كيف بدينا بـFinal Fantasy

السلام عليكم اخواني اعضاء المنتدي
اشلونكم واشلون اخباركم ___________اشلون المذاكر:09:
انا عن نفسي راح احبس نفسي من اول الاسبوع اليياي
ندخل في الموضوع ___بس ان شاء الله ما حد يغله

كلنا لعبنا FF ومنا من لعب كل اجزاءها (انا ختمت ,8,9,X,X2)
وكلنا لما نشوف موضوع متعلق بFF لابد من انا نقراه
وهذا ما جعلني اقول ان FF اصبحت افيون الالعاب

المهم من العنوان يا ليت كل واحد يكتب كيف كانت بدايته مع FF واذا ختمنا ولو جزء واحد يا ليت كل واحد يكتب تقييمه على كل جزء

انا عن نفسي كانت بدايتي معاها
من عام 2003
لما شفت العرض حقFF8 في مبايل واحد من الاصدقاء
ما صدقت ان هذي لعبه على PS
وبعدها بيومين
رحت ادور على اللعبه وبعد ما طلع لي قرن لقيتها وختمتها في اسبوعين ب150 ساعه

اما عن تقييمي
FF8 9
FF9 10
8.5 FF X لوكان عملو الزعيم الاخير يستحق اسمه كنت اعطيتها 10
FF X2 10


وانتو كيف كانت البدايه ؟؟؟؟؟؟؟؟؟؟؟؟؟؟
واكم تقييماتكم؟؟؟؟؟؟؟؟؟؟؟؟؟؟؟؟؟؟؟


ياليت تعملوا للموضوع Phonix Down بردودكم
سلام

انا بداتها من الجزء السابع حق كلاود وانا اشتريته بلاهة ما كان في شي عاجبني كنت اموت في السيارات فقلت اخذه وجربته وخلصت الشريط الاول (كان فيه اربعة اشرطه) بعدين اثاني الين ما ختمته فان انجنيت على فاينال فانتسي وصرت اي شي اشوف مكتوب عليه سكوير سوفت اخذه الين ما شفت كينجدوم هارتس بصراحة فاينال فانتسي كينجدوم هارتس احلى منها بس بدرجة وانجنيت على كينجدوم هارتس قد ما انجنيت على فاينال فانتسي 10 مرات ومشكور على الموضوع الرائع

السلام عليكم ...

بالنسبة لبدايتي في فاينل فانتسي كانت من أيام البلاي ستيشن 1 ، أكيد فاينل فانتسي 7 ( عن ذكر التاريخ فقد كان ذلك في عام 1419 هـ / 1999 م ) طبعا سمعت عن هذه اللعبة الجبارة من المجلات و عن طريق أحد الزملاء ...

الشيء الوحيد ( وفقط الوحيد ) الذي جذبني في شراء اللعبة : إنه في امكانية بيع و شراء ( تشتري أسلحة ، دروع ، أي شيء) ... طبعا هذه أول مرة أجد لعبة تجمع فيها النقود وتشتري و تبيع ، لا كمان فيه فندق لكي تستريح في رحلتك ..
( شكلي متأثر بلعبة مونوبولي ^^ ) فبهذا السبب اشتريت اللعبة .

طبعا في البداية حسست بالملل الشديد بسبب ضعف الرسوم آن ذاك ( وقتها كانت لعبة تومب رايدر 3 و ميتال جير و ريزدنت ايفل 2 صادرة على الجهاز فأكيد راح أتأثر من ناحية ضعف الجرافيك ) ...

ويوم علمت إنه بإمكاني تغيير اسم الشخصية ، ازدت شوقا للعب بها ( أخير لقيت بطل يحمل إسمي T_T ) ، طبعا كان الحماس شبه معدوم في البداية لأني للأسف وقتها لغتي في الإنجليزي ... مثل اللغة اليابانية مافيها أي فرق ^^
(من ناحية الفهم طبعا ) ... والله يخلي مجلة ألعاب الكمبيوتر على أيام أول ... ألعب حبة حبة معاها ...

ويوم من الأيام ... بعد معركة الدراجات التي حدثت ( في السي دي الأول) وأول ما طلعت من ميد جار ... ما تصدقون ! صرخت !!!! أنادي إخواني قلت لهم تعالوا شوفوا !!! ( والله من جد أذكر كانت صرخة محترمة >.< ) .

اجتمعوا وقالوا وش صار؟ ( ماذا حدث؟) قلت لهم : شوفوا العالم !!!!!!!!!!!!

أول مرة في حياتي أشوف لعبة لها عااااااااااااااااااااااااااااااالم !!!!

أرى البحر ! أسير على البر ، أتسلق الجبال ، أحلق في السماء !!!! أه من أيام ما أجملها .

طبعا بعد هذا الخبر أحد إخوتي على طول بدأ يلعب هذه اللعبة .

المثير في الأمر ... اندهشت من أسلوب اللعبة من حيث توسع العالم ! و طريقة المعارك ! لا وذاك الثعبان الذي سد المغارة ( والله إني أذكر قعدت أيام أحسن نفسي وما فيه فائدة الثعبان قوي من جد ) ، والذي أثار لفتي بهذه اللعبة أكثر و أكثر : مدينة الملاهي .... والله كنت في قمة السعادة على الرغم من ضعف و ركاكة هذه الألعاب ، وأذكر من تلك الألعاب التي في الملاهي : لعبة الدرجات مرة آخرى ، ولعبة الغواصة ( والله من جد إلى الآن ومازلت أستمتع بهذه اللعبة ) وأيضا طور القتال الفردي ... ولعبة التزلج ... وغيرها من تلك الألعاب ( وإذا طلع لها ريميك الحين على البلاي ستيشن 3 وش راح يصير في الناس @_@? ) ...

صحيح إني استمعت وختمت اللعبة في الماضي ... ولكن بعد سنتين من بعد إنهائي لها اكتشفت أشياء كثييييييييييرة ، والله تستطيع القول بأنه نصف اللعبة ما خلصتها !!

الزعماء السريين ، الأسلحة النهائية ، نقص في عدد الإستدعاء ، Enemy Skill ما تمستر معي ، الشوكوبو الذهبي ... وأهم شيء .... عدم الفهم في أحداث اللعبة !!!

وأتمنى فعلا أعيد اللعبة لكي أمسترها صح في يومنا هذا .... ولكن ... ننتظر الريميك أفضل ( حتى الآن فعلوا ريميك لجميع أجزا فاينل من 1 إلى 6 ، إنشاء الله 7 في الطريق وأيضا 8 إلى 9 ) .

وهذه هي بدايتي في عالم فاينل فانتسي ... لأنني أعرف مهما كان جزء أسمه فاينل لازم يكون فيه : عالم كبير ، مواصلات نقل محترمة مثل الشوكوبو و الطائرة ، زعماء سريين .

والسلام عليكم ...

الكاتب : المـلقب بالخطير.

السلام عليكم ورحمة الله وبركاتووو :biggthump!!

>> حدها متشققه من الوناسة .. موضوع فف + سوالف ..كملــت XD
بسم الله نبدا ..:D !

اول بدايتي كانت مع Final Fantasy 8 وكان عمري 9 XD..
And dude what is that game ? :blackeye: >> انطباعي الاول
طبعا اللعبة لعبتها اختي الاكبر مني ، واول لعبه ار بي جي نلعبها عقب ماختمنا كراش 3 وبغى يغمى علينا من الفرحه >> من كراش لـ ff ..فعلا الحياة ليست على وتيرة واحده >.> "
اول معركه خضناها كان في قسم التدريب في Balamb Garden مع هذوليك النبات اللي كانه عناكب وعنده ايدين تقول ظفاير رقيّة بطاش ماطاش :blackeye: >> ان شاءالله عرفتوهم ><
ومن اولها Game over:D >> ماشافو الـ T-rix بعد :ponder:
طبعا تعقدا من طريقة اللعب مو عارفين لها كلللش ..وتركنا اللعبه بالدرج كم سنه :o ..

وبعد ايام .. >> توها سنه ؟ :blackeye:
>> شنسوي كله يقولون بعد ايام XD

زهق .. طفش .. خنلنمسح الغبار عنها ونلعبها :silly:

طبعا لعبت اختي ، وجاهدت وناضلت ومسوين كفاااااح تقول اللعبه Gun Surviver مو RBG
:ponder:
لين ماوصلنا لميدان الاختبار الاول - قتال افريت "عفريت":D
طبعا طولنا بالمعركه وكانت حاميه الوطيس ، اختي حطت Pause وراحت تجيب حاجه طبعا انا كنت قبال الشاشة ومليت .. بغيت اقوم وعثرت بالواير وطفا الجهاز واشتغل وانعاااااادت اللعبة من الاول !!!!:blackeye:
سويت نفسي .. محد شاف محد شاف >.> "
ونزلت عند وزارة الدفاع >> مااامااي :D
طبعا لما عرفت اختي ...مايحتاج اكمل :dead:

ومرت الايام .. الصبح صبح والظهر ظهر ، وحبيييينا اللعبه بشكــــــــــــــــــ:bigeyes:ـــــــــــــ:bigeyes: ـــــــــــــــــل
لين ماختمناها .. بعدين يوم كبرت وتعرعرت مدري ترعرعت :blackeye:
في كنف فاينل فانتسي ، اقتضى علي القدر على اني اكمل مجد ابائي وانهي اللعبه بدوري انا
:33:
>> ترا ماتدري شتقول >.> "
هع هع طبعا يوم لعبتها وكنت بدربي لقتال افريت .. مستواي كان 14 والـ GF مستواهم مرتفع
واختي ماتت قهر >< " على اني بزر وقتها وطورت مستوياتهم وكان Attack حقي مربوط بسحر
وهذا االلي طلع الشيب براسها :biggthump
>> لا تسالون شلون ربطته .. كلها حركه عشوائية :blackeye:
ومعركه افريت مااخذت مني الا استدعاء Shiva مرتيـن و Quisaqoutle مرة:أفكر:
And he is miiiiinnnne:biggthump

حبيت اللعبه بشكل مجنون والاثار واضحه لحد الان ..

انهيتها 3 -4 مرات مع كل الاسرار وكل البطاقات وكل وحوش الاستدعاء
>> كنت 13 او 14 ماشااءلله علي XD!

وقتها كتبت مواضيع اسرار للعبه وتلقونها داخل ملفي الشخصي :ds015:
>> تسوي دعايات بعد:D

..::فيلم هندي::..

محد مننا ينسى عرض البداية :02:

محد ينسى موكب Edea :02:

محد ينسى الـSeed يغزون بحر الروم :02: >> قصدي خليج دوليت XD

محد ينسى سلطان و روان بحفله التخرج :02: >> واللي يرحم امك :boggled:
>> تعليق ع الصورة وهم بهالوضعيه .. "سمايل ..يور اون كانديد كاميرا :D "

كومااار خطيب انا ! :02: >> :bigeyes:

محد ينسى قاعده الصواريخ >> قلبي وقتها عليهم نااار لما انحبسو مع الصواريخ:02:

محد ينسى مكتب المدير Cid :02: >> يناديهم عشان مهمه ، ينادونا عشان تعهد XD

محد ينسى سكوال في فلم النهاية :02: >> قلبي عورني مقدر اكمل اوكي >< "

ودي اقول ثاانكس على الموضوع الشيق والله يعطيك الف عافيه عليه
لكن احس ان الكلمات ماتعبر >< ">> السالفه عن فاينل فانتسي ، الشعور لا ينوصف XD

طبعا لعبت Final Fantasy Vll,Vlll,lX,X,Xll
بس "مافييّ" اكتوب اكتر من هيك هلأ :D :09: ..

اذا قدرت اذا قدرت المرة الجاية بكتب عن .. X :33:
>> اكثر الاجزاء اللي حبيتها واثرت فيني هي X-Vll ..:D :09:

السلام عليكم..
استحملوا الفلسفة شوي..:)..
أنـا لعبت:
الأول-الثاني-الرابع-السادس-السابع-الثامن-التاسع-العاشر-العاشر-2-الثاني عشر..
مافيه إلا 3+5 مااعرتها أي انتباه..:09:..المهم كبداية كانت مع فف8..
كنت العب واوصل مكان واعلق فيه وكنت يومياً العب نفس الشئ وأعلق فيه..
إلا أن كبرت وعرفت كيف اقرء وافهم وعرفت كيف اختم اللعبه..صراحة جزء لايوصف..
السابع..انا العبه حالياً للمره الرابعه..ختمته أكثر من مره..ولازلت محتفظ فيه وألعبه حالياً..
جزء ماعليه أي كلام مهما توصف.ماتقدر توصل..لكن الرسم..-_-..ياليته عالاقل كان زي 8..:31:..
الجزء ال9..كان من افضل الأجزاء لكني ختمته من زمان وضاع السي دي الأول ولاأتذكر عنه
أي شئ..=.=..لطن رسمه كان طامه في الرسوم..:D..المهم وبعد هذي كلها لقيت في السوق..
الجزء الأول والثاني في سي دي واحد والله واشتريها واختمها فقط حب استطلاع لمحور قصص
سكوير في بداياتها..طبعاً ماراح أحد يطيق اللعب بعد التاسع والثامن والسابع..بالأول والثـاني
لكن اللقافة ذبحتني..:09:..واللعبتين كانت صعبه..:33:!..وبعدها لعبت الرابع على البلاي..
وصراحة اني خضته بحذافيره..لعبة قصتها تساوي ملايين القصص..ماأدري ليه كل الشخصيات
عشقتها..وحتى الجيم بلاي والرسم كان معجبني رغم بساطته..واخر مره لعبت ريميكها على
الجيم بوي ادفانس..اما بالنسبة للجزء السادس فأعجبني من ناحية الالات التي في البداية شدتني
للعب اللعبه..ولاأذكر أي شئ بعدها..:11:..والعاشر..كان من أروع الأجزاء مايحتاج أقول ليش..
لأنه اتى بأشياء قوية جداً..الرسم+التمثيل الصوتي+الجيم بلاي..الخ..You know..:D..
10-2..كان سخيف لم أكمله..ال12..ختمته لكن بالفعل ماحسيت أني العب فف12..لاحد يجيني
يقول لي تذوق الجيم بلاي ومن الخرابيط هذي..الزبده..مادخلت مزاجي..:31:..

واسفين عالفلسفة الطويلة..وشـكراً..

السلام عليكم
والله طريقه حلوه ان كل واحد يتكلم على الجزء اللي لعبه
وانا ما خطر على بالي انه راح تتكلموا بهذي الطريقه:biggthump
وان شاء الله تحيوا الموضوع بردودكم







اووووووووووووووووووووووووووبس
راح اتكلم بالتفصيل عن تجربتي الاولى في وقت ثاني ان شاء الله:silly:
سلام:sadwavey:

اقتباس:

---

المشاركة الأصلية كتبت بواسطة Kingdom Fantasy

أنـا لعبت:

واسفين عالفلسفة الطويلة..وشـكراً..

---

^^^for what^^^
الله يعطيك العافيه
انت نورت الموضوع وكل من كتب ردود
see ya

سابقا لم اكون اعرف فف

لكن سمعت عنها الكثير

بالصدف لقيت شريط فف 10 بمحل وشريته

جربت اللعبة ولقد دهشت من الي شفته وكان اول جزء العبه فف

عجبني كل شيء باللعبة

وكانت شخصية المفضلة تاديوس

لكن للاسف ما قدرت اختم اللعبة

بعد ذلك شريت فف12 لكن للاسف اللعبة ما دخلت مزاجي ابدا بعد لعب 23 ساعة تركت اللعبة

روك .. ترا النهاية في فف اكس تســـــوى التعــــــــــــب كله !
اذا ماقدرت تختمها بسبب مشكله بلغز او قتال زعيم هذا موقع www.gamefaqs.com
فيه كل الحلول التفصيليه لالعاب من عشرين سنه بعد ~.~ " ..
اسمع نصيحتي اللعبه تستاهل بقووة انك تختمها واذا تحب تايدس فله دور مؤثر حييييييل بالنهاية ~.~"

الدور المؤثر شفته وهو لما يرجع زانركاند وهو فوق الطيارة مع يونا وهي تشفها جالسة تبكي وتقول لتايدوس لا لا تروح و بعدين يونا تعطي لتايدس ظهرها فيروح تايدس يبغى يضمها يصير ما يقدر يمسكها فيضمها عالهوا <<<<زي ما قالت اختي بعدين يختفي هو واورن ويروحو على زانركاند اللي هي بلدة تايدس اللي تكون فيها بالبداية و












بس ومشكوووووووووووووور على الموضوع الحلو

مشكوووور مرررره

هاي شباب
اممممممممم
مشكورين على الردود بس ياليت تكتبوا تقييماتكم على كل جزء
سلام

السلام عليكم

انا بختصر كل الكلام وبقول

ان الي عجبني في عالم فاينل فانتسي القصص الي تتكلم عن
صداقه,الخيانه,الغدر,الوفاء,الانتقام,شر,الخير
هذا الي حمسني على اني العب فاينل فانتسي

والبدايه كانت في الجزء8
انا اعطيها 10/10

الجزء7 افضل الاجزاء من القصه الى شخصيات
انا اعطيها 9/10 لولا رسومات اعطيها10/10

الجزء9
رجعتنه سكوير لعالم الفرسان وتاريخ القديم وكانت فكره حلوه وشخصيات
لعبه كانت ظريفه والقصه قويه ولكن الي سخف لعبه سهولته ماكان فيها
صعوبه 8/10

الجزءX
تقيمي 8/10 لولا اورن جان ماكملت لعبه
عاجبتني هل شخصيه :09:

X2
تقيمي لها صفر /10
من شفت البنات يترقصون وملابسهم الي مالهم داعي
والقصه البايخه حاشتني حالة حباط في فاينل


الجزء12
القصه مو ذاك زود والابطال كانو كلا ساكتين والبطل رئيسي
ماله دور في لعبه بس الحلو في لعبه نظام القتال والعالم الضخم
وما انسا الموسيقى البايخه الي تفرق عن فاينل 8و7و9و10
8/10

وشكورين على هل موضوع

احلى شيء اعجبني في FF X هو كثرة الاسلحه والالغاز حق الاسلحه الخارقه والضربات القاضيه

__________الله لاعان من اخترع سباق التشكوبو قعدت 5ساعات لين ما فزت فيه______

الجزء 12 مع اني ما لعبت فيه كثير
الا اني احس ان فيه اشياء وايد حلوه
راح تقولون ليش ما لعبته ____-راح اقول الجزء قوي لولا طريقه القتال السخيفه (من وجهت نظري)
وهذي الطريقه هي اللي خلت الكثير منا نحطه في الزباله

بالنسبة لي بدايتي مع فف كانت عكس العالم :D
أول جزء بديت فيه هو الـ12 يعني دخلته متحجر القلب بدون ذكريات ولا حنين وكذلك في نفس الوقت "كمحايد" ..
بس اللي خلاني أتحمس أبدأ فيه ان طريقة القتال ما كان يحتاج تدخل لشاشة خاصة وكنت وقتها متعقد لأقصى درجة من دراجون كويست اللي سهرت الليالي ومن هنا بدأت القصة :D
على العموم هذي أطول وأكثر لعبة أر بي جي استمتعت فيها بحياتي بغض النظر عن فشل القصة وسوء ذوق منتج الموسيقات ونقطة سلبية كبيرة أخرى وهي ان باستطاعة جميع الأبطال استخدام جميع الأسلحة :31:

على العموم كملت فيها 140 ساعة على ما أظن وفصفصتها عدل وكانت أول مرة بالنسبة لي في مسيرتي الأر بي جية أصل الى الـLevel 80 وهو الليفل اللي قضيت على أوميجا اللي بدوره هو نتاج الانتهاء من كل فرعيات اللعبة..>> الخلاصة اني خلصت كل شي باللعبة بس ما عارف أعبر :D

بالنسبة لي أعطيها 9.12\10 ..>> النسبة جت بعد دراسات معقدة :D
وبعدها رجعت للـFFX وكان بالفعل جزء مميز و كوميدي خصوصا بنهايته لأن في حقد أزلي من بداية اللعبة كان يجمعني مع تايدوس :09: >> قلتلكم عكس العالم..
بس اللي أثر علي بصراحة نهاية أورون ^^
على العموم اللعبة كانت ممتعة جدا بس ربما الجرافيكس بما ما واكبت عصرها ولعبتها متأخر جدا ^^

وعلى قولة العم تايدوس..
This is my story :D
وبالاضافة الى MGS4 و RE5 فإن FF13 أهم اهتماماتي خصوصا بعد العروض الخيالية اللي اجبرتني أحطها في الجوال حتى :D
شكرا على الموضوع الجميل..

ملاحـظة .. اذا بغيتو تتكلمون عن نهاية اي جزء ، ترا في اعضاء ماخلصو اللعبه ويمكن قاعدين تخربون عليهم .. :D
كل المطلوب انكم تسوونه لا جيتو تسولفون عن الـ Ending اكتبو عنوان الجزء بلون واضح وتحته القرقة عن النهاية بالابيض عشان مايبين ..شكرا:أفكر:

اقتباس:

---

المشاركة الأصلية كتبت بواسطة Al Bhed Girl

ملاحـظة .. اذا بغيتو تتكلمون عن نهاية اي جزء ، ترا في اعضاء ماخلصو اللعبه ويمكن قاعدين تخربون عليهم .. :D


كل المطلوب انكم تسوونه لا جيتو تسولفون عن الـ Ending اكتبو عنوان الجزء بلون واضح وتحته القرقة عن النهاية بالابيض عشان مايبين ..شكرا:أفكر:

---

فكرت في سالفة السبويلر والاحتياطات الأمنية..لكن ما أظن العاشر في شخص بالمجرة ما خلصه ^^
الـ12 اتجنبت الكلام عن التفاصل بس العاشر ما كتبت شي يستحق أعذب اناملي وأغير لونه.. :09:
عموما أعتذر اذا اخترب على حد أي شي :أفكر:

فور مي انا خلصته لكن ذا روك بعده ~.~ " ..
المهموز :D ..
اي ع طاري 12 >< " احس جاني احباط منه طبعا هذا حال الجميع بس تصدق بينزل منه ريميك على
بي اس 3 !:bigeyes:
شفت مقطع ريميك حق 7 ع بي اس 3 :33:
الجرافيكس شي خطيير اوفكورس:o

لو انك حاطه في موضوع النقاشات الخاص بالاربيجي كان احسن XD امزح يارجل ... طبعا حتى الان لم يحصل لي شرف لعب اي جزء الا الـX2 ( ماختمته -_- ) و جزء الـXII ( في العطلة الصيفية ان شاء الله باختمه لان اللحين ثانوية -_-" ) ، واكثر شي منقهر اني مالعبت الجزء السابع ( والثامن اللي يبدو عاجب الكثير ) .... طبعا اجزاء الـGameboy والـDS من الاستحالة الـعبها .... اجهزة سيئة ><" .

اقتباس:

---

المشاركة الأصلية كتبت بواسطة Al Bhed Girl

فور مي انا خلصته لكن ذا روك بعده ~.~ " ..

---

اللي ما لعب أظن راحت عليه بعد الطفرة الجرافيكسية في الـفيديو جيمس :D

اقتباس:

---

المهموز :D ..
اي ع طاري 12 >< " احس جاني احباط منه طبعا هذا حال الجميع بس

---

نفس الحالة اللي جايتني منكم :blackeye:

اقتباس:

---

تصدق بينزل منه ريميك على
بي اس 3 !:bigeyes:

---

يقولوا ان التغيير بالترجمة والدبلجة حطوها ممكنة التحويل بين الـE والـ j :أفكر: >> لاطشها من المنتدى :D
وأنا حضرتي ختمت اللعبة بدون لا أعرف ان في خيار لتفعيل الـsubtitle والجزء العميق من القصة ما فهمته غير من التشرد بين المواقع :D

اقتباس:

---

شفت مقطع ريميك حق 7 ع بي اس 3 :33:

الجرافيكس شي خطيير اوفكورس:o

---

كم فف بتنزل على بس اس 3 !! ولا قصدك بس اس ابي ؟! :31:

اقتباس:

---

و جزء الـXII ( في العطلة الصيفية ان شاء الله باختمه لان اللحين ثانوية -_-" )

---

أخيرا اقتنعت :biggthump
بالتوفيق بدراستك ^^

اعتقد انه حيكون في البلاي ستيشن 3 5 اجزاء لفاينال فانتسي (اعتقد)

امنيتي اني اشوف سكوير سوفت تبتعد شوي عن اسلوب فاينل فانتسي 12 عند عملها على الاجزاء القادمة.

الي ختمتها I II III IV V VI X XII
وايضا الTactics و الTactics Advance

حاليا قعد ألعب VII IX X-2 و انشالله VIII في الطريق

كانت اول لعبة Final Fantasy لعبتها كانت X
واحسه احسن جزء

بنسبة للقاله الاخ The Shadow

اقتباس:

---

طبعا اجزاء الـGameboy والـDS من الاستحالة الـعبها .... اجهزة سيئة ><"

---

مع احترامي لك لكن ممكن ما تتكلم عن اجهزة نينتيندو كذا وعلى فكرة جزء الDS كان رائع حتى الGameboy وخاصة VI
بعد كيف تتوقع Final Fantasy بدت لو مافيه هذي الالعاب!!! (اتكلم عن الOriginal في هذي النقطة )

السلام عليكم

انا بديت قبل 5 سنوات

لما كان ولد عمي اشوفه متحمس في العبة وعجبني

وكان فاينل فانتسي 9

ورحت ودورت عنه حتى لقيته

ولعبته كان اروع من رائع

ولما خلصت الشريط قلت

اتمنى لو كان العبه اطول ><"

ولين الحين احسن لعبه

هيا فاينل فانتسي طبعا كل اجزاءه

وتسلم اخوي على الموضوع

انا بدية فالجزء 7 ثم 8 ثم 9 ثم 10 ثم 1 ثم 2 ثم 6 ثم 4 ثم 5 ثم x2 ثم 12 ثم تاكتيكس

هيا حل اللغز ................:p

أنا أول جزء لعبته هو Final Fantasy 8
و تقريباً لعبته 6 مرات من دون ما اختمه... (أصلاً كنت ألعب من دون ما أطور الجماعة)
و أول ما أوصل عند التميسا ((تقريباً اسمها كذا)) اتعقد.
و أنا اعطي هذا الجزء تقدير 8/10

و طبعا اذا واحد لعب فف 8 أكيد بيلعب فف9 و الي اعتبره افضل اجزاء اللعبة
و طبعا اكيد انتهيت منه و تقديري لهذا الجزء 9,5/10

و بعده اكيد فف10 و لكن هذا الجزء ما في فيه العاب فرعية كثيرة
و تقديري له 8,5/10
و بعده فف 10 x2
جزء جميل و لكنه اسخف جزء بالسلسلة

و اخيرا و ليس اخراً فف 12
كان يمكن يكون هذا الجزء افضل الاجزاء و لكن القصة ما عجبتني كثير و (فان) ما له دخل بالقصة
و بعد ما انتهيت من هذا الجزء (تقريبا 111 ساعة) انقهرت يوم عرفت ان الي كنت جالس اشوفه
كان عرض النهاية و انا كنت متوقع اني وصلت لنص اللعبة...
تقديري لهذا الجزء 9/10

بالنسبة للعبة الي البطل حقها فينسنت ... يا ريت لو ما حطوا اسم final fantasy عليها

طبعاً ما لعبت الجزء السابع بس ياريت لو يعملوا له ريميك
اما بالنسبة للريميك على البي اس 3 كان مجرد عرض عضلات الجهاز

و شكرا على الموضوع

انا لعبت الاجزاء التالية بالترتيب:
8 - 9 - 7 - 10 - 5 - 12 - 6(3 بالنسخة الامريكية للننتندو)
بدأت المشوار عند اعجابي بشكل غلاف الجزء الثامن (اعجبتني اشكال الشخصيات) عند رؤيتي له في محل بيع الالعاب
و بعد تشغيل اللعبة و رؤية العرض الاول بدأ الادمان

و تقييمي من الاول للاخير:

1) الجزء السادس(على البلاي ستيشن) (الثالث بنسخة السوبر ننتندو الامريكية)
ام العاب الار بي جي .... اقوى و اعمق قصة على الاطلاق و اكثرها حماس, و نظام القتال عميق و ممتع
برأيي هي افضل لعبة ار بي جي على الاطلاق مع ان رسوماتها ضعيفة نسبيا الا انها الافضل من جميع النواحي الاخرى, و المسيقى مع بساطتها هي برأيي الاروع بين كل الاجزاء الاخرى .... قمة المغامرة
انصح الجميع بتجربتها و المثابرة معها قليلا حتى تبدأ احداث القصة بالتدفق
التقييم: 10/10

2) الثامن
قصة رائعة استدعائات تملأ الاعين لعبة مليئة بالمغامرات ... حرية تامة لاستكشاف عالم اللعبة .... الكثير من القصص الجانبية التي يجب ان تبحث عنها في الخريطة ...
لعبة الكروت روعة
شخصية البطل رائعة (على عكس الاجزاء الجديدة) ....
.....الخ كلكم لاعبين هذا الجزء!!
التقييم: 9.9/10

3) السابع
نفس مميزات الجزء الثامن + الكثير من الالعاب و المغامرات الفرعية
التقييم: 9.8/10

4) العاشر
قصة عميقة و مشوقة و رسومات رائعة و نظام قتال ممتع لكن المعارك العشوائية لانت كثيرة مما ادى الى الملل و الاستغناء عن خريطة العالم (غياب حرية التنقل... حتى الحصول على السفينة لكن بوقت متأخر من اللعبة)
في اغلب اوقات اللعبة ستجبر على متابعة القصة دون استراحة (الاستكشاف)
نظام التطور Level Up ممل و غبي و غير منطقي و اسوأ ما فيه هو البحث عن الكرات التي تأتي بالحظ
التقييم: 9.2/10

5) التاسع
على نفس غرار السابع و الثامن لكن القصة لم تكن محبوكة جيدا و سردها كان سيء بالنسبة للاجزاء السابقة
لكنها كانت مليئة بالمواقف المضحكة
التقييم: 8.5/10

6)الثاني عشر
حسنا اعتبر هذا الجزء هو الاسوء ..
افضل رسوم في السلسلة على الاطلاق
وداعا للمعارك العشوئية المملة (احيانا) و اهلا بمعارك الوقت الفعلي
مهام صيد الجوائز الفرعي ممتعة (اكثر من القصة ذاتها)
لكن
القصة جيدة مع انها مكررة لكن سردها سيء
نظام الـ License فكرة غبية لمذا نحتاج لرخصة لاستخدام سلاح او درع او سحر؟؟؟
المسيقى تجلب النعاس و تفتقر للحماس كما في اللاجزاء السابقة!
بطل اللعبة شخصية نسائية عديم النفع ليس له دور كبير باللعبة ...
اهم احداث اللعبة يكون ابطالها شخصيات فرعية بعني لا البطل و لا رفاقه

بالنهاية اللعية جيدة لكن كثرة العيوب و الاضفات الغير منطقية اللتي تؤدي الى الملل حطمتها
و انحرفت عن جو فاينال فانتازي المعهود (ما قبل 10) الذي يميز السلسلة
التقييم: 6.5/10

كلمة اخيرة: لمذا تخلت سكوير عن الابطال الاشداء؟؟ و استبدلتهم بأطفال؟؟؟!!
اعرف ان الكثير سينتقضني لكن هذا رأيي الشخصي كلاعب ار بي جي قديم لا يهتم برسومات الالعاب

السلام عليكم

مشكور يا خوي على هذا الموضوع

طبعا اللعاب فاينال فانتاسي جميلة جدا والموسيقى شيء اخر

انا طبعا من العراق وكل شي يصلنا متئخر عن باقي الدول العربية

فكنت بااشوف مقاطع من لعبة فاينال فانتاسي 8 مقطع الي يرقص مع صاحبتة ومقاطع القتال فكل ضننا انا واصدقائي

انو هية مقاطع من فلم كارتوني مجسم

وبعد سنوات رحت انا وخالي لنبحث على العاب بلي ستيشن 1 المهم اخذنا الالعاب لحد ما وصلنة لواحد قديم في بيع

الالعاب فشفت عندة هذي اللعبة الوحيدة الي عازلها على صفحة المهم اشتريتها منه حتى بسعر اغلى من الاسعار الباقية

وهية كانت السنخة الوحيدة في سوق الالعاب فعندما حطيتها في البلي ستيشن شفت الاستعراض قلت انها لعبة رائعة بشكل
وعند البدء صعقت بطريقة لعبها حتى خالي كعد يعيب على هذي العبة ومن ثمة بدئت با لعبة وتركها ومن ثمة ختمت

هذي اللعبة على الحاسوب وهية رائعة جدا كنت دائما با العبها في اليل ولكن زعيمها النهائي كان من اصعب الوحوش

الي قابلتها في جميع الالعاب يحتاجلة استتراجية قوية تعبت لما غلبتة وصورت الاستعراض الختمة وعملتها على شكل

صور لحد الان هي عندي

ومن ثمة لكيت الجزء 7 الي قبلة كان 3 اقراص شغلتة على مشغل العاب بلي ستيشن 1 في الحاسوب ولاكن لم

يعجبني فلذالك رميتها ولحد الان لم اللعب اي جزء لفاينال فانتاسي ولكن الان انا منجذب جدا الى فاينال فانتاسي 10

او اكس ولكن هية غير موجودة با العراق من الالعاب المنقرضة فقلت ادور عليها من الانترنيت ولحد الان ما لقيت

ولا رابط لتحميل هذة اللعبة الا رابط واحد وكان على ميجا اب لود ولكن كل ما احملها يصل الى نقطة معينة ومن

ثمة بيفصل اذا حد منكم عندة فلا يبخل علية بيها

ولو دوختكم :09:

شكرا Xkenshin على الموضوع فلة بالنسبة لي بدايتي مثلك شفت عرض لفاينل 8 وشريت الشريط ومن يومها ماعاد العب الا فاينل فانتزي وشريت PS2بس عشان FFوراح اشتري PS3بعد عشان العبها بالنسبة لتقيم كلهم اعجبوني وحبيت نظام القتال ب8 وX2 والقصة في9و10 وعجبني نظام الغامبت الجديد روعة يوفر الوقت والجهد مع ان القصة عادية جدا بس حبيت شخصية باش حيل وحبيت النهاية لما بقى مع لارسا وانتوا اي شخصيات حبيتوا وليش

تسلم اخوي على مرورك الحلو
واحلى شخصيه عندي هي من غيرها Tidus حبيبي هذا
انا اعتبره احلى شخصيه في عالم الار بي جي كله
تحياتي

تايدوس حبيتة وعجبتني علاقتة بابوة الفكرة جديدة

انا ختمت جميع الاجزاء .....الحمد لله
....................................
اتمنى نشوف جديدك
.....................................

انا بدات ب 7 وختمت كل الاجزاء إلا 9 و إكس 2 و 12 (جاري التختيم)

واو موضوع يجنن

انا عن نفسي اول لعبة فاينل فنتسي شريتها هي فاينل فانتسي تاكتيكس

لعبتها شوية ولقيتها صعبة قفلت عليها

وكنت قبلها سامع عن فاينل فانتسي 7 والضجة اللي كانت عاملها

لكن وقتها رزدنت ايفل كانت مسيييييييطرة عليا وما كنت افكر في لعبة غيرها

لييييين ما جا اليوم اللي لعبت فيها مع قريبي راح معايا واشتراها لنفسه

رجعنا البيت ولعبت فيها شوي لقيتها احلى من تاكتيكس وشوي شوي لقيت نفسي عند محل الالعاب

وشريتها في نفس اليوم طبعا محل الالعاب جلس يضحك علينا وش فيهم هذول كل شوي يجو يوشترو

نفس اللعبة المهم لعبت بالجزء السابع وتعمقت فيه والحمد لله ختمته لكن اسراره للاسف ما قدرت

اكشفها كلها لاني تعزقت عند وحش ما ادري وش امسمه اعتقد التيما وابن تحصله تحت الماء

صعب صعب جدا ما قدرت عليه

ما علينا

سمعت بعدها عن الجزء الثامن تجننت وقلت لازم اشتريها

لكن....... خيبة امل

الرسوم وحركة الشخصيات ذكرتني بلعبة قديمة لو تتذكروها (( بارازايت ايف )) من اسكوير

كانت لعبة ممله ما ادري ليش تذكرتها يوم لعبت بالثامن المهم قفلت على اللعبة وتركتها

بعدها اعلنوا عن الجزء التاسع

اكثر ما لفت انتباهي في هذا الجزء شخصية فيفي البلاك ماجك

شخصية دخلت قلبي من اول ما شفتها

حبيت الجزء التاسع علشان هذي الشخصية بس

وقصته حببتني فيه اكثر واكثر والحمد لله ختمت هذا الجزء كمان

طبعا بعد هذا كله تذكرت لعبة قدييييييييمة اول جزء اشترته التاكتيكس

قلت خليني اجربها يمكن تتطلع حلوة لما اتعمق فيها

وفعلا تدربت على اساسيات اللعبة وبدأت العب

وااااااااااااااااااااااو معقول هذي الاسطورة الرائعة عندي وما كنت داري عنها

قصه جبارة وخيانات بين الدول وحروب واشياء كنت غافل عنها كثيييييير في هذا الجزء

بعد كم يوم رحت محل للالعاب ولقيت عنده شريط اسمه فاينل فانتسي كرونيكالز

كنت احسبه جزء جديد لكن طلع الجزء الرابع من السلسلة

وااااااااااااااااااااو جزء لا يقل روعة عن الجزء السابع وتقريبا القصة متشاابه

وبعد فترة رجعت محل الالعاب

ولقيت عنده شريط مخفي ومخبأ ومكتوب عليه فاينل فانتسي 1-2

سألته وش هذا الشريط قالي الجزء الاول والثاني

فرحت كثيييييير واشتريته ولما رحت البيت ولعبت

تذكرت وقلت والله ايام زمان حلوة

بساطة في اللعب وسهولة واغاني الطفولة ما اروعها

لعبت شوية باللعبة لكن تمللت كأني العب من غير هدف القصة غبية نوعا ما

اعذرهم وقتها ما كان همهم القصة

هذا بالنسبه للاول

اما الثاني شدتني القصة بشكل مو طبيعي

وخصوصا في البداية لما كلهم يهربوا

بعدها سافرت ماليزيا وهناك لقيد كشك صغيييير يبيع العاب حصلت عند شريط

اسمه فاينل فانتسي ايدوس كولكشون

وهو عبارة عن الجزء الرابع والخامس والسادس على البي سي

وبكذا يصير تقريبا لعبت جميع الاجزاء معاد الثالث اااااااه لو احصله بس وييين؟؟؟

وبعدها نزل الجزء العاشر لعبت به وتحمست له والحمد لله ختمته

لكن ما عجبني مثل السابع والتاسع وتاكتيكس

وبعدها لعبت بـالعاشر - 2

لكن رفع لي ضغطي لانه بالياباني وما حصلت النسخة الانجليزية

في جزء بعد كذا نزل تلعب فيه بشخصية فينسيت وتكون معاه يوفي

برضه رفع ضغطي لانه ياباني

باقي الاجزاء بعد كذا ما لعبت بها

طبعا الجزء الوحيد اللي ختمته FF7 وباقي الاجزاء اوصل 65ساعة وارميه حتى FF12 وصلت 65 ساعة ورميته طفشت

مافي جزء مثل FF7

مااتذكر بدايتي معها بس اتذكر اني كنت العب واصف المدرسة كنت العب من الساعة 6 الى 3 ظهر...
كنت مجنون بها حتى كنت اجي يومين في الاسبوع للمدرسة واعلم الطلاب عن اللعبة وجنانها وروعة قصتها ....ولما ارجع من المدرسة بعد الغداء يدقون علي متحيرين فين يروحون في اللعبة.


9 ساعات يومية تقريبا وختمته وماتذكر المدة والاجازة هذه راح العب عليها من جديد بس فين القا النسخ .........؟

اقتباس:

---

المشاركة الأصلية كتبت بواسطة مشعل العتيبي

طبعا الجزء الوحيد اللي ختمته FF7 وباقي الاجزاء اوصل 65ساعة وارميه حتى FF12 وصلت 65 ساعة ورميته طفشت

---

غريبه كل الاجزاء تقريبا العاشر ما يبي اكثر من 50 ساعه عشان تختيمه عاديه وكمان 8 مايبي اكثر من 60 ساعه انا خاتمه مع كل الاسرار في 72 ساعه
مشكور اخوي على مرورك

اوبس :silly:
شباب انا شايف اول ما حد يذكر FF في اي موضوع ندخل ونعمل رد من غير ارادتنا :p
يعني لما حد يذكر FF ضروري نعرف عن شنو يتكلم ، نندفع للموضوع بقوه
عشان كذي
ابي اقول شباب
شنو اللي يدفعنا لهذا
شنو المميز في FF
شنو اللي يخلينا اول ما ينزل جزء جديد نشتريه ولو حتى كان الجزء مو حلو انا شريت ال12 مش عارف ليش ، مع اني اكره النضام فيه

فحبيت اعرف شنو المميز في FF
هل هي القصه او الاسلوب او حتى الذكريات الحلوه اللي قضيناها معها،،،،
تحياتي

اعرف القصة وكل شيء فيه حلو

اقتباس:

---

شنو اللي يدفعنا لهذا
شنو المميز في FF
شنو اللي يخلينا اول ما ينزل جزء جديد نشتريه ولو حتى كان الجزء مو حلو انا شريت ال12 مش عارف ليش ، مع اني اكره النضام فيه

فحبيت اعرف شنو المميز في FF
هل هي القصه او الاسلوب او حتى الذكريات الحلوه اللي قضيناها معها،،،،

---

بصراحة يالغالي حيرتني

انت كاتب في البداية ما هي بداياتك في الفاينل فانتسي

ودحين تقول شنو اللي يخلي فاينل فانتسي مميز

كأنك غيرت الموضوع :boggled:

والله بدايتي مع FF مو مختلفه
انا شفت اللعبه في المحل وشريتها وهذا كل شيء
اما المميز في FF
اعتقد انها الذكريات
لانه صراحه كل واحد معاه ذكريات حلوه مع FF
ومثل ما قلت اخوي احنا نشتريها ولو كانت مو حلو
بس السبب
انا مش عارفه
سلام

الجزء الي خلا الناس تحب فاينل فانتيسي بصراحه 7 & 10

اقتباس:

---

المشاركة الأصلية كتبت بواسطة kyo9

الجزء الي خلا الناس تحب فاينل فانتيسي بصراحه 7 & 10

---

صحيح اخوي في احصائيه تقول ان عدد محبي Final Fantasy ازداد بشكل غير طبيعي بعد اصدار
الجزء العاشر

مشكور اخوي على مرورك :)
سلام

For Me ...
انا من زماان كنت ابي اجرب FF
بس مرة رحت اشتريها على PS1
كان VIII وكان 4 سيديات قلت مافي امل اشتريه

بعدين بعد كم سنة واحد جاب لي FF X
قلت له شيلها مابلعبها وقعد يلعبها قدامي
وصرت احط عيب على كل شي في اللعبة

بعدين بعد فترة كم شهر كذا كنت زهقان ومافي العاب حلوة قلت خلني اجرب FF X
على الأقل هو سي دي واحد الحين
وجربته وقلت لا بأس ... وختمتها بـGame Shark
وماكنت اعرف كيف اعالج الشخصيات وماكنت استخدم سحر ماكنت اعرف اي شي عن القصة بس كنت العب

بعدين بعد ماختمتها .. بفترة .. شفت FF VII : AC
وعجبني الفيلم خااااااصة SEPHIROTH الجبااار
ورجعت لعبت FF X وبدون Game Shark وتمعنت في القصة واستخدمت كل شي اقدر عليه من سحر وأدوات واشيا كثييييرة
وهنا FF صارت روووحي
ولقطة Sephiroth في FF VII : AC شفتها الى الآن أكثر من 100 مرة
وموسيقى One Winged Angel Reborn نفس الشي

و FF لعبة ساحرة لعبة كااااملة PERFECT
اما السبب اللي يخلينا نشتري كل أجزائها ...
فيمكن لإننا كلما ختمنا جزء ... نحس ان العالم انتهى ... ونروح نختار بداية جديدة لعالمنا ويكون Final Fantasy جديد

Phonix Down حلوه ههههه
ولين تقييمك لفاينل فانتسي 7 ؟ :bigeyes:

اوكي:D
أنا بديت قصتي مع فاينل فاتنسي بالكراهيه الشديده للعبه
كانت السالفه سنة 98 او 99....يعني اول مانزلت فاينل 8
طبعا كنت أعرفها كرسم حلو لا أكثر ولا أعرف شنو ار بي جي
المهم...واحد من الاهل عطاني فاينل7 لأنه كان قرفان منها
وهو أي لعبه تقرفه يصدرها لنا خخخخخ:silly:
لعبتها شوي ولاعت جبدي...وقلت وع شنو هاللعبه
يعني انت توقف مكانك وتطي امر attack وبس..وين الاكشن؟
كرهتها وحذفتها في الكبت:أفكر:
بعدها بفتره جفت عرض حلو لفاينل 8...شريتها عشان الرسم وبس هههه
كانت اول مره اجوف رسم واقعي في لعبه
جفت انها من نفس طينة فاينل 7 :12:
بس قلت ماعليه...عشان الرسم ولقصه نسوي أي شي
لعبتها ولعبتها وبديت أحبها...تعودت عالوضع...هني بدت ألعب ار بي جي وفاينل فانتسي
يوم من الايام جفت أختي تلعب فاينل7 مع ولد عمتي
وعجبتني فكرة انك تسمي اللاعبين كلهم على كيف كيفك
حتى انها سمت كلاود عباس وايريس حمدو على اسم ولد عمتي هههه
I'm hamadi the flower girl >> ليلحين مانسيت شلون هالجمله طيحتها من الضحك:biggthump
المهم...بعدها أدمنت على هاللعبه وصارت #1
وشريت بعدها فاينل 9 و10 و10-2 و12 وهكذا
أدري طولت عليكم بقصتي الحزينه:09:

تقييمي:
FF7>>>10 أسطوره...قصه..لعب..شخصيات..كل شي:bigok:
FF8>>9.5 رسم..قصه..بس شوي جاده
FF9>>9 أيضا رسم وقصه وشخصيات وحلوه فكرة أربع لاعبين في وقت واحد:biggthump
FF10>>9 أول فاينل عالبلاي ستيشن2..ستايل لعب جديد ورسم قوي
FF10-2>>8.5 ستايل غريب واول جزء مكمل لفاينل فانتسي..لكن دلع البنات يقرف:blackeye:
FF12>>8 اللعب فيه حلو وفيه تحدي...ستايل مميز لكن القصه دمها ثقيل والشخصيات ماتدش القلب:yuck:

عندي اضافه وهي الموسيقى:
أحلى شي موسيقى فاينل 8و10 وخاصة اغاني النهايه
بعدهم 9و7 وخاصة أغنية النهايه لفاينل9
12 مافيها شي حلو -__-

العمذره لكن توني جفت هالسؤال بعد قراءة الردود@.@

اقتباس:

---

فحبيت اعرف شنو المميز في FF
هل هي القصه او الاسلوب او حتى الذكريات الحلوه اللي قضيناها معها،،،،
تحياتي

---

المميز فيها اول شي القصه...لأن مثل ماقال اول واحد أسس اللعبه(نسيت اسمه)
لأنه قال انا ماعرف اسوي لعبه انا أعرف أحكي قصه...وفعلا كل جزء قصته أعمق من الثاني
وخاصة فاينل 7 اللي دوخت راسنا بأسرارها وتحس انك لازم تقعد في مجلس وتحللها مع ربعك
الرسم دايما حلو وهو أفضل رسم من بين جميع الالعاب اللي نزلت على أي جهاز
الار بي جي مميز فيها...يعني كل جزء له طريقة لعب مختلفه عن اللي قبله ومافي تكرار
القصص والعوالم غير...كأنك تنتقل من كوكب لآخر
الشخصيات...شكلها وتصرفاتها غييييير تماما...مافي شخصيتين متشابهتين 100%
وتحس انك تندمج معاهم وانك واحد منهم...لدرجه تحس انهم معاك على أرض الواقع
ذكريات حلوه....عندي...اولها مع فاينل 8
شلون كنت أكره سيفر وارسم قصص على نفسي وخواني وعيال الاهل نضربه وندخل سكوال والباقي
في القصه ههههههه
وفاينل7 لما لعبناها اول مره وسمينا الشخصيات أسامي تضحك
والحلو فاينل لعبه طويله...وكل ماطال عمر اللعبه تتعلق فيها أكثر وتزعل لما تخلصها

على فكره...اللعبه اسمها فاينل فانتسي لأنها كانت أمل سكوير الوحيد
كانت سكوير تعاني من خساره ونزلت هاللعبه فاينل فانتسي (ironic title) مثل مايقولون
لأنها كانت نهايتها...لكن فانيل فانتسي أنعشت الشركه وخلتها مثل ماتجوفونها الحين
عندي القصه بجبيها لكم من اليوتيوب^^

هلا هلا :D

شنو هذا كله :bigeyes:

شرايك نسميك مرجع FF

صراحه حكايه تنفع تكون قصه :biggthump

اسميها

انا و Final Fantasy

اقتباس:

---

ولين تقييمك لفاينل فانتسي 7 ؟

---

ما في اي داعي للدهشه:bigeyes:

انا حطيت الموضوع ولسا ما لعبت السابع :p

وانا اعطيه واحد ويمبه صفر :D

يعني 10 اسطوره كامله :biggthump

اما الموسيقى

موسيقى العاشر كانت الاحلى بعدها 8


مشكوره خيتو على مرورج الحلو :bigok:

السلام عليكم
اما انا فكانت بدايتي مع FF12 وعرفت الشريط عن طريق صديق قال حكي

ان اللعبة حلوة فانا جربت حظي واشتريتها لعبتها في البداية قلت عنها لعبة مب :33:

حلوة بعدين لمل وصلت مراحل ابعد صارت العبة في نظري حلوة بس بعدي ماختمتها

من ثم لعبت FFX-2 FFVll وعجبوني واشكر سكوير لانها سويت العبة الجميلة :biggthump
وشكرا