اخيراً .. اشتريت الـPSP !

السلام عليكم ورحمه الله وبركاته

امس رحت لمجمع الرحاب بحولي ناوي اني آخذ البي اس بي .. كان في بالي اني باخذ Slim ابيض و ميموري 1 جيجا وبشتري معاه 4 جيجا ميموري .. بس رحت محل وعطاني صفقه حلوه << بعد ما كتبت هالجمله حسيت اني رجل اعمال :09: .. المهم قالي ابيعك الـPSP Slim اسود ومعاه 4 جيجا بـ75 دينار (( تقريبا ً 950 ريال )) .. انا كان ودي بأسود لأنه لوني المفضل فعلى طول قلتله عطني اياه :D .. طبعاً الجهاز معدّل ونزلي عليه Daxter + Silent Hill + FF Tactics + Syphon Filter + Breath of Fire 3 + Metal Gear Solid PO .. لعبت للحين بس في Silent Hill عرض البدايه اذهلني والموسيقى روعه !! .. وصلت لعند المستشفى وماعرفت اخزّن وطفيته والحين مالي خلق ابدى من البدايه ><" .. ادري توني ببدايه اللعبه بس مالي خلق امشي شوي شوي مره ثانيه :( .. ممكن احد يقولي شلون اخزّن ؟ .. لأني حاولت وماعرفت شلون !

وعندي كم طلب منكم لو سمحتوا :)
1- ابي موقع لتحميل العاب الـPs1
2- ابي كم ثيم للجهاز (( ولو فيه موقع للثيمات يكون افضل ! ))

باقي الانطباعات بحطها بعد ما العب باقي الالعاب :)

الف مبروك يتربى في عزك :dancing:


المهم هذي الاجوبة :

1- التخزين في سايلنت هيل تلقى حاجة زي اللوحة في الجدار لونها برتقالي اعتقد اول ما تدخل المستشفى

2- تلقى الالعاب من هذا الموقع

3- الثيمات والبرامج تلقاها هنا

ومبروك عليك الجهاز مرة اخرى

واذا عندك اي استفسار انا حاضر

مبروك سيد أكس بوكس على الجهاز :biggthump أتمنى انك تستمتع فيه , و بالنسبة للعاب الـ Lunch فكلها ممتازة و خصوصا Daxter و SH : Origins , طريقة التخزين فيها عن طريق الضغط على المثلث الأحمر الموجود على الحائط في أماكن مُعين في العبة ( و اذا عندك أي استفسار عنها زور الموضوع الرسمي لها ) .

اوف...ليش؟؟؟

عند XBOX 360 ...؟ اذا الجواب نعم فليش خذيت الـ PSP ...

عندك PS3 ...؟ لأ... طيب ليش ما اخذته اصرف من الـPSP ...؟ <<< أعاتبك خخخخخخ

بس كان أفضل لو انك فكرت تاخذ PS3 واذا كان عندك لا تفكر في الـPSP لأنه من الجيل القديم><

بغيت انسى مبروك عليك الجهاز^^"...

^^^^

الاكس 360 وال PS3 من اجهزة الكونسول اما الPSP من الاجهزة المحمولة

ويعتبر البي اس بي خيار ممتاز خصوصا خارج المنزل لانه عن طريقه يمكنك مشاهدة الافلام وغيرها

الـPs3 بشتريه ان شاء الله .. بس من زمان ودي في الـPSP وعليه العاب حلوه ماجربتهم ومابي اضيع علي الجهاز .. وبعد لأنه جهاز محمول والعب عليه في اي وقت واي مكان ابيه

وعندي الاكس بوكس 360 فهو حالياً يكفيني من الاجهزه الأخرى

شباب عندي مشكله !
نزلت لعبه Hot Pxl وطلعت لي ملفات كثيره فحطيتهم في ملف واحد (( RAR )) والحين صار كل ما اشغّل اللعبه يطفي الجهاز !
وبعد لعبه ميتل جير لما جربتها علقت علي في مكان وبعدين يطفي الجهاز !!!

^^^^

نزل آخر ابديت ونزل الباتش حقه الي هو 3.71m33

ومبروك الجهاز

مبروك عالجهاز ويتربى بعزك

نصيحتي لك العب سيفونه فلتر تراها اسطورة عالجهاز

اقتباس:

---

نزل آخر ابديت ونزل الباتش حقه الي هو 3.71m33

---

منزّل على الجهاز ..

طيب شباب لما انزل لعبه PS1 احطها بملف الـISO ولا احطها في ملف ثاني ؟ .. وهل في خطوه لازم اسويها باللعبه ولا على طول احطها في الميموري ؟

مبروك عليك الجهاز ، أنا راح أشتري واحد بعد يومين :)

الألعاب راح تحصلها في مواقع التورنت أو في هذا الموقع ( يتطلب التسجيل ) ، أو يمكنك حتى أن تحمل ألعاب الـ PS1 ثم عن طريق بعض البرامج ، تستطيع تحويلها إلى نسخة تعمل على الـ PSP
Enjoy your PSP ;)

اقتباس:

---

المشاركة الأصلية كتبت بواسطة Mr.Xbox

منزّل على الجهاز ..

طيب شباب لما انزل لعبه PS1 احطها بملف الـISO ولا احطها في ملف ثاني ؟ .. وهل في خطوه لازم اسويها باللعبه ولا على طول احطها في الميموري ؟

---

ألعاب الـ PS1 المحوله للـ PSP تأتي في مجلد يحتوي على ملفين ، تضع هذا المجلد في المجلد Game أو Game150 ( ما أذكر الأسم بالضبط ) في الممري :)

^
عرفت شلون اشغل الالعاب .. طلع لازم في برنامج علشان احول اللعبه علشان تشتغل :) والحمدلله ضبطت معاي

يعطيك العافيه على المساعده

وفي عندي سؤال بعد .. ادري كثرت الاسئله بس استحملوني شوي :09:
لما نزلت HotPxl طلعلي ملفات كثيره (( الصوره بالمرفقات )) .. شنو اسوي بهالملفات واي وحده هي اللعبه ؟

ألف مبروك على الجهاز

على طاري الملفات الكثيره فإنك تفكها (extract) برنامج اسمه winrar
و بعدها ستحصل على ملف و احد تضعه في مجلد ال iso

و أنصحك لا تحط ثيمات
فطريقتها صعبه و مو Ok 100%
إلا بحاله و احد أن تختار ثيمات بسيطه مثلا إلي تغير iconsو opening

و أي استفسار أنا حاضر

اقتباس:

---

المشاركة الأصلية كتبت بواسطة Mr.Xbox

^
عرفت شلون اشغل الالعاب .. طلع لازم في برنامج علشان احول اللعبه علشان تشتغل :) والحمدلله ضبطت معاي

يعطيك العافيه على المساعده

وفي عندي سؤال بعد .. ادري كثرت الاسئله بس استحملوني شوي :09:
لما نزلت HotPxl طلعلي ملفات كثيره (( الصوره بالمرفقات )) .. شنو اسوي بهالملفات واي وحده هي اللعبه ؟

---

الظاهر أنك جديد على تحميل الألعاب من الأنترنت :) ، أضغط باليمين على أول ملف وأختار " فك الضغط بواسطة ونرار " ، بعد فك الضغط راح تحصل ملفات اللعبه ;)

اقتباس:

---

ألف مبروك على الجهاز

---

الله يبارك فيك :)

ويعطيكم العافيه شباب الحمدلله اللعبه اشتغلت :)

مبروك أخوي , أحسنت اختار الوقت الذي تشتري فيه البي اس بي فلديه الآن العديد من الألعاب المميزة وخصوصا مع نزول سايلنت هيل .

مبروك عليك الجهاز ومرحبا في عالم الترفيه المتنقل << وش فيه ؟؟

على فكرة راجع موضوع PSP WIKI راح تلاقي كل اجوبة تحتاجها موجود فيه
اضافة لاتفكر تحمل ثيمات طريقتها خطيرة وعواقبها اليمة اهمها ترمي الجهاز يعني كانه RedLight >_<

الله يبارك فيكم

اقتباس:

---

وخصوصا مع نزول سايلنت هيل .

---

اي اكيد هاللعبه روعه .. فيها رعب مو طبيعي خصوصاً الاصوات اللي فيها .. تقريباً صارلي فيها ساعه ونص

اقتباس:

---

على فكرة راجع موضوع PSP WIKI راح تلاقي كل اجوبة تحتاجها موجود فيه

---

فعلاً هالموضوع روعه .. قريته قبل ما اشتري البي اس بي وبعد ماشريته .. يعطيك العافيه شادو :)

اقتباس:

---

اضافة لاتفكر تحمل ثيمات طريقتها خطيرة وعواقبها اليمة اهمها ترمي الجهاز يعني كانه RedLight >_<

---

صج !! .. خلاص غيرت رايي خلني على الخلفيات احسن :09: .. لووول عجبني التشبيه :p

مبروووك ....

ويتربى في عزك ويكبر ويصير بي اس 1 ....


الا عندي سؤال ... عندي واير المخصص للبي اس بي سليم ... وهو خاص للتحويل الشاشة من البي اس بي الى التلفزيون ...


الحين حطيت الواير والواير اصلي ترى ويجي 3 مدخلات للتلفزيون .... وكل ما احط الواير واحول .... يطلع اوكي بس لمن العب يطلعلي مسج انه مايصير ليش؟؟

يعني انه خلاص الصورة طلعت بالتلفزيون بس كل ما ابي العب يقولي مايصير ... وتلفزيوني ال سي دي نوع سامسونغ

mr.xbox شلون أقدر أشغل ألعاب الPS1 على الPSP عندك موضوع معين تقترحه علي في المنتدى لقرائته عشان أعلم؟

الف مبروك اخي على الجهاز

اخوي Deadly

اول شي لازم يكون جهازك يشغل العاب الـPS1 (( شوف نظام جهازك .. التطوير مالي جديد ما ادري اذا مالك يدعم العاب الـPS1 او لا )) على العموم انا مالي هو 3.71M33
اذا جهازك يشغل العاب الـPS1 كمل هالخطوات :
نزّل البرنامج اللي يحوّل صيغ العاب الـPS1 الى صيغه يدعمها الجهاز (( واللي هي Eboot )) .. البرنامج موجود على هذه الوصله .. وبعد ماتفتح البرناج حط ملف اللعبه (( تأكد من صيغه اللعبه اذا متوافقه مع البرنامج ولا لا .. بس هي على الاغلب بتكون متوافقه مع البرنامج لأنه يدعم اكثر الصيغ انتشاراًفي العاب PS1 اذا تبي تتأكد من الصيغه اذا يدعمها ولا لأ لما تفتح البرنامج تلاقي مكتوب الصيغ اللي يقبلها )) وراح يحولك اللعبه الى الصيغه اللي يدعمها الـPSP وبعدها حط الملف في ملف الـISO ومبروك عليك اللعبه :)

اي سؤال انا حاضر :)

والله يبارك فيك اخوي Mac Fan Kid