DJ MAX Portable 2

http://image4.play-asia.com/350/4r/pa.85894.1.jpg

لعبة إيقاع أكثر من رائعة على الـ PSP
طريقة اللعب شبيه بلعبة Beatmania إذا تعرفوا عنها

الشركة الكورية المصممة للعبة هي Pentavision و الألعاب الي صممتها حتى الآن بالترتيب هي
DJMAX Online على الـ PC
DJMAX على الموبايل
DJMAX Portable على الـ PSP
و أخيراً DJMAX Portable 2

يذكر أن فريق المصمم للعبة عمل سابقاً مع شركة AmuseWorld و كانت بدايتهم مع لعبة EZ2DJ و حققت هذي اللعبة شهرة أكثر من Beatmania في كوريا بالتحديد

نرجع لموضوعنا الأصلي
تستطيع تلعب DJMAX بإستخدام أربع خيارات (او) طرق للعبها
تقدر تلعبها بإستخدام 4 أزرار، 6 أزرار أو 8 أزرار
و أضيف في الجزء الجديد 5 أزرار
و في كل خيار توجد مستويات صعوبة أكثر (Easy، Normal، Hard)


ندخل لعروض اللعبة

Trailer


قائمة بالـ Artiest و الموسيقى في اللعبة (أنصح تدخلوا موقع اللعبة لأن الموسيقى هناك أوضح)


عرض Gameplay
6 Buttons


لمزيد من العروض الأخرى للعبة تقدروا تحصلوها في Youtube (معظم العروض هناك هي لنسخة الـ PC أو الجزء الأول لها على الـ PSP)
الموقع الرسمي للعبة
http://www.pentavision.co.kr/

الجزء هذا راح يحتوي على 60 أغنية و أكثر من 150 في خيار OST
موعد صدورها إن شاء الله هو 30/3/2007



اللعبة هذي تعتبر أحد الأسباب الي ممكن تخليني آخذ PSP عشانها :أفكر:
إن شاء الله عجبكم الموضوع (مع أني أحس أنه محد مهتم فيها :blackeye: )

سلام

حلو كثير ! اللعبه لها جزء اول يعني ؟! نبحث عنه فانا افضل هذه الالعاب كثيرا ... حلو اني القى شخص في المنتدى يهتم بهذه النوعية من الالعاب ، ننتظر الانطباعات ^^

اها الجزء الثاني من اللعبة

الجزء الاول ما عليه اي كلام كان من اروع الالعاب اللي شريتهن للجهاز
احلى اغنية في اللعبة هي Oblivion الاغنية اللي فيها كمان صراحة رووووووعة ( واكثر اغنية تعبتني )

على العموم شوفوا عرض للعبة من معرض GDC 2007 على ما اظن مصمم اللعبة يالس يلعب صراحة شي فوق الخيال

بانتظار الجزء الثاني بفارق الصبر

اقتباس:

---

إن شاء الله عجبكم الموضوع (مع أني أحس أنه محد مهتم فيها :blackeye: )

---

غريبة مع انها من احلى الالعاب على PSP والوحيدة من نوعها على الجهاز

تعرف اخوي شو اللي مخلي اللعبة غير معروفه عندنا لانه المشكلة المحلات ما تطلب هالنوعية من الالعاب يقولون ما عليها طلب مع العلم انه معظم الشباب في الاركيد يلعبون ايزي 2 دي جي ولما تقولهم هذه اللعبة تشبه لعبة الاركيد يتحمسون للعبة وايد بس مثل ما قلت المحلات ما توفر هذه النوعية من الالعاب ( ذكرتني بلعبة الطبول من نامكو اللي محد يعرف عنها وايد وهي صرااحة في منتهى الروعة بس باسلوب شبه كرتوني )

تحياااااتي ..........

اقتباس:

---

حلو كثير ! اللعبه لها جزء اول يعني ؟! نبحث عنه فانا افضل هذه الالعاب كثيرا ... حلو اني القى شخص في المنتدى يهتم بهذه النوعية من الالعاب ، ننتظر الانطباعات ^^

---

شوف إنطباعات الأعضاء في Gamespot و GameFaqs عن الجزء الأول
http://www.gamefaqs.com/portable/psp/review/931859.html
http://www.gamespot.com/psp/puzzle/d...rt&om_clk=tabs
اللعبة ما تتفوت إذا تحب هالنوعية من الألعاب ;)

اقتباس:

---

غريبة مع انها من احلى الالعاب على PSP والوحيدة من نوعها على الجهاز

تعرف اخوي شو اللي مخلي اللعبة غير معروفه عندنا لانه المشكلة المحلات ما تطلب هالنوعية من الالعاب يقولون ما عليها طلب مع العلم انه معظم الشباب في الاركيد يلعبون ايزي 2 دي جي ولما تقولهم هذه اللعبة تشبه لعبة الاركيد يتحمسون للعبة وايد بس مثل ما قلت المحلات ما توفر هذه النوعية من الالعاب ( ذكرتني بلعبة الطبول من نامكو اللي محد يعرف عنها وايد وهي صرااحة في منتهى الروعة بس باسلوب شبه كرتوني )

---

صحيح
بس المشكلة بعد أن ما في ناس وايدة تسيير الآركيد هذي الأيام فمعظهم ما عرف هالنوع من الألعاب و ما عندهم فكرة عن طريقة لعبها
ذكرتني لما Guitar Hero حصلت على مراكز كثييرة "أفضل لعبة . . . etc" من المواقع و بعدها شوف ردة فعل أعضاء منتدانا
و السبب طبعاً أن معظهم ما جرب هالنوعية من الالعاب

اقتباس:

---

احلى اغنية في اللعبة هي Oblivion الاغنية اللي فيها كمان صراحة رووووووعة ( واكثر اغنية تعبتني )

---

هالموسيقى ما أدري كيف الملحن جابها صح، كل واحد أعرفه عجبته الموسيقى لما سمعها أول مرة :33:
الي قاهرني في الجزء الأول أن شيء أغنية حصرية للـ PSP أبي أجرب ألعبها "Hamsin"، لحنها غريب لما سمعتها أول مرة بس بعد ما سمعتها المرة ثانية أدمنت عليها :32:
و الي قاهرني أكثر أن نسخة الـ PC بدأت تموت، يمكن آخر Update صار كان قبل أربع أو خمس أشهر ">__< ، بس معذورين من بعد ما نزلت برامج emulaters و الي أعتقد أثرت على أرباح اللعبة عالـ PC
و الشركة بدأت تشتغل و تهتم أكثر بنسخة الـ PSP "خاصتاً مع الإضافات الكثييرة في الجزء الثاني"

يآآآآآخ حمستوني @@ اليوم رحت محل يركب العاب كوبي مالقيت الجزء الأول ><" ولاحتى اصلية مو موجودة " السبب زي ماذكر اخي الكريم "

والله يا اخوي croove مثل ما قلت في ناس ما يعرفون هذه النوعية
Guitar Hero صراحة رووعة وخصوصا لما تمسك الغيتار وتقعد تلعب ذكرتني بجيتكس كانوا عارضين اللعبة وحاطين الجيتار فمسكت الغيتار وقعدت العب وما انتبهت على الناس من خلفي المهم مثل ما يقولون خذاني اللعب ولما انتبهت على الناس شفت ما شاء عالم خلفي قاعدين يشوفوني وانا العب :D :D :biggthump كان موقف حلو
على فكرة الجزء الثاني من اللعبة بعد حلو بس لو يعطون شركة كورية تحط بعض الاغاني فيه علشان يكون صعب شوي :biggthump

اقتباس:

---

يآآآآآخ حمستوني @@ اليوم رحت محل يركب العاب كوبي مالقيت الجزء الأول ><" ولاحتى اصلية مو موجودة " السبب زي ماذكر اخي الكريم

---

اخوي The Shadow ما راح تحصل اللعبة مثل ما قلت لك على العموم اذا تعرف تنزل اللعبة هذا لنك للعبة ( تورنت ) نزلها حجمها 1.24 غيغا والعب فيها
شوف المرفقات

تحيااااااتي .....

من سنه تقريبا و انا ادور هذي العبه في الامارات.. اقصد الجزء الاول.. من اول ماشفت عروظها و هي عاجبتني
بس للاسف مالقيتها في اي مكان
بس من اسبوع كنت احاوط في الفيرجن ميقا ستور الي في ميركاتو و لقيتها عندهم.. لاكن ماخذتها مادري ليش .. يمكن حماسي قل للعبه من كثر ماكنت ادور عليها :28:

شو رايكم تستاهل اروح وشتريها؟؟

إذا ما لعبت نسخة الـ PC "و هذا الي أتوقعه"
أشوف أن الجزء الأول يستاهل تجربه و خاصتاً أنها اللعبة الوحيدة الي من هالنوع عالـ PSP
زيد عليهم أن القائمة الأغاني و الموسيقى مختلفة بين الجزء الأول و الثاني "هذا الي لاحظته من العروض و الصور"
أقصد أنك إذا أخذت الجزء الأول "أكثر من 50 اغنية" + الجزء الثاني لما ينزل "60 اغنية"
راح تصير عندك أكثر من 100 اغنية تلعبها بين الجزئين
راح تعجبك اللعبة إذا تحب هالنوع من الألعاب، أو تقدر تنزل اللعبة إذا ما تريد تدفع ثمنها :silly:
إذا تعرف لعبة Ez2Dj عالـ Arcade في أبوظبي فبتلاحظ تشابه كبيير بينها و بين DJMAX "خاصتاً أن اللعبتين تم تصميمها من نفس الفريق"

ملاحظة:
الي قلته فوق هو عبارة عن
رأيي في اللعبة من تجربتي لنسخة الـ PC + المعلومات و الأخبار الي اسمعها عن الجزء الأول للعبة + إنطباعات الأعضاء عن اللعبة من المواقع و المنتديات + أنا ما عندي PSP :blackeye:
^^^^^^^^
ما أدري ليش لما أقرأ هالجمل أحس كني حاط تحذير copy rights :blackeye:

anyway
ممكن FoxDie يساعدك أكثر دام أنه جرب نسخة الـ PSP

شكلها بايخه ><
انصحكم بــ call of duty

اقتباس:

---

شكلها بايخه ><
انصحكم بــ call of duty

---

حنا في عالم وانت في عالم !

اقتباس:

---

إذا ما لعبت نسخة الـ PC "و هذا الي أتوقعه"

---

اقتباس:

---

أشوف أن الجزء الأول يستاهل تجربه و خاصتاً أنها اللعبة الوحيدة الي من هالنوع عالـ PSP

زيد عليهم أن القائمة الأغاني و الموسيقى مختلفة بين الجزء الأول و الثاني "هذا الي لاحظته من العروض و الصور"
أقصد أنك إذا أخذت الجزء الأول "أكثر من 50 اغنية" + الجزء الثاني لما ينزل "60 اغنية"
راح تصير عندك أكثر من 100 اغنية تلعبها بين الجزئين
راح تعجبك اللعبة إذا تحب هالنوع من الألعاب، أو تقدر تنزل اللعبة إذا ما تريد تدفع ثمنها :silly:

---

بس بس ذبحتني حماسا وشوقا ><" وين القاها بس !

اقتباس:

---

ما أدري ليش لما أقرأ هالجمل أحس كني حاط تحذير copy rights :blackeye:

---

اقتباس:

---

---

(&) !

EDIT : شكرا أخي فوكس داي على رابط التورينت ^^

قمة القهر أنك تكتب رد طويييييل و قبل ما تضغط submit بثواني المنتدى يعلق و كل ردك يروح ">__<

المهم
Demo للعبة نزل
تقدروا تنزلوه في موضوع msm الرسمي لـ Demos الـ PSP
http://www.montada.com/showthread.php?t=516515
أو شوف الـ Demo في youtube
http://www.youtube.com/watch?v=uyG-sEx8-z4


موقع اللعبة نزلت فيه تحديثات جديدة
زادت قائمة الأغاني المعروضة + wallpapers + أشياء ثانية
و إضافة الـ Offical World Ranking System
http://www.djmax.co.kr/

قائمة الأغاني في الموقع حتى الآن هي 51 أغنية مع أن المفروض يكونوا 60 بس ممكن نشوف البقية لما بتنزل اللعبة

اقتباس:

---

المهم
Demo للعبة نزل
تقدروا تنزلوه في موضوع msm الرسمي لـ Demos الـ PSP

---

اقتباس:

---

http://www.montada.com/showthread.php?t=516515

---

جاري التحميل ...

اقتباس:

---

موقع اللعبة نزلت فيه تحديثات جديدة
زادت قائمة الأغاني المعروضة + wallpapers + أشياء ثانية
و إضافة الـ Offical World Ranking System

---

من اللحين اتوعد فيك ياكروف !! نياهاها !! (&)

تبا تبا تبا تبا !!!!!!!!!!!!! آآآآآآآآآآآآآآآآه طاخ طاخ طوووووووووخ دووووووف (&) تم مقتل 500 قط من قطط الحارة !! تعرفون ليه معصب ؟! الديمو لايشتغل الا على 3.11 @@ ! لو 3.10 كان دبرنا حالنا بس 3.11 -_____________________-"

علة فكرة كروف ... بالله ضيفني bonaef222 وانت عارف الباقي

اقتباس:

---

الديمو لايشتغل الا على 3.11 @@ ! لو 3.10 كان دبرنا حالنا بس 3.11

---

ترى هالشيء الي مخليني أتردد أشتري الـ PSP
بعدي مب مستوعب بأمور الـ Firmware و بعد مب متأكد من طريقة إستعمال برامج الـ devhook و الـ customfirmware
الخوف إذا النسخة الكاملة تحتاج أنها تشتغل مع 3.30 "أجدد firmware على حسب الي سمعته"
راعي المحل قال أنه بيجهز الـ PSP مع crack بحيث أنه يقدر يشغل ألعاب جديدة الي بتنزل ،لكن أنا بعدي مب مرتاح له

اقتباس:

---

من اللحين اتوعد فيك ياكروف !! نياهاها !! (&)

---

man, you don't know who you're dealing with :D
أقول بس إذا وصل الـ PSP بعدها يصير خير (&)


و تراني ما أشغل msn، ما أستعمله دايماً

اقتباس:

---

ترى هالشيء الي مخليني أتردد أشتري الـ PSP
بعدي مب مستوعب بأمور الـ Firmware و بعد مب متأكد من طريقة إستعمال برامج الـ devhook و الـ customfirmware

---

تتعلم على هاذي الاشياء بسرعة ^^

اقتباس:

---

الخوف إذا النسخة الكاملة تحتاج أنها تشتغل مع 3.30 "أجدد firmware على حسب الي سمعته"

---

شكلي باهون وماني محمل اللعبة (&)

اقتباس:

---

man, you don't know who you're dealing with :D
أقول بس إذا وصل الـ PSP بعدها يصير خير (&)

---

بدأ التحدي ! Hill or Haven , lets Duel !!

اقتباس:

---

و تراني ما أشغل msn، ما أستعمله دايماً

---

-___________________________________________________-"

شباب ترا اللعبة وصلت عندي اول شي للحين تغربلت مع ال 6 ازرار صعبة واايد ( يله بتعلم عليها )

على فكرة طلبت النسخة السبيشال اللي وياها سيديات واشياء ثانية ( ان شاء الله احصله ) لانه اصدار خاص .....

على فكرة بكتب عن اللعبة في اقرب فرصة


تحيااااااتي ............

معقولة ؟! مبروك الف مبرووك ^^ عقبالنا

مبروك عليك الـ Package
و مبروك علي الـ PSP :D

من أمس و أنا أبي أرد عالموضوع بس قعدت أكمل لعب باللعبة :09:

^^^^^^^^^^^^^^^

شريت PSP و DJ Max 2 ؟؟؟؟!!!! مبروكيشن ... انا خلوني العب MOH -____- بس على الاقل اونلاين يعني حماس شوي

تراني منزل اللعبة من النت مع ألعاب ثانية غيرها قبل ما أشتري الـ PSP :09:

اللي منزلها الاول ولا الثاني ؟؟ بس ابقى الحجم + صيغة اللعبه ^^
شكرا ...

اقتباس:

---

المشاركة الأصلية كتبت بواسطة The Shadow

اللي منزلها الاول ولا الثاني ؟؟ بس ابقى الحجم + صيغة اللعبه ^^

شكرا ...

---

عندي الجزئين :D
الأول عندي منه نسختين وحدة كاملة و الثانية محذوف منها كم شغله
الكاملة حجمها تقريباً الـ 1.5 GB "صيغة ISO "و الناقصة حجمها تقريباً 800 MB "صيغة CSO"

الجزء الثاني كاملة و حجمها تقريباً 1.7 GB صيغة ISO

السلام عليكم :o
أنا ما عندي PSP للأسف
بس نزلت اللعبة على الكمبيوتر نسخة صينية ببلاش free
بس الأصلية (الكورية) ما في منها على انجليزي؟؟
والحين عندي PSP Emulator ، اللعب مالت الPSP تشتغل عادي عليه وسهلة ولا تكون صعبة جدا ؟

اقتباس:

---

بس الأصلية (الكورية) ما في منها على انجليزي؟؟

---

ما شيء
نسخ الكمبيوتر الموجودة: كورية + يابانية + صينية
الصينية مثل ما ذكرت أنها مجانية لكن النسخة الكورية و اليابانية لازم تدفع عسب أنك تلعب أغاني معينه أو تحصل أشياء أكثر من اللعبة

اقتباس:

---

والحين عندي PSP Emulator ، اللعب مالت الPSP تشتغل عادي عليه وسهلة ولا تكون صعبة جدا ؟

---

ما أعتقد أن اللعبة راح تشتغل عليه
و الي أعرفه أنه ما في PSP Emulator جيد أو يقدر يشغل ألعاب PSP بدون مشاكل
الـ Emulator الوحيد الي نزل يقولوا أنه يقدر يشغل Demos و مع هذا ما عرفت أشغله على كمبيوتري "-__-

مشكور ^^"
طيب كم سعر الPSP في الإمارات؟
والجزء الثاني نزل ؟
ولا بعد ديمو

أخذته الـ PSP بـ 650 درهم على ما أذكر
مع تركيب الـ custom firmware و مع ميموري الحساب كله طلع فوق الـ 800 تقريباً
و اللعبة نازلة من بداية هالشهر، الديمو تقدر تحصله في هالموضوع

طيب نصيحة أشتريها؟
ولا أخلي الفلوس لل PS3 ؟

صراحة لا تسألني :09:
كنت مثلك أدور نصيحة قبل ما أشتري الـ PSP بس محد فادني
يعتمد عليك إذا أنت مهتم بالجهاز و بالألعاب الي فيه