحه كل واحد ياخذ اللي بخاطره يعني عادي يلعب نادي مع منتخب;)

أنا بشارك ياجماعه


فريقي إيطاليا ...

نكي اهو q8 spy
من الكويت
وسرعة إتصالي 256

وناطركم :)

سجلناك وباقي17:)

فرنسا ( ريال مدريد )
512 ميغا
الغيمرتاغ faiso

8
سجلناك وتمام اكتمل نص العدد وباقي16;) وياليت لو تقولنا من اي دوله:)

اقدر اغير فريقي ؟

8
اي عادي مومشكله بس اذا بدت البطوله ماتقدر تغيره;)

موجوده الدوله في الموتو :)
QaTaR

Ok

My Team : France or Italy ( as u like ) and from

Kuwait

256

XMaster360

للتعديل انا من السعوديه...الاتصال 512

سلاااااااام

اتمنى اقدر اشارك لاني العب بنسخة 2006 ؟؟؟؟؟ نسخة 2007 ماراح تنزل في استراليا قبل ابريل
اذا اقدر العب سجلني Mido77
سرعتي 1,5 ميجا من استراليا

واذا ما اقدر كسبت معرفتكم شباب فريقي الاساسي تشيلسي وفي المنتخبات فرنسا

سلااااااااام

اوكي اسمحولي اغير فريقي من انجلترى الى البرازيل ..

اقتباس:

---

المشاركة الأصلية كتبت بواسطة X-Master

Ok

My Team : France or Italy ( as u like ) and from

Kuwait

256

XMaster360

---

اوكى سجلتك وباقي15:)

اقتباس:

---

المشاركة الأصلية كتبت بواسطة wazen

سلاااااااام

اتمنى اقدر اشارك لاني العب بنسخة 2006 ؟؟؟؟؟ نسخة 2007 ماراح تنزل في استراليا قبل ابريل
اذا اقدر العب سجلني Mido77
سرعتي 1,5 ميجا من استراليا

واذا ما اقدر كسبت معرفتكم شباب فريقي الاساسي تشيلسي وفي المنتخبات فرنسا

سلااااااااام

---

مااقدر اسجلك الا اذا باريت واحد عنده النسخه الامريكيه اذا باريته يصير اسجلك;)

وياشباب اللي بيصحح يسويه تعديل برده مويكتب رد جديد عشان الترتيب مايتلخبط:أفكر:

اقتباس:

---

المشاركة الأصلية كتبت بواسطة Intresta

اوكي اسمحولي اغير فريقي من انجلترى الى البرازيل ..

---

اوكى صار
ياشباب اذا بدت القرعه محد يقدر يغير منتخبه للتنبيه بس:kiss:

اقتباس:

---

المشاركة الأصلية كتبت بواسطة البيكهام هام

مااقدر اسجلك الا اذا باريت واحد عنده النسخه الامريكيه اذا باريته يصير اسجلك;)

وياشباب اللي بيصحح يسويه تعديل برده مويكتب رد جديد عشان الترتيب مايتلخبط:أفكر:

---

مشكوووور بيكام رجاءا وضح لاني متحمس اكون عضو في هذي البطووولة

8
انت جهازك امريكي؟عندك الدوري الياباني الاصدار الامريكي؟اذا عنك هذول بما انك باستراليا بخليك تباري احد من الخليج مباراه وديه نشوف فيه لاق ولا لا:)

x-master ياليت لو تحدد منتخبك مايصير نختار عنك:)

البيكهام هام

مشكور يا اخويه على مجهودك و اهتمامك بالبطوله مع إنك مب مشارك...جزاك الله خير

و أتمنى تاخذ الإصدار الأمريكي و تشارك معانا...راح تحلى البطوله بوجودك:)

8
تسلم يالغالي وهم انا اشكرك على مجهودك وحماسك للبطوله;) تذكر مباراتنا انا وياك لما انت البرازيل وانا فرنسا اللي انتهت5-5 احلى مباراه لعبتها بالدوري الياباني هذا لحد الحين هي هذه:kiss:

فريقي انجلترا

الجيمرتاج xx SULTAN xx

من السعوديه سرعه اتصالي 512

أول شي بسم الله الرحمن الرحيم

الشي الثاني مبروكين على اللعبة والايف اللي محلي اللعبة بس في نقطة تاكدت منها

انا من الامارات (طبعا الكاس اماراتي اماراتي ) ولعبت ويا اثنين من السعودية وتاكدت ان اذا واحد من الامارات والثاني من السعودية يكون في لاق
وعني بسجل الغيمر تاق وبرد بعدين

ودي اشارك وهذا الغيمر تاق Textuaryuae

والمنتخب امممممممم فرنسا طبعا

8
سجلتكم اثنينكم وباقي13:)

محطم القلوب ياليت لو تقولنا من اي دوله وسرعة اتصالك;)

شباب انا عندي استفسار:مشكلة اللاق لما الاماراتي يباري سعودي مالها حل؟خصوصاً انه قراب عند بعض غريبه والله الاجانب اللعب معاهم بدون لاق والسعوديين والامارتيين بينهم لاق:33:

سلااااااااام

بيكهام شكرا على ردك انا جهازي نسخة بال ماادري هو امريكي ولا يباني بس انا متأكد انه يشغل الالعاب النسخة البريطانية والاسترالية واذا تحب تلعب معاي مباراة ودية والله اتمنى والان استنى ردك عشان تفهمني كيف اقدر العب معاك Mido77
سلاااام

انا الله يطولي بعمرك من الامارات والسرعة عندي 2 جيجا
تكفي على ما اضن بس يوم العب مع اجانب مايكون في لاق بس ويا حد من السعودية لازم يكون لاق بس طبعا دوم انا الفايز وتحصلوني كل يوم في الايف من الساعة 10 لين 4 الصبح

اقتباس:

---

كل يوم في الايف من الساعة 10 لين 4 الصبح

---

ياخي ارحمنا ! ورانا جامعه وقومه م الصبح .... ما تتواجد في أوقات غير ؟
وممكن الغيمرتاغ .... ؟

اوكي سجلني بفرنسا

Its Just 4 Fun

اقتباس:

---

المشاركة الأصلية كتبت بواسطة محطم القلوب

ودي اشارك وهذا الغيمر تاق Textuaryuae

والمنتخب امممممممم فرنسا طبعا

---

اخوي ضيفني عندك....ابا العب معاك و اشوف المستوى بينا ;)

emperorUAE اخوك

اقتباس:

---

المشاركة الأصلية كتبت بواسطة الاول في الصف

:bigeyes:

لووووووووووووووووووووووووووووووووووووووول
انت وين عايش ...
مايد ركز شوي

---

بس بس لاتفضحنا كنت نايم لما كتبت لوووووووووووول:bigeyes: :bigeyes:
اسمحولي الربع ما اعرف شو يسمونها المهم اهي واحد ضعف الـ500

يابجاسم راعا مشاعري:02:

ياشباب متا البطوله

Textuaryuae
emperorUAE

plz add me
Kira84

سجل عندك اخوي علي :)



BieRHoFF Q8

STALLONE Q8

8
سجلتهم بس ياليت لو تكتب منتخباتهم وباقي11:)

عندي ملاحظه ياشباب:ترى موشرط اللي يعرف المنتدى يشارك اذا تعرفون احد مايدش المنتدى وعنده الدوري الياباني والدي اس ال قولوه ترى فيه دوره مسوينها موقع المنتدى وهم اكيد بيتحمسون ويقولون شركونا فاللي يعرف احد يقوله;)

ياشباب بالنسبه للامارتيين عشان مايلعبون مع السعوديين لقيتلهم حل ومايقدرون يواجهون بعض الا بالنهائي

انا القرعه اللي كنت بمشي عليها انه مثلا اول المجموعه الاولى يباري ثاني المجموعه الثانيه يعني نفس نظام كاس العالم بس مدام انه فيه لاق عجل اذا تأهلوا دورال16 اسوي قرعه من جديد بس اللي بنفس المجموعه مايبارون بعض بدور ال16;) وسويت هذا الشي تجنباً لمواجهة اي سعودي مع اماراتي:)

انا معاكم اسمي التاج مالي

mo ballam

والسلام ختام

اخوكم بلامكو

8
سجلتك بس ياليت لو تقولنا من اي دوله وسرعة اتصالك ومنتخبك;)وباقي10

في سؤال يراودني .....
الحين لما اثنين يتبارون .... كيف بتعرف النتيجه ؟
وسؤال ثاني .....
ممكن اثنين يلعبون بنفس المنتخب ؟

اقتباس:

---

المشاركة الأصلية كتبت بواسطة FAS

في سؤال يراودني .....

الحين لما اثنين يتبارون .... كيف بتعرف النتيجه ؟
وسؤال ثاني .....

ممكن اثنين يلعبون بنفس المنتخب ؟

---

هلا اخوي
لويصير بتستوي مصخره :yuck:

اقتباس:

---

المشاركة الأصلية كتبت بواسطة FAS

في سؤال يراودني .....

الحين لما اثنين يتبارون .... كيف بتعرف النتيجه ؟
وسؤال ثاني .....

ممكن اثنين يلعبون بنفس المنتخب ؟

---

هلا اخوي
السؤال الاول لما تخلص المباراه يكتبون النتيجه اهنيه

والثاني اي عادي مافيها شي عشان محد يحتج بعد المباراه كل واحد ياخذ المنتخب اللي يبيه;)

I am from saudi arabia
my teem is england
gamertag OLDHIC
thanks

8
سجلناك وياعيني على اللي اختاروا انجلترا:kiss: باقي9;)

نفس ماقلتلكم ياللي ماخذين انجلترا بيننا:grouphug:

اقتباس:

---

السؤال الاول لما تخلص المباراه يكتبون النتيجه اهنيه

---

اها يعني محد يقدر يشوف ! ....
هشكل تبقى مسألة ثقه ......

لا ان شاء الله الاعضاء يكونون على ثقه واعتقد الكل يتمنى نجاح البطوله هذا اهم شي:kiss:

اخوي يوم يصير يختارو نفس المنتخبات
عيل انا ما ابي البرتغال ابي فرنسا
لوسمحت

شباب الله لايهينكم في امكانيه يشارك اخوي في البطوله ...:smirk:

وهذا القيمر تاج حقه .. XMUBARKX

وطبعاً فريقه .. الفريق المحبوب عند اخونا البيكهام هام .. انجلترا

وتحياتي وبتوفيق للبطوله...

اقتباس:

---

المشاركة الأصلية كتبت بواسطة nashme

شباب الله لايهينكم في امكانيه يشارك اخوي في البطوله ...:smirk:

وهذا القيمر تاج حقه .. XMUBARKX

وطبعاً فريقه .. الفريق المحبوب عند اخونا البيكهام هام .. انجلترا

وتحياتي وبتوفيق للبطوله...

---

الأخ بيكهام بيوضح أكثر لكن شوف هذا الرد

اقتباس:

---

المشاركة الأصلية كتبت بواسطة FAS

اها يعني محد يقدر يشوف ! ....
هشكل تبقى مسألة ثقه ......

---

تقدر تصور النتيجه بالموبايل و تحط الصوره فى الموضوع ;)

اقتباس:

---

المشاركة الأصلية كتبت بواسطة nashme

شباب الله لايهينكم في امكانيه يشارك اخوي في البطوله ...:smirk:

وهذا القيمر تاج حقه .. XMUBARKX

وطبعاً فريقه .. الفريق المحبوب عند اخونا البيكهام هام .. انجلترا

وتحياتي وبتوفيق للبطوله...

---

سجلنا اخوك وباقي8:) وبلغ له تحياتي على اختياره انجلترا:biggthump

اقتباس:

---

المشاركة الأصلية كتبت بواسطة GHOST 360

اخوي يوم يصير يختارو نفس المنتخبات
عيل انا ما ابي البرتغال ابي فرنسا
لوسمحت

---

سجلتك بفرنسا
وعادي ترى اي واحد يقدر يغير منتخبه من اهنيه لحد القرعه اول ماتبدأ خلاص محد يقدر يغير منتخبه;)

ياشباب ترى بعطيهم فرصه من اهنيه ليوم الاحد اذا مااكتمل العدد بسوي القرعه واقسمها على حسب العدد لانه مر يوم كامل ومحد اشترك جهزوا نفسكم ليوم الاحد القرعه تبدأ وبنفس الوقت اعطيكم فرصه تدربون وترى اللعب يوم الاثنين بس القرعه الاحد;)

اقتباس:

---

وترى اللعب يوم الاثنين

---

لو يكون اللعب في الويكند أحسن , تدري ظروف الدراسه ....

افضل الويكند افضل ....
و الافضل الخميس ..

ياشباب
انا اقدر العب إلا في الويك اند

غوست ! ما فهمتك ؟
انت تقدر تلعب في الويكند ,؟ ولا ما تقدر ؟

اقتباس:

---

المشاركة الأصلية كتبت بواسطة FAS

غوست ! ما فهمتك ؟


انت تقدر تلعب في الويكند ,؟ ولا ما تقدر ؟

---

في الويك اند ياحبيبي
يوم الخميس والجمعه

الويك اند افضل

ياشباب اذا خلينا البطوله بس في الويكند جذيه ماراح نخلص

هي راح تبدأ يوم الاثنين وتخلص الاثنين اللي وراه بمعدل كل يوم مباراه وحده وهذا الشي اضن ماراح يأثر لو كل يوم مباراه هذا الكلام لو كمل العدد32 اما لو ماكمل اقسمكم ل6مجموعات وتخلص بخمس او ست ايام;)

ونفس ماقلتكلم موشرط انه اللي يكتب بالمنتدى يشارك اذا تعرفون احد قولولهم عشان يكتمل العدد ويكون هناك حماس اكثر;)

وراح احط القوانين يوم السبت اما القرعه يوم الاحد واللعب يوم الاثنين:biggthump

اقول انا ما اقدر العب لا يوم الخميس والجمعه

اذا كانت مبارتي نصف الاسبوع انا انسحب ...

البيكهام

ياخي مو لازم نخلص البطولة في اسبوع !
ياخي ظروف الدراسه والامتحانات ما تسعفنا ,
.....

خلاص خلاص على هواكم اخلي اللعب يوم الاربعاء والخميس والجمعه الاسبوع هذا واللي وراه يعني الايام العاديه مافيه لعب الا في الويك اند;) بس القرعه يوم الاحد:kiss:

بغيت اغير فريقي من البرازيل لانجلترا

اقتباس:

---

المشاركة الأصلية كتبت بواسطة البيكهام هام

خلاص خلاص على هواكم اخلي اللعب يوم الاربعاء والخميس والجمعه الاسبوع هذا واللي وراه يعني الايام العاديه مافيه لعب الا في الويك اند;) بس القرعه يوم الاحد:kiss:

---

اشكرك انا
والله انك كويس خلتها بالويك اند علشان نرتاح :kiss: :kiss:
بس اقول انتالازم تنزل جدول
المباريات بيكونن رانكد ولا عادي؟؟

اقتباس:

---

المباريات بيكونن رانكد ولا عادي؟؟

---

لو رانكد ما نقدر نواجه بعض !
يعني لازم تكون عادي ....

اقتباس:

---

المشاركة الأصلية كتبت بواسطة assassin

بغيت اغير فريقي من البرازيل لانجلترا

---

اوكى واتمنى تثبت عليه:)

اللعب بالعادي وكل واحد يدز دعوة مباراه للثاني ;)

وبعد شوي بحط القوانين قبل القرعه:biggthump

اقتباس:

---

المشاركة الأصلية كتبت بواسطة FAS

لو رانكد ما نقدر نواجه بعض !

يعني لازم تكون عادي ....

---

لا اخوي عادي
انا اعرف واحد من السعوديه لعبت وياه 5 مباريات رانكد:D

اقتباس:

---

انا اعرف واحد من السعوديه لعبت وياه 5 مباريات رانكد

---

ههههههههه ممكن , بس تصدف ....
الي اقصده انك ما تقدر تسويليه انفايت لو لعبت رانكد ....

اقتباس:

---

المشاركة الأصلية كتبت بواسطة FAS

ههههههههه ممكن , بس تصدف ....

الي اقصده انك ما تقدر تسويليه انفايت لو لعبت رانكد ....

---

لوووووووووووول
ياحبيبي انا فاهم عليك
عادي اهو يكون الهوست اول مايصيل الهوست يعطيك خبر وبعدين انتا تسوي سيرش
ويطلع لك :biggthump
ياحبيبي انا فاهم
ممكن الجيم تارج

faisoهاي الغيمر تاغ

هذه القوانين ارجو الكل الالتزام فيها لنجاح البطوله:biggthump

1-الوقت10دقايق والتبديل3 لاعبين
2-قبل ماتبدأ المباراه محد يكلم الثاني بالمايك يعني اللي يبي يتكلم قبل بداية المباراه وبنهاية المباراه
3-كل واحد مسؤول عن الدي اس ال ماله اذا فصل معاه يعتبر خساره
4-مايصير احد يغير منتخبه اذا بدت البطوله
5-كل ماتخلص المباراه تحطون نتيجتها اهنيه
6-مايصير احد يضيع الوقت لما يكون متقدم واللي يضيع يعتبر انسحاب

ولالحين ترى التسجيل مستمر راح يسكر باجر قبل القرعه بساعه وترقبوا القرعه باجر قبل صلاة العصر:kiss:

اقتباس:

---

2-قبل ماتبدأ المباراه محد يكلم الثاني بالمايك يعني اللي يبي يتكلم قبل بداية المباراه وبنهاية المباراه

---

ممكن تقول لي شو الفايده من القانون هاذا ...؟؟؟

اقتباس:

---

6-مايصير احد يضيع الوقت لما يكون متقدم واللي يضيع يعتبر انسحاب

---

انا لا اوافق على القانون هاذا ...

لانني ممكن اهدي المباراه فاعطي باصات لتهدئة الوضع ...

فهل يغتبر هاذا تضييع الوقت < ما اظن انما هاذا تكتيك ...

يالله انا متحمس حيييييل ابغي اعرف نتيجه القرعه ...

8
8
الاول انه اذا احد كلم الثاني بالمايك بوقت المباراه يشتت التركيز ومايخليك تركز عالمباراه عدل;)

والثاني انا قصدي اللي يلعب باصات عند مدافعينه

اما اللي يلعب باصات لتهدئة الوضع هذا شي عادي بس قاعد اكلمك اللي يضيع الوقت يلعب عند مدافعينه;)