رد: الحديقة الحمراء (تقرير)
التقييم النهائي
الرسم: 9.5/10
ابتكار الشخصيات وأسلوب الرسم رائع جداً وجديد، وأيضاً التلوين كذلك، ولكن في بعض الحلقات لا يتقن الرسامون الملامح
الحركة: 10/10
حركة الشخصيات كانت مذهلة ورائعة وقريبة من الواقع في بعض الأحيان
القصة: 10/10
فكرة القصة كانت جديدة وتحتوي على الكثير من الأفكار الرائعة وهذا المسلسل في نظري من أفضل المسلسلات التي صدرت في عام 2006
النهاية: 9/10
هذا ما نريده... نهاية غير متوقعة ولكن بعد رؤية الخاتمة تبدأ التساؤلات تدور في أذهان المشاهدين قائلين (وماذا سيحدث بعدها؟) ولكنها كانت غير متوقعة ورائعة ولكن ينقصها القليل لتنتهي
وهنا انتهى التقرير آملين أن ينال على إعجابكم ورضاكم ^_^
وأرجو أن تكونوا قد حصلتوا على المعلومات الكافية له
والسلام عليكم ورحمة الله وبركاته
أختكم: SeNsEi
رد: الحديقة الحمراء (تقرير)
OH MY GOD
realy impresive work Sensi
اولا مشكوره علي التقرير الجميل والمرتب بس ايش حكاية لون الخط الوردي :D
لي عوده ان شاء الله بس حبيت اكون اول من يرد :D
رد: الحديقة الحمراء (تقرير)
تحرير\ على بالي أول رد :D
وش أقول ؟؟؟؟ :D
أبداع ؟؟؟ فن ؟؟؟
بس ما توفي حقك هالكلمات >.>
أسلوب مميز وجهد جبار وطلعتينا ذي التحفة في النهاية :biggthump
بس لاحظت من صور الشخصيات أن الرسم مب جيد مرة ~.~
وأنا ما أميل لهذا النوع من الرسم
بس كقصة أعجبتني الفكرة مرة ^^
وأحب أهنئك مقدما على المركز الأول في المسابقة ^^
هذا إن ما طلع موضوع أحلى !!!
وما أتوقع يطلع أصلا :09:
ومشكوووور في النهاية على الموضوع الجبار ^^
رد: الحديقة الحمراء (تقرير)
اقتباس:
OH MY GOD
realy impresive work Sensi
ما أكون سينسي لو ما حطيت كل اللي في قلبي في تقرير لأنيمي أحبه :D
اقتباس:
اولا مشكوره علي التقرير الجميل والمرتب
العفو ^_^
اقتباس:
بس ايش حكاية لون الخط الوردي :D
آسفة ^.^" ما لاحظت أنه فاقع <<متعودة على الألوان الفاقعة
إذا ما تقدر تقراه حدده واقرا ^_^
اقتباس:
لي عوده ان شاء الله بس حبيت اكون اول من يرد :D
يعدني أنك تكون أول الرادين ^_^ وأنتظر الحين ردك الثاني
بس لو قريت البداية وحبيت تشوف الأنيمي أنصحك ما تقرا ملخص الحلقات (ولو أنهم أكثر شي تعبوني T_T)
رد: الحديقة الحمراء (تقرير)
اقتباس:
لي الفخر أكون أول رد في ذا الموضوع :D
اسبقوك :p
بس ممكن تحسب نفسك أول الرادين
دام انكم مع بعض تقريباً ^_^
ومشكورين اثنينكم والله لأني توقعت ما أشوف ردود
فأسعدتوني الصراحة
مشكورين حيل...
اقتباس:
وش أقول ؟؟؟؟ :D
أبداع ؟؟؟ فن ؟؟؟
بس ما توفي حقك هالكلمات >.>
تسلم والله ^_^ هذا من ذوقك...
اقتباس:
أسلوب مميز وجهد جبار وطلعتينا ذي التحفة في النهاية :biggthump
زين بس قدرت ألحق
كنت بطرش للمشرف أسأله يصير أطرش في ليلة العيد؟ بس الليل يكون منتهي رمضان @_@
لأني توقعت ما باقدر أخلصه
ترى في أشياء ما سويتها :02:
كنت أبي أسوي قسم للصور الرمزية بس ما صممت... ولا أظن أن عندي الوقت -__-"
علشان جذي أنزل الموضوع الحين أحسن
اقتباس:
بس لاحظت من صور الشخصيات أن الرسم مب جيد مرة ~.~
وأنا ما أميل لهذا النوع من الرسم
بالعكككس!!!
بس ترى الناس أذواق
يعني اخوي لما شافني أشوف الأنيمي جلس جنبي يتطنز على أشكالهم وخشومهم وخاصة خشم ريتشيل ^_^
بس قعد يتطنز (اللي يقول رسام)
بس برايي الرسم تحفة... الصراحة حبيت الاستايل وايد
اقتباس:
بس كقصة أعجبتني الفكرة مرة ^^
اي عجيبة عجيبة وايد
واتناسب الصبيان ولو أن الأبطال بس بنات...
اقتباس:
وأحب أهنئك مقدما على المركز الأول في المسابقة ^^
هذا إن ما طلع موضوع أحلى !!!
وما أتوقع يطلع أصلا :09:
لا لا تحكم مقدماً >.<
لحد الحين آنه ما مريت على المواضيع (ما ألقى وقت)
إن شاء الله يطلع واحد أحلى <<علشان هي تتونس وهي تقرا
بس من يدري ^_^
بس آنه ما أحس أني بفوز بالمرتبة الأولى... حدي الثانية
لأن عمري ما فزت الأولى في مسابقة فيها جزائز @_@
إما الثانية أو أقل أو ما أفوز
خلاص هذا شي مزروع فيني... ومافي أمل أفوز الأولى...
فخل غيري يتهنى مدامي محبطة كذا
اقتباس:
ومشكوووور في النهاية على الموضوع الجبار ^^
العفو... بس أنا اللي لازم أشكرك
شكراً على مرورك الطيب...
سلام
رد: الحديقة الحمراء (تقرير)
Sensi...إبداااااااااع@.@
وربي ابداع تقريرك مرة روعة style أروع وأحلى وأغرب..ماعمري شوفت زيه ومؤثر جداً>>جالس ينزله^__^
لا عن جد قمة اتمنى يفوز ولاتحرمينا من ابداعتك المتواصلة :P
رد: الحديقة الحمراء (تقرير)
السلام عليكم و رحمة الله و بركاته و بعد,
الصراحة الواحد رجعت له الروح من بعد ما يجوف هالتقارير الحلوة و النشاط من قبل الأعضاء المختلفين و عن مسلسلات مختلفة^^, و خليتوني اتحمس اكمل موضوعي.
نرجع للموضوع, ما شاء الله اقل شي نتوقعه من كاتبة مواضيع Rozen Maiden بجزيئيه, و خلاص صارت بصمتج معروفة بالمواضيع^^, و ذلك من طريقة عرض الموضوع بالصور و اللي برايي لا يعلو عليها احد من ناحية التنسيق و الترتيب. فان شاء الله اتوقع الموضوع يكون مميز و لو اني عتبان شوي لانج ما تفصلتي زيادة بالتقييم, بس عموما موضوع ممتاز.
red garden, مسلسل غموض و دراما, من انتاج جونزو. للاسف ما قدرت اكمله بس اذكر اني جايف الين الحلقة الثامنة او 13. و بعدها اتكنسل خط الشامل "بسبب غباء اتصالات و خربطة بالحسابات" فما رجع الخط الا بعد 6 شهور و جد نسيت المسلسل عادة!! المهم, الart بالمسلسل مميز جدا و يذكرني نوعا ما بمسلسل paradise kiss, (و اعتبر الثاني أفظل بسبب تركيزهم الشديد بتفاصيل الملابس و الوجه و حتى المكياج للنساء). اما القصة, اتحسسكم كانكم قاعدين اتطالعون مسلسل اجنبي لكن باستايل "انيماوي"!!.
مثل ما ذكرت سينسي الشخصيات فعلا اتحسونها واقعية سواءا من ردة فعلها و تصرفاتها و طبيعة تفكيرها.
الالحان جيدة الى ممتازة و تناسب الاجواء, و كذلك الاداء الصوتي جيد جدا.
شو بعد, فيه عامل ما حسيته موجود الا وهو being memorable, لاني مب متذكر شي لا من القصة او الشخصيات او حتى الالحان!! (طبعا اللي كاتبنه فوق based على اعادة مشاهدة الحلقة الاولى و تذكر الاشيا من أول!!).
شو بعد, القصة, اتذكرني بgants بس على دراما و بدون قرف و مصاخة, و "بهدف" فما اقدر اقول انها original 100%, بس عموما جيدة + ما كملت المسلسل عسب احكم و اعطي الحكم النهائي.
الاستمتاع: اكيد 10, لانه الart روحه و اسلوب الرسم يكفي اني استمتع بمشاهدته.
سو تقييمي على حسب اللي جفته 8.5 الى 9.
اخيرا, تسلم ايدج سينسي و بانتظار تقرير اشمل و أقوى في رمظان القادم ان شاء الله^^. (يالله باجي grass hopper و موضوع maroko و يمكن فو=جان و sleepless)
مع السلامة.
رد: الحديقة الحمراء (تقرير)
اقتباس:
Sensi...إبداااااااااع@.@
مشكوووور والله
وأشكرك أكثر لأنك قاعد تنزله!!!
هذا معناته أني قدرت أوصف روعة هالأنيمي http://i55.photobucket.com/albums/g1...it-0_0/tt0.gif
اقتباس:
لا عن جد قمة اتمنى يفوز ولاتحرمينا من ابداعتك المتواصلة :P
إن شاء الله ^________^
وراح أبدع أكثر لرمضان الجاي...
بجهز له من قبل ^_______^
اقتباس:
السلام عليكم و رحمة الله و بركاته و بعد,
وعليكم السلام ورحمة الله وبركاته
اقتباس:
الصراحة الواحد رجعت له الروح من بعد ما يجوف هالتقارير الحلوة و النشاط من قبل الأعضاء المختلفين و عن مسلسلات مختلفة^^, و خليتوني اتحمس اكمل موضوعي.
زين عيل كمل تقريرك بسرعة
تقاريرك تفتح النفس
http://i55.photobucket.com/albums/g1...bit-0_0/-5.gif
اقتباس:
نرجع للموضوع, ما شاء الله اقل شي نتوقعه من كاتبة مواضيع Rozen Maiden بجزيئيه, و خلاص صارت بصمتج معروفة بالمواضيع^^, و ذلك من طريقة عرض الموضوع بالصور و اللي برايي لا يعلو عليها احد من ناحية التنسيق و الترتيب.
شكرا اخوي
http://i55.photobucket.com/albums/g1...it-0_0/-13.gif
صج تقارير روزن ميدن كانت أول تقارير أسويها بهالأسلوب
ولما شفتها نجحت تابعت عليه
اقتباس:
فان شاء الله اتوقع الموضوع يكون مميز
لو سووا تقريري للإكس من مميز بيتميز هاي
http://i55.photobucket.com/albums/g1...it-0_0/tt5.gif
ذاك هو اللي تعبت عليه أكثر من ذي...
اقتباس:
و لو اني عتبان شوي لانج ما تفصلتي زيادة بالتقييم, بس عموما موضوع ممتاز.
ما فصلت في التقييم!!
http://i55.photobucket.com/albums/g1...-0_0/SHOCK.gif
بالعكس آنه حاولت أحط تقريباً كل شي...
وحطيت وصف أكثر لاختياري لهالتقييم بالذات لكل شي
بس ليش ما حطيت التقييم النهائي؟
لأني أشوف أن ممكن التقييم النهائي بينزل علشان الرسم والنهاية
بس هو كله على بعضه 10/10 بالنسبة لبعض الناس
لأن بعض المشاهدين ممكن ما يشوفون الرسم يتغير في بعض الحلقات
أو يشوفون النهاية حلوة
بس أظن الأغلبية اللي يحبون النهايات العادية بشوفون النهاية صفر من 10
فهو يختلف بين الناس
أما عن الموسيقى http://i55.photobucket.com/albums/g1...-0_0/Music.gif
فآنه ما أهتم لها فعلشان جذي ما حطيتها في التقييم ^_____^
لأن هالتقييم هو تقييمي الخاص
بس يا ليت توضح لي شلون أحسن التقييم؟
لأن أكثر من تقرير قالوا لي الأعضاء أن التقييم ما يوفي
http://i55.photobucket.com/albums/g1...it-0_0/-16.gif
اقتباس:
red garden, مسلسل غموض و دراما, من انتاج جونزو. للاسف ما قدرت اكمله بس اذكر اني جايف الين الحلقة الثامنة او 13. و بعدها اتكنسل خط الشامل "بسبب غباء اتصالات و خربطة بالحسابات" فما رجع الخط الا بعد 6 شهور و جد نسيت المسلسل عادة!!
لو آنه مكانك ما أنساه أبدااااااااا
لأنه صج كان عاجبني وما أقدر أنطر الحلقة اللي بعدها تنزل علشان أشوفها
اقتباس:
المهم, الart بالمسلسل مميز جدا و يذكرني نوعا ما بمسلسل paradise kiss, (و اعتبر الثاني أفظل بسبب تركيزهم الشديد بتفاصيل الملابس و الوجه و حتى المكياج للنساء).
أوووف بارادايس كيس
هو صج كان رسمه روعة بس ما قدرت أكمله من المصخرة والوقاحة وقلة الأدب اللي طلعت فيه
هو صج رسمه شبيه بهالأنيمي شوي بس بعد يختلف وذاك أحلى
ريد غاردين يهتموا للبس بعد بس المكياج لا
وسبب اهتمام باراداس كيس باللبس هو لأنه عن عرض أزياء
أصلاً القصة ما عجبتني وايد http://i55.photobucket.com/albums/g1...it-0_0/-18.gif
كانت في نظري 3/10 بس..!!
اقتباس:
اما القصة, اتحسسكم كانكم قاعدين اتطالعون مسلسل اجنبي لكن باستايل "انيماوي"!!.
لا لا آنه عمري ما شفت مسلسل أجنبي مشوق كذا
ولا بشوف!!
بس هو صج قريب من الأمريكي أكثر لأن المناطق والزي والنظام والأشكار كلها تخص أمريكا مو اليابان
اقتباس:
مثل ما ذكرت سينسي الشخصيات فعلا اتحسونها واقعية سواءا من ردة فعلها و تصرفاتها و طبيعة تفكيرها.
وهنا مؤيد http://i55.photobucket.com/albums/g1...bit-0_0/GO.gif
اقتباس:
الالحان جيدة الى ممتازة و تناسب الاجواء, و كذلك الاداء الصوتي جيد جدا.
بالنسبة للألحان فآنه أتأقلم معاها أياً كانت
يعني حتى لو ما عجبتني من الحلقة الأولى تشوفوني تأقلمت عليها لما وصلت الحلقة الخامسة وأشوفها حلوة بعد...
والأداء الصوتي بعد تححححححفة
خاصةً في الحلقة الأولى لما قامت كلير من نومها... طريقة كلامها ولما اخذت النفس كانت واقعيييية
وصرخة روز في نهاية الحلقة الأولى كانت صج تحسها طالعة من قلب!!
مب نفس الأنيمي Higurashi no Naku Koro ni
ما يضبطون الصوت أبداااااااااااا
اقتباس:
شو بعد, القصة, اتذكرني بgants بس على دراما و بدون قرف و مصاخة, و "بهدف" فما اقدر اقول انها original 100%, بس عموما جيدة + ما كملت المسلسل عسب احكم و اعطي الحكم النهائي.
أوه غانتس... هذا أنيمي من الأنيميات اللي كنت أتمنى أشوفها واللي جذبني رسمها وايد
بس الحمد لله قبل ما أشوفه سمعت عن المصخرة اللي في الأنيمي فهونت عنه
يا ليت لو تعرفون موقع يقطع هالمصاخة علشان أحمله..
لأن شكله مشوق بس مستحيل أشوفه باللي فيه!!!
اقتباس:
الاستمتاع: اكيد 10, لانه الart روحه و اسلوب الرسم يكفي اني استمتع بمشاهدته.
سو تقييمي على حسب اللي جفته 8.5 الى 9.
حلو التقييم... ما باتكون ظالمه لو حطيت 9 بس 8.5 أحسها شوي http://i55.photobucket.com/albums/g1...it-0_0/-20.gif
اقتباس:
اخيرا, تسلم ايدج سينسي و بانتظار تقرير اشمل و أقوى في رمظان القادم ان شاء الله^^.
وتسلم اخوي على هالمشاركة الطيبة
أسعدتنا بوجودك والله
وإن شاء الله الرمضان الجاي بتلقون شي أشمل لأني بحاول أتجهز له من قبل...
بس هذا ما كنت أدري أن في مسابقات تعملونها كل رمضان
(البنت صال لها أكثر من سنتين في المنتدى وما تعرف شي http://i55.photobucket.com/albums/g1...it-0_0/-18.gif)
بس زين كنت مجهزة جزء كبير من هالتقرير قبل رمضان بس جذي
علشان أحطه لكم ^________^
رد: الحديقة الحمراء (تقرير)
ما أصدق اخيراً إنكتب تقرير عن هالأنيمي ^^
الحديقة الحمراء من الأنميات الي حبيتها مباشرة بس من مجرد الرسم !
اشوفه قريب من Paradise Kiss بالتصميم ولكن أفضل منه بعشرات المرات لأن الدراما أقوى ..
مادري وايد ناس مايحبونه بسبب طريقة الرسم بس رسمه والألوان مميز ^^"
قصة الأنيمي روعة وعجبتني الأحداث والوحوش وفكرة التجارب ..
انا للحين ما كملته لأني انشغلت بأنيمات ثانية بس راح اشوفه مرة ثانية ..
أكره شخصية هذي الي اسمها ريتشل حيل ماتنطاق .. نفسي أذبحها وأرتاح ..
شخصيتي الي احبها كلير لأن عندها شخصية قوية وتعتمد على نفسها ^^
لول الحلقة السادسة تضحك ... اهم يبجون على أنفسهم بالأكفان وانا اضحك ..
صج منظر غريب انهم يشوفون نفسهم كموتى^^
ثانكس اختي على الموضوع ^^
موضوع حلو وترى التصاميم عجبتني ..
بس عندي ملاحظة على العمر انتي كاتبة من 12 سنة فما فوق
صج أكو بالأنيمي أغاني وايد لكن مستحيل يكون مناسب الى هذي الفئة
حيل حيل عنيف والطق والموتى والدراما مآساوية وكلها دموع ... بس كملاحظة ^^
رد: الحديقة الحمراء (تقرير)
اقتباس:
ما أصدق اخيراً إنكتب تقرير عن هالأنيمي ^^
هوهوهوهوه... كان انتي كتبتي عنه.. <<بس زين ما كتبتي لأني ما أحب أكتب عن أنيمي كتب عنه عضو قبلي..
اقتباس:
الحديقة الحمراء من الأنميات الي حبيتها مباشرة بس من مجرد الرسم !
صح صح صح..... وآنه بعد حبيته من رسمة وحملته على طول ولو أن في التورينت ستة طوييييلة بس وقفت كل شي ونزلت هاي وما تحسفت أبداً على الوقت اللي نزلته فيه
اقتباس:
اشوفه قريب من Paradise Kiss بالتصميم ولكن أفضل منه بعشرات المرات لأن الدراما أقوى ..
بـ100000000000000000000000 مرة بعد
أصلاً ذاك قصته بايخة الصراحة... هذا لو كان فيه قصة
اقتباس:
مادري وايد ناس مايحبونه بسبب طريقة الرسم بس رسمه والألوان مميز ^^"
اي والله
مع أن التلوين وايد شدني غرييييييييييب خاصة الشعر!!
صج ملفت وغريب وحلو
اقتباس:
قصة الأنيمي روعة وعجبتني الأحداث والوحوش وفكرة التجارب ..
زين عجبتج ^_^ مع أن في نظري أغلب البنات ما يحبون هالأشياء
يحبون الشوجو بس... -___-"
اقتباس:
انا للحين ما كملته لأني انشغلت بأنيمات ثانية بس راح اشوفه مرة ثانية ..
شكلون قدرتي >.< آنه ما قدرت أنتظر دقيقة بين حلقة وحلقة..
اقتباس:
أكره شخصية هذي الي اسمها ريتشل حيل ماتنطاق .. نفسي أذبحها وأرتاح ..
اففففففف حتى آنه
في البداية كنت أكرهها لأنها هي وشلتها صياعة درجة أولى وعقب لأنها كانت تعصب على البنات وايد ونفسها خايسة.. وبعدين صارت معقدة ويأست من حياتها بس فيييييي النهاااااية يمكن على آخر 4 حلقات صارت شخصيتها حلوة وحبيتها في النهااااااااية بس... والا هي طول الأأنيمي تجيب المرض
بس مو كثر أماندا... وعععع
وجيسيكا بعد تجيب المرض...
اقتباس:
شخصيتي الي احبها كلير لأن عندها شخصية قوية وتعتمد على نفسها ^^
حتى آنه أمووووووووت فيها.. أصلا هي أحلى شخصية في الأنيمي الصراحة
مع أني في البداية من أول حلقة كرهتها لأني حسبتها مسترجله
حرقاتها وطريقة كلامها ولبسها وشكلها كأنها وحدة بوية بس طلعت لا وحبيتها على طول من أول ما طلعت شخصيتها عدل
بس في البداية كنظرة أولى ما حبيتها
وهي بعد يمكن أحلى الشخصيات .. بس روز أحلى منها
اقتباس:
لول الحلقة السادسة تضحك ... اهم يبجون على أنفسهم بالأكفان وانا اضحك ..
آنه كسر خاطري الصراحة
شفتي كلير كيف تبجي؟؟ هي مب من النوع اللي ينوع عن الصياح
هي الوحيدة اللي كسرت خاطري صج
أما روز كسرت خاطري مب علشانها علشان اخوانها اللي هي تربيهم..
شنو بيكون مصيرهم لو اختهم ماتت؟
اقتباس:
صج منظر غريب انهم يشوفون نفسهم كموتى^^
اي والله... تخيلي لو انج مكانهم؟ يمااااااااا
اقتباس:
ثانكس اختي على الموضوع ^^
العفو ^_____^ وشكرا على ردج ونسني الصراحة
اقتباس:
موضوع حلو وترى التصاميم عجبتني ..
تسلمين يالغالية
اقتباس:
بس عندي ملاحظة على العمر انتي كاتبة من 12 سنة فما فوق
صج أكو بالأنيمي أغاني وايد لكن مستحيل يكون مناسب الى هذي الفئة
حيل حيل عنيف والطق والموتى والدراما مآساوية وكلها دموع ... بس كملاحظة ^^
آنه عارفة... العنف هذا عادي للي فوق 12... عادي وايد
ويناسبهم
شنو يعني 12 سنة؟
يعني انهى الابتدائية (في الاعدادية أو المتوسط مثل ما تسمونه)
فهذا عمر زين في نظري
مب يهال هم!!
البنات يتزوجون في ذا العمر
وشكرررررررراً على هالرد الطيب
وأسعدني وجودج وقرائتج للموضوع
سلام
رد: الحديقة الحمراء (تقرير)
السلام عليكم
سينسي سينسي سينسي, كيف الحال^^
بديت أتابع المسلسل من جديد, و المفاجأة أني كأني أجوفه للمرة الأولى!!
جفت ثلاث حلقات و Oh my god, صراحة ابدااااااااااااااااااااااااااااااااع. رسم, ألحان, شخصيات, قصة.
ما ادري what was i thinking يوم قلت انه مش memorable. صراحة مسلسل توب توب توب.
غناءهم, تغير أصواتهم لما يغنون, شي عجيب و تميز فيه المسلسل. من ألحين واثق انه المسلسل دخل قايمة التوب 20.
و صراحة خسارة موضوعج ما اتكلم ازيادة عن الابداع اهنيه. مع انه الترتيب توب توب توب.
انجوفكم على خير ان شاء الله و لي عودة كل فترة^^
رد: الحديقة الحمراء (تقرير)
قلت لك..!!
بس ما قدرت أعبر بروعته
الصراحة انبهرت لما شفته
يعني عمري ما شفت أنيمي بهالاتقان والله
حتى الأنيميات الناجحة والمشهورة مثل ناروتو وون بيس فشلوا في هالنقطة
مع اني أحبهم بس ما أقدر أمدحهم في شي ما موجود فيهم
يعني أكيد شفت ناروتو كيف ردت فعلهم =_="
لووووووووعة وون بيس أخس وأخس
مافيها شي من الواقعية
يعني حتى لو الأنيمي خيالي على الأقل ردة الفعل والأصوات تكون واقعية
أما ريد غاردين الصراحة مافيه عيوب أبد من ناحية هالنقطة
ابداع ابداع ابداع حتى كلمة ابداع قليلة في حقهم...
غريبة انك ما لاحظت من البداية
لأني أول ما شفت الأنيمي انبهرت
كنت منزلة الحلقة الاولى بس وبعد ما شفتها نزلت البقية مرة وحدة
شي خيالي ويا ليت لو يسوون أنيمي ثاني مثله
وآنه انتظر الأوفا
مع أن شكل الأوفا عبيييييييط
والقصة غيييييييييييييييييييييييييييييير
بس البنات نفسهم
وشكرا على دعمك المسلسل بردك هاي ^__^
والسلام عليكم ورحمة الله
