عرض للطباعة
السلام عليكم شباب
ياناس وش سالفة الملل
ما اقدر بصراحة العب الحالي احس امل بسرعة
10 دقايق واطفي الجهاز
وان صار معي احد اطول يمكن ساعة او ثنتين زيادة
كيف تقضي على الملل وترجع تلعب زي اول ايام البلاي 1 والبلاي2 في بداياته
المشكلة الى لعبة ذا داركنيس عندي الحين خلصت نصها ولا لي خلق اكمل رغم اتي ابغى
وبرضوا اوفرلورد
وش الحل ساعدوني :D
ياريال ..,اقتباس:
المشاركة الأصلية كتبت بواسطة Artistic-Mind
وينك انت .., من زماااان ما شفتك في اللايف ..,
من هاذا اليوم في جيرز ..,
المهم .., انا مثلك و الله .., الملل ذبحني ..,
و الحل ابتعدت عن اللايف و بديت العب سنجل بلاير ..,
و انى عرضت مشكلتي على احد المنتديات العربيه و كان هاذا الرد من بعض الاخوان ..,
اقتباس:
.
جاتني هالحالة ايام البلاي ستيشن 2, لكن حولت على الـ360 وطارت, وجاتني ثاني, الين مانزلت Psi-Ops وطرطعتني من فيزيائيتها وسرت مدمن فيزيائية بكل الالعاب ومااشتري اي لعبة مافيها فيزيائية, وماعمرها المشكلة جاتني ثاني.
وجرب تلعب اونلاين, بالنسبة لي كرهت الاونلاين لانه لمن تلعب لازم تراعي مشاعر اللي قدامك وماتخبص عليه لعبته, ماتطخ على صاحبك في الفريق ورد عليه لمن يسألك سؤال..الخ, And i hate f'ing humanity, they're so boring.
عشان كذه حولت على الـSingle Player احب استمتع بلعبتي, Hell الى الان ماخلصت ولا لعبة على الـ360 الا GRAW الاولى لاني من النوع اللي يعيد المرحلة 2363457432 مرة " خصوصا لو فيها فيزيائية, Mind you "
واذا الحالة لساعها فيك حوّل على الـPC Gaming, تراه عالم ثاني بفضل الـMods خصوصا لو في لعبة عجبتك مثل هاف-لايف 2 بتلاقليها Mods تخليك تلعب اللعبة في الـMiddle Ages.
ويمديك دايما تحمل BearFlix وتحمل افلام ومسلسلات طول اليوم.
واذا الحالة لساعها فيك, You got a problem, see a shrink.
اقتباس:
امممم ، الحالة دائماً تمر باللاعب اللي دايما تلقاه يفكر بانجازاته باللعبة، وانه حاط في باله يشتري كل الالعاب ويتحدى الناس ويخلص كمية العاب فوق طاقته.
انت تقول ايام قبل كنت احس بوناسة .. إلخ
تدري ليش؟
اشتر العاب سخيفة وحلوه، لا تفكر منو مطور اللعبة لول..
مثل سوبر مان، العاب غبية ثانية، اللي تقييمها 4 و 3 خخخ والا اقول لك حتى لا تفكر بالتقييم
اشترها واستمتع فيها، لا تتحدى نفسك باللعبة، ولا تحاول تخلصها لو مالك خلق.
لا تفكر تجمع اجهزة بلا سنع، اشتر لك جهاز واحد على شان يكون تركيزك عليه، ولا تحاول تجمع العاب بدون ما تخلصها، اشتر لعبة وحده واستمتع فيها لمن تمل حدك منها ذيك الساع فكر تجيب لك شي ثاني.
انا شخصياً استمتع بالدريم كاست، لانها وببساطة جهاز اركيد، والميزة هنا، يمديك تشغل اللعبة، وتسوي شغل فيها ويطلع لك انك حصلت سكور كذا وكذا، عيد اللعبة مرة ثانية وجيب سكور اعلى منه إلى آخره، بمعنى لعبة قصيرة وممتعة وتقدر تعيدها بدون ما تمل. العاب مثل ستريت فايتر او العاب الطق او العاب مثل ردج ريسر والسيارات تفي بالغرض، وايضاً العاب مثل تايم كرايسس و virtua cop يعني مع الاكسسوار المسدس..
اتمنى وصلت نقطتي اللي حبيت افصلها
هلا اخوي محمد
شرفت ونورت
شكراً على الردود بس باينه قديمة بعضها
اكيد واحد تبع ونتر وولف
انا اخش اللايف بس قليل ما احب الا السنقل
اسمي حالياً جيمر تاج
honorman911
:blackeye: لووول متعت ايام playstation 1
ما عمرها راح ترجع لا ويا ال360 ولا الps3 ولا الps2 ولا ويا dc الخ ..
لأنه ببساطه قبل كان شي يديد علينا البلاي1 ..الحين تعودنا على الجيمز بشكل عام ..بس تطور جرافكس
والعاب جديده وقصص جديده بمحركات متشابه.. :31: مادري اذا فاهمين قصدي لووول
نوع في الألعاب او جرب نوع ثاني انت مو متعود عليه . . . انه قبل كنت اذا اوصل لرئيس و يلبغني , أعيد معاه حتى ولو 20 مرة الحين مرتين و اتملل و اهد العبة و ماراجعها لها الى بعد اسبوع . . . . جرب العب العاب DS او Wii اذا عندك لانة تجربتها مختلفة .
[QUOTE][لأنه ببساطه قبل كان شي يديد علينا البلاي1 /QUOTE]
صدقت ولله ;)
اتوقع مشكلتك اخوي انك ماتلعب اللعاب نوعك المفضل تلعب اي شيى..انا عن نفسي المشكله هذي كانت محجرتلي بقوه ايام ال ps2 وxbox كل يوم يومين رايح اقرب محل وشرتلي لعبتين ثلاث >>>>> خخخخخ مالاحضتو الارقام كل شوي تزيد
الحين مع الxbox360 المشكله قلت لاني ماخذ الا اللعاب من النوع الي احبه وطبعا موضوع الالعاب الاصليه ساعد بشده مع اني للحين مالمست اللايف واقدر اركب قطعه الكوبي واوفر على نفسي بس عارف لو سويتها بترجع المشكلهّ..
وياليت دائره النقاش تتسع علشان نستفيد من خبرات الشباب..
كل الالعاب متكررة
كل شركة تسرق من شركة الثانية
ماشي شي يديد الافكار انعدمت للاسف
طرحنا موضوع نقاش بخصوص تأثير النت على الالعاب..ولكن للاسف الغالبيه لم تفهم تأثير النت على الالعاب وانها يؤثر عليها سلبيا
عزيزي ماتعاني منه هو تأثير الانترنت من محادثه ومواقع عروض للالعاب.التي افقدت اللعبه رونقها وجمالها
وتقبل مروري
حتى انا نفسك والله جيرز جاتني وكنت العبها بالكثير ساعتين فاليوم لين خلصتها
والحين ps3 وخاصية افلام mp4 وانا مافيه الا تنزيل وتحميل فالسوني افلام لين يطفح هع وونست نفسي شوي صرت العب فيه شووي بس حتى ننجا جايدن قعدت عليها اسبوع ونص لين خلصتها مع انها يمكن تخلص بيومين لو تقعد لها صح والسبب اني اتملل بسرعه من الالعاب وكذا تحس ان ماعندك سالفه واول ماحس كذا اقوم اطلع ادوج واهيص وارجع نفسيتي منفتحه للعب مره ثانيه واكمل وبالكثير بعد اقعد ساعتين
الله يرحم ايام ff7 كنت اقعد مع روبي وايميرالد 10 ساعات اموت وارجع اكمل ولا اطفش ولا احس بملل هذا وانا بروحي والحين بالكثير ساعه ونص وازهق
جرب تلعب العاب قديمه بعدين ارجع للجديد
او ابدأ تجمع اكبر عدد من الجيم سكور
والله اسكت انا ..صادتني عقده الاشرطه ....
اشتري شريط ورا شريط شريط ورا شريط ....بدون ما اخلص ولا لعبه :boggled:
وانشغل في الديموز والاستعراضات وانتظار الالعاب القادمه ...:09:
بدون ما افكر في لعبه وحده واظن ان الواحد يشتري لعبه لعبه .. ويخلصها احسن له ...
ويخلي نفسه out من الايف لانه ..مو وقته ...
اختم الالعاب وبعدين العب live ....
والله يبعد عنك الملل ..
سلااام
:biggthump :biggthump
اذا كنت من محبي السيارات جرب فورزا 2
المتعة في بيع وشراء السيارات -يمكن تصير تاجر-
يا اخوان ترى برضوا السن يفرق , يعني اول كنا بزارين نستانس على اي لعبه والحين ندقق في الرسوم وتقييم المواقع والقصه
انا الحين اشوف اخواني الصغار مستانسين بشكل خيالي على العاب في قمة الغباء مثل سوبر مان وخرابيط ثانيه ماادري وش هي
انا عانيت من هذه المشكله ايام السوني 2 بس مع ال360 خفت المصيبه
حتى انا تصير لي المشكله
و مع ان ودي ألعب شي من الألعاب الجديده الي عندي بس أغير رأيي دايما أو انسى
بس يمكن يكون السبب انك صرت تتوقع كيف اللعبه بتمشي معك أو طريقة لعب الذكاء الاصطناعي و تغلبه بسهوله
فأظن الحل في هذي الحاله انك تلعب مع أحد من أصدقائك مثلا تكن أو شي فيه لاعبين معهم
كذا يتغير الجو من الملل للحماس
و طبعا عندك اللايف تقدر تلعب فيه مع ناس مختلفين أو فرق زي هالو و جيرز (اصحاب ضد بعض)
غير كذا ما أظن عندي حل
اتفق معاك عزيزي , احس انه المشكلة هي كثرة الاجهزة , واذا مب كثرة الاجهزة كثرة الالعاب , انا هالايام رامي ال 360 وال ويي على صوب وقاعد العب دي اس بجنون , وبعد اتملل هقب ساعة بالكثير !!!
اييييييييييييييه ... فين ايام زمان :)
الحل مثل ماذكر احد الاخوة انك لا تتعمق في الالعاب الجديدة وتتابع اخبار الالعاب أو لعبتك المفضلة اي ما كانت نوعها لان ذلك يفقدك الكثير من الحماس لها اثناء صدورها وهذا مجرب من ناحيتي انا كنت انتظر بشوق لعبة Final Fantasy X وغيرها من الالعاب التي على ps2 ولكن بعد اهتمامي المبالغ فيها قبل صدورها اصبحت اللعبة عادية من وجهة نظري ولم العبها بعد ما انهيتها و للمعلومية اشتريت اللعبة بعد ما صدرت في الاسواق بعد اربع او ثلاث سنوات حيث اني مللت ملل غريب وكنت استرجع ذكرياتي مع الps1 وهي من افضل الايام مع الفديو قيمز..انا لا اقول لك لا تتابع اخبار الالعاب تابع ولكن بشكل سطحي (مثلي الان ) و أنصحك بأن تسمع لأذواق العاملين في محلات الفديو قميز ومدحهم للعبة ما صحيح ان الناس اذواق ولكن هذا لا يمنع ان نجرب فالتجربة خير برهان..
امل اني افدتك ولو بالقليل..
إلى اللقاء ان شاء الله
لووووووول
كلنا جذي ......
بس تبي طريقة حلوة ..... حاول تغير نظام حياتك .... يعني مو كله لعب لعب لعب ....
حاول مثلا تسافر .... تطلع مع ربعك ..... تروح البحر حدااااق ..... تروح البر .... جذي غير حياتك وصدقني راح تستانس وااايد
ولا تحكر روح بس تلعب الغيمز او انترنت لانك راح تمل وااايد بعدها
انه كنت مثلك الصراحة بس يوم وخرت عنهم شوي حسيت براحة كبيرة والغيمز ارجع لها وبقوة
انا عندي نفس المشكله بس انا عندي الموضوع اهون شوي لو اني اقدر العب اون لاين بس المشكله جهازي يشغل الكوبي والجماعه كلهم نصحوني ما ادخل اون لاين انا من اشتريت الجهاز صارلي اسبوعين يمكن لعبت خلال هذيل الاسبوعين 10 ساعات بس وانا كنت زمان اقعد العشر ساعات فيوم واحد المشكله اني احب العاب كره القدم والمغامرات الي بدون متاهات او الغاز مثل did to rhait
والي للحين ما لقيت مثله على ال360 والقدم جربت اكثر من نسخه ما اشتغلو معاي وباقي الافلام كلها متاهات والله هلكت وزهجت وملييييييييييييييت