"-" سعاده "-"

الكل بيستنى دي اللحظه من زمان

الكل كان متجمع عندنا في البيت

عماني عماتي , اولاد عماني اولاد عماتي , خيلاني وخالاتي , وأولاد خيلاني وأولاد خالاتي إلخ

طلعت غرفتي وقفلت الباب , بهرب من الزحمه والإزعاج

اكيد تبوا تعرفوا ايش في اليوم

المشكله انا نفسي مني عارف

كانت مفاجئه جماعيه

بابا قال لكل العيله تتجمع في البيت يوم الأربعاء تاريخ كدا كدا , في مفاجئه كبيره

وعاد عيلتنا كلهم ملاقيف إلا يبو يعرفو

اصلا كلهم قاعدين من اسابيع يفكرو في المفاجئه

صارت شغلهم الشاغل ليل ونهار

حتى انهم اليوم جايين متشخصين (تقول عيد)

الساعه صارت عشره ولسه بابا ما جا

الناس قاعده تحت تستنى على احر من الجمر

وانا ولا كأنو في شي , قاعد في غرفتي اتفرج انمي

قاعد اتفرج حلقت دث نوت ومرررره متحمس

صرلي اسبوع استناها تنزل

ووصلت لمقطع غايه في الروعه والحماس

وفجئه الكهربا اتقطعت

"وجع " قلت بصوت عااااالي

وإلا أسمع صراخ من تحت تقول زلزال

مدري ايش صاير الكل يصرخ

بحاول اوصل لباب الغرفه والدنيا ظلام

اتعنقلت بمدري ايش وتحط على وجهي

" وجع "

قمت وكملت طريقي ووصلت للباب

افتح .ماينفتح افتح. ما ينفتح

نسيت اني قفلت بالمفتاح

فتحت الباب اخيرا وطلعت بره الغرفه

ومعايا الجوال عاملي كشاف

ونزلت الدرج

كل ما انزل يزيد صوت الصراخ

كل ما انزل يزيد صوت الصراخ

"وجع في اصواتكم"

المهم كملت الدرج ووصلت

" ايش في ؟"

محد يرد كلهم يصرخو

والله دي العيله ما منهم فايده

بعد ثواني رجعت الكهربا

والكل سكت

سكتوا.....

سكتوا......للأبد

هادا اليوم إلى ماتت فيلو كل عيلتي

صغيرهم وكبيرهم

إلى الأن محد عارف كيف ماتو

50 شخص ماتو في دقايق!!!

يتبع...



دا اول موضوع ليا يلا مستني الردود :D
عشان لو عجبتكم اكمل :biggthump

:biggthump التكمله:biggthump

مر شهر من بعد الحادثه

ما بقي من عيلتي غير شهد بنت عمي و خالد ولد خالتي

بتقولو ليه ما ماتو؟؟

عشان ما كانو في يوم الحادثه

شهد متزوجه وعايشه في الرياض مع زوجها عشان كده ما كانت في

خالد يدرس في امريكا عشان كده برضو ما كان في

امكن قعدت كل الأسبوع الأول لسه مني مصدق الي صار

وشهد وخالد ما صدقو كمان

ولا احد صدق

سبب الوفاه كان مجهول زي ما قالو الشرطه

والشرطه طلعتني من باب الأتهام عشان كده

مع إنو كان في شك من بعض الناس عشان انا الوحيد الي ما مت

وخاصة بنت عمي شهد , لسه معتقده إني انا قتلتهم

بس في حلقه مفقوده في القضيه

ابويا

لو تتذكرو قلتلكم انو قال للعيله تتجمع كلها داك اليوم

إذا هو المشتبه به الأول

لكن للأسف ابويا مختفي من داك اليوم

ولا أحد شافو للأن

كانت ايام صعبه من جد وكنت حزين من جد

اصحابي لما دريو جو يعزوني

قعدت ابكيلهم وأقلهم ما بقيلي غيركم في الدنيا دي

منجد

الكل كان حزين عليا

اصحابي اساتذتي جيراني

ماعادا شخص واحد لئيم اسمو شهد

شهد الشريره طردتني من البيت

لأنو طلع البيت مسجل بأسم عمي إلى هو ابوها

لما قلتلها ليه تطرديني من البيت حرام عليكي

قالت تستاهل ياقاتل

اخد شنطه فيها أشيائي وطلعت بره البيت وانا منكسر حزين

مني داري فين اروح ولا لمين اروح

مشيت ومشيت

وكملت مشي وانا اصلا مني داري فين رايح

تعبت

وقفت وحطيت الشنطه وجلست عليها

وفجئه سمعت صوت بوري سياره قدامه

نطيت من الفجعه

طليت للسياره

والله مو غريبه عليا

انفتح الباب الي ورا وطلع منو

يتبع ....

التكمله

صديقي العزيز سوار

" عمار إيش قاعد تسوي في الشارع " قال سوار وهو يبتسم ابتسامه بريئه
انا انكسفت وقلت "لا ولا شي بتمشى"
قام قلي" تتمشى مع الشنطه "
طليت عليه بوجه حزين كيوت وقلت " انطردت من بيتي"
قام هو بدون تفاهم سحب الشنطه من تحتي وقلي للسواق يحطها في الشنطه
ومدا ليا يدو وابتسم " تعال معايا "

عمري محا انسى دي اللحظه
كأني كنت ضايع في الظلام ولقيت النور

ركبت السياره وكانت فخمه جدا ( طبعا ابو سوار من كبار رجال الأعمال في البلد )
قعدنا في السياره ومحد فينا اتكلم
كل ما اطل عليه الاقيه يطل من الشباك يوزع ابتسامات
وانا جيت اوزع ابتسامات انفرط وجهي
مني عارف ايش اسوي
طليت عليه مره تاني لسه عمال يوزع
بس يحقلو ابتسامتو مرررره حلوه ( ما شاء الله ) لا احسدو

اخيرا وصلنا بيتو

بيتو ...... قصدي قصرو
طلعت من السياره لقيت قدامي قصر سندريلا
انا قعدت مبلم ساعه

جات الخدامه واخدت الشنطه وشالتها
" take it to the guest room” قال سوار للخدامه
مسك يدي وشدني " تعال اعرفك على بابا وماما"

دخلنا عند امو وابو
ابو كان قاعد يقرأجريده
وأمو كانت قاعده تقرأ كتاب

" اعرفكم بصاحبي عمار , من اليوم حيعيش معانا "
قال سوار كده وامو وابو ولا كأنهم معانا في الغرفه
ولا احد فيهم اتحرك
إلا شويه ابو زغرلي زغره قويه
انا وجهي حمر
إلا الاقيهم يفطسو من الضحك
" ههه لا تخاف تعال اقعد معانا " قال ابو سوار
قعدت انا وسوار معاهم
قلهم سوار انو انا انطردت من بيتي
قامو حزنو عليا وقال ابوه " لا تخاف من اليوم بيتنا بيتك واعتبرني زي ابوك و سميره زوجتي زي امك"

والله طلعو ناس طيبين مره
انا مدري اشبي قعدت ابكي وهم قعدو يبكو معايا
وبكينا كلنا بكاء جماعي
كان منظرنا تحفه

اخدني سوار وراني الغرفه الي حنام فيها
كانت الغرفه كبيره وفيها بلكونه تطل على الحديقه
والأثاث مره حلو وفخم
قلي اذا تبغى اي شي اضغط على زر في الجدار تجي الخدامه
" اسيبك ترتاح شويه" وطلع برة الغرفه
قعدت مني عارف ايش اسوي
دخلت الحمام المتصل بالغرفه
ياشيخ الحمام افخم من مجلس الضيوف حق بيتي

اخدتلي دش وغيرت ملابسي ونمت


يتبع...

محد رد الى الان :( :( :(

التكمله

اليوم التاني

صحيت من النوم رايق
طلعت على البلكونه اتفرج على الحديقه
الجو مره حلو
منظر اشجار الحديقه والورود الملونه مره حلو
سبحان الله كأنو رسم

نزلت تحت جات الخدامه وقالتلي اروح افطر في غرفة الطعام
لما دخلت لقيت ابو سوار قاعد على الطاوله وقدامو كل اصناف الاكل
والطاوله ماشاء الله كبيره , ما فيها مساحه فاضيه من الاكل
قلي اتفضل
انا قعدت واخدتلي كروسونه
اخد ابو سوار جغمت شاهي وقال " نسيت اعرفك بنفسي , انا اسمي سمير, وزوجتي ساره "
حطيت الكروسونه من يدي وقلت " انا عمار "
قلي " لا ياشيخ كني مني داري" وقعد يضحك
يعني انا الي ماكنت داري معروف سوار سمير يعني بالله ايش حيكون اسمك
وزوجتك معروفه من اكبر واشهر الرسامات ساره
وانا قاعد اقول نفسي كده دخلت ابله ساره
قالت " صباح الخير" وجلست في الكرسي اللي قبالي
" صباح النور " ردينا انا وعمو سمير
طلت فيه وابتسمت الين ما عينها اتسحبت " كيف كانت نومتك امس "
جيت ابتسم ما قدرت ورديت " كويسه , الغرفه حلوه والسرير مريح وكل شي مرره كويس مرره شكرا على استضافتكم ليا "
مسحت على شعري بكل حنان وقالت " الحمد لله , يلا افطر كويس "

من زمان ما حسيت بلمسة الحنان دي
ولا امكن عمري ما حسيت بيها
حسيت بشعور دافئ
امكن دا هو الاحساس بالحنان
وهادي اول مره اعيشو

المهم نرجع لقصتنا
بعد شويه دخل علينا سوار
اول مره اشوف شكلو وهو دوبو صاحي
ما شاء الله عليه دايما حلو في كل الأوقات
جلس جنبي وحط يدو على كتفي
طليت فيلو ابتسم
حاولت ابتسم ما قدرت كملت اكلي

الحين اسيبكم مع الحوار الي دار في الطاوله:

سوار : صباح الخير
الجميع من غير سوار: صباح النور
ساره : سوار بعد ما تخلص فطرو روح اكل الأرانب.
سوار: طيب ي احلى امرأه في الدنيا.
سمير : بس يا ولدي تراني اغار.
الجميع معادا انا : هههههههه.
سمير : اليوم عندي صفقه مهمه ادعولي تنجح.
ساره وسوار : الله يوفقك وينجحك امين يا رب العلمين .
ساره : اليوم بكمل رسمة الحديقه ادعولي تطلع حلوه .
سوار وسمير : ربي يوفقك وتطلع الرسمه حلوه زيك امين يا رب العالمين .
سوار: اليوم بالعب سوني ادعولي ما يعلق .
سمير وساره : يارب يوفقك ويخلي السوني ما يعلق امين يارب العالمين .
سوار : وانت يا عمار ما عندك دعاء تبغانا ندعيلك هو .
سمير : دا تقليد اسري لينا انو كل يوم في الفطور كل واحد يطلب من التانين الدعاء.
ساره : عشان ربي يوفقو في دا اليوم ويتحققلو الي يبغا .
سوار : وبما انك عضو من الاسره الحين لازم تجيب دعاء عشان ندعيلك .
انا : اااا..... طيب ...ادعولي اني ... اممممم ..... الاقي ابويا .
الجميع ماعدا انا : يارب وفق عمار وخلي يلاقي ابو امين يارب العالمين .
سمير : ايوا صح هما لسه ما لقو ابوك.
انا : لا للأسف , دورو في كل مكان ما لقو.
ساره : مسكين الله يكون في عونك.
سوار : يلا ايش رأيك تجي معايا نروح نأكل الأرانب .
انا : طيب .
سمير : بس انتبي لا ياكلك جومبا .
انا : مين جومبا ؟؟
سوار : حتعرف بنفسك.
ساره : استنوني لا تروحو عليا بدخل اجيب ادوات الرسم واطلع معاكم الحديقه .
سوار: طيب بس لا تتأخري .
ساره : لا تخاف ثانيه بس.
سوار : نشوف هادا وجهي إذا ما لطعتينا ساعه .
ساره : لا ياولدي لا تزعلني منك انا الحين اروح ساعه والله بس عشين اول ما كنت لاقيا الفرش حقت الرسم عشان كده اتأخرت .
سمير : ها ها بتدوري على الفرش , ولا شوفتي مسلسل حلو في التلفزيون قعدتي تتابعي وسبتي ولدك يستنى .
ساره : للأسف كفشتني .
الجميع ما هدا انا : هههههههههه

اخيرا طلعنا الحديقه بعد ما استنينا ابله ساره امكن نص ساعه قلك قلك ثانيه.
مشينا ومشينا ومشينا ..... الحديقه ما شاء الله مره كبيره
الين ما وصلنا لمكان كده جنب بحيره صغيره فيها سمك صغير .
وقفت ابله ساره وقعدت تحك راسها وتقول : يووووو فين انا اول قعدت ارسم .
شاور سوار على الأرض وقال " هنا , شايفه هادا اثر قاعده الرسم .
حطت ساره القاعده على نفس المكان وقالت " ايوا صح ياولدي والله انك ذكي"
طلعت ابله ساره عدتها وبدأت تكمل الرسمه
اما انا وسوار مشينا متوجهين ناحية قفص الأرانب .

يتبع.....

السلام عليكم ورحمة الله
الصراحة قصة حلوة ومشوقة وانتظر التكملة
بس غريبة ما في ردود
طريقة الاداء حلوة ^_^ خاصة بالعامية
المقطع اللي عجبني وضحكني

اقتباس:

---

كل ما اطل عليه الاقيه يطل من الشباك يوزع ابتسامات
وانا جيت اوزع ابتسامات انفرط وجهي
مني عارف ايش اسوي
طليت عليه مره تاني لسه عمال يوزع

---

الصراحة عجييييب
بس في سؤال
في هالمقطع...

اقتباس:

---

قامو حزنو عليا وقال ابوه " لا تخاف من اليوم بيتنا بيتك واعتبرني زي ابوك و سميره زوجتي زي امك"

---

مو أمه اسمها سارة؟؟
هل هي غلطة مطبعية والا آنه اللي ما فهمت القصة
يعني سارة مو أمه؟؟ والا هذا لغز تيننا احنا نكتشفه ^_^
منتظرة التكملة... ابي اعرف من هو جومبا ومن اللي قتل العيلة ^_^

اخيرا الرد الأول :)
شكرااااا مرررره sensei على الرد :biggthump
وبالنسبه لسؤالك انا اول كنت مسميها سميره , بعدين غيرتو لساره
وانا احسب نفسي عدلتو :silly:
بس الاسم الاخير ساره اما سميره خلاص باي باي
واليوم انشاء الله بحط التكمله في الليل :D او بكره.

التكمله :biggthump

بعد مشوار طويل اخيرا وصلنا لقفص الأرانب

اشكالهم مره لزوووزه

والقفص كان مررررره كبير ومليان ارانب

دخلت انا وسوار القفص ومعانا خس وجزر

اخدت خسه وجيت بأعطيها لأرنوب صغير

إلا الاقي شي كبير جاي من بعيد يجري

وهع اكل الخسه كلها مره وحده

انا صرخت "ايش دا ؟"

ضحك سوار وقال " هادا جومبا اسمن ارنب عندنا "

طليت في جومبا وقلت " دا ارنب دا بسه , ما شاء الله . وأيش الاسم الغريب دا ؟ بس الصراحه لايق عليه "

مسك سوار ارنوب صغير وقلي " دا اسمو دودو "

وشاور على واحد تاني " هادا سوشي, وديك ميرا, وداك شوربه ,والاسود داك انشتاين , والي قاعده تاكل ديك روري , والمسكين الي قاعد جنبك عزوز و ......................"

وقعد يكمل الين ما خلص اسمائهم كلهم

ماشاء الله عليه كيف حافظ الأسماء كلها

ويا سلام على الأسماء , من شتى انحاء العالم.

بعد ما خلصنا وطلعنا

قلنا نتمشى شويه في الحديقه

ونحنا بنمشي قلي سوار " تعرف اليوم في ضيف جاي عندنا "

انا طليت فيلو وقلت " منجد "

ابتسم وقال " بنت عمي لارا جايه اليوم من امريكا "

انا " منجد "

سوار " هي كل سنه تجي عندنا , مرات مع ابوها وامها ومرات لحالها "

انا " منجد " مني عارف اقول شي تاني

سوار " امكن تقعد هنا شهرين تلاته "

انا " اها " اخيرا غيرت الكلمه

مسك يدي وقلي " تعرف ؟ انا مره فرحان انك حتعيش معانا "

انا انكسفت ما عرفت ايش اقول

سحبني معاه وقلي " يلا نروح نشوف امي ايش سوت "

في ديك اللحظه وهو ماسك يدي

حسيت احساس غريب

كأنو اول مره احد مهتم بيا ... اول مره احد يحس بيا

حسيت اني ابغى امسك يدو للابد

وعمرو ما يفرقنا شي

للأبد

امكن دي هي الصداقه الي عمري ما حسيت بيها.

وصلنا عند ابله ساره

كانت قاعده تتكلم بالجوال وهيا قاعده ترسم

بعد ما خلصت كلام قالت " بسرعه يلا نروح نتجهز لارا وصلت المطار والحين السواق رايح يجيبها , يلا ايش تستنو جرييييييي للبيت "

إلا جريت بسرعه وطلت علينا من ورا وقالت " انت شيلو عدة الرسم ها ها ها ( ضحكه شريره ) "

يتبع.....

ما توقعته بيطلع ارنب :ponder: قلت يمكن وحش والا كلب :silly:
تكملة حلوة... بس تدري
اسم سوار مب حلو... ما لقيت اسم احلى؟؟

اقتباس:

---

والاسود داك انشتاين

---

أكيد كان شعره ناكش علشان جذي سموه آينشتاين
^_^
انتظر التكملة...

التكمله:biggthump

بعد ربع ساعه

وصلت لارا

والكل راح يستقبلها عند الباب

انا طليت بشوفها

طلعت بنت مره حلوه

شعرها قصير بني وعيونها زرقه

شكلها مرررره مو عربي

سلمت عليها

طلت فيا باستغراب كأنها تقول مين دا؟

انا قلت " انا عمار صاحب سوار "

لارا " انا لارا " وابتسمت

وانا كعادتي انكسفت

اما البقيه كانو مبسوطين جدا

وقعدو يرحبو بيها الين ما قالو بس

والخدم كلهم جو سلمو عليها

كل البيت يعرفها

المهم

دخلنا غرفة الجلوس وقعدنا

انا قعدت جنب سوار

وبدأ الحوار :

ساره : يييي مره كبرتي يا لارا مره احلويتي .

سمير : كيف حال ابوكي وامك انشاء الله بخير.

لارا : كلهم طيبين ويسلمو عليكم

سوار : شكلك تعبانه من السفر .

لارا : والله منجد الرحله مره طويله

ساره : اتذكر لمن رحنا امريكا بغيت اموت في الطياره , تعرفيني اخوف ما عندي ركوب الطيارات.

سمير : عمار انت قد رحت امريكا ؟

انا : لا ما عمري سافرت بره السعوديه .

ساره : حرااااام مسكين حزنتني , والله لو ما اخاف من الطيارات لكنت دحين حجزت رحله وسافرت معاك .

سوار : نحنا سافرنا امريكا وفرنسا وسويسرا وتركيا وماليزيا وايطاليا واسبانيا و.................... إلخ

سمير : انت فين نفسك نسافر ؟

انا : اممممم اليابان .

سمير : اليابان !!! ليش اليابان تحديدا ؟

انا : عشين من كتر ما اتفرجت انمي خلاص نفسي اروحها.

سمير : ايش انمي هادا؟؟؟

لارا : انمي , تتفرج انمي ؟

انا : ايوا .

لارا : وانا كمان انا مدمنة انمي .

انا : منجد وانا كمان ما بقيت انمي ما اتفرجتو .

سمير وساره : ايش انمي هادا ؟؟؟؟

سوار : الانمي هو الكرتون الياباني .

ساره : منجد , طب هو قد كده حلو ؟

لارا : طبعا حلو يجنن .

ساره : وي خلاص يبغالي اتفرج.

سمير : وانا كمان .

امكن قعدنا ساعه نتكلم

وبعدين طلعت لارا الغرفه حقتها

وانا رحت مع سوار نلعب نينتدو ويي

قعدنا نلعب إلا شويه دخلت ابله ساره

وانضمت للعب

وبعد شويه جا عمو سمير

وانضم للعب

اول مره اشوف ابو وام يلعبو مع ولدهم

اول مره احس انو ممكن تكون العلاقه بين الولد ووالديه علاقة صداقه

امكن علشان في البيت كان ابويا وامي ما يهتمو بيا

وابدا ما كانو يعبروني

كأني مني موجود

في ديك اللحظه دمعه نزلت من عيني

سبت اللعب وقلت " بروح الحمام " وطلعت غرفتي

دخلت الحمام وغسلت وجهي عشان اخبي دموعي

سمعت صوت من ورايا

" ليش تبكي مدام انتا فرحان"

طليت ورايا , لمحت طيف بنت صغيره

ولكن الطيف اختفى بسرعه

انا قلت شكلو بيتهيألي

غسلت وجهي مره تانيه وطليت في المرايا

إلا اشوف البنت مره تانيه

قالت " انت قتلتهم , خلاص انساهم "

رجعت للغرفه بسرعه

طليت يمين وشمال ما في احد

رجلي بترتجف

وخلاص مني قادر اوقف

طحت وقعدت ارتجف وخايف

صرخت بصوت عالي

الا دخل سوار الغرفه بسرعه

" ايش فيك ايش صار ؟"

انا مسكت يدو وطليت فوجهوا وقلت

" انا ما قتلت احد "

وبعدها اغمى عليا


يتبع .....

وكده يبدأ الحماس :bigok:
sensei بالنسبه لأسم سوار والله ما ادري ايش جابو
بس هو جا على بالي وقت ما كنت بكتب:silly:

السلام عليكم ورحمه الله وبركاته ..

:bigeyes: ..!!

So Cuuuuuuuuuuuuuuuuute ..!! :Eyecrazy:

وش كل هذا الابدااااع ..!!؟ :shocked:

الصراحة .. اتمنى يكون عندي قدرة وخيال مثل إلي ان تتمتع فيه .. :smirk:

ومع ان القصة خيالية .. إلا أن في بعض السطور تحسسك ان القصة حقيقية ..!! :01:

وخاصة لا كنت تفكر وتسأل نفسك .. ليه ما كنت أحس في مثل هذا الشعور بين أهلي واقاربي ..؟ :dunno:

KaWaiiiiiiiiiii :07:

أنا حسيت في هذا الوضع .. :09:

اقتباس:

---

ما توقعته بيطلع ارنب :ponder: قلت يمكن وحش والا كلب :silly:

---

لووووووووووووووووووووووول ..

بما ان القصة خيالية .. انا توقعت انه راح يكون Gomba إلي في Mario :tongue1:

< راح بعيييييد .. :biggthump



ننتظر التكملة على أحر من الجمر .. :angryfire:

تحياتي SoulReaper

تتمة حلوة... الحلو فيك انك تنزل بسرعة
بس اللي مو حلو هو انك ما تحط الا مقطع صغير ^.^"
شكلي بانسى الموضوع هاي وبارجع له مرة وحدة وبقرا كل القصة ^_^
تسلم اخوي
سلام

SoulReaper
مررررره شكرا على المديح الحلو :kiss:
واحب اقلك انو القصه خياليه اقرب للواقع
يعني ما فيها مرررره خيال زايد
القصه جزئين
الجزء الاول اقل خيال
اما التاني اكتر
بس الجزء الأول كلو غموض :boggled:
اليوم انشاء الله حنزل تكمله كتيره استنو :D

sensei
انا عارف انو المقاطع قصيره
بس هادا الي اقدر عليه تعرفي الأختبارات قربت ولازم اذاكر
بس انشاء الله اليوم وبكره حكتب كتيييير :D
وفي الصيف حيكون الضعف:09:

التكمله :biggthump

صحيت لقيت نفسي في السرير

وسوار قاعد في الكنبه
سوار " اخيرا صحيت "
انا ما كنت فاكر ايش صار
سوار" لا تخاف الدكتور قال ما بيك شي , بس اغمى عليك من فجعه ولا خوف "
انا " اغمى عليا !!"
سوار " منتا فاكر شي "
انا " ااااا دوبي افتكرت "
سوار " يلا قوم من السرير لا تتدلع , تعال نروح نتعشى "
انا " كم الساعه الحين "
سوار " الساعه عشره "
انا " اووووف كم صرلي مغمى عليا "
سوار " خمس ساعات "

بعدين اتعشينا لوحدنا
لأنو الباقين اتعشوا قبلنا وطلعو نامو
بعد ما اتعشينا قعدنا نتفرج تلفزيون
كان قاعد يجي فلم كوميدي
وف نثص الفلم احس شي طاح على كتفي
طلع سوار نام على نفسو
خلصت الفلم وصحيت سوار وكل واحد طلع غرفتو ينام

قبل ما انام قعدت افكر
افكر بلي صار اليوم
هل كان الي شفتو وسمعتو
خيال او حقيقه

اليوم الي بعدو

صحيت وفرشت اسناني وغسلت وجهي وغيرت البجامه
ونزلت تحت غرفة الطعام
دخلت الغرفه لقيتهم كلهم قاعدين يفطرو
شكلي اتأخرت اليوم مو زي اول كنت تاني واحد يصحى
جلست في الكرسي نفسو الي قعدت فيلو اول
كان على جنبي اليمين سوار واليسار لارا
وقدامي ابله ساره وجنبها عمو سمير
اسيبكم مع الحوار الي دار اثناء الفطور:

ساره: كيف حالك عمار ؟

انا : الحمد لله .
سمير : ياولد ايش صرلك امس فجعتنا .
انا : والله ما ادري ايش صرلي , سمعت صوت يكلمني وشفت بنت صغيره تطلع وتختفي .
ساره : يامامي لا تخوفني .
سوار : شفتي يا امي قلتلك القصر مسكون جن ما صدقتيني .
سمير : ياولدي امكن يتهيألك .
انا: امكن.
لارا : انا مره اخاف من دي الاشياء , لو كنت مكانك كنت مت بدل ما يغمى عليا.
ساره : هههه الحمد لله ما طلعتلك الجنيه .
سمير : احم احم ... خلونا نبدأ ندعي .
ساره : انا اول , ادعولي ما اشوف الجنيه الي طلعت لعمار .
الجميع ما عدا ساره : يارب لا تخلي ساره تشوف الجنيه اللي طلعت لعمار .
سمير : ادعولي ربي يصبرني على زوجتي .
ساره :لا ياشيخ قد كده معزبتك في حياتك .
الجميع : هههههههههه
سوار : اليوم تطلع حلقة نارتو ادعو تطلع الحلقه حماس .
الجميع ما عدا سوار : يارب تطلع حلقة نارتو حماس.
سمير: كاني عارف ايش هو دا نارتو .
ساره : وانا كمان.
لارا : ادعولي لو شفت الجنيه ما اموت .
الجميع ما عدا لارا : يارب اذا لارا شافت الجنيه لاتخليها تموت.
انا: ادعولي انو الي صار امس مايتكرر .
الجميع ما عدا انا : يارب لا تخلي اللي صار لعمار امس يتكرر.

بعد الفطور رحنا نأكل الارانب

لما دخلت القفص هجم عليا جومبا
انا صرخت وقعت اجري وهو يجري ورايا
اللين ما جات لارا ومسكتو وقالت " ما شاء الله يا جومبا مرره كبرت "
طليت فيها وقلت " انتي تعرفيه؟ "
طلت فيا وابتسمت وقالت " طبعا جومبا المفضل عندي "

بعد ما اكلنا الارانب قعنا نتمشى في الحديقه
سوار " ايش رأيك يا لارا نوري عمار مقرنا السري "
لارا " يلا "
مشينا ومشينا ومشينا
إلين ما وصلنا عند شجره كبيييره
وتحت الشجره كان في مخبأ سري يوصل لنفق تحت الأرض
لما دخلت النفق حسيت بجسمي يتقشعر
ما ادري ليش
كان النفق كبير والجدران مليانه نقوش غريبه
طل فيا سوار وقال " دا النفق اكتشفنا انا لارا لما كنا صغار , وما قلنا لأحد عنو "
لارا " يعني انت اول واحد يعرف عنو بعدنا "
انا " غريب ايش الفايده من دا النفق وايش النقوش الغريبه الي على الجدار "
سوار " والله علمي علمك "
لارا " امكن دا المكان يرجع للقصر القديم "
رديت بكل استغراب " القصر القديم !!!!"
ردت عليا لارا " انا اقولك القصه بالتفصيل , زمان ابو جدي اشترى دي الارض , وكان فيها قصر قديم حالتو حاله , قام ابو جدي بنى قصر تاني وهو دا القصر الي سوار عايش في , اما القصر القديم فأغلبو اتهدم وما بقي منو غير جزء صغير في طرف الحديقه "
مسك سوار يدي وقال" تعال اوريك الجزء الباقي من القصر القديم "
طلعنا من النفق ومشينا اللين ما وصلنا لمكان زي الخرابه
دخلنا من الباب المكسور
وكان جو خرابه اكتر من بره
طليت في الجدار لقيت نفس النقوش اللي كانت في النفق
وبين الخرابه كان في تمثال ابيض
وكان على شكل بنت صغيره
قربت منو اكتر عشان اشوفو بوضوح
وكانت المفاجئه كبيره
الصنم يشبه البنت الجنيه اللي شفتها امس
فرصعت عيوني وطليت لسوار ولارا بوجه مفجوع وقلت " دا الصنم نفس شكل الجنيه حقت امس "
قمنا صرخنا وهربنا جري على الباب
ولما وصلنا خلاص
إلا نسمع صوت الجدار بيتكسر
ويطيح على الباب
وانقفل طريق الرجعه
وبقينا محبوسين في الداخل.

يتبع.....

اخي وين التكملة؟؟؟ طولت علينا!!

اسف على الانقطاع بس انشاء الله من اليوم كل يوم حتكون التكمله نازله

:biggthump التكمله:biggthump

بعدها ما عرفنا ايش نسويي

كنا خايفين ومترعبين موت

لارا من الخوف صارت تصرخ وتبكي

وسوار بيحاول يهديها

وانا عاد رجولي بترجف ومني عارف ايش اسويي

بعد دقايق هدينا شوي وقررنا ندور على مخرج تاني

حاولنا نخرج من الشبابيك بس كل الشبابيك كان عليها حديد

قعدنا ندور وندور

الين ما لقينا فتحه صغيره امكن ولا احد فينا ممكن يكفي فيها

قال سوار للارا تجرب لأنها انحف وحده فينا

دخلت لارا من الفتحه وقدرت تعدي

سوار " روحي البيت ناديهم خليهم يجو يساعدونا "

لارا " طيب "

وانطلقت لارا بسرعه عشان تطلب النجده

اما انا وسوار قعدنا نستنى

طله فيا سوار وقال " انت منجد شفت جنيه امس"

انا " ايوا والله العظيم شفتها "

سوار " طب ليش كنت قاعد تقول انا ما قتلت احد ؟"

انا ماعرفت ايش اقولو ارتبكت وقلت " انا اسف "

قام سوار من مكانو وصرخ " اسف ليش ؟ انت ليه شايل في نفسك ؟ "

انا بدأت ادمع وقلت " اسف انا ما ........"

بعدها ما حسيت إلا كف سوار في وجهي

وقال : تعرف ليش ضربتك ؟ عشان تصحى . انت ما قتلت احد عيلتك ماتت خلاص لاتحمل نقسك المسؤوليه

انا قعدت ابكي " طب ليش انا الوحيد اللي عاش ؟ ليش مامت معاهم ؟ "

سوار " الله ما اراد انك تموت خلاص لا تحسس نفسك بالذنب "

انا " مو دا الشي الوحيد اللي مخليني احس بالذنب . انا حاسس بالذنب عشاني احس نفسي سعيد اكتر من غيرهم . احس بالسعاده معاكم اكتر من لما كنت معاهم . كأني انا اتمنيت موتهم كأني انا قتلتهم "

وفجئه سمعنا اصوات جايا من بره

كانو بيكسرو الحجر الكيبر اللي على الباب عشان يطلعونا

انكسر الحجر

وطلعنا من القصر القديم

وانا طالع حسيت بشعور غريب

كأنو احد بيسحبني للقصر ويمنعني من الخروج

طليت ورايا وشفت الصنم اللي على شكل الجنيه

ضحكت على نفسي وقلت

الحين لما طلعت شكلها ما يخوف هههه

تكملة ممتازة... ومشوقة كالعادة
هو هبل... يعني حس ان في حدا بيسحبو للداخل ليش ما خاف منها؟؟؟
يبي يقنع نفسه انو كان وهم ههههههههه
اوكي... ناطرين التتمة
على فكرة..
انت مكملها لين النهاية والا لحد الحين تفكر فيها؟

تكملة ممتازة... ومشوقة كالعادة
شكرا هادا من زوقك


هو هبل... يعني حس ان في حدا بيسحبو للداخل ليش ما خاف منها؟؟؟
لا هو كان فرحان عشان طلع من القصر القديم

انت مكملها لين النهاية والا لحد الحين تفكر فيها؟
انا عني الفكره في عقلي بس لسه ما كتبتها
فكل يوم بكتب جزء ونزلو في المنتدى

اسف على التاخير ما كان عندي انترنت

التكمله:bigok:

بعد اسبوع

مر الاسبوع سريع وما حسينا بيلو , ما كان في تطورات كبيره في دا الاسبوع اللي فات

بس اليوم كان في شي غريب

من يوم ما صحيت لقيت ورقه في غرفتي مكتوب فيها

( افتح الباب وخد سلاحك وانزل قابلنا في الحديقه )

انا ما فهمت شي
فتحت باب الغرفة لقيت رشاش

لاتخافو رشاش مويا

وكان في طوق يتحط غلى الراس فيلو حلقه من الحديد في وسطها ورق

اخدت الرشاش ولبست الطوق ونزلت الحديقه

لقيتهم بيستنوني هناك

سوار ولارا وعمو سمير وابله ساره

وكلهم معاهم رشاش وطوق

ابتسم سوار وقال " اقلك قوانين اللعبه ولا تعرفها "

انا قلت " لا لا ايت قوانين ؟ ايت لعبه؟ "

سوار " كل واحد معاه طوق ورشاش تطلق على طوق التاني الين ما يتقطع , اذا اتقطعت الورقه اللي في طوقك تخسر , وأخر واحد حيبقى حيفوز "

انا " اها يعني زي البرنامج الياباني القديييييييييييم الحصن "

سوار " عليك نور "

لارا " حعد لتلاته ونبدأ اللعب ….. واحد ….اتنين…….تلاته "

وبدأنا اللعب

كل واحد راح استخبى في مكان

وانا دخلت بين الشجر

استنيت 5 دقايق محد جا

قلت خليني اطلع ادور عليهم

وفجئه الاقي عمو سمير طالع في وجهي

انا انفجعت وطاح الرشاش من يدي

وهو ما صدق قعد يرش على طوقي

وانا هربت وسبت رشاشي في الارض

وهو يلحق ورايا وانا اجري

الين ما اخدت دوره كامله حول الشجر ورجعت للرشاش واخدتو

ومسكت الرشاش وهاجمت عليه بكل قوتي

هععععععععععععععععععععع

هزمتوووووووو

خرقت ورقتو

اما انا ماشاء الله عليا ما صار لي شي

قالي عمو سمير " لا تفرح كتير ترى كلهم احسن مني انا اصلا دايما اخسر اول واحد "

انا " لا تخاف انا حفوز"

عمو سمير " لا واثق من نفسك مره , انا اقلك هيا من الحين أنسى "

المهم تركت ورايا وملت طريقي بحثا عن الضحيه التاليه

سمعت صوت خطوات اقدام بتقترب مني

هع هادي لارا جايا من بعيد

قربت منها من غير ما تحس

ورشيتها بالمويا على الطوق

وهيا قعدت تصرخ في مكانها

هعععع فزت للمره التانيه

ودي المره كان الفوز سهل جدا

قالت لارا " انا اوريك كدا تخسرني والله لسه حتى ما استخدمت ولا قطرة مويه"

انا " هع هادا اللي يسمو الهجوم المفاجئ"

بينما نحن نتحدث كانت هناك اعين تراقبنا عن بعد

تنتظر اللحظة المناسله للهجوم عليي

اشبي قلبت عربي فصحه

وفجئه ومن فوق الشجر نطت ابله ساره

ورفعت رشاشها في اتجاه طوقي

وضغطت على الزناد

وطشششششششششششششششششششششششششششش

شششششششششششششششششششششششش

شششششششششش

لاكن للاسف المسافه كانت بعيده جدا

وما وصلني ولا شي

وما بقيلها ولا قطره

اما انا فطليت عليها بنظره لئيمه ههههااااااا

وقربت منها بسرعه واتخلصت منها في ثواني

هاااااااااااااي الانتصار التالت

ساره " اهئ اهئ وانا اللي عامله ننجا ومتسلقه الشجر في النهايه انهزمت "

بقي خصم واحد مختبئ داخل الاشجار

يارب اتغدى بيه قبل ما يتعشى بيا

يتبع ....

هالجزء قصير... وما صار فيه شي مهم
نبي التكملة بسرعة لا تتأخر علينا
على الاقل تتأخر على تتمة مشوقة يكون أحسن ^_^

جايبلكم اليوم معايا تكمله مشوقه
انشاء الله تعجبكم

التكمله:biggthump

بديت ادور على سوار

كنت خايف مره لا يطلع من ورايا وينقض عليا

مشيت بين الاشجار بكل حذر

الين ما وصلت لمكان مليان ورود

المكان كان مره يجنن الوان الورود وريحتها ولا احلى

وانا قاعد استمتع بالمكان

ما الاقي إلا سوار طالع من بين الورود وهاجم عليا

انا من الفجعه طحت على الارض

والورود تحتي الله يرحمها

تمالكت نفسي بسرعه وقمت على حيلي وقاتلت سوار بكل شراسه

انا اهجم وهوا يتفادى الهجوم

هو يهجم وانا اتفادى الهجوم

وكل الباقين وصلوا لساحة المعركه وقعدو يتابعو المعركه ويشجعو

طبعا كلهم كانو قاعدين يشجعو سوار عشان ينتقمو مني انا هزمتهم

ما عدا لارا كانت قاعده تشجعني

وانا اسمع صوتها ينادي اسمي

كأني اول مره اسمع اسمي

احساس غريب انا عارف بس…

وهيا قاعده تشجعني وتتمنى اني افوز …

دي اللحظه اللي تحس فيها انو لازم تفوز …لازم

هادي المره محا اخطئ الطوق وحأفوز…. علشانها

سوار استغل الفرصه وطلق عليا

وانا طلقت عليه كمان

غمضت عيوني وصرخت

هعععععععععععععععععععععععععععع

وانا مغمض عيوني سمعت لارا تقول " ياهووو قلتلكم انو عمار حيفوز "

فتحت عيوني وطليت في عمار

ياهوووووووووو خرقت الورقه اللي في طوقو وورقتي سليمه

انا فزت

عمو سمير قال " مدام اتبلبنا يلا نلعب مره وحده "

كل واحد راح عبى رشاش المويه حقو وقعدنا نلعب اللين ما غرقنا مويا

في الليل

كنت ميت من التعب وخلاص مني قادر افتح عيني من التعب

طلعت غرفتي انام

وانا في الغرفه سمعت صوت جاي من الشباك

اول شي خفت وقلت خلي ولي عسى عمري ما عرفت ايش دا الصوت

بس لما زاد الصوت رحت وفتحت الشباك

لقيت رجال لابس اسود في اسود قاعد يتسلق الجدار

وكسر شباك لارا ودخل منو

سمعت لارا تصرخ

لازم اتصرف لازم اروح انقذها

طلعت من الغرفه وجريت بسرعه لغرفة لارا وانا انادي على اللي في البيت عشان يساعدوني

وصلت غرفة لارا

كان الباب مقفل

واصوات صريخ وتكسير جايه من داخل الغرفه

صقعت الباب بكل قوتي مو راضي ينفتح

طليت حوليا لقيت سيف معلق على الجدار زينه ( اظن انو من كنوز العيله )

اخدت السيف من الجدار وبديت اضرب بيلو الباب

اللين ما كسرت فتحه صغيره بعد عناء

طليت من الفتحه ماكان في اخد في الغرفه

شكلو خطفها وهرب من الشباك

جا سوار عندي يجري يقولي ايش في

قولتلو لارا اتخطفت

قال " ايش؟ منجدك تتكلم "

انا قلتلو " روح نادي عمو سمير واتصل بالشرطه انا حروح الحق وراهم "

سوار " طيب بس انتبي على نفسك "

انا طليت في السيف اللي في يدي وقلت " لاتخاف عليا "

انا طلعت للحديقه وسوار طلع ينادي عمو سمير

سامع صوت لارا من بعيد تصرخ

وانا اصرخ " لارااااااااااا"

جريت بتجاه مكان الصوت

ولقيتهم كان الرجال شايل لارا على كتفو وبيدخل الفصر القديم

انا لحقتهم للقصر

معايا السيف وداخل وسط الظلام في القصر القديم

داخل وما في بالي غير شي واحد …. لازم ….لازم اطلع من هنا ومعايا لارا

يتبع....

عجييييييييييييييييييييييييييييبة
هنا بتبدا القصة صح!!!
الاكشن والمغامرة ;)
الحين صج متشوقين للتكملة
لا تتاخخخخخخخخخخخخخخخخخخر
سلااااااااااااااااام

التكمله :biggthump

شقيت طريقي داخل الظلام

وبلحق ورا صوت صراخ لارا
ولاكن فجأه سكتت
اكيد صرلها شي
مشيت شويه وكان في غرفه من بعيد منوره
دخلت الغرفه وكان فيها شمعه
دعست على شي سائل
طليت تحتي لقيت دم
معقوله دا دم لارا
لا ..... لا ... لارا طايحه في الارض
والارض مغرقه بدمها
لمن شفتها اتصنمت في مكاني , وطاح السيف من يدي
قعدت على الارض المليانه دم ومسكت يدها
وقعدت ابكي
وفجئه سمعت ضحكه شريييره
طليت قدامي لقيت الرجال اللي لابس اسود في اسود قدامي وماسك في يدو مسدس
صوب المسدس عليا وانا اتشهدت
ضغط على الزناد و...........

طلع المسدس ولاعه
طليت فيلو بكل تعجب وقلت " ايش؟؟"
سمعت صوت لارا تضحك ورايا
قعدت تضحك وتقولي " الكاميرا الخفيه"
انا خلاص حسيت بنتعاش والخوف كلو راح
وطلعت كل العيله بره وكلهم كانو مخططين عليا
والرجال اللي لابس اسود في اسود طلع واحد من الخدم
كلهم ماتو من الضحك عليا
وانا اقولهم في احد يسوي مقلب زي كده بغيتو تموتوني من الرعب
قام قلي عمو سمير " يييه لسه ما شفت شي , قد سوينا مقالب اقوى من كده"
سوار " لا اكتر شي يضحك لمن قلتلو انتبي على نفسك قام طل على السيف وقال لاتخاف , انا قلت في نفسي لا معاك سيف وما تباني اخاف الله يستر لاتقتل احد ههههه"
ابله ساره " ايوا صح فين السيف "
انا " اووو نسيتو جوا القصر عشان طاح مني , الحين اجيبو"
لارا مسكت يدي وقالت " بروح معاك "
دخلنا القصر ومشينا اللين ما وصلنا للسيف اخدناه ومشينا راجعين للباب
ونحنا بنمشي قالت لارا " تعرف ....مع انو كل اللي عملنا مزحه ... بس منجد حسيت انك خفت عليا ... وانك منجد كنت تبا تساعدني ...عشان كدا بقلك شكرا ...شكرا مره على دا الاحساس اللي عيشتني هوا "
انا انكسفت كالعاده وخدودي صارت طماطم وقلت " عفوا "

قامت هي ضحكت وقالت "انت بطلي هههه "


يتبع.....

(...............) لا تعليق -_-"

اسف على التأخير مررررررررررررره اسف
بس عشان كان عندي اختبارات الجامعه

التكمله:biggthump

ا

ليوم اللي بعدو
رحنا انا وسوار ولارا السوق
واحنا هناك قابلنا اربعه بنات
وكانو البنات يعرفوني وانا اول مره اشوفهم في حياتي
قلتلهم من فين تعرفوني
يقولو نعرفك من زماااااااااااااااااان
وانا والله مني متذكر شي
المهم عزمو نفسهم بنفسم على الغدا عندنا
والله انهم بنات غريبات
وحده اسمها يارا شعرها قصير مره زي الاولاد واصلا حركاتها وملابسها زي الاولاد اول ما شفتها حسبتها ولد
والتانيه اسمها لينا بس تقعد ساكته ما تتكلم وشعرها طويل اسود وتلبس نظارات
والتالته وعود هادي عكس لينا , ما توقف كلام عيونها خضره وشعرها بني
اما الرابعه والاخيره اسمها فاتن وشكلها عامله الرئيسه عليهم رابطه شعرها على ورا
المهم اخدناهم معانا البيت
لمن دخلنا لقينا عمو سمير وابله ساره قاعدين على طاولة الطعام
دخلنا وقعدنا معاهم
هما يطلو في البنات ووجههم يقول "مين دول وايش جابهم "
قام سوار قال" دولا صحبات عمار من زمان لينا ويارا وفاتن ووعود"
عمو سمير " اهلا اهلا"
اسيبكم مع الحوار اللي دار ونحنا بناكل:

ساره: كيف الاكل انشاء الله عجبكم .
فاتن : لا والله الصراحه مرررره لذيذ تسلم ايدك يا ابله .
ساره : الله يسلمك بس الطباخه اللي طبخت مو انا هههههههه.
سوار : لا بس طبخ ماما حاجه تانيه جنااااان تاكليه من هنا على المستشفى على طول .
ساره : اقول سوار لا تطلع الفضايح .
لارا : عمار احطلك سلطه .
انا :لا شكرا ما احب السلطات .
وعود : ههه من صغرك وانتا ما تحب السلطات .
انا : والله اللين الحين مني متذكر فين شفتكم قبل كدا.
فاتن : نحنا حنسيبك تعرف بنفسك محا نقولك شي .
يارا : نشوف اذا كنت ذكي حتتذكر .
لارا : شكلكم تعرفو كويس .
فاتن : طبعا طبعا كنا دايما سوا ما نفارق بعض .
سمير : كل دا ومو فاكر بالله عليك ياعمار.
انا : والله مني فاكر .
ساره: ممكن انا احزر .
فاتن : طيب عادي.
ساره : انتو كنتو جيرانهم .
فاتن : لا خطأ مره مو جيرانهم.
انا : اصلا انا ما اعرف احد من جيراني .
سوار : طيب امكن انتو تقربولو من بعيييد .
فاتن : لا لا ما نقربلو .
لارا : امكن انتو بنات اصحاب ابو او صحبات امو .
فاتن : لا اصلا انا ما اعرف ابو ولا امو .
انا : انتو متأكدين انو انا هو عمار اللي تعرفوه ؟
فاتن : هه طبعا متأكدين .

بعد الاكل نادتني فاتن وقالتلي تعال الحديقه نتكلم لوحدنا
انا رحت معاها للحديقه
طلت فيا وقالت " انا اسفه على اللي صار لعيلتك "
انا نزلت راسي في الارض
قامت قالت " بس هو دا اللي كان لازم يصير , اسفه"
انا انفجعت من اللي قالتو وقلت " ايش قصدك ؟"
طلت فيا وابتسمت وقالت " لا شكلك مره منتا فاكر "
مشيت شويه وقالت " لا تخاف قريب حتعرف كل شي , يلا لازم نرجع "
انا " لا قوليلي الحين انتو مين "
فاتن " اسفه ما اقدر لازم تعرف بنفسك "
وراحت وسابتني غارق في بحر من الحيره

as I thought
أول ما طلعوا البنات قلت هم لهم دخل بالسالفة
يالله اخوي لا تطول علينا
^____________^

التكمله :biggthump

قعدت طول الليل افكر

بالله كيف ممكن الواحد ينسى قد كده
كأنو جزء من ذاكرتي انحذف
دولا البنات خلوني اشك في نفسي

جاني سوار وقعد معايا
قلي اشبك ما تنام
قلتلو مو جاييني نوم
سوار " البنات صح؟"
انا " طبعا"
سوار " انا خايف انو يطلعو ناس كدابين "
انا " ما اظن , تعرف ايش قالتللي فاتن قبل ما تروح "
وحكيتوا ايش قالت
سوار" والله كلامها يخوف "
انا " منجد"

وقعدنا نتكلم اللين ما طلع الفجر
بعدين نمنا

اليوم اللي بعدو

اليوم صحيت متأخر عشان نمت متأخر
ياويلي على الصداع
وسوار نايم مو راضي يصحى
اما لارا صاحيه من صبح الله
هيا صحيت احنا نمنا هع
وابله ساره مسكتني من يدي واخدتني لمرسمها
وقعدتني على كرسي وقالت " لاتتحرك برسمك"
انا كنت مصدع ومو طايق نفسي
فقعدت مكشر وابله ساره مبسوطه تقول البوز حقي كيوت
قعدت ترسم ساعتين
اللين ما طفشت عمري
جات لارا وجابتلي كاسة مويا
اعطتني ايها وابتسمت
حاولت ابتسملها ما قدرت كالعاده
وبعدين راحت لارا

اسيبكم مع الحوار اللي دار بيني وبين ابله ساره وهيا بترسمني

انا: ابله ساره انا عندي مشكله كبيره.

ساره : وي بسم الله , ايش هيا؟
انا : كل ما احاول ابتسم ما اقدر ما ادري ليش ؟.
ساره : الابتسامه نوعين ابتسامه حقيقيه وابتسامه مصطنعه , بعض الناس زيك ما يقدرو يصطنعو ابتسامه , امكن عشان ما اتعودو على الابتسام .
انا : بس انا حتى لمن اكون فرحان ما اقدر ابتسم .
ساره : امكن عشان ما كنت فرحان من قلبك , لو الفرحه كانت من قلبك حتبتسم لا اراديا لأنك فرحان منجد , امكن انتى لسه اللين الحين ما عشت لحظة الفرح اللي حتخليك تبتسم .
انا : اصلا انا طول عمري حزين , من صغري وانا حزين , اهلي كانو يعاملوني كأني مو فرد منهم , انا ......انا ما حسيت بالسعاده ابدا الا لمن جيت عندكم ....انتم افضل شي صرلي في حياتي .

انا قعدت ابكي وابله ساره قعدت تبكي

وحضنتني وقعدنا نبكي
دخل علينا عمو سمير وشافنا نبكي قعد يبكي معانا
نقولو انتا تبكي ليه
يقول لا بس عشان اكمل الفريق

اسفففففففففففففففففففففف ما كملت من زمان
بس انشغلت بالتسجيلات حقت الجامعه
يلا بكره حنزل تكمله طويييله وحماسيه وحكشف فيها الكتير من الاسرار

ويييي ما شفت هالجزء... متى نزلته!!؟؟
أمس كنت افكر بالقصة اقول ليش لحد الحين ما كملها؟؟
اممممم... الجزء هذا مافيه اي شي جديد
ما طلع شي من القصة
بس المقطع اللي عجبني هذا

اقتباس:

---

نقولو انتا تبكي ليه
يقول لا بس عشان اكمل الفريق

---

ههههه
وكأن الواحد لما يبي يبكي يبكي بكل سهولة
والله عجيبة... حنا حتى لو نبي نبكي علشان نشيل الهموم مو قادرين نزل الدمعة
شكرا اخي... وان شاء الله تنزلها باجر بسرعة
منتظرتها
بس شكثر بتاخذ؟؟
يعني قربت النهاية والا لا؟

القصة جميلة جدا
كملها
shiney star

مررررررررره اسف على الأنقطاع
بس والله الموقع محجوب عندنا في جده :(
انا خلصت القصه من زماااااااااااااان وبدأت في الجزء التاني
انا حاليا في الشرقيه والمنتدى مو محجوب
جبتلكم التكمله ومقسمه لفصول انشاء الله تعجبكم وقولولي ارائكم على النهايه :D



لمن جيت بشوف الرسمه ما رضيت ابله ساره توريني اياها
تقولي لا ما تشوفها الحين
قلتلها متى يعني حشوفها
تقولي حتخليها مفاجئه


دق الجرس
جو البنات الاربعه
ويقولو يبغوني ضروري
انا رحتلهم وقعدت معاهم
جات فاتن قعدت جنبي وقالت " عمار في شي مهم لازم نقولك اياه"
انا استغربت وقلت " ايش هوا؟"
قالت " لازم اليوم تجي معانا لارا "
انا " تجي معاكم فين ؟"
ابتسمتلي وقالت " بنطلع نتمشى تمشية بنات " وضحكت
انا " هوا دا الشي المهم الحين"
قامت وعود قالت" هههه لا بس عشان ما نبغاها ترتبط بشي تاني "
انا " استني الحين اناديلكم لارا وقولولها بنفسكم"
وعود " طيب , بس بسرعه "

رحت انادي على لارا
طلعت فوق وانا بمشي طليت في الجدار اللي معلق فيلو كل صور العيله
وفي الأخير كانت في لوحتي اللي رسمتها ليا ابله ساره
اللوحه جنان مررره حلوه
طليت فيها ودمعت
صورتي جنب صورهم
عمو سمير وابله ساره وسوار ولارا وانا
المهم
كملت طريقي لغرفة لارا
طقيت الباب ودخلت
قلتلها البنات تحت يبغوها
قالتلي " طيب الحين انزل بس اعمل شعري"
نزلت مرة تاني وقعدت مع البنات الين ما جات لارا
وقالولها على الطلعه ووافقت تروح معاهم
وطلعو البنات ومعاهم لارا وانا بقيت في البيت
وبعدين جاني سوار وقعدنا مع بعض
واحنا قاعدين دق الجرس
انا رحت افتح الباب وقلت " هو كل دقيقه يدق الجرس دا"
فتحت الباب
وكانت المفاجئه



كان ابويا واقف على الباب
انا ما صدقت وقعدت في مكاني مذهول
مسك ابويا يدي بقوة وقلي بصوت غاضب " تعال على البيت "
انا لسه مني مصدق اللي صار
هوا قعد يسحبني للسياره وانا اطل في سوار وفيا البكى
سوار يناديني " عمار ....عمار"
وانا مني قادر اتكلم كأني شفت شبح
وكل ما نبعد بالسياره عن القصر احس قلبي بيتقطع اكتر واكتر
وانا في السياره انفجرت وبدأت ابكي وابكي
كأني انخطفت من اهلي مع اني مع ابويا
طول الطريق قعدت ابكي
وابويا يسوق ولا يطالع فيا
ولمن وصلنا سحبني من السياره ودخلني البيت
سألت ابويا " بابا انتا كنت فين؟"
قام ضربني كف على وجهي وصرخ في وجهي " انا مني ابوك فاهم "


في دي اللحظه ما اعرف كيف كان شعوري
كأني بنحرق بالنار من جوا
بديت ادوخ وافقد الاستيعاب
وبابا مسكني من كتفي بكل قوه وقعد يصرخ" انتا قتلت زوجتي واولادي وعيلتي كلها
...محا اسامحك ابدا "
رماني على الارض وبدأ يرفز في بطني اللين ما نزفت من فمي
قام جاب عصايا وضربني على راسي
وبعدها فقدت الوعي



الفصل الثالث عشر


لمن صحيت لقيت نفسي محشور جوت صندوق
حاولت اخرج بس كان مقفل بالمفتاح
الصندوق كان صغير مره وما فيلو مجال للحركه
قعدت جوا الصندوق ابكي من الالم
في دا المكان الضيق لوحدي
بعد ما كنت في قصر كبير
ومع ناس حبوني من كل قلبهم
بعد كل الايام الحلوه اللي عشتها معاهم
لما حسيت اني اخيرا سعيد
انتهى كل شي
انتهت لحظات سعادتي

نفسي
نفسي اسمع نكات عمو سمير
اتوه في روعة لوحات ابله ساره
العب واضحك مع لارا
نفسي اشوف للحظه وجه سوار المبتسم

ماكنت مصدق انو امنياتي ممكن تتحقق بدي السرعه
انفتح الصندوق
وشفت سوار قدامي
مدالي يدو وسحبني من داخل الصندوق
سحبني من الألم الي كنت عايشو

كانت عيونو غرقانه دموع
وانا كمان
طلينا في بعض
وقلي " وحشتني مره "
انا ابتسمت وقلت " وانت اكتر"
حضني وقال اول مره اشوف ابتسامتك

انا ماصدقت
انا ....اخيرا ابتسمت

ضحك سوار وقلي " بس تعرف.... ابتسامتك احلى ابتسامه شفتها في حياتي "


دي كانت اللحظه السعيده اللي خلتني ابتسم

لا اراديا

ابتسمت لأكتر واحد عشت معاه ايام سعيده

في حياتي



سوار " مين سوا فيك كده , مين ضربك "
جاوبتو " ابويا "
سوار رد بكل تعجب " ابوك !! , ليش يعمل ابوك فيك زي كده !! "
انا رديت " ما اعرف , انا مني فاهم شي , انا ...ما ابغى اقعد هنا "
سوار قال " طيب تعال نرجع للبيت "
انا " طيب فين ابويا ؟ "
سوار " انا لمن جيت كان الباب مفتوح , وماكان في احد جوا , وبعدين سمعتك تبكي
وسط الصندوق وفتحتلك , انا جيت عشان اعطيك ملابسك "
انا " طيب كويس يلا نمشي قبل ما يشوفنا ابويا "

طلعنا من البيت وركبا السياره
وانطلقنا للبيت

وانا في الطريق اتذكرت اليوم الأول اللي ركبت فيه السياره مع سوار واخدني معاه
للبيت
بس الفرق اني الحين عارف انا لفين رايح
انا رايح للبيت اللي انتمي اليه
رايح لعيلتي اللي انتمي اليها
واحبها من كل قلبي

كل اللي غبتها عن البيت امكن ما تجي ساعتين
لكن حسيتها سنتين



الفصل الرابع عشر


وصلنا البيت ودخلنا
لمن شافتني ابله ساره انفجعت وقالت " ايش اللي سوا فيك كده "
جيت اتكلم بس سوار لحقني وقال " ابوه ضربو "
ابله ساره ردت بكل استغراب " ابوه !! اشبو دا ابوه متوحش ... انا اوريه والله
ما اخلي ياخدك مني ... انا اشتكيه للشرطه "
انا رديت " معليش .... سيبيه هو اصلا عمل كده عشان مستغني عني "
رد سوار " عسا عمرو "
وابله ساره قالت " منجد ....... عمار عندك رقم فاتن ولا وحده من البنات "
انا رديت " لا .... ليش؟ "
ابله ساره " عشان لارا لسه ما رجعت , وجوالها مقفل "
انا " للأسف ما عندي "
ابله ساره " طيب نستنى عليها شويه امكن الحين ترجع "


دخل علينا عمو سمير
اسيبكم مع الحوار اللي دار بيننا


سمير : عمار ايش رجعك ... وي وي ايش سوا فيك كده .
ساره وسوار مع بعض : ابوه المتوحش ضربو .
سمير : ........
انا : لاتخاف انا طيب ما فيا شي .
سمير : ايش دا الرجال مافي في قلبو رحمه , ولدو صرلو ما شافو قد ايه وبعدين
يضربو .
ساره وسوار مع بعض : منجد .
سمير : انا اوريه والله لو جا ياخدك مني مخليه , اما شكيتو للشرطه .
انا : عمو سمير هدي نفسك قلتلك ما صرلي شي .
ساره : طب هو ما قلك شي .
انا : ..... قلي ..... قلي انو هوا مو ابويا .
سمير وساره وسوار : !!!!!!!
انا : انا مني عارف ايش قصدو .
سمير : ولا يهمك خلاص انا ابوك من الحين .
انا : هههههه .
ساره : وانا امك .
سوار : وانا اخوك .
الكل : ههههههههههه.
سمير : ايوا صح فين لارا مني شايفها .
ساره : خرجت مع البنات وما رجعت للحين .
سمير : طب اتصلي عليها على الجوال .
ساره : جوالها شكلو مقفل .
سمير : اها ... طيب استني امكن الحين ترجع.


بعد ما خلصنا كلام
طلعت انا وسوار للحديقه
وقعدنا نتمشى
ونحنا بنتمشى شفنا لينا من بعيد بتجري ناحيتنا
احنا استغربنا لمن شفناها
جاتنا بتلهث من التعب وتقول " الحقوا بسرعه .... روحو القصر القديم ..... فاتن
والبنات حيقتلو لارا "
لمن سمعنا ما صدقنا
طليت فيها وقلت " منجدك بتتكلمي "
قالت " بقلك الحق عليها قبل ما يقتلوها "
بعدها انا وسوار جرينا للقصر القديم
وقلبنا يدق يدق من الفجعه



الفصل الخامس عشر


لمن وصلنا القصر سمعنا ضحك من جوا
دخلنا وطلعنا الدرج لمكان الصوت
وفتحنا باب قدامنا ودخلنا الغرفه

الغرفه كانت كلها شموع
لارا في وسط الغرفه مربطه على كرسي
وفاتن جنبها تطل فينا وتضحك ماسكه في يدها عصايه
ووعود ويارا واقفين كل وحده شايله شمعه

قلت لفاتن بكل عصبيه " ايش بتسوي سيبي لارا "
قعدت تضحك وقالت " اخيرا جا الفارس الابيض عشان ينقذ الاميره المسجونه ههههه "
سوار راح يفك لارا من الكرسي
بس فاتن ضربتو على راسو بلعصايه
وطاح على الارض
وقامت تضرب فيلو
طخ طخ طخ
انا عصبت وجيت اساعدو
بس لقيت يارا مطلعه مسدس ومصوبتو عليه وقالت " لا تقرب ولا خطوه تانيه "
لارا كانت ما بتتكلم شكلها مغمى عليها
انا قعدت واقف ما ادري ايش اسويي
سوار بينضرب وانا ما اقدر اسوي شي
وسوار طايح في الارض وما بيتحرك
وقفت فاتن الضرب وقالت " عمار لاتزعل مني , بس بعد كل العذاب اللي اتعذبتو محا
اخلي لارا تاخدك مني "
انا قلتلها " ليش لارا ماسوتلك شي سيبيها "
فاتن ضحكت بصوت عالي وقالت " ما سوت شي ؟ ها ها ها "
انا عصبت وقلتلها " سيبيها الحين ولا حروح انادي الشرطه "
فاتن " شرطه ها ها ها , اذا انت اللي قتلت خمسين شخص في لحظه منتا قادر علينا ,
يعني بعقلك الشرطه حتقدر علينا "
انا دمعت وقلت " انا ما قتلت احد , اللي حصل داك اليوم كان حادث "
وعود قالت " عشين كده اليوم حطينا شموع في كل مكان عشان ما تحصل أي حوادث ها ها
ها "
انا قعدت ابكي واقول " انا مني فاهم شي .... سيبو لارا وسوار وبعدو عني "
فاتن " ايش رايك انتا تسيب سوار ولارا وتجي معانا , واوعدك اني اسيبهم "
قامت يارا وجهت المسدس نحو لارا وقالت " يلا قدامك عشر ثواني تقرر يا تجي معانا
يا نقتل لارا "
وبدأو يعدو
.....1.....
انا خلاص قلبي بيدق ومني عارف ايش اسوي

.....2.....
طليت على سوار وهو في الارض ما بيتحرك

.....3.....
طليت على لارا المربطه على الكرسي وبرضو ما بتتحرك

.....4.....
لارا ممكن تموت

.....5.....
ولو رحت معاهم امكن محا ارجع تاني

.....6.....
سوار حرك يدو

.....7.....
فاتن بتضحك وتطل فيا

.....8.....
خلاص الوقت حينتهي

.....9.....
لازم اختار

.....10.....
قالت فاتن " ايش اختيارك ؟"

انا جيت اتكلم لكن فجئه لقيت سوار قام من مكانو وهجم على يارا

طخ.....طخ

صوت الطلقتين كان عالي مره
والدماء طارت في كل مكان

يارا طلقت بالمسدس على سوار

انا جريت عند سوار
ومسكتو قبل ما يطيح على الارض
قعدت ابكي واقول " سوار ...لا ... دا مو حقيقي سوار رد عليا "
عيون سوار كانت مفتوحه بس ما كان بيرد عليا
وفجئه قعد يكحكح ويطلع دم من فمو
مسكت خدو وقلت " سوار رد عليا ... سوار "
طل فيا سوار وقال " ع..عمار .... "
انا " لا تخاف الحين ننادي الاسعاف ونروح المستشفى بس انتا خليك معايا
لاتسيبني "

نزلت دمعه من عين سوار ورفع يدو ومسك يدي وابتسم

وبعدها .... قفل عينو ... ويدو فلتت يدي وطاحت على الارض

انا رفعت يدو من الارض وصرخت " لا ... لا تسيبنى ... سوار خليك معايا "

كانت يدو بارده ووجهو مبتسم
ابتسامتو اللي مافي زيها في الدنيا اتنين
وانا ماسك يدو اتذكرت لمن كنا في الحديقه
لمن مسك يدي وقال " انا مره فرحان انك حتعيش معانا "
عندها حسيت انو حنبقى سوا وعمرو محا يفرقنا شي

بسببي مات سوار
فقدت صديقي العزيز
وأخويا

كلو بسببي

فاتن قالت " يلا قولي ايش قررت لا تخليني اقتل لارا كمان "
لمن سمعتها تقول كده
ركبني شيطان وعصبت مره
نفسي اقتلها واقطعها
قمت من مكاني وقلت " حتندمو مره على اللي سويتو , محا اسامحكم ابدا "
الشموع اللي حولينا بدأت تنطفي وحده ورا وحده
وغضبي بيزيد اكتر واكتر
فاتن طلت فيا وقالت " مستحيل !! كيف قدرت !!"
قالت يارا " فاتن انا اسفه بس لازم اتصرف "
وجهت المسدس نحوي
وبقي اخر شمعه
صرخت فاتن " لااااااااااااااااا"

طخ

صوت طلقة المسدس هو اخر صوت سمعتو
طحت في الارض وفتحت عيني
شفت فاتن بتبكي
بس ماكنت بسمع شي

وكل شي صار ابيض
وما صرت اشوف شي
غمضت عيني وما فتحتها


الفصل الأخير

فتحت عيني لقيت نفيس في المستشفى
وحاسس بألم في بطني
كان عليها شاش
ما كان في احد في الغرفه

عندها اتذكرت لارا وسوار
قمت من السرير زي المفجوع
وخرجت من الغرفه
شافوني الممرضات وكانو بيرجعوني لغرفتي
انا كنت بتألم بس قاومت الممرضتين
قام جو رجال الامن ومسكوني وكانو بيرجعوني للغرفه
انا قعدت اصرخ " سيبوني ... لازم اروح ..... لارا في خطر "
جا الدكتور وقال " حالتك ما تسمحلك انك تخرج من المستشفى "
وشاور لرجال الامن عشين يدخلوني الغرفه

انا قعدت اقاوم واصرخ " سيبوني .... سوار حيموت "
لكن رجال الامن كانو اقوى مني
والممرضه كانت بتعطيني ابره مهدئه عشان اهدى
بس انا عصبت وصرخت " سيبوني "

عندها انطفت الكهربا
وعم السكوت المكان
ورجال الامن سابوني

ما مرت ثانيه إلا اشتغلت مولدات كهرباء الطوارئ





طليت حوليا

لقيت كل اللي في المستشفى على الارض
وانا واقف لحالي

في دا اليوم
اكثر من 100 شخص
ماتو في ثواني






يتبع في الجزء التاني :silly:

حلوة القصة ^_^
والله أنك خطير
أحداث روعة ما شاء الله
بس ما أظن رفيجه بموت
وودي أعرف شو السوبر باور اللي عنده
بس النهاية حلوة ^_^
بس يبيلها نهاية
هههههههههههه
متى بتكتب الجزء الثاني؟
وسوري طولت عليك
مع ان شفتها أمس بس ما قدرت أقراها
ما كان في وقت
وانت ما شاء الله نزلت كل الاجزاء مرة وحدة
أشوفك على خير
سلام

القصه بتجنن عن جد
كتير شوقتني
بس بسرعه اكتبها
يللا باي

مشكور على القصة الروعة جدا والممتعة

لكن اظن ان كل تلك الظروف التي احاطت بعمار ساعدته على كسب هته الطاقة العجيبة التي تستطيع ان تقتل كل من يحيط به من اشخاص

واظن ان الجزء الثاني سيكون اكثر تشويقا وننتظره بفارغ الصبر وارجوا ان لايطول الانتظار كما في السابق

وتقبل تحيات اخوك layte

السلام عليكم ورحمة الله وبركاته
القصه مره عجييييييبه
والاحداث مشوقه ومثيره
والافكار جديده يعني ماقريت قصه جذي من قبل^ـــ^
رووووووعه مشاء الله تبارك الله
وانتظر الجزء الثاني^ـــ^
سلام

شكراااااااااااااااااااااااااااااا مره على الردود :D
والله شجعتوني مررررره كتير :D:D
انا بادئ في الجزء التاني من اول بس ماكنت قادر ادخل المنتدى عشان محجوب
بس هنا في بيت عمتي ستلايت فأقدر ادخل
المهم الجزء التاني ابطال تانين يعني محا تتكمل قصة الجزء الاول إلا في الجزء التالت
اسف على الحركه دي , بس عشان ابطال القصه كتار فقسمتهم على جزءين
وكمان قصة الجزء التاني تكشف كتير من الغموض اللي في الجزء الأول
فتابعوه وانشاء الله يعجبكم:D

الي ما يعرف اني كملت القصه
ترى كملتها اسمها الوان القلب الجزء الثاني
من هذا الرابط
http://www.montada.com/showthread.php?p=5752181

Ray-kuuuuuuuuuun
آسف على الرد المتأخر
بس القصة مررررررررررررررررررررررررررة حلوة و مرررررررررررررررررررررررة مشوقة و حماسية
ننتظر بقية الأجزاء
Bye-bee