عرض للطباعة
السلام عليكم
قبل فتره في السعوديه اختبرنا قدرات ..( للمرحله الثاني والثالث ثانوي )
النتائج نزلت على الموقع الخاص لقياس
http://www.qiyas.com/
كل الي عليك تروح لم استعلام عن الاختبارات ..وتحط سنه 1428 ..وتحط رقم الاشتراك
مرات اذا ادخل الرقم يطلع لك (سيرفر انفيلبل ) لكن ان سوي عرض نتيجه مره ثانيه واصبر شوي وراح تطلع لك
شفت النتيجة -- لكن ما كانت مثل ما أتوقع :( --
يالله الحمدلله الغلط مني ما تجهزت عدل للإختبار -- لسه باقي 3 إختبارات والله يساعد
الموقع عليه ضغط غير طبيعي
تقدرون تاخذو النتيجه عن طريق رقم المركز 800124966
والله يوفق الجميع
مشكور حبيبي على الإفادة
لكن مع الأسف الورقة الي فيها رقم الإشتراك ضايعة
و الرسالة الي رسلها لي المركز مسحتها
فما في طريقة أطلع فيها النتيجة من دون رقم الأشتراك ؟
أو ما في طريقة أطلع فيها رقم الأشتراك ؟
أتمنى الإفادة أفدكم الله
يالغالي إليك الرقم لطلب رقم الإشتراك الخاص بك
01 2122000
مشكور حبيب قلبي
و جاري التجربة ...
و راجع
جربت الرقم من الجوال طبعا
لكن كل ما اتصل يقولي مشغول
اتمنى منك التأكد من الرقم اذا ما عليك أمر
و تكتبه من اليسار الى اليمين من فتح الخط
يعطيك الف عافية أخوي
ممكن سؤال و هو
كم النسبة المطلوبة لدخول كليات الطب ؟؟؟
يعطيك الف عافية أخوي واول مرة اسمع انه لهم موقع ؟؟ بس السؤال الى يطرح نفسه لماذا كل هذه الاختبارات وهل هى مطبقه فى جميع انحاء العالم ؟؟ ولا بس عندنا ؟؟؟؟؟؟
اخوي نعم هي مطبقة في الخارج والظاهر يطلق عليه في امريكا اختبارات ACT وفايدتها يبون يشوفون الفلوس الي يحطونها فيك علشان يعلمونك تسوى ولا ماتسوى XD
هي اخوي للي يبي يدخل جامعات زي ماتقول علمية من متطلبات قبولها للطالب انك تختبر ويشوفون قدراتك الي حصلت عليها في اخر ثلاث سنوات
وياشباب في احد يقدر يقولي كم هي نسبة المطلوبة للقبول في جامعة الملك فهد للبترول والمعادن لاني حاس اني جبت العيد وابي اتأكد T_T
مشكوووووور اخوي ...
طلعت لي النتيجه بس ما فهمت شـــي .. ؟
اهلا شباب
طبعا لكل جامعه نسبه
لكن اي شخص يجيب 75 % وفوق هذا يضمن ان شاء الله يدخل اي جامعه
السلام عليكم ورحمة الله ..
حبيت استفسر منكم اللي عنده خبرة في هالموازيع ...
لو انا عملت اختبار القدرات هاذي السنة بس ما سجلت في الجامعة ...
وجيت بسجل السنة اللي وراها لازم اعمل الاختبار من جديد ..؟
وكمانا فيه ناس قالت لي ..حتى لو نسبتي في القدرات والنسبة العامة للاختبارات ممتازة ..
احتمالية قبولي رح تكون ضعيفة لو اجلت التسجيل للسنة الجاية ..
لانو الاولوية تكون لخريجي السنة الحالية وليس الماضية ..
انا عندي ظروف ودي ااجل الجامعة ورا سنة ...بس اخاف انو تضيع نسبتي وتعبي في هالسنة ..
وش تنصحو ..؟!
وعليكم السلام ورحمه الله
اختي للاسف لكي نسبة انك تخشي جامعة بس راح تكون ضعيفة لان الاولوية لخريجي السنة القادمة وتراني سئلت اكثر من شخص لاني كنت بسوي زيك بس لقيت الاجابة ماتشجع والله المستعان
والله يوفقنا اجمعين ...
اها ...اقتباس:
المشاركة الأصلية كتبت بواسطة Dark Spot
مشكور والله اخويا على افادتي ...
طيب مومكين نسجل وناخوذ وقف ..؟ وكيفية اخذ الوقف ..؟
يعني السنة الاولى ورا كم شهر يقدرو ياخذو وقف ..؟!
وهل تتوقف المكافأة في السنوات اللي رح يرجع فيها ورا الوقف ..؟
لو تقدر تفيدني بكون شاكرة ...
أنا جبت 85 درجة في القدرات ... بس ما أدري تدخلني كلية الهندسة
تدخلها بالراحه ... ماشاء الله ^^اقتباس:
أنا جبت 85 درجة في القدرات ... بس ما أدري تدخلني كلية الهندسة
يعطيك ألف عافية وعافية على هالخبر الحلواقتباس:
المشاركة الأصلية كتبت بواسطة R O C K Y
انا جبت 89 وافكر في الــ CPC (ارامكو)
في عندنا طالب في المدرسه جايب 94 انا منصدم منه :blackeye:
والله اختي مابي اقولك شي يزعلك بس للاسف الظاهر مايمديك لاني سئلت اخواني في الجامعة وهذه اول مرة يسمعون فيها يعني لو سجلتي ووقفتي عن الحضور تعتبرين drop (( تاركة للدراسة )) بس تراني مو متأكد بنسبة 100% بس انشاء الله راح اسألك على الموضوع و رد لكي خبراقتباس:
المشاركة الأصلية كتبت بواسطة ~*RoSaMaRia*~
اولا قول ماشاء الله على الرجال (( تلقاه الحين ميت XD ))اقتباس:
المشاركة الأصلية كتبت بواسطة GameCubeالمحترف
ومن ناحية نسبتك ياخوي ماشاء الله عليك نسبتك حلوة جدا (( مو زي 71 وجايبها بالحظ :09: )) انصحك تخش افضل لان نسبتك ماشاء الله عالية فخلي طموحك عالي مرة وحدة :D
انصحك تقدم اذا يمديك جامعة الملك فهد او هارفرد <<<<< (( ايه يصير خير :D ))
وخاصة ان ارامكو تقدم برنامج للخريجين الثانوية روعة وافكر اني اقدم عليه الي هو انك تدرس في البترول او يرسلونك للخارج (( ياريت لو يقبولني واروح اليابان :32: )) وعلى شرط ان معدلك التراكمي مايقل عن 3.5 غير المكافات الي يعطونك ياه (( يعني تدرس وانت بطران :D )) وغير ان سنوات دراستك تعتبر كخبرة (( هذا افضل شي في البرنامج غير المكافات طبعا :D )) ولك وظيفة مظمونة 1000% في ارامكو برتبة senior (( جريد 13 :biggthump ))
وانت ياخوي اقرا الي كتبته لك وقولي اذا انت لا زلت مصمم على CPC :أفكر:
اهاااااااااا .. مشكور ع الافادة اخويا ..اقتباس:
المشاركة الأصلية كتبت بواسطة Dark Spot
عمومن انتم الاولاد حظكم فيه عندكم اقسام ..وعندكم البترول وناااسة خخخ
مو نحنا وع اع يع على هالتخصصات وبالذات جامعة الملك فيصل قسم الحسا ..
ما فيه تخصصات سنعة .. كلو اشيا مستهلكة ..
افكر اخوذ شهادتي لين خلصت وادرس برا ..
بس يمكن تجبرني الظروف ارجع في منتصف الدراسة .. وما يحصل لي نقل واتوهق ..
لو اخذت شهادة من برا هل تكون معتبرة اكثر واسهل في التوظيف والا كله واحد ؟!
اول شي ترا البترول صح انه من افضل الجامعات بس الله لايرويك تطلع ريحة الواحد وتخليه يجي عند جدار ويرقع راسه فيه لما ياخذ الشهادة (( الاثبات اخوي كسر جدار بيتنا لما شبع XD )) وانشاء الله يكون لي الشرف وادخلها وكسر جدار بيتنا XD
ومن ناحية فيصل في تخصصات حلوة عندك تخصص interior design (( عقبال تصممين بيت اهلك )) وعموما الهندسة ومعروف مقام المهندس عندنا
ومن ناحية انك تدرسين برا اكيد في منافع حلوة بس قليلة وترا عموما (( اذا انتي كنت في السعودية )) البنت صعب انها تتوظف (( والاثبات اختي متخرجة من كلية بدرجة شرف وفي الاخير ماخلوها مدرسة إلا بعد 4 سنوات من تخرجها ولا بعد مدرسة ابتدائية يعني حالتها حالت مستكشفة في الادغال XD ))
واذا تبين تدرسين برا انصحك انك تحاولين قدر الاستطاعة انك تشلين من راسك فكرة الدراسة في امريكا او بريطانيا لان العرب هناك مكروهين بدرجة لا تصور يعني لو تروحين تدرسين في دول الخليج او كندا او حتى ماليزيا اصرفلك من الامريكان والبريطانين
وانشاء الله افدتك
لا يا شاطر الانترور ديزاين في فرع الدمام مو فرع الحسا ..
اخ يالحظ الردي !! والا انا ميتة في هالتخصص ..
وبالنسبة للبترول ايه عارفة انها يبغى لها بس نهايتها مضمونة ..
والصراحة تستحق العناء ...انا شايفة اولاد عيلتي اللي ما يروح طب يروح بترول ..
والطب اقترحوه عليا كثييييير بس مرهق + طويل + مقرف ..
اما بالنسبة للدراسة برا انا محددة البلد اللي بدرس فيه لو رحت برا ..
رح ادرس في ايران عشان اهلي هيناك عايشين ..
ما شاء الله عليكم يا شباب
طموحاتكم جيدة
و الله يوفقكم جميعا للي تتمنوه
يمكن لأن تخصصي شرعي بتكون إتجاهاتي محدودة
لكن الحمد لله على ما كتبه
و خيره في ما كتبها الله
يعني انا من جهتي بما اني احب الأنجليزي و اتمنا تعلمه
فأنا أبحث عن اي تخصص يفيدني في الأنجليزي
و بما اني في المعهد العلمي فجامعت الإمام جيدة بالنسبة لي
اقتباس:
المشاركة الأصلية كتبت بواسطة paolomaldini
اقتباس:
المشاركة الأصلية كتبت بواسطة paolomaldini
انا ولد خالتي شرعي زيك ..وتقريبا نفس طموحاتك ..
بس هو محتار بين الانغلش ودورة ارامكو ..
الله يوفقك يا رب ..
وعؤبال ما نفتح موزوع في هالقسم ورا ما تطلع اسماء القبول ..
عشانا نعرف وش صار لنا ولغيرنا ههههه :D
الله يهديكي انا على بالي انك ساكنة في الدمام :33: وبالنسبة ببترول بقولك عوامل مشتركة في البترول والطب علشان اريحك شوي الي هم :اقتباس:
المشاركة الأصلية كتبت بواسطة ~*RoSaMaRia*~
تعب + زهق + مشوار على التخرج + لازم في جدار يتكسر XD = وظيفة مظمونة انشاء الله لو انك مو بنت لو مخلوقة فضائية يدبرونك وظيفة
والطب لوعينك عليه والاهم (( انك قده لانه حرام تخشين وفي الاخير تتركين الجامعة وتضيعين سنة من عمرك )) يضمن لك وظيفة وغير اني والله الاهل ناشبيني لي على اني اخش طب وانا عارف نفسي مو وجه طب بالمرة :blackeye: (( رحم الله امرؤاً عرف قدر نفسه ))
ومن ناحية الدراسة في ايران بتخشين اي جامعة :33: وحبيت اقولك شي على الدراسة في الخارج هي الافضل من وجهت نظري ان الواحد يكمل دراسته في بلده وبعدها اذا وده يقدم على ماجستير الافضل انه يروح برا لان الدراسة اسهل واقصر من الي عندنا وانشاء الله اكون افدتك
طيب ويش الفرق بين الــ CPC و الــ برنامج للخريجين الثانوية ؟
وايش الاحسن على حسب كلامك (برنامج للخريجين الثانوية ) هو الاحسن خاصه ان السنوات اللي تدرسها تعتبر خبره
شوف اخوي بقولها لك على البلاطة اذا انت قدها والله انصحك تخشها لان CPC تدرس ستنين وبعدها تصير موظف في ارامكو عامل يعني تقني او زيها اما نظام الخريجين هي 5 سنوات منها سنة التحضرية (( بس راح تكون مكثفة عليك وخاصة من ناحية الانكليزي )) وبعدها ماراح تبتدي السنة الثانية من الاول لا راح تكمل على الي درسته في السنة التحضيرية يعني انت اخوي فكر فيها سنتين وتتخرج عامل او تقني او 5 سنوات وتتخرج ولا بعد تعتبر خبرة وتخش ارمكوا senior المهندسين بشكل عام (( ومايحتاج اني اوضحلك رواتب الـsenior كم توصل لانه شي معروف لدى السعودين :D )) وصح انها مشوار بس الغالي سعره فيهاقتباس:
المشاركة الأصلية كتبت بواسطة GameCubeالمحترف
شوف اخوي انا مو قاعد اخليك غصب تخش برنامج الخريجين لانه ربك ماخلق كل البشر زي بعض يعني هذا البرنامج عجبني واحتمال كبير انه مايعجبك ومن ناحية هذا الكلام كله تراه مو فلسلفة بس هو جاى من لسان اخوي الي صار له متوظف في ارامكو 8 سنين غير انه متخرج من جامعة الملك فهد وانت وكيفك هذه نصيحتي اذا بغيت خذها واذا مابغيت كيفك انت والي يريحك
وعسى الله يوفقك ويوفقنا اجمعين ....
الموقع مو شغال له كم يوم :31:
الســــــــــلامـ عليـــــــــكمـ ..
انا جبت 76 وش رايكمـ فيـ الدرجــــــــه ..
مع العلمـ ان تخصصي هو شــــــرعي ..
جبت 81% تدخلني الطب هذه النسبة ؟؟؟؟؟
اقتباس:
جبت 81% تدخلني الطب هذه النسبة ؟؟؟؟؟
وليه ما تدخلك !!!
نسبتك ماشاء الله مرة حلوة....بس شد بالثانوي ..وبالتحصيلي وان شاء الله تضمن دخولك
اخوي .اذا تبي معلومات عن الطب ..ضفني على الايميل وانا حاضر..:)
وأنا بعد جبت 81 %
هل تدخلني الـ CPC
مشكووووووووور
والله يعطيك العافيه
وجع دوافير
ههههههههههههه