استفساراتكم حول الـWii Modeships

شباب انتشرت في القترى الاخيره قطع الي اشتغل الالعاب المنسوخه وتدعى بي Mobchip وهاذي القطعه في منها الوان واشكال وانواع ومواصفات ومميزات وغيره.
انا من يومين رحت سوق الالعاب استفسر بخصوص القطعه وانا هاذي الايام ما أامن عليهم يعني اقول افضل اني اشتري قطعه من خارج الدوله اصليه بي 40$ ولا اني ادفع 30$ او 25$ وهم مشترين القطعه المنسوخه رقم 10 بي 2$ او 5$ . المهم وانا رايح السوق قالولي عندهم 3 انواع من القطع
وهم : Cyclo-Wiz و عندهم قطعه ثانيه من شكلها تعبانه بل مره !!!!! , واخر قطعه والي هي wiikey المحل قالي الناس اتفضل اتركب ال wiikey لانها الافضل , وسعر القطعه مع التركيب = 40$ واااااااو سعر ممتاز, في ناس بتقول السعر قريب من سعرها في امريكا لانه في امركيا تقريبا 42$ من غير الشحن , اكيد المحل هاذا عطاني خصم حلو ^_^ . بس اليوم وانا اغوص في عالم الانترنت بين مواقع شراء المود شيب , وجدت موقع كاتب

اقتباس:

---

Wiikey *Original*

---

انا استغربت !!! قلت ليش في قطع منسوخه في السوق !!! ؟ دخلت الموقع الرسمي للقطعه فوجدة في الاخبار

اقتباس:

---

We have uploaded a new and more clear survey for the wiikey clone hardware.

---

اي انه هناك نسخ منسوخه من ال ويكي الاصلي وهاذي صوره توضح الفرق بين الاصلي والمنسوخ .
http://www.wiikey.cn/images/clones2.jpg


الصوره الي على اليمين بأسم CLONE هي الانواع المنسوخه , اما الصوره الي على اليسار هم الاصليات .

انا الين الحين ما ركبت القطعه وافكر اركبها بس يمكن اطلبها من امريكا .

شباب هاذا الموضوع للفأده يعني الي حاب يشتري القطعه يتأكد انها اصليه قبل ما ياخذها ويتبهدل !!!!!.

شباب نسيت نقطتين مهمات .
1-

اقتباس:

---

Don't support the clones, they will not work properly with our upgrades and configuration discs.

---

اي انها مابتشتغل مع ابديت الموقع .

2- المصدر http://www.wiikey.cn/news.html

السلام عليكم

كنت ناوي اشتر ي الجهاز واركب فيه القطعه
لاكن غيرت راي
بس في ناس ركبت القطعه في الكويت والامارات وهي شغاله 100%100

شباب تأكدوا اي هل هي تشغل ناروتو الياباني على الويي الامريكي

وهل في محل في السعوديه يبيع الاصليه

في محل في الخبر يبيع القطعه بس مادري ادا كانت اصليه او لا
في مجمع الراشد على ماظن العاب طوكيو

اوكي يعني في منسوخ...
بس حتى الويي كيي يمكن تخرب الويي نفسهااا او اتعب الاالكيمره...
انا بركبها بعد تفكير طويل وبعد تجريبك لها والي بيركبونها بس بعد مرور شهرين لأنه يمكن في البدايه ما تأثر بس ويا الوقت ممكن اتخرب واذا طلعت القطعة فنانه وماتخرب بشترها عن طريقك مثل سافة الام3:p
__
ليش ما اشوفك في الماسنجير ..:أفكر:
امسولي بلووك ..اوماسحني..اوإنك مشغول هذه الايام ..؟:)

أنا بصراحة محتار أركب القطعة ولا لأ

الهدف أني ألعب الألعاب اليابانية بس

بس أريد أعرف شي واحد

هل أقدر أخزن الألعاب الأمريكية و اليابانية مع بعض ولا نفس سالفة الجيم كيوب ؟

اقتباس:

---

لاكن غيرت راي

---

اخوي ليش غيرت رايك ؟؟ قوللنا يمكن نقنعك :D

اقتباس:

---

شباب تأكدوا اي هل هي تشغل ناروتو الياباني على الويي الامريكي

---

نعم اتشغل .

اقتباس:

---

واذا طلعت القطعة فنانه وماتخرب بشترها عن طريقك مثل سافة الام3

---

يمكن اطلبها من امريكا وانا اركبهل للضمان لا اكثر ولا اقل يعني اضمن انها اصليه 100%

اقتباس:

---

هل أقدر أخزن الألعاب الأمريكية و اليابانية مع بعض ولا نفس سالفة الجيم كيوب ؟

---

ماعرف شو تقصد ؟؟ بس القطعه اتشغل وتخزن الالعاب اليابانيه هاذا الي اعرفه اسأل مجرب ولا تسأل طبيب ..

اقتباس:

---

ليش ما اشوفك في الماسنجير ..:أفكر:
امسولي بلووك ..اوماسحني..اوإنك مشغول هذه الايام ..؟:)

---

اخوي هاذي اليويمن كنت مشغول + الاوقات الي انا اخل فيها انت ماتكون موجود ..

في الجيم كيوب ما تقدر تخزن الألعاب اليابانية و الأمريكية في بطاقة الذاكرة الواحدة

لأن النظام مختلف

هل الويي نفس الكلام؟

و شكرا

اقتباس:

---

هل الويي نفس الكلام؟

و شكرا

---

^_^ اخوي الوي غير , بس انا ماجربت بس الميموري الي فلوي تقدر اتخزن فيها اي شيء .. والله اعلم .

في ناس جربت القطعه ولى شغلت الالعاب اليابانيه كلها
مثال ناروتو ماشتغل

اقتباس:

---

المشاركة الأصلية كتبت بواسطة Sanabsie

في ناس جربت القطعه ولى شغلت الالعاب اليابانيه كلها
مثال ناروتو ماشتغل

---

اخوي تقصد انه الالعاب اليابانيه كلها ؟ هل هي نفس القطعه wiikey ?? اذا كانت نفسها يمكن مش اصليه .. والله اعلم

نعم نفس القطعه لاكن لعبه تقريبا سمها بليش هي الى اشتغلت اما ناروتو ماشتغلت
معى العلم ان الجهاز امريكي والالعاب يابانيه

انا اشهر الجاي باشتري الجهاز وباجرب القطعه
وباعطيك انطباعاتي
وباشوف ادا اتشغل جميع الانضمه مع العلم انا ماحب العاب القتال يعني مايهمني اداشغلت جميع الانضمه اولا
وانا سمعت انى نزل ابديت للقطعه حتى اتشغل جميع الانضمه هل هادى الكلام صحيح

اقتباس:

---

نعم نفس القطعه لاكن لعبه تقريبا سمها بليش هي الى اشتغلت اما ناروتو ماشتغلت

---

اخوي يمكن عيب او عطل في الشريط نفسه .

اقتباس:

---

وانا سمعت انى نزل ابديت للقطعه حتى اتشغل جميع الانضمه هل هادى الكلام صحيح

---

ابديت القطعه ايساعد ببحل بعض المشاكل يمكن اتصير يعني لعبه تشتغل ولعبه ماتشتغل وهو تحديث للنضام .

الاخوة الكرام و الاخ MeLeE

نشر موقع Divineo القسم الصيني - هونج كونج .. خبر مفاده الاشاعات و الخبر اياه حول وجود تقليد لقطعة Wiikey و افاد المحرر .. بأن جميع القطع التي تم بيعها منذ تم استلام الطلبات ( PRE ORDER ) هي اصلية من المصنع ذاته و قابلة للتحديث .. و عليه فلا ينصح بالشراء الا من الموزعين المعتمدين .. والموقع اعلاه من افضل مصادر لقطع الكوبي و التحسينات و التعديلات و الاكسسوارات و غيرها , و من هنا تأكد عزيز القارئ من مصدر شراء القطعة و نوعها .

اقتباس:

---

المشاركة الأصلية كتبت بواسطة spark

الاخوة الكرام و الاخ MeLeE

نشر موقع Divineo القسم الصيني - هونج كونج .. خبر مفاده الاشاعات و الخبر اياه حول وجود تقليد لقطعة Wiikey و افاد المحرر .. بأن جميع القطع التي تم بيعها منذ تم استلام الطلبات ( PRE ORDER ) هي اصلية من المصنع ذاته و قابلة للتحديث .. و عليه فلا ينصح بالشراء الا من الموزعين المعتمدين .. والموقع اعلاه من افضل مصادر لقطع الكوبي و التحسينات و التعديلات و الاكسسوارات و غيرها , و من هنا تأكد عزيز القارئ من مصدر شراء القطعة و نوعها .

---

هاذا الموقع بيفيد الي ايريدون يشترون من الانترنت بس المشكله الي بيشترون من المحلات ؟؟؟ لازم محل ايكون موثوق منه , وتأكدو انه القطعه اتسوي ابديت .

بس كيف نعر ف ان المركبه في الجهاز قطعه اصليه

لان لو ركبت من المحل ما براويك القطعه

بنسبه للمحل عندي محل موثوق لاكن القطعه ما مصلت عنده

اقتباس:

---

لان لو ركبت من المحل ما براويك القطعه

---

مستحيل اركب عنده قبل ما ايرويني وانا امس يوم رحت معضم المحلات راوني القطعه ...

انا ودي اعـرف ..كم اسعار .. الجهاز .. في دول الخـليج ..مع قطعة الكوبي ؟
لاني امس مريت .. محـل .. في الرياض
لقيته يقـول .. ان .. سعـر .. الجهاز مع قـطعة الكوبي .. بـ 1950 !!!!
مهوب كانه .. ضعف .. السعر الطبيعي ..صـدق ان .. سوق الاجهـزه ..
احـسن من سـوق .. الاسهم .. يعـطيك .. تدبيله في السعـر .. تعـجبك هههه
وتحياتي لكم

القطخه كانت اصليه ام تقليد

اقتباس:

---

المشاركة الأصلية كتبت بواسطة اهــ 100 ــم

انا ودي اعـرف ..كم اسعار .. الجهاز .. في دول الخـليج ..مع قطعة الكوبي ؟

لاني امس مريت .. محـل .. في الرياض
لقيته يقـول .. ان .. سعـر .. الجهاز مع قـطعة الكوبي .. بـ 1950 !!!!
مهوب كانه .. ضعف .. السعر الطبيعي ..صـدق ان .. سوق الاجهـزه ..
احـسن من سـوق .. الاسهم .. يعـطيك .. تدبيله في السعـر .. تعـجبك هههه
وتحياتي لكم

---

في محل جيم ماستر يبيع الجهاز 1800 مع النس وبدون 1400

اقتباس:

---

في محل جيم ماستر يبيع الجهاز 1800 مع النس وبدون 1400

---

ولو .. يعتبر السـعر مباالغ فيـه ...
لو سعـر .. الجهاز بـ 1500 يكون .. معـقووول جـدا
بس . بـ 1800 .. هذا احتيال مع احترامي الشـديـد .. لهم
انا بودي . اعرف . اسعار الجهاز في دول الخليج ..
هـل الاسعار .. نفس .. اللي عنـدنا او ارخـص

في الامارات 1380 مع الكوبي Wiikey الاصلي (لاني فتحت الجهاز)
وجربت setup disk وشغال تمام

واي واحد محتاج لاسم المحل انا حاضر(على الخاص)

للاخ Fox McCloud

رسايل الخاصة لاتعمل عندي :02: (500 مشاركة وما فوق)
انا شاري اللعبة مع الكوبي

بس في محل بدبي اسمه الاني يمكن يفيدك

على ما اعتقد يركب الكوبي
رقمه
042352117


واذا تبى تشتري الجهاز اسم المحل لحضات الصعبة او الذهبية

بكلم ربيعي عن رقم التلفون

اقتباس:

---

في محل جيم ماستر يبيع الجهاز 1800 مع النس وبدون 1400

---

للعلم سعر القطعه الاصليه حوالي 140 درهم في امريكا , يعني مع التكريب 200 درهم اذا كثر هاذا السعر مقبول , بس 400!!! ؟؟؟؟وهلي هي الوي كي ؟ ولا النوع العادي .؟

مادري اينوع بس مو wiikey

اقتباس:

---

المشاركة الأصلية كتبت بواسطة Sanabsie

مادري اينوع بس مو wiikey

---

شوف اخوي في 3 قطع اصليه في 2 نازلات وباقي اخر وحده بعدها مانزلت في امريكا بتنزل قريب , الي موجود في السوق تقريبا 2 اصليات .

اقتباس:

---

Wiikey *Original*

---

و

اقتباس:

---

Cyclo-Wiz

---

اما اذا شفت نوع ثاني فيعني النوع الثاني قطعه مزيفه 100% تشتغل اي شي .

ممكن رابط اشتري منه القطعه ويكون مضمون

السلام عليكم :)

عندي استفسار عن القطعه ...

إذا ركبيتها و شريت كوبي و لعبة فيه ... و نزلت مثلاً بوكيمون و اشتريت بوكيمون اصلي

بقدر العب اونلاين ؟ ... ولا لازم اشتري Wii ثانيه؟

مشكور اخوي ميلي :biggthump ماشاء الله اخبار القطع الكوبي عندك اول بأول xD

اقتباس:

---

و اشتريت بوكيمون اصلي

بقدر العب اونلاين ؟ ... ولا لازم اشتري Wii ثانيه؟

---

اخوي اذا كانت القطعه اصليه 100% , مايحتاي تشتري ويي ثانيه , ليش لانه القطعه فيها نضام اسمه STEALTH الي فهمته من هاذا النضام انك تدخل الاونلاين عادي ,والقطعه يمكن ماتشتغل علشان يمشي معاك 100% وثاني شيء في نضام الابديت يعني تقدر اتنزل اخر تحديثات القطعه اذا صار اي شيء , هاذا الي اعرفه اذا كانت في اخبار جديده انشاء الله بعلمكم فيها .

اقتباس:

---

المشاركة الأصلية كتبت بواسطة MeLeE

اخوي اذا كانت القطعه اصليه 100% , مايحتاي تشتري ويي ثانيه , ليش لانه القطعه فيها نضام اسمه STEALTH الي فهمته من هاذا النضام انك تدخل الاونلاين عادي ,والقطعه يمكن ماتشتغل علشان يمشي معاك 100% وثاني شيء في نضام الابديت يعني تقدر اتنزل اخر تحديثات القطعه اذا صار اي شيء , هاذا الي اعرفه اذا كانت في اخبار جديده انشاء الله بعلمكم فيها .

---

مشكور و ماقصرت =) ... انتظر بس احد يجربها :silly:

اقتباس:

---

مشكور و ماقصرت =) ... انتظر بس احد يجربها :silly:

---

انا كنت بركبها بعد تجريبك ..
عادي ..بعد تجريب ميليي..ما دامه مقتنع..فيها..

بالنسبة للويكاي الاصلي للحين ما تشغل نوروتو حتى بوجود الابديت الاصلي و لحد علمي ماكو قطعة للحين تشغل نوروتو

اقتباس:

---

ي ..بعد تجريب ميليي..ما دامه مقتنع..فيها..

---

انا ماجربتها بلوي مالي , بس جربتها بلوي مال اربيعي وهي شغاله 100%

اقتباس:

---

بالنسبة للويكاي الاصلي للحين ما تشغل نوروتو حتى بوجود الابديت الاصلي و لحد علمي ماكو قطعة للحين تشغل نوروتو

---

اخوي اليوم امجربين BLEACH المنسوخه وشتغلت 100% اذا جربت ناروتو برد عليكم خبر انشاء الله

تم تركيب القطعه ,, انشاء الله بقولكم شو عيوبها و ايجابياتها .

اقتباس:

---

المشاركة الأصلية كتبت بواسطة MeLeE

تم تركيب القطعه ,, انشاء الله بقولكم شو عيوبها و ايجابياتها .

---

حمسيتنا =) ... ننتظر الاخبار ^_^"

شباب ابتعدو عن هاذي القطعه http://www.modchipman.com/images/chip.jpg في نوع مطور منها بس مانصح , سعرها 20$ يعني تعبانه ..

ركبت الويي كيي أمس

و لعبت بليتش و اللعبة بصراحة روووعة

بس للأسف ناروتو ما تشتغل عندي ( علما أن عندي النسخة الأصلية هي و بليتش )

يا جماعة

القطعة هذي تتبدل ؟؟ ولا لازم أبديت

اذا لازم أبديت ، صاحب المحل يقدرون يسوون لها؟؟

اقتباس:

---

المشاركة الأصلية كتبت بواسطة Super Shadow

ركبت الويي كيي أمس

و لعبت بليتش و اللعبة بصراحة روووعة

بس للأسف ناروتو ما تشتغل عندي ( علما أن عندي النسخة الأصلية هي و بليتش )

يا جماعة

القطعة هذي تتبدل ؟؟ ولا لازم أبديت

اذا لازم أبديت ، صاحب المحل يقدرون يسوون لها؟؟

---

اخوي بكم ركبيتها

اقتباس:

---

المشاركة الأصلية كتبت بواسطة scaryface

اخوي بكم ركبيتها

---

ب250 درهم....

شكلي ماراح اشتري الوي ليييييييييييين 2008 لاني بدون الكوبي ماراح اشتري الجهاز

تخيلو 200 ريال على العاب يحتار الواحد يشتريها :31: نظرا لان اكثر من 3 ارباع العاب الوي مب بالمستوى مثل ريد ستيل او بعض العاب البلاي2 القديمة اللي مالها داعي مثل the ant bully او spong pop او avatar والكثير اغلبه فاشل :31:

وشكرا :)

اقتباس:

---

القطعة هذي تتبدل ؟؟ ولا لازم أبديت

اذا لازم أبديت ، صاحب المحل يقدرون يسوون لها؟؟

---

شادو انتضر القطعه انشاء الله بينزل لها ابديت يديد , وطريقة تركيبه سهل !! الي عليك هو نسخ الملف في السيدي وتركبه في الوي كأنك بتشغل لعبه عاديه . وبعدين طريقة التحديث انا بعلمك اذا نزل اصدار جديد .

اقتباس:

---

شكلي ماراح اشتري الوي ليييييييييييين 2008 لاني بدون الكوبي ماراح اشتري الجهاز

تخيلو 200 ريال على العاب يحتار الواحد يشتريها :31: نظرا لان اكثر من 3 ارباع العاب الوي مب بالمستوى مثل ريد ستيل او بعض العاب البلاي2 القديمة اللي مالها داعي مثل the ant bully او spong pop او avatar والكثير اغلبه فاشل :31:

وشكرا :)

---

اخوي , لعبت Sonic- او zelda - bleach- naruto - truma center - wii sport - ray man -?

المشكله اخوي هاذا موضوع نقاش بخصوص القطعه فعلشان جي ماريد اروح بعيد وندخل في حوارات برع الموضوع ^^ ..

الكوبي الحين منتشر .

اقتباس:

---

شادو انتضر القطعه انشاء الله بينزل لها ابديت يديد , وطريقة تركيبه سهل !! الي عليك هو نسخ الملف في السيدي وتركبه في الوي كأنك بتشغل لعبه عاديه . وبعدين طريقة التحديث انا بعلمك اذا نزل اصدار جديد .

---

خلاص أنا ان شاء الله راح أنتظر الأب ديت اليديد ;)

يعطيك العافية أخوي ميلي و ما قصرت :biggthump

اقتباس:

---

المشاركة الأصلية كتبت بواسطة Super Shadow

خلاص أنا ان شاء الله راح أنتظر الأب ديت اليديد ;)

يعطيك العافية أخوي ميلي و ما قصرت :biggthump

---

ماعليه اخوي شادو , اذا في شيء بخبرك او بخبر اربيعك ..

اخوي ميلي ماكان قصدي كذا

كان قصدي ان العاب السيئة على الوي ماخذة كثير من الالعاب

بس الالعاب اللي ذكرتها فعلا تستحق الشراء و اولهم زيلدا

لكني شخصيا افضل شراء الكوبي لان اشرطة الوي بذات تغلى عندنا خصوصا انو ماعندنا وكيل في الشرق الاوسط للاسف :(

عموما كان قصدي وبدون زعل ان الالعاب المخصصة للكبار قليلة جدا على الجهاز

مثلا انا شخصيا ابي لعبة بمستوى لعبة قيرز اوف وار او هالف لايف 2

لكن شكلها ماتكون بالمستوى على الوي خشية ان يكون مصيرها مثل ريد ستيل او فار كراي او كال اوف ديوتي3 نسخة الوي اللي انتقدوها بشدة خصوصا ان الفيزيائية او تقنية نسخة البلاي2 او الاكس1 طلع اقوى


صراحة الواحد بدا يخاف من الاصلي


اخخخخخخخخ متى ينزلون لعبة بمستوى رزدنت ايفل زيرو او اتيرنال داركنس على الكيوب ويكون الوي جهاز متكامل :32:

وشكرا

اقتباس:

---

المشاركة الأصلية كتبت بواسطة القبطان فرفشلي

اخوي ميلي ماكان قصدي كذا

كان قصدي ان العاب السيئة على الوي ماخذة كثير من الالعاب

بس الالعاب اللي ذكرتها فعلا تستحق الشراء و اولهم زيلدا

لكني شخصيا افضل شراء الكوبي لان اشرطة الوي بذات تغلى عندنا خصوصا انو ماعندنا وكيل في الشرق الاوسط للاسف :(

عموما كان قصدي وبدون زعل ان الالعاب المخصصة للكبار قليلة جدا على الجهاز

مثلا انا شخصيا ابي لعبة بمستوى لعبة قيرز اوف وار او هالف لايف 2

لكن شكلها ماتكون بالمستوى على الوي خشية ان يكون مصيرها مثل ريد ستيل او فار كراي او كال اوف ديوتي3 نسخة الوي اللي انتقدوها بشدة خصوصا ان الفيزيائية او تقنية نسخة البلاي2 او الاكس1 طلع اقوى


صراحة الواحد بدا يخاف من الاصلي


اخخخخخخخخ متى ينزلون لعبة بمستوى رزدنت ايفل زيرو او اتيرنال داركنس على الكيوب ويكون الوي جهاز متكامل :32:

وشكرا

---

مستر بن فاهم كل شي هذي الايام :D (JK)

شكرا اخي MeleE

بس اي واحد يبغى setup disk
او الابديت الجديد
بيحصله في موقع الرسمي على

http://www.wiikey.cn/resources.html

اقتباس:

---

صراحة الواحد بدا يخاف من الاصلي

---

انا اشتريت شريطين كوبي والباقي نسختهم من الشباب وبعضهم نزلتها من الانترنت .

اقتباس:

---

شكرا اخي MeleE

بس اي واحد يبغى setup disk
او الابديت الجديد
بيحصله في موقع الرسمي على

http://www.wiikey.cn/resources.html

---

مشكور اخوي على المساعده , بس انتضر الاصدار رقم 1.2

اقتباس:

---

المشاركة الأصلية كتبت بواسطة MeLeE

انا اشتريت شريطين كوبي

---

جم سعر الشريط ؟

اقتباس:

---

المشاركة الأصلية كتبت بواسطة jasson_x

جم سعر الشريط ؟

---

في المحلات 25 للواحد , :09: انا ببيعلك الواحد بي 15 لوووول درهم .

بتنبيهك هذا ساعدتنا كثير من عمليات النصب والاحتيال
اشكرك على التنبيه بخصوص الـ Wiikey المقلدة
مبروك تركيب القطعة انت وسوبر شادو

عندي كم سؤال عن القطعة
هل واجهت مشاكل في تشغيل الألعاب ؟ يعني اللعبة تعلق وانت تلعب
كل الألعاب تشتغتل زين على القطعة ؟ يعني بدون تعليق (بإستثناء ناروتو)
سؤال موجه إلى سوبر شادو
ما قلتلنا وش صار على سالفة التخزين ؟ قدرت تخزن ملفات العاب يابانية
مع امريكية ؟ ولا نفس سالفة الكيوب ؟ تنمسح ؟

شكراً والسموحة على الإطالة

اقتباس:

---

هل واجهت مشاكل في تشغيل الألعاب ؟

---

هاذي المشكله نادره , يعني في مره وحده بس طلعلي ايرور واحد قبل ما اشغل اللعبه , سويتلعا اعادة تشغيل للوي اشتغلت تمام 100%.

اقتباس:

---

يعني اللعبة تعلق وانت تلعب

---

الحمد لله الين الحين ما واجهت هاذي المشكله , علما ان العابي ناسخنهم بديفيدي نوعه imation

اقتباس:

---

كل الألعاب تشتغتل زين على القطعة ؟

---

جرب فوق ال 7 العاب كوبي , وكلهم يشتغلون .

اقتباس:

---

سؤال موجه إلى سوبر شادو
ما قلتلنا وش صار على سالفة التخزين ؟

---

اذا جربت بعطيك خبر .

اقتباس:

---

مبروك تركيب القطعة انت وسوبر شادو

---

الله يبارك في حياتك أخوي ^^

اقتباس:

---

ما قلتلنا وش صار على سالفة التخزين ؟ قدرت تخزن ملفات العاب يابانية
مع امريكية ؟ ولا نفس سالفة الكيوب ؟ تنمسح ؟

---

يس تقدر تخزن الملفات اليابانية مع الأمريكية :biggthump

عيبها شي واحد هو أنك ما تقدر تشغل ناروتو في الوقت الحالي

متى ينزل الأب ديت بس :12:

تم اصدار التحديث الجديد 1.2 لقطعه الوي كي .

الاضافات الجديده :

اقتباس:

---

- wiikey configuration
- wiikey dvdDump (dumps discs to sdcard)
- some of the most popular gamecube homebrew apps:

- SDLoad 1.0 by Costis
- Snes9x 1.43 GX 0.5 Port by Softdev
- GCOs MultiGame Version by emu_kidid
- MFE Distro 1.0 by Isobel

---

يمكنك تخزين العاب الوي على الميموري كارد SD
2-وضع محاكي لي السوبر ننتندو
3-تعديل بعض المشالك في العاب القيم كيوب ( مثل الصوت )

اقتباس:

---

We like to point out that this disc does not update the chips firmware
in any way. It merely adjusts the configuration stored in EEPROM.

---

البديت الجديد هو عباره عن تعديل في الاعدادات وليس تحديث لل firmware .

الشركه تقوم بعمل تحديث جديد غير هاذا ..

وصلة التحميل : http://www.wiikey.cn/dl/config.1.2.rar

شباب انتضرو شوي محد ينسخ الابديت على DVD لاني اريد اجربه واعطيكم الخطوات ..

اقتباس:

---

البديت الجديد هو عباره عن تعديل في الاعدادات وليس تحديث لل firmware .

---

حسافة ><

كنت أنتظر أبديت للفيرم وير

ما بنزل الأبديت الخاص بالاعدادات :blackeye:

السلام عليكم

نقاش عن موضوع مهم جدا

المهم اخواني بعد ما انزل اللعبة من النت كيف احطها على دي في دي ...ما عندي خبرة بصراحه

اقتباس:

---

المهم اخواني بعد ما انزل اللعبة من النت كيف احطها على دي في دي ...ما عندي خبرة بصراحه

---

استخدم برنامج نيرو . وسعره معينه

----------------------------------------------


شباب من عيوب قطعة ال wiikey تأخير التحديث + اليوم حاولت العب لعبة prince of prica wii ماشتغلت , وكانت المشكله من القطعه لازم ابديت !!!

اقتباس:

---

شباب من عيوب قطعة ال wiikey تأخير التحديث + اليوم حاولت العب لعبة prince of prica wii ماشتغلت , وكانت المشكله من القطعه لازم ابديت !!!

---

أصلية ولا كوبي؟

اشلون تسوي ابديت لقطعة كوبي ؟؟؟؟؟؟؟؟؟؟؟ :09:

كيف تجي هذي ؟؟

اقتباس:

---

أصلية ولا كوبي؟

---

كوبي .

اقتباس:

---

اشلون تسوي ابديت لقطعة كوبي ؟؟؟؟؟؟؟؟؟؟؟

---

نزل ملف خاص من الموقع الرسمي للقطعه وحرقه على DVD عن طريق اي برنامج يحرق ملفات ISO مثل NERO - DVD DECRYPTER وغيره .

اقتباس:

---

كيف تجي هذي ؟؟

---

اخوي تحديث المود شيب كان من ايام القيم كيوب والسوني 2 , بس للأسف القطع الي عدنا كلها (زباله ) مع احترامي الشديد لأصحاب الاجهزه , في بعض قطع السوني 2 تقدر تشغل افلام بصيغة AVI وفي بعضها تقدر تلعب العاب ننتندو القديمه و و و و و الكثير من المميزات وبسعر 40$ , اما في المحلات القطعه الي يشترونها ماتساوي 5$ .


انت سألت كيف تجي ؟ في مره جربت اتحدث ال BIOS الي في مذربورد الكمبيوتر ؟؟

http://www.wiikey.cn/images/rightTopMainImage.png


اتشوف القطعه السوده ؟؟ الي مكتوب فوقها wiikey ?? هاذي القطعه تدعى EEPROM.

اختصار لي :

اقتباس:

---

Electrically Erasable Programmable Read-Only Memory

---

اي يعني انها قابله للمسح والبرمجه وهي للقرأه فقط مش مثل ال RAM
وتحديثها هو للفريم وير firmware مثل قطع الدي اس Supercard - m3 , انشاء الله فهمت شغلة التحديث .

السلام عليكم
اخوي اول شي احب اشكرك على هالموضوع ..
ثاني شي انا من الكويت ومحلات الألعاب بالكويت كلها منعو عنها الكوبي وكل الاشياء الغير قانونيه ، ماتعرف احد بالكويت عنده هالقطعه للبيع او عنده خبره ..
وطبعاً كل شي راح يكون بمقابل انشالله :)

بالتوفيق

اقتباس:

---

ثاني شي انا من الكويت ومحلات الألعاب بالكويت كلها منعو عنها الكوبي وكل الاشياء الغير قانونيه ، ماتعرف احد بالكويت عنده هالقطعه للبيع او عنده خبره ..

---

اخوي انا من الامارات , فصعب ادلك على محل او مكان ممكن اتحصله انشاء الله الشباب بيساعدونك :) , ويمكن افكر في يوم اني ايب القطعه من امريكا وابيعها مثل ال M3 , الفكره بعدها لانه الافبال مش مثل ال ام 3 ..

اقتباس:

---

وطبعاً كل شي راح يكون بمقابل انشالله

---

دعواتك لي وللأعضاء هي المطلبوه في الوقت الحاضر :) .

تسلم وماقصرت

تسلم اخي ميلي على التوضيح :)

بس عندي سؤال بسيط

دحين القطعة وين تركبها ؟؟؟؟؟؟؟؟؟؟؟؟؟؟

وشكرا :)

اقتباس:

---

المشاركة الأصلية كتبت بواسطة القبطان فرفشلي

تسلم اخي ميلي على التوضيح :)

بس عندي سؤال بسيط

دحين القطعة وين تركبها ؟؟؟؟؟؟؟؟؟؟؟؟؟؟

وشكرا :)

---

هذا الشرح عن تركيب القطعة


http://www.wiikey.cn/images/installWiiKey.pdf

THX scary face :)

السلام عليكم ورحمة الله وبركاته

يعطيكم ربي الف عافيه ع مجهوداتكم الجباره ف الموضوع

عندي استفسارات واتمنى ما اثقل عليكم
انا طبعن قريت الموضوع من اول صفحه لاخرها بس اتمنى مايكون فاتني شي لان الموضوع طويل ما شاء الله تبارك الله = 7 صفحات
انا ساكن بالسعوديه .. بالتحديد في مدينة ابها في جنوب المملكه بس الوي مانزلنا عندنا ف المنطقه
يعني لازم اقرب شي اروح جدهـ عشان اشتري الوي
وش احسن نظام للوي تتوفر عليه العاب ويتوافق مع الوي كي
كم سعر الالعاب الكوبي
كيف احدث الوي وهل احتاج لعبه اصليه او غير اصليه عشان احدث
والا التحديث مو بالضروره يكون فيه لعبه بالجهاز
سوري .. وياريت تساعدوني

اشكركم من جديد

اقتباس:

---

وش احسن نظام للوي تتوفر عليه العاب ويتوافق مع الوي كي

---

افضل نضام والي موجود تقريبا في السوق هو الامريكي .

اقتباس:

---

كم سعر الالعاب الكوبي

---

حوالي 20 درهم , تقدر اتنزل الالعاب من الانترنت .

اقتباس:

---

كيف احدث الوي وهل احتاج لعبه اصليه او غير اصليه عشان احدث

---

الي عليك هو تنسخ ملف خاص من الموقع على DVD وتحطه في الويي , الين الحين مانزل ابديت للقطعه جديد ..

اقتباس:

---

والا التحديث مو بالضروره يكون فيه لعبه بالجهاز

---

لا

اخوي ميلي حبيت اسالك :)

اقدر ادخل النت بقطعة الكوبي ؟؟؟؟

وشكرا :)

اقتباس:

---

المشاركة الأصلية كتبت بواسطة القبطان فرفشلي

اخوي ميلي حبيت اسالك :)

اقدر ادخل النت بقطعة الكوبي ؟؟؟؟

وشكرا :)

---

انا دخلت ال wii shop ونزلت اخر update وكلشي تمام . بس اذا سؤالك هل اقدر العب العاب اونلاين مثل بوكيمون , الجواب : ماجربت وانتضر اذا في حد امجرب النسخه اليابانيه . او الين ماتنزل اللعبه الامريكيه .

بس داخل اقول لاخوي ميلي كثر الف خيرك ويعطيك ربي الف عافيه

راشد بغيت اسألك ,
عندي جهاز اوروبي ,
هل في قطعة تخليني اشغل الألعاب الأمريكية واليابانية الأصلية . ..؟
مو لازم كوبي , بس ابي الاصلي ...

اقتباس:

---

راشد بغيت اسألك ,
عندي جهاز اوروبي ,
هل في قطعة تخليني اشغل الألعاب الأمريكية واليابانية الأصلية . ..؟
مو لازم كوبي , بس ابي الاصلي ...

---

فيه العاب تشتغل وفيه العاب ما تشتغل
http://wiki.gbatemp.net/index.php/Wi...atibility_List
شوف الالعاب الي تحت
NTSC-U (USA) to PAL
الي على يمينها لون اخضر يعني شغالة
otherwise not working

اقتباس:

---

راشد بغيت اسألك ,
عندي جهاز اوروبي ,
هل في قطعة تخليني اشغل الألعاب الأمريكية واليابانية الأصلية . ..؟
مو لازم كوبي , بس ابي الاصلي ...

---

اقتباس:

---

فيه العاب تشتغل وفيه العاب ما تشتغل
http://wiki.gbatemp.net/index.php/Wi...atibility_List
شوف الالعاب الي تحت
NTSC-U (USA) to PAL
الي على يمينها لون اخضر يعني شغالة
otherwise not working

---

وفيت وكفيت :)

يعطيكم العافيه , كاتبين ان بيبر ماريو راح تسبب مشاكل لو شغلتها ....
ياخي عفسه النظام الأوروبي ...
بنتظر لمن ينزل سعر الأمريكي وباخذه ....

هو بكم ينباع في الإمارات ؟

اقتباس:

---

يعطيكم العافيه , كاتبين ان بيبر ماريو راح تسبب مشاكل لو شغلتها ....
ياخي عفسه النظام الأوروبي ...

---

اخوي فاس , اذا عندك واليي مع مود شيب , سو ابديت للجهاز اونلاين وتأكد انه عندك اخر اصدار بعدين شغل بيبر ماريو بيطلب منك الابديت اضغط اوكي بعد ثواني الجهاز بيسوي ريستارت وانشاء الله بيتشغل معاك 100% من كلام المواقع :)

اقتباس:

---

هو بكم ينباع في الإمارات ؟

---

من غير مود شيب اضني 1300 مع مود شيب يمكن 1400 درهم

مشكور أخوي MeLeE على الموضوع لكن سؤال ...

من فين أقدر أنزل ألعاب الوي wii

و مشكور مقدماً ... :)

اقتباس:

---

المشاركة الأصلية كتبت بواسطة r4r

مشكور أخوي MeLeE على الموضوع لكن سؤال ...

من فين أقدر أنزل ألعاب الوي wii

و مشكور مقدماً ... :)

---

من مواقع التورنت ...

شكراً على سرعة الرد و شكراً على التوضيح ... :)

السلام عليكم عندي ثلاث أسئلة :- :D
الأول : اذا ركبت قطعة الكوبي هل استطيع الدخول اون لاين ؟؟
الثالني : اذا اشتريت الألعاب منسوخة هل أستطيع ان العب بها اون لاين (استطيع العب مع العالم بنفس اللعبة) ؟؟؟
الثالث : هل تشغل قطعة الكوبي الألعاب الأصلية ؟؟ لأنه اذا لم استطع اللعب اون لاين بالألعاب المنسوخة فسأشتري ألعاب الأون لاين اصلية والعب بها اون لاين اما الألعاب التي ليس بها اون لاين اشتريها منسوخة. :33:
ارجو المساعدة وشكرا جزيلا لكم و آسف على الاطاله وكثرة الأسئلة...:biggthump

السلام عليكم
حبيت اقولكم ان اللعبة شغالة بالجهاز الامريكي الي فيه مودشيب 100%
انا سحبتها اليوم وتوني جربتها واشتغلت تمام بس يبيلها قعدة والحين انا مشغول شوي بالاكس360 واللايف

و نحن اصحاب الوي الأصلي كيف نقدر نلعبها و هي يابانيه ؟ :02:

اقتباس:

---

المشاركة الأصلية كتبت بواسطة Emperor-uae

و نحن اصحاب الوي الأصلي كيف نقدر نلعبها و هي يابانيه ؟ :02:

---

يقولون نزل في الإمارات Free Loader روح شيك وجرب ...

اقتباس:

---

و نحن اصحاب الوي الأصلي كيف نقدر نلعبها و هي يابانيه ؟

---

المودشيب يدعم تشغيل الالعاب الاصلية اليابانية على جهاز امريكي -_-"
فإذا طورت جهازك راح تشتغل عليه النسخة الاصلية 100% بدون مشاكل

اقتباس:

---

يقولون نزل في الإمارات Free Loader روح شيك وجرب ...

---

للحين ما نزل شي :X

حلوة اللعبة؟ نبي انطباعك ^^

انا يالس انزلها الحين :) , بس اخوي عندي مداخله بسيطه وسمحلي عليها ..
كان المفترض انك تكتب موضوعك اهني http://www.montada.com/showthread.php?t=525382&page=9

لتسهيل على الاعضاء , واذا انت كنت خايف محد يدخل او شيء تقدر تنسخ رابط ردك وتحطه في قسم الشات وانشاء الله كلهم بيشوفونه ..

لانه هاذا الموضوع يحتوي على نقاش بخصوص الكوبي , في مواضيع كثره نقشنها مثلا ناروتو ماتشتغل على الوي الامريكي + prince of prica , لو على كل لعبه بتنزل فتحنلها موضوع , بيكون المتدى ملخبط ..

اما لو كان في تحذير انه لعبه يمكن تأثر على الجهاز فمحد بيعارضك ^_ .

اقتباس:

---

الأول : اذا ركبت قطعة الكوبي هل استطيع الدخول اون لاين ؟؟

---

دخلت وسويت ابديت + نزلت لعبه من Wii shop

اقتباس:

---

الثالني : اذا اشتريت الألعاب منسوخة هل أستطيع ان العب بها اون لاين (استطيع العب مع العالم بنفس اللعبة) ؟؟؟

---

هاذا لازم تسأل واحد مجرب ومتأكد انها تشتغل 100% , هو المفروض انها تشتغل ...

اقتباس:

---

الثالث : هل تشغل قطعة الكوبي الألعاب الأصلية ؟؟ لأنه اذا لم استطع اللعب اون لاين بالألعاب المنسوخة فسأشتري ألعاب الأون لاين اصلية والعب بها اون لاين اما الألعاب التي ليس بها اون لاين اشتريها منسوخة. :33:
ارجو المساعدة وشكرا جزيلا لكم و آسف على الاطاله وكثرة الأسئلة...:biggthump

---

تشتغل :)

:D

اقتباس:

---

حلوة اللعبة؟ نبي انطباعك ^^

---

راح اقولكم انطباعاتي بعد يومين
حاليا قاعد العب بالاكس360
على فكرة ما عندك gamertag على شان نباريك :D

اقتباس:

---

انا يالس انزلها الحين :) , بس اخوي عندي مداخله بسيطه وسمحلي عليها ..
كان المفترض انك تكتب موضوعك اهني http://www.montada.com/showthread.php?t=525382&page=9

لتسهيل على الاعضاء , واذا انت كنت خايف محد يدخل او شيء تقدر تنسخ رابط ردك وتحطه في قسم الشات وانشاء الله كلهم بيشوفونه ..

لانه هاذا الموضوع يحتوي على نقاش بخصوص الكوبي , في مواضيع كثره نقشنها مثلا ناروتو ماتشتغل على الوي الامريكي + prince of prica , لو على كل لعبه بتنزل فتحنلها موضوع , بيكون المتدى ملخبط ..

اما لو كان في تحذير انه لعبه يمكن تأثر على الجهاز فمحد بيعارضك ^_ .

---

سوري نسيت سالفة الموضوع
ارجو من المراقبين الدمج مع موضوع الmodchips :D

انا بصفتي مجرب للموضوع باقولكم سالفتي حتى تحاسبون ....

انا شريت من موقع هو sky2k.com وهو موقع كندي , يبيع رخيص فعلا , يعني يوصلك لبيتكم الشيب ما يوصل 14 دينار بحريني يعني 140 ريال سعودي , المهم , ما طلع الاصلي ...

الفرق بين الكوبي والاصلي مب في الشغل ابدا ... انا اللي ركبته شيب مب اصلي .. لكن يشغل كل شي احسن ما يكون ....

الفرق هو في الابدييت اللي ينزل في موقع الويي كيي الرسمي ... ما يشتغلون على التشيب الكوبي ...

هاي هو الفرق ...

وفضل تشيب هو الويي كيي بلا منازع ... تركيب سهل ... وشغل عدل ...

وبالتوفيق

بانتظار الإنطباع

اقتباس:

---

على فكرة ما عندك gamertag على شان نباريك :D

---

X Snake 87
تباريني شنو ^^؟ تنس ؟

اقتباس:

---

الفرق هو في الابدييت اللي ينزل في موقع الويي كيي الرسمي ... ما يشتغلون على التشيب الكوبي

---

اخوي شو الفايده انه مود شيب مش اصلي يعني جوده الشيب اقل + انه غير قابل للتحديث الرسمي ؟؟ يمكن في تحديث ضروري .؟؟



----------------------------



المهم شباب في تحديث انشاء الله قريب للwiikey يمكن تاريخ 15 هاذا الشهر ..

السلام عليكم

مشكور اخوي MeleE على هذا الموضوع

وعندي كم سؤال , الله لايهينك.

1)هل هناك طريقة لمعرفة القطعةًWiikey الاصليه عن التقليد ,,غير الفرق بالشكل لانهم متقاربين في الشكل ومن الصعف انك تميزهم؟

2)هل هي متوفرة في دول الخليج وبكم سعرها تقريبا؟

3) شباب الي يعرف محل يبيع القطعة الاصلية في السعودية الرجاء اخباري

وشكرا

اقتباس:

---

)هل هناك طريقة لمعرفة القطعةًWiikey الاصليه عن التقليد ,,

---

اقتباس:

---

2)هل هي متوفرة في دول الخليج وبكم سعرها تقريبا؟

---

همممممممم

يس ، بالسعر

بس شوف

أنت يوم تبركب قطعة الويي كيي ، قول حق صاحب المحل و نبهه أنك تريد تركب القطعة الأصلية و لا يركب التقليدية ، عشان يعرف عدل أنك تبي القطعة الأصلية ، ترا بعض الباعة ما يفهمون

أنا ركبت القطعة الأصلية ب250 درهم تقريبا

التقليدية بالعادة تكون أرخص

مشكور اخوي super shadow على المعلومة

بسوي نفس الي قلت

اقتباس:

---

المشاركة الأصلية كتبت بواسطة البرازيلي كاكا

مشكور اخوي super shadow على المعلومة

بسوي نفس الي قلت

---

سعر القطعه الاصليه الين 25$ على ما اعتقد فلا تتفأجاء لو حصلتها ارخص , وانت اسأل المحل مثل مافي محلات نصابين اكيد في محلات أمنأ

شالفرق بين الأصلية والتقليد ؟

اقتباس:

---

المشاركة الأصلية كتبت بواسطة Snake-87

شالفرق بين الأصلية والتقليد ؟

---

الي اعرفه ان الاصليه تقدر تسوي لها تحديث من الانترنت, وبالتالي تقدر تشغل العاب ماكانت تشتغل قبل ما تسوي التحديث.

ان شاء الله الشباب بيفيدونك اكثر

انا نزلت ملف التحديث حق الوي كي ،، بس ما اعرف كيف احدثه على جهازي
هل اني انزل الملف على سيدي واشغلة على الوي ويتحدث تلقائي والاكيف؟

شلون اعرف إذا القطعة اصلية وإلا لا ؟ علما بأني مركبها على جهازي ^^"

صحيح يا اخوان ما الفرق بين التقليد والاصلي !!
يعني لو مثلا ركبوا القطعة وقالوا اصلية هل في المينو عندما اشغل الوي اعرف انها اصلية او تقليد!!
ولو ابغى اشتريها اصلية من النت من وين يمكنني ذلك من موقع مضمون ؟
وشكرا لك اخي ميلي على الشرح والتوضيح

على كلام الشركه المصنعه للقطعه ان التحديث الجديد مابيصير للقطعه التقليد !! ...


على فكره لعبه Mario striker الاوروبيه اشتغلت عندي على الجهاز الامريكي , واشتغل الاونلاين 100% من دون مشاكل !

اقتباس:

---

على فكره لعبه Mario striker الاوروبيه اشتغلت عندي على الجهاز الامريكي

---

ما جربتوا تشغلون ناروتو عليها ؟

اقتباس:

---

على فكره لعبه Mario striker الاوروبيه اشتغلت عندي على الجهاز الامريكي , واشتغل الاونلاين 100% من دون مشاكل !

---

روووووعة الله يبشرك بالخير ^^
انزين بلعب اون لاين شلون ؟ ما عندي وايرلس ^^" ولازم اشبك الجهاز بالكمبيوتر لأنه اشتراكي مو DSL بس سريع جدا .

اقتباس:

---

ما جربتوا تشغلون ناروتو عليها ؟

---

ما يشتغل T,T

اقتباس:

---

انزين بلعب اون لاين شلون ؟ ما عندي وايرلس ^^" ولازم اشبك الجهاز بالكمبيوتر لأنه اشتراكي مو DSL بس سريع جدا .

---

قطعة الواي فاي تحل مشكلتك http://www.geocities.com/super_broly11/o16.bmp

اقتباس:

---

ما يشتغل T,T

---

قهر http://www.geocities.com/super_broly11/o9.bmp

اهم شيء ان الاونلاين في ماريو اشتغل

كويس كذا انا نوين اركب الكوبي من الان

شكرا لك اخي ميلي على التوضيح
بس
يا اخوان الحين ناروتو اللي تتكلموا عنها وما اشتغلت
هل جربتوا تشغلوا اللعبة الاصلية والكوبي
لان صراحه لو ما اشتغلت اليوم ناروتو لا الاصلية ولا الكوبي
بكره بتطلع لعبة احسن وخايفين تكون نفس
المشكلة صح والا لا :(

اقتباس:

---

المشاركة الأصلية كتبت بواسطة DR.COM

شكرا لك اخي ميلي على التوضيح
بس
يا اخوان الحين ناروتو اللي تتكلموا عنها وما اشتغلت
هل جربتوا تشغلوا اللعبة الاصلية والكوبي
لان صراحه لو ما اشتغلت اليوم ناروتو لا الاصلية ولا الكوبي
بكره بتطلع لعبة احسن وخايفين تكون نفس
المشكلة صح والا لا :(

---

أخوي بخصوص ناروتو

ما يشتغل ( الأصلي و حتى الكوبي )

ناروتو بالذات ما تشتغل ، ما نعرف ليش :أفكر:

الحين الوحيد في الفترة الحالية أننا ننتظر الأبديت حق قطعة الويي كيي

اقتباس:

---

المشاركة الأصلية كتبت بواسطة Super Shadow

أخوي بخصوص ناروتو

ما يشتغل ( الأصلي و حتى الكوبي )

ناروتو بالذات ما تشتغل ، ما نعرف ليش :أفكر:

الحين الوحيد في الفترة الحالية أننا ننتظر الأبديت حق قطعة الويي كيي

---

طيب اخوي برائيك لو الجهاز مافيه القطعة بتشتغل تمام :33:

اقتباس:

---

المشاركة الأصلية كتبت بواسطة DR.COM

طيب اخوي برائيك لو الجهاز مافيه القطعة بتشتغل تمام :33:

---

أخوي الويي أصلا مب فري ريجن و انما Locked Reigen ، يعني ما تقدر تشغل ألعاب يابانية على جهاز أمريكي و العكس

اذا ما بتركب القطعة لازم تشتري لك جهاز ويي ثاني ياباني

اقتباس:

---

المشاركة الأصلية كتبت بواسطة Super Shadow

أخوي الويي أصلا مب فري ريجن و انما Locked Reigen ، يعني ما تقدر تشغل ألعاب يابانية على جهاز أمريكي و العكس

اذا ما بتركب القطعة لازم تشتري لك جهاز ويي ثاني ياباني

---

على كذه هذا يعتبر عيب في جهاز الوي

يعني في هذه الحاله الواحد ينتظر اما ينزل تحديث جديد للقطعة
او تنزل اللعبة بنظام امريكي عشان تشتغل بشكل متوافق
لان يبدوا المسالة تعارض ريجن الجهاز مع اللعبة وحتى مع وجود القطعة

اقتباس:

---

المشاركة الأصلية كتبت بواسطة DR.COM

على كذه هذا يعتبر عيب في جهاز الوي

يعني في هذه الحاله الواحد ينتظر اما ينزل تحديث جديد للقطعة
او تنزل اللعبة بنظام امريكي عشان تشتغل بشكل متوافق
لان يبدوا المسالة تعارض ريجن الجهاز مع اللعبة وحتى مع وجود القطعة

---

اخوي هاذا ذكأ من الشركه ومش عيب , في شركه اتريد ايركبولها قطعة كوبي ؟؟ شركه ننتندو اتعرف ان الهكر بيكسرون الجهاز بي اي طريقه , فهم سوو هاذي الحركه Regon lock بحيث انه بعض الالعاب اليابانيه او الاوروبيه ماتشتغل على الجهاز الثاني والعكس صحيح , عندك مثال لو عندك ويي نسخه يابانيه وعندك paper mario نسخه امريكيه اول ماتشغل اللعبه على الجهاز الياباني paper mario تتحول ياباني بل كامل !!!

WiiKey *Clone*

اخر الاخبار !!

اسف على هاذا الخبر المحزن والله يستر الصراحه !!!

WiiKey *Clone*

اي ويكي التقليد شوفو موقع للبيع اسمه divineo عارضنها شوفو شو كاتب

اقتباس:

---

Perfect clone of the wiikey chip, with all the same features than the original, at a lower price.

---

اقتباس:

---

---

اي ان القطعه التقليد = القطعه الاصليه من ناحيه المواصفات 100%

وسعر القطعه الحبه 8$

اقتباس:

---

Buy at retail price : $ 7.99

---

اقتباس:

---

Buy 05 or more : $ 6.99/piece

Buy 10 or more : $ 5.99/piece
Buy 25 or more : $ 4.99/piece
Buy 50 or more : $ 4.49/piece

---

وثاني اهم نقطه

اقتباس:

---

Chips are compatible with the latest update (1.2)

---

اقتباس:

---

---

انها تدعم اخر تحديث !!! يعني الله يستر اذا اصليه الي عندي او في السوق ولا !!

ثالث شيء

اقتباس:

---

The divineo warranty apply on this product, like any other product sold here.

---

يعني انها مضمونه من عند الموقع مثل اي قطعه ثانيه !!!

في نقطه مهما اول مانزلت الطقعه ماكان في فرق بين الاصلي والتقليد بس الحين في فرق واضح وضح الشمس , بس يمكن المحلات ايكون عندهم شحنه قديمه (ما ندر)

وشوفو كيف الشركه تلعب فينا ..

هاذا كلام من الشركه نفسه

اقتباس:

---

Wiikey update: ETA 1 week!

We have received positive news from the developers. The long-awaited upgrade to wiikey is basically finished, and is now being tested on different systems to ensure that is is working smoothly. We expect that it will be available to the public around May 15.

We would also like to point out that making the upgrade incompatible with clones have not caused any delays in the process.

---

بعد وصول الموعد

اقتباس:

---

Update delays

Quite a few people have contacted us and expressed disappointment over that the update has not been released yet. We would like to apologize for this. Please bear in mind that development work always take time, and we are will post the update as soon as it is delivered to s by the developers.

---

في واحد من منتدى اجنبي قال انه ويكي مابتنزل ابديت , بس الاعضاء هناك ضلموه وقالوله انه يخرط و و و وو , بس الحين طلع كلامه صح 100% عادي مانشوف ابديت الى بعد سنيين !!

المهم خبر مفرح بدل الاخبار المحزنه , هو خبر قديم نوعا ما بس علشان اتكونون في الصوره

اقتباس:

---

Wiikey now shipping with hologram sticker!

For the last 2 weeks all shipments of wiikey have included a hologram sticker to help distinguish clones from originals. It is designed to be put on the wii case, in the same fashion as license stickers are used. A picture will follow soon!

---

اي انه الي يشتري قطعه الوكيي من اليوم لازم اتكون عليها استيكر مثل الصوره

http://www.divineo.com/divineo/image...d-wii-wkey.jpg

هاذي الاصليه

الي من غير استيكر

هي المغشوشه .

http://www.divineo.com/divineo/image...wi-wkeyclo.jpg

الي يبغي ايريح نفسه من عوار الراس في قطعه اسمها Cyclo

طبعا ما نزل منها كوبي او مغشوش

الى الان على حسب علمي

وهاذي الصوره

http://www.divineo.com/divineo/image...-wi-cycwiz.jpg

هاذا النوع V1 اي انها ماتركب على كل انواع الوي الموجوده في السوق بس على الانواع القديمه

وهاذا الموقع حاط فيه بعض السريلات الي تركب عليها
http://forums.maxconsole.net/showpos...49&postcount=1

WiiD

هاذي القطعه نزل منها نوعين على ما اعتقدر, نوع تعبان بل مره !! مايسوى درهم .

بس هاذا النوع جديد وينافس القطع الموجوده فوق

http://www.divineo.com/divineo/image...dd-wi-wiid.jpg

software upgrades

انشاء الله استفدتو :)

يا رياااااااااااااااااال

يعني ناروتو شارنه على فاضي :boggled:

الله يعين بس

^
لووول ليش شاريه وانت مو متأكد xD
بالنسبة للتطويرة إلي عندي اتوقع انها تقليد .. لأنه سعرها 15 وكان في وحدة مثلها بس بـ20 وقال لي راعي انه ماكو فرق بينهم ابد ><" .
أقدر اعرف إذا اصلية ام لا بدون لا افتح الجهاز؟

اقتباس:

---

لووول ليش شاريه وانت مو متأكد xD

---

يعني تباني أفوت علي اللعبة (&)؟؟

تراني في البداية قررت أني أشتري ويي ياباني بس غيرت رأيي يوم نزلت الWii Key

اقتباس:

---

يا رياااااااااااااااااال

يعني ناروتو شارنه على فاضي :boggled:

الله يعين بس

---

الصبر نور ^^ , انتضر يمكن ينزل ابديت يديد قريب ماتعرف ؟؟ او قطعه اقوى من الويكي ومضمونه 100% او يمكن اينزلون ال loader الي ايشغل الريجون ...

اقتباس:

---

لووول ليش شاريه وانت مو متأكد xD
بالنسبة للتطويرة إلي عندي اتوقع انها تقليد .. لأنه سعرها 15 وكان في وحدة مثلها بس بـ20 وقال لي راعي انه ماكو فرق بينهم ابد ><" .
أقدر اعرف إذا اصلية ام لا بدون لا افتح الجهاز؟
__________________

---

لعى كلام الموقع انه الاصدار الجديد 1.3 بيكون للأصلي فقط بحيث انه المنسوخ مايشتغل عليه !!

اقتباس:

---

يعني تباني أفوت علي اللعبة (&)؟؟

تراني في البداية قررت أني أشتري ويي ياباني بس غيرت رأيي يوم نزلت الWii Key

---

يمكن في حل ؟ بس انا مادورت في النت لانه الهكر شغالين عدل !! او يمكن برنامج dump او غيره !

و الله حوسة ...

الحين ننتندو ليش ما تنزل الالعاب اليابانية على النظام الامريكي ؟
او تخلي جهازها فري ريجن و تريحنا ؟

الف مليون قطعة و اصلي و كوبي و العاب تشتغل و العاب ما تشتغل و اون لاين و اوف لاين ...

انشالله ربي يرزقني مليون عشان اروح اشتري لي وي ياباني و وي امريكي و وي اوربي و اقعد العب على راحتي ...

----------------------------------------------------------------------

يعطيك العافية MeLeE :)

اقتباس:

---

المشاركة الأصلية كتبت بواسطة طالب_مفلس

و الله حوسة ...

الحين ننتندو ليش ما تنزل الالعاب اليابانية على النظام الامريكي ؟
او تخلي جهازها فري ريجن و تريحنا ؟

الف مليون قطعة و اصلي و كوبي و العاب تشتغل و العاب ما تشتغل و اون لاين و اوف لاين ...

انشالله ربي يرزقني مليون عشان اروح اشتري لي وي ياباني و وي امريكي و وي اوربي و اقعد العب على راحتي ...

----------------------------------------------------------------------

يعطيك العافية MeLeE :)

---

والله اخوي ساسية الشكره هاذي ^^

اقتباس:

---

لعى كلام الموقع انه الاصدار الجديد 1.3 بيكون للأصلي فقط بحيث انه المنسوخ مايشتغل عليه !!

---

تقصد آبديت الوي ؟

انا لسه ما شريت الوي
ولي اسبوع وانا اسأل الشباب وشو احسن القطع؟ كيف اعرف الاصلي؟........الخ
وفي النهاية يطلع ان الكوبي نفس الاصل....
وان قطعة الوي كي ما فيها ابديت اساسا.

والله اني احترت الحين ... هل اشتري الجهاز او لا؟

اخوي MeLeE
ابغى شورك (الله لا يهين بقية الشباب)

اشتري الجهاز مع قطعة الوي كي ؟ او ما اشترية خير شر؟
لاني مو عارف الكلام الي قلته سلبي 100% ؟ او فيه امل يكون ايجابي؟

واسف على الاطالة

اقتباس:

---

والله اني احترت الحين ... هل اشتري الجهاز او لا؟

---

اخوي اشتر الجهاز عادي .

اقتباس:

---

اشتري الجهاز مع قطعة الوي كي ؟ او ما اشترية خير شر؟
لاني مو عارف الكلام الي قلته سلبي 100% ؟ او فيه امل يكون ايجابي؟

---

اخوي معضم الشباب الي ركبو القطعه (اصليه) او تقليد والله ماعرف يعني مافي شكوى من الجهاز بس انا كمستخدم اكيد اريد ان القطعه تكون مع تحديث علشان اضمن في المستقبل كل القطع تشتغل ! والله اخوي لو تقدر اتخلي راعي المحل ايراويك شكل القطعه وانتا قارن الصور الي فوق مع شكلها اذا كانت مع الصقه المكتوب عليها wiikey فأنشاء الله اتكون القطعه اصليه ونحن ننتضر التحديث والله يعلم متى !!! ؟

اخوي بخصوص الالعاب التقليد الامريكي فهي شغاله عندي 100% بس بخصوص الريجون مرات تشتغل مرات لا..

اقتباس:

---

المشاركة الأصلية كتبت بواسطة MeLeE

اخوي اشتر الجهاز عادي .


اخوي معضم الشباب الي ركبو القطعه (اصليه) او تقليد والله ماعرف يعني مافي شكوى من الجهاز بس انا كمستخدم اكيد اريد ان القطعه تكون مع تحديث علشان اضمن في المستقبل كل القطع تشتغل ! والله اخوي لو تقدر اتخلي راعي المحل ايراويك شكل القطعه وانتا قارن الصور الي فوق مع شكلها اذا كانت مع الصقه المكتوب عليها wiikey فأنشاء الله اتكون القطعه اصليه ونحن ننتضر التحديث والله يعلم متى !!! ؟

اخوي بخصوص الالعاب التقليد الامريكي فهي شغاله عندي 100% بس بخصوص الريجون مرات تشتغل مرات لا..

---

مشكور اخوي MeLeE
وبتوكل على الله وبشتريه الاسبوع الجاي ان شاء الله

يا اخوان انا سالت على القطعة في السعودية واحد المحلات قاللي
القطعة مع التركيب = 150 ريال !!!!!!!
سالته ايش نوع القطعة قال وي كي !!
فانا اعتقد انها قطعة تقليد

اقتباس:

---

المشاركة الأصلية كتبت بواسطة DR.COM

يا اخوان انا سالت على القطعة في السعودية واحد المحلات قاللي
القطعة مع التركيب = 150 ريال !!!!!!!
سالته ايش نوع القطعة قال وي كي !!
فانا اعتقد انها قطعة تقليد

---

اخوي
تقدر تعرف اذا القطعة تقليد ولا لا عن طريق شعار wiikey الي يكون مطبوع على القطعة نفسها.

وانا سألت بالتلفون محل العاب طوكيو بالرياض وقالي 250 ريال
بس انا ما تأكدت اذا هي اصليه ولا لا لاني ما رحت للمحل بس كلمته تلفون.

واذا تقدر تقول لي وش المحل الي انت رحت له . علشان يستفيدون بقية الشباب.

واسف على الاطالة

اقتباس:

---

المشاركة الأصلية كتبت بواسطة البرازيلي كاكا

اخوي
تقدر تعرف اذا القطعة تقليد ولا لا عن طريق شعار wiikey الي يكون مطبوع على القطعة نفسها.

وانا سألت بالتلفون محل العاب طوكيو بالرياض وقالي 250 ريال
بس انا ما تأكدت اذا هي اصليه ولا لا لاني ما رحت للمحل بس كلمته تلفون.

واذا تقدر تقول لي وش المحل الي انت رحت له . علشان يستفيدون بقية الشباب.

واسف على الاطالة

---

انا لو رحت مره ثانية بطلب منه اشوف القطعة واتاكد من الشعار
والمحل في سوق الجنوبية بس صراحه مالاحظت اسم المكان لاني كنت مار وفجاه شفت المحل ودخلت عليه
بس سوق الجنوبية معروف في جدة ومعروف انهم ارخص ناس يبيعوا الاجهزة هناك لانه سوق جملة
وصراحه اجهزتهم نظيفة

اقتباس:

---

القطعة مع التركيب = 150 ريال !!!!!!!

---

اقتباس:

---

وانا سألت بالتلفون محل العاب طوكيو بالرياض وقالي 250 ريال

---

اخوي هاذا محل طوكيو اغلى محل شفته في حياتي , انا يوم ازور السعوديه (لأدأ فريضة العمره) فمريت على هاذا المحل كان ابيع العاب قيم كيوب بي 300 ريال ونحن عدنا 180 درهم !!! حرامي رقم 1 والله اعلم بقية الفروع !!

المهم شباب علشان اتكونو في الصوره سعر قطعه الويكي الاصليه حوالي 93 درهم والتقليد حوالي 25 درهم من الانترنت !!! سعر التركيب يختلف من محل لأخر !!

اقتباس:

---

المشاركة الأصلية كتبت بواسطة MeLeE

اخوي هاذا محل طوكيو اغلى محل شفته في حياتي , انا يوم ازور السعوديه (لأدأ فريضة العمره) فمريت على هاذا المحل كان ابيع العاب قيم كيوب بي 300 ريال ونحن عدنا 180 درهم !!! حرامي رقم 1 والله اعلم بقية الفروع !!

المهم شباب علشان اتكونو في الصوره سعر قطعه الويكي الاصليه حوالي 93 درهم والتقليد حوالي 25 درهم من الانترنت !!! سعر التركيب يختلف من محل لأخر !!

---

93 درهم . والله بلاش بالنسبة لنا في السعودية
النصب عندنا منتشر بشكل غير طبيعي

اخوي MeLeE
انا رحت محل عندنا في السعودية وسألته تضمن لي القطعة ؟ قال القطعة اضمنها اذا اختربت
بس مايضمنلي الجهاز اذا صار لة باند مثل حركة (مايكروسوفت)

سألته وشو الباند . قال لي انك ماتقدر تلعب اون لاين اذا اكتشفوا انك تلعب بألعاب غير اصلية.

هل هذا صحيح او لا (هل يوجد شي اسمة باند )؟
وشكرا

اقتباس:

---

93 درهم . والله بلاش بالنسبة لنا في السعودية
النصب عندنا منتشر بشكل غير طبيعي

---

لوول , تراني طرشت ايميل لي شكره cyclowiz الي امسويه قطعه مال ويي , بس انتضر ردهم .. لاني فكرت اشتري كميه كبيره وابيعها ويكون السعر قريب من سعر المواقع الامريكيه !!! مثلا 100 درهم من غير تركيب :)

اقتباس:

---

اخوي MeLeE
انا رحت محل عندنا في السعودية وسألته تضمن لي القطعة ؟ قال القطعة اضمنها اذا اختربت
بس مايضمنلي الجهاز اذا صار لة باند مثل حركة (مايكروسوفت)

سألته وشو الباند . قال لي انك ماتقدر تلعب اون لاين اذا اكتشفوا انك تلعب بألعاب غير اصلية.

هل هذا صحيح او لا (هل يوجد شي اسمة باند )؟
وشكرا

---

حتى الحين محد اشتكى من الطرد وغيره !!!! والله اعلم في المستقبل ! الدي اس محد صارله باند !!