فاينل فانتاسي

شرايكم نختار كل مرة لعبة، ونرسم شخصياتها؟
انا اخترت لعبة فاينل فانتاسي.. في هذي الرسمة حطيت الابطال من 7 و 8 و9 بشكل مفاعيص.. :D هي هي
شرايكم؟

وهذي رسمة ثانية.. انشاءالله تعجبكم..:p

:D تعرقين راي في رسمج صح ...
و أتحدى حد يقول شيء مو زين على رسمج :غضب:
لأني أحبه ...:p
و تابعي إلى الأماااااااااااااااااام
love ya
toto

الله شو هالرسم الحلو


شنو هذا البرنامج الي يسوي كل هذا ؟

بصراحة مع ان في وايد برامج حق الرسوم الا اني ما استعمل الا الفوتوشوب..

طيب هذي الرسمات من تجيبينهم

يعني هي رسم يد ولا كيف

أخي الكريم dart & shana...

هاي الرسومات من تأليف وخيال الأخت الكريمة أورانج رود :) !!
نحنا هنيه في منتدى الرسم الحر نرسم من خيالنا ومن نفسنا -_^ !!

كل مرة في موضوع كل واحد يطرحه, ونتشارك كلنا في نقد الرسومات عشان نشجع بعضنا البعض ونطور مهاراتنا :) !!
وفي نفس الوقت هو عرض للمواهب الجميلة -_^ !!

تحياتي

:) !!

هذي الرسوم ارسمها عادي على ورق ابيض بالرصاص، وبعدين لما تعجبني احبرها بالقلم الاسود وامحي الرصاص واسويلها سكاننج (يعني لازم هني تكون السكانر عدلة والكثافة اللي فيها اوكي) وبعدين افتح الرسمة على الفوتوشوب وانظفها عليه بحيث ان اخلي الرسمة ابيض واسود بس..
وهني خلاص ابتدي الون واحط الضوء والظل والتأثيرات والخلفيات اسويها على الفوتوشوب بعد او اضيف صورة جاهزة على حسب اللي ابيه..
وخلاص.. بوف.. تصير عندك رسمة خطيرة..
مع اني والله ادخل مواقع هالرسامين اليابانيين واين.. طريقتهم في التلوين على الفوتوشوب ما في اروع منها.. والمشكلة انهم يحطون طريقتهم لكن بالياباني..
معليش لما اتعلم ياباني انشاءالله باقراها وباترجمها لكم :D

وسايونارا..

إلا نسيت أعلق على رسماتكِ أخت اورانج رود :": !!

وهل يخفى القمر -_^ ؟!
أنا بعد من شفت موقعج أنبهرت وماني مصدق :p !!

المهم, الظل في الرسمة الأولى وايد إحترافي والألوان مطابقة لألوان الشخصيات الأصلية :) !!
ذوقكِ في أختيار الألوان اللي في الخلفية شنيع !! روعة والله روعة, يدل على نفسيتكِ :p !! أزرق... ليش ما حطيتي وردي :D كخخخخخ !!

وبالنسبة للرسمة الثانية, الخلفية البرتقالية متناسبة مع ملابس زيدان والفتاة الزرقاء !!
مسكين زيدان :D !! خسر وظيفته كخخخخخ !!
الوجه مزرق من الصدمة :p !!
على فكرة, حركة شعر البنت وايد عجبتني !!

يعطيتش العافية -_^ !!

:)

انا وايد مستانسة ان الكل عجبهم رسمي.. لكن يللا يا شباب.. وين المشاركات، والا انتوا ما تحبون فاينل فانتاسي؟
اذا كان عندكم اقتراحات حق العاب ثانية حطوها علشان نشارك كلنا..
على العموم.. يللا هذي رسمة ثانية..
وارجوكم شاركووووووووووووووووووووووووووووووووووووووووووووو

وشكرا

مشكورين على التوضيح

هذا المنتدى بدأ يجتذبني وباين علي باصير من جماهيره

ونحن أسعد بذلك عزيزي dart & shana -_^ !!

وأهلاً فيك !!

:) !!

شكرا Rewayah على النقد.. وشكرا على دخول موقعي..
وعلى فكرة.. البنت اللي تنافس زيدان هي انا.. اكيد عرفتوني.. :D
:D

وحق اللي يحبون فاينل فانتسي 8 هذي كويستس..

آآهااا... هكزا إزاً :) !! (على قولة شاهين :D كخخخخ !!).
ماخذه دور البطولة من المسكين زيدان ;) !!
العفو أختي, وشكراً لكِ أنت على إثراء المنتدى الحر بهذه الرسوات الساحرة :) !!

تحياتي -_^ !!

:)

وهذي كويستس بعد. لكن بشكل عجيب غريب..
كنت حابة اني اطلع طريقة يديدة حق رسم الكيوت..
لكن الظاهر ان العين المفنجلة كانها فناييل ما تنفع حق الكيوت..
بس على العموم الطريقة عاجبتني..
انتوا شرايكم؟؟؟

راح اشارك بس مشاركتي على قدي :p ما عندي غيرها في جهازي
علي فكره انا اموت في فاينل فانتسي 8 و 9 و خاصا زيدان و جرانيت و رينوا و سكوال ;)
الرسمه بعد التعديل;)

انا بعد بأشارك ...
بس مو ألحين
بأستعد و أدخل ...اوكي ...

toto:D

والله الرسمة حلوة..
كيوت شكل سكوال..
وشكرا لان اخيرا حد شارك برسوماته..
بس صراحة.. فظيعة..
وعندي رسمة بعد حق فنسنت.. من ff7

wyna حلوه الرسمه ...هل من مزيد...

toto

الصرااااااااااااااحة




يعني تبين الصراحــــــــــــه ...





كأنج مصرّه تبين اتعرفين رايي ؟؟؟؟؟؟؟؟





يعني خلالالالالالالالاص اتوكل و اقول لج الصراااااااااااااااحه ؟؟





اوكي بقولها و انا مغمضه عيوني وبـــــالـــفم الملياااااااااان:o





رسووووووووومااااااااااتج مــــــــــــــــــــــــــب حلـــــــــــــــــــــو ه



اوكي مب حلـــــــــــــــــــوه ........:غضب: و الله يقولج انها حلوه بس



افصل راسه عن جسمه :غضب: :غضب: :غضب:




رسووووماتج مب حلوه بس .... رسوووماتج اتجنن اتخبل .. بتاخد العقل

(اتدخل الواحد مستشفا المجانين ... لووووووول :D بالغت )

الصراحه لو ................هذا ...... كان ...قلت ..... شسمه :D (بيني وبينج)

الى الامام لانه ينتظرج مستقبل باهر :D

LUV U
Ranzie Eto

شكرا شكرا رانزي..
بصراحة وايد خجلتيني :o
والله هذي كله من ذوقج..

اقتباس:

---

كتب العضو (orange road)
شكرا شكرا رانزي..
بصراحة وايد خجلتيني :o
والله هذي كله من ذوقج..

---

ههههههههههه... تعجبني سالفة: هذا من ذوقج.. هههههههه
يعني لو قالت رسماتج كريهة بعد بتقولين لها هذا من ذوقج؟

هههههههههه احب اسوي شطانة":"

رسمة انامي لرينوا :)
اليوم خلصتها ;)

رسمة لرينوا :) اليوم خلصتها ;)

حلوة الرسمة يا wyna62 تسلم يدج..
انا بعد عندي رسمة حق رينوا.. بس ما رسمتها هي.. رسمت نفسي مكانها.. هي هي هي ..
وللحين قاعدة انطر سكوال في الصورة..
متى بيي.. ذي تأخر وايد..
;)

لاحظت ان محد حط رسمة حق فاينل فانتاسي 7.. يللا انا باحط..
ووين مشاركاتكم؟؟ محد فيه خير الا بس wyna62.. ?:
شكرا يا wyna62 انتي الوحيدة اللي عطتيني ويه وشاركتي في الموضوع اللي طرحته..
وهذي فنسنت من فاينل فانتسي 7.. وانا وايد عاجبتني الشخصية مع اني خلصت اللعبة بدون مالقاه.. هاهاها

وينا 62 الرسمة فضيعة :) !!
وموضوعها جديد -_^ !!
"رينوا وكوب من الماء"... ... أسم مسلسل مكسيكي :D كخخخخ !!
التلوين يدوي ولا ديجيتال :) ؟
نظرتها وايد هادية وجميلة !!
بس عجبي من أبتسامتها !! أنا الفم هذا عادةً ما أقدر أستعمله إلا مع الشخصيات الشريرة !! كيف وظفتيه في هالرسمة بأسلوب يظهر الهدوء بدل المكر !!!!
روعة, رسومتش خطيرة كالمعتاد :p !!
يا محترفة أنتي ;) !!

يعطيتش العافية !!

خلود, رسمتش جميلة جداً !! فنسنت شخصية قوية في الأساس ولازم تلعبين اللعبة واتحصلينة :) !!
أنا مايهدالي بال إلا لين ما أطلع أسرار أي اللعبة كلها -_^ !!
ولا أموت قهر :p !!
الشعر خطيييير والله !!
إلا عندي سؤال يا خلود, الظاهر انتش أستعملتي في هالرسمة قلم حبر أسود واحد... يمكن حجم "0.5", أنتي ما جربتي تستعملين عدة أحجام مختلفة في رسمة وحدة :) ؟
مثلاً: 1.0 و 0.3 و 0.1 مع بعض ؟

تحياتي

كلامك صح يا رواية.. انا استعمل قلم واحد في الرسمة بس.. بس في هالرسمة استعملت 0.7 مب 0.5
مشكلتي ان مب اي قلم يريحني، فما استعمل الا اقلام بايلوت بس..
قبل لا اتعلم على الفتوشوب الواحد كان لازم يدور له اقلام خاصة ما تسيح من الماي علشان يقدر يلون بدون ما تخترب الرسمة ولازم الرسمة تكون على ورق خاص والالوان لازم تكون من نوع خاص والخلفية تطلع روحك علشان تسويها ، اما الحين خلاص اقدر ارسم على الورق اللي يعجبني وبالقلم اللي يريحني..
بس انت لو تشوف الظروف اللي ارسم فيها، داخل المحاضرة والدكتور يشرح وانا وقاعدة ورا وارسم واحدد ومشغولة على الاخير.. وبعد تبيني استعمل انواع من الاقلام؟؟ :D
بس شكرا على الملاحظة وراح اخذها في الاعتبار.. واذا نفذت وحدة باطرشها لك ;)
وهاي صورة حق كلاود علشان اللي يحبونه ما يزعلون..

خلود, إذا صار عندي وقت, برسم رسمة لفاينال فانتاسي إن شاء الله :) !!

بس أنتي لا تاخذين موقف من الأعضاء إذا ما شاركوا, هذا مو معناته أنه موضوعتش غير جميل, لأ, بل يمكن أنهم مشغولين :) !!
يكفي أنهم يشوفون رسمتش الساحر -_^ !!
موضوعاتش أكثر من روعة !!

إلا ما قلتيلي :) ؟ أنتي شفتي مواضيعنا القديمة ورسوماتنا :) ؟
في رسومات جميلة :) !! جربي "تحدي المقاتلين" للأخ شاهين وكذلك "تحدي المقاتلات", وبعد باقي مواضيع شاهين الشيقة !!
على فكرة, لشاهين كل الفضل في تحريك هذا المنتدى منذ فترة, ودخولنا وأجتماعنا هنا !! هو دفع عجلة التنافس من موضوع "تحدي المقاتلين" ومنه تعرفنا كلنا على بعض :) !!
كانت فرحة عظمى ولازالت عندما أكتشفت أنه في واحد خبير في المانجا ومهتم برسمها !! كانت هنا نقطة البداية :) !!
وكذلك الفضل يرجع في الأساس للقائمين على هذا المنتدى, وشكر كبير لحبيبي المشرف "مشرف الألعاب" !!
أخرج لنا وسيلة ترفيهية ومفيدة جديدة !! كانت الألعاب ومشاهدت الكرتون متصدرة... ألحين المنتدى ماخذ جل وقتي -_^ !!
الله يجزية الخير !!

مممممم... كأني طولت...

يعطيتش العافية :) !!

صدقتي والله !!
الفوتوشوب ريحنا كثييييييير :p !!

:)

هذا قلمي اللي استخدمه للرسم... وشفت رسامين كبار يستعملونه بعد...
هو قلم للجرافيكس والرسم الهندسي... وهو لا يتأثر بالماء كما يمك الرسم به على الاسطح الملساء والمصقولة كالبلاستيك والزجاج:) وسريع الجفاف...

احيانا ارسم به والون عليه بالالوان المائية:) عادي

وااااااااو ....و هاي من وين ؟

هذه نفس الصوره بخلفيه....

ماشاء الله عليكم رسوماتكم وايد حلوة...

خلود طلعتي من محبي لعبة الفاينل فانتاسي... ههههههههه ولا مره لعبتها هههههههه
رسوماتج وايد فظيعة والالوان ناصعة هههههه استمري فرسزماتك تذكرني بأشياء قد تغافلت عنها

وينا... وينك انتي؟ اخيرا ساهمتي هنا... رسمة رينوا ممتااااااااازة وحتى الان لا اعرف ان كانت ملونة بالمائية ام بالفوتوشوب هههههههه الوانك ماعليها كلام ايوة ايوة..

رانزي وينك؟؟ انا متأكد انك بتبدعين في هذا الموضوع... لأن اسلوبك حلو في الرسم والوانك بديعة وخاصة البنفسجيات:)

وانتي بعد يا فطوم... نبي رسوماتج الحلوة:) ولا انتي مالعبتي الفاينال فانتاسي؟؟ ماصدّق.. مثلي؟

على العموم انتوا استمروا وانا جايكم برسمة في الطريق.. على الاقل ساضع لكم هذا التصميم القديم شوي اللي عملته لرينوا

سوووووووووري
أنا لعبتها 7 و 8 و 9 و لي رسوم عليهم ...
بس ما دخلتهم هي هي هي هي:D
بأشد حيلي و أوريكم ...

عاد تصدق يا شاهين ان ولا وجزء من فاينل فانتاسي خلصته.. على كثر اللعب.. دايما اولصل للزعيم الاخير واتملل واهد اللعبة ويطلع جزء ثاني واهد اللي قبله.. بس ناوية في اجازة الربيع اكمل اللي وصلت له..

من جذي.... انا خابركم تخلصون اللعبة كلها.. بصراحة انا خلصت اجزاء الريزدنت ايفل كلها ماعدا كود فيرونيكا توني العبها:) وخلصت ستريت فايتر وكنغ اوف فايترز الخ:)

وخلصت سايلنت هل الاولى وسوليدسنيك الاول..... :) وهكزا

احنا خلصنا كل الالعاب اللي ذكرتها يا شاهين..
بس بصراحة لعبة سايلنت هيل لعبتها بروحي ولا حد رضى يكون معاي علشان الكل كان خايف منها..
وانا اللي الشجاعة يا بلفيت.. العب والباب مفتوح.. والصوت مقصر عليه من التلفزيون..
ولما خلصتها لقيت شعر ابيض في شعري..
صدقوني انا للحين مرعوبة من اللعبة..
مع ذي انطر الجزء الثاني
بس باستخدم الجايم شارك معاه..

لا لا فطوم بتخربين على نفستج :) !!
لا تستعملين الجيم شارك !!
أنا الصراحة لا أؤيد إستعمال الجيم شارك والأسرار مع الألعاب !!
أتخرب لي اللعبة :( !! كله "سبويلارز" :غضب: !!
أحسن جربيها بدونه, وإذا علقتي "وعصقلت" معاتش, ذيك الساعة مايخالف :D !!

:) !!

انا خير شر أخاف من هاي الألعاب روايه ...
هاي رد خلود مو انا ....

رواية..
مع سايلنت هيل كان لازم استعمل الجايم شارك على الاقل الواحد يحس بأمان وهو يلعب.. ومع ذي لا تخاف.. الجايم ئارك ما خربت علي شي. بالعكس كنت خايفة طول الوقت من اللعبة ومرعوبة على الاخير..
وتصادف اني رحت فيلم blair whitch project واللعبة للحين في بالي.. وارتعت اكثر..
ولحد الحين كل ما افكر في اللعبة ارتاع..
يمكن الجرافيك كان شيء في اللعبة لكن الفكرة تخوف وايد..

إيه :) !!
أنا أكثر شيء خوفني الوحش اللي راسه عنزة :D !!

انا لعبت سايلنت هيل بخوف لانها غير عن ريزدنت ايفل وجوها رهيب... مع ان افضل الاوقات اللي العب فيها هو الساعة 12 منصف الليل:) تصدقون؟ وكنت العب ساعة وانام:)

انا كنت العب والليتات مفتوحة والباب مفتوح، والصوت مقصر عليه على الخير من التلفزيون.. ومع ذي مرتاعة..
والجزء الاخير من اللعبة ما لعبته الا وصديقتي معاي.. لان محد كان راضي من اخواني يقعد معاي..
كنت اظن اني لو خلصت اللعبة بارتاح من التفكير فيها.. لكني اكتشفت اني للحين افكر فيها..

Thats why I did`nt play Video Games

It`s make Me Nerves :غضب:

frightened& Scared

انا بالعكس.. لما العب العاب الرعب.. استانس... هو لازم الواحد يكون يخاف ومستعد لكل مفاجأة في اللعب بس هذا الشعور ممتع هيهيهي
وغالبا ما يخليني متعلق باللعبة وارسم شخصياتها.. على فكرة كنت ارسم وايد شغلات عن الالعاب اذا حصلت منها سانشره في المنتدى:)