سعر ال ps3 بالكويت عند الوكيل الرسمي !!!

السلام عليكم .
ذهبت الى وكيل السوني ( تحديداً الفرع في سوق المباركيه شارع الالكترونيات )
وسألته عن سعر ps3 و متى موعد اصداره قال :
- موعد الطرح يكون نهايه هذا الشهر او بدايه شهر ابريل .
- سعر الجهاز سيكون ....
لا أصدق بعد هذا الانتظار .....
السعر بالضبط ..




300 دينار كويتي لل 60 جيجا :bigeyes: .
قلت له هل تمزح ..؟
قال لا .. قلت له كيف وسمعت انه سيكون ب 180 دينار ، قال لي نعم لكن هذه نسخه ال 20 جيجا :31: ، فقلت له كلا المفترض ان يكون هذا السعر لل60 جيجا كما هو سيكون بدوله الامارات والسعوديه .. قال لي ربما تجدها هناك بسعر الذي تقوله لكن بالكويت سيكون السعر ب 300 دينار لل 60 جيجا ولن ينزل السعر قبل مرور عام .

هل ما يقوله هذا البائع صحيح أم يمزح ؟؟ خرجت من المحل وانا مصدووم .

اريد تعليقاتكم حول هذا الموضوع وشكراً لكم .

تعال الإمارات

واشترك لك واحد من هني

افضل 100%


خخخخخخخخخخخخخخخخخخخخخخخ

سعره بيكون
2499 درهم إماراتي

ولو تبي تاخذ
ياباني سعره
1900 درهم إماراتي وهذا بو 60 جيجا

اما الامريكي سعره
2000 درهم إماراتي وهذا بو 60 جيجا

افضل اسعار

للعلم الاسعار تختلف من مكان لمكان

وانت وحظك لو كنت تتعامل مع المحل من اكثر من سنوات

راح يراعيك و يعطيك بسعر اقل

^_^

تحياتي

بل بل بل :bigeyes:

وكيلكم شكلة حرامي :D

300 دينار على شنو كافي انه مافي لعبة تستاهل :12:

الله يستر عندنا لحد الحين مايعرفون السعر :09:

اي شي شنو 300 دينار؟؟؟؟؟
روووووووووح موووووووووووووت

مادري...وكيل سوني...شي طبيعي السعر بيرتفع

ماادري محسن انت ماتدري كم سعر البلاي سيتشن 3 اليابانيه ال 20 جيجا عند الغانم للالكترونيات ؟

راح تنصدم اكثر واكثر...سعرها 365 دينار......حط في بالك انها من اسوء النسخ :)

فشنو تتوقع من الوكيل ؟

بعدين لا ادري ليش متعبين روحكم على الضمان...مافي شي مضمون الا الموت بعد طول اعماركم

في الكويت احنا مرتبطين بجمع الرحاب..هذا هو الاب الروحي لمحبي الالعاب

اما الشركه فلا اعتقد انها سوف تقدم خدمات كخدمات الرحاب

السعر هذا لنسخة الـNTSC
انا رايح الخبول ما يدروون انه في PAL راح ينزل عندهم
وهو بشركة المخازن البطيخية:D
-----------
انا بالكلية الحين .. المدرس قاعد يشرح وما يدري عني :09:

هذي الكويت صل عل النبي :09:
سعر برافيا اكس اول ما نزل 1530 دك
مر عليه شهرين صار 1399 دك
شركة المخازن .....لا تعليق.:D

جم شهر وينزل السعر

كل محل تلقاه يكسر سعر الثاني لحد ماتوصل 180

شباب ..
ترى اللي قال ان سعره 300 .. ماعنده سالفه ومايدري وين الله قاطه

انا سائل واحد فاهم شتغل بشركة المخازن بسوق شرق وقالي ان السعر موحد مع دول الخليج وراح يكون بحدود ال 200 دينار ويقول بعد فتره بيصير 180

يعني يا شباب لا تاخذون كلام من اي واحد

اما تلفزيون برافيا اكس الاربعين بوصه قيمته 999 دينار .. قاريه بجريدة الوطن امس

ويعطيكم العافيه

هل برافيا اكس سعره مو راضي ينزل ومنزلينه 40 بوصه
ابي واحد يكون 32 بوصه بس 1080p
بس مو محصل:(

والسعر مال سوني 3 المفروض يكون 200 دينار

اقتباس:

---

المشاركة الأصلية كتبت بواسطة joker_zambrotta

هل برافيا اكس سعره مو راضي ينزل ومنزلينه 40 بوصه
ابي واحد يكون 32 بوصه بس 1080p
بس مو محصل:(

والسعر مال سوني 3 المفروض يكون 200 دينار

---

32 بوصة؟‍‍
سيصدر في المستقبل ويدعم 1080P ونوعة xb4
على العموم , اذا شاشتك 32 بوصة واذا لا تحتاج 1080بي اطلاقا
اقل شيء 40 بوصة وتقعد مترين او مترين و نصف لتلاحظ قوة ال1080 بي

انا افضل شي عندي 3 الى 4 امتار و شاشة 46 بوصة.:biggthump

اقتباس:

---

المشاركة الأصلية كتبت بواسطة فوق المستحيل

بعدين لا ادري ليش متعبين روحكم على الضمان
في الكويت احنا مرتبطين بجمع الرحاب..هذا هو الاب الروحي لمحبي الالعاب
اما الشركه فلا اعتقد انها سوف تقدم خدمات كخدمات الرحاب

---

لكن اذا شريت الامريكي وسويت كونكت على بلي ستيشن ستور او غيره احتمال يعرفون اني بشبك من الكويت ويعطوني بلوك على الايبي او رقم سيريال نمبر الجهاز ، وقتها شنو راح استفيد من الجهاز ؟؟ وفي اعضاء حصلت معاهم هذه المشكله.

المستقبل؟ شنو نوكيا؟

بصراحة شكل البائع مايدري كم سيكون السعر !!
السعر لن يزيد على 200 دينار هذا أبو 60 جيجا

السلام عليكم

راح ينزلها سرعها غصب مو طيب
راح يوصل 180 دينار 60 غيغا
عطها شهر بس اول ماتنزل

وشكرا

اذا السعر هذا صجي الوكيل راح يصك على مجمع الرحاب..

زين شباب ما فيه مجال لحجز الاجهزة..؟؟

لأن شكله أول ما ينزل الجهاز راح يصير طق مطاقق وعالم وزحمه .. :)

اقتباس:

---

المشاركة الأصلية كتبت بواسطة SFS

اذا السعر هذا صجي الوكيل راح يصك على مجمع الرحاب..

زين شباب ما فيه مجال لحجز الاجهزة..؟؟

لأن شكله أول ما ينزل الجهاز راح يصير طق مطاقق وعالم وزحمه .. :)

---

جيب معاك 10 بودي قاردز ومايهزك ريح :D

والله شكلي راح اخذ النسخة الأمريكية لأنه مافي فرق بين الأثنين إذا على طاري الضمان في موقع clicknbuy الكويتي عليه ضمان لمدة سنة يعني المشكلة انحلت وسعره موديل 20 جيجا 160 دينار نفس السعر الرسمي لكن زايدين عليه 10 دنانير بالإضافة إنك تقدر تلعب جميع ألعاب البلاي 2 عكس الموديلات الأوروبية الجاية

طبعاً مو إلحين اشتريه إذا نزلت هيفنلي سورد وتقييمه قوية افكر اشتريه

أتمنى أن تجعل سوني سيرفراته عالمية مو على حسب الإقليم XD

اخوي لمن ينزل الps3 روح اخذه من السعودية كله 3 ساعات طريج

شباب ال ps3 راح تنزل في اوروبا بسعر 775 دولار يعني بالكويت تقريبا 225 دينار قريت الخبر بالنت بس ما ادري بأي موقع

السلام عليكمورحمه الله وبركاته كما تعرفون ياخواني ان وكيل الخليج لشركة سوني موقعها في الامارات وسعر البلايستيشن3راح يكون 2499 وسعرمواقع شركات سوني مراح ترفع فوق السعر هذا لئنه سعر ثابت وموحد وسيكون فرق السعر بفرق العملات الخليجية بس ومستحيل مستحيل يرفع وكيل الكويت عن السعر هذا لئنه سعر متفق عليه من الخارج وتراها مهي بقالة ومهي سايبه

:biggthump :bigeyes: السلام عليكم اولا سعر الجهاز 2440 معلن وثلبت من الوكيل ووكيل الخليج في دولة الامالاات وفي دول الخليج فروع له وسعر البلايستيشن3 ثابت وراح يكون فرق السعر في الخليج بفرق العولات ولاتسمعون كلام القيل والقال وياخبر بفلوس بكره يبئى ببلاش

:33: :09: :33: السلام عليكم انارحت لوكيل شركة سوني في الكويت بالصالحية وسالتهم عن البلاستيشن3 وقالولي السعر الحالي للاوربي309دك وان الجهاز موموصفات الشرق الاوسط ويشتغل بمحول تحويل الكهرباء وراح ينزل جهاز باخر شهر ثلاثه يعني اخر مارس مع النزول بالامارات وراح ينزل الجهازبي مواصفات الخليج وسعره راح يكون تحت 300 دينار بس مايعرفون بكم بالتحديد مع عروض خاصة رفض يقولي مع انه صاحبي

شباب في محل يبيع جهاز السوني 3 بــ120 دينار ومعاه كل شي بسوق الفحيحيل الحق عليه ....
ولعلمكم انا توني شاريها وشغاله معاي تمام وقاعد العب فيها .......لا يطوفكم شباب

اقتباس:

---

المشاركة الأصلية كتبت بواسطة penx

شباب في محل يبيع جهاز السوني 3 بــ120 دينار ومعاه كل شي بسوق الفحيحيل الحق عليه ....
ولعلمكم انا توني شاريها وشغاله معاي تمام وقاعد العب فيها .......لا يطوفكم شباب

---

شنو اصداره وشنو معاه

اقتباس:

---

شنو اصداره وشنو معاه

---

اكيد 20 جيجا .. وصيني ^^"

ياساتر الاسعار عندكم بالكويت غالية الله يعينكم

الحين الجهاز نزل عند سوني السعوديه

يعني نزل بالكويت؟؟
وجم سعره صج 300 د.ك؟؟

السلام عليكم

يا جماعه جم سعر الجهاز
عند سوني
المحلات مافي الى ياباني وامريكي على 200 دينار

انا ابي الاوربي
اليوم رحت حق سوني بس مصكر الي بالضجيج
ياريت تنورونا

وشكرا

السلام عليكم

ياجماعه والله وكيلنا نصاب
اليوم مريتهم
سعر الجهاز 309 دينار
شنو هذا
فرق عن الامارت والسعوديه اكثر من 120 دينار

ومابي اشتري الامريكي لقيته 200 دينار
يقولون الاوربي افضل

شنو الحل
وشكرا

شباب مافي غير حلين يا إما ننطر لين ماينزل السعر او انطرش ايميل لشركة سوني ونشتكي على الوكيل :)

اقتباس:

---

المشاركة الأصلية كتبت بواسطة brock123

شباب مافي غير حلين يا إما ننطر لين ماينزل السعر او انطرش ايميل لشركة سوني ونشتكي على الوكيل :)

---

عدل اخوي لازم نشتكي
انا رحت معرضهم بالمثني امس ويقول توصل بعد اسبوع وراح نسوي دعايات بالجرايد

منو اللي قال ب 309 ؟؟؟
اصلا الجهاز للحين مو متوفر بالمحلات الكويتيه وثاني شي الموظفين ما يدرون وين الله قاطهم انا مره سألت واحد بفرع المباركيه يقولي ب 280 وواحد يقولي ب 300 هذا دليل انه محد من الموظفين يعرف السعر .. وثاني شي مو معقوله يكون سعر الجهاز فرق اكثر من 120 دينار عن السعوديه والامارات ؟؟ عموما ننتظر ونشوف .

اقتباس:

---

المشاركة الأصلية كتبت بواسطة Mr.Mohsen

منو اللي قال ب 309 ؟؟؟
اصلا الجهاز للحين مو متوفر بالمحلات الكويتيه وثاني شي الموظفين ما يدرون وين الله قاطهم انا مره سألت واحد بفرع المباركيه يقولي ب 280 وواحد يقولي ب 300 هذا دليل انه محد من الموظفين يعرف السعر .. وثاني شي مو معقوله يكون سعر الجهاز فرق اكثر من 120 دينار عن السعوديه والامارات ؟؟ عموما ننتظر ونشوف .

---

السلام عليكم

انا اقولك
اليوم بفرع سوني الي بالضجيج
سعره 309
شريت اكس بوكس :) بداله
قلت شكله مطول الاوربي :)

اذا عندنا ب 309 ... السعوديه والامارات بجم ينباع ؟؟

اذا السعر صج 309 فما راح آخذه الا لما ينزل ميتل غير أو GTA..

آخذ اكس بوكس الحين اصرف لي..

390 هذا سعر الياباني لما نزل عند الشركة والحين مو عندهم

انا اليوم بفرع المطار ^^"
نسخة البال لم تصل إلى الكويت بعد ... وماكو معلومات متى توصل
والسعر يتراوح بين 150-250 (ابن اللذينة فرق 100 xD) قول ما ادري واخلص xD

شباب سؤال سريع وخارج عن الموضوع
شنو الافضل في PS3 النسخه الامريكيه او اليابانيه او الاوربيه؟؟؟؟؟؟؟

اقتباس:

---

المشاركة الأصلية كتبت بواسطة BluePoisoN

شباب سؤال سريع وخارج عن الموضوع
شنو الافضل في PS3 النسخه الامريكيه او اليابانيه او الاوربيه؟؟؟؟؟؟؟

---

السلام عليكم

من كلام الشباب انه الاوربي الافضل
لانه عليه ضمان
ويقولون تقدر تلعب مع العرب في خيار الاونلاين