مساعدة في ميتل جير 1 ؟

شباب انا توي لاعب في لعبة متيل جير 1
يعني الجزء الثاني مالعبته ....
بلعب الاول ثم اذا انهيته بشتري الثاني وبلعبه ...
وصراحة ميتل جير 1 روووووعة ...... المهم ماطول عليكم
================================
انا وصلت الى المنطقة الثالثة مادري شو اسمها ... يمكن hanga mangar مانا متأكد بالضبط المهم زي كذا ..........
كيف افوز المنطقة هذي ......وايش فايدة القنابل الموجودة في المنطقة ...و هل استخدمها في شي.

ياليت تجاوبوني .....
تراني مبتدي في ميتل جير .يعني بتعبكم معاي.....

على فكرة انا العب بالايسي

ايه قبل ماانسى عندي سؤال ميتل جير 1 وهو كم منطقة في اللعبة ؟ .؟؟؟


وايضا سؤال عندي
يوم اشتريته جاء معاه دسكين .....
واحد من الدسكين فيه تدريب وتلعب به .....

والثاني مادري ليش مايستوي كلما اضغط على new game يقول لي insert disc 1 ؟

ياليت مساعدة ......

وايضا اللعبة اللي عندي امريكية مش يابانية :)

وينكم ليش محد يرد على موضوع ؟؟؟؟؟:غضب:

أصلي ولا كوبي؟؟؟؟

هلا اخوي انا مستعد لاي استفسار او مساعدة...

عن الدسك الثاني اللي تقول عليه فهذا لازم تخلس الدسك الاول بعدين تحط الدسك الثاني تكملة للعبة يعني...

والله ما عرفت المنطقة بالضبط لو تقول كيف شكل المنطقة تفاصيلها يكون احسن ووين وصلت ايش اخر شئ قابلته... اذا كان قصدك المكان اللي فيه غرف وتلقى فيه قنابل تاخذها C4 على ما اعتقد اسمها كذا ... فهذي تستخدمها لفتح الممرات السرية بالمكان اللي انت فيه وعشان تعرف مكان المر السري طالع في الجدران راح تشوف مكان فيه بقعة او شئ زي كذا لونها شوي مختلف عن باقي الجدار تحط عندها القنبلة وتفجر وراح ينفتح المر وسو هذي الطريقة على بقية الممرات السرية ... واذا بغيت تتأكد اكثر منه انه الجدار هذا هو الممر السري تسند على الجدار واضرب بيدك على الجدار اذا سمعت صوت مختلف عن صوت الضرب في بقية الجدار حط القنبلة وفجر... وراح ينفتحلك الممر السري....


وشكرا:D:D:D.

اللي عندي كوبي فيه دسكين .....
====================
اخ playstation2
المنطقة اللي اقصدها هي المنطقة الثالثة مادري شو اسمها بسألك كيف اعرف اسم اللعبة انا قلت لك اسم اللعبة hanga managar لاني ضغطت على start وشفت مكتوب كيذا .مادري هل هو اسم المنطقة ...

ومادري هل الشرح اللي شرحته لي هو حق المنطقة اللي اقصدها ولا لا ....
لاني مثل ماقلت لك ماعرف شي باللعبة توي لاعبها ...
وحتى بصعوبة بالغة فزت المنطقة الاولى ...لا وعلى الـeasy .
المهم
بجرب وبشوف ......
شكرا;)

شوف انا كتبت اسم المنطقة غلط ..... اسم المنطقةالصحيح هو tank hangar
اللي فيها طابقين ياليت تساعدني كيف افوز المنطقة هذي ..... وهذا وصف اليها شوف اول ماتخدل المنطقة من السلم على اليسار فيه 3 قنابل وعلى اليمين فيه كاميرا تراقبك ..... انا اعطل مفعول الكميرا عن طريق القنابل هل استخدم القنابل حق هذا الشي
او استخدمها في اشياء ثانية
ثانيا / انت قلت

=====
واذا بغيت تتأكد اكثر منه انه الجدار هذا هو الممر السري تسند على الجدار واضرب بيدك على الجدار اذا سمعت صوت مختلف عن صوت الضرب في بقية الجدار حط القنبلة وفجر... وراح ينفتحلك الممر السري....
=====
انا ضربت على الجدار بس مادري هل الصوت اللي سمعته هو الممر السري او لا .؟؟
ولان القنابل الللي عندي مش واجد 3 قنابل فقط..
..؟ وهل الممرات السرية في الطابق الاول او الثاني .؟؟؟
يعني في الطابق السفلي او العلوي
ووين بالتحديد ...
وحق اوضح اكثر لك شكل المنطقة
المنطقة هي اللي فيها في الطابق السفلي الدبابات ...

ياليت المساعدة بسرعة..

للرررررررفع :(

بعد النزول من الطابق يعني تنزل الي الدبابتين حنلقي الاصنصير(المصعد) تقريبا قدام الصندوق الخشب بعداك تطلع الدور الاول وتنهيه وتطلع الدور الثاني وتعمل مثل ما قال لك العضو(PLAYSTATION2) وتحاسب عشان في حفروبتلقي كم فتحه ادخل الفتحه الرادار ما بشتغل فيها وبتلقي الفتحه الثانيه علي يدك اليمين والبعديها ايضا(يدك انت مو سنيك) وارجو انه يكون صح.

الرجاء التوضيح . الرجاء التوضيح الرجاء التوضيح ..
صراحة لم افهم شيييييء ؟؟؟؟

اللي فهمته اني انزل الى الدور الاول
وعندما اشوف الدبابات اركب الى الدور الثاني .. هل كييييييييذا اذا كذا وبعيدن ويش اسوي

ياليت الحل والاجابة اجابة شاملة وايضا اين اجد الممرات السرية في الدور الاول او الثاني ترى هذي ثاني مرة اسأل هالسؤال ووين الممرات السرية بالتحديد هل في الغرفة اللي فيها المسدس .. او قبل الكميرا الثالثة في الدور الاول ....
ا
او في الدور الثاني ؟؟؟؟؟؟؟؟

اقتباس:

---

كتب العضو (مشعل كمال)
بعد النزول من الطابق يعني تنزل الي الدبابتين حنلقي الاصنصير(المصعد) تقريبا قدام الصندوق الخشب بعداك تطلع الدور الاول وتنهيه (PLAYSTATION2)

---

كيف يعني انهيه

اقتباس:

---

وتحاسب عشان في حفروبتلقي كم فتحه

---

مافهمت معنى الجملة هذي

اقتباس:

---

ادخل الفتحه الرادار ما بشتغل فيها

---

كيف يعني الر\ار مابيشتغل

للرررررررررفع :غضب:

الووووووووو

الحين عرفت مكان اللي انت تقصده...

توجه للمصعد واضغط زر الدائرة لطلب المصعد انتظر الى وصول المصعد عند وصوله سينفتح تلقائيا الان ادخل داخل المصعد وتوجه للوحة التحكم واتجه للطابق B1عند وصولك الى هذا الطابق ستجد الابواب لاتنفتح بالبطاق اللتي تحملها ... اكمل السير الى الامام الى ان تصل الى نهاية المكان وستجد سلما اصعد الى السلم ...


بعد صعود السلم تابع السير في الممر الضيق زحفا وستمر من فتحات تهويه اذا اردت الرؤية من خلالها اضغط مثلث تابع سيرك حتى تصل الى المكان المطلوب وهو الوصول الى الرهينة دوتالد انديرسون ... ستصل الى فتحة تهوية بمجرد دخولك من خلالها بضغط الزر ... سوف ياتي عرض سينمائي...

وبعدها تابع اللعب من نفسك ...


واذا احتجت اي مساعدة بعد وصولك انا في الخدمة...


وشكرا:D:D:D.

المنطقة اللي اقصدها مافيها مصعد ؟؟؟؟؟؟؟فيها سلم ثابت يعني مو متحرك ..........

واكرر المنطقة هي الثالثة اسمها tank hangar
اضغط على ستارات في المنطقة وستجد ان اسمها tank hangar
مــــا االحل ؟؟؟
اخاف تقصد منطقة ثانية ياليت تتأكد
المنطقة اللي اقصدها فيها دبابتين في الطابق السفلي وفيها ثلاث كاميرا في الطابق العلوي .....
واول ماتدخل المنطقة وتذهب الى اليسار تجد قنابل 3 ....

وايضا المنطقة فيها في الطابق السفلي فتحة صغيرة على الجدار اذا ادخلها ينفتح لي مكان فيها ماء واذا اعدي الماء اجد مثل الكرتون اذا اخذه يصير عندي 2 /2 هذي حاجة
الظاهر انها حق الـlife يعني يصير لي دورين ..
ياليت توضح لي كيف الطريقة ....

ياليت الرد يا playstation 2

لاني لعبت المنطقة اكثر من 53621 مرة <======== (واحد يبالغ:D ) لكن فعلا لعبتها واجد بشكل كبير بس للأسف ماعرفت افوزها يعني مشكلتي وين اروح ويش هدف المنطقة هذي ..؟؟؟؟؟

ياليت ارد بسرعة ياشباب ..

اريد ان اعرف لماذا لا احد يرد علما ان اكثر من 50 قراءة على الموضوع .؟

انت ارمي قنبلة وعدي من الكاميرا وظلك ماشي حتي آخر شي بتلاقي سلم نازل تحت روح انزل فيه وانتبه الجنود يشوفونك بعدين روح في الجهة الشمالية بتلاقي مصعد اضغط جنبه على الزر دائرة واستني حتى يوصل وادخل واختار الدور B1 وروح هناك انزل لين آخر شي تحت بعدين لف يمين بعدين اتسلق السلم لين آخر شي بتلاقي فتحة مسدودة اكبس عندها دائرة


لما توصل هناك قولي ولأي مساعدة أنا جاهز





:) :)

شوف انا عديت الكميرا ونزلت من السلم ووصلت الى نهايته
بعيدن انت قلت روح الى الجهة الشمالية وبتتفوف مصعد ...
انا اريد ان اعرف وين هي الجهة الشمالية ؟؟لكي ارى المصعد
انا قلت يمكن تصير نفس طريق صعودك الى السلم من الاسفل الى الاعلى بس شفت المكان مسدود من الطابقين ؟؟؟؟؟
ممكن المساعدة ؟؟؟؟
علما اني دروت في الطابق السفلي كله ماحصلت مصعد ؟؟؟؟!!!!!!!!! وين هو المصعد هل جنب الدبابات ..ماحصلت شي ......

للرفع ياشباب للرفع .

للرفع ?:

دائما للرفع

:) للرفع ..لأهمية الموضوع....

خلاص شباب اخيرا تعديت المنطقة هذي ...:D :D

الحمد لله

واذا احتجت مساعدة انا بالخدمة

الحمد لله وشد حيلك عشان تنهيها بسرعه.

مشكورين بس ارجو ان تجاوبوني على هالسؤال
http://www.montada.com/showthread.php?s=&threadid=55652