Call Of Duty 4 أجمل لعبة بالعالم !! واللعبه خاليه من اي شي يسيء للإسلام
السلام عليكم ورحمة الله وبركاته
اخواني انا اشتريت Call Of Duty 4 على ال PS3 والصراحه اللعبه خياليه لأبعد الحدود
واقعية بشكل مو طبيعي وجرافيكس ماشفت اقوى منه فعلا لعبه متعوب عليها
بالنسبة للي شاك انه اللعبه تسيء للإسلام فأحب اقول انه اللعبه مافيها ولا شي يسيء للإسلام من جميع النواحي .. قصة اللعبه تتكلم عن تهريب اسلحه نوويه من روسيا الى العراق وهي صفقه تتم بين شخصيات هامه عراقيه وروسيه .. احداث القصه بالعراق وروسيا
اللعبه احداثها لا بالسعودية ولا بمصر ولكن مصممين اللعبه يستعينون بالكلام المكتوب فقط لأنه مجرد كلام عربي ويبون يضيفون الطابع العربي على اللعبه .. يعني في كلمات باللعبه مالها علاقه بشي مثل مغليّة صغيرة و كاتبين ( وحدانية ) لووووووووول
فممكن انه الكلام المكتوب جزء منه اختاروه المصممين عشوائي والنص الثاني مترجمين او استعانوا بالعرب المشاركين بتسجيل الاصوات ..
العرب كلامهم عربية فصحى والبعض منهم يتكلم بلهجة عراقيه
المهم مااطول عليكم .. اللي حبيت اوضحه بس انه احداث اللعبه بروسيا والعراق
وصج صج صج اقولها لكم اللي يبي يستمتع لا يطوف اللعبه هذي انا شريتها عال PS3 وراح اشتريها عال XBOX وبشتريها عال PC بعد
لعبه مثل هذي تستحق كل هذا واكثر .. والله يصبرني لين يبطلون الاون لاين :02:
واللي متردد يشتريها وخايف انه فيها شي يسيء للاسلام انا اقووله اني ختمت اللعبه 3 مرات وماشفت فيها ولا شي يسيء للاسلام اشترها وعلى مسؤوليتي :)
تحياتي لكم
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
الله يعطيك العافية أخوي حمستني زيادة
إن شاءلله بأخذها على البلاستيشن 3 والإكس بوكس
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
مشكوووووووووور يالطيب طمنتنا بس حاب اعرف من الاخوان في الامارات اذا نزلت ولا لا
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
اقتباس:
المشاركة الأصلية كتبت بواسطة White Knight
إن شاءلله بأخذها على البلاستيشن 3 والإكس بوكس
" إن المبذرين كانو اخوانا للشياطين "
ليش الأسراف اخوي؟ اهي نفس اللعبة..
اشترها على جهاز واحد كافي.. يا عال360 او الps3
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
اقتباس:
المشاركة الأصلية كتبت بواسطة digimon
مشكوووووووووور يالطيب طمنتنا بس حاب اعرف من الاخوان في الامارات اذا نزلت ولا لا
نازله من يوم الخميس.. معظم المحلات عندهم اللعبه.. اذا انت في دبي قولي و بدليك محل اللعبه موجوده عنده
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
اقتباس:
المشاركة الأصلية كتبت بواسطة FARES360
" إن المبذرين كانو اخوانا للشياطين "
ليش الأسراف اخوي؟ اهي نفس اللعبة..
اشترها على جهاز واحد كافي.. يا عال360 او الps3
أوكي بشتريها على البلاستيشن 3 مادام نفس الرسوم
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
خذتها اليوم على الPS3 ماقدرت اصبر :D لأني كنت ناوي اشتريها على ال XBOX
لعبة روووعة
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
اقتباس:
المشاركة الأصلية كتبت بواسطة U..A..E
خذتها اليوم على الPS3 ماقدرت اصبر :D لأني كنت ناوي اشتريها على ال XBOX
لعبة روووعة
ليش بس نسخة ال Ps3 نزلت قبل موعد صدورها ؟
نزلت نخسة ال 360 قبل موعد صدورها ولا لاء؟
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
^^
ماحصلت نسخة الاكس بوكس ..
النسخة راح تنزل تاريخ 5-11
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
سمعنا عن آيات او حاجة زي كذا والله ما ادري يش صاير + اذكر يوم نزل الديمو كانت ايه على جدار ، الشباب بدأ وشدخوا مليون رساله للشركة يطالبوا بحذف الايه .....هل حذفوها ؟ مادري
اقتباس:
" إن المبذرين كانو اخوانا للشياطين "
ليش الأسراف اخوي؟ اهي نفس اللعبة..
اشترها على جهاز واحد كافي.. يا عال360 او الps3
نصيحة جيدة ^^
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
اقتباس:
وصج صج صج اقولها لكم اللي يبي يستمتع لا يطوف اللعبه هذي انا شريتها عال PS3 وراح اشتريها عال XBOX وبشتريها عال PC بعد
وما الذي ستسفيده؟؟؟!!!!
اللعبة هي نفسها على كل الأجهزة !!!
اتبرع بثمن النسختين الأخريين لاخوانك في الصومال أو فلسطين واستمتع بنسخة الPS3 :)
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
الله يهنيك باللعبه ^^ ..
بس عندي سؤال ايهي احسن Call of Duty 4: Modern Warfare أو Medal of Honor: Airborne ؟؟
ومشكور عالموضوع :) ..
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
مشكور اخوي
والي يريد مايسرف فلوسه ياأخواني انصحكم بنسخة السوني 3 لعدة اسباب واولهم عدم عطل الجهاز والاونلاين مجانا .. :)
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
فعلاً لعبه روعه بكل المقايس اللعبه حائزه على اكثر من 40 جائزه في E3 وافضل جرافكس وافضل لعبة تصويب ومتع باللعب لإبعد الحدود الجرفكس على ال PS3 افضل من الاكس بوكس 360 بقليل واللعبه على هالجهازين بالاونلاين تتسع الى 16 لاعب اما عالحاسب الشخصي فيتفوق عليهم باللعب عالشبكة 32 لاعب.
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
والله اني محتار هل اخذها علئ البلاي استيشن 3 ولا انزلها من النت ,,بصراحه ما عندي HD TV وخايف يطلع الجرافكس مثل رسستنس بس علئ الكمبيوتر اشغل اللعبه علئ اخر الاعدادات و الجرافكس فيه خيالي..و بعد انا متحمس لي online في اللعبه يقولون عليه قويه
call of duty 4 is the best game
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
اقتباس:
" إن المبذرين كانو اخوانا للشياطين "
ليش الأسراف اخوي؟ اهي نفس اللعبة..
اشترها على جهاز واحد كافي.. يا عال360 او الps3
سبحان مغير الاحوال
الله يهدينا جميعا
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
الحكمه من اني اشتريها على كل الاجهزه انه اللعبه تستاهل انه الواحد يجربها على كل الاجهزه :p
اول شي البليستيشن الجرافيكس اقوى شي
الاكس بوكس التحكم احسن من البليستيشن
واذا ابي اتبرع اتبرع بأي فلوس مو شرط اتبرع من فلوس اللعبه
تحياتي :)
رد: Call Of Duty 4 أجمل لعبة بالعالم !! واللعبه خاليه من اي شي يسيء للإسلام
انت قلت على مسؤوليتك..؟!
اخويه العود يبغي يشترها ..و بيلعببها على 360 مالي..
يعني لو كان فيها شي انا بحصل اثم ...وانت تظمن انها ما فيها شي..يعني اذا فيها شي يسئ فلأثم عليك
وانا ابرء ذمتي من أي شي مسئ فيها ..
