يكفي ألعاب FPS !!

السلام عليكم

بداية انا ما طرحت الموضوع لأذم الإكس بوكس لا والله.. لكن يا جماعة والله ملينا من ألعاب الشوترز والسيارات.. ليه ما في تنوع وتركيز أكثر على الأنواع الأخرى ؟؟

لو بنعد ألعاب الشوترز على الإكس بوكس وبالأخص FPS وكذلك ألعاب السيارات ما راح نخلص -__-
حتى شوفوا القسم صار كله مواضيع عن Halo 3 و COD4 و PGR4 و و و ..

قلائل هي ألعاب المغامرات والـRPG والقتال أيضاً.. ما نقول معدومة لكن الاهتمام فيها مو بكثر ألعاب الـFPS ولا انا غلطان :28: .. والسؤال الذي يقتل نفسه،، ليـــه؟؟

اقتباس:

---

والسؤال الذي يقتل نفسه،، ليـــه؟؟

---

لان كثرة هذا النوع على جهاز ما

يضمن نجاحه في اوروبا وامريكا لانهم عاشقين لالعاب الشوتينج والسيارات ( مثل Xbox 360 )

اما الجهاز التي تكثر عليه العاب الـRPG والمغامرات والالعاب الطفوليه يضمن نجاحه في اليابان ......., ( مثل الـ Wii )

17 % العاب الــ fps فقط ! وهذا قايره في احد مواضيع هذا المنتدى مع وجود مصدر !

اقتباس:

---

المشاركة الأصلية كتبت بواسطة Mr.Chief

اما الجهاز التي تكثر عليه العاب الـRPG والمغامرات والالعاب الطفوليه يضمن نجاحه في اليابان .......,

---

أنا ذكرت في الموضوع أني ما راح اذم الأكس بوكس.
فممكن تقول لي ليش ردودك كلها تجريح في الجهاز اللي يضمن نجاحه في اليابان!؟
وبعدين يا Mr.Chief لا تتكلم كالخبراء رجاءاً .. مدري من وين تطلع نظريات من راسك ياخي -_-

ترا 70% من ملاك الجهاز "اللي يضمن نجاحه في اليابان" هم من أمريكا وأوروبا.

طيب حل مشكلتك ماهي من عندنا

إدخل على موقع مايكروسوفت وأعطيهم رأيك

انا مع كلام صاحب الموضوع ياحلات العاب قبل و متعتها اللــــــــــــــــه عليها من وناسة و اللحين الالعاب الامريكية و الـ FPS صارت كثيرة و تلوع الجبد و الألعاب اليابانية اللي تقول عنها العاب طفوليه حرام عليك نسيت انها اساس المتعه و معنى العب الصحيح ليش انت نسيت انجازاتها مثل :-

-Super Mario
- Zelda
- Ninja Gaiden
- shining Force
- shining the holy Ark
- Crono tirgger - C.Cross
- Metroid
- Yoshi
- Final Fantasy Series
- kingdom hearts
- dragon ballz
- tekken
- dragon Quest
- pokemon
- ICO
- shadow of the clousses
- metal gear
- wininig eleven
- castlevenia

و الكثـــــــــــــــــــير الكثيـــــــــــــــــــــــــر

تكفة تجيب هالالعاب و اسطوريتها يم العاب الـ FPS اللي تلاقي دعية غير طبيعية من قبل المواقع الاجنبية و نشرها بشكل مبالغ فيه و انا ما اهضم حق بعض هذه الالعاب فمنها من كان ممتع و روعه ايضا بس غزت العالم و بدأت تدمر عالم الالعاب

وجهــــــــــــــــــــة نظــــــــــــــــــــر !!

اقتباس:

---

المشاركة الأصلية كتبت بواسطة محترف حب 1

طيب حل مشكلتك ماهي من عندنا

إدخل على موقع مايكروسوفت وأعطيهم رأيك

---

يا اخي ليش تناقش بالصورة و الله قلط في شي اسمة الثقافة و اللباقة الكتابية و كلام الاخ صحيح و هذا موضوع يعني ناقش و علق لا ترد برد انسان حرام فيه الكيبورد والتكنلوجية مع احترامي لك و انت انسان مثقف و محترم و لك كل تحياتي :)

والله ان كلام صاحب الموضوع عين الصواب يا اخي شنو هذا الملل كل شوتنج وشوتنج ولا وقصصهم متشابها فضاء وفضاء خخخخخخخخخخخخخخخخ وين العاب زمان والله الالعاب اليابانيه تفتح النفس اكثر بكثير انا ما اقصد جهاز الوى اصلن هذا الجهاز حق اطفال صج ما عنده العاب سنعه

انا اقصد اليابانين شركة كابكوم وابداعاتها وكونيمى وكونامي يا اخي نبي ابداعاتهم

اشان كذا انا منتظر ديفل4 لانها لعبه يابانيه

بكل بساطه لان العاب الfps تضمن نجاح سريع في أمريكا وأوروبا وماتحتاج وقت وجهد كبير لعملها ((قصص وشخصيات ))

العاب الrpg تحتاج جهد اكبر ووقت اطول , فاينل فانتسي 13 كانت بتنزل في نص 2008 لكن أجلوها لانهم في نص المشروع وقفو العمل كامل وكنسلو كل شي ورجعو اشتغلو من الصفر يعني شغل سنه كامله راح بلاش

لو لاحظت الفروق بين العاب الfps ماراح تصيد اشياء غير اختلاف الشخصيات والقصص اما اللعب والتصويب ...الخ كلها متشابهه الا الفريم ريت يختلف من لعبه لأخرى , عشان كذا كل شركه تبي تنزل لعبة منظور الشخص الأول لكسب ارباح سهله


بعدين الPs2 للحين تنزل عليها العاب ار بي جي اخرها هاك ووايلد ارمز , قزر وقتك وياها لين ميتل جير

صحيح كثرت العاب FPS وحتى البلاي ستيشن 3 صابته عدوه هذي الالعاب
صح انو في العاب FPS ممتازه بس ما هي زي الار بي جي والمغامرات ومن وجهه نظري اي شي
ياباني احسن من الامريكي (في الاجهزه و الالعاب والسيارات ....إلخ)

والله ياخوي كلامك صحيح جهاز الاكس بوكس يفتقر الى العاب المغامرات بشكل كبير , بس في العاب قويه جايه بالطريقه تسوا مليون لعبه , عندك بانجو كازويا من شركة رير , وعندك لعبة كونكر الجزء الجديد احتمال يصدرونه السنه القادمه .. وشكرا

والله لاحظت هذي المشكله
وهذي السالفه اعتبرها مرض يصعب العلاج منه :D
وحته شركه سوني قامت اتحوشها العدوه شوي شوي
خصوصا بعد ظهور رسستنس لا تعليق الصراحه :D
الالعاب تلقه قصتها اي كلام اهم شي تطلع فيرس بيرسن وايكون فيها اون لاين وما يهتمون اذا الاون لاين في GLITCH او لا اهم شي يحطونه
واستقبل انت الوحيد الي بالاون لاين :D
بس والله انا مابي اظلم جميع الالعاب لانه في العاب متعوب عليها وفي العاب مش حالك
الله يشافينه من هل المرض انشاء الله :D

اقتباس:

---

أنا ذكرت في الموضوع أني ما راح اذم الأكس بوكس.
فممكن تقول لي ليش ردودك كلها تجريح في الجهاز اللي يضمن نجاحه في اليابان!؟
وبعدين يا Mr.Chief لا تتكلم كالخبراء رجاءاً .. مدري من وين تطلع نظريات من راسك ياخي -_-

ترا 70% من ملاك الجهاز "اللي يضمن نجاحه في اليابان" هم من أمريكا وأوروبا.

---

ممكن تقولي وين الذم اللي ذميته ؟؟؟


وانا كلامي صحيح 100% والدليل الوي قاعد يبيع اكثر من السوني 3 في اليابان مع ان العابه مغامرات والعاب اطفال..........,

أنا أحلى ألعاب عندي إلي تكون RPG و النوع إلي يكون نفس لعب DEVIL MAY CRY & NINJA GAIDEN

و في ألعاب راح تنزل حلوة من نفس هذان النوعان
فماكوا إلا أنطر

و لكن أضن يعني مهما بتقولون ماراح يغير بالأمر شيء فلا تتعبون أنفسكم الشركات تهتم بمصلحتها و مراح تسمعكم

أي والله ملينا
نبي العاب اكشن مثل ديفل ماي كراي وننجا جايدن وانوموشا << تتذكرونه :D؟
اممم ونبي بعد العاب يهال نغير اجواء شووي << وحشني ماريو :(

مرررسي

يا معود على طاري العاب الفيرست بيرسون.. انا بروحي متوهق ..
الشهر الياي بتكون متوفهر بالسوق الدفعه الثلاثيه الساحقه في عالم التصويب وهم half life 2 , halo 3, cod4
-_-" شنو اشتري بله ؟ انا ماديتي ما تسمحلي الا بلعبتين في الشهر ..راح اأجل وحده..
وSkate سحبت عليها لوول :09: الديمو صار ممل..وما احس بمتعه توني هوكس :blackeye: لحد يطلعي ويقولي تحكم خايس..انا اقولك ما تعرفون تلعوبنها..وتعودتوا على skate الي حركاته قليله حيل

نفس الحاله
لوست بلانت
دوم 3
تايم شفت
كول اوف ديوتي
قيرز اوف وور
هالو
ذا دارك نس
فامباير هنتر
و و و و و و و
كلها العاب شوتنق لا تنحصر في الفيرست بيرسن

لاعت جبدي الصراحه




نبي العاب طقه فاينل فانتسي ماريو سونك كراش
يعني الواحد يقدر يفرفش فيها :)


اكشن نفس قاد اوف وور
ريزدنت ايفل حتا تحولت شوتنق -.-

ايه والله مرض

اقتباس:

---

وحته شركه سوني قامت اتحوشها العدوه شوي شوي
خصوصا بعد ظهور رسستنس لا تعليق الصراحه :D

---

يعني الحين علشان لعبه واحده شوتنج عليه على طووووووول قلت قامت تحوشة العدوى !!!
غريب كلامك صراحه !!! ما كأن الـ 360 عليه اكثر من 10 العاب شوتينج !!!

وعلى العموم اغلب العاب الـ 360 شوتنج لأنه جهاز امريكي والأمريكان عموماً يفظلون العاب الشوتينج
فلذلك اكيد بتلقى الجهاز حاشينه بألعاب الشوتينج علشان يظمنون ارباح بمنطقتهم ثم باقي العالم اكيد بيربحون فيه بس مو بنفس الأرباح الكبيرة اللي بمنطقتهم ..

قبل زمن اكشن rpg وسباق ما بعد الحين كل الاجهزه تميل لي نمط fps انا صراح اوافق اخووي في راي هذى لو كان في ودهم ينزلووون بس الحين المنتضر ninja gaiden 2 وهذى الي بصير ....^^

اقتباس:

---

المشاركة الأصلية كتبت بواسطة Mr.X

يعني الحين علشان لعبه واحده شوتنج عليه على طووووووول قلت قامت تحوشة العدوى !!!
غريب كلامك صراحه !!! ما كأن الـ 360 عليه اكثر من 10 العاب شوتينج !!!

وعلى العموم اغلب العاب الـ 360 شوتنج لأنه جهاز امريكي والأمريكان عموماً يفظلون العاب الشوتينج
فلذلك اكيد بتلقى الجهاز حاشينه بألعاب الشوتينج علشان يظمنون ارباح بمنطقتهم ثم باقي العالم اكيد بيربحون فيه بس مو بنفس الأرباح الكبيرة اللي بمنطقتهم ..

---

و الحين الحبيب شقال؟؟؟
قال شي غلط :12:

اقتباس:

---

والله لاحظت هذي المشكله
وهذي السالفه اعتبرها مرض يصعب العلاج منه :D
وحته شركه سوني قامت اتحوشها العدوه شوي شوي

---

قال حتى شركه سوني يعني تحرش بالاكس بوكس قبل السوني
بس الظاهر انت قاعد تطالع بعين وحده :D>>>:blackeye::09:


لعبه وحده شوتنق؟؟؟
تبي اييب لك لسته بالعاب الشوتنق بغض النظر عن الفيرست بيرسن؟
كول اوف ديوتي
توم كلوني
انريل تورنمنت
ريزيستنس <<< ما اعدها لعبه عشان اصنفها لعبه شوتنق :09:
تايم شفت
ذا دارك نس
كل هاذه تقول لعبه وحده؟؟؟:bigeyes:

لا تروح يمين يسار :D


:willy:



و بخصوص الاكس بوكس ترى الجهاز طلع بالشوتنق فماراح استغرب كثره العاب الشوتنق لان الجهاز نجح بهالالعاب... و الكل يبي يقلد :33::D


و على فكره انا من الناس اللي ما اطيق الشوتنق :argh:
ونجاح الاكس بوكس 360 منرفزني وايد لان خل الالعاب بس شوتنق :biggthump


الله يعز شانه حجي بيل قيتس ما ييوز من سوالفه
:biggthump

اتمنى و من كل قلبي ان السوني تنجح بعيدا عن العاب الشوتنق لانها عرفت بطبيعه العابها
بتنزل العاب مالها معنى :willy:

خلنا نلعب بلو دراقن و ننطر ايتيرنال سوناتا ع البي اس 3
مابي نسخه الاكس بوكس لسبب واحد
عندي ع الاكس بوكس وايد العاب اغلبها شوتنق
و بخلي لكل جهاز العابه :09:

بصراحه كلامك صحيح اغلب اللعاب الاكس بوكس هل يومين منظور شخص الاول و السيارات و الرياضات الامريكيه لهذا السبب ابتعد قليلأ عن الاكس لانه هل اللعاب ما توصل لقمة متعتي في اللعب

اقتباس:

---

المشاركة الأصلية كتبت بواسطة xbox x360

والله ياخوي كلامك صحيح جهاز الاكس بوكس يفتقر الى العاب المغامرات بشكل كبير , بس في العاب قويه جايه بالطريقه تسوا مليون لعبه , عندك بانجو كازويا من شركة رير , وعندك لعبة كونكر الجزء الجديد احتمال يصدرونه السنه القادمه .. وشكرا

---

الحمدالله لقيت في ناس من عشاق الاكس بالمنتدى يهتمون في رير والله انا ما ني عارف شنو صار في رير محد قام يهتم بالعابها (انا تحدث عن المنتديات العربيه بشكل خاص مو عالميا) والله هالشركه كانت احسن شركه عندي وللحين بس مشاريعها على الاكس 360 3 العاب اول كاميو جربيتها وما عجبتني ثانيا بيرفكت لعبه شوتق ما افضلها ثالثا فيفا يبانتا نوع معقد ما يعجبني ننتظر بانجوووووو فقط من رير اما عن العاب المغامرات بالاكس بوكس 360 الجهاز كثرانه العاب الاربيجي فيه اولا اوبلفون وراه بلو دراغون وانترنال سوناتا وماس ايفكت و اللعبه الروعه لوست اوديسي وفابل2 وكلها العاب اربيجي وحلوه وانا افضل العاب الاربجي والقتال يعني الاكس حاليا زين بالاربي جي وحتى القتال نازل عليه ديداورلايف4 وفي الطريق فيرتشوا فايتر5 وسول كالبير 4 يعني مو مقصر بالانواع الي افضلهم على الاقل والاكشن فيه نينجا قايدن2 وديفل4 موناقص الا جوداوف وار اللعبه من سوني وانسوها وانا اشوف ان الاكس360 منوع حاليا اما عن الشوتنق انا ما اطقيه كلش وما يعجبني وما جربت الا كونتر سترايك وميدل اوف اونر والعبها فقط بكافيه الغيم الي منتشره عندنا بالكويت واظن الخليج كله وغيره ما العبهم وشكرا

اقتباس:

---

المشاركة الأصلية كتبت بواسطة Mr.Chief

ممكن تقولي وين الذم اللي ذميته ؟؟؟


وانا كلامي صحيح 100% والدليل الوي قاعد يبيع اكثر من السوني 3 في اليابان مع ان العابه مغامرات والعاب اطفال..........,

---

ما عليش أخوي تشيف

جهاز ننتندو ويي جهاز موجه لجميع الأعمار و ليس للأطفال

معظم الألعاب الي نشوفها التصنيف العمري مالها E يعني لجميع الأعمار

صحيح أن الويي مكتسح اليابان و في نفس الوقت مأدي نجاح ساحق في أمريكا و أوروبا لأنه جذب النون جيمرز و جذب جميع الأذواق ، صغارا و كبارا

اقتباس:

---

و الحين الحبيب شقال؟؟؟
قال شي غلط :12:

---

ايه قال شي غلط وشي كبير بعد ,, لأنه يقارن جهاز الـ FPS بالبلاي 3 من ناحية العاب الشوتنق
وبس علشان لعبة ريستانس قال الجهاز متروس العاب شوتنق ..

انت يوم تقارن بين الجهازين قارن بين العاب الشوتنق الحصرية على كل جهاز
مو تجيب لي العاب مولتي عليه وتقول شوف هذي كلها عليه !!!!!!

هاذه معناته ان الالعاب بدت تصير حصريه
و الحبيب ما قال شي غلط
و يحق له التعبير عن رايه
ترى لمن قال متروس العاب شوتنق قصد فيها الاكس بوكس و ليس السوني 3
مادري انتو تقرون و تفهمون على كيفكم
قال :

اقتباس:

---

والله لاحظت هذي المشكله
وهذي السالفه اعتبرها مرض يصعب العلاج منه :D
وحته شركه سوني قامت اتحوشها العدوه شوي شوي

---

ما قال و بكثره
روح اقرى الرد عدل بس داش تبي تتناجر
اوه نسيت انت كين كوتاراجي :D

حبيبي
لالا اسف حبيبي هالكلمه ما تنقال لاي احد <<< هالكلام للي يستاهلون الكلمه

المهم مستر اكس
لمن تبي تيي تتفلسف على واحد تكلم بالمنطق مو بالعبطنق<<< فعل مضارع لعبط بالانجلش :D
ريزيستانس
انريل تورنمنت
انجارتد
كيل زون 2 اللي غثيتونا فيها

مثل ما قال
سوني بدت تحوشها العدوى شوي شوي
بس انه اللي اشوفه انتشر نفس انفلونزا الطيور :D

و اذا بتحاجج احد في المره اليايه روح حاجج نفس الاوادم
مو لمن يقول القلاص بغا يطيح
تروح تقول له شكو تقول القلاص طاح و انكسر...


عاد افهمها


و اذا ما فهمتها
مشكلتك دور لها حل

اقتباس:

---

والله لاحظت هذي المشكله
وهذي السالفه اعتبرها مرض يصعب العلاج منه :D
وحته شركه سوني قامت اتحوشها العدوه شوي شوي
خصوصا بعد ظهور رسستنس لا تعليق الصراحه :D

---

اقرا هالكلام مرتين ثلاثه لين ما تفهمه ثم تعال تناقش ..

اقتباس:

---

انجارتد

---

لووووووووووول من متى صارت FPS !!!?? على فكرة ترا اسمها إنشارتد

اقتباس:

---

لمن تبي تيي تتفلسف على واحد تكلم بالمنطق مو بالعبطنق<<< فعل مضارع لعبط بالانجلش :D

---

عاد انت ملك الفلسفه وسوق الخضروات يشهد لك اللي اغنينتنا منه من كثر ما تجيب لنا منه بكل ردودك ومواضيعك
والدليل على فلسفتك الضاربه تفسيرك لكلامك بنفسك !!!
على العموم امثالك خلها لك ,, والموضوع انزاح عن مساره كالعاده ,

نسيت أقول إني أحب أيظان ألعاب FIGHT
راح تنزل لعبتين أنا ناطرهم من زمان و ماكوا خبر عنهم DOA 5 & KING OF FIGHTER

و على طاري SONIC أي أحد يعلم إذا كان راح ينزل شريط على XBOX جديد لأني من محبي هذه اللعبة .

عندي شي وااحد بقوله حق اللي متضايق من هالالعاب FPS و السيارات والرياضة


Deal with it

اقتباس:

---

المشاركة الأصلية كتبت بواسطة Mr.X

ايه قال شي غلط وشي كبير بعد ,, لأنه يقارن جهاز الـ FPS بالبلاي 3 من ناحية العاب الشوتنق
وبس علشان لعبة ريستانس قال الجهاز متروس العاب شوتنق ..

انت يوم تقارن بين الجهازين قارن بين العاب الشوتنق الحصرية على كل جهاز
مو تجيب لي العاب مولتي عليه وتقول شوف هذي كلها عليه !!!!!!

---

لول :D
يحليلك
http://75.126.249.149/~director/vb/i...tation_neg.gif <<< شوف هذه مالتك صارت حمرا كثر ما دمك خفيف :09:


سؤال انت شفيك؟

اقتباس:

---

المشاركة الأصلية كتبت بواسطة Mr.X

ايه قال شي غلط وشي كبير بعد ,, لأنه يقارن جهاز الـ FPS بالبلاي 3 من ناحية العاب الشوتنق
وبس علشان لعبة ريستانس قال الجهاز متروس العاب شوتنق ..

---

اقتباس:

---

والله لاحظت هذي المشكله
وهذي السالفه اعتبرها مرض يصعب العلاج منه :D
وحته شركه سوني قامت اتحوشها العدوه شوي شوي
خصوصا بعد ظهور رسستنس لا تعليق الصراحه :D
الالعاب تلقه قصتها اي كلام اهم شي تطلع فيرس بيرسن وايكون فيها اون لاين وما يهتمون اذا الاون لاين في GLITCH او لا اهم شي يحطونه
واستقبل انت الوحيد الي بالاون لاين :D
بس والله انا مابي اظلم جميع الالعاب لانه في العاب متعوب عليها وفي العاب مش حالك
الله يشافينه من هل المرض انشاء الله :D

---

وين قال الجهاز متروس شوتنق
روح اقرى الكلام عدل... قال بدا تحوشها شوي شوي
انت شكلك صايم و لعبت ديفل ماي كراي جان تيوع ولا شب جذي اللي مو قادر تشغل مخك

اقتباس:

---

المشاركة الأصلية كتبت بواسطة Mr.X

ايه قال شي غلط وشي كبير بعد ,,

---

حجي كريتوس ترا هاذه بعد شوي بيخليك كافر عادي :D

اقتباس:

---

المشاركة الأصلية كتبت بواسطة Mr.X

انت يوم تقارن بين الجهازين قارن بين العاب الشوتنق الحصرية على كل جهاز
مو تجيب لي العاب مولتي عليه وتقول شوف هذي كلها عليه !!!!!!

---

ولله يا حلو
انتو تسمون ننجا قايدن سيقما حصريه :D
و الالعاب ذات النظام الامريكي بدت تزحف صوب الاجهزه اليابانيه :09:

اقتباس:

---

المشاركة الأصلية كتبت بواسطة Mr.X

اقرا هالكلام مرتين ثلاثه لين ما تفهمه ثم تعال تناقش ..

---

والله انت لازم تعرف منو اللي لازم يقرا الكلام مرتين ثلاثه

اقتباس:

---

المشاركة الأصلية كتبت بواسطة Mr.X

لووووووووووول من متى صارت FPS !!!?? على فكرة ترا اسمها إنشارتد

---

انت شفيك؟
الارسال عندك ضعيف؟
حجي كريتوس قال الالعاب كلها صارت شوتنق وفي فرق كبير بين شوتنق و فيرست بيرسن شوتنق
تبي اييب لك مثال واضح:
لو شلنا حرف من نكك مستر اكس يتغير المعنى بالكامل :D
يعني مثلا مستر اس Mr.S:D:33::09:

عرفت الفرق بين: shooter / First person Shooting

اقتباس:

---

المشاركة الأصلية كتبت بواسطة Mr.X

لووووووووووول من متى صارت FPS !!!?? على فكرة ترا اسمها إنشارتد

---

لوووووووووول
والله انك تظحكني
اتمنى اشوف صورتك في قسم ضحك و لعب و جد بمجله ماجد :D

انت شفيك ماكو لعبه اسمها اشارتد :D
انت بؤول إيه يا قدع؟
إترزع يا ود <<< يعني اقعد عاجل :D


Uncharted

نطق هالحرف باللغه العربيه مو موجود يا بو دم خفيف :D

يعني لو باخذ على كلامك و اروح امريكا بشتري شي رخيص
اقول للريال
too cheap
اقولها تو Cheap او تو جيب وايد اشرف من مالتك
too sheep تو شيب :D
شنو شاري صخله :D
لول يوم عن يوم قاعد اكتشف فيك شغلات :D

اقتباس:

---

عاد انت ملك الفلسفه وسوق الخضروات يشهد لك اللي اغنينتنا منه من كثر ما تجيب لنا منه بكل ردودك ومواضيعك

---

سوري انا مو ملك عليك :D
و اللي اغناك منه العابك لول :D
و ترى لو بجيب طاري شي انا قاعد اجيب طاريك :D

اقتباس:

---

والدليل على فلسفتك الضاربه تفسيرك لكلامك بنفسك !!!
على العموم امثالك خلها لك ,, والموضوع انزاح عن مساره كالعاده

---

عرفت منو تفسيراته متضاربه و يروح يمين يسار :willy:


خلها على امثالك يا مستر انشارتد لووووووووووول
يا ود اترزع يا ود يا تئيل

fps
مومحتاجه ابداع وتفكير شوية aliens او جيش لازم تذبحهم على جم مسدس وقنابل على اونلاين وخالصين شغل رخيص ومضمون وااايييد ناس يحبون هل نوع لانه مايتحداهم بشكل مباشر مثل لعبة تترس :) والجيم بلي يكون اي شي يتحرك غيرك اذبحه

http://www.upload.ps/uploads300707/2c4ad65cd1.gif

من حسن حظي ان ذوقي هو ألعاب الشوتر .
بس مع هذا الاكس 360 مب كل ألعابه شوتر
فيه ألعاب آر بي جي بس عالطريقة الأمريكية و كم من وحدة يابانية .
و فيه أقوى لعبتين أكشن أدفنجر الي هم نينجا جايد 2 و ديفل ماي كراي .
و فيه ألعاب منظور الشخص الثالث TPS
و ألعاب السيارات
أنا أشوفه جهاز متنوع .




يضحكني واحد الله يستر عليه ما يعرف انجليزي و ياي يتكلم بعد
الحين الch صاروا ينطقونها ( شين ) ؟؟؟؟؟؟؟
لوووول الغجر هم الي ينطقونها شذي لووول قصدي جذي .

اقتباس:

---

نطق هالحرف باللغه العربيه مو موجود يا بو دم خفيف :D

يعني لو باخذ على كلامك و اروح امريكا بشتري شي رخيص
اقول للريال
too cheap
اقولها تو Cheap او تو جيب وايد اشرف من مالتك
too sheep تو شيب :D
شنو شاري صخله :D
لول يوم عن يوم قاعد اكتشف فيك شغلات :D

---

يا عمي شتقول عن واحد كلمة now يكتبها naw
لا و يقولك السبب غلطة مطبعية
لوووول
وين الa و وين الo .

اقتباس:

---

يا عمي شتقول عن واحد كلمة now يكتبها naw
لا و يقولك السبب غلطة مطبعية
لوووول
وين الa و وين الo .

---

ههههههههههههههههههههههههههه

المصيبه يقولها إنشارتد O.O


اقول شباب روحو سلمولي على إنديرتيكر :D

الساع شم الحين O.O؟
اوبس خل اروح انام احسن لي...
شباب انام بفنيله حفر ولا نص شم :D

لووووول
ما كنت اتوقع القى كل هالردود فجأة ^^
لا !! وردود تفصيلية بعد :silly:

اقتباس:

---

يا عمي شتقول عن واحد كلمة now يكتبها naw
لا و يقولك السبب غلطة مطبعية
لوووول
وين الa و وين الo .

---

^
^
^
^
^
احسن مدرس إملاء صدقوني ........, :banana:

عجبي!! في ناس هنا تدور المشاكل حتى ونحن في هذا الشهر الفضيل!!

اقتباس:

---

و فيه أقوى لعبتين أكشن أدفنجر الي هم نينجا جايد 2 و ديفل ماي كراي .

---

ديفل ماي كراي؟ أقوى لعبة أكشن أدفنـ جـ ـر؟؟ على الـ الإكس بوكس 360 ؟؟؟
بالله دقيقة أحسبها وارجع لك ...

:33: ديفل كراي بليستيشن debut first إكس بوكس .. همم :33: ما تجي والله العظيم!!
يعني اللعبة صارت مهمة لما انتقلت على الإكس بوكس ؟ ولما كانت حصرية على الـPS3 كانت مجرد لعبة عادية ولسيت من أقوى ألعاب الأكشن أدفنــ جـ ر !؟

وبعدين يا عباقرة ما في شي أسمه Ungarted!! اللعبة نطقها الصحيح أنتشارد .. لا تسوي لي فيها انجليزي انت وياه ترا الرجال ما غلط. والاعتراف بالحق فضيلة.

اجل وشو ؟؟ انجارتد!!
تدرون كيف .. شيكوا أو على قولتكم جيكوا على ملف سفاح جدة الدموي، تراه قاعد يشرب جوكوجينو مع Ryan.

^^^^^^^ لا تعور راسك تايلر خلها على الله خلو الموضوع كله وقعدو عل بدليات الله ياكافي..........

لووووووول
يحليلهم ^.^

انتشارتد...

شلون تنكتب بالانتشلش :D

untsharted؟


لا و عنتر زمانك يقول إنشارتد
incharted على كلامه

الحين ناخذ بكلام منو؟؟؟؟؟؟

اقتباس:

---

:33: ديفل كراي بليستيشن debut first إكس بوكس .. همم :33: ما تجي والله العظيم!!
يعني اللعبة صارت مهمة لما انتقلت على الإكس بوكس ؟ ولما كانت حصرية على الـPS3 كانت مجرد لعبة عادية ولسيت من أقوى ألعاب الأكشن أدفنــ جـ ر !؟

---

وانا عبالي انت فلته و كلامك كله بدليات
ماكو لعبه اسمها ديفل كراي
اكو
Devil may cry

و ثانيا شنو هذا البليستيشن :D

لووووووووووووووووووووووووووووووول
ما طاح الا انبطح


انت يالفصله:
PlayStation
ما كو حرف الP بالعربي فبقولها ب

بلاي ستيشن
لول
و شنو هالجهاز العظيم إكس بوكس :D
شلون تنكتب بالإنتشلش :D
Ex Box؟

هل يعني: صندوق خارجي مثلا: External Box

:D
وناسه ^.^

لغتكم تونّس
براقب مشاركاتكم عشان اتخاطب مع عيال كوكب زحل :D

اقتباس:

---

المشاركة الأصلية كتبت بواسطة Mr.X

لووووول
ما كنت اتوقع القى كل هالردود فجأة ^^
لا !! وردود تفصيلية بعد :silly:


^
^
^
^
^
احسن مدرس إملاء صدقوني ........, :banana:

---

والله انت يا حاج مادري شفيك انت اليوم
دام احسن مدرس املاء
يحق له يتفلسف على افاك

و بخصوص عدد الردود...
ببساطه


إنت تظحك :D

اقتباس:

---

تدرون كيف .. شيكوا على ملف سفاح جدة الدموي، تراه قاعد يشرب جوكوجينو مع Ryan.

---

شيكوا = تشيكوا :D

على لغتك يا فلته

اقتباس:

---

شلون تنكتب بالانتشلش

---

أنا اقول لك يا حبيبي تنكتب بالإنتشلش جـذي :

Uncharted: Drake's Fortune

اقتباس:

---

وانا عبالي انت فلته و كلامك كله بدليات
ماكو لعبه اسمها ديفل كراي
اكو
Devil may cry

و ثانيا شنو هذا البليستيشن :D

لووووووووووووووووووووووووووووووول
ما طاح الا انبطح

---

أحمق وستظل كذلك

لو كانت الأرزاق تجري على الحجا ... هلكن إذاً من جهلهن البهائمُ
بليستيشن + إكس بوكس + ديفل كراي = تمثيل لشخص يحسب أمراً بينه وبين نفسه ولا يُسمع من صوته إلا همسات!
Don't get too smart on me, I can't handle it cause i'm scared, you know

معروف أنه في بلي "Play" ستيشن وليس "Ply" بـلاي ستيشن!! يعني بالله لو كنت تكلم واحد أمريكي تقوله: آي وانت تو بلاي وذ يو؟ وش بيقولك؟ أتوقع يقول أوكاي بدل أوكي.

اقتباس:

---

و شنو هالجهاز العظيم إكس بوكس :D
شلون تنكتب بالإنتشلش :D
Ex Box؟

---

لأ تنكتب إكسبوكس صح؟ هيييه :banana:.. صح.

اقتباس:

---

هل يعني: صندوق خارجي مثلا: External Box

---

يرحم أبوك لا تنكت دمك خفيييييف فقعتني من الضحك!!

اقتباس:

---

وناسه ^.^

---

أمبيه ^.^

ما اقول إلا الله يهديك..
الله يلعن الزمن اللي طلعت فيه الأشكال المايعة هذي.

اقتباس:

---

شيكوا = تشيكوا

---

باللهي؟
هيا معاً أنتم تشيكوا ونحن نشيكوا درنق درنق

هذي الألعاب إللي راح تنزل للإكس 360 بداية من الشهر هذا إلى آخر السنة (إللي اتذكرهم بس) ... بعضها حصري ومولتي بلاتفورم

Ace Combat 6
Mass Effect
PGR4
Eternal Sonata
Lost Odyssey
Naruto: Rise of a Ninja
Assassin Creed
Virtua Fighter 5
Bully: Scholarship Edition
Kane & Lynch: Dead Men
Tomb Raider: Anniversary
World in Conflict
Beautiful Katamari
FIFA Soccer 08
Winning Eleven: Pro Evolution Soccer 2008 (أوروبي)

كل هذا التنويع وتقولي الإكس 360 كله شوتر -__- ! لول هذا بس حق الربع الأخير من السنة هذي فما بالك بالألعاب القديمة والجديدة للسنة الجاية

المفروض أخوي قبل لا تحط موضوعك هذا تشوف بالأول شنو هي ألعاب الإكس 360 عشان تعرف عن شنو تتكلم ( نصيحة مو قصدي إستهزاء :( )

اقتباس:

---

المشاركة الأصلية كتبت بواسطة NGC

هذي الألعاب إللي راح تنزل للإكس 360 بداية من الشهر هذا إلى آخر السنة (إللي اتذكرهم بس) ... بعضها حصري ومولتي بلاتفورم

Ace Combat 6
Mass Effect
PGR4
Eternal Sonata
Lost Odyssey
Naruto: Rise of a Ninja
Assassin Creed
Virtua Fighter 5
Bully: Scholarship Edition
Kane & Lynch: Dead Men
Tomb Raider: Anniversary
World in Conflict
Beautiful Katamari
FIFA Soccer 08
Winning Eleven: Pro Evolution Soccer 2008 (أوروبي)

كل هذا التنويع وتقولي الإكس 360 كله شوتر -__- ! لول هذا بس حق الربع الأخير من السنة هذي فما بالك بالألعاب القديمة والجديدة للسنة الجاية

المفروض أخوي قبل لا تحط موضوعك هذا تشوف بالأول شنو هي ألعاب الإكس 360 عشان تعرف عن شنو تتكلم ( نصيحة مو قصدي إستهزاء :( )

---

يعجبني اللي يرد وعنده دليل وواثق من كلامه http://director.montada.com/mon_post_icon/icon11.gif
لكن يالغالي NGC .. أولاً شكراً على النصيحة ، الحمدلله ما خاب ظني بأسلوبك اخوي http://director.montada.com/mon_post_icon/icon11.gif

ثانياً أنا والله (ووالله ما يحتاج أحلف) عارف كل صغيرة وكبيرة عن ألعاب الإكس بوكس الصادرة الآن والتي ستصدر .. ركز معي ، ما قلت معدومة التنويع، لكن التركيز منصب على الشوترز وبالأخص FPS والألعاب السطحية المملة على الجهاز .. -غير Halo 3 لا تزعلون- .. لو بسأل أي واحد فيكم هنا عن أحسن لعبة تنصحوني فيها إذا نويت اشتري الجهاز فالجميع سيرد وبصوت واحد "Gears of War" أو "HALO 3".. حتى ما يسألونك عن الأنواع اللي تحبها، ولو قلت عطوني أنواع ثانية .. حل الصمت. يقولك اجل انتظر ان شاء الله بنهاية السنة تنزل كم لعبة سيارات على كم لعبة ملتي (ملتي؟؟؟ ترا عندي PS3 -_-).

عموماً، تبين لي في النهاية أن الإكس بوكس 360 جهاز مصمم خصيصاً لألعاب الشوترز أو التصويب. وهذا هو مصدر نجاح مايكروسوفت باعتقادي.. أما عن لعبة لوست أوديسي، اللعبة رسومها فتاكة بس القيم بلاي ممل ممل ممل ممل ممل.. ويوتيوب موجود.

اقتباس:

---

Ace Combat 6
Mass Effect
PGR4
Eternal Sonata
Lost Odyssey
Naruto: Rise of a Ninja
Assassin Creed
Virtua Fighter 5
Bully: Scholarship Edition
Kane & Lynch: Dead Men
Tomb Raider: Anniversary
World in Conflict
Beautiful Katamari
FIFA Soccer 08
Winning Eleven: Pro Evolution Soccer 2008 (أوروبي)

---

شيء جيد هالتنويع خصوصاً انها كلها مولتي ما عدى كم لعبه .........,

الظاهر اننا ما راح من التعصب ..,

ما ادري ليش تخرجون عن صلب الموضوع .. والله الكلام الي تقولونه ما يدل سمو الأخلاق ..

تم إيقاف العضو SymphonyOfDeath .. وان تم تكرار هذه الردود .. ما راح اتردد في الضغط على زر الطرد النهائي ..

وشكرا ..