تقييمات لعبة Lair

السلام عليكم.

قرب موعد نزول لعبة L.A.I.R و انتشرت التقييمات.

http://media.ign.com/games/image/obj...oxart_160w.jpg

قبل فترة قصيرة نزل موقع IGN تقييمة. و اخذت اللعبة

4.9

هذي بعض التقييمات الأخرى.

GameZone Online 7.5 /10
7.5 GameDaily 3 /5
6.0 PSM 5 /10
5.0 Electronic Gaming Monthly (EGM) 6 /10
6.0 Electronic Gaming Monthly (EGM) 5.5 /10
5.5 Electronic Gaming Monthly (EGM) 5 /10
5.0 Play Magazine 07/29/079 /10 9.0

سبب انخفاض تقييمات اللعبة اهو الـgameplay بشكل عام، و بالتحديد التحكم باستخدام الـsixaxis عند الطيران.

مجلة Play اعطت اللعبة 9/10......... هذا معناته ان الآراء مختلفة. أنا قرأت تقييم المجلة كاملا.
و اذكروا عيوب التحكم. و مع هذا عطوا اللعبة 9/10. فهذا معناته ان بعض الناس راح يتقبلون التحكم
و ما راح يأثر وايد على متعة اللعب............ و اللي متحمس للعبة لا يهون.

المصادر:
http://ps3.ign.com/articles/817/817117p3.html
http://www.gamestats.com/objects/761/761161//articles.html

افكار اللعبه حلوه ومبتكره لكن الفريق المطور ماخذينه من دكة الأحتياط

اشترو warhawk
heavenly sword
احسن منها انا سمعت انتقاادات حاااااده عل جيم بلييي
والله حسافة خربو فكرة اللعبة :(

المشكلة الجيم بلي لو انه زين كان ما خذت اقل من 8

اللعبه بشكل عام افكارها حلوه

بس لو فريق التطوير ماخذ راحته ومأجلينها اكثر لو الحين كانت تاخذ فوق ال8 احسن من هالفلوب الجامد

تعتبر اقل لعبه تقييما من بعد قاندام

لعاب سوني الطرف الاول والثاني مادري ليش تقييماتها ضعيفه !!!

بس معليش عدينا HS & LAIR بسبب تقييماتهم الضعيفه

ناطرين كيل زون 2 + ميتل جير :biggthump

اللــعبة فكرتها جديدة بدل الطيارات
تنانين:wow:
ممكن في ناس يعجبون باللعبة

لكن من وجهة نظري موعاجبتني بصراحة
على العموم اللعبة حلوة لاهلها

اقتباس:

---

المشاركة الأصلية كتبت بواسطة عاشق 360

لعاب سوني الطرف الاول والثاني مادري ليش تقييماتها ضعيفه !!!

---

نصيحة أخوي لاتاخذ تقييمات المواقع هو الفاصل

اللي يخليك تشتري اللعبة أو لا خل ميولك هو اللي يحدد
وفي ألعاب كثيره أنظلمت وفي ألعاب أخذت أكثر من اللي تستاهله
وأنت كيفك
مجرد نصيحة

وأشكرك أخوي جزيل الشكر على التقييمات

غريب والله Lair و HS اللي كانوا اكثر طلب عليهم في امازون ياخذون تقييمات منخفضة !!!

يبي لنا نقرا المراجعات ونعرف ليش هالانخفاض

اقتباس:

---

افكار اللعبه حلوه ومبتكره لكن الفريق المطور ماخذينه من دكة الأحتياط

---

شمات
بلو دراجون طالعه من مخك
و Lair افكارها حلوه ومبتكره وهي اصلاً من الألف الى الياء مأخوذة من لعبة سيجا Panzer Dragoon
شكلك انت تطالع بعين وحده
ومبروك الـ FLOP الثاني بعد HS

ما يحتاج تفكير بالتقيم خصوصا اي جي ان اللي تقيم ألعاب الاطفال بالعلالي .. بحيث خذت لعبة انتيرنال داركنس على الكيوب ما فوق الـ 9 واللي كرهتني بالجهاز و بعتها بنص قيمتها والسبب الاسلوب الغبي المتبع في اللعبة .. وكانوا يمدحون الواقعية اللي باللعبة واللي قارنوها بواقعية ميل جير 2 في ذاك الوقت و الاغرب لا شي موجود من هذا ولا حتى توازي واقعية سوبرماريو بروس2 على كبيوتر العائلة.

المهم لاير ... اللعبة فيها اسلوب رائع لكن بعض الالعاب اللي صدرت تحلم تتوفر عليها هالامكانيات الحلوة .. واللي جرب فلكلورس يعرف وش اقصد.

جربوا اللعبة واحكموا بنفسكم لا تسمعون كلام الحساد و المرتشين:biggthump

في أفكار في اللعبة ممتازة لكن غير كافية
اعتقد المطورين مفروض يشتغلون عليها أكثر
والمواقع الغبية اللي تتكلم عن تحكم الـ sixaxis.. فهي اللعبة أصلاً مصممه لمحبي الـ sixaxis .
إذا ما تحب التحكم فيه.. ما راح تحب اللعبة لأنها مبنية عليه..
وهذا بالتأكيد سبب أختلاف التقاييم.

أما عن تضخيم اللعبة فهو حصل من الإعلام نفسه اللي مقيمها تقييم ضعيف.
على العموم الأمر يرجع للاعب نفسه ويحكم عليها.

اقتباس:

---

اللــعبة فكرتها جديدة بدل الطيارات تنانين

---

مو مبتكره .. كذا لعبه طالعه على نفس الموال تنانين وتركب فيهم وتتحكم
اشهر لعبه من هالنوع كانت بانزر دراجن اورتا .. وفيه لعبه على السيقا ساترن "اكثر من 12 سنه ممكن"

نظام sixaxis صعب جدا انا بموتر ستورم .. ماعرفتله :p
عاد شلون فوق تنين وطول اللعبه طاير ويدي رايحه فوق وتحت انواع التعب

فلوب ثاني

كنت بشتري الجهاز عسب الغلاف

الغلاف روووعه

أحسن شي الواحد ما يعمل للعبة هايب أبدا لأن ما في أحد يعرف كيف رح يكون تقييم اللعبة و على الفكرة الأسبوع هذا اسبوع سيء للتنانين لاير و بلو درايجون الأثنين صارو فلوب بس لاير فلوب أكبر هذا بالنسبة لـ IGN و على كل حال لاير اللعبة الأولى لفاكتور 5 على البلاستيشن 3 نفس حالة Mistwalker على الإكس بوكس .. بشكل مختصر حظ أوفر يا فاكتور 5 باللعبة الجديدة

اقتباس:

---

المشاركة الأصلية كتبت بواسطة NikoBellic

شمات
بلو دراجون طالعه من مخك
و Lair افكارها حلوه ومبتكره وهي اصلاً من الألف الى الياء مأخوذة من لعبة سيجا Panzer Dragoon
شكلك انت تطالع بعين وحده
ومبروك الـ FLOP الثاني بعد HS

---

شتبي انت الحين؟؟

للاسف Review IGN كان من اسؤ Review للــــL.A.I.R حتي الان اعطي جرافيك اللعبة 7.5 WTF

علي ما اظن ان L.A.I.R مفروض يكون تقييم الجرافيك اعلي قليلآ

لاكن للاسف الي راجع اللعبة لم يعجبه الكونترول SIXAXIS ؟!!

و لم ينظر للعبة بشكل عام

الاخوان الا يقولون ان العبة ضحمها الاعلام اعتقد ان رد على هذا تسأل هو

تر من يقف وراء تلك الحملة الاعلانية اليست سوني ؟

ولعبة لاير حالها حال الاعاب ثانية (هالو -ميتل جير سوليد- ميترويد) كلها تحتاج الى حملة دعائية ولكن كعادة سوني في دعاية (الا تخلي العبة القبيحه حلوه من خلال ابراز جمليات العبة وهذا الا يعجبيني تمام في سوني لجذب اكبر عدد من الجماهير ليس كانتندو التي الى الان تعتمد على عناوينها القديمة في دعاية )

اللعبة تافهة ماكنت متحمس لها

ناطرينها ان شاء الله تكون مميزه

أغلب السوني فانز ما كنوا متحمسين للعبة أساساٌ .. المشكلة إني انجذبت للعبة " شوي " قبل فترة بسيطة , لكن ....
وشكلي بأجل فكرة شراء الجهاز لفترة ..

اقتباس:

---

شتبي انت الحين؟؟

---

يبي استكانتك ..

لول

اقتباس:

---

أغلب السوني فانز ما كنوا متحمسين للعبة أساساٌ ..

---

QFT

IGN معروفين بمعاداة الـSIXAXIS أذكر أنهم عملوا تقرير لجهاز PS3 قبل حوالي سنة و ذكروا فيه أن الـSIXAXIS هو أسوأ أداة تحكم في الجيل الحديث! :09:

فأكيد ليس مستغرباً أن يعطوا اللعبة هذا التقييم لأنها مبنية كلها على تحكم الـSIXAXIS.

بس صراحة 4.9 صدمة قوية يعني حتى نص العلامة لم تبلغها.. الحين الناس اللي ما لها همّ إلا تقاييم المواقع بيتعقدون.. أنا متأكد أن اللعبة حلوة و تستحق التجربة.

بالنسبة لي لم أكن أتوقع الكثير من اللعبة لأن أسلوبها من الواضح أنه ممل .
في بعض الأشخاص ذاكرين أن هذا ثاني فلوب ويتكلمون عن HS أنها فلوب فهذا الشي غريب جدا بأي حق تتكلمون هكذا وأنتم لم تشاهدوا سوى تقييم موقع IGN ؟ إذا دخلتم إلى الرابط التالي :
http://gamerankings.com/htmlpages2/928391.asp
ستشاهدون الكثير من التقييمات الممتازة هذا يعني أن الآراء متضاربة والحكم النهائي يأتي بعد مشاهدة تقييم GameSpy + GS .
في النهاية التقييمات ليست كل شيء مثلا لعبة blue dragon طلعت أكبر فلوب ولكن يوجد كثير من الناس مقتنعين بها تماما وأنا لا ألومهم في النهاية لكل شخص رأيه الخاص .

والله انا كان عندي احساس من زمان انه اللعبه راح تاخذ هذي التقاييم :أفكر:
لاني ليمه شفت لها صور قلت اللعبه راح اتكون شي ممتع :bigeyes:
بس ليمه القيت عليها نظره في قيم تريلير شفت لها شويت عروض للقيم بلي انصدمت
وبصراحه اللعبه كانت اشبه بالمرض حته القتال الي فيها كان يجيبلك النعاس
بس توقعت بخصوص موقع اي جي ان انه يرفع فيها شويه طلع ناوي عليها :D
الله يعينها علها قيم سبوت :أفكر:

ومشكور اخوي عله التقاييم

لا حول الله لسع كل واحد يقول عندي احساس أو متوقع هالشي ، اللعبة ياجماعة الخير فكرتها جديدة وكل واحد لعب بلعبة drakengard ، لح يعجب كثيراً بهذه اللعبة لأن أقوى من سابقتها صح اللعبة يلي اتكلم عنها مو تكملة أو شي بس قريبة منها وخاصة من شركة سكوير انيكس ويوبي سوفت وأكيد يلي بحب هذا النمط وركوب التنانين بدل الطائرات لح يعجب كثيراً فيها بس يلي ماله صلة بهذه الامور من الطبيعي انوا يخسف باللعبة وينزلها للأرض

اعتقد المفروض تنظروا لفكرة اللعبة وخاصة على جهاز السوني الثالث رسوم قوية وقلاع وطرق معارك قتالية رائعة ... بالنهاية كل واحد له رأي وبعتقد اللعبة مظلومة بصراحة المفروض تحصل على أكتر من هيك وهذا برأي الشخصي ...وننتظر صدورها لأنوا اللعب والتجربة هي اساس برهان وليس الكلام الكثير والتقييمات

اقتباس:

---

شمات
بلو دراجون طالعه من مخك
و Lair افكارها حلوه ومبتكره وهي اصلاً من الألف الى الياء مأخوذة من لعبة سيجا Panzer Dragoon
شكلك انت تطالع بعين وحده
ومبروك الـ FLOP الثاني بعد HS

---

أخي الكريم رجاء تحترم رأي الأخرين الرجل ماحكى شي وتاي شي اللعبة كيف مأخوذة من الألف للياء هل عندك دليل ولا انت استنجته يعني اللعبة قريبة من لعبة drakengard السوني ماتقلد حدى واللعبة يلي تتحدث عنها مالها علاقة فعلى أي اساس تقول يعني قول قريبة بس تقول من الألف والياء كأنك تقول نسخ ولصق اعتقد شركة سوني لها احترامها وليس من عادتها تصنيع ألعاب مكررة ، وتاني شي انت عم بتقول flop اللعبة بنظرك ونظر الكثير فاشلة ولكن هذه بنظرة بعض الناس وهذا رأيك بالنهاية وكل انسان ممكن يفشل يعني مثلاً شخص ناجح بحياته طبيعي انوا يجي يوم يفشل لاعيب ولاحرام مو غلط الناس بتتعلم من غلطها بس مو نجي نجرح بالكلام ونحطم من الفشل ، نحن لسنا بمنتدى شماتة نحن نناقش بعقلانية ومنطق ، انت قول رأيك بدون تجريح بدون اهانة ...

وشكراً

الظاهر الجيمبلاي سيئ للغاية .. للأسف..
بس اللي مستغرب منه هو الجرافيكس.. 7.5 بس !!!.. غريبة بصراحة..
أحس انها تستاهل أكثر..

هيفنلي سورد خذت تقييم منخفض لكني موب مهتم ولا أزال انتظر اللعبة
أما Liar.. للأسف لأ ..

اقتباس:

---

بلو دراجون طالعه من مخك
و Lair افكارها حلوه ومبتكره وهي اصلاً من الألف الى الياء مأخوذة من لعبة سيجا Panzer Dragoon
شكلك انت تطالع بعين وحده

---

http://montada.com/forumdisplay.php?f=426

اقتباس:

---

ومبروك الـ FLOP الثاني بعد HS

---

شباب.. أي واحد بيقول هذي الجملة متعصب عن جدارة ..
حبيبي.. إذا الألعاب موب عاجبتنك لا تقول عليها فلوب..نسيتوا Hour of Honor ..??

اقتباس:

---

http://montada.com/forumdisplay.php?f=426

---

لاتعليق :D

بعد كل هالتاجيل تاخذ هالتقييم

اقتباس:

---

بس اللي مستغرب منه هو الجرافيكس.. 7.5 بس !!!.. غريبة بصراحة..
أحس انها تستاهل أكثر..

---

أي والله تستاهل أكثر..
الجرافيكس ممتاز في اللعبة.. بس ليه 7.5 !
وتقييم HS الغريب.
والله من جد IGN واغلب المواقع صارت تقاييمها غريبة
شكل ign يحارب الـ sixaxis وكل ألعابه P: .

تقاييـم المواقـع صـارت آخـر شـيء أفكـر فيهـا.
وباقي عاجبتني Heavenly Sword كثير.

هيفنلي سورد حصلت تقييم منخفض من موقعين أو ثلاثة بس.. أما الباقي 9 فما فوق..

انا الي اعرفه انا هذا تقييم مونهائي
مثل warhawk

الي قبل يومين نزلو التقييمات النهائيه

1UP
8/30/2007
8 out of 10

هذا تقييم موقع 1up
موقع وايد ناس يطلعون على تقييمات هل موقع
عل عموم heavenly sword مو فلوب كل المواقع اللي قيمة اللعبة انها قوية لولا بعض الاشياء اللي نزلت من تقييماتها

شئ كان متوقع

game spot اعطى اللعبة 4.5
خلاص كده كملت!!!!!

إذا التحكم كله بس السكساكس صراحه اللعبه صعبه مره زين يوم مالك خلق تحرك الجهاز . :D
توقعت انك تقدر تختار بعصا الانالوج او السكساكس .
يالله خيرها بغيرها ان شاء الله في الجزء اللي بعده تتعدل :p

بس حاجه وحده ما عجبتني تققيم الجرافكس حرام والله العاب ما تستاهل عطوها في الجرافكس احسن من لاير .

اقتباس:

---

إذا التحكم كله بس السكساكس صراحه اللعبه صعبه مره زين يوم مالك خلق تحرك الجهاز . :D
توقعت انك تقدر تختار بعصا الانالوج او السكساكس .

---

اشبك يد عاديه ما فيها استشعار في فتحت الـ USB .
وراح تشوف انك تقدر تلعب بالأنلوج وتتحكم في التنين.
وتقييم الجرافيكس مفروض يكون ممتاز.

للأسف ماحب العاب الطيارات

لاير أحد الألعاب إلي تثبت أن تقييم المواقع رأيي شخص واحد لأكثر ولا أقل, المحرر بجيم سبوت اعطى اللعبة 4.5 وأكثر الإنتقادات كانت على التحكم, لكن شخص آخر يكتب مراجعة في نفس الموقع ويعطيها 9.5 ولو فتحت قسم اللعبة راح تشوف أن الأغلبية عجبتهم اللعبة ويستغربون من تقييم جيم سبوت والمتبقين بين الاثنين, هذا وذاك وبالنهاية ما راح يعرفون رأيهم الحقيقي عن اللعبة إلا بعد التجربة.

اقتباس:

---

المشاركة الأصلية كتبت بواسطة ezz snake

شئ كان متوقع

game spot اعطى اللعبة 4.5
خلاص كده كملت!!!!!

---

لوووووول
الله يهدي الموقع
ميزة الموقع انه ما يحب يجامل
بس شي كان متوقع
تعودت اذا ااي جي ان عطه اللعبه 10 قيم سبوت يعطيها 9

son of cid:

اقتباس:

---

اشبك يد عاديه ما فيها استشعار في فتحت الـ USB .
وراح تشوف انك تقدر تلعب بالأنلوج وتتحكم في التنين.

---

متأكد من هالمعلومة؟ لأنها راح تفرق وايد؟؟ و هل قصدك اني أقدر اشبك يدة الـDual Shock مالت الـPS2؟ و ممكن مصدر؟

اقتباس:

---

المشاركة الأصلية كتبت بواسطة cantona222

متأكد من هالمعلومة؟ لأنها راح تفرق وايد؟؟ و هل قصدك اني أقدر اشبك يدة الـDual Shock مالت الـPS2؟ و ممكن مصدر؟

---

نعم
dual shock 1&2
المصدر
http://www.ebgames.com/product.asp?product%5Fid=802566

ولكن تبقى مشكله هل يمكننى فعلا اللعب بهم
على ما اعتقد سيقول لى
insert SIXAXIS controler

وان هذه الوصله مخصصه فقط اذا اردت ان تلعب العاب الone & two
على ما اعتقد

على العموم تفقد هذا الرابط
http://blog.wired.com/games/2007/08/...airs-moti.html


الخبر المضحك
game informer يعطى اللعبة 7.25\10
احسن حل انى انتظر لما كل المواقع تقيم ثم احسب المتوسط:biggthump

انا اشوف انو اللعبه تعبانه وخساره تدفع فيها 250 ريال وانت طالع
اللي يبى يشتري لعبه رهيبه للبلاي 3 يستنى اسبوعين وياخذ هفنلي سورد

للاعضاء الي مهتمين بباقي التقاييم
من اهم المواقع
...
...
GAMESPOT 4.5
IGN 4.9
PSM 5/10
EGM 5.5/10
GAMEPRO 3.7/5
GAMEINFOMER 8/10

الي باللون الاحمر هو الموقع الوحيد الي عبر اللعبه
وفي خبر ماني متاكد منه
انه موقع PLAY
اعطه اللعبه تقييم خارق واسغربت من هذا التقييم بس ماني متاكد
التقييم هو
...
9.10
التقيم قوي بس الاغرب انه اهو معه قيم انفومير
اهمه بس الي امدحوا اللعبه والباجي ما ارحموها

مادري شلون اعلق
شي غريب فعلا

اذا كنت تبي تعرف ان كانت اللعبه حلوه ولا لا جربها و اشترها و ان كنت ما تبي تدفع انطر الديمو لم ينزل هذا احسن حل و سالفة تقيم من المواقع انا شايلها من راسي فنصيحتي لكم ريحوا راسكم و جربوا

اقتباس:

---

المشاركة الأصلية كتبت بواسطة Yusuke Urameshi

اذا كنت تبي تعرف ان كانت اللعبه حلوه ولا لا جربها و اشترها و ان كنت ما تبي تدفع انطر الديمو لم ينزل هذا احسن حل و سالفة تقيم من المواقع انا شايلها من راسي فنصيحتي لكم ريحوا راسكم و جربوا

---

التجربة خير برهان :biggthump