call of duty 4 تسيء للإسلام

السلام عليكم ورحمة الله وبركاته

أنا شريت اللعبة على سوني 3 واللعبة تسيء للإسلام

أولا:هم يصورون لكل من يلعب اللعبة أن المسلمين قتلة فكل من يلعبها يرى أن الأمريكان في العراق أبرياء والمسلمون هم القتلة ففي اللعبة يضعون أسيرا يؤخذ بسيارة بها عرب يأخذون الأسير إلى رئيسهم الذي يقتله ولكن أين يقتله ؟

يقتله بساحة المسجد فكل من يرى اللقطة يعتقد أن المساجد بنيت لقتل الناس وسفك دمائهم

ثاتيا:لعبت في مرحلة يتطلب مني وأنا بالطائرة أن أقصف الأعداء بالصواريخ وألا أصيب الكنيسة فأصبت الكنيسة بالخطا فخسرت قي المرحلة وخلوني أعيد المرحلة وبمرحلة ثانية هناك مساجد قلت يمكن إذا ظربتها أخسر مثل الكنيسة ولما ظربت المسجد لم يحدث شيء

ثالثا: في الأونلاين في مرحلة تلعب و يمك مسجد والناس إذا لعبوا يحوشونه انزين ليش ما حطو كنيسة بدال المسجد؟؟؟؟؟

يا أعضاء المنتدى الكرم هذا استهزاء واضح من صناع اللعبة بالإسلام وإن كانت الأحداث في العراق فينبغي أن يحترموا مقدساتنا مثل ما يحترمون مقدساتهم ويجب علينا بدافع الإسلام مقاطعة اللعبة وجعلهم يتكبدون الخسائر

وآسف على الإطالة

مشكور اخوي على صراحتك واذا زي ماتقول بالنسبه ليا ماراح اخذها
لاكن
تجي لبعض الاعضاء في اكثر من منتدى يقلون اللعبه مافيها اسائه
والكلام الي تقول عليه هي الاسائه بعينها تسلم اخوي

انا اصلا من اول ماني حاطها في راسي اللعبه صحيح انها لعبه قويه لاكن يخسون ان كانها زي كذا اخذها
واتمنى انو مايجني واحد يقلي اذا ماهي عاجبتك لاتاخذها (اصلا من دون شوره انا ماراح اخذها ولاراح ادفع فيها ريال )
لاكن حنا مسلمين وننصح بعض

والله عقليتنا يالعرب معقده

الحين نتكلم عن لعبة لانها فيها ذبح المسلمين

ونسينااا المسلمين لي بفلسطين والشيشاان

بس شطاار على اشياء مالها معنى

اخوي عندك لعبة Assasians Creed بطل العبه مثل ماسمعته مسلم ويذبح المسيحين والمسيحين اهم لي مسوينها او يهود الله وعلم

ارتقو بالتفكير شووي وشكرا

فلسطين وغيرها مو موضوعنا موضوع الي اعلى منا

لاكن حنا نسوي الي نقدر عليه اقلها مندعم الشركه بلعبتها هاذي

وهذا الارتقاء بعينه في التفكير

اخوي كلامك في وجهة نظر .
بس انا ما لعبت اللعبه الى الان
ماقدر اعلق على كلامك لان ما فهمت قصة اللعبه و فاهم قصدهم بالضبط بالمواقف الي قلتها.

اقتباس:

---

أن يحترموا مقدساتنا مثل ما يحترمون مقدساتهم

---

من قال هم يحترمون مقدساتهم؟
بالعكس هم يسيئون لمقدساتهم في اكثر من موقف (خارج اللعبه). وانا ارى نحن المسلمين نحترم و نقدر مقدساتهم اكثر منهم !!

اقتباس:

---

اخوي عندك لعبة Assasians Creed بطل العبه مثل ماسمعته مسلم

---

!?! Who said that

اقتباس:

---

المشاركة الأصلية كتبت بواسطة Nat Nat

!?! Who said that

---

مو كاافي ان اسمه طيير alter او قريب من جذي

رفيجي متاابع لهم وقالي مع اني مو مهتم بهالعبه واايد

اقتباس:

---

مو كاافي ان اسمه طيير alter او قريب من جذي

---

اسم طير ماله علاقه في الاسلام . يمكن الاسم عربي لكن الاسم لا يدل على ان الشخص مسلم!

اقتباس:

---

المشاركة الأصلية كتبت بواسطة Nat Nat

اسم طير ماله علاقه في الاسلام . يمكن الاسم عربي لكن الاسم لا يدل على ان الشخص مسلم!

---

يبااا قلتلك مسلم

اذا ماتبيه مسلم على راحتك

ماراح اغصبك لوول

اصلا المفروض ماكنت تشتري اللعبة من الاساس انت عارف من قبل انها تسيء للاسلام !!!! :secruity:

انا الحمد الله ماشريتها ولا افكر اشتريها :star:

مادري لو نقدر نسمي بطل assassin's creed مسلم .. لأنه ينتمي لمجموعة الحشاشين و كانت هالمجموعه تدعي الاسلام و كانوا يستخدمون " الحشيش" وجذي ليش صار اسمهم حشاشين .. بس هذا مو موضوعنا ..

اخوانا المفروض ما ننكر أن لعبة COD4 فيها اساءة للمسلمين .. لكن انا مو متأكد لو اساءة بالاسلام بالتحديد .. فهم حاطين ان الارهابيين باللعبة روسيين و مسلمين .. يعني شهالاستهزاء الامريكي انه شباب بعمر الزهور يخلون بعقليتهم " اعدائكم هم المسلمين و الروسيين " .. ترى هذي حرب عقليه احنا ما نستوعبها .. اهم يربون أجيالهم على كره العرب .. بس فيه مرة حطوا لنا صورة سمحه ؟

دخلوا سايت قناة الجزيرة و اقروا مقاله مكتوب فيها " السينما الامريكية وجهت 1000 فلم تشوه فيه صورة المسلمين بينما فقط 12 فلم يبين المسلمين بصورة جيده " ..

هذا شي ما ننكره .. فيه ظلم من الجانب الغربي .. بس باللعبه ؟ أنا مو متأكد لأني ما لعبتها ..

وسلام

اقتباس:

---

المشاركة الأصلية كتبت بواسطة عاشق يوشي

اصلا المفروض ماكنت تشتري اللعبة من الاساس انت عارف من قبل انها تسيء للاسلام !!!! :secruity:

انا الحمد الله ماشريتها ولا افكر اشتريها :star:

---

انا بعد مابشتريها
بنزلها :biggthump
اسولف اسولف :09:

HAZE بتعوضنا ان شاء الله

اقتباس:

---

هذا شي ما ننكره .. فيه ظلم من الجانب الغربي .. بس باللعبه ؟ أنا مو متأكد لأني ما لعبتها ..

---

احداث اللعبه تصير في جدة بعد ,, واللي لعبها او جربها وشاف مقاطع البداية لها بيعرف كلامي ..

انا كنت ابى اشتريها لما ناس كثير قالو انهم ختموها وقالو مافي تدمير مساجد ولا اي شي

السلام عليكم

انا مالعبت اللعبه, بس يا جماعه اللعبه الي عرفت انه احداثها تصير بالعراق

وهل تتصورون انه بحطولكم ناطحات سحاب او جبال وثلوج يعني؟

خو كله اللعبه تدور احداثها بالعراق وهذي الاشياء ومعالم العراق مثلن مساجد

ومعالم قديمه وجذي.

وانا مادري اذا تسيء للأسلام مالعبت اللعبه . واكيد لو تسيء للأسلام ماني لاعبه

طبعا انا ما اشتريت اللعبه بس نزلتها من النت .. يا شباب منو ركز فيكم ان المرحله الثانيه يكون القتال في مكتب قنــــاه الجزيره ..حاقدين علئ قناه الجزيره :أفكر:

اقتباس:

---

المشاركة الأصلية كتبت بواسطة عاشق يوشي

اصلا المفروض ماكنت تشتري اللعبة من الاساس انت عارف من قبل انها تسيء للاسلام !!!! :secruity:

انا الحمد الله ماشريتها ولا افكر اشتريها :star:

---

لا يا اخوي انا ما كنت اعرف ولما لعبتها انصدمت

اقتباس:

---

المشاركة الأصلية كتبت بواسطة Zatar

والله عقليتنا يالعرب معقده

الحين نتكلم عن لعبة لانها فيها ذبح المسلمين

ونسينااا المسلمين لي بفلسطين والشيشاان

بس شطاار على اشياء مالها معنى

اخوي عندك لعبة Assasians Creed بطل العبه مثل ماسمعته مسلم ويذبح المسيحين والمسيحين اهم لي مسوينها او يهود الله وعلم

ارتقو بالتفكير شووي وشكرا

---

أولا:احنا ما نسينا المسلمين في فلسطين والشيشان وإذا انت نسيتهم هذا شي راجعلك

ثانيا:إذا الإساءة للدين شي ماله معنى عيل شنو اللي له معنى

ثالثا:لما أشوف لعبة تهين ديني وأتكلم عنها وأنصح بعدم شرائها هذا الارتقاء بالتفكير مو أشوف اللعبة وأقول ارتقو بالتفكير

والاختلاف لا يفسد في الود قضية :)

كنزان الله يعطيك العافية وانا معاك في كل شئ انت قلته

اقتباس:

---

المشاركة الأصلية كتبت بواسطة SUPER HUNTER

انا بعد مابشتريها
بنزلها :biggthump
اسولف اسولف :09:

---

ههههههههههههههه :D

اقتباس:

---

المشاركة الأصلية كتبت بواسطة كنزان88

لا يا اخوي انا ما كنت اعرف ولما لعبتها انصدمت

---

:deal::stupido2:

اقتباس:

---

المشاركة الأصلية كتبت بواسطة عاشق يوشي

:deal::stupido2:

---

????????????????????????????? ما فهمت شنو قصدك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله يا اخوان
انتو تكبرون الموضوع على الفاضي
انا خلصت اللعبه وماشفت شي
القتال الي يقول عنه يصير بجانب المسجد مافي شي داخله
وثانيا مشاهد القتل الي تصير
هم تحلمو فيها يعني وطبقوها
مو هم شايفنها قاعد تصير بالعراق كل يوم والثاني ماسكين مصور و مراسل وقاصين راسه وادزين للتلفزيون

الي يبي يشتري اللعبه عليه بالعافيه
والي مو شاريها شدعوه راده عليه الشركه الحين لا ولا تبي تصكر
اذيتونا بهالسالفه
احنا ناس كبار ونعرف الصح من الغلط
يأذن المسجد والصلاة تقوم ونصكم قاعد على الانترنت ولا يلعب بلايستيشن
والحين جاين تقولين لي حرام وحلال

القصة عن ارهابيين مسلمين !! <<< (هذي حقيقة )

الآيات القرآنية شالوها من اللعبة و هذا شيء علشان خاطرنا ^_^ و هذا شيء جميل جدا ^_^

ما فيه تفجير مساجد ^_^ الا اذا أنت رحت و قصفت مسجد @@ صاحب الموضوع عملها @@

تفجير كنيسه راح تخسر <<< so wat مو مطلوب تفجرها ؟؟

المهم من وجهة نظري . . . اللعبة فيها و عليها

يعني لو كانوا يبون يعملون إساءة للدين الإسلامي كانوا وضعوا الآيات و ما شالوها ؟؟ ^_^ صحيح ^_^
و عن المرحلة الي تلعب في مكان فيه مسجد ما أشوف انه فيها اساءة لأنهم ما دخلوا داخل المسجد فقط مظهر .
في اللعبة كلها الإساءة الوحيدة كان لما يقتلون رجل أمام المسجد <<< جدا جدا قهرتني

و في النهاية هذا هو رأيي لا أكثر و لا أقل .
و اذا تبون تشترونها هذا شيء جيد لأن اللعبة ما تتفوت من جميع النواحي خصوصاً الأون لاين
و اذا ما تبون تشترونها هم شيء جيد لأن فيها إساءة بسيطه للإسلام .

اقتباس:

---

المشاركة الأصلية كتبت بواسطة كنزان88

????????????????????????????? ما فهمت شنو قصدك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

---

أعتقد قصده...
" اقرأ عن اللعبة في المواقع قبل لا تشتريها " ...

ليش الإستغراب !!!...مب المفروض ان كنا نتوقع ها شي أساسا من العروض اللي شفناها قل :006:

اللعبة أحداثها تحدث في العراق ...و هم طبعا "يمجدون" نصرهم هناك على انه انتصار للحرية الأمريكية و خزعبلات قناة فوكس:newangel: ....وهو في الحقيقة أكبر انتكاسة و دليل آخر على مدى الذل اللي هو حالنا

للأسف الشديد مستوى رسوميات هذه اللعبة مبهر جدا كذلك المؤثرات الصوتية لكن المحتوى فاسد


للعلم بطل Assasin Creed يقتل قادة المسلمين و الصليبيين بدعوى منع قيام الحرب و إحياء السلام (فكرة سخيفة جدا وساذجة)

اقتباس:

---

المشاركة الأصلية كتبت بواسطة obie trice

القصة عن ارهابيين مسلمين !! <<< (هذي حقيقة )

الآيات القرآنية شالوها من اللعبة و هذا شيء علشان خاطرنا ^_^ و هذا شيء جميل جدا ^_^

ما فيه تفجير مساجد ^_^ الا اذا أنت رحت و قصفت مسجد @@ صاحب الموضوع عملها @@

تفجير كنيسه راح تخسر <<< so wat مو مطلوب تفجرها ؟؟

المهم من وجهة نظري . . . اللعبة فيها و عليها

يعني لو كانوا يبون يعملون إساءة للدين الإسلامي كانوا وضعوا الآيات و ما شالوها ؟؟ ^_^ صحيح ^_^
و عن المرحلة الي تلعب في مكان فيه مسجد ما أشوف انه فيها اساءة لأنهم ما دخلوا داخل المسجد فقط مظهر .
في اللعبة كلها الإساءة الوحيدة كان لما يقتلون رجل أمام المسجد <<< جدا جدا قهرتني

و في النهاية هذا هو رأيي لا أكثر و لا أقل .
و اذا تبون تشترونها هذا شيء جيد لأن اللعبة ما تتفوت من جميع النواحي خصوصاً الأون لاين
و اذا ما تبون تشترونها هم شيء جيد لأن فيها إساءة بسيطه للإسلام .

---

أنا ما أدري شلون تفسرون الكلام على هواكم أنا موكاتب طلاسم أنت تقرى اللي يعجبك وتخلي اللي ما يعجبك أنا قلت يمكن إذا ظربت المسجد أخسر المرحلة مثل المرحلة اللي إذا ظربت الكنيسة تخسر فيها
بعدين يا أخي أي إنسان غير مسلم لما يلعب اللعبة راح يعتقد أن الإسلام دين القتل وسفك الدم ماراح يقول أن هذيله إرهابيين والإسلام بريء منهم
وأرجو أنك تقرا الموضوع عدل

انا جالس العب باللعبة وما شفت للان ولا كتابه على الجدار تسيء للاسلام ولا حتى الله اكبر ولا شي

اللي مكتوب انفنتي وور بالعربي وكمان - نهئي من عارف مين وكذا

بس الاسائة اللي فيها انهم متصورين العرب ارهابيين ومني عارف ايش من احداث اللعبة في مدينة جيزان و جدة والرياض وايش من حرب صاير في السعودية اعتقد انهم ضرب طيارات ومن عارف ايه ودبابات في الشوارع السعودية هذا الشي ماقد صار وانشاء الله مارح يصير .

بس هما قصدهم يبون يشوهون سمعة المسلمين على اساس انهم ارهاب هذا اللي يبون يوصلون له

وانا اعتقد اللي خلاهم يفكرون الشي هذا الاحداث الارهابية اللي انت تصير وعمليات الجهاد اللي في العراق يحسبونها ارهاب وكذا


على العموم الشركة اعتقد اركبت غلط بانهم دخلوا الاسلام بالصورة هذي

واعطوا المسلمين العرب والسعوديين سبب ثاني لاننا نكرهم زيادة


المفروض علينا اننا ندعيلهم بالهداية مثل ماكان الرسول عليه الصلاة والسلام يعمل فادعولهم بالهداية احسن من السب واللعن لان هذا خطا يخليهم يكرهونا زيادة باننا ندعي عليهم

فكوكم من المضاربة - الواحد فيكم يسال شيخ احسن من الفتاوى

في امان الله

قريت الموضوع عدل :

أنت قصفت مسجد و كنيسه و لاحظت انك تخسر اذا قصفت كنيسه <<<< ياخي مو مطلوب لا تقصف لا كنيسة و لا مسجد

و بعدين فيه فرق بين المسلمين و المسلمين الإرهابيين :33:

الي باللعبة هم الإرهابيين يعني تنظيم القاعده و طبعاً مو كل المسلمين مثلهم .
الي باللعبة قتله و سفاحين ( الإرهابيين ) <<< هذه الفئة موجودة و على فترات يعرضون شريط و هم يقصون راس شخص مدني ما له دخل بالحرب .

الي باللعبة هم مسلمين إرهابيين و طبعاً هذول الإسلام برىء منهم و من أعمالهم .
و على فكرة اللعبة مو حق الأطفال. 17 و فوق يعني ناس تعرف الفرق بين الإرهابيين المسلمين و المسلمين المسالمين :D
الا الناس الي يلعبونها و ما يعفون ولا شيء عن الإرهابيين ....الخ هذول تتكون عندهم صورة سيئة عن الإسلام :cussing:

و شكراً و أتمنى تتقبل مروري يالغالي يا قاصف المساجد <<<< أمزح معاك:09:

اقتباس:

---

المشاركة الأصلية كتبت بواسطة dely10

اللعبه حلوه بس فيها اساءة للعرب والاسلام وحتى روسيا معصبين يا حلو
أمريكا تبي تلعب دور البطوله في كل شي وعليها مخالفات عسكريه
وكل يوم فاصلين ضابط من العراق وأظن أن الكل يعرف فضايح امريكا في العرق وفي اصور
اللي ما يتكلم عن الغلط والحق خل يقط ضميرة وكرامته بالزباله ويلحق .................
:flybye:تحياتي

---

تقول روسيا معصبين ها كثر منها
امريكا اكثر الافلام الامريكيه تكلم عن روسيا
ماشوفهم تكلمو
ولا بس على اللعبه هذي
اقول ياريت بس لو نشغل عقولنا شوي
الروس ماينظرون لسوالف هذي لانها لاتقدم ولا تاخر عندهم
السوالف هذي الي شاطرين فيها العرب
بس حجي هذا الي عندكم
اما فعل ماكوووو

اخوي اولا اشكرك على غيرتك على الاسلام

وثانيا انا لعبت اللعبه وماشفت المقطع اللي يعدمون في المسجد

واذا قصدك على ثاني مرحله فلو تلاحظ انه المأذنه مو بنفس المكان

تكون ورا المكان

ومن ناحية المسلمين انهم ارهابيين فالمقصد من اللعبه اهم الارهابيين الي يدعون انهم من الاسلام

مثل اللي تشوفهم في الاخبار يذبحون الناس الابرياء

وانا شي واحد منقهر منه انه ليش مدخلين السعوديه انها فيها حرب والله يبعد عنها شر الحروب

و هذا اللي بغيت اقوله :)

والله ياجماعه انا مسيحي وارجو قرائة ردي وارجو من اي شخص ان لايسيء لي بشكل شخصي او لديني


اولا اللعبه بها اساءه للعرب ككل , انا ما روحت السعوديه ولا جده ولاكن , اكيد هي اجمل بكثير من مارأينا , يعني حطوها قبل 50 سنه , والشوارع وسخه , وصوروا انهم كلهم يتعاملون بالعنف في الشارع , طبعا انا اتكلم عن اول فيديو تاع الاختطاف , يعني اهانه كبيره , جده جميله وهني صورها كانها من قبل الرسول عليه السلام , بالفعل شيء مسخره
وثانيا , صحيح انهم يعنون الارهابين , ولاكنهم اساءوا للدين الاسلامي بشكل كبير .............
وانا بصراحه يصيبني قشعريره لما اقتل واحد عربي حتى لو مو من ديني , بس هوي عربي.......

وانا عن نفسي احترم الدين الاسلامي كل احترام ,دين قدير وعزيز كباقي الديانات ....وانا عن نفسي لست متدين , ولاكني احب كل الديانات , لو انهم يختلفون في بعض الامور الا انهم في الاخر يعبدون ربا واحد ....

وشكرا

الحيين لي مزعلكم حاطين مسجد بالعبه ترى كلها لعبة
والرسول صلى الله عليه وسلم امر بهدم مسجد او حرقه لان المنافقين لي بنووه ويعني شنو ابالك في لعبه وكفار مسوينها
لا صارت موعد الصلاه يعني تبي تصلي بالعبه فيه ؟
االمهم اعذروني على الاطاله

لعبتها و ما فيها لا إساءة و لا هم يحزنون

اشتروها لأن رسومها قوية و اللعب جميل جدا و الأصوات أحلى و أحلى و الأون لاين ممتاز للغاية و أنا اشتراكي 1 ميقا ما يحوشني لاق تقريباً 90% بدون لاق ^_^

ما اقدر احكم على اللعبة إلا لما اخلصها كامل ,,,,,, على العموم هي جايه في الطريق , مسوي لها order

اقتباس:

---

المشاركة الأصلية كتبت بواسطة روبينهو الاتحاد

لعبتها و ما فيها لا إساءة و لا هم يحزنون

اشتروها لأن رسومها قوية و اللعب جميل جدا و الأصوات أحلى و أحلى و الأون لاين ممتاز للغاية و أنا اشتراكي 1 ميقا ما يحوشني لاق تقريباً 90% بدون لاق ^_^

---

أنت تلعب وأنت مغمض عينك

اقتباس:

---

المشاركة الأصلية كتبت بواسطة Zatar

الحيين لي مزعلكم حاطين مسجد بالعبه ترى كلها لعبة
والرسول صلى الله عليه وسلم امر بهدم مسجد او حرقه لان المنافقين لي بنووه ويعني شنو ابالك في لعبه وكفار مسوينها
لا صارت موعد الصلاه يعني تبي تصلي بالعبه فيه ؟
االمهم اعذروني على الاطاله

---

أخوي كلامك بفتقر للمنطق
شدخل قول الرسول صلى الله عليه وسلم باللعبة بعدين
بعدين الحجي معاك ما منه فايدة

اقتباس:

---

المشاركة الأصلية كتبت بواسطة كنزان88

أخوي كلامك بفتقر للمنطق
شدخل قول الرسول صلى الله عليه وسلم باللعبة بعدين
بعدين الحجي معاك ما منه فايدة

---

اظاهر ماكثرت من المنطق برديي ولا تزعل تبي منطق مع شويه سلطه ؟
مو حضرتك زعلان الانهم حاطين مسجد بالعبه ؟
إذا خاطبكم الجاهلون قولوا سلاما

كنزان
شسالفتك
يا اننا نكون نفس رايك ولا تبي تهاوش مع الكل
ياريت نرتفع شوي في حديثنا
يا اخي انت تشوف فيها اساءه لا تشتريها