[E3 2007] مبيعات البلاي ستيشن 3 تتضاعف بعد التخفيض

بـــــــــــسم الله الرحمن الرحيم

http://www.gamesindustry.biz/images/sony_ps3_sideon.JPG

بالرغم من أنه لم تمضي سوى أيام منذ أن أعلنت Sony رسمياً
عن إنخفاض سعر البلاي ستيشن 3 إلى 499$ إلا أن مبيعات الجهاز قد
تضاعفت منذ التخفيض الرسمي لسعر الجهاز..

فقد صرح Jack Tretton (رئيس SCEA) خلال مؤتمر Sony في
معرض E3 2007 أن مبيعات نسخة الـ 60GB قد تضاعفت منذ الأثنين..
وأن الشركة ستشحن 11مليون نسخة مع نهاية هذه السنة ..

المصدر: http://www.gamesindustry.biz

شي متوقع !!

الناس اصلن ما كانت تنطر الا التخفيض بس

وانا بس ابي اشوف ويه الفيلسوفين من مايكروسوفت ونينتندو اللي قالوا انه التخفيض
ما بيأثر ..

وشكرا على المرور

رغم أن التخفيض ما كان أكثر من 100$ لكن نتائجه بدأت تُثمر, خطوة متقدمة لسوني لرفع المبيعات.

اقتباس:

---

المشاركة الأصلية كتبت بواسطة HUMAED

وانا بس ابي اشوف ويه الفيلسوفين من مايكروسوفت ونينتندو اللي قالوا انه التخفيض

ما بيأثر ..

---

كلها شركات منافسة تحاول تعيق سوني حتى لو بكلمات مُحبطة.

التخفيض اكيد بيأثر في المبيعات 100 دولار بالنسبة لناس وايد مو شويه وناس كانو ناطرين يشوفون تحرك الشركات ووظعها للسنة القادمة والناس عاد تختار

اقتباس:

---

المشاركة الأصلية كتبت بواسطة HUMAED

وانا بس ابي اشوف ويه الفيلسوفين من مايكروسوفت ونينتندو اللي قالوا انه التخفيض
ما بيأثر ..

وشكرا على المرور

---

وانا أيضا اريد انا اشوف ويه المتحدث بأسم مكرسوفت ونتندو واحباطهم :biggthump
لقد فزنا عليهم مرة اخرى :)

تخفيض السعر بالنسبه لي ماكان لعيون الناس بالتحديد كان بالضبط للشركات المطوره عشان تتحمس اكثر تنزل العابها عليه

من دون ماننسى تقييمات نيلسن القادمه فالطريق

التخفيض سوى شغله مع شركة سوني ^^

كانت كل الي تباه هو التخفيض 100$ و اللحين حصلت النتايج إلي كانت تباها الشركة...

شركة سوني اتفوقت مجددا على شركت مايكروسوفت...

الناس كانت تنتظر التخفيض وصار اللي يبونه = هجووووم على المحلات لشراء البي اس 3 (&)

الحين وين micro$oft و Nintindo تخش ويها لوووول من Sony .بعد هالخبر :D

اكيد التخفيض بيرفع بشكل كبير من مبيعات البلاي ستيش3..


وماله داعي الحرش الحين ياشباب.


بعد ماتطلع احصائيه رسميه على مبيعات الاسبوع ولا الشهر الفايز يتحرش على الثاني حلاله..

ليس المهم ان ترتفع
المهم ان تبقى في معدل مرتفع
والبداية موفقة..
البلوراي شغله ماشي صح وهذه هي اول الخطوات الاستراتيجية
الالعاب بدأت تاتي الان وخصوصاً مع هايب كيل زون 2 وميتل جير 4
تخفيض السعر تم في وقت مناسب جداً
لم يتبقى الا اللمسة الاخيرة وهي خدمة الهوم

كانوا يقولون ان السعر مرتفع ... وتناسوا ان IPhone يساوي 600$ ولا واحد اشتكى

^^^^ ذكرتني بالاي فون مادري متى بينزل عندنا :(

وعن ارتفاع مبيعات سوني اعتقد انها راح ترتفع اكثر في شهر 9او 10

you guys, instead of talking ..go buy ps3
:\

اقتباس:

---

المشاركة الأصلية كتبت بواسطة hardmetal

كانوا يقولون ان السعر مرتفع ... وتناسوا ان IPhone يساوي 600$ ولا واحد اشتكى

---

ناس واجد معترضين على سعره بس الأعلام ماتكلم عنه للحين

ممكن يااخوان تقولون لي شو يعني IPhone للأسف ماعرف شو يعني

فعلاً العملاق سوني قامت تتحرك وانشالله نشوفها بالقمة كما عودتنا عليه بالسابق :D

كم وصلت المبيعات بعد التخفيض؟
مافي احصائيات؟
المهم شي جيد لسوني ارتفاع مبيعاتهم للجهاز الي سبب ضرر كبير لها

اقتباس:

---

ممكن يااخوان تقولون لي شو يعني IPhone للأسف ماعرف شو يعني

---

4 اشياء في واحد (لا تحسبه مثالي ترا عيوبه واجد)
انترنت + iPod + جوال + كاميرا
رابـــط

التخفيض الى تكتبون عنه هل راح يطبق بوكالات الخليج والوطن العربى ؟

اقتباس:

---

المشاركة الأصلية كتبت بواسطة soud1999

التخفيض الى تكتبون عنه هل راح يطبق بوكالات الخليج والوطن العربى ؟

---

i think so...
بس مو بالمحلات طبعا..فقط بالوكالات ..

نعم طبق صار سعر البلاستيشن 3 في وكالة سوني بالسعودية بالجبيل بالتحديد 2400 --60 قيقا

بس غريبه تقولون التخفيض 100$ امريكي يعني 375 ريال سعودي السعر السابق 60 قيقا 2500 ما نزل الا 100 ريال سعودي اي ما يقارب ال30 $ امريكي

ما ابغي احبط اي واحد فيكم لكن

لا وجود لموديل ال 60 جيجا بعد يوليو في امريكا

http://www.gamesindustry.biz/content_page.php?aid=26704

شكل المساله تصفيه لهالموديل والتركيز راح يكون لل80 جيجا في امريكا بنفس السعر الاولي+ لعبة موتروستورم

اقتباس:

---

المشاركة الأصلية كتبت بواسطة Emirates

ما ابغي احبط اي واحد فيكم لكن

لا وجود لموديل ال 60 جيجا بعد يوليو في امريكا

http://www.gamesindustry.biz/content_page.php?aid=26704

شكل المساله تصفيه لهالموديل والتركيز راح يكون لل80 جيجا في امريكا بنفس السعر الاولي+ لعبة موتروستورم

---

احسن بعد 80 جيجا حجم اكبر + نفس المواصفات + سعر منخفص مثل ماهو


بالعكس انته ماتحبطنا انته تخلينا نفرح زيادة :biggthump
يولد يولد افرحو نسخة ال80 اكبر بنفس السعر وحجم اكبر:D

ولايهمك ياصديقي نحنا ماننحبط افا عليك
بل بنفرح زيااااادة :D الفرح فرحتين فرحة المركز الاول وفرحة نسخة 80 جيجا :D

اقتباس:

---

ما ابغي احبط اي واحد فيكم لكن
لا وجود لموديل ال 60 جيجا بعد يوليو في امريكا
http://www.gamesindustry.biz/content_page.php?aid=26704

---

خطة ذكية..
راح يجبرون المستهلك على شراء الجهاز بالتخفيض.. قبل انقطاعه.
وهذه فرصة للي يقول الجهاز غالي يشتريه الحين قبل ما ينقطع.
طبعاً هذا إذا كان الخبر صحيح.