إنا لله و إنا إليه راجعون.

السلام عليكم و رحمة الله و بركاته

شـــــــــــــــــــبـــــــــــــــــــــــــــــاب
:02:
الـ360 مالتي عطتكم عمرها
كنت قاعد العب Call Of Duty 4 online و شغل عدل، و مرة وحدة الشاشة وقفت (علقت).
سويت Restart و دخلت مرة ثانية online و همن علقت اللعبة. قلت يمكن العيب من الـDisc!
جربت لعبة ثانية اللي اهي Halo 3 و نفس المشكلة صارت. ولما سويت restart للمرة الرابعة. ظهرت الطامة الكبرى. ظهر كابوس كل Gamer.
.
.
.
.
الـ3 Red Lights
http://www.geocities.com/coolguy222444/DSC04671.JPG

:jap005:
عاد كنت ناوي ألعب Assassin's Creed, Mass Effect, Naruto. و ليلحين ما مليت من COD4 online (اللعبة مأجرها) بسالله ما كتب. اخترب الجهاز بأحلى وقت لنزول الالعاب.
اتصلت على Maicrosoft و قالوا ان التصليح ياخذ 2-4 أسابيع و راح يرسلونلي الـصندوق اللي أقدر ارسلهم فيه الجهاز خلال 5 أيام.
و على فكرة، هذي المرة الثانية اللي اخترب فيها جهازي. المرة الأولى كانت المشكلة ان كل ما ألعب لعبة يطلعلي: Error: Disc is scratched مع ان اللعبة يديدة!!

شكلي بقزرها بـSuper Mario Galaxy عالـWii على ما تتصلح الـ360

انا لله و انا اليه راجعون.

للحين مو شايل لزقة الليزر عاليسار لوول..

ولييين ياخي مشكله ....
والله خايف على جهااازي
انا اهم شي عندي بالاكس بوكس 360 بكبره هو : رزدنت ايفل 5 !!
اهم شي الحق عليه
بس هذا ويهي .. استقبل شهر شهرين طالعلي ريد لايت
انزين ممكن تفيدنا من خلال موضوعك

جاوب على هالاسئله :
جم ساعه لعبت ؟
حاطه بمكان فيه تهويه ؟
الخ ؟

الله يعوضك لكن ثاني مره يااخوي خل الجهاز واقف عشان التهويه تكون افضل

جرب تفصل كل الوايرات عن الجهاز وتشيل اي سي دي داخل الجهاز وتنطر ربع ساعه وجرب مره ثانيه

FARES360:

اقتباس:

---

للحين مو شايل لزقة الليزر عاليسار لوول..

---

Lo0oL
ليش؟ لازم أشيلها؟ :09:

iNFaMY:

اقتباس:

---

جم ساعه لعبت ؟

---

أمس قبل لا أنام يمكن لعبت ساعتين.
اليوم الظهر لعبت أقل من ساعة و حصل اللي حصل :(

اقتباس:

---

حاطه بمكان فيه تهويه ؟

---

صورتلك مكانه:
http://www.geocities.com/coolguy222444/DSC04674.JPG

مكان عادي....... و بعد مركب intercooler

فوق المستحيل:

اقتباس:

---

الله يعوضك لكن ثاني مره يااخوي خل الجهاز واقف عشان التهويه تكون افضل

يلا معوضه وعظم الله اجركم

---

تسلم أخوي.
بالعكس، أنا سمعت بالـPodcast مال موقع GameSpot انا تحطه بالعرض أحسن.


هالشغلات الصغيرة ما تأثر:
- وضعية الجهاز.
- تهوية الغرفة.
و و و و

الجهاز ضعيف...... و راح يخترب مهما كان اذا وده يخترب :p. أحنا شرينا الجهاز و ندري بهالشي :أفكر:

للاسف اخوي

مكانك سيئ جدا + الانتركولر اكبر سبب للريد لايت

انصحك المره القادمه تحطه بالمكان الاوسع.يعني الفتحه الي على اليمين

ودام انك سامع الجيم سبوت يقول بالعرض افضل..فمادري غريبه والله..اشوف التهويه تكون افضل بالطول

الحين اخوي

جرب تفصل كل الوايرات عن الجهاز وتشيل اي سي دي داخل الجهاز وتنطر ربع ساعه وجرب مره ثانيه

وخبرنا

عظم الله اجرك .. كل شي يتعوظ .. اهم شي صحتك XD
سؤال: وين العزا ؟

شيل ال intercooler
.. وركب الواير ورا عدل..وشغله مره ثانيه من غير الكولر
شوفوه يشتغل وياك ولا لأ ..

حظك مب حلوو

انا مكان ال360 عندي التهويه فيه اسوأ من الي عندك ومع ذلك شغال تمام

الدنيا قسمه ونصيب <<< زواج هو :09:

@_@

azem allah agreek

حاول تشتري الايليت وتفك عمرك من الرد لايت

او اذا مايكروسوفت صلحوه لك يكوف افضل وافضل

@_@ @_@ @_@ @_@ @_@ @_@ @_@ @_@ @_@ @_@ @_@

اقتباس:

---

ودام انك سامع الجيم سبوت يقول بالعرض افضل..فمادري غريبه والله..اشوف التهويه تكون افضل بالطول

---

اهمه نصحوا بهالطريقة(بالعرض) علشان يقل الـDisc Scratching.
فيمكن معاك حق ان بالطول أحسن للتهوية.

اقتباس:

---

جرب تفصل كل الوايرات عن الجهاز وتشيل اي سي دي داخل الجهاز وتنطر ربع ساعه وجرب مره ثانيه

وخبرنا

---

اقتباس:

---

شيل ال intercooler
.. وركب الواير ورا عدل..وشغله مره ثانيه من غير الكولر
شوفوه يشتغل وياك ولا لأ ..

---

جربت حركتكم عالسريع و لعبت شوي و كل شي تمام.
أنا ألحين ماشي........ باجر بجربها مرة ثانية عدل و ألعب لمدة ساعة و أشوف شيصير.
على الأقل ألعبلي كم يوم على ما يوصللي الصندوق.
ان شاء الله خير :D

نفس الشيء صادني . . .الحين بصير كأن الجهاز بين الحياة و الموت , ساعات تلعب 3 و أكثر و مايصيده شيء و ساعات 5 دقايق و يعلق عشوائيا .

بس كله جذي

خرعتني, حسبت واحد من أعضاء المنتدى مات الله يطول في عمرهم :09:

نفس حالتي :D ,,, المشكله انه الريد لايت يطلع لك بأوقات انت تكون مستمتع باللعبه :biggthump

للأسف معى اني مااستخدم الجهاز كثير طلع لي ريد لايت ,, والآن جهازي بالتصليح ع امل

يصير شيء فيه :(


.. وماتشوف شر ان شاء الله :D

طيب ممكن تقول لي كيف انت ارسلته لمايكروسوفت او كيف راسلتهم ؟
لأني حتى انا جهازي خرب قبل اسبوع ومبتلش فيه وهو نظامه PAL وغير معدل ..
وعندي بعد جهاز ثاني لكنه معدل يشغل الكوبي ,, وخربان من سنتين تقريباً ,, أقدر حتى هو ارسله لهم
ويصلحونه لي ؟ وكيف ؟

اخواني اللي يبغى يصلح جهازه يتفضل يقرا الموضوع انشاء الله يستفيد
http://www.montada.com/showthread.php?t=560711

انزين شو هو الكود الي طلعك ؟
اذا ما تعرف كيف تطلع الكود عطني خبر .

اقتباس:

---

المشاركة الأصلية كتبت بواسطة Mr.X

طيب ممكن تقول لي كيف انت ارسلته لمايكروسوفت او كيف راسلتهم ؟
لأني حتى انا جهازي خرب قبل اسبوع ومبتلش فيه وهو نظامه PAL وغير معدل ..
وعندي بعد جهاز ثاني لكنه معدل يشغل الكوبي ,, وخربان من سنتين تقريباً ,, أقدر حتى هو ارسله لهم
ويصلحونه لي ؟ وكيف ؟

---

أعتقد انه cantona حاليا مقيم بأمريكا ..فقريب عليه وسهل ..
بخصوص الجهاز المطور للكوبي.. لأ ما يصلحونه مايكروسوفت لك ..

لوول عظم الله اجرك

ان شاءالله تستفيد
من

هنا

يا جماعة تصدقون إني لين الحين مب مقتنع بالانتر كولر ....
يعني إذا الاكس بوكس ما فيها مراوح مو مشكلة .. اذا قطعة من مايكروسوفت و قالت ضرورية مو مشكلة ..
اذا كان الأكس بوكس بمواصفات امريكية ما تتحمل الحر نقول مو مشكلة ..