ياجماعه !! توني شاري الاكس بوكس لاتخرعونا !! شنو سالفه اللبمات الحمر هذي !!! وضحو

السلام عليكم
...
اللمبات الحمر اللمبات الحمر اللمبات الحمر ؟؟؟!!!؟؟
تره خرعتوني ياجماعه ؟؟
شنو سالفه هاللمبات الحمر هذي ؟؟
وشنو سبب حدوثها ؟؟
لاتقولي سوء استعمال ..
انا قلت شنو (( سبب )) حدوثها
ابي الشرح بالتفصيل .... !!!!
تراني توني قبل سبوع شاري الاكس بوكس 360 وكل يوم اقرا موضوع يخرعني
عن اللمبات الحمر ليدرجه اني صرت كل 5 دقايق اوقف ستارت واشوف لمباتي ككككككككك
والله جد ياجماعه تره خفنا

في ناس يقولون بسبب الحراره !!؟؟
حراره ؟؟
يالطييب ,,
انا خليت الجيم كيوب شغاله 48 ساعه !!! ماصار فيها شي !
والحين تبي تقنعني انه الاكس بوكس 360 ذو المروحوتين بيخترب بسبب الحراره ؟؟ شي مايدش العقل !!

فهموني بالتفصيل تره خايف على جهازي انتوعلى كلامكم تحسسوني انه عمر الجهاز مايتعدى الـ 3 شهور

اخوي السبب من سوء التصنيع وشكل الجهاز الي مو مصمم للتهويه

ولله يقولون سوء الأستعمال و الحرارة الزائدة , بس ماعتقد انه هذا هو السبب الرئيسي لتعطل الجهاز ؟

انه اقولك العب و أستمتع بالجهاز مادام هو صاحي و لا تحط في بالك و لين بيخترب بيخترب و محد يقدر سوي شيء .

و يالله توكل على لله و أشتر Dead Rising :)

أوة بما انك شتريت الجهاز خلاص راحت عليك ههههههه...

المشكلة بجهاز في التقنية وهذا بسبب استعجال مايكرسوفت طرح جهازها قبل سوني ونتيندوا حتى شركة مايكرسوفت اعترفت بس ما قالت نسبة الفشل عشان ماء وجهها..

احتمالية فشل الجهاز تتراوح بين 30 الى 50 % يعني انت وحظك يمكن قبل ما تكمل 6 اشهر بالجهاز الا واللمبات الحمرة تعلن وفاة جهازك...

أشاعات وكلام فااضي لأ تصدق لووول

بس أهم شي لاتحط الاكس بوكس 360 في أماكن مغلقه وخل التهويه زينه

وكل شي تمام ان شاء الله :biggthump

أنا عندي الاكس بوكس من شهر 5 /2006 والعب 3 ساعات يوميا

والحمدلله ماصار شي << الله يستر من عيونهم لا يصكوني عين

بالمبارك عليك

انا زهقت من اصحاب البلاستيشن 3 , الي يخلوا الواحد ينجن . بصراحه لازم يوقفوا ويعرفوا كيف يجاوبون

مش راحت عليك , وواحد يجبلك كلام من عندو يقولك نسبة الفشل كذا ......

اولا اخوي مبروك على الجهاز ....

وثانيا ماتخاف على الجهاز , لان له ضمان 3 سنوات , وارساله لمايكروسوفت بسيطه , وغير معقده وغير مكلفه , ونسبة فشل الجهاز هي 30 % فقط وايضا من الاجهزه سنة تصنيعهم 2005 .....اهتم في الجهاز , وما راح يخرب ... المشكله الناس تفكر ان هذا الجيل زي الجيل السابق , لا هذا الجهاز حساس بالنسبه للجيل السابق.....

انا عندي جهاز من سنة 2006 , اخوي العب به 8 ساعات يوميا ... ولا يحدث اي شيء , لاتخاف الجهاز تمام

انا ابارلك عكس غيري

الف مبروك وانشالله تتهنى

لا تخاف ما راح يسير شي إنشاء الله

ولا تحط الجهاز في مكان غير مكشوف
ولا تلعب كثيرا
6 ساعات كافي لنظرك و للجهاز

(((و ألف مبروك على الجهاز)))

اقتباس:

---

انا زهقت من اصحاب البلاستيشن 3 , الي يخلوا الواحد ينجن . بصراحه لازم يوقفوا ويعرفوا كيف يجاوبون

---

الله يهديك بس الموضوع ماشي بشكل سليم وتجي تدخل البلا3 وانت تعرف انك بتولع النار!!

اقتباس:

---

مش راحت عليك , وواحد يجبلك كلام من عندو يقولك نسبة الفشل كذا ...... ونسبة فشل الجهاز هي 30 %

---

مدري فية مصدر على كلامك؟؟

http://74.86.23.12/showthread.php?t=552429

شوف رد الاخ فارس وهو اكثر خبرة

اقتباس:

---

والحين تبي تقنعني انه الاكس بوكس 360 ذو المروحوتين بيخترب بسبب الحراره ؟؟ شي مايدش العقل !!

---

مافية شي يخرب الا بوجود سبب..

محافظتك على الجهاز وإيجاد البيئة الملائمة له من تهوية ودرجة الحرارة مناسبة بتطيل العمر الافتراضي له

اقتباس:

---

ونسبة فشل الجهاز هي 30 % فقط

---

اهم شي بالسالفه كلمة فقط ركزا عليها

المهم اخوي صاحب الموضوع ماقلت لنا شنو نوع جهازك عشان نعرف نرد عليك

بريميوم او كور او اليت ؟

اقتباس:

---

الاكس بوكس 360 ذو المروحوتين

---

اعتقد بريميوم ..

اذا بريميوم اقل نسبة اقدر اقولها 30% فقط :D

سلام

زهقت ما راح اداخل بمواضيع تجبلي وجع راس , مبروك مره ثانيه

عشان تريح حالك روح جوجل واكتب xbox360 red light

شوف المواقع الكثيرة الي تنفتح لك بخصوص هذي المشكلة او روح حق الصور الي بجوجل وراح تعرف انة الكل ندمان بعد ما ولع اللمبة الحمرة حق الاكس بوكس بالنسبة حق كلام antero_4u ضمان حق الاكس بوكس 360 حق 3 سنوات اذا ما كان يشغل كوبي بس اذا عملوا التحويل وشغل كوبي يروح عليك الضمان ... فنصيحتي لا تاخذ الاكس بوكس الا بعد اقتناع ...

انا نفسك كنت ابي اكس بوكس بس بعد المشاكل الي سمعتها عنة قلت ما يسوى اخذة ويخترب بعد ما اخلص لعبة وحدة...

اخوي السبب هو وبكل اختصار

ضعف مشتت الحراره في الجهاز

ومايكروسوفت نزلت نسخ جديده فيها مشتت حراره جديد كلياًً مع فتحة HDMI ( وداعاً للمبات الحمر )

اذا كان جهازك اصلي : لا تخاف عليه فالحل انك تدخل موقع XBOX وترسل رساله بان جهازك فيه كذا , كذا وبيوضحولك كيف تتصرف وترسل الجهاز ويصلحوه لك ببلاش ..,


لكن الغريب ان اصحاب البرميل الاسود اول ناس يردوا مع ان الموضوع موجه لاصحاب الاكس بوكس .........

لا داعي لعنصريه الاجهزه هنا :ponder:

كنت زيك اول ماشريت الاكس بوكس :09: , بانصحك انك تبعد عن مواضيع مشاكل الاكس بوكس

لا تخاف , استمتع بجهازك .. العب عند المكيف بس !

الي يقولو جهاز البلي ستيشن برميل اسود على الاقل ما يخترب بعد كم شهر ومافي مشاكل الاكس بوكس وهل الاكس بوكس الجديدة الي نازلة مافيها مشاكل !

طيب اذا مافيها ليش عملوا الظمان عليها 3 سنوات وليش قالو ان هذا القرار راح يخسر الشركة اكثر من بليون ...

من رأيي انة الاكس بوكس 360 من افشل الاجهزة ...

مجرد رأي

مشكوووورين حبايب قلبي عالردود
والله يبارك فيكم حبايب قلبي كلكم
ويا اصحاب اجهزه البلايستيشن 3 انا موضوعي موجه لاصحاب الثري سكستي
لانهم يملكون الجهاز الي انا املكه ويعرفون عيوب الجهاز اكثر منك
فرجاء الي ماعنده اكس بوكس 360 لايألف من عنده عيوب

ومشكولرين م ره ثانيه على الردود وننتظر آراء الباجي

السلام عليكم

مبروك عليك الجهاز , وتأكد من تاريخ الصنع اذا كان 7/2007 فــ جهازك لايعاني من مشااكل الحراره وهوا نسخه محسنه تحتوي على وسائل تبريد اكثر كفائه من الاصدارات القديمه .. لكن اذا كان تاريخ التصنيع اقدم من هذا فيرجى مراجعة هذا الموضوع http://www.montada.com/showthread.ph...wpost&t=552306

الله يبارك فيك حبيب قلبي تسلم عالمرور الملكي
بس شلون اعرف تاريخ تصنيع جهازي ؟
من وين اعرف ؟

اقتباس:

---

المشاركة الأصلية كتبت بواسطة iNFaMY

الله يبارك فيك حبيب قلبي تسلم عالمرور الملكي
بس شلون اعرف تاريخ تصنيع جهازي ؟
من وين اعرف ؟

---

الله يسلمك تحصله ورا الجهاز مسجل تاريخ التصنيع ..

اقتباس:

---

المشاركة الأصلية كتبت بواسطة iNFaMY

بس شلون اعرف تاريخ تصنيع جهازي ؟
من وين اعرف ؟

---

:tongue2: ..........

ياجماعة حصلت الحين جهاز تاريخ تصنيعه 6-6-2006

بـ1400 ريال

يجي؟؟

اذا حالته طيبة .. وجديد بكرتونه ومكفول اسحبه .. غير جذي روح شوف dark flame محصل واحد جديد تصنيعه شهر 7 هالسنة

^^^

هو الجهاز جديد حصلته بمحل بالجنوبية

لكن إذا مكفول ولا لا الله أعلم..

الله يعينك اخوي نصيحتي تشتري وي و بلاي3 واذا كنت تبي اكس 360 خذلك بي سي احسن لان اغلب العاب الاكس موجودة عالبي سي

وشكرا

اقتباس:

---

المشاركة الأصلية كتبت بواسطة القبطان فرفشلي

الله يعينك اخوي نصيحتي تشتري وي و بلاي3 واذا كنت تبي اكس 360 خذلك بي سي احسن لان اغلب العاب الاكس موجودة عالبي سي

وشكرا

---

وااااااااااااااااااااااو

اقتباس:

---

واذا كنت تبي اكس 360 خذلك بي سي احسن لان اغلب العاب الاكس موجودة عالبي سي

وشكرا

---

وخله يطور كمبيوتره بـ 7000 ريال


ماعندك سالفه

اقتباس:

---

وخله يطور كمبيوتره بـ 7000 ريال


ماعندك سالفه

---

7000 تيب لك مفاعل نووي ليش المبالغة XD

تكلم عدل