fifa 2008 متوفر حاليا في الاسواق على ps3 $ xbox 360

السلام عليكم

شخباركم يالربع انشالله بخير ..؟

حبيت اقولكم انه نزل امس ..ومتوفر في كل المحلات ..واخيرا نزل شريط كوره على البلايستيشن 3 ..

السيدي في قمة الروعه وصدقوني ماراح تتحسفون اذا خذتوه .. ومختلف جدا عن الفيفا 2007 وماقبله على البلايستيشن 3 ..

اخوووكم نايف ..

لقيته في بعض المحلات واصل سعره 400 ريـال هذا وهي fifa !
كيف لما تنزل PES 2008 ؟

نصابين المحلات..اتوقع راح اصير اشتري الألعاب من المواقع.

انا شاريه من قطر 260

واليوم خذته من دبي ..ومن فيرجن <<اكبر واشهر اسواق السيديز
270

تعبت وانا انتظر اللعبه على البلاي ستيشن 3

ياشباب الشرقيه قوليلي نزل والا لا ؟؟ ووين اذا نزل؟؟

على العموم انا رايح قطر الاربعاء بس لو نزل قبل الاربعاء باخذه

الف شكر جميعا
بعدين وين القاه في قطر؟

في كل مكان حاليا نازل ..
في شارع النصر موجود اكثر من محل ..

وفي فيرجن الموجود في مجمع فيلاجيو موجود ..

اعتقد حتى في كارفوور الي في السيتي سنتر بعد موجود ..

اكيد القاهم في كل هالاماكن؟
اوكي عيل الاربعاء انا جايكم قطر وان شاء الله العيد عندكم
شارع النصر كانه فيه محلين يم بعض اذا ماخاب ضني
واحد مصري والذاني ايرانيين اللي فيه
الايرانين ارخص

اما فيرجن اللي في فلاجيو يجي بروحه ماخذ زاويه واحمر يبين من بعيد
اما كارفور اللي في الستي ما اتذكر اني شفته
يعني حسو ادل في قطر لوووووووول
الف شكر ويارب ينزل عندنا اليوم

انا والله قطري بس رديت دبي امس لاني ادرس هناك ..

صحيح خخخخخخخخخ

الايراني اسمه الشركة الانتاجيه والمصري الرعاية التقنيه ..

وفيرجن مكانه صحيح مثل ماقلت

انا يوم كنت موجود كان متوفر هناك ..وحتى اذا خلص اكيد بييبون لانه الطلب عليه وايد .

شريته اليوم بس والله بااايخ مو مثل ويننج ايليفن

بقولها وبكل صراحة ولا يزعلوا
مني محبين الفيفا >> تكلم نفسك مافي محبين للفيفا :D
اللعبة كانت تعبانة جدا من حيث طريقة اللعب
وهذا شي أكيد وما راح يتغير طول السنين
والله يخلي الوينينج إليفن >> والله قهر يأجلوها لآخر نوفمبر
وثانيا يعني بالله حاطين الدوري التشيكي كله
والدوري المكسيكي الدرجة الثانية وما قدروا يحطوا
ولا فريق عربي >> المفروض يحطوا الاتحاد لانه وصل للعالمية :o
وأيضا ولا منتخب عربي والمنتخب السعودي
الذي وصل أربع مرات متتالية لكأس العالم
ما حطوه والله قمة التخلف
وترى قائمة المنتخبات قليلة جدا
وعلى فكرة كلامي هذا كله بعد تجربتي
لنسخة ال PS2
وما أظن بأنها حتفرق عن نسخة ال PS3
سوى في قوة الرسوم
والسلام عليكم

فيفا 07 بنظري ممتازة ، وكل هذه اذواق طبعا ! وليه مافي Fans للعبة مين قال :33: ؟! اذكر في موضوع فتح عن اللعبة اول مانزلت والكثير من الاعضاء ابدوا اعجابهم ( وايضا الكثير ابدوا عدم اعجابهم ) عالعموم ، كان فيفا 07 مليء بالاندية بشكل غير طبيعي ، يوجد فيه 16 دوري O_O ! صحيح مثل ما قال اخي نريد اهتمام اكثر بالمنتخبات ( اللي انا شريته من 6 شهور و مالعبت الا مرة وحدة بالمنتتخبات :boggled: ، كلوا اندية ، Ac milan وارفع يدك :D! )

قولوا عني اللي تريدوا ، لكن عندي نظام المهارات والتعديات مثل مانسميها بالعامية افضل في فيفا !
الملعب احسة اكثر واقعية ايضا
لاتنسوا طور المانيجر مود اللي اتوقع 80% من اللاعبين يلعبوا الشريط بسببة واولهم انا
اللاعبين للاسف ليسوا واقعيين لا في ركض ولا في اشكال

طبعا هالكلام كله عن 07 ........ وحسب ماقرات وشاهدنا في الصور ان السلبيات تم تجاوزها في هذا الجزء ، وكل هذا ينصب في مصلحتنا كا جيمرز ، فكل شركة تقدم الافضل للعبتها ثم تجي الاخرى وتقدم اقوى وترد الاخرى بأقوى ........في النهاية نحن الكسبانين !! اعتذر عن الاطالة مادري ايش جايني اليوم اطول في الردود يمكن من القهر اللي داخلي بسبب الدراسة <-- شدخل :34:

اقتباس:

---

المشاركة الأصلية كتبت بواسطة jakom jak

بقولها وبكل صراحة ولا يزعلوا
مني محبين الفيفا >> تكلم نفسك مافي محبين للفيفا :D
اللعبة كانت تعبانة جدا من حيث طريقة اللعب
وهذا شي أكيد وما راح يتغير طول السنين
والله يخلي الوينينج إليفن >> والله قهر يأجلوها لآخر نوفمبر
وثانيا يعني بالله حاطين الدوري التشيكي كله
والدوري المكسيكي الدرجة الثانية وما قدروا يحطوا
ولا فريق عربي >> المفروض يحطوا الاتحاد لانه وصل للعالمية :o
وأيضا ولا منتخب عربي والمنتخب السعودي
الذي وصل أربع مرات متتالية لكأس العالم
ما حطوه والله قمة التخلف
وترى قائمة المنتخبات قليلة جدا
وعلى فكرة كلامي هذا كله بعد تجربتي
لنسخة ال PS2
وما أظن بأنها حتفرق عن نسخة ال PS3
سوى في قوة الرسوم
والسلام عليكم

---

رايك نحترمه اخوي ..بس على فكره الاتحاد مو موجود في الونق الفن ..ولا بتلاقيه ..

بعدين جربه منت خسران شي ..بس طبعا مو احسن من الونق الفن ..

بس لعبه ممتازه بصراحه وخصوصا الماستر الي هو المانجر ..

جربه ماراح تخسر شي .وعلى فكره ..الوننق الفن بعد العيد بيوصل مو في نهاية نوفمبر ولا شي .

اقتباس:

---

المشاركة الأصلية كتبت بواسطة The Shadow

فيفا 07 بنظري ممتازة ، وكل هذه اذواق طبعا ! وليه مافي Fans للعبة مين قال :33: ؟! اذكر في موضوع فتح عن اللعبة اول مانزلت والكثير من الاعضاء ابدوا اعجابهم ( وايضا الكثير ابدوا عدم اعجابهم ) عالعموم ، كان فيفا 07 مليء بالاندية بشكل غير طبيعي ، يوجد فيه 16 دوري O_O ! صحيح مثل ما قال اخي نريد اهتمام اكثر بالمنتخبات ( اللي انا شريته من 6 شهور و مالعبت الا مرة وحدة بالمنتتخبات :boggled: ، كلوا اندية ، Ac milan وارفع يدك :D! )

قولوا عني اللي تريدوا ، لكن عندي نظام المهارات والتعديات مثل مانسميها بالعامية افضل في فيفا !
الملعب احسة اكثر واقعية ايضا
لاتنسوا طور المانيجر مود اللي اتوقع 80% من اللاعبين يلعبوا الشريط بسببة واولهم انا
اللاعبين للاسف ليسوا واقعيين لا في ركض ولا في اشكال

طبعا هالكلام كله عن 07 ........ وحسب ماقرات وشاهدنا في الصور ان السلبيات تم تجاوزها في هذا الجزء ، وكل هذا ينصب في مصلحتنا كا جيمرز ، فكل شركة تقدم الافضل للعبتها ثم تجي الاخرى وتقدم اقوى وترد الاخرى بأقوى ........في النهاية نحن الكسبانين !! اعتذر عن الاطالة مادري ايش جايني اليوم اطول في الردود يمكن من القهر اللي داخلي بسبب الدراسة <-- شدخل :34:

---

يسلمو ع المرور ..لا اكيد فيه فنز ..انا يوم كنت في انجلند ماااحد يلعب وننق اليفن ..كله فيفا ..

وبعدين العبه قمة الروعه ..وكل لاعب تحركاته وحركاته وااااااااااااااااقعيه بمعنى الكلمه ..

لا يفوتكم بس ..

على فكره انا اكره الفيفا كره العمى بس بصراحه هالجزء قمة الروعه ..

اقتباس:

---

المشاركة الأصلية كتبت بواسطة رووونا

رايك نحترمه اخوي ..بس على فكره الاتحاد مو موجود في الونق الفن ..ولا بتلاقيه ..

بعدين جربه منت خسران شي ..بس طبعا مو احسن من الونق الفن ..

بس لعبه ممتازه بصراحه وخصوصا الماستر الي هو المانجر ..

جربه ماراح تخسر شي .وعلى فكره ..الوننق الفن بعد العيد بيوصل مو في نهاية نوفمبر ولا شي .

---

أنا عارف إن الاتحاد غير موجود في الوينينج إليفن واصلا ماراح يحطوه :o
لكن أنا عتابي على الفيفا ليش؟؟ لانهم حاطين فرق الدنيا كلها
وفرق من الدرجة الثانية لدوريات اصلا محد يعرفها
وبالنسبة لموعد إصدار الوينينج إليفن
والله موقع جيم سبوت كاتب يوم 22 نوفمبر هذا والله أعلم
وياريت يعجلوا اللعبة شوي ويخلوها في اكتوبر
والسلام عليكم

ياجماعه الفيفا النسخه هذي غيرررر من افضل العاب كافي انها كرة قدم

انا جربتها بالفعل قووويه ومن افضل العاب كرة القدم

انا من ايام ناتيندو مافي شريط كره مشريته مراح امدح نفسي انا عندي خبره عن العاب كرة القدم بالفعل ممتازه من افضل العاب

اقتباس:

---

المشاركة الأصلية كتبت بواسطة jakom jak

أنا عارف إن الاتحاد غير موجود في الوينينج إليفن واصلا ماراح يحطوه :o
لكن أنا عتابي على الفيفا ليش؟؟ لانهم حاطين فرق الدنيا كلها
وفرق من الدرجة الثانية لدوريات اصلا محد يعرفها
وبالنسبة لموعد إصدار الوينينج إليفن
والله موقع جيم سبوت كاتب يوم 22 نوفمبر هذا والله أعلم
وياريت يعجلوا اللعبة شوي ويخلوها في اكتوبر
والسلام عليكم

---

صحيح ..

لا ماعليك من قيم سبوت ..قايلين ان الفيفا بينزل نص اكتوبر ..وهذا هو نزل من 4 ايام ..

انا سائل اكثر من محل يقولون انه بيتوفر بعد العيد انشالله ..

انا ماخذ السوني عشانه خخخخ

حياك الله ..

انشاء الله اشتري اللعبة هذه مع الوينينق في العيد ..

انشاء الله اشتري اللعبة هذه مع الوينينق في العيد ..

اخيرا بعد عناء شديد لقيت اللعبه في الخبر
على فكره اي احد يبي يتحداني في الفيفا هذا الاي دي حقي
ZEEZO

fifa08 هي الأفضل حاليا

مشكور أخي الكريم ومنتظرين جديدك دائما

شباب الفيفا 2008 خياليه ps3
واقعية لابعد الحدود محد يحكم على نسخة ps2
فرق السما والارض،،، صدق تحس انها نكست جنريشن.
انا من مدمنين الونغ الفن بس يوم لعبة فيفا2008 غيرت راية الونغ الفن خلوها اركيد
يمكن النسخه الكاملة تكون غير عن الديمو.. بس ادري حركاتهم كونامي غسلت يدي منها ماتضيف اشياء وايده على اللعبة تغير اشياء بسيطة. عكس الفيفا الي تحس انها تشتغل صح وتسمع كلام الفان وتحاول ترضيهم
بس الي مابيشتري الفيفا بيندم والله

والله حمستونا...المشكلة PES2008 قرب موعده وكنت مستبعد أشتري الفيفا -مع اني جربت الديمو وانبهرت بتطور اللعبة- لين ما قريت رأي مجربيها.. يبدو ان العيدية تبعي بتضيع على العاب الكرة هالسنة :D
يعطيك العافية أخوي عالمعلومة ^^
وان شاء الله برو ايفلوشين تلقى نفس الردود الايجابية وتكون قد المأمول منها :biggthump

لعبه في غاية الجمال رسومات ورحركات جميله جداا

شريتها عندنا في الكويت 25 دينار

ولكن الي يعرف للعبه عدل اشلون اللعب الدوري الاسباني مثلا

وشكراا

اقتباس:

---

المشاركة الأصلية كتبت بواسطة عاشق المرنغي

لعبه في غاية الجمال رسومات ورحركات جميله جداا

شريتها عندنا في الكويت 25 دينار

ولكن الي يعرف للعبه عدل اشلون اللعب الدوري الاسباني مثلا

وشكراا

---

------------
اخوي رووح حق قائمة الثانيه حق البطولات تحصل مكتوب مينجر اختار الدوري الاسباني وفريقك المفضل راح تلعب فيه وهم في انتقلات:biggthump

وين أحصل اللعبة في البحــــــرين ,,

وبالتحديد جهاز الأكس بوكس 360

اقتباس:

---

المشاركة الأصلية كتبت بواسطة فيصل الكويت

------------
اخوي رووح حق قائمة الثانيه حق البطولات تحصل مكتوب مينجر اختار الدوري الاسباني وفريقك المفضل راح تلعب فيه وهم في انتقلات:biggthump

---

اخوي فيصل


مشكور على المساعده

وسويتها الي قلت عليه


لاهنت

انا واللة ياشباب جربت fifa2008 حق الps2 لاكن ماعجبتني خاصة في الجيم بلاي

ما ادري اذا كانت على ال ps3 احسن

اللي جربها على الجهازين يعطينا انطباعة وخاصة في اللعب والتحكم

^
^
نزلت عالـPS2 في الاسواق o_O !!!!!!!!!!!!!!!!!!!!!!!!!!!!!!!!!!! بس جيم سبوت كاتب تاريخ الاصدار9 يعني بعد 5 ايام ! بس بسالك ، انت لعبت فيفا 07 ؟ لانك اصلا تقدر تغير التحكم وتخليه مثل WE ^^

يالربع لعبه جميله جدا


تستحق انك تشتريه كنت لاعب الجزاء القديمه له وكانت لعبخ ممله ولكن

لما شريت الفيفا حق بلي ستيشن 3 لعبه موطبيعيه

لعبه تستحق انك تلعب فيها خاصتا الحركات الاعبين واقعيه ميه بالميه وتعرف الاعبين من

طريقة لعبه في الملعب

ارفع القبعه لي تلك اللعبه الجميله

فيفا 2008 ps3 غير

احييك على كلامك ، لكن الناس راكبه راسها ، فيفا سيئة وفيفا زبالة وانت بكرامه !! والله ياجماعة اللعبة تغيرت منذ جزء 07 .....
الا بسالك ، اخبار المانيجر مود !؟ والله متحمس له حيل ، توني اليوم في 07 حاولت اشتري روبينيو و كريستيانو لكن رفضوا ><" ! قلت لهم هذا الـAC ترى مايتفوت :D

اقتباس:

---

المشاركة الأصلية كتبت بواسطة The Shadow

^

^
نزلت عالـPS2 في الاسواق o_O !!!!!!!!!!!!!!!!!!!!!!!!!!!!!!!!!!! بس جيم سبوت كاتب تاريخ الاصدار9 يعني بعد 5 ايام ! بس بسالك ، انت لعبت فيفا 07 ؟ لانك اصلا تقدر تغير التحكم وتخليه مثل WE ^^

---

اخوي The Shadow انا نزلت اللعبة من النت واذا تبي الرابط موجود بس تورنيت
انا لعبت اللعبتين 2007 و2008 لكن زيما قلت لك ما عجبني الجيم بلاي
يمكن زيما قلت لي التحكم مهم . . !

على كل حال انا كنت ابي اعرف هل هناك فرق بين نسخة الPS2 ونسخة الPS3
واي افضل لانة كنت ابي اشتريها على الPS3 لكن ماشجعتني لعبة PS2

والله قمة يالربع ..كل يوم اكتشف حركه جديده ..

وخلصت المانجر خذت المركز الثاني في اخر جوله <<<قههههههههههههر

المانجر يالربع قمه قمه قمه ..

ويسلمو ع المرور الحلو ..

الشريط رهيب معنى الكلمه كانها من الواقع وهم تقدر تلعب اونلاين وهم التسليه فيها كثيره بس الاسف من كثرها لم اكتشفها كلها؟


ياجماعه سؤال بخصوص قائمة البطولات

تحصل 3 كلمات مكتوب عليهم نيو يعني جديده اتمنا تعلموني شنو البطولات هذي لني احترت فيهم

والله اتمنى حد يفيدنا ..

انا بس العب المانجر واون لاين ..

يسلمو ع المرور الحلو ..

يا شباب انا لعبت الديمو نزلته من الستور ... بصرااااحة بلوووة صج تطوور عدل على الps3 وانا لعبت نسخة الاكس بوكس مالت 2007 صج تطور يبرد القلب مو مثل الpes 2008 اللي احرجنه بصرااحة اهو في تطور بس مو مثل الفيفا و سمحوا لي اذا طولت عليكم بس ياريت واحد يجاوبني( وين احصلها في البحرين نسخة ps3) انا سالت جم محل ما عندهم صج فشيلة و عذروني

شكلي بشتري الشريط
سلام ستيف

والله اخوي للاسف انا مو من البحرين بس اتمنى اخوانا يساعدونك ..

ماراح تتحسف اخوي ستيف ..

Huh ... واخيرا اقتنعتوا ! قلت لكم اللعبة تغيرت ، المانيجر مود ادمان ، توني قبل نصف ساعة مخلصين لعب انا وواحد من الشباب اللي يحتقر فيفا 07 .....لكن بعد مالعب نصف الشوط الاول تغير رايئة وعزم يشتريه O_o !! قلت له اصبر 08 بينزل قال لا ما اتحمل باشتري 2007 ....... !

اقتباس:

---

اخوي The Shadow انا نزلت اللعبة من النت واذا تبي الرابط موجود بس تورنيت

---

اوفففففففف اتصالي بطيء ، يعني لو بتنزل يبقى لها اسبوع تقريبا ><" مالي الا انتظار السوق @@

اي ماله حل المانجر

طيب يا أخوان اقدر اختار لاعب واحد بس والعب فيه ويجيني عروض و انتقل مثلا من فريق لفريق ثاني في فيفا 08 حق PS3 ?

لاني سمعت انو موجود علي fifa 08 حق PS2 ?
تحياتي

اقتباس:

---

اي ماله حل المانجر

---

مع من تتكلم XD

اقتباس:

---

طيب يا أخوان اقدر اختار لاعب واحد بس والعب فيه ويجيني عروض و انتقل مثلا من فريق لفريق ثاني في فيفا 08 حق PS3 ?

لاني سمعت انو موجود علي fifa 08 حق PS2 ?
تحياتي

---

للاسف ما عندي معلومة بهذا الشي

-------------------
على فكرة اليوم في F I F A 07 حاولت اشتري روبينيو مارضى ! رفعت السعر الى 50 مليون ومارضى ، يوم جا فريق ثاني دفع 30 مليون قبل العرض ! سوحقا له ><"
ايضا Kaka استدعاة المنتخب اليوم ، خوفي يرجع مصاب هذا الاعب ما استغني عنه

بلييييز يا شباب وين احصلها في البحرين مادري شفيهم المحلات محد راضي ايبها .. والله الخوف اذا خذتها اغير نظرتي عن الpes2008
انا اللي ابيها نسخة ps3 لو سمحتوا اذا عندكم اي معلومات قولو لي و هل هي موجودة في مجمع الراشد اذا اضطريت مافي الا هالحل بس ردوا عليي بليز و شكرا

^
^
رحت مجمع البحرين ( اللي داخله مركز جيان ) ؟ المحل اللي في الدور الارضي ؟ يمكن جابها ...ذاك المحل ممتاز

ذا شدو مشكور وماقصرت بس لو عرفت الطريقة عطينا خبر الله لا يهينك

تحياتي

شكرا ذا شدو بصراااحة مارحت مجمع البحرين انشاءالله بروح و ادعوا لي احصلها بس اللي انا اعرفه ان هالمحل يهتم في العاب الكمبيوتر اكثر شيء بس باجرب حظي و شكرا

^
^
اذا كنت تقصد المحل اللي انا خبرتك عنه فا انا متاكد انك راح تلقاها لان المحل كلللله حق العاب PS2 وPS3 و X360 .....الخ

على فكرة باركوا لي شريتها نسخة البلايستيشن 2 ........... انتظروا الموضوع الرسمي

مبروك تستاهل ..

يالربع في دبي في كل مكان تنباع حتى في الجمعيات ..معقوله في البحرين مانزلت ؟

اكيد انزلت بس شوفوا اماكن متخصصه لالعاب الفيديو ..

اقتباس:

---

المشاركة الأصلية كتبت بواسطة The Shadow

مع من تتكلم XD

---

مع الكل .. قصدي انه عجيب ..

بصراحه الفيفا سيئه جدااااا طريقة اللعب اعتقد انها مبالغ فيها طريقة الجريه اعتقد انها غير واقعيه !!!

طريقة مساوااة اللاعبين مثلا رونالدينهوو تحسه مثل الحارس في اللعب يعنى اللاعبين متساويين في اللعب !!!

وطاقاتهم مثل بعض !!!

بصراااحة انا سالت 5 محلات متخصصين ما عندهم و ليش مستغربين ترى عااادي halo 3 للحين ما نزلت خخخ و المحل اللي تقصده يا ذا شادو اعتقد عرفته و انا سالته اليوم و قالي مو موجودة و اسمه luckystore اهو في الطابق الارضي لان انا راح بالي في محل ثاني متخصص في العاب كمبيوتر و بصرااحة انا تمللت من المحلات و اسالهم بس في التلفون ما روح الا اذا تاكدت و سامحوني اذا طولت عليكم

اخوي موجوده اللعبه من اسبوع في البحرين
عند يوفوريا الي في مجمع السيف

موجوده في كل مكان اخوي الكريم ... بس حرك نفسك شوي خخخ

مشكووور اخوي تصدق صرت ماحب اروح السيف بسبت الزحمة و الحين نسيته خخخخ زين ذكرتني اليوم باروح

انشاءالله باحرك روحي و باروح السيف جري بعد مو بسيارة خخ

خخخخخخخخخخ

الله يعطيك العافية خيو ..

ياشباب محد يعرف اذا نقدر ناخد لاعب واحد بس وتجينا عروض من فرق ثاني لانو نسخة الفيفا حق PS2 سمعت انو موجود فيها والاخ ذا شدو ماقصر بس لو في احد عندو خبر يقولنا الله لايهينكم ازعجتكم ادري بس ودي اعرف :)

اقتباس:

---

المشاركة الأصلية كتبت بواسطة canada_we

ياشباب محد يعرف اذا نقدر ناخد لاعب واحد بس وتجينا عروض من فرق ثاني لانو نسخة الفيفا حق PS2 سمعت انو موجود فيها والاخ ذا شدو ماقصر بس لو في احد عندو خبر يقولنا الله لايهينكم ازعجتكم ادري بس ودي اعرف :)

---

----------------------------

اي والله اتمنا احد يجيب على الاخ لني مثله اتمنا موجود في اللعبه

اقتباس:

---

المشاركة الأصلية كتبت بواسطة canada_we

ياشباب محد يعرف اذا نقدر ناخد لاعب واحد بس وتجينا عروض من فرق ثاني لانو نسخة الفيفا حق PS2 سمعت انو موجود فيها والاخ ذا شدو ماقصر بس لو في احد عندو خبر يقولنا الله لايهينكم ازعجتكم ادري بس ودي اعرف :)

---

اهلين اخواني

نعم موجود هذا الخيار تحت اسم be bro

موجود لكن بس تلعب مباريات ودية. اسمه Be a Pro: Offline Training. انا اشتريت اللعبة وبصراحة عجبتني جدا. اول مرة العب فيفا من 10 سنين. والعبة على ال PS3 غير عن ال PS2. تفرق بسبب قوة ال PS3 و ال XBOX360. وطبعا High Definition. تحس المباراة كأنها مباراة حقيقية. :D

اخيرا شريتها هههه حدها فن و يالله مين يلاقيني اون لاين طبعا نسخة ps3 و اسمي qassab1988 ترى لعبي مو وايد زين مو مثل الوينينغ و سامحوني اذا ازعججتكم

انا ماعرف العب فيفا بس اعجبتني واحاول اتعود عليها الحين ولعبت اون لاين 12 مره خسرت في 2 وفزت في 10 خخخخخخ

اقتباس:

---

المشاركة الأصلية كتبت بواسطة el 3aneed

اخيرا شريتها هههه حدها فن و يالله مين يلاقيني اون لاين طبعا نسخة ps3 و اسمي qassab1988 ترى لعبي مو وايد زين مو مثل الوينينغ و سامحوني اذا ازعججتكم

---

هههههه اخوي نا انصحك انا وصلت level 7 ترتيبي على البورد االعالمي 35 اذا تح انا مستعد اسمي tawallpiero

يالربع اشلون اعرف انا اي لفل؟واي مركز ع العالم؟

من اقوى الاجزاء اللي مرت علي fifa 2008 انصحكم فيها